المساعد الشخصي الرقمي

مشاهدة النسخة كاملة : ايه هيا الصفة اللي تحب تغيرها في نفسك ؟



Mimi
01-07-2009, 02:32 AM
http://s4.tinypic.com/21ouibs.jpg


كل إنسان عنده صفة في شخصيته مش بيحبها أو بتسببله احباط ..


ويتمنى يتخلص منها لانها بتأثر على علاقاته مع الاخرين وتبجرك إلى مواقف


انت في غنى عنها ..


احيانا نقدر على مساعدة الاخرين في التخلص من بعض صفاتهم واطباعهم


ولكننا بنعجز عن تغيير اطباع وحشة عندنا ...


فمـــا هي الصفه التي تحـب تغيـيرها في شخصيـتك...؟؟



ياريت كدا الكل يشارك ويقول جايز نقدر نكتشف طباعنا السيئة مع بعض

Ahmed Mohamed
01-07-2009, 03:08 AM
انا احب ابتدي اول واحد واحب كمان اشكرك علي الموضوع المتميز

انا فيا صفتين الاولي العصبية ( انا عصبي جدا وبتنرفز بسرعه اوي ) ودي مش عارف اتخلص منها خالص

اما الصفه التانية واللي اتخنقنت منها واللي انا الوحيد اللي شايفها وحشة هي الطيبة
( انا عندي طيبة مفرطة ) مش عارف واكيد انتي عارفه يعني انا اقصد ايه من الطيبه المفرطة ....؟

مش لاقي ليها حل خالص مع ان ناس كتير بيقولولي ان دي من احلي صفاتي

واحب اشكرك مرة تانية علي الموضوع ده

The[H]KinG
01-07-2009, 08:54 PM
لالالالالالالالالالالالالالالا بجد نمسك الخشب والبلاستيك وكل حاااااجة
ايه المواضيع الجاااااامدة دى
وشكرا يا احمد روميو لانى كنت هقول زيك بس انا يمكن اكون ازيد منك بشوية
يعنى فى العصبية والنرفزة غبى جداااااااااا
وفى الطيبة بوصل لدرجة (العبط)

محمود ابوالمجد
01-07-2009, 09:01 PM
برضه العصبية مشكلتي اني لما بتنرفز مش بعرف انا بكلم مين وبجد ممكن اخسر الي قدامي عشان كده بحاول ابعد في الوقت ده عن اي حد بحبه

ميرا مار
01-07-2009, 09:42 PM
وبعدين يا جودى
هتقلبى عليا المواجع يا بتى
-
-
-
-
موضوع جميل يمكن يكون بداية الطريق لتغيير الصفة اللى مش عاجبانا فى نفسنا
ويمكن حد اتغير يساعدنا نتغير..
-
-
-
-
-
بصى انا كارهه فى نفسى
انى باظلم نفسى عشان مااضايقش حد
باجى على نفسى واتنازل عن حقوقى
عشان بس ماحدش يقول عليا انى ظلمت او جرحت او حتى ضايقت بكلمة
حاجة تقرف والله
والغريبة ان ماحدش بيفكر فيكى
حتى اللى انتى بتعملى عشانهم كدا

شكرا حبيبتى موضوعك جميل

ميرا مار
01-07-2009, 09:42 PM
اه .. يارب اتغير
وهابدا السنة دى واحاول اتغير

Mimi
01-08-2009, 12:50 AM
انا احب ابتدي اول واحد واحب كمان اشكرك علي الموضوع المتميز

انا فيا صفتين الاولي العصبية ( انا عصبي جدا وبتنرفز بسرعه اوي ) ودي مش عارف اتخلص منها خالص

اما الصفه التانية واللي اتخنقنت منها واللي انا الوحيد اللي شايفها وحشة هي الطيبة
( انا عندي طيبة مفرطة ) مش عارف واكيد انتي عارفه يعني انا اقصد ايه من الطيبه المفرطة ....؟

