المساعد الشخصي الرقمي

مشاهدة النسخة كاملة : ما معنى الصداقة؟ وكيف تتخذ صديقك؟؟



Ahmed Mohamed
01-12-2009, 07:32 PM
السلام عليكم ورحمة الله


نظرا لاهمية هذا الموضوع قمت بفتح باب النقاش فيه هنا وارجو منكم التفاعل مع الموضوع بابداء الاراء ووجهات النظر بصراحة لتعم الفائدة للجميع.


في حياتنا اليومية حين نُسأل عن رفيق غالبا يكون الجواب (هذا فلان صديقي) لكن هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟



1- ما مفهومك الشخصي عن الصداقة؟؟

2- هل تعتقد بوجود فرق بين الصاحب والصديق؟ وان كان هناك فرق فما هو؟

3- هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

4- هل تولي ثقتك الكاملة لصديقك ام تعطيه جزء منها؟ولماذا؟

5- هل هناك عدد معين من الاصدقاء يجب التوقف عنده؟ ولماذا؟

6- من برأيك اقرب الصديق ام الاخ؟ ولماذا؟

7- هل تجعل صديقك في اختبار دائم ام تحدد وقت لذلك ؟

8- حين تتعرض لخيانة الصديق فعلى من تلقي اللوم عليه ام على نفسك ام على من؟


ارجو ان يعجبكم الموضوع وتنالوا الاستفادة منه وقد فتحته لانه بالغ الاهمية عندي ولا اعرف هل اصبت في ذلك انتظر منكم الردود



تمنياتي للجميع بالتوفيق الدائم

ميرا مار
01-13-2009, 01:14 AM
الموضوع جميل جدا يا احمد
وعاجبانى جدا طريقة عرضك للموضوع بطرح اسئلة توسع الافق وتدعو للتفكير..
وهاشارك فيه باذن الله ..بس عايزة اعرف وجهه نظرك
ونعتبرها بداية النقاش..

Ahmed Mohamed
01-13-2009, 01:42 AM
علي العموم يا ميرا انا بشكرك علي مرورك وردك الجميل ده
ولكن اعذريني لان فعلا في اسئلة انا محتار في اجابتها وده اللي خلاني اطرحها عليكوا هنا
فخليني لما اعرف وحهة نظر بعض الاعضاء اولا

ومرة تانية انا بشكرك علي مشاركتك الجميلة دي

Mimi
01-13-2009, 01:54 AM
نظرآ لأهمية الكلمة دي عندي فأنا مش هخليه مجرد اسم محطوطله مجموعة من الاسئلة لانه أقيم من اننا نتعرف على كلمة صديق من خلال مجموعة اسئلة


الصديق هو اللي يديك وميسألكش ازاي وليه ولمين وكم وايه المقابل ؟

يشيل على ضهره كل همومك ويدعيلك قبل ما يدعي لنفسه

اللي يشاركك احلامك وطموحاتك حتى لو عارف انها في الاحلام ومن رابع المستحيلات

ياخد من ابتسامته ويرسمها على وشك

الصديق هو اللي يقرأ عينيك قبل لسانك

يصدقك في الوقت اللي كل الناس تكذبك

وهو اللي يغير من دموعك لو لمست خدودك

يرشدك ويوجهك لو ضيعت طريقك مش يهاجمك ويطلعك كلك غلط في غلط

الصديق هو اللي بيخلي ودانه ملجأ لغضبك وبيخلي قلبه قبر لاحزانك

مش بيخليك محتاجله ابدا لانه دايما معاك

خايف عليك تبقى حاسس بالوحدة وانت قاعد مع واحد تاني ، اصل الوحدة عمرها ما كانت انك تعد لوحدك بس

الصديق هو اللي بيشوفك عظيم وناجح لما تحس انك فاشل

ويقسى عليك لما انت تقسى على نفسك

فياخد من روحه ويزرعها فيك

اذا لقيت انسان بالمواصفات دي صدقني

سلمله قلبك وسرك وانت مطمن


أنا من حسن حظي لقيت اللي فيه كل الصفات دي وهي صديقتي اللي عمري كله فداها والحقيقة هيا مش واحدة هما اتنين

