المساعد الشخصي الرقمي

مشاهدة النسخة كاملة : موقف محير ..نفسي أعرف رائيكم !!



Mimi
01-04-2009, 04:15 PM
بسم الله الرحمن الرحيم

ازيكم ياجماعة يعني عاملين ايه في الاوضاع اللي بنعيشها دلوقتي

بتمنى كل واحد فينا يدعي لاخواتنا في غزة ويدعي ربنا ينتقم من اليهود

دلوقتي في موقف محير حاصل ومحتاجة أعرف رائيكم فيه

-------------------------------------

كان في واحد بيحب واحدة وكان عايز يتقدم ويخطبها من أهلها

وبعدين الشخص دا محترم جدآ ومؤدب ومتدين وبيروح يصلي في المساجد ومركزه الاجتماعي راقي وقادر انه يعيشها في مستوى معيشي فاخر ويعني لو عايزين تضيفو أي صفات كويسة ضيفوها

يعني من الآخر مفيش اي سبب يخليها ترفضه ، تمام ؟ المهم خلاص كان رايح يقرا عليها وبعدين قبل ما يقرأ او يتقدم لها قالها ان فيه حاجة لازم يقولهالها قبل اي حاجة وفهمها انها تعرف عنه كل حاجة ما عدا الحاجة دي

بس هو عشان بيخاف من ربنا وحاسس انها ممكن تكون حست انه خدعها بعد الجواز فقرر انه يقولها ، فطلبت منه تعرف الحاجة دي ... فقالها " أنه من أصول اسرائيلية أبا عن جد " بس قالها بردو أنه جده أسلم وانه عيلته كلها اعتنقت الاسلام وانهم ملتزمين جدآ بأخلاق وتعاليم الاسلام وبيواضبو على الصلاة في المساجد

وسابلها القرار بعد كدا ..فالبنت بعد ما عرفت رفضته رفض نهائي ..يعني بصراحة مش عارفه ..ايه رائيكم

لكل بنت بتقرا الموقف دا ، انتي لو مكانها هتعملي ايه ؟ هو اسرائيلي بس مسلم ابا عن جد وملتزم جدآ بتعاليم الاسلام وبيحبها وبيخاف ربنا وبيتقي ربنا فيها عشان كدا قالها كل حاجة قبل ما يكتب كتابه عليها ، تعمل ايه البنت ؟

هل انتو موافقين على رفضها ولا معترضين

ميرا مار
01-04-2009, 04:20 PM
ايه يا جودى السؤال الصعب دا؟؟؟؟؟؟؟؟؟؟
انا مش عارفة والله .. اقول راى عادل او حتى عقلانى
لكن بكل صراحة ..انا لو مكانها كنت هاعمل زيها بالضبط
مش عارفة ليه..
عموما هافكر تانى وارجع لك
باحب قوى الحاجات اللى تخلينى محتارة دى هههه
ميرسى يا جميل موضوع جميل يخللى الكل يفكر
وخصوصا فى الوقت دا..

Mimi
01-04-2009, 04:24 PM
بس ياميرا هتعملي زيها ليه ؟ عشان اسرائيلي ؟

هو احنا بنبص على الجنسيات ولا على الخلق والتدين

بس هو فعلا موقف محير لانه مش اي جنسية ولان الجنسية دي كمان بتدي حقوق معينة وتحرم من حقوق تانية

انا محتارة فعلا وعايزه اسمع اكتر من راي

ميرا مار
01-04-2009, 04:30 PM
اه عشان اسرائيلى مش عشان جنسيته مختلفة..
وارجع واقولك انا مش فى مكانها
لانى ماعرفتوش
ولا عرفت هو بيتصرف ازاى
ولا شوفت مثلا دموع فى عيونه من خشية الله يعنى
لو سمع اية او قرا فى القران
او مثلا يعنى بتبقى فى دلائل تعرفك اذا كان الحد دا بيحب ربنا ورسوله فعلا واللا لا
عموما انا قلت لك هافكر..
هى ممكن تحطه فى كذا اختبار
وبعدها ممكن تتزوجه لو نجح فى الاختبارات دى
بس بلاش تنجب منه اللا لما تتاكد انه غرضة فى الحياه هى رضاء ربنا سبحانه وتعالى

Mimi
01-04-2009, 04:36 PM
افرضي ياميرا هي عملت استخارة وخلاص شافت منها انه صالح ليها كزوج

وانه تقي جدآ وبعدين انا قلتلك انه مسلم ابا عن جد يعني دا مش يهودي واسلم جديد

كل الموضوع انهم اسرائيليين !!

