المساعد الشخصي الرقمي

مشاهدة النسخة كاملة : واثق فى نفسك...ادخل واقف فى الطابور



Wild_Angel
09-22-2008, 05:38 AM
بسم الله الرحمن الرحيم






من يقف فى الطابور هو احسن طالب..

مقوله كنا نصدقها ونؤمن بها فى اعماق قلوبنا ونحن صغار
نتشاجر لكى نقف فى اول الطابور الدراسى ..

ولكن كنت اخاف ان اقف فى اول الطابور المدرسى ..احساس بالخجل ان يرانى المدير وجميع المدرسين
حتى فى مجال الاذاعه لم اقربه يوما

وكثيرا ما كان يعترينى شعور بأن من تلقى عليه الاضواء هو من يقف اول الطابور
وان ذاك الشخص له مقدره عجيبه غير موجوده بى كأنه (سوبر مان مثلا)

ولكن اكتشفت اننى من خلقت هذا الشعور بداخلى لاننى كنت اخاف ان اقف امام الناس ربما بسبب طبع الهدوء والحياء الموجود بى من الصغر

احمد الله بعد كل تلك السنين اننى فهمت لماذا شعرت بكل هذا وكيف استثمر طباعى وان لا ترجعنى للوراء

فالانسان وحده يستطيع ان يصنع انجازاته سواء كان فى اول الطابور او اخره
فمن يفهم نفسه ويؤمن بها ويؤمن بالله اولا بالطبع وانه يستطيع من داخله ان يفعل انجاز حتى وان كان يقف اخر الطابور صامتا..
ولكن عليه دائما ان يحارب دائما ليصل الى اول الطابور...ولكن ليس طابور الصباح ولكن ان يكون الاول فى طابور يصنع تقدم وانجازات تفيد البشريه.

Mimi
09-22-2008, 06:25 AM
ياااااااااااااه فعلآ صدق اللي قال " خير الكلام ما قلّ ودلّ "

لا عجبني جدآ كلامك ياوايلد بجد

الأهم في دا كله فعلا ان الواحد يدرك قدراته ويدرك نقاط ضعفه

ميررسي ليكي بجد موضوع هايل ..متااابعه لكل جديدك ان شاء الله ياعسولة

Hassan Mohamed
09-22-2008, 06:26 AM
كلام جميل قوي يا ويلد

بس بليز كبري خطك علي الحجم 6 وهتيه في النص بليز يعني

Wild_Angel
09-22-2008, 06:30 AM
بسم الله الرحمن الرحيم

السلام عليكم ورحمة الله وبركاته

اهنيكى دائما على مواضيعك بسم الله ما شاء الله تمتاز بالتنوع والجوده

على فكره تقدرى تقوليلى وايلد لان حوريه ده ملخبطنى خالص عامل كده شبه انشراح و تفيده

وميرسى على ردودك ومتابعتك..

Mimi
09-22-2008, 06:32 AM
معلش ياوايلد انا بلخبط بينك وبين Witch

آسفة غيرتها تاني

Wild_Angel
09-22-2008, 06:35 AM
اوك يا باشمهندس حسن كله فى التمام اهو احنا كلنا برضه نظرنا على قدنا
وميرسى لمرورك ومتابعتك

جودى ولا يهمك يا جميل واهو ممكن تميزينا بالصوره الرمزيه

Hassan Mohamed
09-22-2008, 06:38 AM
لالالا شغل الله ينور يعني والله يا ويلد ايوا كده الله يكرمك انا نظري ضعيف

AYMAN GAMAL
09-22-2008, 04:01 PM
في المدرسة الثانوية العسكرية انا كنت قائد سرية

الحجات دي مبتاثرش فية يا انسة Angle

بس انتي بقى رقيقة واحساسك عالي يمكن

حاولي تتشجعي وتقفي في اول الطبور

شكرا ليكي


http://www.g9g4up.com/upfiles/LfA91718.gif (http://www.g9g4up.com/)