مش لاقي ليها حل خالص مع ان ناس كتير بيقولولي ان دي من احلي صفاتي

واحب اشكرك مرة تانية علي الموضوع ده

شكرآ لمشاركتك السريعة يااحمد ولاحظت من خلال الردود اللي بعدك ان مشكلة العصبية مسيطرة على كتير من الناس

كنت عايزه بس أقول ان ضروري يبقى في حلول للعصبية عشان يااحمد في دراسات بتقول ان العصبية ممكن تكون سبب في مشكلات تانية زي أمراض نفسيه وعضوية كثيرة وأخطرها النوبات القلبية المفاجئة ( بعد الشر يعني ) دا غير انها بتخلي مناعته ضعيفة

غير الجوانب الصحية دي العصبية بتخلي الانسان غير مرغوب اجتماعيا عشان مطولش عليك انا هعرض بعض الحلول للتخلص من العصبية ليك ولكل اللي بيعانو منها عشان الكل يشوفها

أما بالنسبة لمشكلة الطيبة انا رافضة بصراحة اني احطها جنب كلمة مشكلة لان الطيبة دي معناها صفاء النفس وحسن الظن بالاخرين ومتهيألي دي صفات حميدة واخلاقية ، ليه نعتبرها مشكلة ،، لو جيت قلتلي طيبة مفرطة مفيش حاجة يااحمد اسمها طيبة مفرطة لكن في حاجة اسمها حرّص ولا تخوّن ومتفكرش ابدآ انك تكون لئيم وخبيث عشان تعيش لان الخبث واللؤم عكس الطيبة ،، لكن فكر تبقى حويط وخبير

Mimi
01-08-2009, 12:54 AM
KinG;52577']لالالالالالالالالالالالالالالا بجد نمسك الخشب والبلاستيك وكل حاااااجة
ايه المواضيع الجاااااامدة دى
وشكرا يا احمد روميو لانى كنت هقول زيك بس انا يمكن اكون ازيد منك بشوية
يعنى فى العصبية والنرفزة غبى جداااااااااا
وفى الطيبة بوصل لدرجة (العبط)



شكرآ على التعليق الجامد دا ياكينجو

وبردو انت نفس احمد بالضبط فياريت تستنى لما نستعرض حلول لمشكلة العصبية لانها هيا في حد ذاتها سبب لمشكلات تانية أخطر

وبالنسبة لاخر كلمة في مشاركتك أحب أأكدلك عمر ما كانت الطيبة عبط دا حتى المثل بيقولك (( امشي عدل يحتار عدوك فيك )) صح ولا لاء ؟ يعني انت لو دايركت وماشي صح بدون تلاعب وتلاؤم تخلي اللي قدامك مستغربك دايمآ ومش قادر يتخيل ردود أفعالك

Mimi
01-08-2009, 01:00 AM
برضه العصبية مشكلتي اني لما بتنرفز مش بعرف انا بكلم مين وبجد ممكن اخسر الي قدامي عشان كده بحاول ابعد في الوقت ده عن اي حد بحبه

شكرآ لمشاركتك ياباش مهندس محمود ، اذا مفيش مانع تتقبل مني كلامي ،، دلوقتي حضرتك بتشتغل ودايمآ وراك مسؤوليات لو ركزت على الحاجات المهمة بس في شغلك دا هيخليك تحس باسترخاء ذهني وهدوء على عكس الضغط العصبي اللي ممكن تتعرضله لما تبص لمتاعب الشغل كلها مع بعض

ولو كنت طموح بشكل مفرط وعايز توصل لمراحل متقدمة بسرعة جدآ انصحك تقلل رغبتك دي شوية لانها هتيجي دايمآ على حساب صحتك وحالتك النفسية والمزاجية

