المساعد الشخصي الرقمي

مشاهدة النسخة كاملة : علمونى



خالد أبوسعده
01-09-2009, 12:02 AM
قد تكون اشياء صغيرة ولكني اجدها كبيرة ..!!!

علموني ان لا أحلف لانه تكريما لخالقي الذي ابدع خلقي وتقديرا لنعمة النطق لدي أن لا اقول إلا الصدق ... واكتشفت أن بعض الناس يحلفون وهم يكذبون .

علموني أن لا أكذب ليس لأن الكذب حرام ..لكن علي أن اسمو بنفسي عن قول الكذب ... واكتشفت أن للكذب عند بعض الناس الوان ومبادىء .
من مبادئهم أنهم لايكذبون ولكن يتجملون وهذا كذب ابيض .

علموني أن اسمع كلام الكبار لانهم يعرفون مصلحتي .. واكتشفت أن الاباء يريدوننا أن نتفوق ليفتخروا بنا ويشار اليهم بانهم احسنوا التربية .والمعلمة تعلمنا بشكل افضل اذا حضرت عندها المديرة أو الموجهة وقد تدرسنا الدرس قبل يوم .. فالهدف الاول مصلحتها .

علموني أن اعتذر إذا اخطأت .. واكتشفت أن بعض الناس يعتبرون الاعتذار ضعفا .. والاقوياء المسيطرون والكبار لايعتذرون .

علموني أن آكل كل مافي طبقي من طعام لان ابقاء القليل يعني رميه وهذا عدم تقدير للنعمة ... واكتشفت أنهم يرمون ثلاثة ارباع مايطبخون .

علموني أن استمع أكثر مما اتكلم لأن الله خلق لي اذنان اثنتان وفم واحد .. واكتشفت أن أكثر الكبار يتكلمون بما لايعلمون ولايعرفون فن الاستماع .. ولا وقت لديهم للاستماع لهمومك الصغيرة .
علموني ان اعامل الناس كما احب أن يعاملوني ... واكتشفت أن بعض الناس بمظهرهم الملائكي يلدغون الثعابين .

علموني أن الوضوء خمس مرات في اليوم لاحافظ على نفسي نظيفة طاهرة .. وعليه فإن قلبي وعقلي يجب ان يكونوا انظف واطهر ... واكتشفت أن الكثير من الكبار يعملون بايديهم وافكارهم احيانا المحرمات ثم يتوضئون ويصلون .
علموني انني ابن شعب متكافل متراحم رسولنا اوصانا بالجار حتى ظنوا انه سيورثه .. واننا شعب غني نتبرع لكل فقراء العالم .. واكتشفت أن بيننا عائلة مع 7 أطفال يعيشون على البحر في سيارة لعدم تمكنهم من استئجار غرفة تأويهم .

علموني أن الاباء يريدون الاولاد ليساعدوهم ويعتمدوا عليهم عندما يكبرون ... واكتشفت أن الاولاد يلتهون بحياتهم وأولادهم ومستقبلهم وينسون ويبتعدون عن اهلهم وقليل منهم من يقف بجانب ابيه الشيخ ليمسك يده ليوصله الى المسجد

علموني أن أحافظ على عهودي ووعودي .. واكتشفت انهم ينسون ويتجاهلون ويبتعدووون .


علموني أن اعتز بنفسي واثق بها واعتمد عليها ... واكتشفت انني بهذا العمر اريد أمي لأدفن رأسي في حضنها وأبكي .
علمونى أن السلام هو غصن الزيتون وعندهم السلام ذل وجهل وضعف

علمونى أن نسترد الحق بالعهود والمواثيق وعندهم الاسترداد بالخضوع والاستسلام
علمونى أن الاقصى ملك للمسلمين ووجدت أن أكثرهم عن الاقصى غريب

علموني وعلموني وعلموني... واكتشفت أنهم لم يعلموني كيف اعيش هذه الحياة

فهل اعيشها كما تعلمتها ؟؟ أم كما اكتشفتها .


