المساعد الشخصي الرقمي

مشاهدة النسخة كاملة : يوم من ايام مشرف



zoro313
12-26-2008, 05:36 PM
اول ما قام من النوم لقى الموبايل بتاعه بيرن

فلقى الادمن بتاع المنتدى بيتصل بيه

المشرف:اصطبحنا واصبح الملك لله ......صباح الخير يا فندم

الادمن: خير هييجى منين الخير ياسى زفت

انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف


المشرف : ليه بس يا فندم دا انا حتى مغسلتش وشى ودخلت على طول على المنتدى

الادمن : عموما ادخل شوف قسمك ودا اخر انذار ليك

وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى


الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...

الرسالة الثالثة

ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي مواضيعي

وانا مال اهلى انا محدش بيثبتلك مواضيعك متتحرقى انتى والمنتدى
دا رده طبعا

الرسالة السادسة

ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...

الرسالة السابعة

مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

(ماهو دا اللى ناقص)

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ...
الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

الرسالة العاشرة

(من المشرف العام)

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...

الرساله الحادى عشر

لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا فتحها عالم سمسم بوزع ايميلات )

بعدها الحمد لله المشرف اتجنن

******************************

Rania Ismail
12-26-2008, 05:43 PM
هههههههههههههههههههههههههههههههههههه
ههههههههههههههههههههههههههههه
جاااااامده اخر حاجه
بس فى واحد مش عاجبانى بس
يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

مش لذيذه
بس كمجمل التوبك 100/100

zoro313
12-26-2008, 05:55 PM
شكرا يا رانيا على الرد

sameh gamal
12-26-2008, 06:02 PM
تسلم ايدك والله حلوة وطول عمرك مصيبه ياحليم

Hassan Mohamed
12-26-2008, 06:02 PM
هههههههههههههههههههههههه اسئل يا عم زوروا انا بعمل ايه مع المشرفين مروقهم والله بس لما يخلصوا الامتحانات هيشوفوا الوش التاني

zoro313
12-26-2008, 06:07 PM
ههههههههههههههههه
ايوه كده ياحسن عاوزين الوش الجامد مع الناس دى ولو حد كلمك انا مليش دعوه
هههههههههههه

م/ احمد فاخر
12-26-2008, 06:17 PM
حلوه اوى يازورو
وبعدين لازم هيطلع واحد يستنى المشرف فى الكليه ويدليه علقه سخنه
وكدا يعنى ههههههههه

white_heart
12-26-2008, 07:01 PM
ههههههههههههههههههههه
لالالالالالالالالالالالالالا
بجد تحفة يا حليم
تسلم ايديك

ميرا مار
12-26-2008, 07:32 PM
http://www.alriyadh.com/2006/01/13/img/131631.jpg


ودى بتكون النتيجة!!!!!!!!!!!
هههههههه شكرا ع الموضوع الجميل يا حليم

Mahro
12-26-2008, 07:44 PM
ههههههههههه جامده يا زورووووووووووووووووو


وبأمانه ياريت كل المشرفين يبقو زى الريس حسن هههههههههه

zoro313
12-26-2008, 08:04 PM
ههههههههههههههههه
ايه يا ميرامار ده مش هنوصلك لده ان شاء الله
ههههههههههه

شكرا لمروركم

Night Moon
12-26-2008, 11:41 PM
الموضوع تحفة يازورو بجد

zoro313
12-27-2008, 01:23 AM
شكرا للمشاركه

wisam
12-27-2008, 01:37 AM
هههههههههههههههههههههههههههه
يبنى والله انت جامد جدا بس لو تبقى اهلاوى ححبك اكتر
تسلم ايدك يا زوروهههههههههههههههه

zoro313
12-27-2008, 02:13 AM
منور يا وسام والله بس انا لسه زملكاوى بقى

wisam
12-27-2008, 02:15 AM
ههههههههههههههههههههههههههههههههه

الورده البيضاء
01-06-2010, 04:18 PM
هههههههههههههههههههههههههههههههههههه
حلوة جدا جدا جداهههههههههههه
بس بجد مفيش حاجة زى دى بتحصل والحمد لله
تسلم الايادى

هبه محمود
01-10-2010, 05:10 PM
جميله جداااااااااااااااااا وعاوزين منهاكتيييييييييييييييييييير