أطالب الرئيس المصرى بفك الحصار عن غزة

[mo_medya]

أنا مصرى ولدت على أرض الكنانة منبع الحضارة مقبرة الغزاة
تاريخنا دليلنا عروبتنا أصلاتنا
مصر لم تقف على مدى التاريخ مكتوفة الايدى فى مساعدة أخوانها العرب كما هى الان
أين دورنا؟ أين ريادتنا ؟
هل من مصلحتنا أن تفنى غزة؟
هل من مصلحتنا أن تقوم إسرائيل بالعربدة فى المنطقة؟
هل من مصلحتنا أن نقفد ريادتنا؟
أين المنادين بحقوق الانسان؟
أين مصر؟
أين شعب مصر؟
أين الشرفاء؟
غزة تحترق غزة تباد
فلننام جميعا نوما هنيئا ونترك إخواننا تحت مدفع العدو
فلننم ولننعم بالراحة وإخواننا يقتلون
فلننم حتى نريح ضميرنا
أين كرامتنا ؟ أين عزتنا ؟ أين عروبتنا ؟ أين شهامتنا؟
هل متنا ؟ هل متنا ؟
أم ما زال هناك فى الحياة بقية؟
غزة جزء من الكيان العربى أم لا؟
أهل غزة أهلنا أم لا؟
من منا ممكن أن ينعم بالنوم وهو يعلم أن أحد من أهله سيصاب بأذى ؟
بينما أهلنا فى غزة من أطفال ونساء وشباب وعجائز تحت مدفع العدو ؟
يحصد أرواحهم
غزة تحتاجنا تحتاج إلى مواقف تاريخية منا
ومممممممممممممممممممممممممممممن
ومن هنا أطالب الرئيس المصرى بفتح المعبر دون قيد أو شرط
خليك صاحب القرار الاول فى العالم
زى ما كنت صاحب الضربة الجوية الاولى

يا غزة لكى الله
حسبنا الله ونعم الوكيل
اللهم انصر أخواننا فى غزة

[محمود ابوالمجد]

اوكي انا متضامن انا كمان مع غزة ويارب يساعد اهلها لكن حكاية المعبر دي من غير شرط ولا قيد مشكلة ومش انا ولا حضرتك الي نتكلم فيها الناس دي فاهمة هي بتعمل ايه واظن اننا متاكدين ان حكومتنا مش عميلة ومينفعش نتفح المعبر رايح جي كده سداح مداح زي ما يقال احنا نفتح نعالج نفتح ناخد جرحي نفتح نودي معونات لكن نفتح شارع لا يا الي بتتكلم مع احترامي ليك كلام غلط مهما كان
مع احترامي مفيش حد في العرب قال في حقنا كلمة كويسة
لبنان وحسن نصر الله قال اننا خونا واننا عملاء وانا وميقول لنفسم ميساعد هو يا عم احنا خونة ورينا انت بقي العروبة ايران نفس الكلام يا ناس ده هنية بنفسه قال حسبي الله في مصر والمصرين واحنا بنسعدهم
وبعدين احنا حربنا عشنهم كتير ماشي هما مسلمين واحنا مسلمين وعشان كده بندافع لكن الناس دي بتقتل بعض قبل ما العدو يتقلها وباعت ارضها لليهود وغيره وغيره الناس دي ضربوا وزير الخارجية بالجزمة مهما كان وحش ولا حلو بس ده ممثل مصر
تخيل كده يا عم اخوك مثلا وبايظ ووحش جدا وراح فرح ناس قريبك ولا عزاء يخط بيدهم يعني وممثل لبيتك والناس دي تضربه
وكمان في الاخر احنا عملاء وخونة شكرا بس برضه بالرغم من كده هنعمل الي علينا مش عشان خاطر غزة لا عشان خاطر ربنا
وانا بقول اهو ريسنا عاقل مش عميل فاهم مش متسرع وده الصح وهو حاول التهدئة وفلسطين رفضت
لو سمحتم ادعلهم سعدوهم بس ملكوش دعوة بمصر ولا بحكومة مصر ولا بشعب مصر
المفروض نكون غيورين اكتر من كده مش احنا اول ناس الي ننهش في لحمنا امال سبنا للغرب ايه بقي
اللهم انصر اخواننا المجاهدين في كل انحاء الارض اللهم انصر اهل غزة
وحسبي الله ونعم الوكيل

