المساعد الشخصي الرقمي

مشاهدة النسخة كاملة : الواسطه



witch evil
12-24-2008, 11:53 PM
الواسطه


يوم نجحنا كنا فرحانين
بس منعرف على فين رايحين
المهم عندنا فاتت سنين التعليم

فكرت لحظه وقلت محناش صغيرين
اهو أخدنا الشهادة وبقينا خرجين
وجه علينا الدور عشان نرد الدين
ونرجع للاهالى دم وكفاح سنين
فكرت نعمل ايه عشان لاهلنا المسكين
اللى يامه علينا كانوا شاينين


لو كان عندنا واسطة كنا في ألهنا عايشين
لكن بدونها يا قلبي في الفقر إحنا ساكنين


وفى يوم قرأت عن وظيفة وبالشروط مستوفين
جبونا من ستة الصبح وفضلنا وقفين
طبور مليان كبار وصغار من الجنسين
قلت يا قلبي اهى وظيفة حتجيب قرشين
نسد بيهم جوع أو نعيش يومين


لكن اهى هايدى ومعاها جات نسرين
دي بنت الرئيس ودي بنت الأمين
ووقفت يا قلبي خايف في حزن وانين
خايف يقولوا خلاص أهم الموظفين
عشان معاهم واسطة للشغل ضامنين


دي حتجب شنطه أو كوم فستين
ودي طلعه رحله وشوف على فين رايحين
وغيرهم كان مستني لو يجيب رغيفين
أو يستر أسره في الفقر غار قنين


يعنى نكون الاحسن وغيرنا مش فاهمين
وعشان معاهم واسطة وإحنا مش لقين
هما يخدو الوظايف وإحنا متشحطتين


قلت يا قلبي خلاص ملاناش هنا مكان
لازم من بكره الصبح أدور على الأمان
أشوف اى شركه أو اى بستان
اشتغل موظف أو اى جنيني كان
المهم أجيب فلوس عشان ماكون غلبان


اهو في وظيفة تأنيه حصل نفس اللي كان
أدامك اهو احمد وجايب معاه شريهان
دخلوا الوظيفة قبلي عشان دوال ناس وصلين

وشوف دموع عزه وأمال ونردين
اصل فات الأوان والوظيفة ريحه لمين
للي عنده واسطة أو يدفع للموجودين

أهم دكاترة فشاله وبالواسطة ناجحين
ده بينسه الموبيل في بطن العينين
وغيره ساب المشرطه قطع في المسكين
يارب استر علينا داحنا ضائعين

Mahro
12-25-2008, 02:07 AM
بجد مش عارف اقول ايه ياريت فيه كتير منك فى المنتدى

والله انتى تفتحى مدرسه لشعر الواقع


بجد برافوا من هنا لحد القطب الجنوبى

استمرى فى هذه الكتابات ارجوكى ..........


تقبلى مرورى

Wild_Angel
12-25-2008, 09:34 PM
جميل جدا الاحاسيس اللى بتطلع من الغلب

اجمل حاجه فيكى بسم الله ماشاء الله ان خيالك وافكارك جامحين
ومخزون كلماتك ليس بالقليل

اعجبتينى ععاميه وفصحى
منتظرين المزيد

witch evil
12-25-2008, 09:53 PM
ميرسى بجد يا جماعه على ردكم بجد انا مش عارفه اقول ايه

بجد ميرسى جددددددددددا ليك

وميرسى ليكى يا ويلد

اصل الكلام ده انا شفته بعنيه وحسيت بغلب الناس دى اوى والواسطه نهبه حقوقهم

بجد فى ظلم كتير


اوعدكم انى انزل حاجات تانيه
وسعيده بمروركم

wisam
12-25-2008, 10:15 PM
جامد اوى الكلام ده
الله ينور

witch evil
12-26-2008, 10:15 PM
ميرسى اشكرك على مرورك

ميرا مار
12-26-2008, 11:08 PM
عندك حق والله
تسلم ايدك يا حورية

اسامه البنا
12-27-2008, 09:55 PM
تسلم ايدك يا حوريه
الله ينور

witch evil
01-01-2009, 11:48 PM
عندك حق والله
تسلم ايدك يا حورية



تسلمى يا قمره على مرورك

witch evil
01-01-2009, 11:49 PM
تسلم ايدك يا حوريه
الله ينور


تسلم يا اسامه على مرورك

الله ينور عليك

witch evil
02-24-2009, 12:43 AM
بجد مش عارف اقول ايه ياريت فيه كتير منك فى المنتدى

والله انتى تفتحى مدرسه لشعر الواقع


بجد برافوا من هنا لحد القطب الجنوبى

استمرى فى هذه الكتابات ارجوكى ..........


تقبلى مرورى


ربنا يكرمك يا مهرو يارب اخجلتنى بكلماتك الرقيقه دى

وحلوه القطب دى فعلا جغرافين

وباذن الله اكتب تانى

وطبعا اتقبل مرورك بكل حب

على الرحب