كمان شايفة ان في بعض الامور التافهة اللي ممكن تغيظك او تعصبك وسهل اوي اننا نتخلص منها ولحسن حظك الحاجات التافهة اللي بتعصبك دي كتيره زي مثلا ركبت مع سواق تاكسي رخم مثلا صوت زمامير العربيات مدايقك مثلا وانت سايق واحد كسر عليك دي حاجات لو تراكمت فوق بعضها بتحطك في حالة عصبية انت في غنى عنها لانها مهما عصبتك مش هتغير مجرى الاحداث فلو طيرت الحاجات دي كلها من حساباتك يبقى انت اتخلصت من ضغط كبير من الحاجات الكتير دي وآسفة على الاطالة وللحديث بقية

Mimi
01-08-2009, 01:08 AM
بصى انا كارهه فى نفسى
انى باظلم نفسى عشان مااضايقش حد
باجى على نفسى واتنازل عن حقوقى
عشان بس ماحدش يقول عليا انى ظلمت او جرحت او حتى ضايقت بكلمة
حاجة تقرف والله
والغريبة ان ماحدش بيفكر فيكى
حتى اللى انتى بتعملى عشانهم كدا

شكرا حبيبتى موضوعك جميل

فعلا ياميرا لاحظت ان دي مشكلة عندك في موضوع كدا مش فاكراه عن السنة الجديدة واتمنيتي انك تتخلصي منها ، متهيألي دلوقتي انتي ناوية التغيير عشان عرفتي ان لنفسك حق عليكي ومينفعش تيجي عليها الا لحد غالي جدآ عليكي وفي نفس الوقت تقللي الحساسية المفرطة دي في انك تحسي انك ظلمتي حد او قصرتي معاه .

متهيأي انا وانتي لازم نتفق بأه نعامل نفسنا كويس ومنضغطش عليها تاني ومنعرضهاش لمشاكل هيا متستحقهاش وخصوصآ انك قلتي ان اللي بيتعملهم الكلام دا مش حاسين بيكي ولا مقدرين النقطة دي تفتكري لسه في كلام في الموضوع دا تاني؟ لازم تتغيري بسرعة وعلى فكرة لما واحد يعرف ويقول عيبه او مشكلته دي بتكون خطوة مهمة في التغيير واللي منها بتيجي النية

Ahmed Mohamed
01-08-2009, 07:59 AM
بصى انا كارهه فى نفسى
انى باظلم نفسى عشان مااضايقش حد
باجى على نفسى واتنازل عن حقوقى
عشان بس ماحدش يقول عليا انى ظلمت او جرحت او حتى ضايقت بكلمة
حاجة تقرف والله
والغريبة ان ماحدش بيفكر فيكى
حتى اللى انتى بتعملى عشانهم كدا

شكرا حبيبتى موضوعك جميل


انا معلش احب اضيف ان الحاجات اللي قالتها ميرا دي برضه ساعات انا بحس بيها
والشعور ده بيجيلي مثلا لما احس اني ضايقت شخص عشان معرفتش احققله طلبه ( مثلا)
وفي الاخر بكتشف انه مزعلش ولا حاجه وكان بيمثل (كان بيعمل كده بس عشان عارف اني طيب :D:D)

بس انا قررت فعلا اني اتغير عشان انا اتخنقت خلاص من معاملة الناس ليا ( وهو ده اللي اقصده من الطيبة )

وشكرا ليكي مرة تانية علي الموضوع المتميز ده

Hassan Mohamed
01-08-2009, 11:53 PM
ارضاء الآخرين وحتي لو علي حساب نفسي ... حتي لو هما كمان ميتهلوش الترضية دي

سلمي جمال
01-09-2009, 12:04 AM
نفسي مبقاش عصابية

Mimi
01-09-2009, 12:20 AM
شكرا يمشاركتك ياحسن ومشاركتك ياسلمى والصفات اللي ذكرتوها اغلب الناس بيعانو منها ونتمنى ان شاء الله نتخلص منها بس بالنسبة لمشكلتك ياحسن اتمنى انك تقلل او تحد منها مش تتخلص منها

