المساعد الشخصي الرقمي

مشاهدة النسخة كاملة : أرقام تتحدث عن نفسها...إحنا وهما



Sara Gamal
01-09-2009, 07:14 PM
* عدد اليهود في العالم 14 مليونا.


* عدد المسلمين في العالم 1.6 مليار


**كل يهودي يقابله 114 من المسلمين....!!!


لكن الـ 14 مليون يهودي أقوى من المليار و 600 مليون مسلم


لماذا؟!!!

* الذين حركوا التاريخ وغيروا اتجاهه كانوا من اليهود، منهم:آينشتاين وفرويد وكارل ماركس ..

*على مدى القرن الماضي فاز 180 يهوديا بجائزة نوبل، مقابل (3) فقط من العرب.

* الشركات العالمية العملاقة كلها في أيدي اليهود ومنها: كوكا كولا – ستاربكس – أمازون.كوم – جوجل – أوراكل – دل – باسكن روبنز – دنكن دونتس ...الخ

* المثقفون والاقتصاديون والسياسيون الذين يرسمون خرائط العالم السياسية والاقتصادية من اليهود مثل: كسينجر – ألن جرينسبان – مادلين أولبرايت – يفجيني بريماكوف – ساركوز - وغيرهم كثيرون.

§ الإعلاميون الذين يشكلون الرأي العام العالمي من اليهود: روبرت مردوخ – توماس فريدمان – باربرا وولترز – وولف بلتزر .. وكاثرين جراهام ..

**لماذا هم أقوى؟!!


هل هم أذكى؟ ..........

*هم يملكون القدرة على إنتاج المعرفة وصناعة العلم وإبداع ونشر الثقافة .. لأنهم يخططون ويقرءون

*هم يقدرون الإدارة ..


* نحن فقدنا القدرة على إنتاج المعرفة والإبداع .. ولا نقدر الإدارة حق قدرها

*في العالم العربي توجد 500 جامعة - وفي أمريكا 5750 جامعة ..


* لم تدخل جامعة عربية واحدة في قائمة أفضل 500 جامعة عالمية

* في العالم العربي 2% فقط من السكان يدخلون الجامعة مقابل 40% في أوروبا وأمريكا.


*في العالم العربي فقط 40% يتخطون المرحلة الابتدائية مقابل 98% في أوروبا وأمريكا

* في الدول العربية هناك 230 عالما لكل مليون موطن .. وفي أميركا لديهم 5000 عالم لكل مليون مواطن.


*في العالم العربي نصرف 0.2% (2 في الألف) على البحث مقابل 5% أو (50 في الألف) في الدول الغربية.


الخلاصة:

* عالمنا العربي فاقد القدرة على إنتاج المعرفة .. لأنه لا يستفيد من المعارف المتاحة له حاليا ..!!

* في بريطانيا ينشر سنويا 2000 كتاب جديد لكل مليون بريطاني...!!


* في العالم العربي ينشر سنويا 17 كتابا جديدا لكل مليون عربي..!!

*فشل العالم العربي في بث وتوليد وتخليق واستنباط ونشر المعرفة


*فقط 1% من صادرات الباكستان تقع في نطاق تكنولوجيا المعلومات المتطورة.

* فقط (2) في الألف من صادرات السعودية = تكنولوجيا متطورة

* فقط (3) في الألف من صادرات الكويت والمغرب والجزائر تكنولوجيا متطورة


*لكن .. 68% من صادرات سنغافوره تكنولوجيا متطورة،


* نعم .. و 36% من صادرات إسرائيل تكنولوجيا متطورة ..


المحصلة والنتيجة:

* يفتقد العرب القدرة على وضع المعرفة موضع التطبيق ..

* الأرقام تتحدث عن نفسها .. ونحن لا نسمع .. ولا نريد أن نسمع ..

دعوة واقتراح:

*****
الموضوع ليه تكملة عبارة عن اقتراحات فى راى كاتب الموضوع انا فكرت احذفها واسيب الموضوع مفتوح بسؤال



إذا كانت تلك الارقام والحقائق منطقية...هل من وجههة نظرك من الممكن تغيرها يوما ما؟وما السبيل إلى ذلك؟

من فضلك شارك ...رايك يهمنا

Mimi
01-09-2009, 09:57 PM
دي ارقام مخيفة جددآ جدآ ياسارة

بس في الاول والاخر ما ينقصنا هو العلـــــــــم والمعـــــــــرفة

لانها السبيل لجلب الحرية والديموقراطية وايضا السلاح

شكرا للموضوع دا ياحبيبتي وان شاء الله يكون حافز كويس

خالد أبوسعده
01-09-2009, 10:01 PM
الكلام دا مش جديد يا ساره
بس مشكلتنا بجد
اننا كل واحد بيقول وانا مالى
هو انا ححارب لوحدى
مش متجمعين مع بعض

free eagle
01-09-2009, 10:02 PM
العلم طبعا يا سارة

ومش اي علم العلم الشرعي يا سو

هو دة اللي ناقص والحمد لله
والله يا سارة دلوقتى الشباب الحمد لله بدات تعرف طريق ربنا الحمد لله