عموما هستنا كل جديد منك ياحبيبتي وان شاء الله اقدر اتوصل لحل منكم

Sara Gamal
01-04-2009, 04:51 PM
اولا اشكرك على الموضوع ده ياجودى واحييكى عليه.....

ثانيا :
قبل متكلم طبعا ده رايى الشخصى وقد يتعارض وقد يتوافق مع اراء تانيه
بس انا كنت واى بنت عاوزه ايه اكتر من الصفات اللى انتى ذكرتيها فى الشخص ده وان شايفه ان صراحته معاها ترفعه عندها مش تقل من قدره ...هو اصلا ذنبه ايه فى الاصل ده

الرسول صلى الله عليه وسلمقال:
إذا جاءكم من ترضون دينه وخلقه فزوجوه فإن لم تفعلوا تكن فتنة فى الارض وفساد كبير

والحديث واضح اوى فى شروط قبول الخطيب والحديث لم يتعرض لنسب او اهل او جنسيه

ده غير ان الرسول صلى الله عليه وسلم تزوج من السيده هند بنت أبى سفيان وكان ابوها كافرا حين تزوجها وكان من اشد اعداء الاسلام والحاقدين عليه

ده غير ياجماعة اسمحولى انا شايفه ان انسان محترم زى ده وحتى لو اصله يهودى افضل كتير من شاب مسلم من الاصل ولا يمت للاسلام بصله لا فى فرائض ولا فى اخلاق ولا افعال....والنوع ده ما اكتره دلوقتى

انا لو مكانها هصلى واستخير ربنا وادعيه واتوكل عليه والله فيه الخير ربنا هيقدمه...لانه هو الاعلم

Mimi
01-04-2009, 05:02 PM
بصراحة ياسارة انا مرتحالك جدآ في رائيك دا وعايزه اقول اني معاه جدآ كمان

قابلتني مشكلة في حياتي قبل كدا بسبب الجنسية بردو وشايفة انها فعلا هتبقى فتنة زي ما بتقولي ياسارة

يعني بعد الحديث اللي ذكرتيه عن لسان الرسول الاعظم عليه افضل الصلاة والسلام انه مشرطش ابدآ الاصل والجنسية في الارتباط

وكلنا عارفين ان المعتنق للاسلام بيكون احسن بكتير من مسلمين كتير بالاسم

بس انتي عارفه ياساره جايز يبقى معانا كتير في الراي دا بس معترضين عن كونه اسرائيلي فقط زي ميرا هيا قالت انا مش معترضة على انه جنسية مختلفة ولكن معترضة على انه اسرائيلي لاسباب سياسية وغيرها بأه

مقتنعة بكلامك ياحبيبتي واذا حد موافق على كلام ميرا او سارة يقول لوسمحتم واذا ليه راي تالت غير كدا يقول لوسمحتم

ميرا مار
01-04-2009, 06:38 PM
فين يا شباب رايكم
الموضوع مهم
لو اختك فى الموقف دا هتعمل ايه
رايك هيكون ايه؟؟؟؟؟؟؟؟؟؟؟

NOHA SHABAN
01-04-2009, 06:48 PM
أنا شايفة أن رفضها صح تماما لسبب بسيط بيحصل مشاكل كتير أوى أما الزوج بيبقى أجنبى الجنسية (غير مصرى) والشاهد على كده القضايا المرفوعة فى المحاكم المصرية لدرجة أن بعض المحامين بقوى متخصصين فى قضايا الزواج من أجانب فما بالك بالجنسية دى تحديدا حتى لو كويس حيبقى مصدر للشك
وعلى العموم فى مصريين كويسين أيضا وتقابل الشخص اللى فيه كل المواصفات دى بس مصرى أن شاء الله

