المساعد الشخصي الرقمي

مشاهدة النسخة كاملة : التطور الطبيعى للرجل



zoro313
12-25-2008, 06:42 PM
التطور الطبيعى للرجل


طبعا كل الناس سمعت عن التطور الطبيعي للحاجة الساقعه لكن محدش سمع قبل كده عن التطور الطبيعي للرجل و عشان متقولوش اني ببهدل البنات بس ده بقى موضوع عن الرجال و اتمنى يعجبكم يا شباب
وتعالوا نشوف ايه هوه التطور اللي بيحصل للراجل في تعامله مع حبيبته


بحبك
بعد 6 اسابيع : بحبك بحبك بحبك ... بحبك

بعد 6 شهور : اكيد بحبك

بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟



بعد الشغل


بعد 6 اسابيع : حبيبتي انا جيت من الشغل

بعد 6 شهور : انا رجعت

بعد 6 سنين : فين الاكل ؟؟


جرس التليفون

بعد 6 اسابيع : حبيبتي فى حد عايزك على التليفون

بعد 6 شهور : التليفون دة ليكى

بعد 6 سنين : ماتردى ! انا عندى صداع



وقت الغدا


بعد 6 اسابيع : ماكنتش اعرف ان نفسك حلو اوى كدة

بعد 6 شهور : عاملة ايه النهاردة

بعد 6 سنين : بامية تانى



لما تشترى فستان جديد

بعد 6 اسابيع : مبروك ياحبيبتي , هياكل منك حتة

بعد 6 شهور : انتى جبتى فستان جديد تانى ؟

بعد 6 سنين : بكام ان شاء الله؟


لما يتفرجوا على فيلم

بعد 6 اسابيع : تحبي نشوف فيلم ايه ؟

بعد 6 شهور : ماتقلبيش المحطة انا عايز الفيلم دة

بعد 6 سنين : انا رايح السينما , نامى انتى بقى


لما تعزم اصحابها

بعد 6 اسابيع : وماله اهلا بيهم فى اى وقت

بعد 6 شهور : انتى كل اسبوعين هاتعزميلنا حد ؟

بعد 6 سنين : يوووووه دة مابقاش بيت



لما يروحوا السوبر ماركت

بعد 6 اسابيع : تحبي تروحى انهى سوبر ماركت يا حياتى

بعد 6 شهور : وماله عم انور البقال ؟

بعد 6 سنين : انتى بتودى الاكل فين ؟؟


لما ييجى عيد ميلادها

بعد 6 اسابيع : معلش كان نفسي اجيبهولك الماظ

بعد 6 شهور : خدى 50 جنيه وهاتى اللى انتى عايزاه

بعد 6 سنين : مش عيد ميلادك كان السنة اللى فاتت هو كل سنة ولا ايه ؟



فى العيد


بعد 6 اسابيع : حبيبتي الكحك والبسكوت برة على السفرة

بعد 6 شهور : مش واجب بقي مامتك تجيب لنا الكحك

بعد 6 سنين : مش لازم كحك السنة دى .. انتى تخنتى اوى



وهى رايحة للدكتور

بعد 6 اسابيع : حبيبتي قولى قبلها عشان اعمل حسابي فى الشغل

بعد 6 شهور : خدى مامتك ولا حد من صحابك

بعد 6 سنين : دكتور دكتوووووووور .. مانتى زى البمب اهو


بعد الولاده


المولود الاول : زى القمر .... شبهك
المولود التانى : شبه اخوه
المولود التالت : ياريت تخللى بالك المرة الجايه

سلمي جمال
12-25-2008, 06:58 PM
هههههههههههههههههههه

هو دة الكلام يا زورو

zoro313
12-25-2008, 10:30 PM
عجبتك اوى يعنى
ههههههههههههه

سلمي جمال
12-25-2008, 11:02 PM
الصراحة ايون

Youssef Mostafa
12-26-2008, 04:05 PM
ايون هه؟؟ ماشى يازورو

Rania Ismail
12-26-2008, 04:48 PM
مش لازم كحك السنة دى .. انتى تخنتى اوى
ههههههههههههههههههههههههههههههههه
حلو قوى قوى قوى التوبك يا زورو يا حولوم يا مسيطهم
هههههههههههههههههههههههههههههههههههه
بجد الله ينور عليك

Youssef Mostafa
12-26-2008, 04:51 PM
هو حلم كدة مواضيعه كلها متميزة طبعا

zoro313
12-26-2008, 05:20 PM
منورين الموضوع يا شباب