[Mahro]

اخى العزيز محمود كلامك معقول بس فى الوقت ده خلاص ماعدتش تنفع التهدئه ده كلام بندارى بيه ضعفنا ولازم كل مصرى فى الوقت ده ينام وهو عارف انه ممكن يقوم الصبح على صوت مدفع بيتوجه لبيته او صاروخ حتى او ممكن ميأومش اساسا وده حقيقى ولو قريت فى التاريخ مفتاح القدس فى مصر مش فى فلسطين وبجد انا قلقان كرامتنا انداست يا جماعه والله واهلينا علمونا ان الصغير لما يتهان وكبيره يسكت يبقى لازم يجى يوم والكبير ده يتهان برده واظن الكل عارف مين كبير العرب بعد الله يرحمها العراق .. يعنى كان اقل واجب بيان لرفع الجيش المصرى لحالته القصوى مع طرد السفير الاسرائيلى ( ده يعنى ان مصر مش مطمنه للى بتعمله اسرائيل ومش راضيه عنه ومن حقها حمايه ارضها وتأمينها ومساعده الجار اذا كان ده من مصلحتها الحدوديه )اينعم ده مش سهل بس ضرورى مش شويه بيانات مش مفهومه زى ( مصر.. تحذيرات من الغارات الأسرائيليه ومن لا يتبع هذه التحذيرات لا يلوم الا نفسه) طب بنحذر مين وايه هيا التحذيرات انا لما شفت الكلام ده قعدت اضحك وشديت البطانيه وقولت انام احسن محدش عارف الأيام الى جايه فيها نوم ولا لأ .ربنا يستر .. وقاعد زى زى غيرى مستنى اللحظه ..لحظه ..ماكل شباب مصر يتحركو للعريش او السويس ونردد كلنا رايحين بشوق على جنة الخالدين زفه وملايكه منوره فلسطين..بس ده مش هيجى غير لما نحقق المعادله عارفين هيا ايه ..

جيش من الغزلان يقوده اسد خير من جيش من الأسود يقوده غزال ..وياترى عرفتوا احنا مين فى الجيشين دلوقتى

معلش طولت عليكم اهوه كلم الواحد كان محتاج يقوله احسن مايطق . وشكراً لصاحب الموضوع

[the master]

لما كانت حرب لبنان 2006 شغاله و العرب خلعو ايديهم و سابو لبنان تواجه مصيرها لواحدها و كان حسن نصر الله هو الل واقف فى وش اليهود لواحده
قالت الصحافة عنه (رجل فى زمن الانوثة )
لكن دلوقتى منين هنلاقى الراجل اللى يقف فى وش الخنازير و القرود
و الله احنا بجد فى زمن الانوثة
خلاص بقى و الله المفروض كل حاجم عربى يقعد فى بيتهم يلبس طرحة او ايشارب
فين الكرامة فين العروبة
نشجب و ندين و نطالب بضبط النفس
احنا حزرنا و هما الل مسمعوش الكلام
يا اخى احمد
يا سلام يا اخى

[the master]

انا ليا راى
عايزكو تفكرو و ترجعو بدماغكو لورا
فاكرين لما درسنا ان فى عادات و تقاليد و اخلاق شرقية اسلامية
و اخرى مادية غربية
حد فاكر
فاكر لما درسنا ان الشعب كان ايد واحدة
لما كان جارى يكون جعان ما انامش الا لما ياكل و يشبع هو و اولادة فاكرين كان اخر الحاجات دى امتى؟؟؟
حرب 73 لما العرب وقفوا مع مصر و السعودية و ليبيا و العرب كلهم
لكن الغربية المادية بتقول ان لو جارك عنده حرامى حيومته ملكش دعوة
على ما اعتقد انتو فاهمين
و دلوقتى المادية الغربية الحقيرة انتقلت للحكومات العربية و بعض العقول الخربة
و ربنا يستر على الهوية العربية الاسلامية
يا اخى انتا لو اخوك غلط فى حاجة انتا المفروض تعلمه لو حتى تضربة بس تعلمه لكن متجيبش واحد غريب يموته
حسبى الله و نعم الوكيل

