المساعد الشخصي الرقمي

مشاهدة النسخة كاملة : مطبــــخ مــيرا مـــــــار .×.× الجديد .. كيكة الكريم كراميل marwa mahmoud


الصفحات : 1 [2]
محبة الرحمن
05-06-2009, 11:24 PM
قولي علي المكرونة ياميرامار بدل ما اجيب الطريقة

وبجد انا كمان منتظرة اشوف الطريقة مع اني خبرة

بس عشان اقولك حاجة تانيه علي المكرونة انا بعملها

انا منتظرة منك عشان بيني وبينك مش فاضية اعملها

واجيبها

بجد بشكرك علي الأكلات الجميلة اللي بتحطيها
ميرا مار
05-06-2009, 11:34 PM
مكرونة بالباشاميل

(( دى مخصووووووص لاميرة ومرمر وميرو وسوما))
http://photos.azyya.com/store/up2/0809131320164QA8.jpg


المقادير
http://onfinite.com/libraries/75608/a81.jpg

مكرونة مسلوقة.. (( اغلى الماء ثم فرغى محتويات كيس المكرونة وقليل من الملح لمدة 8 ق مع التقليب))
صلصة الباشميل..(( موجودة فى صفحة 24 :D))
صلصة طماطم :(( الطريقة فى صفحة 7)):D
لحمة مفرومة
بصلة كبيرة مفرومة
ملح ،، فلفل اسمر،، مملعقتين سمن
جبنة موزوريلا مبشورة..


الطريقة
نضع اناء على النار به ملعقتى السمنة والبصلة المفرومة والملح والفلفل
http://onfinite.com/libraries/75610/63c.jpg

تقلب دقيقة ثم نضع اللحمة المفرومة
http://onfinite.com/libraries/75612/175.jpg

ثم يوضع كوب من الماء ويترك المقدار ليغلى
ثم تهدأ النار ويترك ليستوى على نار هادئة لمدة 25 دقيقة تقريبا

اثناء ذلك
نجهز الصينية بدهنها ووضع طبقة رقيقة من صلصة البشاميل
ونخلط ملعقتين صلصة طماطم على المكرونة

ثم نفرش نصف مقدار المكرونة فى الصينية
http://alhadya.net/images3/bachamell.JPG

ثم نفرد عصاج اللحمة المفرومة وطبقة من البشاميل
ثم باقى المكرونة
ثم نفرد باقى صلصة البشاميل تماما على وجه الصينية
ونفرد رشة من جبن الموتزاريللا ان وجد

تدخل فرن حار على درجة حرارة علية توضع فى الرف الاوسط
حتى يحمر الوجه
http://onfinite.com/libraries/75635/313.jpg


وبالهنا والشفا


نصيحة:: عندما تخرجيها من الفرن يا اميرة:cool:
غطيها 10 دقائق عشان تتقطع مضبووووووط:D
Marwa Magdy
05-06-2009, 11:44 PM
حرااااااااااااااااام
انا جوووووووووووعت :o
هى حتخلص امته يا ميرا انا مش قادرة استنى خلاص :D
الريحه حلوة اوى
محبة الرحمن
05-06-2009, 11:51 PM
بصي ياميرا بصي عايزة اقول حاجة لو تسمحي طبعا

البشاميل كنت الأول بعمله ذي ماأنتي بتقولي بس لما جربت اني ما أحمر الدقيق والله كان اطعم وبعدين ما بيخلي لون الباشميل غامق

وبعدين في بيض بيتحط علي البشاميل بعد ما تهدئ السخونة اللي فيه وده خطوة من خطواته

وعايزة اسأل سؤال انا اول مرة اعرف ان عصاج اللحم بيتحط عليه ماء اول ما أضع اللحم انا بضع اللحم بعد ما ادبل البصل واضع اللحم واتركه
علي نار هادئة وتستوي اللحم في الماء اللي بيخرج منها اذا ما استويت اللحم ونشفت الماء اللي فيها أضع نسبة من الماء اللي تستوي فيها
ايه سر كوب الماء اللي انتي حاطه
ميرا مار
05-07-2009, 12:13 AM
قولي علي المكرونة ياميرامار بدل ما اجيب الطريقة

وبجد انا كمان منتظرة اشوف الطريقة مع اني خبرة

بس عشان اقولك حاجة تانيه علي المكرونة انا بعملها

انا منتظرة منك عشان بيني وبينك مش فاضية اعملها

واجيبها

بجد بشكرك علي الأكلات الجميلة اللي بتحطيها


يا نهار ابيض يا ولاد




ميرامار بتتتهدد .. كدا بردو؟؟اهئ اهئ اهيييييئ اااااااااع



عموما انا جيبتها اهو:cool:


