المساعد الشخصي الرقمي

مشاهدة النسخة كاملة : قول رأيك :ايه الأصعب ؟ الاعتراف بالحب ولا الاعتراف بالكره !!



Mimi
01-07-2009, 01:33 AM
تُعتبر مشاعر الإنسان الداخلية من أكبر الأسرار التي يُخبئها في

داخلة ..

http://www.uaekeys.com/fwasel/www.uaekeys.com7.gif

أُقدم لكم هُنا في هذا الموضوع دعوة لكشف الأوراق المخفية داخلنا

قد تكون المشاعر المخفية عبارة عن مشاعر حب او كره لشخص ما ..

هل تستطيع أن تصارح الآخرين بمشاعرك تجاههم

سواء كانت مشاعر حب أو كره ..؟!

http://www.uaekeys.com/fwasel/www.uaekeys.com7.gif

قد يشعر الشخص الذي يعترف بالحب كأنه تجرد من كل اقنعته

او كل ما كان يحمي خصوصيته، وكأنه ازاح الغطاء الواقي عن نفسه ..

اما بخصوص الكراهية، فهل تختلف ..؟!

هل انت مستعد لتقل لشخص ما وجها لوجه بأنك تكرهه ..؟!

بشرط ان يتم ذلك في لحظة هادئـة وليس نتيجة شجار وقع بين الاثنين ..

إذ عندها يكون هذا الكلام سهل النطق .. ودون حرج ..

http://www.uaekeys.com/fwasel/www.uaekeys.com7.gif

هل تستطيع ان تكون صريحـا او صريحة حتى النهـاية وتشرح للشخص

الذي اخبرته بكراهيتك له لماذا صرت تكرهه ..؟!

هل تملك الحجج والشجاعة لمثل هذه المواجهة ..؟!

ايهما اصعب ان تعترف بالحب ام تعترف بالكراهية لشخص ما ..؟

سؤال جميل ننتظر آرائكم فيه ؟؟؟؟

ميرا مار
01-07-2009, 01:39 AM
اممممممممممممم بصى عشان انا باخلص شحن دلوقت مش مركز قوى
هاقول حاجة وابقى اجى تانى احكى بقى
بصى الحب مش محتاج لكلام ..بس لو اضطريت اتكلم اسهل بكتيييييييييير انه يتقال
لكن صعب موووت اقول لحد انا باكرهك..
شكرا جودى موضوع جميل بس انا عنية مسلمة نمر ههههههه ياللا نايتى نايتى

Mimi
01-07-2009, 02:03 AM
اوكي يامرمورتي بون نوي

وبكره اعلقلك على ردك ونتناقش مع بعض

The[H]KinG
01-07-2009, 08:50 PM
ايه الموضوع الجاااااامد ده يا كبيره
المهم انى شايف ان الاعتراف بالحب اصعب من الاعتراف بالكراهية
الكلام ده لو مفيش فرصة عشان تكلم اللى بتحبه واللى احنا بنسمية الحب من طرف وااحد
ولكن الكراهية مش محتاجة اعتراف لانك لو بتكره حد هتتجنبه وخلاص يعنى تبعد عنه

Mimi
01-08-2009, 01:15 AM
KinG;52576']ايه الموضوع الجاااااامد ده يا كبيره
المهم انى شايف ان الاعتراف بالحب اصعب من الاعتراف بالكراهية
الكلام ده لو مفيش فرصة عشان تكلم اللى بتحبه واللى احنا بنسمية الحب من طرف وااحد
ولكن الكراهية مش محتاجة اعتراف لانك لو بتكره حد هتتجنبه وخلاص يعنى تبعد عنه

طيب معلش سؤال ياكينجو ليه منقولش ان اللي بيعترف بالكره دا بيعمل كدا عشان الطرف التاني

يعني عشان اوضح يعني انت مثلا في حد بيعاملك كويس جدآ جدآ زيادة عن اللزوم وانت مش قادر تتعامل معاه زي ما هو بيتعامل معاك وحاسس ان بيديك كتير وانت مش بتديه حاجة ودي كمان حاجة مش بارادتك يعني مش بايدك لان دي مشاعر

المهم اضطريت انك تصارحه انك مش بتحب تتعامل معاه كتير ، مش هتكون صعبه؟ لاني مش بتكلم عن الكره اللي هوا نابع من حقد وغل لالالا كره عادي بدون اي سبب او مشكلة

احمد عبد الحليم
01-08-2009, 05:14 PM
جودى الحقيقة موضوع حلو
بس انا بالنسبالي اللي بحبه بيبقي عارف انى
بحبه حتي من غير ما اقوله
اما لو حد بكرهه بيكون صعب انى اقوله كدة حتى لو هوة
حاسس بكدة
بس تفتكري جودى لو حد قال لحد انا بكرهك مش كدة يبقي رايح علي
سكه عداوة فالافضل يتجنبه وخلاص
وفي النهايهة بشكرك انك فتحتي موضوع شائك زى دة....