لو جمعت قلوب الدنيا كلها عشان اعبرلهم عن حبي مش هتكفيهم

كل يوم بشكر ربنا اني طلعت بيهم هما الاتنين ..وجودهم يهونلي اي مشكلة واي ازمة بعدي فيها

بالنسبة للسؤال بتاع الصديق والاخ ... الواحد مش بيختار مين يبقى أخوه ..لكن يقدر يختار صديقه ويبقى اكتر من اخوه وانا عن نفسي مليش اخوات بنات واخترت اصحابي دول يبقو اخواتي واصدقائي وكل حاجة في حياتي

بالنسبة لاخر سؤالين ..انا منزعجة منهم اوي لاني عمري ما احط اصحابي تحت اختبارات معينة او كدا لالالا وبعدين كلمة خيانة متعرفش كلمة صديقتي الاتنين دول ميعرفوش بعض ابدآ

شكرا ليك يااحمد وآسفة ع الاطالة بس بجد موضوعك جميل اوي ومنتظرة رائيك انت وميرا وباقي المشاركين

Mahro
01-13-2009, 02:35 AM
موضوع جميل يا احمد والله بس انا مش هدى راى دلوقتى

بس الأول وبعد ازن احمد .......

نسمع اجمد سقفة <<<<<<<لجوووووووووووودى <<<<<<<<<<يا جماعه بجد كلامها خلى جسمى يترعش كلام جميل من قلب صادق وعارف

معنى كلمة صديق بجد >>>>>>>>>>>


ولو انا من اى بنت هنا اقول انه يشرفنى اكون صديقتك يا جووووودى

Mimi
01-13-2009, 02:54 AM
ربنا يخليك يامهرو بجد على المدح الجميل دا

بس بجد انا بحب اصحابي من قلبي وعمر ما اتزرعت ذرة كراهية في قلبي من ناحيتهم مهما عملو

نفسي أعد من دلوقتي لحد السنة الجاية اقول اني بحبهم ومش هتكفي بردو

شكرا ليك يامهرو وانا اللي بتشرف بمعرفتكم كلكم

Marwa Mahmoud
01-13-2009, 12:34 PM
لقد احسنت اخى الكريم فى اختاير هذا الموضوع الذى يفتح افاق بعيدة عن الصداقة وطرح اسمى معانى لها
فلك جزيل الشكر .
وانتظر الرد قريبا

احمد عبد الحليم
01-13-2009, 01:19 PM
والله يا ابو حميد هوة موضوع حلو بس عاوز صفحات
وصفحات وبرضه المناقشه في مش هاتخلص
وياريت ما يكونش لازم الرد بترتيب الاسئله الموجودة
بس ممكن كل واحد يقول مفهوم الصداقة بالنسباله
وايه المواصفات اللي بيتمنة يلاقيها في صديقة وفي نفسه...

سلمي جمال
01-13-2009, 01:28 PM
1- ما مفهومك الشخصي عن الصداقة؟؟

الصديق هو من يقف دايما جمبي و يسال عليا و يبان موقفة في وقت الحزن و الفرح

2- هل تعتقد بوجود فرق بين الصاحب والصديق؟ وان كان هناك فرق فما هو؟

لاء مفيش فرق
انا اعرف الفرق بين الصديق و الزميل

3- هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

لاء طبعا مش اي شخص
بس بردو مفيش اسس و قواعد
هو بينشا حب بين الناس بالعشرة و التعود علي بعض

4- هل تولي ثقتك الكاملة لصديقك ام تعطيه جزء منها؟ولماذا؟

لاء طبعا مش كل الثقة لانه بصراحة مفيش حد حيخاف عليا اكتر من نفسي

5- هل هناك عدد معين من الاصدقاء يجب التوقف عنده؟ ولماذا؟

لاء دية بئة حسب التساهيل

6- من برأيك اقرب الصديق ام الاخ؟ ولماذا؟

الاخ طبعا لان الاخ بيكون الصديق و الاب و الزميل و كل حاجة7- هل تجعل صديقك في اختبار دائم ام تحدد وقت لذلك ؟