[Mimi]

احنا لو كلنا كتبنا خطابات للريس متهيألي هيحصلنا زي ما حصل لأحمد حلمي في فيلم آسف على الازعاج كتبله 1200 خطاب وجاي يحط اللي بعدها لقاه مش بيدخل لان الصندوق اتملى على الآخر ومكنش في حد بياخدها

يعني احنا من الاخر شعب لا يؤخذ برأيه وهو عارف اننا مش هنسكت ونفضل نتكلم ونثرثر بدون ما يهتم ويقولك يومين وهيسكتو وتلاقي الشباب اللي كانو هايجين علينا رجعو تاني ع القهاوي

احنا لو سيبنا نفسنا من المظاهرات والكلام اللي شغال على بطال وبصينا على الموضوع بشكل جدي وايه المجهودات اللي نقدر نقدمها فالاحسن اقولكم سيبكم من مصر وسوريا حاليا لانهم بقو صفر ع الشمال ونيجي للخليج اللي بيشترو طيارات تمن الطيارة الواحدة 100 مليون عشان يفككوها ويبيعوها خردة ويكسبو اكتر منها الفلوس دي كلها ليه متروحش على الفلسطنيين ومنكرش ان في لجان وجمعيات خيرية كتير وبتطلع معونات كتير لاغلب الدول الافريقية بس احنا مش بنتكلم في معونات احنا بنتكلم في ارواح مسلمة بتهدر وفي امهات كل يوم بتشوف ولادها بيموتو قدام عنيهم

والله هنتسأل عن كل الكلام دا يوم الدين عيب نبقى 21 دولة عربية مسلمة وفلسطين في قلبنا ومع ذلك اسرائيل متحكمة فينا

هتلر قال : " تركت لكم بعض اليهود لترو لماذا كنت أبيدهم " ياباشمهندس محمود ابو المجد شروط ايه واتفاقيات ايه عشان يتفتح المعبر ايه اللي هيحصل لما ناخد حتى منهم اللي اتصابو بدل ما يبقو في عداد الاموات لو مش قادر تستقبل الـ 300 ولا الـ 400 اللي مش هيفرقو معاك في حاجة خلاص استقبل الجرحى عالجهم ورجعهم تاني بس متهيألي احنا لو كنا في دقنا يوم واحد من الحصار اللي عليهم دا مكناش هنقول الكلام اللي بنقوله دا بشكل هجومي كنا هنبقى عايزين نفجر الدول العربية كلها وكان هيبقى لينا حق نكره الحكام العرب

ليا رجعة تاني ان شاء الله في الموضوع دا عشان مطولش وعشان اسمع باقي المناقشات

[the master]

انا معاكى يا جودى فى الكلام دة
اللى اديه فى الشربة مش زى اللى ايديه فى الزبادى
اسف على المثل بس بجد تخيل نفسك دلوقتى فى غزة
1- امبارح بيتك نزل عليه صاروخ دمره و اتحرقت كل حاجة
2- ما اهلك و الباقى مصاب باصابات بالغه
3- الناس اتلمت عليكو عشان تلحقكو قام نازل صاروخ تانى مموت ناس اكتر
4- مش لاقى عربية اسعاف تنقل اخواتك و اهلك المصابين للمستشفى
5- فرضا لاقيت العربية اللى تنقلهم وروحت المستشفى لاقيتها مهدودة لسه واقع عليها صاروخ
6- فرضا لاقيتها موجودة فين العلاج و الاجهزة (ما غزة فى الحصار بقالها اكتر من شهر)
7- دخل اهلك المستشفى و انتا المفروض هتروح على البيت اللى اتهد هتنام فين فى الشارع
شوف درجة الحرارة كام دلوقتى شوف صوت الطيران و الصواريخ و عربات الاسعاف
7- طبعا مفيش كهربا فى غزة قولى ازاى هنلاقى اجهزة طبية تشتغل
8- طبعا جعان هتجيب منين اكل وانتا ما معكش فلوس و لو معاك هتلاقى منين محلات فاتحة
انا مش عايز ازود بس لكم جميعا ان تتخيلو
يا رب انقذهم و ازيل العار عنا

[mo_medya]

