المساعد الشخصي الرقمي

مشاهدة النسخة كاملة : مدخل لنظم المعلومات الجغرافيه



eslam mamdouh
09-21-2008, 07:06 PM
زملائى الاعذاء اعضاء الرابطه نستعرض مع حضراتكم اليوم مدخل الى العلم الاساسى الذى يهم كل داخل فينا وهو علم نظم المعلومات الجغرافيه وامل من الله الافاده لكل من قراء هذا الموضوع

بسم الله نبدا


ظهر علم نظم المعلومات الجغرافيه فى بدايه العصر الحديث المسمى بعصر المعلومات,ومع بدايه التطور التقنى فى انظمه الحاسب الالى اصبحت على الانسنان رغبه ملحه فى حسن الاستفاده من المعلومات المكانيه المحيطه به وعمل قواعد بيانات ضخمه تمكنه من الاستفاده من كافه الموارد الطبيعيه والبشريه التى يحتاجها .وظهرت الحاجه الى وجود انظمه متطوره قادره على تحليل كميات كبيره من المعلومات المكانيه وربطها مع جداول وصفيه تابعه لها . ومن ذلك ظهرت برامج نظم المعلومات الجغرافيه.

http://www.city-sheridan-wy.com/info/assets/pwd-pd-gis/5_gis_s.jpg

ويجب الاشاره ان نظم المعلومات الجغرافيه كانت لها بدايه ظهور منذ عصر الدوله الاسلاميه حيث ظهرت الحاجه لمعرفه حدود الدوله الاسلاميه وعدد السكان القاطنين فى كل قطر والحاجه لمعرفه عدد الجنود للتحسب لوقت الحرب ومنذ ذلك الحين ونظم المعلومات الجغرافيه فى تطور مستمر حتى وصلت لاستخدام الصور الجويه ومالرئيات الفضائيه فى العصر الحديث .
http://library.case.edu/ksl/uploadedImages/GIS_Conference/globe_website.gif



من المقدمه السابقه يمكن تعريف نظم المعلومات الجغرافيه على ما يلى:


 هو نظم يتم انشاء من خلال علوم مختلفه فهو مجموعه من النظم المرتبه داخل جهاز الحاسب الالى وبرمجياته يتم العمل عليه من خلال الكوادر البشريه الواعيه المدربه التى تتمكن من العمل على البرامج التى يمكن من خلالها جمع وتخزين وتصنيف ونمذجه البيانات المكانيه فى قواعد بيانات ضخمه تسمى قواعد بيانات نظم المعلومات الجغرافيه.

 نظم المعلومات الجغرافيه هو عباره عن معلومات تهتم بالخرائط بمختلفق انواعها بهدف الوصل لوسائل دعم القرار المناسبه التى تهم المتحصيين وصناع القرار .
 هو حلقه الصول بين المعلومات الخاصه بالمرجعيه الارضيه والبيانات والجداول الوصفيه التابعه لها .

http://www.bennettandwilliams.com/images/wellhead%20gis.gif

 نظم المعلومات الجغرافيه نظم تكامليه تجمع بين البرامج والاجهزه والكوادر البشريه المدربه بهدف تعديل وتحديث وعرض نظام مكانى وبيانى وصفى متكامل .



يتطلب العمل على نظم المعلومات الجغرافيه الاجابه على 3 اسئله هامه؟


1- ما هى الظاهره الجغرافيه موضع الدراسه؟
2- اين تقع هذه الظاهره الجغرافيه؟
3- ماهى العلاقه التى تربط تلك الظاهره الجغرافيه بالظواهر المحيطه بها؟


كيف يمكن الوصل الى نظام معلومات جغرافى متميز:

وهو النظام الجغرافى الذى يفى باحتاجات المستخدم والاجابه على الاستفسارات والاسئله الغامضه,ولكى يتكون هذا النظام يجب وجود الاتى :


معرفه احتياجات المستخدم: بمعنى التفكير فى وضع نظام يلبى كافه احتياجات المستخدم ويفى بالغرض المنشأ لاجله ,والذى يحقق للمستخدم افضل قدر ممكن من ايصال المعلومات.

وضع تخطيط محكم للنظام: وهى بدايه المرحله الفعليه فى وضع النظام ووضع خطه لانشاء قواعد البيانات وجمع البيانات المكانيه والوصفيه.

اختبار قدره النظام وفاعليته: وهو وضع نظام محاكاه افراضى لاختبار مدى قدره النظام على التفاعل مع المستخدم ومقدار تلبيته للغرض .

اجراء التعديلات المطلوبع على النظام: وذلك بهدف القضاء على اى عطل او قصور او خلل فى اجزاء النظام المختلفه وتعديلها .