Mimi
01-08-2009, 06:53 PM
ممكن يااحمد نغير كلمة انا بكرهك لحاجة تانية زي مثلا انا مش مستريح بالتعامل معاك

او مثلا اعذرني انا مش ببقى مبسوط اوي وانا بكلمك حاجات زي دي

دي مشاعر صريحة جدآ واي واحد فينا ممكن يحسها لكن احنا اتعودنا اننا نصارح بالكويس بس ومنصارحش بالوحش

ياترى دي حاجة كويسة ولا نفاق ؟

The[H]KinG
01-08-2009, 11:08 PM
أنا عملت مره زى ما انتى قولتى كده بس ندمت ندم جااااااااامد وكنت كل لما اشوفه يحسسنى بالذنب من ناحيت
يا رب تسااامحنى على كل حاجة

احمد عبد الحليم
01-08-2009, 11:14 PM
طيب جودى بصراحة

انتى تقدري تقولي لحد كدة...؟؟؟؟؟

Mimi
01-08-2009, 11:36 PM
بصراحة مقدرش اجرح حد بكلامي مهما عمل

لكن بجد مش عارفه ازاي تسيب واحد بيحبك اوي وبيديك كل حاجة وانت مش بتعمله دا ولا بتبادله حتى المعاملة الكويسة

دا اللي قصدته بس في كلامي من كلمة الاعتراف بالكره او عدم الارتياح

خالد أبوسعده
01-08-2009, 11:44 PM
طب يا جودى لو كان حد بيحبك و انتى بتحبى حد تانى
و مش عارفه توصلى للى بيحبك انك مبتفكريش فيه او انك بتحبى حد تانى
لانه الصدمة كبيرة
و خصوصا ان التانى دا اقرب حد ليه

تعملى ايه؟؟

Hassan Mohamed
01-08-2009, 11:45 PM
تُعتبر مشاعر الإنسان الداخلية من أكبر الأسرار التي يُخبئها في

داخلة ..

http://www.uaekeys.com/fwasel/www.uaekeys.com7.gif

أُقدم لكم هُنا في هذا الموضوع دعوة لكشف الأوراق المخفية داخلنا

قد تكون المشاعر المخفية عبارة عن مشاعر حب او كره لشخص ما ..

هل تستطيع أن تصارح الآخرين بمشاعرك تجاههم

سواء كانت مشاعر حب أو كره ..؟!

http://www.uaekeys.com/fwasel/www.uaekeys.com7.gif

قد يشعر الشخص الذي يعترف بالحب كأنه تجرد من كل اقنعته

او كل ما كان يحمي خصوصيته، وكأنه ازاح الغطاء الواقي عن نفسه ..

اما بخصوص الكراهية، فهل تختلف ..؟!

هل انت مستعد لتقل لشخص ما وجها لوجه بأنك تكرهه ..؟!

بشرط ان يتم ذلك في لحظة هادئـة وليس نتيجة شجار وقع بين الاثنين ..

إذ عندها يكون هذا الكلام سهل النطق .. ودون حرج ..

http://www.uaekeys.com/fwasel/www.uaekeys.com7.gif

هل تستطيع ان تكون صريحـا او صريحة حتى النهـاية وتشرح للشخص

الذي اخبرته بكراهيتك له لماذا صرت تكرهه ..؟!

هل تملك الحجج والشجاعة لمثل هذه المواجهة ..؟!