حسن نصر الله رجل فى زمن الانوثة
مع إحترامى للجميع وإتفاق وجهات النظر فى الكثير من النقاط فيما عدا الرد الاول أختلف معاه
غزة مش بتضرب إلا لعدة أسباب:-
أولها إلغاء كافة أشكال المقاومة فى المنطقة
إسرائيل عايزة تأم بينا الصلاة هى تقول ولا الضالين وإحنا نقول آمين
حركة حماس حتى الان لم تعترف بإسرائيل كدولة وإنما تعتبرها كيان صهيونى محتل وده أدق تعبير نقدر نوصفه
كفايانا بقى نقول إنهم باعوا أرضهم اللى باع باع ده إذا كان فيه دليل على كده ولو فيه حد باع مش الناس دى ومش إحنا اللى نسيب إخواتنا كده من غير ما نقف جنبهم راجعوا كتب التاريخ كويس تعرفوا دور مصر اللى لازم ما تتنازلشى عنه دى إسرائيل يا جماعة اللى كانت محتلة مصر وإلا لحقنا ننسى نكسة 1976م إيه نسينا خلاص نسينا الاسرى اللى قتلتهم نسينا الحروب اللى كانت إسرائيل العدو الاول فيها ولو تطولنا دلوقتى مش حنسيبنا
ثانيها إن إسرائيل عايزه تاكل التورته واحدة واحدة
العالم العربى بالنسبة لإسرائيل عبارة عن تورتة تريد تقسيمها ولكنها كولاد الذوات مش حتلحوث نفسها مرة واحدة فى التورتة لكن حتقسمها حتت وتحطها فى أطباق وتمسك الشوكة والسكينة المسنونة وتاكلها ومش معقولة إن السكينة المسنونة دى أنا اللى أسنها الغاز بيصدر لإسرائيل فى الوقت اللى فيه فلسطين مش عارف تقيد شمعة البترول والكهرباء وغيرها وبسعر لا يحصل عليه المواطن المصرى تقدروا تقولوا تمنه إيه؟ كفاية بقى.......
نصر الله اتكلم عالمعبر وكان ممكن يتكلم على إتفاقية الدفاع العربى المشترك التى لم تخرج من الدرج منذ أبرمت والاإحنا مش فالحين إلا فى حرب زى حرب الخليج زى ما قمنا على صدام والا الاتفاقيات دى علينا إحنا مش عالغريب نسيتا المثل اللى بيقول أنا وأخويه على أبن عمى وأنا وابن عمى عالغريب
غزاة بتحارب لأنها رفضت الخضوع للذل لأنها رفضت رضوخ المقاومة لشروط الاحتلال مين فينا ممكن يرضى بالذل والمهانة دى مين؟
وجودى عندها حق
الحكام بيقول الولاد حيرفعوا صوتهم يومين ويرجعوا عالقهاوى تانى ما هى القهاوى عاملة زى اللذقة اللى ما تسيبشى اللى يقعد عليها
غزة تحتاج إلى مواقف تاريخية منا أكثر من الانتقادات التى نوجهها وإلا زى ما قالوا لقد اتقف العرب على ألا يتفقوا
والمعبر يتفتح علشان أغذية وعلشان علاج وعلشان,,,, لو حنسيبهم يموتوا يبقى يموتوا كده أحسن أيوه أحسن ما يخسرونا تمن الاكل اللى حيكلوه والعلاج اللى حيخدوه قبل ما يموتوا علشان فيه إتفاقات تمنع فتح المعبر
ما هو فيه إتفاقات وقوانين دولية تمنع إسرائيل من إرتكاب جرائم حرب يخجل لها جبين البشرية
اليس من الاولى أن تلتزم إسرائيل أولا بالقوانين على الاقل حقوق الانسان التى لا تطبق فى العالم العربى وإنما تطبق على حيواناتهم فى الغرب ويعملوا المستحيل علشان ينقذوا حيوان إتجرح إنما إنسان بيموت طووووووووووووووووووووووووووووز فيه عارفين ليه علشان ما لهوش تمن إنما المواطن الاسرائيلى الذى يذعر المواطن المحتل نخاف عليه ونقدم له الضمانات ولو حصلت لمحو غزة نمحوها علشان خاطر عيونهم علشان يقعدوا مطمنين
نسينا حلمهم من المحيط إلى الخليج نسسينا وإلا إيه؟
نسينا أحمد يس اللى إضرب بصاروخ وهو على كرسى متحرك
يييييييييييييييييييييييييييييييييييييييييييييييييي يييييييييييييييا غزة
ليس لكى إلا الله
وبعد كده عايزين سلام من الاخر دول ما ينفعشى معاهم سلام
حاتوا لى حاجة التزموا بيها هما بس بيضيعوا وقت عقبال ما يبنوا ويبنوا وخلاص تبقى الارض بتاعتهم ,,,, قانون يبقى الوضع كما هو عليه
Isreal go to hell
إسرائيل إلى زوال
لا سلام ولا إستسلام
يا غزة لكى الله
حسبنا الله ونعم الوكيل
اللهم انصر أخواننا فى غزة