ايه بقى هتقوليلى ايه ع المكرونة؟؟ ها؟؟ها؟؟:rolleyes: ايه؟؟:)
ميرا مار
05-07-2009, 12:19 AM
بصي ياميرا بصي عايزة اقول حاجة لو تسمحي طبعا

البشاميل كنت الأول بعمله ذي ماأنتي بتقولي بس لما جربت اني ما أحمر الدقيق والله كان اطعم وبعدين ما بيخلي لون الباشميل غامق

وبعدين في بيض بيتحط علي البشاميل بعد ما تهدئ السخونة اللي فيه وده خطوة من خطواته

وعايزة اسأل سؤال انا اول مرة اعرف ان عصاج اللحم بيتحط عليه ماء اول ما أضع اللحم انا بضع اللحم بعد ما ادبل البصل واضع اللحم واتركه
علي نار هادئة وتستوي اللحم في الماء اللي بيخرج منها اذا ما استويت اللحم ونشفت الماء اللي فيها أضع نسبة من الماء اللي تستوي فيها
ايه سر كوب الماء اللي انتي حاطه




تؤ..لا الله ينور يا وسام شكلك شاطرة

بصى يا قمر..ممكن فعلا اجرب انى احمر الدقيق اكتر واسمع كلامك
(مع انى باشترى خلطة جاهزة:eek: واريح دماغى :D:D:D)

لكن حكاية البيض نوووووووووو

كانت ماما بتعملها كدا وانا مبحبش طعم البيض فيها
ولما انا جربتها من غيره عجبتها قوى اكتر من كدا واهو نوفر شوية:cool::D


كوباية المية بقى..
دا سؤال ذكى على فكرة


عشان يا ستى لما اللحمة تستوى بيبقى فى معاها صوص حلو كدا
بيدوب بين المكرونة فبتبقى طرية وطعمها احلى اممممممممممم

جوعتينى :rolleyes:
محبة الرحمن
05-07-2009, 12:20 AM
يا نهار ابيض يا ولاد






ميرامار بتتتهدد .. كدا بردو؟؟اهئ اهئ اهيييييئ اااااااااع




عموما انا جيبتها اهو:cool:




ايه بقى هتقوليلى ايه ع المكرونة؟؟ ها؟؟ها؟؟:rolleyes: ايه؟؟:)



والله ما مقصدي خالص اهددك ياقمر احنا اخوات وبنتعلم من بعض

اقرأئي انا علقت فوق وقلت وتقبلي مرورري
ميرا مار
05-07-2009, 12:22 AM
حرااااااااااااااااام
انا جوووووووووووعت :o
هى حتخلص امته يا ميرا انا مش قادرة استنى خلاص :D
الريحه حلوة اوى


الله










هو انتى ماكلتيش؟؟؟؟؟؟؟

اكيد كنتى فى البلكونة كالعادة






قلت لك مالكيش دعوة بالجيران ..

وسيبى الشارع فى حاله


اهى خلصت اهى..ومالكيش قضيها عيش حاف بقى

واللا اقولك ههههههههههههه خدى حبة بشاميل من اميرة:p:p:p
محبة الرحمن
05-07-2009, 12:31 AM
تؤ..لا الله ينور يا وسام شكلك شاطرة



بصى يا قمر..ممكن فعلا اجرب انى احمر الدقيق اكتر واسمع كلامك
(مع انى باشترى خلطة جاهزة:eek: واريح دماغى :D:D:D)


لكن حكاية البيض نوووووووووو


كانت ماما بتعملها كدا وانا مبحبش طعم البيض فيها
ولما انا جربتها من غيره عجبتها قوى اكتر من كدا واهو نوفر شوية:cool::D



كوباية المية بقى..
دا سؤال ذكى على فكرة



عشان يا ستى لما اللحمة تستوى بيبقى فى معاها صوص حلو كدا
بيدوب بين المكرونة فبتبقى طرية وطعمها احلى اممممممممممم



جوعتينى :rolleyes:




بصي ياجميل انا بقولك اني مش بحمر اصلا الدقيق

وانا ساعات بحط بدل البيض حاجة تانيه وبتعطي نكاهة حلوة وهي حبة صغيرة كركم وكاري

اما عن الصوص اللي بينزل بين المعكرونة ده حيعطيها طعم ماشي بس ممكن تطري منك قطعةالمكرونة البشاميل وانتي بتقطعيها لو انتي مثلا ما حمرتي الصنية من تحت كويس و لو كان الصوص كتير وكمان نصيحة الماء ده ما بيظهر طعم اللحمة عشان بينعم اللحمة خليها في الأخر وحتأخذ نفس الطعم وما تنسي جوز الطيب عشان تعطي الطعم صح للحمة

