المساعد الشخصي الرقمي

مشاهدة النسخة كاملة : موضوع معمول مخصوص عشانكم ..



ميرا مار
01-04-2009, 10:25 PM
بسم الله الرحمن الرحيم
انا عندى قاموس معجم بيجيب معنى لكل اسم عربى..
وطبعا بيقولوا لكل انسان حظ من اسمه
وبكدا غذيته بكل اسماء الاعضاء اللى اعرفهم وكانت دى النتيجة
طبعا بالاسم اللى انا اعرفه..
نبدا؟؟

محمد
الكثير الخصال الحميدة
حسن
وسمّوا أيضاً الحَسَن : الجميل الخَلْق والخُلق ، النَّضر ، البهيّ ، المشرق ، الكثيب العالي النقي ، الجبل الشاهق ، وصنف من الأشجار الجميلة .
احمد
الأكثر حمداً
جودى
نسبة إلى جُوْد .موضع وقيل جبل بالجزيرة العربية استوت عليه سفينة نوح
محمود
ذو الصفات الحميدة ، المشكور ، الممدوح ، المَرضي عنه ، واسم للفيل المذكور في القرآن الكريم الذي تقدَّم جيش أبرهة لاحتلال مكة المكرمة .

ايمن
الميمون ، المبارك ، مَنْ يعمل بيمناه ، والعرب كانت تتفاءل بجهة اليمين وتمثّل عندهم القوة والقدرة والمنزلة

اسلام
الانقياد والطاعة ، حلول السلم


شيماء
الشَّريفة النَّفس ، وصاحبة الأنفة والعِزَّة والكرم ، التي ترفع رأسها وأنفها اعتزازاً

حورية
الجميلة الناعمة البيضاء ، والتي بُشِّر بها الصالحون في الجنّة

اسراء
السير أو السفر ليلاً،

رانيا
رَانِيَة ) : المُصغي بشغفٍ وانتباه ، المُداري ، المُباري في الرفعة والشرف ، الذي يطيل النظر إلى مَنْ يحب أو المحدِّق إلى شيء كثير الجمال دون أن ترمش أجفانه .

حازم
مَنْ يضبط أمره ويحكمه بثقة دون تردد ، العاقل المُميَّز بحنكته .

خالد
الدائم ، الأزليّ، الباقي ، المُقيم في المكان ، الكبير الذي تأخّر عنه الشَّيْب، وخَالِدَة : مؤنث خَالِد ، ونبات للزينة أزهاره طويلة ، واللخَالِدَان : الطُّهر والورع ، أو الشَّعب والوطن ، والخُلْد : من أسماء الجنَّة

وسام
العلامة التي يوسم بها ، ونيشان يُعطى لمن امتاز بأفعاله وحُسن خدمته يُعلَّق إلى الصدر ، وجمع وسِيْم : الثابت الحُسن ، الحَسَن الوجه والطلّة ، والموسوم


اسامة
من اسماء الاسد وهو يحما معنى الشجاعة

نهى
غاية الشيء وآخره، والعقول: لأنَّها تنهى عن فعل القبيح. من أقوال العرب : نِصفُ العقلِ مُداراةُ الناسِ، وكُلُّ العقلِ مُداراةُ السُّفهاءِ

شهاب
كل مضيء متولّد من النار، الكوكب عموماً أو الذي ينقضّ متوهجاً في الليل، السِّنان لما فيه من البريق،
ويُقال للرجل الماضي في الحرب: شِهابُ حرب، أي: ماضٍ فيها،
والشُّهُب : هي الليالي البيض في الشهر العربي من 13 إلى 15 منه ، وسُمّيت بذلك لأنَّ القمر ينيرها كلّها

هيثم
الصَّقر ، فرخ النسر أو العُقاب ، الأسد ، الرملة الحمراء ، وصنف من الشجر

فَرِيْدَة
الذي لا مثيل له ، الجوهر النفيس ، اللؤلؤ ، النادر ، الواحد ، خرز تُفصل به حبّات الذهب واللؤلؤ ، وفَرِيْدَة : الجوهرة النفيسة ، والتي لا نظير لها

اسماء
اسم مشتق من الوسامة : الحُسن والجمال ، ومن السّمو : العلاء والرفعة ، وجمع اسم ، وغالباً ما يلفظونه : أَسْمَا .