Night Moon
01-13-2009, 01:14 PM
انا بقي مش بحب صفة اللي حوليا معتبرنها حلوة بس انا شايفة غير كدة الصفة دي هيه اني صريحة قوي زيادة عن اللزوم مش بعرف اجامل حد وتاني حاجة مش بحبها اني مش بعرف اختار الوقت الصح للكلام علشان كدة بفضل اسكت احسن علشان مازعلش حد مني

IQI__HeMa__IQI
01-16-2009, 03:19 AM
اولا تسلم ايدك على الموضوع الجميل ده
ولو فكرت انى اغير حاجه فى نفسى
يبقى اغير غيرتى

ميرا مار
01-16-2009, 02:41 PM
يا هيما على فكرة الغيرة شئ حلو المهم بالللللللللللللللللعقل ..انما هى حلوة ليه عايز تغيرها؟؟؟

Mimi
01-16-2009, 02:49 PM
لا ياميرا خليه يغيرها دي عمرها ما هتكون محمودة ابدآ

الغيور على دينه وعلى وطنه والكلام دا هيا اللي غيرته محمودة

انما غيرة الحب مورهاش غير الهم ووجع القلب يختي الواحد مش عارف يلاقيها منين ولا منين

خالد أبوسعده
01-29-2009, 08:44 PM
بصى بقى يا جودى
ناس كتير نفسها تبقى لماحه و بتفهم بسرعه
و ناس كتير نفسها تبقى ذكيه ( هو طبعا مفيش حد غبى) بس فى ناس بتفكر و ناس لا
بجد الصفات دى مبتبقاش ويسه فى كل الاحوال

انا بقى الصفات دى تعبانى بجد
حطى عليهم انك تكونى حساسه لاى موقف و صريحه

بتحسى بالحاجة و بتفهميها بسرعه
و ذكائك بيجبلك تفسيرها

تعرفى مين الى بيحبك لشخصك
مين الى بيكرهك و بينافقك

تعرفى حاجات عن ناس اصحابك من غير ما يتكلموا

تحسى بالموقف من اوله لاخره و تفهميه و انت جايه فى الاخر

مفيش اى كلام بيتقالك و يعدى علطول
لازم تفكرى فيه و تطلعيله استنتاج (( عافيه ))

و غيره و غيره

و دا كله بيتعبك
بيزعل ناس منك
بيخلى ناس تحذر منك

و غيره كتير


بجد انا بدأت اكره صفات فيا
اكتشفت ان سبب تعبى انى طيب
و انى بفهم بسرعه
استنتاجاتى 95% بتطلع صح
بكتشف الحقيقه اول باول
و انى صريح اوى اوى مع كل الناس و مبعرفش اكذب

بجد ساعات كتير بتمنى انى ابقى غبى
او عبيط
علشان مفكرش و متعبش

بس مش عارف اغير نفسى

خالد أبوسعده
01-29-2009, 09:45 PM
معلش اتكلمت كتير و وجعت دماغك
بس انا كنت عايز اتكلم ولما صدقت الصراحة

witch evil
01-29-2009, 10:53 PM
موضوع رائع بجد

انا اللى نفسى اغيره فى نفسى الثقه الزياده فى الناس

والاجتماعيه الزياده

لان ناس كتير تفهمنى غلط

Mimi
01-30-2009, 04:31 PM
بصى بقى يا جودى
ناس كتير نفسها تبقى لماحه و بتفهم بسرعه
و ناس كتير نفسها تبقى ذكيه ( هو طبعا مفيش حد غبى) بس فى ناس بتفكر و ناس لا
بجد الصفات دى مبتبقاش ويسه فى كل الاحوال

انا بقى الصفات دى تعبانى بجد
حطى عليهم انك تكونى حساسه لاى موقف و صريحه

بتحسى بالحاجة و بتفهميها بسرعه
و ذكائك بيجبلك تفسيرها

تعرفى مين الى بيحبك لشخصك
مين الى بيكرهك و بينافقك

تعرفى حاجات عن ناس اصحابك من غير ما يتكلموا

تحسى بالموقف من اوله لاخره و تفهميه و انت جايه فى الاخر

مفيش اى كلام بيتقالك و يعدى علطول
لازم تفكرى فيه و تطلعيله استنتاج (( عافيه ))