Mimi
01-04-2009, 06:52 PM
انتي شايفة يانها انه لو حد حبك ومكنش مصري هو بايده انه اختار جنسيته بنفسه ؟

هل عليه الذنب في كدا انه طلع مصري او مش مصري

بس جايز انه يكون وجهة نظرك فيه كونه اسرائيلي بتكون مشكلة كبيرة فعلا

وانا معاكي طبعا ان في مشاكل كتير اوي من زواج الجنسيات المختلفة بس جايز يكون من جنسية تانيه وهيعيش معاها في بلدها او ياخدها بلده ويبقو راضيين بكدا

وجهة نظرك رغم انها مؤلمة بس انا شايفه ان فيها شئ من الصح

NOHA SHABAN
01-04-2009, 07:35 PM
بصراحة يا جودى أنا أما بشوف الموضوع وصل لجواز لازم العقل يشتغل أكتر كتير وكمان رأى اللى حوليكى مهم أوى
لأن البنت الطبيعى بتعها بتبقى عاطفية لازم تركز أوى دى خطوة مهمة فى حياتها وتقريبا على مابسمع البنات اللى حولى ديما يقولوا ده أتغير بعد الجواز طب يترى هو اللىأتغير ولا هى ماكنتش شايفة العيوب بسبب العاطفة

Mimi
01-04-2009, 09:26 PM
هو احنا يانهى مش بنتكلم في صفات قد ما بنتكلم عن سبب رفضها

يعني يانهى في مثلا كتير من اهل بلدك ومن نفس ديانتك بس بيكونو بشعين في اخلاقهم ومعاملتهم

دا حد تقي جدآ مش لسه هنقول يمكن يطلع وحش ..كل حاجة واردة بس انا حسمت الموقف في انه يصلح زوج صالح وتتمناه اي بنت لانه غير صفاته الكويسة

انا اتكلمت عن نشأته وعن أهله يعني هو جو العيله كله كويس ..بردو هيترفض عشان كدا ؟

هل ممكن نفكر في حلول تجمع بينهم ؟ زي مثلا انه يحاول يتجنس بجنسية تانيه ؟

مى الشورى
01-04-2009, 09:43 PM
انا عن نفسى مش شايفه سبب لرفضها
انا كل اللى يهمنى انه مسلم وموحد بالله
جنسيته او جذوره شئ مهم بس احنا كده عاملين
زى اللى بيصلح من شخص وفى نفس الوقت
محسسه دايما باخطائه
يبقى ازاى هتصلحيه
وبعدين على كده بقى محدش منهم يسلم لانه
مش حيلاقى اللى يتعامل معاه او يتجوزه
ايه يا جماعه المفروض يكون فيه عقليه فى
الحكم على شئ
مش نحكم بتعصب او بمشاعرنا

The[H]KinG
01-04-2009, 09:47 PM
الموضوع جاااااامد اووووى وشكرا يا كبيرة
بس الجواب فى كلمتين المفرووض تتمسيك بيه اكتر من الاول

NOHA SHABAN
01-04-2009, 09:47 PM
والله كلامك فيه حاجات كتير صح بس الموضوع ده فى رأى المتواضع
أنا خايفة من حاجتين 1- حساسية التعامل بين الأثنين
2- أن الشخص ده ممكن والله أعلم يكون ورأه موضوع تانى خالص
باين على شخصية شكاكة مش كده ههههههههه

Mimi
01-04-2009, 10:23 PM
بالعكس والله مش شكاكة دا صارحها بالحقيقة في لحظة ممكن تغير فيه حلمه انه يبقى زوج ليها

صارحها وهي حبه الحقيقي وعشان كدا محبش يكون خبى عنها حاجة .. تخيلي رد فعلها دا ممكن يعمل فيه ايه وخصوصا لما تحاسبه على حاجة مش بتاعته دا على كدا مفيش بنت مسلمة عربية هتقبل بيه

ويكفي ياجماعة الحديث اللي قالته سارة في اول صفحة على الرسول عليه افضل الصلاة والسلام وكمان قالت انه كان متزوج لهند بنت ابي سفيان وهو كافر !!