سارة
سَارَّة : التي تُفرِح الآخرين ، أو التي تُعلم بالسر، ومنهم من يقول : من السَّأْر والسُّؤرة ، أي : بقيَّة الشيء من الشراب أو الطعام، وقيل في السريانية بمعنى: أخت أو سيّدة، وفي العبرية: أميرة وكانت في الأصل تدعى "ساراي" و معناه: المجاهدة

سلمى
جمع سليم: الجريح المشرف على الهلاك سمّوه به تفاؤلاً بالسلامة، اللَّديغ
مها
جمع مَهَاة : الشَّمس ، الكوكب ، الدُّرَّة ، البقرة الوحشية ، البلّور لشدَّة صفائه كأنَّه الماء ، والحجر الأبيض البرَّاق ، وتسمَّى المرأة مها إمَّا لشدَّة بياضها الناصع كالدُّرَّة الشَّديدة الصفاء ، وإمَّا لعيونها الواسعة الجميلة كعيون البقرة الوحشية .
.

Mimi
01-04-2009, 10:32 PM
الله ياموها الموضوع دا فعلا شكله متعوب عليه جامد

انت ياحسن طلعت من الاشجار الجميلة :p :p

ميرسي ياميرا واكتر اسم عجبني معناه سارة ورانيا

هااايل بجد ميرسي اوي ياحبيبتي

Ahmed Mohamed
01-04-2009, 10:34 PM
موضوع جميل اوي

كل ده علشان احنا

تسلم ايدك بجد علي المجهود

ميرا مار
01-04-2009, 10:36 PM
تسلمو يا جماعة
على فكرة فى اسامى حلوة بس لقيت معناها وحش فماحبتش ازعل حد

Ahmed Mohamed
01-04-2009, 10:39 PM
زي ايه كده طيب

طيب يعني شيماء وعلياء واماني والزهراء

عايز اعرف معاني الاسامي دي

ميرا مار
01-04-2009, 11:54 PM
ههههههههههههه لا طبعا
يعنى مثلا فى اسم
جميل والله لقيت معناه
انثى القرد

وواحد تانى لقيت معناه: كناية الكلب

وكدا يعنى
وفى مثلا
اسم يوسف لقيت مش معروف معناه كاتبين بس انه ابن سيدنا يعقوب

ميرا مار
01-04-2009, 11:56 PM
وبعدين يا روميو
انت بتهدى النفوس؟؟؟؟؟؟
ماااااشى
انت عشان اسمك ياعم ماحدش يقدر ينطق معاه
على اسم اشرف الخلق هنيالك

Sara Gamal
01-05-2009, 12:18 AM
سارة
سَارَّة : التي تُفرِح الآخرين ، أو التي تُعلم بالسر، ومنهم من يقول : من السَّأْر والسُّؤرة ، أي : بقيَّة الشيء من الشراب أو الطعام، وقيل في السريانية بمعنى: أخت أو سيّدة، وفي العبرية: أميرة وكانت في الأصل تدعى "ساراي" و معناه: المجاهدة


ميرسى ليكى ياميرا على الموضوع الحلو ده

وكمان مرسيى ليكى حببتنى فى اسمى اكتر من الاول

Youssef Mostafa
01-05-2009, 12:22 AM
اسم يوسف مش عربى يا مها

ميرا مار
01-05-2009, 12:57 AM
اسم يوسف مش عربى يا مها


ااااااااااخخ فاتتنى ازاى دى؟؟؟؟
هههههههه غباء فى:D غباء معلش...