Sara Gamal
01-09-2009, 10:38 PM
دي ارقام مخيفة جددآ جدآ ياسارة

بس في الاول والاخر ما ينقصنا هو العلـــــــــم والمعـــــــــرفة

لانها السبيل لجلب الحرية والديموقراطية وايضا السلاح

شكرا للموضوع دا ياحبيبتي وان شاء الله يكون حافز كويس


معاكى حق ياجودى مخيفة جدا جدا جدا

وكمان رايك صح وانا معاكى تماما

شكرا ليكى على المشاركة والرد

Sara Gamal
01-09-2009, 10:41 PM
الكلام دا مش جديد يا ساره
بس مشكلتنا بجد
اننا كل واحد بيقول وانا مالى
هو انا ححارب لوحدى
مش متجمعين مع بعض


أنا معاك ياخالد غن الكلام مش جديد

بس زى ما بيقولوا فى الإعادة إفاده

وفعلا معاك حق كل بيقول يالاه نفسى

شكرا ليك ياخالد على رايك

Sara Gamal
01-09-2009, 10:44 PM
العلم طبعا يا سارة

ومش اي علم العلم الشرعي يا سو

هو دة اللي ناقص والحمد لله
والله يا سارة دلوقتى الشباب الحمد لله بدات تعرف طريق ربنا الحمد لله


فعلا يايسرى انت لمست نقطة مهمة اوى انا قصدت محطهاش فى الاستفتاء

عشان ننبه ليها من خلال الردود

الدين . الدين . الدين

free eagle
01-09-2009, 10:49 PM
اصل الدين يعنى بجد هو اللي ناقص اوى

بس الحمد لله زى مقولت ليكى يا سارة في شباب رجعوا لربنا يامة وانا ملاحظ الموضوع دة يا رب كلهم

الهم رد شباب المسلمين الى دينك ردك جميلا

AYMAN GAMAL
01-10-2009, 12:35 AM
ناقصنا ثقتنا في نفسنا و الايمان بقضيتنا واننا احنا اصحاب الحق مش همه

Sara Gamal
01-10-2009, 12:23 PM
شكرا ليك ياايمن على مشاركتك

ردك صحيح موجز لكنه رد يستحق الاحترام

شكرا ليك

احمد عبد الحليم
01-10-2009, 01:00 PM
شكرا سارة علي نشرك لغسيلنا جمب غسيل اليهود
بس واضح ان غسيلهم اكثر بياضا
بجد معلومات تدعو دعوة صريحة للاكتئاااااااااااااااااب
ان 14مليون يعملوا كل دة...

Sara Gamal
01-10-2009, 01:19 PM
هههههههههههههههههههههههههههه
آه غسيله أبيض مش هما بتوع إيريال وتايد !!!

بس مكنتش منتظره منك الياس ده يااحمد

رغم كل ده مازال الامل موجود ...لاننا باختصار احنا اقوى امة على الارض وده كلام المولى عزوجل

(كنت خيرا أمة اخرجت للناس)

Hassan Mohamed
01-10-2009, 01:39 PM
انا صوتت لأشياء اخري لان انا شايف انه قبل العلم والحرية والديمقراطية والسلاح ناقصنا الدين يا جماعة

شوفوا ايام الرسول كانت عاملة الزاي كانو بيحرابوا ناقصين عدد وناقصين سلاح لكن كان النصر حليفهم وكان ربنا معاهم دايما

ده رأيي وتقبلوا مروري

Sara Gamal
01-10-2009, 01:53 PM
شكرا ليك بجد ياحسن

احنا الاتنين كدا متفقين واكيد فى ناس كتير معانا

الدين .الدين .الدين
(لا يغير الله ما يقوم حتى يغيروا ما بانفسهم)

شكرا ليك ياحسن

م/ احمد فاخر
01-10-2009, 01:57 PM
اولا انا بشكريك ياساره على الموضوع المهم ده
وطبعا واضح من كل الارقام ان الفارق كبير جدا
بس ده مش معناه اليأس
وانا شايف انى فى حاجات كتيره اوى محتاجه تغير
بدايه من الانظمه الحاكمة بصوره عامه
وصولا لتغير الانسان لذاته
والسعى وراء العلم والمعرف
والتمسك بالدين والعقيده والعرق