اممممم انا اللي جوعت وبعدين احنا قلنا اننا خبرة ما صدقتوش معلش ياجميل
عارفة ياقمر انا بعمل الباشميل حلو كمان في اكلة تحفة بعدين حقولكم عليها
ميرا مار
05-07-2009, 12:35 AM
اااااااااااااااااه

:):)

طيب يبقى ماختلفناش فى موضوع الدقيق انا مش باحمره اصلا

وميرسى يا جميل طب ياريت بقى تشاركينا باكلات حلوة جديدة تعرفيها

اتمنى بجد شكلك بتفهمى حلو قوى فى الاكل:o
محبة الرحمن
05-07-2009, 12:42 AM
جزاكي الله خير ميراما ر أصل انا في صفحة 24 انتي قلتي حمري لمدة دقيقتين عشان كده انا قلت الكلام ده

وانا شاء الله حشارك بس في بداية الصيف ان شاء الله ذي ما قلت في ضيافة مين انا نفسي انقل خبرتي
ميرا مار
05-07-2009, 12:48 AM
اااااه ماشى يا جميلة

فى انتظارك
spring sun
05-07-2009, 10:01 AM
ايه ده ايه ده ايه ده؟؟؟؟


كل ده حصل وانا نايمه :eek::eek:

عملتوا المكرونه وكونتوا عايزين تاكلوها

بس ميرا حبيبتي خبتها من البت مروه;);)

اممممممممممممممممم

طعمها عسل;);)


والله يا ميرا مش عارفه اشكرك ازاي

الوصفه فعلا دقيقه وانا كنت محتجاها اوي

هعملها بقي علشان اسامه بيموت فيها

بجد بجد

تستحقي وسام الجدعنه:):p
Soma
05-07-2009, 10:24 AM
ميرسى ياميرا الطريقة جميلة جدا وتحفه كويس انك متاخرتيش انا كنت خلاااااااااااص عصافيرى كانت بتصوصو :p:p
وعلى فكرة انا كمان بحط حبة ميه على اللحمة برضه
عشان تستوى حلو ححاول اجرب طريقة محبة بالنسبة للعصاج مع انها يامحبة بتطلع برضه حلوة جدا
ميرا مار
05-07-2009, 12:33 PM
اه يا بنتى بتطلع تحفة والناس بتعوز تيجى تانى:mad: هههههههههههههه

دى اخدة شهرة محلية:o
ميرا مار
05-07-2009, 12:35 PM
ا اميرة

انتى ااابت

انا عايزة وسام الجدعنة دا..




















هو انا يعنى لو بيعته بعدين:eek:









تفتكرى يجيب كام؟؟:confused::confused:
Soma
05-07-2009, 04:28 PM
ههههههههههههههههه
انتى عسل جداااااااااااااا
سمعت انه بيجيب مبلغ محترم جدا الايام دى
يعنى ممكن يجيب 25 قرش بحالهم تخيلى
Mohamed Hashem
05-07-2009, 05:10 PM
شوربة المشروم


http://img212.imageshack.us/img212/7554/vegi20souppa9.jpg

بصوا بقى من غير تريقة انا كتر السفر والترحال علمنى اطبخ ...\
شويه كده على قدى
بس حاقدم لكو النهارده طريقة شوربة المشروم ...
طبعا اتعلمتها من زوجتى العزيزة
بس بصراحه بأعملها دلوقتى احسن منها .....
.ههههههههه ودا رأى الولاد طبعا


المقادير
علبه مشروم محفوظ من الحجم الصغير
ويفضل طبعا تشتريه طازه بس ماشى الحال ...
ممكن تتركيها على حالها بس القطع حتبقى كبيرة شويه
وممكن تقطيعها لقطع ارفع ودا احسن ....
وفى كل الاحوال اشطفى المشروم المحفوظ بماء نظيف للتخلص من آثار ماء الحفظ

بعد كده حنحتاج 3 اكواب من شوربه مجهزه مسبقا
كشوربه الفراخ مثلا ولو ان ممكن نعملها بالماء على طول
وكوب لبن ساخن
و2 ملعقة دقيق –
5 فصوص ثوم مقطعه قطعا رفيعه وممكن فرمها –
بصلة متوسطه مقطعه قطع صغيرة جدا
وبلاش تبشريها للحصول على نتائج افضل وطبعا حنحتاج كمان ملعقتين سمن او ثلاثه
والزيت ما ينفعش