طب انت عارف معناه ايه؟؟

ميرا مار
01-05-2009, 12:58 AM
العفو يا سارة يا قمرة انا باحب اسمك قوى
بس باحب انطقه صح يعنى بشدة على الراء..اسم جميييييييييييل

Hassan Mohamed
01-05-2009, 12:58 AM
يا ليتني شجره جميلة يقف امامها الناس ويتأملون في جمالها ويقولون سبحان الله

انا سعيد جدا بالموضوع ده لانو عرفني معني اسمي اللي مكنتش اعرفه


تم تقييم الموضوع

wisam
01-05-2009, 01:03 AM
فعلا الموضوع علشانا هههههههههه
شكرا ليكى يا ميرا على مجهودك الجامد ده علشانا
ويارب يديم المعروف بنا جميعا

محمود ابوالمجد
01-05-2009, 01:10 AM
طب ومفيش محمود تصدقي كده انا زعلت خلاص

ميرا مار
01-05-2009, 01:14 AM
يا نهار ابيض
ههههههههههههههههه
لا يا بشمهندس
انا كنت ناسخاه مع احمد ومحم
ودى غلطة الصفحة
وحالا تتصلح
ازاى يعنى بقى
انا اسفة والله

محمود ابوالمجد
01-05-2009, 01:18 AM
شكرا يا ميرا ومن غير اسفة يا باشا يلا هنعديها المرادي
ههههههههههههههههههههههههههههههههههههههههه
بس متعمليهاش تاني بقي

ميرا مار
01-05-2009, 01:20 AM
شكرا يا ميرا ومن غير اسفة يا باشا يلا هنعديها المرادي
ههههههههههههههههههههههههههههههههههههههههه
بس متعمليهاش تاني بقي


هههههههههه
حااااااضر يا سادة البيه المهندس هههههه:D

ميرا مار
01-05-2009, 01:21 AM
منور يا حسن
منور يا وسام..

Ahmed Mohamed
01-05-2009, 01:24 AM
مجبتليش يعني يا ميرا معاني الاسماء اللي طلبتها

انا عايزها بجد

ميرا مار
01-05-2009, 01:27 AM
ايون ..
اه مافهمتش
حاااااااااضر ثوانى تلاقيها عندك

ميرا مار
01-05-2009, 01:31 AM
شيماء
محرفة من الشَّريفة النَّفس ، وصاحبة الأنفة والعِزَّة والكرم ، التي ترفع رأسها وأنفها اعتزازاً

علياء
( عليا ) : الشرف ، المجد ، المعالي ، المكان العالي المشرف ، رأس الجبل ، والسَّماء

امانى
الرغبات وكل ما يشتهيه المرء ويتمنى الحصول عليه، سؤال الله في الحوائج، الأهداف، والكذب

الزهراء
المشرقة الوجه ، المرأة البيضاء ، المنيرة الصافية ، القمر ، الدُّرَّة البيضاء الشَّديدة الصفاء ، والبقرة الوحشية .

ميرا مار
01-05-2009, 01:32 AM
اى خدمة
واى حد عايز يعرف معنى اسم يسيبه هنا

spider girl
01-05-2009, 01:37 AM
شكرا يا مها والله العظيم انتى عسل
حسستينى ان فى حد فاكرنى ربنا يخليكى
تسلم ايدك انا مش عارفه اقول لك ايه

Ahmed Mohamed
01-05-2009, 01:43 AM
دلوقتي دلوقتي انا مش عارف اشكرك ولا اقولك ايه

بجد تسلم ايدك والله ينور

علي فكرة انا اول مرة اعرف ان اسمك مها

الاسم ده غالي عليا اوي عشان ........;);););):D:D;););)

Zooma
01-05-2009, 02:02 AM
لالالالالالالالالالالالالالالالالا
الصراحه كده كتير over علينا قوى :D:D:D
مش عارفين نقولك ايه يا ميرا

حازم
مَنْ يضبط أمره ويحكمه بثقة دون تردد ، العاقل المُميَّز بحنكته .