تقديم النظام وصيانته بشكل مستمر: بعد التاكد من قوه وفاعليه النظام يتم عرضه على المستخدم ومع جود قدره فعاله على متابعه النظام وصيانته فى حاله حدوث اى خلل اوعطل.

http://www.mundogeo.com.br/images/english/infogeo/1/heise03.jpg

اتمنى من الله الافاده للجميع فى المنتدى
ويتبع فى انواع البيانات فى نظم المعلومات الجغرافيه\



المصادر

عبدالله محمد القرنى محاضرات كليه هندسه جامعه الملك سعود

محمد عبد الجواد على نظم المعلومات الجغرافيه الاسكندريه منشأه المعارف

محاضرات الفرقه الثالثه شعبه الخرائط والمساحه كليد الاداب جامعه اسكندريه

Mohamed Saad Yassin
09-21-2008, 07:14 PM
بداية قوية يا اسلام و موفقه
و حقيقى المنتدى اكتسب
عضو نشط جدا

eslam mamdouh
09-21-2008, 07:15 PM
thank you DR mohamed

شكرا على مرورك الكريم ووفقك الله
دعواتك معانا بالتوفيق
شكرا على تشجيعك

Hassan Mohamed
09-23-2008, 07:46 AM
علم نظم المعلومات ده واسع قوي ومحتاج لعقليات كبيرة عشان تقدر تكون محترفة فيه

عاشق الرومانسيه
09-25-2008, 07:33 AM
الى الامام دائما

eslam mamdouh
10-13-2008, 09:08 PM
رنبا يكرمك ويجزيك الف شكر على دخولك

amr mohammed
10-31-2008, 03:47 PM
thnxxxxxxxxxxxx

eslam mamdouh
11-01-2008, 12:07 AM
شكرا جدا على دخوك

Wild_Angel
11-10-2008, 12:54 PM
جزاك الله خيرا وربنا يكرمك يا اسلام

ميرا مار
11-10-2008, 02:46 PM
موضوع جميل يا اسلام انا باشكرك عليه .. ومستنية كل دروسك وموضوعاتك فى هذا المجال..انا باهتم باى شئ يخص نظم المعلومات
لان دا تخصصى وهوايتى
جزاك الله خيرا
منتظرة المزيد

the rol
11-11-2008, 10:38 AM
الله ينور وربنا يجزيك خير

جنه حسن
11-11-2008, 07:22 PM
[على فكره يا اسلام انا بحترم موضوعاتك جدا انت فعلا عنصر نشط فى المنتدى بل والقسم كله ومزيد من التقدم
والنشاط يا اسلام انا هدير الفرقه الاولى انتظام
وانا اتمنى ابقى فى نفس نشاطك
]

eslam mamdouh
11-12-2008, 05:38 PM
الف شكر يا عماد وربنا يكرمك ويزيدك كل خير

eslam mamdouh
11-12-2008, 05:39 PM
الف شكر لحضرتك


انا مش عارف ارد اقول ايه على الكلام الحلو اللى حضرتك قلتيه


يس انا متاكد ان حضرتك لو حاولتى تقدمى المعلومات لاى حد هتكونى بالتاكيد افضل منى


والف شكر جدا على دخولك حضرتك

شهاب بودا
12-08-2008, 02:20 PM
جزاك الله كل خير

eslam mamdouh
02-11-2009, 01:09 PM
الف شكر ليك يا شهاب على دخولك وتعليقك الجميل

Horiaa Swedan
07-19-2010, 10:20 PM
موووووووضوع رائع يا اسلام بجد جزاك الله خير وكتبه الله فى ميزان حسناتك باذن الله:a3::a3:

Horiaa Swedan
07-19-2010, 10:55 PM
بس احنا اخدنا فوق النظرى ده نظرى كتير اوى بس انا شايفه ان فى مجال العمل النظرى ده مش بنستفيد بيه بصوره كليه

يعنى انا من وجهه نظرى ان اى حاجه ليها علاقه كبيره بنظام الحاسب ممارستها عملى بيبقى منصب عليه العاتق الاكبر ولا انت ايه رايك؟؟:a8::a8:

moskla1100
07-20-2010, 03:19 PM
جميل جدا يا اسلام و موفق ان شاء الله
بس انا ليه طلب بسيط هو تبسيط التعريفات علشان يبقى الموضوع سلس يعنى و علشان نبعد عن كلام الكتب و كده

KAREEM
07-20-2010, 03:31 PM
عظمة على عظمة يا هندسة والله
واستفدت كتيييييير جدا من اكللام دا
وراجعت حاجات كانت فى دماغى من التعرفات
وكمان اول مرة اعرف ان المسلمين كانت بداية
ظهور علم نظم المعلومات الجغرافية على ايديهم
ودى معلوووووومة قييييييييييمة جدااااااااا ومهمة