الطريقة
اول حاجه حطى السمن فى قدر (حلة يعنى) على النار و
بمجرد ما تسخن السمن ضعى الثوم والبصل وحمريه
ولا تنتظرى حتى يتغير لونه الى اللون الداكن
بعد كده ضعى المشروم بعد تصفيته من ماء الشطف
وقلبى لمده دقيقة واحده بملعقة خشبية
هدى النار ثم ضعى ملعقتى الدقيق
واكملى التقليب حتى يختلط المشروم بالدقيق جيدا
وعندها ضعى كوب اللبن الساخن واكملى التقليب لمدة دقيقتين
حتى يتجانس الخليط ويذوب كل الدقيق فى اللبن
وهنا ضعى 3 اكواب الشوربة او الماء مع الملح وقليل من الفلفل الاسود
وقلبيه جيدا حتى تمام الذوبان وغطى الحله
وبعد نصف ساعه اختبرى النضج
وقوام الشوربه غالبا نصف ساعه كفايه


وبالهنا و الشفا

لو عايز او عايزة تزود شويه جمل الطبق باعواد البقدونس الاخضر
ويقدم مع قطع الخبز المحمص
لو حد جربها يبقى يقول لى رأيه
Soma
05-07-2009, 05:49 PM
طيب ليه حنتريق حاجة عادية جدا على فكرة وحلو جدا انك تعتمد على نفسك
والوصفه جميلة جدا تسلم ايدك
والمشروم جميل جدا بس انا بحمره مع البصل والطماطم وبحرشه بالتوابل وبيبقى رائع جدا
ميرسى جدا ليك وان شاء الله حجرب الطريقة دى
ميرا مار
05-07-2009, 08:38 PM
رووووووووووعة والله يا بشمهندس هاشم


انا بجد هاجربها هى عجبتنى جدا شكلها مشهى

وانا سعيدة جدا بمشاركتك الثمينة دى


بس هتطمعنا بقى فى وصفات كمان انا منتظره المزيد
Mohamed Hashem
05-07-2009, 09:55 PM
لا بجد اللى عملتيه انتى فى ردى هو اللى روعه
خلتيه فعلا شكله حلو متشكر
وبعدين مبقاش فيها بشمهندس بقى
ههههههههههههههههههههه
بالتوفيق
ميرا مار
05-07-2009, 10:05 PM
لا بجد اللى عملتيه انتى فى ردى هو اللى روعه
خلتيه فعلا شكله حلو متشكر
وبعدين مبقاش فيها بشمهندس بقى
ههههههههههههههههههههه
بالتوفيق



ههههههههههههههههههه

ليه بس؟؟ بشمهندس بموهبة جميلة والله
وبعدين خلاص انت دخلت الموضوع
وبعد الاكلة الحلوة دى منتظرين المزيد حقيقى


وماتقلقش سيب التنسيق علينا:)

ربنا يكرمك
Wild_Angel
05-07-2009, 11:21 PM
رائعععععععععععه جدا الشوربه بجد هايله
جزاك الله خيرا باشمهندس هاشم وميرسى كتيير ميرا
Mohamed Hashem
05-08-2009, 01:06 AM
شكرا جزيلا على التشجيع
Marwa Mahmoud
05-15-2009, 10:16 PM
ايه دة كل ده حصل وانا نايمة

طب محدش يعزمنى كدة

ماشى يا بشمندس

دة انا مقيمة هنا فى المطبخ عند ميرا

ههههههههههههههههه

بشكرك جدااا يا بشمهندس على الاكلة الجميلة دى

تسلم ايدك
ميرا مار
05-16-2009, 12:00 AM
معلش بقى يا مرمر

فاكرة انتى اخر كلام ع البشاميل

تستاهلى

نصيبك كدا ماتدوقيش الشوربة
Marwa Mahmoud
05-16-2009, 11:37 AM
ههههههههههههههههههههه

يلا بقى يا ميرا المرة الجايه

نقع على حاجة جامدة

هبات هنا فى المطبخ
Mohamed Hashem
05-20-2009, 12:52 AM
ههههههههههههههههههه

ليه بس؟؟ بشمهندس بموهبة جميلة والله
وبعدين خلاص انت دخلت الموضوع
وبعد الاكلة الحلوة دى منتظرين المزيد حقيقى


وماتقلقش سيب التنسيق علينا:)

ربنا يكرمك

ما تشيلى يا ميرامار اسمى من عنوان الموضوع ده
المدام كده حتستغل الموهبه دى بعدين هههههه
Soma
05-20-2009, 01:28 PM
ميرا ممكن اطلب منك طلب
كنت عايزة طريقة
باستا فلورا
وسويس رول
بعد اذنك طبعا ياجميلة
ميرا مار
06-04-2009, 10:52 PM
صينية سبــــــــــــــــــانخ بالفرن