Sara Gamal
01-10-2009, 02:03 PM
رايك مهم جدا يااحمد والله

فعلا فى حاجات كتير عاوزه تتغير فى مجتمعاتنا

لكن البدايه تكون بالدين زى مقولت وبقول تانى وتالت وعاشر

انا بحييك على مرورك ومشاركتك

Youssef Mostafa
01-10-2009, 02:39 PM
بصراحة انا شايف ان احنا ناقصنا اشياء اخرى وهى الرجوع لديننا الحنيف وكفاية دلع بقى لو كل اسرة التزمت بتعاليم ديننا حتلاقى البلد كلها بقت مسلمة بجد والناس حتفوق

Sara Gamal
01-10-2009, 02:43 PM
شكرا ليك كتير يايوسف

بجد مشاركتك اسعدتنى

وكلاك صح جدا جدا

اسامه البنا
01-20-2009, 07:32 AM
دي ارقام مخيفة جددآ جدآ ياسارة

بس في الاول والاخر ما ينقصنا هو العلـــــــــم والمعـــــــــرفة

لانها السبيل لجلب الحرية والديموقراطية وايضا السلاح

شكرا للموضوع دا ياحبيبتي وان شاء الله يكون حافز كويس


انا معاكي يا جودي
وكمان عاوزين ننمي الجنس البشري العربي
علشان يحسوا بالمسؤليه

The[H]KinG
01-20-2009, 01:36 PM
قبل أى حاااااااااااااجة أحب أشكرك على المجهود الرائع
تاااااااااااااااانى حااااجة أهم حاااااجة ان السلاح والقوة مفقودين فى العالم العربى
وأكيد مش العرب اللى هيصنعوه لان مستقبل العرب أنتهى من ايام الاحتلال البيرطانى
المهم ان العرب معاهم فلووووووووووووس والفلوس دى مش هينفع يتعمل بيها أى حااااااااااجة غير السلاح والسلاح يجيب القوة والقوة هى اللى هتدمر العدو
طب أنا هقوللك على حاااااجة تعرفى أنهم مجمعين فلووووس لاعمار غزة بس مش عرفين الفلوس دى مين اللى يخدهااااا فتح ولا حمااااس
وفى الاخر الفلوس هتتسرق

Mahro
01-20-2009, 01:47 PM
موضوع راااااااائع ساره وده مش جديد عليكى طبعاً


بس حبيت اقول انا العلم هو الى بيدى القوه والعكس غير صحيح ........وده من رأى

Sara Gamal
01-20-2009, 02:01 PM
انا معاكي يا جودي
وكمان عاوزين ننمي الجنس البشري العربي
علشان يحسوا بالمسؤليه

شكرا يااسامة على المرور والرد
بس هو يعنى ايه ننمى الجنس البشرى العربى؟ونميه إزاى؟


KinG;57554']قبل أى حاااااااااااااجة أحب أشكرك على المجهود الرائع
تاااااااااااااااانى حااااجة أهم حاااااجة ان السلاح والقوة مفقودين فى العالم العربى
وأكيد مش العرب اللى هيصنعوه لان مستقبل العرب أنتهى من ايام الاحتلال البيرطانى
المهم ان العرب معاهم فلووووووووووووس والفلوس دى مش هينفع يتعمل بيها أى حااااااااااجة غير السلاح والسلاح يجيب القوة والقوة هى اللى هتدمر العدو
طب أنا هقوللك على حاااااجة تعرفى أنهم مجمعين فلووووس لاعمار غزة بس مش عرفين الفلوس دى مين اللى يخدهااااا فتح ولا حمااااس
وفى الاخر الفلوس هتتسرق

شكرا ليك على الرد وانا معاك جدا فى اننا فقدنا فعلا الادارة والقائد اللى تقدر تجمعنا بس انا مش معاك ان مستقبل العرب انتههى بالعكس الرسول صلى الله عليه وسلم قال((الخير فىّ وفى امتى الى يوم القيامة))



موضوع راااااااائع ساره وده مش جديد عليكى طبعاً

بس حبيت اقول انا العلم هو الى بيدى القوه والعكس غير صحيح ........وده من رأى

ربنا يخليك ياماهرو ده بس من ذوقك انت اللى دايما منورنى بوجودك وردك

انا معاك ان العلم مهم جدا ..وانا بحييى كل الاراء بس انا بردو لسه شايفة ان الدين هو الاولى والاجدر

The[H]KinG
01-20-2009, 03:26 PM
أحلى حاااااااااااااااااجة فى كلامك أنك بتعرفى تقنعى اللى قداااامك
شكرا على الموضوع

Sara Gamal
01-20-2009, 03:28 PM
جزاك الله كل خير على ردك وتواصلك

ويارب نقدر كلنا نوصل صوتنا لبعض ولكل الدنيا