انا بدأت انحاز للرأي اللي بيقول خليها تتمسك بيه أكتر

NOHA SHABAN
01-04-2009, 10:44 PM
بالعكس والله مش شكاكة دا صارحها بالحقيقة في لحظة ممكن تغير فيه حلمه انه يبقى زوج ليها

صارحها وهي حبه الحقيقي وعشان كدا محبش يكون خبى عنها حاجة .. تخيلي رد فعلها دا ممكن يعمل فيه ايه وخصوصا لما تحاسبه على حاجة مش بتاعته دا على كدا مفيش بنت مسلمة عربية هتقبل بيه

ويكفي ياجماعة الحديث اللي قالته سارة في اول صفحة على الرسول عليه افضل الصلاة والسلام وكمان قالت انه كان متزوج لهند بنت ابي سفيان وهو كافر !!

انا بدأت انحاز للرأي اللي بيقول خليها تتمسك بيه أكتر

لأ ياجودى أنا بقول على أنا اللى شكاكه

Mimi
01-04-2009, 10:49 PM
اه اه فهمتك يانهى معلش سامحيني ههههههههه

بس انا عاجباني طريقة تفكيرك ، انتي مش شكاكة بس بتحاولي تدرسي الموضوع بعقلانية وتحليليه بصورة غير مبالغ فيها

متقوليش على نفسك كدا ..بس بالنسبة للنقط اللي قلتيها متهيألي ان مش هيكون وراه حاجة اكتر من انه يقولها على الموضوع دا واللي هد حياته زي ما توقع

Zooma
01-04-2009, 11:29 PM
يا مساء الانوار الاول عليكى يا جودى
بصى هو انا لما قريت الموضوع اعد افكر كتير وحطيت نفسى فى موقف الولد ده
الاول وحسيت بيه لما هى قالتله لا ورفضته كونه اسرائيلى فهو كده الولد مش ذنبه حاجه
خصوصا انك زى ما قولتى انو مسلم ومحافظ على تعاليم الاسلام
بس هنا هو فى حاجه عايز اللقيلها تفسير او اقناع
ليه الشخص ده لغايه دلوقتى مغيرش جنسيته لجنسيه البنت دى
او حتى الجنسيه السعوديه او اى جنسيه تابعه للبلد ايلى عايش فيها
ليه محافظ لغايه دلوقتى على الجنسيه الاسرائيليه خصوصا انو اسلم
وشايف مدى كره العرب والعالم كله للجنسيه فكان بالمرة يغير جنسيته
فأنا شايف ان مافيش اى حاجه تعوقه انى يغير جنسيته خصوصا ان ابوه بقى مسلم زيه
يعنى مافيش مليمنع كده ده اول حاجه.
تانى حاجه انا بقى لو مكانه وهى رفضتنى بسبب الجنسيه مش لاقى اى مانع يمنعننى
انى اغيرها اول حاجه عشانها مش عشانى
عشان لو عشانى كنت غيرتها من زمان وارجعلها تانى
واطلبها تانى بعد ما غيرت الجنسيه عشان فعلا اكون
عملت كل حاجه بوسعى انى اعملها عشانها.
وكمان فى حاجه احنا نسينها خالص وهى العيال فرضا انهم اتجوزوا كده
وهو لسه اجنسيته اسرائلى العيال هتبقى تبع
ابوهم فهيكونوا اسرائليين بس مسلمين ماشى ده الكلام ايلى احنا عارفينوا
بس فى المدرسه مثلا هيكون شكلهم ايه
والتعامل معاهم هيكون ازاى وغيره وغيره ......

بس فى الاخر عشان ماطولش عليكى يا جودى الحل فى ايده هو انه يغير جنسيته عشان يبعد الشكوك عنه الناس ممكن تقول ده بيمثل
ومدارى فى الاسلام والحاجات دى كلها بالاضافه لليى انا قولته
وفى حاجه مهمه جدا جدا عايز اقولها فى الاخر ودى مهمه يا جودى
اوعى تكون البنت دى اصلا فى الاساس من جواها عايزه الشخص ده
عشان كده صلاة الاستخارة مش هتكون صحيحه لان صلاه الاستخارة
لما بتكونى محتارة بين امرين مش انتى متردده فى امرين
و انتى عايزة من جواكى امر واحد فيهم غصب عنك او عنها قلبك هيروح للانتى عايزاه
وماتصدق انها تلاقى حد موافقها

ومعلش يا جودى انا طولت كتير كتير عليكى بس هو فعلا موضوع محير
وياريت الكل يشارك فيه.