ايهما اصعب ان تعترف بالحب ام تعترف بالكراهية لشخص ما ..؟

سؤال جميل ننتظر آرائكم فيه ؟؟؟؟



انا شايف ان الاعتراف بالحب شئ صعب جدا وممكن يأخد فترة طويلة جدا ممكن تكون شهر او شهرين او سنة او عدة سنوات او ينتهي العمر دون الاعتراف بالحب بجد الكلمة دي بتحمل معاني كثيرة ... تخيل انك بنطق كلمة ليها معاني واحاسيس كثيرة جدا

اما بالنسبة للكراهية فبدون ان اعترف بها فالانسان لو بيكره شخص امامه التعبير عن الكراهية هيبدو علي وجهه دون الحاجة للتعريف بتلك الكراهية اتجاهه

شكرا ليكي يا ميمي علي الموضوع

Mimi
01-09-2009, 12:14 AM
طب يا جودى لو كان حد بيحبك و انتى بتحبى حد تانى
و مش عارفه توصلى للى بيحبك انك مبتفكريش فيه او انك بتحبى حد تانى
لانه الصدمة كبيرة
و خصوصا ان التانى دا اقرب حد ليه

تعملى ايه؟؟

بصراحة انا عشت الموقف دا وما زال موجود واكيد بيكون حاجة مؤلمة جدآ انك توصل اللي بيحبك وانت مش بتحبه الشعور دا وخصوصا لو فضل متعلق بيك بعد ما انتهت علاقتك باللي بتحبه وبيحبك وبردو انت مش عارف تحبه

عن نفسي اتعاملت مع الموقف دا بالمصارحة اول حاجة بتبدأ بالتعبيرات وطريقة التعامل بدون تجريح واذا منفعش يبقى محتاج خطوة جريئة منك بالمصارحة

طيب لو طبقنا نفس المبدأ هنا وانت اللي كنت بتحب حد واقرب حد للشخص اللي بتحبه بيحبك انت وفي نفس الوقت انت مش قادر توصل للشخص اللي بيحبك دا انك بتفكر في حد تاني عشان متجرحوش هتتصرف ازاي ؟

موقف حساس زي دا مش محتاج غير انك تغير طريقة تعاملك بس احذر التجريح لكن انا عارفه انه صعب عليك بس معلش اتغير شوية واحرمه من حاجات قليلة وهو هيوصله الاحساس دا بدون ما تسببله اي احراج او تجرحه

السؤال بأه ؟ هل الشخص اللي بتحبه عارف انك بتحبه ؟ ولا بردو ميعرفش وانت مش قادر توصله حبك ليه ؟؟!!

Mimi
01-09-2009, 12:16 AM
ردك كان منطقي جدآ ياحسن واللي بيعجبني دايما في مشاركاتك تحليلك الواضح والبسيط جدآ والمنطقية كمان في وجهات نظرك شكرا لمشاركتك

خالد أبوسعده
01-09-2009, 12:18 AM
عارف بس الله يكون فى عونه
الموقف صعب بغباء
و المشكله اننا احنا الاتنين خايفين نصارح التانى
لانه الصدمه كبيرة
و امتحانات
الموضوع صعب

Mimi
01-09-2009, 12:23 AM
عارف بس الله يكون فى عونه
الموقف صعب بغباء
و المشكله اننا احنا الاتنين خايفين نصارح التانى
لانه الصدمه كبيرة
و امتحانات
الموضوع صعب

لو كان فعلا الحد التاني مقرب للي انت بتحبه وبيحبه فعلا صدقني هيقدر الموضوع ويعيد حساباته بشكل سلمي

صحيح الموقف صعب عليه جدآ جدآ وعليكم انتو الاتنين كمان بس اكيد هيتمناله الخير وربنا يعيدها على خير بس ياريت تختارو وقت مناسب وظروف كويسة للمصارحة وربنا معاكم بجد

خالد أبوسعده
01-09-2009, 12:29 AM
لو كان فعلا الحد التاني مقرب للي انت بتحبه وبيحبه فعلا صدقني هيقدر الموضوع ويعيد حساباته بشكل سلمي

صحيح الموقف صعب عليه جدآ جدآ وعليكم انتو الاتنين كمان بس اكيد هيتمناله الخير وربنا يعيدها على خير بس ياريت تختارو وقت مناسب وظروف كويسة للمصارحة وربنا معاكم بجد


علي فكرة انت فيكى حته الحكمة عالية اوى
ما شاء الله
ربنا يزيدك و الف شكر علي ردك الجميل دا

Mimi
01-09-2009, 12:33 AM
شكرآ ياخالد على المدح الجميل دا واكيد لو قلت كلمة فبكون اتعلمتها منكو انتو الاول من خلال المواقف اللي بتقولوها او التجارب اللي بتمرو بيها واللي بحب اتعايش فيها من خلال كلامكو وبعتبر نفسي انا اللي مريت بيها