و غيره و غيره

و دا كله بيتعبك
بيزعل ناس منك
بيخلى ناس تحذر منك

و غيره كتير


بجد انا بدأت اكره صفات فيا
اكتشفت ان سبب تعبى انى طيب
و انى بفهم بسرعه
استنتاجاتى 95% بتطلع صح
بكتشف الحقيقه اول باول
و انى صريح اوى اوى مع كل الناس و مبعرفش اكذب

بجد ساعات كتير بتمنى انى ابقى غبى
او عبيط
علشان مفكرش و متعبش

بس مش عارف اغير نفسى


انا لو مكانك متمناش الصفات دي تروح مني ياخالد حتى لو كانت بتسببلك تعب واحباطات بس احسن بكتير من الحيرة اللي ممكن تقع فيها لو كنت مش فاهم دماغ اللي قدامك صدقني مش عارفه اقولك ايه انا مش شايفة انها صفات وحشة ابدآ دي صفات نادر حد يتصف بيها وياريت تستخدمها دايما عشان تنمي خبرتك في فهم الآخرين حتى لو اتصدمت في ناس كان ممكن تحبها وانخدعت فيهم .. دا كتاب مفتوح بيوريك كل الناس على حقيقتهم ولو انت عايز تتخلص من الصفات دي يبقى انت مش واقعي وبتحب تعيش في اوهام بتخلقها لنفسك بس انت عارف اي وهم زي اي حلم ليه نهاية ومش بيتحقق

Mimi
01-30-2009, 04:38 PM
معلش اتكلمت كتير و وجعت دماغك
بس انا كنت عايز اتكلم ولما صدقت الصراحة


متقولش كدا تاني ياحنكوش ( ياريت متسألش يعني ايه حنكوش ) اتكلم براحتك وفضفض زي ما تحب كلنا اكيد عايزين نسمعك

Mimi
01-30-2009, 04:39 PM
موضوع رائع بجد

انا اللى نفسى اغيره فى نفسى الثقه الزياده فى الناس

والاجتماعيه الزياده

لان ناس كتير تفهمنى غلط

ميرسي يارورو انتي مشاركاتك الاروع ومن وجهة نظري انا شايفة ان الزيادة من الثقة بالنفس والاجتماعية الزيادة ممكن تخلي بعض الناس تفهمك غلط فعلآ بس دي أكيد صفات محمودة بنصحك تحافظي عليهم بس تستخدميهم بشكل نسبي بين الناس

mr3058
01-30-2009, 04:49 PM
متابع بشدة

lolaa fahmy
01-30-2009, 05:03 PM
موضوع جميل جداااااااااا

واللي نفسي اغيره اني بسامح بسرعه وانسي تصرفات ناس المفروض ماسامحهاش ابداا

بس للاسف مع اول اعتذار بسامح

Mimi
01-30-2009, 05:09 PM
موضوع جميل جداااااااااا

واللي نفسي اغيره اني بسامح بسرعه وانسي تصرفات ناس المفروض ماسامحهاش ابداا

بس للاسف مع اول اعتذار بسامح

للأسف يالوللا ان احنا دلوقتي في زمننا دا بقينا بنعتبر الصفات الكويسة دي صفات وحشة واتقلبت الآية ، انا تابعت كل المشاركات اللي جت في الموضوع دا ولقيت ان في ناس قالو على صفات جميلة انهم نفسهم يتخلصو منها ..انتي من الناس اللي اعتبرتي ان فيكي طبع وحش وهيا التسامح حتى لو كان سريع ومع اول اعتذار ..بس اقولك على حاجة يمكن بتقولي انك مش حابة كدا عشان دا بيخلي الناس ترجع تدايقك او تغلط تاني بسرعة معتمدين عليكي في انك خلاص هتصفي بسرعة لكن في الآخر سيبك من الناس ..انتي في دنيا صغيرة جدآ عمرها فاني مش هتكسبي اي حاجة لو فضلتي على زعلك وعدم تسامحك بالعكس جايز مش حاسة بقيمة طبعك دا دلوقتي بس انتي عند ربنا ثوابك كبير ان شاء الله ، انا حبيت اديكي رأيي بعد اذنك واقولك بلاش تفكري تغيري الصفة دي وخليكي زي ما انتي انسانة متسامحة ولو في اي حاجة تافهة او كبيرة