مستنى ردودكم



طبعا الموضوع دا منقول بس حاسس بيه بجد

Mimi
01-09-2009, 12:29 AM
السؤال اللي في الاخر دا طلع اصعب من كل الموضوع ياترى نعيش باللي اتعلمناه ولا باللي بنلاقيه في الواقع ؟

مهيألي ياخالد نستغل خيالاتنا وعقلنا الباطن في الموضوع دا ونوهم نفسنا اننا بنعيش اللي اتعلمناه عشان منجيش في لحظة ومن غير منحس نلاقي نفسنا حد من اللي بنكتشفهم

اختيار ممتاز وموفق

خالد أبوسعده
01-09-2009, 12:36 AM
السؤال اللي في الاخر دا طلع اصعب من كل الموضوع ياترى نعيش باللي اتعلمناه ولا باللي بنلاقيه في الواقع ؟

مهيألي ياخالد نستغل خيالاتنا وعقلنا الباطن في الموضوع دا ونوهم نفسنا اننا بنعيش اللي اتعلمناه عشان منجيش في لحظة ومن غير منحس نلاقي نفسنا حد من اللي بنكتشفهم

اختيار ممتاز وموفق


فى الاول شكرا علي مشاركتك الجميله
ثانيا انا ليا راى تانى فى الموضوع دا
انك تكتشف نفسك افضل الف مرة من انك تتحايل لتضلل نفسك عنها
يوم ما الواحد يقدر يعرف نفسه هو الوقت الوحيد الي حيقدر فيه يعالج نفسه

و بالنسبة للسؤال
فيه اوقات نعيش زى ما علمونا
و فى اوقات نعيش زى ما علمتنا الدنيا و التعامل مع الناس
كل وقت و ليه ادان
الحياه تجارب و محدش بيتعلم ببلاش

white_heart
01-09-2009, 12:51 AM
اولا الموضوع جميل جدا يا خالد
ثانيا انا احترت بس فكرت كويس
لقيت ان الواحد يكتشف بنفسة احسن
لان اللى مبيكتشفش بنفسة ويغلط مرة ويصيب مرة
عمرة ما حيتعلم
وبردة خبرات اللى اكبر مننا مهمة
يعنى اللى علموهلنا الكبار لا بد منة


يبقى الاتنين مهمين الاكتشاف والخبرات السابقة

Mimi
01-09-2009, 12:56 AM
الرأيين دول ممتازين وفعلا وجهات نظر سليمة

ميرا مار
01-09-2009, 12:41 PM
موضوع جميل قوى يا خالد..
وادينى المايك بقى هاتكلم .. معلش اصلى متغاظة منهم ..

بص يا خالد
تاكد انهم علمونا الصح .. لكنهم كانوا اضعف من انهم يمشوا عليه او يطبقوه كله
وهنا ييجى دورك انت
تسال نفسك
ياترى
انا عندى القوة عشان اقاوم وامشى عكس التيار اللى انا عارف انه غلط..
والا استسلم .. واعمل زى اللى عملوا واهو ابقى اعلم ولادى الصح وابقى عملت حاجة وخلاص..
...
بس تلك هى المعضلة..
هما علمونا
1+1=2
وماعرفوش ياعينى يوازنو فقعدوا بقى يمشوها
مرة < ومرة >
انت ف ايدك اجابة السؤال..
خليك اقوى منهم وحاول دايما تحط علامة = مهما كانت تساوى

شكرا خالد موضوع فعلا جميل

Ahmed Mohamed
01-09-2009, 02:23 PM
احب اشكر خالد علي الموضوع الجميل ده


الصراحة انتي يا ميرا قلتي المفيد وانا بحييكي علي الرأي الجميل ده
ومعنديش بعده كلام تاني لانه فعلا هو ده اللي جوايا وكنت عايز اقوله