شكرا كتييييير يا ميرا على ما اعتقد ان معنى اسمى طلع مشابه ليه :D:D:D:D:D
وعلى فكرة انا بحب اسم مها كتيييير لان
كان فى واحده صحبتى فى ابتدائى اسمها مها
وكنا صحاب قوى :D:D
والصراحه الموضوع ده عايزة حته تقييم

Mahro
01-05-2009, 03:50 AM
شكرا ميرامار والله فعلاً مغرقانا بجمايلك دى

واول مره اعرف ان الفيل ده اسمه فى القرأن/ محمود

بجد موضوع ممتاز

AYMAN GAMAL
01-05-2009, 11:53 AM
تسلم ايديك يا ميرا

يعني كان لازم الفضايح دي يعني ههههههههههه

ميرا مار
01-05-2009, 11:54 AM
دلوقتي دلوقتي انا مش عارف اشكرك ولا اقولك ايه

بجد تسلم ايدك والله ينور

علي فكرة انا اول مرة اعرف ان اسمك مها

الاسم ده غالي عليا اوي عشان ........;);););):D:D;););)


ولا تقول حاجة والله انا مبسوطة خااالص انك لقيت حاجة كنت عايز تعرفها
وبعدين كل دى بلينكااااااااااااات ;) عشان كنت تعرف واحده اسمها مها؟؟؟:rolleyes::confused::confused::rolleyes:
مين دى يا وااد ؟؟

ميرا مار
01-05-2009, 12:02 PM
سارة انا فعلا وانا باعمل الموضوع كنت فاكراكم واحد واحد ومادورتش على اسامى الاعضاء..
دا لانى باحبكم كتييييييييييييييييييييير وفعلا ليكم تاثير عليا
وانا باحبك قوى يا سارة ..

ميرا مار
01-05-2009, 12:03 PM
والله يا mahro ردودك هى اللى ممتازة
وانا كمان كنت اول مرة اعرف ان اسم الفيل دا كان محمود
وعموما انت وهو اسم على مسمى

ميرا مار
01-05-2009, 12:05 PM
ايه بس يا ايمن
دا اسمك جمييييييييييل ومعناه اجمل بيقولك المبارك القوى العزيز المنزلة
فى اكتر من كدا؟؟؟
هههههههه واللا عشان الميمون اللى فى الاول ههههههه

ميرا مار
01-05-2009, 12:09 PM
الصراحه كده كتير over علينا قوى :D:D:D
حازم
مَنْ يضبط أمره ويحكمه بثقة دون تردد ، العاقل المُميَّز بحنكته .
شكرا كتييييير يا ميرا على ما اعتقد ان معنى اسمى طلع مشابه ليه :D:D:D:D:D
والصراحه الموضوع ده عايزة حته تقييم



التقييم وصل خلاص يا زوما طالما عجبكم يبقى هو دا المطلوب
والواضح فعلا ان اسمك على مسمى بعد اجاباتك فى الموضوع بتاع
اختبار الضغط النفسى
فعلا طلعت حازم;);):cool:

وايه يا عم الانجليزى دا.. ماتبقاش تعدى ع القسم الانجليزى الاول
بس اوعى تقول لجودى انى انا اللى قولت لك..هههههههههههههه

اسامه البنا
01-05-2009, 01:08 PM
اسامة
من اسماء الاسد وهو يحما معنى الشجاعة


شكرا ليكي يا ميرا

AYMAN GAMAL
01-05-2009, 02:15 PM
ايه بس يا ايمن
دا اسمك جمييييييييييل ومعناه اجمل بيقولك المبارك القوى العزيز المنزلة
فى اكتر من كدا؟؟؟
هههههههه واللا عشان الميمون اللى فى الاول ههههههه


ههههههههههههههههههههههههههه

ماشي حاااااااااااااضر:p

Mimi
01-05-2009, 02:18 PM
كدا ياميرا ماااااااااااااااااشي دنا هروقك اصبري عليا

abdo fadel
01-05-2009, 02:42 PM
ناااااااااايس موضوع بس يا ريت تكملى بقيت الاسماء علشان عاوز اعرف اسمىSet by abdo