سلمي جمال
01-04-2009, 11:47 PM
في البداية احب بس اشكرك يا جودي علي الموضوع دة لانك بصراحة موضيعك جامدة
هو فعلا موضوع محير
بس احب اعرف حاجة هل جنسيته اسرائيلي ولا اجدادوا اسرائلين و هو مولود في مصر
لو مولود في مصر ولكن اصله هو الي اسرائيلي فانا شيفة انها مترفضهوش
هو مش بأيده يعني
لكن الي مولود في اسرائيل و كان عايش هناك و رجع مصر بعد كدة حتة لو كان مسلم فأعتقد انه يتخاف منه لانهم هناك بيزرعوا دماغهم بكلام ضدنا
هو دة رأي و لكم حر الاختيار طبعا

مرسي يا جودي

ميرا مار
01-04-2009, 11:50 PM
والله ياسلمى راى ممتاز

wisam
01-05-2009, 12:01 AM
والله يا ميرا انا لو يعنى مكانها اقبل :
اولا : لانه شخصيه كويسه وعلى اخلاق زى ما بتقولى
وطبعا ملتزم وبيصلى وعارف التقاليد الاسلاميه
ثانيا :لانه بيحبها
ثالثا : واللى انا شايفها اهم واحده انه مخدعهاش وقالها على جنسيته قبل الزواج
وده رايى بصراحه
على فكره موضوع مهم اوى ...شكرا ليكى يا ميرا

محمد على
01-05-2009, 12:13 AM
والله انا لو منها اقبل كفايه انوا قال لها الصراحه

Youssef Mostafa
01-05-2009, 12:20 AM
هو موضوع حلو اوى ياجودى واسمحيلى اقولك يا ميرا انا مش موافقك لان الراجل اسلم ابا عن جد وملتزم بتعاليم الدين وانا رايى زى سارة جمال

Mimi
01-05-2009, 02:23 AM
شكرا ياجماعة على تفاعلكم في الموضوع ورغم ان منحازة لاقوى رأي اتقال وهو رأي سارة وكل الآراء اللي شابهتها

الا اني كمان مع الوجه الآخر في تحليل الموضوع من منظور تاني وكان على رأس تلك الآراء رأي زووما وكل من شابهه بردو

واللي قدرت اتوصله من كل الكلام دا انه الشاب دا يقدر ياخد فرصته في انه يتجنس باي جنسية أخرى والتخلي عن جنسيته وخصوصا ان في يهود ذات نفسهم غير معترفين باسرائيل وبالصهيون

وبعدين يرجعلها تاني ولو هيا بتحبه بجد وبصدق مفيش سبب يخليها ترفضه ساعتها

فشكرا ليكم جميعا

Mahro
01-05-2009, 02:59 AM
ايه المواضيع الجميله دى يا نوارة منتدانا جووودى .....لا طبعاً تقبل مدام ان هيا هتخضع معاه للشريعه الأسلاميه واحكامها بما انها مسلمه وهو مسلم وبعدين الراجل كان صريح جداً معااااها وكان ممكن يخبى بس هو فضل ان علاقتهم تكون على ورقه بيضه من البدايه ودى تحسب ليه مش عليه واظن ان اى حد فينا ميعرفش اساس اصل جدودو منين

انا مثلا اسمع ان اصل اصل جدتى ام والدى وجدودها عرب مغاربه وكده يعنى وكتير منا على هذا المنوال فهى تستخير ربنا اولا وبعدين تقرر واكيد كل

شىء نصيب ...

Mimi
01-05-2009, 03:13 AM
شكرآ ليك يامهروو رائيك ممتااااز وكلامك سليم 100 %