8- حين تتعرض لخيانة الصديق فعلى من تلقي اللوم عليه ام على نفسك ام على من؟

علي نفسي لاني اعطيته الثقة الي مكنش يستحقها

Ahmed Mohamed
01-14-2009, 01:46 AM
الصراحة انا بشكر كل من سلمي وميرا وحليم وماهرو علي مشاركتهم ومرورهم علي الموضوع
اما جووووووووودي فانا احب احييكي واهنيكي علي الكلام اللي قولتيه ده الصراحه يا بختك والله

عشان انا نفسي يبقي عندي صحاب زيك كده بس مش لاقي او بمعني كل ما الاقي اتخدع فيهم ده حتي اخويا
اللي اسمه اخويا وتؤامي مش بيعمل كده معايا ومش حاسس معاه بنفس الحاجات دي خالص

الصراحة ربنا يخليهملك ويدوم عليكم هذه الصداقة الحميمة اللي انا بحلم بيها

Mimi
01-14-2009, 03:37 AM
ميرسي يااحمد ربنا يخليك ان شاء الله تلاقي صديق حقيقي في يوم من الايام

محمود ابوالمجد
01-18-2009, 07:26 PM
1- ما مفهومك الشخصي عن الصداقة؟؟

اقلكم يعني ايه صداقة يعني حياة يعني اكسجين بجد اكتر حد يقدر يقول يعني ايه صداقة هو حد كان معه احلي صديق الدنيا بتحسدنا علي بعض وفي لحظة الفراق يجي غصب عن الاتنين
صداقة يعني اقوي انواع الحب يعني تغير حياة للجمل يعني خير يعني نجاح يعني اجمل ايام العمر

2- هل تعتقد بوجود فرق بين الصاحب والصديق؟ وان كان هناك فرق فما هو؟

طبعا ممكن تقابل صحاب كتير لكن صديق ده جية من صدق يعني تتحس اقرب اكتر وكمان مش موجود كتير يعني يمكن مرة في العمر

3- هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

بجد لو بيحبك هيبقي فيه كل حاجة لو بيحبك هيقف معك في الوحش قبل الحلو هتلاقيه في ضهرك في كل ثانية هلقيه عينك الي بتشوف بيها هتلقيه قلبك الي بيحب عقلك الي بيفكر

4- هل تولي ثقتك الكاملة لصديقك ام تعطيه جزء منها ؟ ولماذا ؟

بصراحة لو صديق صح يبقي كان لازم ياخد كل الثقة بس لو بجد صديق
عشان هو صديق وبجد صديق ده يعني سند

5- هل هناك عدد معين من الاصدقاء يجب التوقف عنده؟ ولماذا؟

هما مش كتير متقلش من النيحة بتاعة العدد دي بس لو فيه اوعي تقف عن عدد يا ريت كله يبقي اصدقاء بجد

6- من برأيك اقرب الصديق ام الاخ؟ ولماذا؟

الصديق اخوك مش هتقدر تحكيله علي كل حاجة لكن صاحبك ممكن تقله كل حاجة
ويمكن انا راي غلط عشان انا مليش اخوات وكان ليا صديق يعني وكنت بعتبره في حياته كل حاجة

7- هل تجعل صديقك في اختبار دائم ام تحدد وقت لذلك ؟

ما انا قولت فوق لو صديق ياخد الثقة الكاملة لكن لو صاحب يعني اختبره

8- حين تتعرض لخيانة الصديق فعلى من تلقي اللوم عليه ام على نفسك ام على من؟

اللوم انا نفسي العمر يرجع بيا عشان اشيل الكلمة دي من علاقتي باحمد الله يرحمه
بلاش لوم ولا عتاب وخلي فيه صفا علي طول

بجد يا جماعة انا كنت امتلك اجمل صاحب في الكون وكان فيه كل حاجة حلوة بجد اوعي حد يلقي صديق ويبعد عنه لاي سبب مفيش حاجة تستاهل انك تبعد عن صديقك ابدا ابدا

وهغلس عليكم تاني اني الي يشوف الموضوع ده يدعيله ويقراءله الفاتحة يودعيلي ان ربنا يجمعني بيه علي خير

وشكرا جدا يا احمد