ومرة تانية بشكرك يا خالد علي موضوعك الممتاز ده

محمد عمرو عبد الحليم
01-09-2009, 07:25 PM
بجد الموضوع جميل جدا
بس انا من رأيى انا انا اعيش بى الحاجات ال انا اتعلمتها طبعا بس مش فى كل الاحوال
وفى وقت لازم تتعامل بى الحاجات ال اكتسبتها علشان تقدر تكمل بس مش معنى كدة انك تخسر دينك واهلك
لا بى العكس تحاول تكسبهم وبجد حاجة انا جربتها ان الاصدقاء عليهم عامل كيبر يعنى لو كويسين واولاد حلال ها تتعامل بى ال انتا اتعلمتة
لكن لو اصدقاء نص كم هيعلموك كل حاجة غلط وفى اللحظة دة كدة انتا تبقى خسرت حاجات كتير اوى
الخلاصة عيش زى ما انتا عاوز بس فى حدود دينك وتربيتك واخلاقق

Sara Gamal
01-09-2009, 07:42 PM
علموني وعلموني وعلموني... واكتشفت أنهم لم يعلموني كيف اعيش هذه الحياة


الجملة دى رنت اوى فى قلبى


تسلم ايدك ياخالد بجد موضوع يستحق فعلا اننا نحسه

خالد أبوسعده
01-09-2009, 09:10 PM
شكرا يا جماعه علي المشاركة مع الموضوع

و الصراحه يا ميرا انا معاكى فى كل كلمه قولتيها

مى الشورى
01-10-2009, 06:25 PM
موضوع رائع يا ليدو
وانا بضم صوتى لميرا فى كل اللى قالته
وبضيف كمان اننا زى ما اتعلمنا لازم كمان
نكتشف اللى حوالينا
لاننا لازم نعيش بالاتنين
مش بواحده بس

خالد أبوسعده
01-10-2009, 07:42 PM
موضوع رائع يا ليدو
وانا بضم صوتى لميرا فى كل اللى قالته
وبضيف كمان اننا زى ما اتعلمنا لازم كمان
نكتشف اللى حوالينا
لاننا لازم نعيش بالاتنين
مش بواحده بس


صح يا مى عندك حق
الواحد لازم يعيش بالاتنين
كل حاجة و ليها وقتها
بشكرك على الرد الجميل دا

ميرا مار
01-11-2009, 11:07 AM
اه ماشى صح يا مى عندك حق
وارائك دايما بتعجبنى

eslam mamdouh
02-05-2009, 10:20 PM
بجد موضوع جميل جدا يا خالد


وانا عن نفسى احب اعرف تجارب الاخريين واتعلم منهم استفاد منهم

ولكن من ناحيه تانيه احب انى اكتشف العالم من حوالى واكون تجارب واراء خاصه بيا


يعنى احب ان تكون الحياه مزيج ما بين العلم والتجربه والاكتشاف

والف شكر ليك يا خالد

خالد أبوسعده
02-05-2009, 10:25 PM
طبعا كلام جميل جدا يا سولوم

عارف كان فى مقوله دايما كنت بفتكرها
و هى قريبه من كلامك دا

الغبى .. هو الي بيغلط نفس الغلط مرتين
الذكى ., هو الى بيغلط الغلطة مرة واحدة و مبيكررهاش تانى
الاذكى .. هو الي بيشوف غلطات الناس و مبيغلطهاش


شكرا يا سوبوم و ربنا يكرمك

farida
02-06-2009, 02:08 AM
موضوع جميل يا خالد و طبعا مش محتاج تعليق علي موضوعك

وانا من رأيى برضه الي لازم ناخد الاتنين بس الي اتعلمناه هو الاهم
و الدنيا حوالينا مليانة تجارب وبالتالي حناخد الي اتعلمناه من الدنيا
بس لازم قبل ما اتعلم الحاجة الجديدة ديه اسال نفسي :
هل هي صح ولا غلط
هل بتعارض مع الي اتعلمته في الاساس ولا لأ؟
هل حسؤ بيها ديني واخلاقي ولا لأ؟
علشان مهما يتعلم الانسان بيرجع الفضل للي اتعلمه من اهله