المقادير

2 كوب اوراق سبانخ مقطعة قطع صغيرة
ربع كوب لبن
بصلة صغيرة مبشورة
فص ثوم واحد مفروم
1\4 كوب قشطة او كريمة مخفوقة
2 بطاطس كبيرة مسلوقة
جبن موتزاريللا مبشور
ملح . فلفل

الطريقة
نضع البصلة على النار فى ملعقة زيت حتى تذبل ثم نضع فص الثوم المبشور
ونقلبها تقليبة واحدة

http://img.webme.com/pic/m/mesa7a/image026.jpg

ثم نضع السبانخ ونقلبها حتى تذبل وتتبل بالملح والفلف

http://img.webme.com/pic/m/mesa7a/image022.jpg

ثم نضع مقدار القشطة ونقلبها جيدا مع السبانخ من حين لاخر
لمدة عشر دقائق ليس اكثر

فى هذه الاثناء نحضر البطاطس المسلوقة
نهرسها مع اللبن بالشوكة ونتبلها بالملح والفلفل
ثم نفردها فى صينية فايريكس صغيرة
ونفرش فوقها السبانخ عندما تجهز
ثم نرش السطح بالجبنة
وندخلها فرن سابق التسخين
حتى يحمر الوجه

http://img.webme.com/pic/m/mesa7a/image032.jpg

وعندما تخرج من الفرن تقدم ساااااااااخنة
امممممم لذيذة والله مش طعمها سبانخ خااااااالث


http://img.webme.com/pic/m/mesa7a/image043.jpg


بالهنا والشفا
Marwa Mahmoud
06-04-2009, 10:57 PM
طبعا انت اى حاجة من أيدك جميلة زيك يا جميل

بس انا مش بحب السبانخ خاااااااااالص أهئ هئ

قوليلى بقى اكل ايه انا دلوقت
Soma
06-04-2009, 10:58 PM
روعه جدا يا ميرا تسلم ايدك يا جميلة
ميرا مار
06-05-2009, 04:40 PM
ميرسى لك يا سوما.. حبيبتى

مرمر..انا والله اول مرة اكلها الاسبوع دا لما جربتها بالطريقة دى

جربيها وهتدعيلى..لان السبانخ بها فوايد عظيمة
Marwa Mahmoud
06-05-2009, 08:08 PM
ماشى يا ميرا مع انى مش بحبها بش هشوف الحكايه دى

جايز اغير رأى وأكلها ههههههههههه
ميرا مار
06-05-2009, 09:47 PM
شكلى كدا انا اللى هاشوف لكم حاجة احلى من دى:(
ميرا مار
06-05-2009, 09:53 PM
ميرا ممكن اطلب منك طلب
كنت عايزة طريقة
باستا فلورا
وسويس رول
بعد اذنك طبعا ياجميلة



دا انت تؤمر يا جميييييييييييييييل

والاتنين اسهل من بعض

ادينى بس وقت احضر صور..
Marwa Mahmoud
06-06-2009, 12:02 PM
اشطة عليكى يا سوما


ميرا اعملى حسابى فى صنيه لوحدى انتى عارفة النظام مش هوصيكى


هههههههههههههههههههههههههه
blue sky
06-07-2009, 11:58 AM
ايه ده بس يا ميرا ده انتى شكلك طباخة ماهرة وهتسعديه
,, اقرب حاجة لقلب الراجل معدته,,
ميرا مار
06-14-2009, 09:57 PM
ميرسى يا سما دا من زوقك بس

انا باتعلم معاكو:o:o
froty
06-24-2009, 11:22 PM
حامده جدا السبانخ بتاعتك يا ميرا

هتخلينى بقى ناكل السبانخ اللى مبنكلهاش
spring sun
07-06-2009, 03:01 PM
ميرا انا عمري ما هعمل السبانخ دي ابدا ابدا ابدا

انا مش بحبها

ولو لاقيت حد طا بخها بامشي من عنده نهائي

غيري الاكله دي بسرعه

واعملي بدالها صنيه بطاطس فس الفرن علشان انا بموت فيها
ميرا مار
07-08-2009, 04:45 PM
ليه بقى كدا طيب؟؟

انا قلت لك مش باكلها..لكن لما جربتها فى الفرن

عجبتنى

بصى

غلاسة بقى هتعمليها يعنى هتعمليها:p:p

ومفيش بطاطس:rolleyes:

وقدامك اسبوع كل يوم سبانخ لغاية ما تحبيها:D
ميرا مار
07-08-2009, 04:47 PM
حامده جدا السبانخ بتاعتك يا ميرا

هتخلينى بقى ناكل السبانخ اللى مبنكلهاش


فروتى...