Wild_Angel
09-23-2008, 02:57 AM
شكرا زميلى ايمن لردك بس الظاهر ان حضرتك موصلتكش ال Point بتاعت الموضوع حضرتك لو راجعت الفقره دى:

فالانسان وحده يستطيع ان يصنع انجازاته سواء كان فى اول الطابور او اخره
فمن يفهم نفسه ويؤمن بها ويؤمن بالله اولا بالطبع وانه يستطيع من داخله ان يفعل انجاز حتى وان كان يقف اخر الطابور صامتا..
ولكن عليه دائما ان يحارب دائما ليصل الى اول الطابور...ولكن ليس طابور الصباح ولكن ان يكون الاول فى طابور يصنع تقدم وانجازات تفيد البشريه.


حضرتك ممكن ساعتها توصل للمعنى الذى كنت اوضحه هو ان الانسان زى ما قالت جودى لابد ان يدرك مواطن ضعفه ليقويها ومواطن قوتها ليجعلها نفعا له وليس ضررا له فى التعامل مع الناس

AYMAN GAMAL
09-23-2008, 03:22 AM
فالانسان وحده يستطيع ان يصنع انجازاته سواء كان فى اول الطابور او اخره
فمن يفهم نفسه ويؤمن بها ويؤمن بالله اولا بالطبع وانه يستطيع من داخله ان يفعل انجاز حتى وان كان يقف اخر [/QUOTE]


مفهمتيش قصدي يا Angle

انا والله فاهم قصدك و انا لما كنت بقلك حاولي تكوني في اول الطبور

قصدي انك تحاولي تبيني للناس انك انتي صاحبة الانجاز و توريهم نفسك بدون خوف

ولما كنت بقول اني كنت قائد سرية كان قصدي اني لو انجزت حاجة مبخفش اعلن عنها خالص و افتخر بالانجاز دة و لو قدام مليون

بس مش افتخار بتكبر اكيد

tiger
09-24-2008, 02:49 AM
شكراا يا أنجل على الموضوع الجميل والأنجاز قوة أراده وتوفيق من ربنا الأول

Wild_Angel
09-24-2008, 04:15 AM
شكرا لمرورك تايجر

Künstler
09-26-2008, 03:59 PM
اقتناع تام

Wild_Angel
09-27-2008, 12:38 AM
شكرا لمرورك Künstler واتمنى يكون عجبك الموضوع

onon
09-27-2008, 01:56 AM
الموضوع حلو اوي يا وايلد بس عايزه اقولك ان الخجل فعلا لازم ميكونش سبب في انوا يا خرنا عن انجازات كتيراوي ممكن نعملها وكمان لازم نحاول كلنا نتعاون مع بعض من غير خجل عشان البركه في روح الجماعه وايد علي ايد تشيل وتنجز كتير واذا الحكايه دي كبرت في كل واحد فينا فحنا ممكن نكون من مصاف الدول الاولي وشكرا ليكي

Wild_Angel
05-09-2009, 12:13 AM
جزاك الله خيرا يا اون اون على ردك
واحترم رأيك بشده

alaa eid
05-09-2009, 09:40 PM
كلام جمييييييييل جدا



http://foryou1345.jeeran.com/fb2%D9%86%D8%B3%D8%AE.jpg

Wild_Angel
05-09-2009, 11:01 PM
سعيده جدا بمرورك وردك يا lolo
شرفتينى بارك الله فيكِ

محمد الفرارجي
05-27-2009, 06:07 PM
معاكي حق يا وايلد انجل

وخصوصا البنات لازم يكون الحياء والكسوف عنوانهم
وبالمناسبة الدكتور مجدي يعقوب ما كانش الأول على دفعته في طب القاهرة كان من العشرة
والدكتور الباز العالم الجيلوجي المحترم
كان بمقايسنا عيل بايظ لأنه كان ساقط ثانوية عامة