Mimi
01-30-2009, 05:12 PM
متابع بشدة

شكرآ لمتابعتك الجميلة مستر 30 بس اكيد هتبقى اجمل لو شاركتنا برائيك

شيماء رمضان الوهيبى
01-30-2009, 11:07 PM
بجد الموضوع حلو اوى و كمان جديد و متميز
انا الصفة اللى مش حلوة فيا انى طيبة جدا و صحابى كلهم بيقولوا انى طيبة جدا او بمعنى اصح بأخذ الامرور ببساطة
يعنى مش كل حاجة اقف عندها و بطنش على حاجات كتير وفى معملتى معاهم بكون طيبة جدا
بس اللى انا بزعل عشانة ان ساعات بيفتكروا الطيبة و حبى للناس لانى اجتماعية جدا انة ضعف فى شخصيتى مع انة بالعكس انا بعتبر الطيبة دية ميزة
ونفسى يفهمونى صح لانهم كتير قلولى ان لازم ابقى جد فى معاملاتى شوية و لكنى لم استطع فعل هذا لان الطيبة مرسوخة في شخصيتى

samomran
01-30-2009, 11:24 PM
انا نفسى انى اغير من عصيبيتى و خصوصا انى صعيدى يعنى دماغى قفل حديد

Mimi
01-31-2009, 12:14 AM
بجد الموضوع حلو اوى و كمان جديد و متميز
انا الصفة اللى مش حلوة فيا انى طيبة جدا و صحابى كلهم بيقولوا انى طيبة جدا او بمعنى اصح بأخذ الامرور ببساطة
يعنى مش كل حاجة اقف عندها و بطنش على حاجات كتير وفى معملتى معاهم بكون طيبة جدا
بس اللى انا بزعل عشانة ان ساعات بيفتكروا الطيبة و حبى للناس لانى اجتماعية جدا انة ضعف فى شخصيتى مع انة بالعكس انا بعتبر الطيبة دية ميزة
ونفسى يفهمونى صح لانهم كتير قلولى ان لازم ابقى جد فى معاملاتى شوية و لكنى لم استطع فعل هذا لان الطيبة مرسوخة في شخصيتى

شكرآ حبيبت ألبي شيمو على مشاركتك الجميلة دي وفعلا كلامك كله صح كل الناس بتعتبر الطيبة الزيادة مش كويسة مع انها ملهاش اي علاقة بالجدية في المعاملة ..انتي ممكن تبقي جد في تعاملك وطيبة بردو وكون الواحد يبقى اجتماعي اصلا دا عمره ما كان ضعف ..امال الانطوائي المنعزل يبقى اسمه ايه ؟ .. بالعكس المثل بيقول امشي عدل يحتار عدوك فيك ..يعني خليكي طيبة واتعاملي بحسن نية زي ما انتي ودا ممكن يخلي اللي قدامك يستغربك ويستغرب ردود افعالك وممكن يضطر اللي قدامك انه ينصحك تسيبي الصفة دي عشان هو دايما قلقان من ردود افعالك لانها صفة نادرة دلوقتي ..شكرا ليكي ياقمري وياريت تتقبلي رأيي

Mimi
01-31-2009, 12:16 AM
انا نفسى انى اغير من عصيبيتى و خصوصا انى صعيدى يعنى دماغى قفل حديد