ميرا مار
01-05-2009, 07:46 PM
كدا ياميرا ماااااااااااااااااشي دنا هروقك اصبري عليا


هو انا عملت اييييييييييييه؟؟:rolleyes::rolleyes::p

ميرا مار
01-05-2009, 08:37 PM
شكرا لك ع المشاركة والمرور يا عبده
ومعنى اسمك اهو
( عَبْدَة ) : الإنسان ، الخاضع لربه ، الزاهد في عبادة الله عز وجل ، المملوك ، نبات طيّب الرائحة ، والنصل القصير العريض

spring sun
01-05-2009, 08:40 PM
طب واميره ملهاش نفس ولا ايه كده هزعل منك يا ميرا

مى الشورى
01-05-2009, 09:13 PM
ههههههههههههه لا طبعا
يعنى مثلا فى اسم
جميل والله لقيت معناه
انثى القرد

وواحد تانى لقيت معناه: كناية الكلب

وكدا يعنى
وفى مثلا
اسم يوسف لقيت مش معروف معناه كاتبين بس انه ابن سيدنا يعقوب


ليه يا ميرا مفيش زعل
انا عن نفسى عارفه قصدك باسم انثى القرد
وهو مى
واحب اضيف انى قريت انه كمان اصله تركى وبمعنى الخمر
عادى
بس اللى نفسى اعرفه
حظى منه ايه

ميرا مار
01-05-2009, 09:19 PM
هههههههههههههههههههههههههههههههههههههههههههههههههه
لا يا اميرة بس اميرة مفهوم معناه
اوعى تزعلى يا قمر
والله انا كتبته
القاموس الغبى قاللى لا توجد نتائج للبحث
مش عارفة ليه

ميرا مار
01-05-2009, 09:22 PM
ليه يا ميرا مفيش زعل
انا عن نفسى عارفه قصدك باسم انثى القرد
وهو مى
واحب اضيف انى قريت انه كمان اصله تركى وبمعنى الخمر
عادى
بس اللى نفسى اعرفه
حظى منه ايه


ايوووووووووووووووووووووووة يا مى
كدا بردو
انا والله مش عارفة دا ايه.. بس ميرسى لك على المعلومة التانية..
ويمكن حظك منه مثلا
فى ان الخمر لذة للشاربين ههههههههههههههههه
على فكرة فى اية فى القران بان للخمر فوايد كتييييييير
والله اعلم بردو
شكرا يا قمر ع الكسفة اللى انا اخدتها دى هههههههه

spring sun
01-05-2009, 09:27 PM
ملهوش ايه ليه


علي كده انا لازم اغير اسمي

نور
01-08-2009, 07:13 PM
ملهوش ايه ليه


علي كده انا لازم اغير اسمي


اكيد انا كمان
فين معنى اسمى يا ميرا مار

Zooma
01-09-2009, 12:50 AM
انتى اسمك على مسمى يا نور
نور وهو نور الاضاءة يعنى
مش انتى بتسمعى الناس بتقول
منور يا راجل منورة يا حبيبتى
:D:D:D:D:D:D:D:D:D:D

خالد أبوسعده
01-09-2009, 12:57 AM
هههههههههههههههههه
كل دا علي اسمى
يا ما شاء الله
انا لو كنت اعرف كده كنت اتغريت من زمان

بجد شكلك تعبتى اوى علي ما طلعتى الموضوع بالشكل دا
شكرا ليكى و الله ينور عليكى

سلمي جمال
01-09-2009, 01:08 AM
مرسي اوي يا ميرا بجد موضوع جامد اوي

دايما موضايعك جميلة يا باشا

ميرا مار
01-09-2009, 01:26 PM
العفو يا جماعة..
شكرا يا حازم على المتابعة الجميلة دى
وخالد .. اتغر براحتك يا عم احنا اخواتك بردو هنستحملوك..
وميرسى ع الكلام الحلو يا سلمى
ونور.. بينى وبينك بقى بلاش ع الملا كدة هههههه