AYMAN GAMAL
01-09-2009, 11:07 AM
الحب اكبر من كلمه تتكتب او تتقال

الحب احساس صعب جدا جدا بيخليكي تعيشي اجمل لحظات عمرك مع الشخص اللي بتحبيه ,ممكن كمان يخليكي تعيشي اسوء لحظات ياسك لما حبيبك يتخلى عنك في وقت انتي في اشد الحاجه ليه ولحنانه
الحب انك تحسي بالامان جمب اكتر واحد بيحبك و بيخاف عليكي وعمره في يوم مايتخلى عنك
الحب علاقة مابين اتنين لو دخل فيهم العقل يبقى انت مش عايش فيه عشان الحقيقة ان لما يكون الحب من الطرفين بنفس الحرارة اللي تتحس جواهم هيكون العقل هوة خط الدفاع الاول عن الحب ده وهتكون الاراده قوية جدا جدا وعمر العقل والتفكير بالمعنى اللي بنشوفه اليومين دوله ماهيعملوا الحب

انا عمري مابعترف باللي يقولك تختار قلبك ولا عقلك.....نصيحة.....لو انت متاكد من انه بيحبك وانت بتحبه هتعمل معجزات .....ساعتها انا هعرف.....انت اخترت ايه

شكرا يا Judy اتمنى اني اكون كده ضميت صوتي لموضوعك الجميل جدا جدا وطبعا مش غريب التالق عن جودي

شهاب بودا
01-09-2009, 05:25 PM
انا اعتقد انه الحب والكره

farida
01-27-2009, 02:03 AM
انا عندي الاعتراف بالحب اصعب و بتعدي فعلا مش شهور لا سنوات من غير ما حد ميعترف . اما عن الكراهية هي بتبان علي الملامح من غير قصد بس بالنسبالي انا بيكون الي قدامي بيصعب عليا اه و الله بحاول علي قد مقدر اعامله كويس زي الاول . موضوع جميل جداااااااااااااااا يا جودي

LOTTO
01-27-2009, 05:25 PM
معتقدش انه من السهل ان الواحد يعترف بالكراهية لشخص ما اما الاعتراف بالحب فهو سهل جداااااااااا

نايس موضوع

Mimi
01-27-2009, 06:07 PM
شكرآ لرائيك يافريدة انتي ولوتتو

وفعلآ الآراء متنوعة جدآ

جزء يؤيد ان الاعتراف بالحب سهل جدآ انما انك تقول لحد انك بتكرهه فدا شئ صعب جدآ

وجزء يؤيد ان الاعتراف بالحب شئ صعب جدآ

شكرا على وجهة نظر كل واحد وتفسيره ليها وبتتعدد الآراء لكن الرأي الاخير بيكون رائيك الشخصي :)

spider girl
02-02-2009, 07:39 PM
بصى يا جوجو
انا عندى الاعتراف بالحب اصعب بكتيييييييييير
ككلمه يعنى انى اقول لحد انى بحبه
بس الكره دى هتبان فى تعاملاتى يعنى المكان الى يكون فيه
بختفى انا منه و الحوار الى يدخله ولا اكنى سمعاه وكده يعنى
هيبان انى بكرهه بس الحمد لله انا مش بكرة حد ولا اتعرضت للموقف ده لغايه دلوقتى

ياسمين
03-27-2009, 03:40 AM
بصراحة موضوع جامد جدا
شكرا يا جودى
بس اعتقد ان الاعتراف بالكره او عدم الراحة فى التعامل مع اى شخص بيكون اسهل من الاعتراف بالحب
لانى اصلا هعترف بالكره لشخص مش فارق معايا فخلاص مش هيهمني
لكن الاعتراف بالحب دة شىء من اصعب ما يكون

مصطفى على مسعود
03-27-2009, 06:02 AM
موضوع جميل اوى تسلم ايدك بس انا شايف ان الاعتراف بالحب اصعب بكتير من الاعتراف بالكراهية

هاجر
03-27-2009, 01:05 PM
انا بشكرك اوى ع الموضوع الجميل دة بس انا بالنسبالى الاتنين اصعب من بعض بس انا بحاول المح يعنى بيبان اوى من تصرفاتى اذا كنت بحب الشخص او بكرهه