وياما أوائل كليات ما اتعينوش واتجهوا لاتجاه تاني خالص


البداة مهما كانت ممكن تكون ناجحة بس بشرط

نعمل دراسة جدوى عن الاتجاه الجديد
ولاندم من استخار ولا خاب من استشار

واحيكي على موضوعك

Wild_Angel
06-19-2009, 10:52 PM
وأنا أحييك جدا على ردك العقلانى يا باشمهندس محمد الفرارجى
جزاك الله خيرا

eslam mamdouh
06-20-2009, 02:52 PM
شكرا جدا لحضرتك على الموضوع المميز

انا عندى راى متواضع لو سمحتيلى ممكن اقوله


مش مهم انى اكون اول الطابور..............لكن المهم انى اكون عامل مؤثر فى سير الطابور نفسه


يعنى مش مهم اكون انا الاول والمميز فى كل شى , مش مهم انى اكون انا رقم واحد


المهم انى اقوم بدور ايجابى اعبر فيه عن شخصيتى وفكرى

اعبر عن رايى بصراحه امام الاخريين

احاول بشكل او باخر انى اثبت زاتى واوصل لهدفى

وصلت او موصلتش للاول يكفينى انى حاولت وعملت اللى عليا وربنا يحاسبنى عليه ويديينى فى النهايه على قد تعبى


الف شكر جدا لحضرتك مره اخرى على الموضوع الجميل

Marwa Magdy
06-20-2009, 03:37 PM
الموضوع بجد هااايل جدا يا وايلد
و الكلام جميل اوى
تسلم ايدك

Mohamed Hashem
06-20-2009, 04:08 PM
ما شاء يا وايلد
فكره الموضوع هايلة
بصى انا اعتقد انك لخصتيها فى نقطة حسن الظن بالله
وبعد كده لو عملت اللى عليا بما يرضى الله ممكن ألاقى نفسى اول الطابور .. لوحدى من غير اى منافسه
انما لو كان الهدف انى ابقى اول الطابور لمجرد انى عاوز ابقى اول الطابور
فمحدش بيوصل بالطريقة دى .. التحايل والانتهازية والوصولية والتسلق كلها طرق توصل للقمة وهوبااااااا
الى القاع تانى مباشرة
وشكرا مرة تانية بارك الله فيكى

Wild_Angel
06-20-2009, 07:47 PM
ردكم على الموضوع زاده شرف وثقل كمان


جزاك الله خيراً لرأيك يا أسلام وبجد ربنا يباركلك فى عملك يكفى عملك الدائم لخدمة كل من حولك

مروه بجد ردك فرحنى جدا جدا يسلم إيدك على ردك

جزاك الله خيرا يا باشمهندس هاشم حقيقى سعيده انى شفت رد حضرتك

Mahmoud Slem
06-20-2009, 11:32 PM
فعلا الكلام فيه نقطة مهمة
وبجد مفيد
جزاكى الله كل خير وجعله فى ميزان حسناتك
شكرا ليكى

Horiaa Swedan
06-20-2009, 11:53 PM
موضوع رائع جزاكى الله خيرا

عجز لسانى عن تقيمه

انا كمان طول عمرى بحب اقف اول الطابور لكن للاسف كانت ظروفى ديما بترجعنى اخر الطابور

حتى فى طابور المدرسه كنت برجع وره عشان طويله

ههههههههههههههههههههههه

يعنى لا طابور الحياه نافع ولا المدرسه

ديما فى حاجات فى حيتنا نحس انها بتدفعنا لورى لحد متضعف مقومتنا ليها ونستسلم

انا مش ببص للحياه بنظره تشؤميه انا لسه عندى امل انى مدام لسه عايشه وبتنفس يبقى لسه الامل موجود والحياه ممكن تتغير

ويمكن فى يوم اقف اول الطابور واحى العلم كمان ههههههههههههه

Wild_Angel
07-10-2009, 03:37 PM
سعيده بوجودك يا محمود جزانا الله وإياك

ولا يهمك يا ريموندا الحياه طوابيرها كتيره لكن الواحد يدور على الطابور اللى يقدر يتقدم فيه بجد
وأنا مبسوطه أن لسه الامل موجود وأنك عايزه تلحقى تحيي العلم مفقدتيش الامل لسه

أسعدنى مروركم وتواجدكم