انتى فينك يا بنتى؟؟


انتى بتاكلى برة الايام دى ليه؟؟:mad::mad:
ميرا مار
07-08-2009, 04:48 PM
سوما حبيبتى



سورى خالص خالص

اتاخرت عليكى

عموما

خدى طريقة السوسرول اهى وبعدين ربنا يسهل فى الباستا
اصلى عايزة اعملك صور مخصوص
S2AH
07-15-2009, 02:04 PM
الاكلة جميلة اوى ي ميرا مع انى مجربتهاش
هههههههههههههههة
spring sun
07-20-2009, 07:53 PM
احم احم

ميرا


يلا بقي غيري السبانخ دي واعمليلنا كده حاجه حلوه

جيلاتي مثلا بدل الحر النار اللي احنا فيه ده
Marwa Mahmoud
07-26-2009, 04:17 PM
ميرا انا جعااااااااااااااااااانة :D :D وقعدالك اهو فى المطبخ

شوفيلى بقى اى حاجة اكلها

عصافير بطنى بتصوصو :(
Wild_Angel
07-26-2009, 11:29 PM
ها يا ميرا عايزين حلويات كده عشان حفلات النجاح
وكمان عايزه شوية أكلات خفيفه للصيف
ميرا مار
08-12-2009, 08:28 PM
السويسرول
http://i98.photobucket.com/albums/l278/lucyphotos_06/tomatoswissroll2.jpg

المقادير:
4 بيضات
نصف كوب سكر
ثلاثة اربع كوب من الدقيق
ملعقة من الزبدة
مربة او كريمة للحشو

الطريقة:
يفصل صفار البيض عن بياضه .
http://4.bp.blogspot.com/_ewlsCT-iKgs/Sd5zY-sYKkI/AAAAAAAAC5I/KYKhPBOofsU/s400/1_royalicing.jpg

يخفق الصفار مع السكر حتى يميل لونه الى البياض
http://farm4.static.flickr.com/3636/3424501075_4b8aa5dd1b.jpg


وفى اناء اخر يخفق بياض البيض حتى يصبح هشأ
http://www10.0zz0.com/2009/08/12/18/898511096.jpg
ينخل الدقيق ويضاف تدريجا وعلى دفعات الى بياض البيض
يوضع فى كل دفعة قليل من الدقيق وقليل من بياض البيض

يخفق المزيج جيدا ثم تكرر العملية حتى تنتهى كمية الدقيق وبياض البيض

تدهن صينية مقاس 25 *25 سم تقريبا بالزبدة
وتوضع فوقها ورقة من ورق الشمع او ورق الزبدة وتدهن الورقة ايضا
بالزبدة ويصب فوقها الخليط على ان تكون سمك الخليط 1 سم تقريبا

يوضع القالب فى فرن متوسط الحرارة اى 200 درجة مئوية لمدة عشر دقائق

تبل قطعة من القماش بالماء وتعصر جيدا ويقلب عليها السوسرول
وينزع الورق منه وبعد يفرد عليه الكريم او المربة
حسب الرغبة ويلف السويسرول على شكل اسطوانة
وتلف بورقة او كيس وتترك لمدة 3 ساعات بالثلاجة
وبعدين نقطعها حلقات بسمك 2سم تقريبا:rolleyes::rolleyes: او حسب الرغبة
S2AH
08-15-2009, 04:19 PM
تسلم ايدك يا ميرا
بس انا عايزة اسألينخل الدقيق ويضاف تدريجا وعلى دفعات الى بياض البيض
يوضع فى كل دفعة قليل من الدقيق وقليل من بياض البيض


هنا قصدك هنضيف الدقيق وبياض البيض مع بعض للصفار والسكر
ولا كل واحد فيهم لوحدو
ارجو تكونى فهمتينى
ميرا مار
08-16-2009, 01:53 AM
ايون


لا يا سارة

هنخلص خلط الدقيق والبياض الاول خااااااااااااااالص

وبعدين نبدا نمزجهم مع خليط الصفار

ماشى يا قمر

جربى وقوليلى ايه الاخبار
بس خدى بالك ماتزوديش وجودها فى الفرن عن 10 دقائق

وميرسى يا حبيبتى لسؤالك
Soma
08-16-2009, 02:36 AM
الله ينور عليكى يا ميرا
جزاكى الله كل خير يا جميلة
Marwa Mahmoud
08-16-2009, 11:07 AM
الله ينور عليكي يا حببتي وحشتنا اكلاتك الجميله دي تسلم ايدك
Wild_Angel
08-16-2009, 06:55 PM
جميييله خالص يا ميرا