[ميرا مار]

السلام عليكم
مومديا باشكرك على اتاحة الفرصة للى عايز يقول رايه او يصرخ
او يطالب او يشجب
لكن وقبل ماقول راييى قوللى انت عملت ايه؟؟؟؟؟؟؟؟؟؟؟؟؟؟؟؟؟
انت كفرد ....مستعد تقدم ايه؟؟؟

[Mahro]

والله ميرامار صح انت عملت ايه ؟؟؟؟؟؟؟؟؟؟؟؟؟

انا والله مستنى اللحظه الى الاقى فيها جواب جاى عالبيت واروح انا وزمااايلى نستخدم كل الى اتعلمناه ......انا هتجنن امال هما علمونا الرجوله تحمل وتحكم فى النفس وان كتر التدريب يوفر الدم فى المعركه ... معركه هههههههههههههاى يا معركه والله كان كله كلام وعلى فكره يومين وهتلاقى امريكا بعته تاخدنا نحارب لها يا جماعه الموضوع بجد خطير .. احنا بس فالحين نبعت ولادنا فى قوات حفظ السلام فى دارفور عياااااااااااقه ومنظره كدابه ..
يا جماعه احنا ولاد مصر الكومندوز التالت على العالم بعد امريكا والهند نقف نتفرج احنا لو نرجع ورا شويه الفرقه الرابعه مدرعات كتيبة السلوم ..كتيبه واحده وصلت لحد الرئاسه الليبيه وشوف انته بقى مساحة لبيا قد ايه نقف دلوقتى مكتفين قدام اسرائيل والله عيييييييييييييييب يا خسااااااااااااااارة سلاح الله واكبر ..........................!!!!!!!!!!!!!!!!!!!!!!!! 1

[the master]

الله ينور يا موميديا
و ردا على كلام ميرا و موهرو
الحاجات اللى احنا لازم نعملها
1- الدعاء و المقاطعة و نشر القضية
عارفين يعنى ايه نشر القضية ؟؟ معناها ان انتا بتعمل راى عام بتلغى السلبية من عقول الناس و توجههم صح تعرفهم مين اليهود و يعنى اية مجزرة و تحسسهم يعنى اية واحد يموت
2- التبرعات
فى يا جماعة تبرعات مالية و عينية بيتم تجميعها فى نقابة الاطباء و تقريبا فى فنقابة الصحفيين بس اللى انا متأكد منه فى الاطباء اى مبالغ تقدر تلمها و توديها و على فكرة النقابة دى جهه مسئوله و موثوق فيها جدا
3- التبرع بالدم لصالح اخونا هناك
دى اقل مجهودات نقدر نساعد بيها اخوانا فى غزة
و على فكرة اللى متابع قناه الجزيرة
يقدر يشوف ان فى مجموعات من اافراد بيجمعو مع بعض و يجيبو حبه حاجات و يحملوها على عربية نص نقل و يبعتوعها على رفح
بس دة صعب بالنسبة لينا
فاحنا ممكن عن طريق نقابة الاطباء و غالبا باردو فى الهلال الاحمر ممكن نبعت لغزة عن طريقهم

[the master]

بالنسبة للاخ موهرو
فانا بحيه بجد على الروح العليا
و اؤيده بجد فى جزئية انا احنا بنتمنى فتح العبر و لو لساعات فى اتجاه من مصر لغزه بجد هيكون فى اسود واقفه على الحدود داخله و حالفا تاخد بالثار

[mo_medya]

