المساعد الشخصي الرقمي

مشاهدة النسخة كاملة : اسئله وعايز حلها



ALEXBOY88
12-25-2008, 10:00 AM
السلام عليكم

الدكتور ادانا بعض الاسئله وقلنا حلوها وانا مش عارف احلها

ماذا يحدث لو

الصخور النارية هي السائدة علي سطح الارض؟

علل

حدوث الزلازل بمنطقة حزام النار؟؟

منتظر الاجابات

محمود ابوالمجد
12-25-2008, 07:44 PM
هو لو الصخور النارية السائدة
اولا هيقل مصادر الطاقة من بترول وغاز طبيعي وفحم لانها بتتكون في صخور رسوبية
وطبعا هيقل المياه الجوفية سواء استخرجها او تسربها لباطن الارض
هيزيد المعادن من حديد ونحاس وذهب بقي

اما بقي النسبة للسؤال الثاني
لان اساسا منطقة حزام النار دي بيحصل فيها براكين كتير
وطبعا معني ده ان الالواح الارضية هناك متباعدة عن بعض ومش ملتصقة ببعض وده طبعا اذا حدث اي نشاط بركاني في باطن الارض ده بياثر علي الالواح الارضية الي بدرها بتقوم بعمل اهتزازات ارضية وعشان كده المنطقة دي منطقة زلازل

دي اجابات مختصرة يعني تفهمك الموضوع ولازم بقي انت تتوسع شوية من الكتاب عشان تزود المعلومات
ويا رب اكون قدرت اساعدك

Ealy
12-25-2008, 09:21 PM
يا سيدى يا سيدى
ادى ابناء الجغرافيا فين د/ابو راضى يعلق عليك يا محمود

محمود ابوالمجد
12-26-2008, 01:33 PM
ههههههههههههههههههههه
انا مكنتش في الطبيعية مع دكتور ابو راضي كنت مع دكتور ممدوح
وبعدين انتي عارفة دكتور ابو راضي هيعلق عليا ويقول ايه زي ما قال في امتحان الشفوي زمان

ALEXBOY88
12-26-2008, 06:03 PM
الي المهندس الفاضل محمود شكرا جزيلا لك ولاجوبتك المتميزة

انا حطيت السءال دة ف كزا منتدي ولم اجد الاجابة الشافية

ربنا يكرمك

بس عموما الاسءله دي مش موجودة ف الكتاب دة الدكتور ادانا الاسئله دي عشان نفكر فيها بس

اتمني ان اتواصل معك دة لو مكنتش هزعجك

ALEXBOY88
12-26-2008, 06:05 PM
طب ياريت تجاوب لي عل الاسئله دي برضو

انا عايز شرح مفصل ومبسط لتكوين الارض من النواه حتي القشر الارضية

منتظرك

ibrahim_elsonbati
02-16-2009, 04:18 AM
بداية يا بشمهندس احب اوضح لك نقطة
اتفقت معظم النظريات الخاصة بنشأة الارض انها مرت بأطوار
اولها الطور الغازي ثم الطور السائل ثم الطور الصلب مما سمح بتكوين طبقات الارض
و بذلك اصبحت الارض تتكون من قشرة خارجية و باطن
اما بالنسبة للتركيب الداخلي للارض
1- القشرة
2- الوشاح (المانتل) الداخلي و الخارجي
3- النواة الداخلية و الخارجية

و فيما يلي شرح مختصر لكل طبقة من طبقات القشرة الارضية
بالنسبة للقشرة الارضية فهي غير منتظمة السمك فهناك بعض الاماكن التي تتعري فيها صخور القشرة الارضية هذه المناطق معرضة للهزات الارضية و تبلغ سرعة الموجات الزلزالية في هذه الاماكن الي 5.5 الي 6 كيلو متر في الثانية
و يبلغ سمك القشرة الارضية في الاقاليم الجبلية 60 كيلومتر في المتوسط اما في السهول القارية 35 كيلومتر في المتوسط اما في قيعان المحيطات لا يزيد عن 5 كيلومترات في المتوسط و تختفي القشرة الارضية في المناطق سحيقة العمق و قاع المحيط
اما بالنسبة للوشاح (اللافا) فهي تعتبر اول غلاف للارض بصورة كاملة دون انقطاع حتي عمق 2900 كيلومتر ويسمي الحد الفاصل بين القشرة الارضية و الوشاح باسم (حد موهو) و يسمي حد انقطاع من الدرجة الاولي و يسمي السمك من قاعدة القشرة الارضية حتي عمق 300 كيلومتر بطبقة الاثينوسفير و تصل درجة حرارتها 1400 درجة في المتوسط و تحتوي علي طبقة الريوسفير و هي طبقة شبة منصهرة
و بعد نهاية طبقة الاثينوسفير يمتد قطاع جديد من يبدأ من 300 كيلو متر و يمتد حتي 700 كيلومتر من سطح القشرة الارضية و يسمي طبقة جولستين ؛ اما الوشاح السفلي و الذي يمتد من 700 كيلومتر حتي 2900 كيلومتر ينقسم الي عدة قطاعات
اخيرا النواة
وهي الطبقة الممتدة من 2900 كيلو متر تحت سطح الارض حتي مركز الارض (6370 كم) وتنقسم النواة الي نواة خارجية تمتد من حد 2900 كم حتي 5150 كم و النواة الداخلية من هذا الحد و حتي مركز الارض 6370 كم
حدود الانقطاع من الدرجة الاولي
1- حد موهو الفاصل بين القشرة الارضية و الوشاح و يقع علي بعد 60 كم تقريبا من سطح الارض
2- حد جوتنبرج الفاصل بين الوشاح و النواة و يقع علي بعد 2900 كم من سطح الارض
3- الحد الواقع بين النواة الداخلية و النواة الخارجية و يقع علي بعد 5150 كم من سطح الارض

حدود انقطاع من الدرجة الثانية
الحد الفاصل بين طبقة الاثينوسفير و طبقة جولستين
الحد الفاصل بين الوشاح العلوي و السفلي 700 كم
حدود داخل الوشاح السفلي 1200 ، 1700 ، 2400 كم

ibrahim_elsonbati
02-16-2009, 04:20 AM
http://rs180tg.rapidshare.com/files/198607639/192943/__ss_______oe.jpg