Ahmed Mohamed
01-10-2009, 04:31 AM
ولا تقول حاجة والله انا مبسوطة خااالص انك لقيت حاجة كنت عايز تعرفها
وبعدين كل دى بلينكااااااااااااات ;) عشان كنت تعرف واحده اسمها مها؟؟؟:rolleyes::confused::confused::rolleyes:
مين دى يا وااد ؟؟


ليه بس كده يا ميرا علي العموم كانت بقه ويعني ما زالت اللي بالي بالك ههههههه;);):D

ميرا مار
01-10-2009, 08:03 PM
هههههههههههههههههههههه
ماشى يا عم خالد
ربنا يهنى سعيد بسعيدة ههههههههه عارف المثل دا
ومين بقى ال:D
اكيد دى انا ...ماشى..هنعدوا المرة دى

gamal
01-16-2009, 09:15 PM
السلام عليكم
والنبي كنت عايز ع معني اسمي
موجود؟؟؟؟؟؟

ميرا مار
01-16-2009, 09:34 PM
اهلا يا جمال..طلب بسيط اهو نرحب بيك
وجيبت لك معنى اسمك

جمال
الحُسْن والبهاء في الخَلق والخُلق ، صفة الحُسن في الأشياء

gamal
01-16-2009, 09:42 PM
ميرسي جدا ده بس من ذوقك
ملحوظه
ردك سريع اوووووووي ده انتي غلبتي الدليفري بتاع ماك (ده مش منزل دروجبا) :D:D

ميرا مار
01-17-2009, 05:44 PM
هههههههههههههههه شكرا يا جمال ..

Marwa Mahmoud
01-18-2009, 10:16 AM
شكرا ليكى ميرا موضوع جميل جداااا .
بس عوزة أعرف معنى أسمى (مروة ) .
غلاسة بقى ههههههههه .

http://www10.0zz0.com/2009/01/17/21/710103174.jpg

spring sun
01-18-2009, 01:07 PM
يا سلا يا سلام بقي كلوا ليه معني الا اسمي قالك مش موجود ماشي


انا سحلانه اوي بقي


اهئ اهئ اهئ

dalia ahmed attia
01-21-2009, 02:48 AM
موضوع جميل يا ميرا
بس فين اسمى بقى
؟؟؟؟؟؟؟
ملهوش معنى ولا اية

ميرا مار
01-21-2009, 12:36 PM
موضوع جميل يا ميرا
بس فين اسمى بقى
؟؟؟؟؟؟؟
ملهوش معنى ولا اية

اهلا بيك يا داليا ..
دا اسمك له معنى جميل قوى ..واسفة اعذرينى انه مكانش موجود

داليا .. الوردة شديدة البياض

شفتى اسمك معناه حلو قوى
واكيد ليكى حظ من اسمك ..يا بختك يا ستى

ميرا مار
01-21-2009, 12:37 PM
معلش يا مرمر ماتعيطيش
انا والله مش عارفة قاموس ايه الغبى دا

بس احنا عارفين معنى اميرة..برينسيس يعنى

Marwa Magdy
01-21-2009, 02:56 PM
ايوة يا ميرا اشمعنى بقى اسم مروة
اهى اهى اهى اهى اهى
كدة برضة يا ميرا

ميرا مار
01-21-2009, 03:07 PM
ههههههههههههههههه
لالالالالالالالالالالالالالالالالالالا بلاش دموع ..
تفضلى يا جميلة الجميلات
مروة
واحدة المَرو : حجارة بيضاء برّاقة كانت تستعمل لتوليد النار " الصوّان " ،
شجر طيب الرائحة ، نوع من الرياحين ،
والمروة جبل في مكّة المكرمة السَّعي فيه من شعائر الحجّ عند المسلمين .