خالد أبوسعده
02-06-2009, 04:25 PM
صح و الله يا فريده
عندك حق
بس فى اوقات الي بنتعلمه بيكون غلط
و هنا بيجى دور عقلنا و شخصيتنا احنا
علشان نعرف نفرق

lolaa fahmy
02-08-2009, 07:06 PM
موضوع جميل يا خالد الله ينور عليك

وعايزه اقولك مثال

(ان ادام عليه السلام لما نزله ربنا الارض علمه حاجات يمشي عليها واداله خلفيات كتير عن الارض مسبهوش كده يكتشف الارض لوحده(الحياه)

ولله المثل الاعظم طبعا
فاكيد الخلفيات اللي بيعلموهلنا اهلنا بتفيدنا وتهدينا لطرق كتير لما نحتاج للهدايا بجانب خبرات الانسان الشخصيه

خالد أبوسعده
02-08-2009, 07:08 PM
الصراحه

انا مش عارف ارد عليكى

انتى جبتى خلاصه الكلام كله

الله ينور عليكى

snow white
02-09-2009, 03:27 AM
جمبل اوي يا خالد انا عمرى ما سألت نفسي السؤال ده
انت خلتني فكرت فيه و اكيد انا مع ميرا
الي علموا لينا في البيت بمثابة حجر الاساس لاي بنيان سليم واحنا علينا من خلال خبرات مكتسبة نقوم بعمل الديكور
لهذا البنيان ولذلك ما ينفعش البنيان ينفصل عن ا لديكور الي اتعمل فيه
زمان الناس كانت طيبة ومتسامحة اما الأن فهى اصبحت غابة فأعزنا يا الله وحافظ على نقاء قلوبنا
شكرا ليك يا خالد على موضوعك التحفةده

خالد أبوسعده
02-09-2009, 08:04 PM
جمبل اوي يا خالد انا عمرى ما سألت نفسي السؤال ده
انت خلتني فكرت فيه و اكيد انا مع ميرا
الي علموا لينا في البيت بمثابة حجر الاساس لاي بنيان سليم واحنا علينا من خلال خبرات مكتسبة نقوم بعمل الديكور
لهذا البنيان ولذلك ما ينفعش البنيان ينفصل عن ا لديكور الي اتعمل فيه
زمان الناس كانت طيبة ومتسامحة اما الأن فهى اصبحت غابة فأعزنا يا الله وحافظ على نقاء قلوبنا
شكرا ليك يا خالد على موضوعك التحفةده


شكرا انتى على مشاركتك الجميله دى يا سميره
منورانى و الله برايك دايما

ميرا مار
03-18-2009, 02:08 PM
علمـــــــــــــــــــــــــــونى .. ولكن

موضوع جميل

ادعو الكل يشارك

خالد أبوسعده
04-25-2009, 08:15 PM
دا الى بنتمناه فعلا يا ميرا

مي القاضي
05-02-2009, 02:14 AM
تسلم ايدك
جزاك الله
كل خير

alaa eid
05-03-2009, 01:51 PM
تسلم ايدك يا خالد
موضوع رااااائع جداااااااا

Soma
05-03-2009, 06:28 PM
رايى اعيش الحياة زى ما اكتشفتها
عشان اللى علمونى مش كل حاجة عرفوا يعلموهالى لازم نجرب ونكتشف بنفسنا
اكتشاف الحياة واكتشاف نفسى احلى بكتير والحياة والتجارب اللى بنعشها هيا اللى بتعلمنا اكتر
وبتخلينا نعرف نعتمد على نفسنا عشان نقدر نفهم اللى حوالينا ونقدر نعيش الحياة دى
بجد يا خالد موضوع رائع جدا ميرسى جدااااااااااااااا

خالد أبوسعده
06-28-2009, 09:07 PM
شكرا يا سوما علي رايك الجميل

بجد اسعدنى مرورك جدا