السلام عليكم
مومديا باشكرك على اتاحة الفرصة للى عايز يقول رايه او يصرخ
او يطالب او يشجب
لكن وقبل ماقول راييى قوللى انت عملت ايه؟؟؟؟؟؟؟؟؟؟؟؟؟؟؟؟؟
انت كفرد ....مستعد تقدم ايه؟؟؟

أنا عملت إيه؟ أو مستعد أقدم إيه؟
طبعا هذا ليس وقت للمزايدات
إحنا نقدر نخدم قضية فلسطين كتير جدا
الاعلام الغربى بينقل صورة غلط على اللى بيحصل فى الشرق الاوسط لدرجة إنى كنت عالشات أتحدث مع فتاة أمريكية من نيوجرسى سألتنى عن بلدى فقلت لها مصر ولم تعرفها فتوقعت أن تكون تعرف فلسطين وبرضه طلعت مش عارفه فلسطين لكن لما سألتها هى تعرف إسرائيل أجابت بالطبع أعرفها وتعرف الكثير عنها , هناك تسويق خارجى من اللوبى الصهيونى , بيمثلوا قوة رغم إنهم مش على حق عارفين ليه علشان عندهم إيمان باللى جواهم لكن إيمانا إحنا أكتر .... شوفوا الجندى مدجج بالسلاح ومستخبى ورا المدرعة والطفل الفلسطينى بيقف أمام دبابة ودى صور تنقلتها وسائل الاعلام0
القضية دى قضيتنا إحنا وثوابتها واحدة إحنا أصحاب الارض
منطقة الشام على مدى العصور أحتلت , ورجعها صلاح الدين وما قالشى زى ما بنقول دول باعوا ماهو حكام زمان كانوا بيبعوا .... التتار لما هجموا على الشرق فيه ناس كتير باعت القضية
وفيه حديث للنبى صلى الله عليه وسلم
عن أنس بن مالك رضي الله عنه خادم رسول الله صلى الله عليه وسلم قال : ( لايؤمن أحدكم حتى يحب لأخيه ما يحب لنفسه ) ، رواه البخاري و مسلم .
وفيه حديث تانى
قال صلى الله عليه و سلم ( لأن تهدم الكعبة حجراً حجراً أهون على الله من أن يراق دم امريء مسلم )
فين ضميرنا ؟
نقدر نعمل إيه؟
1- النت نقدر عن طريقه نوصل الصورة الصح للغرب
2- التبرع
3- ......
4- الدعاء لهم أناء الليل وأطراف النهار
...................................إلخ
هناك الكثير والكثير بس الدعاء مهم
اللهم إن غزة ليس لها إلا أنت
فأرنا عجائب قدرتك
اللهم إن عبادك مستضعفين فأغيثهم
ياغزة لم يعد لكى إلا الله

Isreal go to hell
إسرائيل إلى زوال
لا سلام ولا إستسلام
يا غزة لكى الله
حسبنا الله ونعم الوكيل
اللهم انصر أخواننا فى غزة

[white_heart]

كل الاراء اللى اتكتبت كويسة ومقنعة بس انا مع راى واحد
ان اللى اتسلب بالقوة لا يرد الا بالقوة
يعنى لا هدنة نافعة ولا تهدئة ولا نقاشات ولا كلام فاضى من دة
اسرائيل دخلت فلسطين بالسلاح ولو عاوزين فلسطين ترجع يبقى مفيش غير السلاح
ومصر فعلا هى الوحيدة اللى قادرة على تحرير فلسطين
بس كل واحد خايف على منصبة وعلى كرسية
زى اللى اكنهم حياخدوة معاهم القبر
انا مش عارفة هى الحكومة خايفة من اية ؟
ما تضرب اسرائيل حيقولو ارهابية ما يقولو
طب ما العالم كلة بيقول ان اسرائيل دولة ارهابية
بس حد قدر يوقفها عند حدها لا
واحنا لو منصرناش فلسطين النهاردة مش حنلاقى اللى ينصرنا بكرة
ما احنا اللى علينا الدور

حسبى اللة ونعم الوكيل فى الحكام العرب اللى راضيين باللى بيحصل فى فلسطين

[spring sun]