The[H]KinG
01-21-2009, 03:35 PM
ايه ده بقااااااااا
وانا مااالى مليش دعوة انا عاااايز معنى اسم حسااااااام
والا مش هخلى حد من ولاد أبو اسماعيل دول ولا حتى ابو سماعيل
هههههههههههههههههههههه
موضوع جاااااااااااااااامد

olivia nader
01-21-2009, 04:44 PM
لااااااااااااااااااااااااااااااااااااااااااااااااا ااااااااااا
:(:(:(:(:(:(:(:(:(:(:(:(:(:(:(:(:(:(:(
وانا مش موجوده :(:(:(
بس هو الموضوع(بعيدا عن اني مش موجوده) جميل اوي يا ميرااااااااااا

NOHA SHABAN
01-21-2009, 04:57 PM
موضوعك حلو أوى ياميرا بجد
وأنا كنت عارفة معنى أسمى من الأول بمعنى العقول
بس أستفدت من أسماء باقى الأعضاء خاصة أسم رانيا كان معنى جديد بالنسبه لى

وده العادى بتاعك ياميرا

Marwa Magdy
01-21-2009, 07:12 PM
ميرسى يا ميرا
خلاص ما فيش دموع كدة
هههههههههههههههههه
وموضوع جميل اوى
تسلم ايدك

dalia ahmed attia
01-21-2009, 10:45 PM
ميرسى جدااااااا يا ميرا
تسلمى يا قمر

shimo
01-21-2009, 11:33 PM
مرسيتوووو يا موها
انا فرحت بمعنى اسمي اوي
انا اعرف انه مشتق من الشموخ او الكبرياء فيما معناه بس بجد موضوع يجنن:):)

onon
01-21-2009, 11:43 PM
ايوه يا شيمو يا صاحبه العزه والكرامه بلاضافه الي الانف
المرفوع انشاء الله حعملك عمليه تجميل فيها واظبطهالك متخفيش

onon
01-21-2009, 11:44 PM
اوعي تزعلي والله بهزر اصل مش كل شويه حقعد اغني اغلس شويه بقا

ميرا مار
01-30-2009, 10:58 AM
KinG;57919']ايه ده بقااااااااا
وانا مااالى مليش دعوة انا عاااايز معنى اسم حسااااااام
والا مش هخلى حد من ولاد أبو اسماعيل دول ولا حتى ابو سماعيل
هههههههههههههههههههههه
موضوع جاااااااااااااااامد


هههههههههههههههه من غير ما ندخل العيلة دى فى الموضوع
اصلهم متهورين اتفضل ........
حسام
السَّيف القاطع ، والقويّ الذي يحسم الأمور .

The[H]KinG
01-30-2009, 02:02 PM
هههههههههههههههه من غير ما ندخل العيلة دى فى الموضوع
اصلهم متهورين اتفضل ........
حسام
السَّيف القاطع ، والقويّ الذي يحسم الأمور .


شكرا يا ميراااااااااااا
أنا كنت هجيبلكم ولاد أبو سماااعيل هنااااااااا
بس أنتى سبقتينى
شكرا يا ميراااااااااااااااااااااا

lolaa fahmy
01-30-2009, 03:55 PM
اممممممممممممممممم

برافوو عليكي انا طول عمري نفسي اعرف اسم شيماء ده معناه ايه


بس عايزه معني اسمي بقي ممكن( علا)

free eagle
01-30-2009, 08:39 PM
كدة يا ميرا متكتبيش اسمى مكانز العنب (مكنش العشم )
ههههههههههههههههههههههههههههههههههههههههههههههه

موضوع جامد جدا يا ميرا بجد
وممكن اعرف معنى يسري ايه

farida
01-31-2009, 12:15 AM
ميرسيييييييييييييييييييييييييييييييييييييييييييييي ييي
يااااااااااااااااااااااااااااااااااااااااااااااااا ااااا
جميلللللللللللللللللللللللل
موضوع جميل جدا جدا جدا
شوفتوا انا اللؤلؤة النادرة ها عشان تعرفوا بس انتوا بتكلموا مين هههههههههههههههههههه