هههههههههههههههههههههه معلش ياسامو انت عايش في اسكندرية مش في الصعيد يعني لازم تطول بالك وتهدي اعصابك دايمآ وان شاء الله بعقد النية واستمرار المحاولة بيتغير الطبع

lolaa fahmy
01-31-2009, 12:40 AM
مرسيي يا جودي والله كلامك جميل وحكيم

ربنا يهديكي لما فيه الصلاح والخير دايما

خالد أبوسعده
02-06-2009, 04:46 PM
انا لو مكانك متمناش الصفات دي تروح مني ياخالد حتى لو كانت بتسببلك تعب واحباطات بس احسن بكتير من الحيرة اللي ممكن تقع فيها لو كنت مش فاهم دماغ اللي قدامك صدقني مش عارفه اقولك ايه انا مش شايفة انها صفات وحشة ابدآ دي صفات نادر حد يتصف بيها وياريت تستخدمها دايما عشان تنمي خبرتك في فهم الآخرين حتى لو اتصدمت في ناس كان ممكن تحبها وانخدعت فيهم .. دا كتاب مفتوح بيوريك كل الناس على حقيقتهم ولو انت عايز تتخلص من الصفات دي يبقى انت مش واقعي وبتحب تعيش في اوهام بتخلقها لنفسك بس انت عارف اي وهم زي اي حلم ليه نهاية ومش بيتحقق


تعرفى
رغم ان الموضوع دا مضايقنى
بس مريحنى فى اوقات كتير
يالا ما علينا
قدرنا و لازم نعيش بيه
و كله مقدر و مكتوب

خالد أبوسعده
02-06-2009, 04:51 PM
بجد يا جودى انا بديلك شهادة طبيب نفسى


بس مش معتمده
يعنى متشتغليش بيها بره هههههههههه


بجد و الله انت فاكهة المنتدى
و من غيرك دمه حيبقى تقيل

snow white
02-06-2009, 11:01 PM
بصي يا جودي هوانا مش ذكية اوي عندي نسبه بسيطة بس ساعات بتضيقني
بتخليني افهم حاجات لو ما فهمتاش يبقى افضل بس موضوعك جميل اوي

خالد أبوسعده
02-07-2009, 08:15 PM
بصي يا جودي هوانا مش ذكية اوي عندي نسبه بسيطة بس ساعات بتضيقني
بتخليني افهم حاجات لو ما فهمتاش يبقى افضل بس موضوعك جميل اوي


سيبينى بقى يا جودى شويه اتكلم
تلميذك الى اتعلم منك

بصى
الموضوع دا بيتعب فعلا
لان انا كده
بس بأمانه بيتعب وقتها
و بيريح بعدها كتييييييييير اوى
مشكله الموضوع دا ان لو حاجة مش فاهماها بتتعبى اوى
و دماغك بتفضل تلف و تدور لحد ما تجيبها
و بيجى 100 فكره فى دماغك فى وقت واحد
فبتتعبى اوى
بس بأمانه
الموضوع دا عواقبه انك مبتتخدعيش
و مبيضحكش عليكى بسرعه
و دا رغم التعب بيريح اوى بعدين
و بيحميكى من جروح كتيره ممكن تتجرحيها بعدين

كفايه كده
كملى انت يا جودى الكلمتين الي كنتى قايلاهملى

Mimi
02-07-2009, 08:33 PM
انا كنت هقول لسميرة ان هيا مشكلتها نفس مشكلتك ياخالد وانت أحسن واحد تقدر ترد عليها :)

انت لخصت الموضوع في اخر اربع جمل قلتهم

خالد أبوسعده
02-07-2009, 08:37 PM
علي فكره انت بتساعدينى كتير و اتعلمت منك كتير

ربنا يخليكى لينا يا جودى

Mimi
02-07-2009, 09:38 PM
ربنا يخليك ياخالد انا بكون مبسوطة اوي لما حد بيرتاح من كلمة قلتها ونفسي كل الناس تبقى مرتاحة او على الاقل تدي لنفسها فرصة تفضفض