مو ميديا والماستر عندهم عنف في طرح القضيه


وكمان عندهم حماسه حاسين ان احنا اقل منهم يها مش عارفه ليه واي راي غيرهم يعارضوه

[eng_abdo]

شكر لزميل مومديا علي هذا الموضوع الطيب وشكر خاص للمشاركة الحماسية لمهرو وماستر وجودي كذلك بشكر ميرا علي المشاركة بس بقولها بلاش تثبيط معنويات الزملاء ولكن نوجه النصيحة بدون تجريح كذلك بشكر اخت اسامة البنا علي المشاركةوبقول لحضرتك معلش الموضوع يستهل الحماسة ولكن المناقشة كانت موضوعية الي حد ما
اما م/محمود ابو المجد احيك للمشاركة لان انت اللي اثارت الموضوع واسمح لي ارد عل يحضرتك
1/عيب علينا كمسلمين قبل مصرين اني نفتح بيوتنا ومعابرنا للضيوف بشروط فما بالك باخوانا المسلمين المحاصرين المجروحين
2/ اما (دي ناس فاهمة هي بتعمل اية)يمكن يكونوا فاهمين واحنا اللي مش فاهمين اصل الموضوع يصعب فهمه بس عاوز افهم حاجة هو من مصلحتنا اني نصدر الغاز الطبيعي لاسرائيل بسعر اقل من المصرين صحابه مع العلم ان القضاء المصري اصدر حكم بعدم تصدير الغازلاسرائيل
3/اما (حكومتنا مش عمليه)يا راجل هو في حد بيشك لسة في اخلاص الحكومة بس اقولك علي حاجة لية حكومتنا بصدر الاسمنت والحديد لاسرائيل علشان خاطر تبني الجدار العازل.... طب قولي لية حكومتنا افرجت عن الجاسوس الاسرا ئيلي عزام عزام قبل مقضي نصف العقوبة في السجن مع العلم نا في ناس بريئة في المعتقلات قضت مدتها ولسة مخرجتش
4/اما (كلام حسن نصرالله وايران) فاده كان للحكومة المصرية مش للشعب لان العالم كله يعرف حب الشعب المصري للقضية الفلسطينية واتحداك اني اسماعيل هنيه الراجل المجاهد المحترم يكون قال حاجة في حق الشعب المصري
5/اما (احنا حربنا علشان فلسطين كتير) ده كلام مش صحيح نهائي احنا حربنا في حرب 48 ايام الملك فاروق علشان العرب (الاردن..سوريا) راحوا بجيوش من اجل تحرير فلسطين ويا رتهم ماراحوا اتعاركوا علي قيادة الجيوش واتفضحوا هناك....زكذلك حربنا في 67 علشان مصر اغلقت معبر تيران امام السفن الاسرائيلية واسرائيل هي اللي بدأت....وحربنا في73 علشان نرجع سيناء.....فين بقي علشان فلسطين
6/واما(دول باعوا ارضهم ) ده كلام قديم وبايخ اوي انصحك تقرأ التاريخ وتعرف العصابات اليهوديه كانت بتعمل ايه وبعدين بص للمجاهدين امثال الشيخ القسام والشيخ ياسين الرنتيسي وعياش همه دول مش فلسطينين انا بفخر اكون مع دول
7/اما(وزير الخارجية والحكومة بتمثل المصريين) ده كلام مش صحيح الحكومة اللي بتمثلنا مكنش جاية بانتخابات مزوارة
واخيرا انا اسف للاطالة وسامحني ان كنت غليظ في المناقشة...واحيي مرة تانية مومديا

[Youssef Mostafa]

اولا يا موميديا الاصلاح والتغيير مش حييجى غير بالعودة للدين وقلنا الكلام دة كتييير يعنى غير نفسك اولا مثلا يعنى وبعد كدة شوف غيرت نفسك ازاى وقول للناس تعمل زيك عشان تتغير وكمان اليهود حيفضلوا طول عمرهم يهود بينقضوا اتفاقيات وعهود وحتى ل انت مش ساعدتهم دة لو انت منهم ممكن يبيعوك عشان ينفذوا المخظظ الصهيونى بتاعهم من النيل للفرات وحفكرك ياميديا انهم حينفذواه بس ان شاء الله تكون حكومتنا ربنا اخدهم ونقدر نحارب وقتها