هدى على
01-31-2009, 10:26 AM
موضوعك حلو وعرفنى معنى اسماء مكنتش اعرفها بشكرك على المعلومات

ميرا مار
02-01-2009, 04:35 PM
اممممممممممممممممم

برافوو عليكي انا طول عمري نفسي اعرف اسم شيماء ده معناه ايه


بس عايزه معني اسمي بقي ممكن( علا)


الحمد لله انك مش زعلانة
حبيبتى انت يا علا
اتفضلى

علا
( عُلا ) : السّمو ، الرفعة ، الشَّرف ، المجد ، السِّيادة ، والسَّموات .

ميرا مار
02-01-2009, 04:39 PM
كدة يا ميرا متكتبيش اسمى مكانز العنب (مكنش العشم )
ههههههههههههههههههههههههههههههههههههههههههههههه

موضوع جامد جدا يا ميرا بجد
وممكن اعرف معنى يسري ايه


ههههههههههههه لا والله فى عنب وكل حاجة
الموضوع قديم ........

وطبعا
اتفضل
يسرى
المنسوب الى اليُسْر ومعناه
السهولة والليونة ، الغنى ، الذين يعملون باليد اليسرى ،
وشجر له حبّ شديد السَّواد طيِّب الرائحة وتُعمل منه السُّبحات .

ميرا مار
02-01-2009, 04:43 PM
موضوعك حلو وعرفنى معنى اسماء مكنتش اعرفها بشكرك على المعلومات


لالالالالالالالالالالالالالالالالالا
ماحدش ييجى هنا ويطلع فاضى كدا هههههههه
هدى
الرُّشد ، البيان ، الدلالة ، الطاعة ، التقوى ، النهار ، الطريق ، الحق ، والهادي .

الشكر لله ..حبيبتى ونورتى الموضوع

ميرا مار
02-10-2009, 01:18 PM
سميرة حبيبتى
انتى فى موضوع قلتى
اسمي الحقيقي هو سميرة ومش عارفة معناه اوعدك حاحاول اعرف واقوله

وماتتعبيش نفسك يا قمر
اتفضلى

سميرة
( سَمِيْرَة ) : السَّامر في سهرة السَّمر ، والدَّهر .
ابن سَمِيْر : الليل الذي لا قمر فيه ،
وابنا سَمِيْر : الليل والنهار .

ميرا مار
02-25-2009, 03:19 PM
ها يا جماعة ..مين تانى عايز يعرف معنى اسمه
im waaaaaaaaaaaaaitting

ريحانة الزهور
02-26-2009, 02:57 AM
موضوع جميل ومهم

لان المفروض كل واحد يعرف معني اسمهhttp://up1.mlfnt.net/images/9q95w28egimzai7tn4m.gif (http://up1.mlfnt.net/)

ميرا مار
03-01-2009, 11:51 PM
شكرا ريحانة
اتمنى اعرف اسمك عشان اجيبلك معناه
وجزاك الله خيرا مشاركتك اسعدتنى

جنات
03-02-2009, 08:27 PM
موضوع حلو يا ميرا بس انا زعلانه عشان نسيتى اسمى بس مش مشكله احنا لسه فيها بس انا عايزه اسمى الحقيقى كمان يا ميرا معلش هتعبك

ميرا مار
03-14-2009, 07:48 PM
لالالالالالالالالا انا ولا اقدر على زعلك يا جميلة:eek:

هاصالحك والله

قوليلى اسمك الحقيقى ايه؟؟

واسم اى حد انتى عايزة تعرفى اسمه

وحااااالا يكون المعنى عندك:o

Wild_Angel
03-14-2009, 08:29 PM
موضوع جمييييييل يا موها
والاسماء معانيها جميله
ربنا يهديكى الزوج الصالح والذريه الصالحه وتسميهم اسماء جميله يفتخرون بها

ميرا مار
03-18-2009, 01:35 AM
جزاك الله خيرا يا انجل

ونورتى الموضوع والقسم كله