واتأكد في الآخر انك اللي بتساعد نفسك لو اديت لنفسك فرصة تسمع غيرك او تحاول تفضفض لغيرك

شكرا على كلامك وانت دايما زوء والله

snow white
02-07-2009, 09:47 PM
ربنا يخليك ليا يا خالد بجد وانت يا جودي بجد رأيكوا مهم جدا
انا معاكو ممكن بقول دلوقتي انها مش مريحاني بس ربنا بيقدر لنا الي فيه الخير لينا
بس احنا لسة في الاول يمكن عشان كدة مش مدركين ان دي نعمة من ربنا

Marwa Mahmoud
02-18-2009, 10:12 PM
شكرا ليكى يا ميمى موضوع جمل جدااااااااااااااااا
وصريح جداااااااااااااااااااااا
الصفة اللى عوزة أغيرها ومش بحبها فيا هيا
التسرع
فى مواقف بتسرع فى الحكم عليها

shimo
02-21-2009, 12:32 PM
وحشتينيييييييييييييييييي يا جووووووووودي


موضوع صعب اوووووي :(

في حقيقه الامر هي عددة صفات ههههههههههههههههه وليست صفة واحدة
خدي عندك بقئ
عندك وقت يا طنط ؟؟؟؟؟؟؟


* عصبيه بس مش بنفجر على طول باخد وقت

* حساسة بس مش اوي يعني اوشكت اني ابقئ باردة من اللي شفتوا

* طيبة اوووووووووووووووووووووووي وانا فرحانة ان لاقيت هنا شبهي كتير في الصفه دي بالذات لاني كنت بحسب اني هبلة

محدش يتريق عليا لو سمحتم

* مش بحب نفسي او بمعنى اوضح ببدي غيري عليا حتى لو على حساب حاجه فيها مصلحه ليا

امممممممممممممممممممممممم بثق في البشر بعمـــــــــــــــــــــــــــــــق ولما بتصدم فيهم بتيقئ وقعه بلاك اوي :(

حالتي مستعصيه صح :( اي نووووووو

sweet girl
02-21-2009, 02:14 PM
شكرا على الموضوع الجميل ده انا بصراحه نفسى اتخلص من حاجتين موجودين فيا\1-التوتر والنرفزه اوى على اقل الاسباب 2-باجى على نفسى كتير عشان غيرى لكن المشكله ان اللى انا باجى على نفسى عشانهم ما بيقدروش ده وبيفتكروه طيبه وسذاجه؟؟

احمدالمقدم
02-21-2009, 03:16 PM
شكرا يا ميمي علي الموضوع الجامد ده جدا جدا
اولا وشكرا لان الناس مش حد بيتحرج وده خلاني عاوز اتلكم بصراحه
انا اولا بكره في نفسي عصبي بغباء ازاي برده انا اما اكون عصبي ممكن اتخذ قرار
صعب اوي وممكن يضرني بجد ويضر غيري حاجه صعبه اوي
تاني حاجه انا بحب العزله شويه مش عارف ده صح ولا غلط
ممكن اسيب حقي عشان الدنيا تعدي
ثالث حاجه
وخصله فيه وحشه انا بجد اما اتنرفز وصتي يعلي بغباء
اوي يعني زي ما بيقولو طور هههههههههه
لا بجد صوتي وممكن اتهور واعمل حاجه لاني بجد مش بحب الغلط ابدا ومش بقدر امسك نفسي
انا برده مينكرش فيه صفات حلوه انا مش وحش للدرجه دي وبعدين انا عاوزز اقول حاجه بدل الانسان بيعمل الصح حتي لو ضره
يبقي انسان كويس لانه متمسك بمبدا الصح وده صفه كويسه
واتمني ان ربنا بهديني ويهدي كل الناس

mone
02-21-2009, 03:56 PM
السكوت هي اكب مشكلة في حياتي وبتزعل الناس مني بيفتكروها تكبر عليهم او غلاسة بس اعمل ايه