جزاك الله خير ياباشمهندس اسلام
وشكرا للاستاذ حورية على احياء
هذا الموضوع من جديد لاهميته
وهى اللى نشرت اللينك بتاعة من جديد

جزاكم الله كل خييييييييير
وننتظر منكم المزييييييد

Horiaa Swedan
07-20-2010, 08:49 PM
جميل جدا يا اسلام و موفق ان شاء الله
بس انا ليه طلب بسيط هو تبسيط التعريفات علشان يبقى الموضوع سلس يعنى و علشان نبعد عن كلام الكتب و كده


جزاك الله كل خير يا كومى على الرد بس حقولك حاجه بالنيابه عن اخى اسلام بعد اذنه طبعا

فى حاجات زى تعريفات العلم مفيهاش تبسيط يمكن بعدنا عن اللغه العربيه هو اللى خلاها صعبه

ومع ذلك عشان الناس الكتير اللى مدرستش جى اى اس انا ححطلكم تعريفات سهله

بص

اولا : فى فرق بين نظم المعلومات وعلم نظم المعلومات الجغرافيه


العلم بيتقسم عملى ونظرى زى اى علم بيختص بدراسه الحاسب الالى او جزء منه

علم المعلومات الجغرافيه Geographical Information Scienc:

وده الاساس النظرى لنظم المعلومات الجغرافيه وده بيشمل دراسه الاسس الاصوليه للتعامل مع المعلومات الجغرافيه فى شكل رقمى يفهمه الحاسب.

يعنى هو العلم المتخصص فى دراسه كيفيه ادخال البيانات الى البرنامج ونوعيه التحليل المستخدمه مع البيانات حسب طبيعه كل منها

لان البيانات دى مش بيفهمها الحاسب الالى تمام كده.

نيجى للشق التانى

نظم المعلومات الجغرافيه Geographical Information System:

وهو يقصد به ربط المعلومات ذات المواقع المكانيه على النظام الاحداثى الحقيقى على سطح الارض

بطريقه تانيه
هى طريقه اليه لادخال ,تخزين ,عرض ,استرجاع ,معالجه , تحليل , تصنيف , نمذجه البيانات الجغرافيه .


اتمنى كده يكون التعريف على العلم سلس بالنسبالك يا كومى ولو فى اى سؤال قول وان شاء الله نجوبك

ولو فى اى استفسار قول برضوا:a15::a15:

Horiaa Swedan
07-20-2010, 08:51 PM
وشكرا للاستاذ حورية على احياء
هذا الموضوع من جديد لاهميته
وهى اللى نشرت اللينك بتاعة من جديد


جزاكم الله كل خييييييييير
وننتظر منكم المزييييييد




جزانا واياك يا كريم كل الاقسام فيها مواضيع بجد رائعه منتدادانا ده كنز بس احنا مش بنور فى بضمير حقيقى

moskla1100
07-21-2010, 10:11 AM
اولا عاوز اشكرك على التوضيح يا حورية بس انا بقول تبسيط التعريف لان فى ناس مش بتكون تبع القسم و عاوز تفهم لكن احنا بطبيعة الحال فهمين لاننا درسنا و اتخصصنا فى العلم ده و مننا كمان اللى اشتغل فيه
و مثلا انا شايف ان ابسط تعريف للنظم المعلوماتية الجغرافية هى انها بتربط بين المعلومات و الخريطة باعتبار الخريطة العنصر الجغرافى المثالى لتوضيح الاماكن و ده معناه ربط المعلومة بمكانها زى لما اجى اقول انا شفت حادثة على الشاطبى ف انا كده قلت بيان و ربطته بموقعه و لما اجى اقول اكتر عن الحادثة زى ما قول دى الحادثة كانت بين عربية لانسر و ميكروباص تويوتا 2010 و كانت الساعة 7 الصبح يوم الاتنين اللى فات و اسفرت عن موت شخصين و جرح 4 افراد منهم بنتين وولدين يبقى انا بدعم البيان بمعلومات جعلته بيان وصفى يصف الحادثة و ممكن انه احطه فى جدول ليمثل قاعدة بيانات هى جزء من نظام معلوماتى جغرافى
فا انا قصدى نبسط المعلومة لتعم الفائدة

