المساعد الشخصي الرقمي

مشاهدة النسخة كاملة : بدون اجابات



witch evil
12-24-2008, 03:09 AM
بدون اجابات

فكرين برنامج بدون منتاج اللى كان بيجى فى رمضان زمان , اهو ده بقى بدون اجابات

مش مصدقين بجد فى اساله كتير انتشرت وملهاش اجبات .

مش مصدقنى برضوا وزمنكم بتقولوا انى فوت طب تعالوا شوفوا معايا الشلل اللى على اصله عشان تعرفوا انا ليه كده

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

***********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


(( لا.. بتفرّج عليه ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))


***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))

***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))


اخ كانت فتره طويله من الرخامه الحمد لله انها عدت على خير واتمنى متكنش ازعجتكم

Mahro_ the boat of age
12-24-2008, 03:52 AM
ههههههههه بجد موتينى من الضحك ده فعلا وحقيقى واجملهم دى


أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

witch evil
12-24-2008, 11:47 PM
اشكرك على مروك وبجد مبسوطه انهم عجبوك بجد انا كل مبقراهم بيغظونى

ههههههههههههههههههههههههه

Wild_Angel
12-25-2008, 09:27 PM
شر البلية ما يضحك
موضوع جميل يا حوريه

witch evil
12-25-2008, 09:35 PM
ميرسى يا ويلد

واشكرك على مرورك يا قمره

محمود ابوالمجد
12-25-2008, 09:43 PM
موضوع جميل يا حورية

wisam
12-25-2008, 09:49 PM
موضوع حلو يا حوريه والله
شكر ليكى .

spring sun
12-25-2008, 10:22 PM
موضوع جميل اوي



وعارفه في حاجه كمان وهي (لما الزوج يقوم من علي الكرسي ويخش جوه بتقوله انت رايح فين )

يعني يكون في هي الشقه فيها اد ايه مهو ياما الحمام ياما الاوضه

احمد عبد الحليم
12-25-2008, 10:59 PM
او لما تبقي داخل بيتك غرقان من المطر وتيجي والدتك تقولك ايه دة
هيه الدنيا بتشتي

تقوم قايلها لا طبعا دة انا
كنت بستحمى في الشارع....

Youssef Mostafa
12-26-2008, 04:51 PM
جمييييييييييل اوى ياحورية

Rania Ismail
12-26-2008, 04:53 PM
او لما تبقي داخل بيتك غرقان من المطر وتيجي والدتك تقولك ايه دة
هيه الدنيا بتشتي

تقوم قايلها لا طبعا دة انا
كنت بستحمى في الشارع....


نكت نكت يا خويا
هههههههههههههههههه
بس حلوه يا حليم

Rania Ismail
12-26-2008, 04:54 PM
الله عليكى يا حوريه بجد االجمل تشل بصراحه
توبك رائع يا حبى

witch evil
12-26-2008, 10:06 PM
ميرسى يا جماعه بجد على رددكم

وانا سعيده جدا ان التوبك عجبكم