Horiaa Swedan
07-21-2010, 11:57 AM
اولا عاوز اشكرك على التوضيح يا حورية بس انا بقول تبسيط التعريف لان فى ناس مش بتكون تبع القسم و عاوز تفهم لكن احنا بطبيعة الحال فهمين لاننا درسنا و اتخصصنا فى العلم ده و مننا كمان اللى اشتغل فيه
و مثلا انا شايف ان ابسط تعريف للنظم المعلوماتية الجغرافية هى انها بتربط بين المعلومات و الخريطة باعتبار الخريطة العنصر الجغرافى المثالى لتوضيح الاماكن و ده معناه ربط المعلومة بمكانها زى لما اجى اقول انا شفت حادثة على الشاطبى ف انا كده قلت بيان و ربطته بموقعه و لما اجى اقول اكتر عن الحادثة زى ما قول دى الحادثة كانت بين عربية لانسر و ميكروباص تويوتا 2010 و كانت الساعة 7 الصبح يوم الاتنين اللى فات و اسفرت عن موت شخصين و جرح 4 افراد منهم بنتين وولدين يبقى انا بدعم البيان بمعلومات جعلته بيان وصفى يصف الحادثة و ممكن انه احطه فى جدول ليمثل قاعدة بيانات هى جزء من نظام معلوماتى جغرافى
فا انا قصدى نبسط المعلومة لتعم الفائدة



اها عندك حق فعلا وممكن نلخص اهميه العلم فى انه بيجعلنا نتمكن من اضافه اكتر من معلومه او بيان لخريطه مكانيه

يعنى بحول الخريطه لخريطه موضحه بالبيانات منظمه المعلومات موجوده داخل جدول

وده طبعا لانى لو حطيت كل البيانات على الخريطه حتتداخل ومش حتتفهم

KAREEM
07-21-2010, 12:52 PM
جميييييييييل جدا الحوار العلمى الجامد دا وانا استفدت منه والله
خاصة المال اللى حطه مختار دا عجبنى اوى
وانا عن نفسى شايف ان ابسط تعرف ممكن اقولو
لو حد من غير مجالنا سألنى ملا وقاللى يعنى ايه g i s
على طووووول حقول له المكونات وهو يفهم لوحده

* يعنى هو نظام يتكون من :
1 / اجهزة hardware
2 / برامج software
3 / بيانات data
4 / مستخدمين users
بمعنى ان الاشخاص بيقومو بجمع ونمذجة وتخزين وعرض وتحليل و ..... البيانات من خلال اجهزة عليها برامج نظم


يارب يكون التعريف دا بسيط
ويكون سلس الفهم
ويكون فعلا افاد حد
جزاكم الله كل خير

moskla1100
07-21-2010, 01:11 PM
اها عندك حق فعلا وممكن نلخص اهميه العلم فى انه بيجعلنا نتمكن من اضافه اكتر من معلومه او بيان لخريطه مكانيه

يعنى بحول الخريطه لخريطه موضحه بالبيانات منظمه المعلومات موجوده داخل جدول

وده طبعا لانى لو حطيت كل البيانات على الخريطه حتتداخل ومش حتتفهم

بالظبط كده يا حورية هو ده الهدف من وراء اى نظام معلومات و دى فعلا ابسط مفهوم لقاعدة البيانات الجغرافية
كلامك مظبوط يا كيمو طول عمرك هندسة من زمان:a20:
و بصراحة انا استفدت من المناقشة انا كمان و شكرا ليكم كلكم و اخص بالشكر المهندس اسلام و استاذة حورية

Horiaa Swedan
07-21-2010, 06:38 PM
بالظبط كده يا حورية هو ده الهدف من وراء اى نظام معلومات و دى فعلا ابسط مفهوم لقاعدة البيانات الجغرافية
كلامك مظبوط يا كيمو طول عمرك هندسة من زمان:a20:
و بصراحة انا استفدت من المناقشة انا كمان و شكرا ليكم كلكم و اخص بالشكر المهندس اسلام و استاذة حورية


العفو لا شكر على واجب احنا يعنى حنخزن العلم مهو اللى يعرف حاجه يقولها وكلنا بنستفاد بجد

انا اللى استفدت معاكم واتمنى التفاعل اكتر هنا:a11::a11:

esraa marey
08-09-2010, 05:13 PM
شكر اجدا يا اسلام فعلا انا استفادة 0اخدت خلفية 0 شكرا للاضافة معلومات من باقى الاعضاء 0لانى فى اولى فديه معاومات اكيد حتفدنى فى تانية 0ان شاء الله

eslam mamdouh
08-16-2010, 10:07 PM
شكرا لحضراتكم جدا على الرد والتعليق

جزاكم الله كل خير

وابح اشكر اختى حوريه جدا جدا على الاضافات القويه القيمه جدا فى الموضوع

Horiaa Swedan
08-20-2010, 01:41 AM
شكرا لحضراتكم جدا على الرد والتعليق



جزاكم الله كل خير


وابح اشكر اختى حوريه جدا جدا على الاضافات القويه القيمه جدا فى الموضوع




العفو يا بشمهندس ده اى كلام فى الموضوع ده فى ميزان حسناتك باذن الله لانك انت اللى فتحتلنا المجال ده للكلام وجزاك الله خيرا كثير