ربنا يقدرنى وادخل المطبخ اعملها
جزاكِ الله خيراً
ميرا مار
08-16-2009, 10:52 PM
طب بصوا يا بنات بقى

عشان انا محتاجاكم فى رمضان

اللى مستعدة تقووووووووووووووووول
Mohamed Hashem
09-03-2009, 01:15 AM
السلام عليكم يا بنات المنتدى
الحقيقة المشاركة دى مجرد دور صغير كنت سألعبه بالتنسيق مع صاحبه الموضوع المشرفة المتميزة "مها"
اللى غايبة عننا وكان حيكون فى تعاون بينها والبنات وزوجتى العزيزة فى تقديم مواضيع أكلات قوية فى رمضان
ولكن قدر الله وما شاء فعل
على العموم .. اليكم رابط كتاب أسامة السيد : بالهنا والشفا
http://www.2shared.com/file/7542503/7ec96d00/3solatcom_osama.html
مع أطيب تمنياتى لكم بأشهى الأكلات
وتحياتى للجميع
Wild_Angel
09-03-2009, 01:22 AM
:rolleyes::rolleyes::)

جزاك الله خيراً :) باشمهندس هاشم
وبارك الله فى زوجتك الكريمه
:):)
Soma
09-03-2009, 02:02 PM
جزاك الله كل خير يا بشمهندس محمد
الورده البيضاء
09-06-2009, 11:21 AM
مشكورة حبيبتى عالاكلة تسلم يدك
Wild_Angel
09-26-2009, 06:07 AM
http://img15.imageshack.us/img15/3717/64827292.gif

:11rob::11rob:
*أولا إلى الغاليه صاحبة هذا المطبخ
ميرامار
اشتقنالك وان شاء الله ترجعى بالسلامه

جبــــت وصفه جديده وتحففففه جداً
ودى ذوقتها النهارده من ايدين أختى
موهبه فذه فى المطبخ :):)

الأكله عباره عن
لحــم محشى بالمشروم
http://img28.imageshack.us/img28/7025/99961497.jpg
الواقع احلى مليون مره من الصور اللى لقيتها

المقادير:
اولا تجيبى قطع اللحم اللى حتعمليها

لحم فيلية (بتاع الشوى)
– مشروم
- بصلة
-1/2 ملعقة دقيق
-ملعقة خل
– 1/2 ملعقة زبدة
-1/2 ملعقة زيت زيتون
- حزمة نعناع طازج
- توابل ( ضيفيها زى ما تحبى روز مارى و زعتر كل التوابل اللى تحبيها )

اولا افردى اللحمه كويس بأيد الهون عشان تعرفى تحشيها حلو

ثانيا نفرم البصله او نبشرها بالمبشره عادى و تحطيها على اللحمه وتحطى ملعقة خل عليها وطبعاا الملح والفلفل
وتخلى اللحمه تشرب الخل ومية البصل( على فكره أى حاجه تحبى تتبليها يحبذ لو تسيبيها من بليل عشان تاخد التتبيله كلها)
http://img28.imageshack.us/img28/2154/eda10.gif
نيجى بقى للمشروم قطعيه لحتت متوسطه كده و وقطعى معاه النعناع وحطى التوابل اللى انتى عايزاها بس يفضل تحطيها لو حتسوى المشروم على النار شويه

هاتى اللحمه واحشيها بالبصل بتاع التتبيل والمشروم والنعناع
(لو عايزه تسوى المشروم شويه مع حبة البصل مفيش مانع)

وبعدين لفي اللحمه كويس

سيبى حبة حشو عشان تحطيه معاها وهى بتستوى
و امسكيها و غطيها بالدقيق زى ما بتعملى مع السمك يعنى قلبيها كده بس خلى بالك لا تتفتح
حطى زيت الزيتون والزبده فى الطاسه على النار وبعدين حطى الحمه من الحته المفتوحه بتاعتها عشان تتقفل بالزيت والدقيق
(على فكره ممكن تقفلى اللحمه ب toothpicks الخلّه يعنى )
قلبيها عشان تحمر وحطى شوية ميه سخنه عشان الصوص بتاعها ينزل وسيبيها تاخد غلوه
وللتزيين حطى نعناعيتين http://img28.imageshack.us/img28/4207/sw103.gif http://img28.imageshack.us/img28/4207/sw103.gif على اللحمه كده من فوق فى الطبق
وبالهنا والشفا
:chef::chef::chef::chef:

كان نفسى اجبلكم شكلها وطعمها بجد تحفه اوى
Mohamed Hashem
09-26-2009, 01:22 PM
الله ينور يا وايلد .. حاقول لزوجتى تجربها لنا
او يمكن اعملها انا بقى وخلاص هههههههههه
تسلم ايديكى واشكرى اختك كثيرا
Soma
09-27-2009, 04:22 AM
ميرسى جدا يا وايلد تسلم ايدك
شكل الطريقة بيقول انها خطيرة جدا باذن الله حجربها
ربنا يرجعك ياميرا بالسلامة
Wild_Angel
09-27-2009, 05:02 AM
جزاك الله خيراً يا باشمهندس ان شاء الله تعجبكم بجد اللحمه تجنن وممكن تعمل جنبها أرز بالكار يبقى خرافه او مكرونه سباجتى

جزاك الله خيراً يا سوما ان شاء الله اما تجربيها ابقى قوليلى

وبأذن الله ميرا ترجع تعملنا أكلات جااااامده جداً فى مطبخها
Wild_Angel
09-30-2009, 03:56 PM
ايه يا جماعه محدش عمل الاكله ولا ايه
دى حته شكلها جمييل
طالبة جامعية
10-25-2009, 01:48 PM
توبيك جميل جدا
وان شاء الله احاول اجربهم
مع انى مش بحب المطبخ
ميرسى ليكم
spring sun
10-28-2009, 09:16 PM
هي ميرا غابت ووايلد استلمت منها

هههههههههههههههههههههههههه
ماشي ماشي لما ميرا ترجع هقولها
Wild_Angel
10-28-2009, 09:21 PM
:) :) :) :) :) :)

ليه كده بس يا اميره
متقلقيش محدش حياخد مكان ميرامار
والحمد لله هى خلاص راجعه قريبا بأذن الله

بس انا قولت عشان الموضوع ميموتش فى عدم وجودها
وربنا يرجعها بالسلامه

سعيده بوجودك يا أميره ويارب تكون الاكله عجبتك :)
Marwa Mahmoud
10-28-2009, 10:05 PM
وحشتنى اكلاتك يا ميرا

يارب ترجعلنا بألف سلامة
Mohamed Hashem
10-28-2009, 10:18 PM
بنات ..
جربت مرة أكلة ظريفة فى مطعم من مطاعم البيتسا المشهورة
مش فاكر إسمها .. بس هى مكرونة وعليها صوص ألفريدو وفيها قطع فراخ ومشروم وزيتون
حبيت أجربها فى البيت .. دورت عليها لقيت حاجات باين من مقاديرها ومكوناتها إنها مش هى
حد يعرف طريقتها ؟
Wild_Angel
10-28-2009, 11:01 PM
حدورلك عليها يا باشمهندس واجيبها بأذن الله :)
Soma
11-01-2009, 05:22 AM
انا جربت اللحم بالمشروم طلع جميل جدا فعلا بس مقلتهوش حطيته فى الفرن عشان مليش فى المقليات
بس بجد طلع رائع جدا
تسلمى يا وايلد
Wild_Angel
11-02-2009, 12:00 AM
ربنا يخلييييكى يارب يا سوما
والله فرحتينى
بالهنا والشفا على قلبك :)

ان شاء الله اجيبلكم كمان المكرونه اللى طلبها باشمهندس محمد هاشم:)
حسام المصرى
11-02-2009, 01:37 AM
على فكره
ريحة الاكل مبهدلة السايت كله والناس جاعت
Soma
11-02-2009, 10:16 PM
ميرسى يا وايلد ربنا يخليكى
مستنية المكرونة
Wild_Angel
11-07-2009, 12:31 PM
http://img690.imageshack.us/img690/5110/70117084.gif

السلام عليكم ورحمة الله وبركاته

رجعنالكم تانى بطبخه جديده

والطبخه دى كانت بناءً على طلب باشمهندس محمد هاشم
مكرونه الفريدو


http://www.moheet.com/image/17/225-300/175809.jpg

المقادير :


-1 عبوة مكرونة 500ج (أقلام طويلة).

-2 ملعقة صغيرة من السمن.

-3 فص ثوم مقطع صغير

- بصله

-2/1 4 ملعقة صغيرة دقيق عام يستخدم لجميع الأغراض .

-2/1 1 كوب حليب منزوع القشدة .

-2/1 كوب جبنه بارمجان( لو مش موجوده تبقى جبنه موزاريلا او جبنه كيرى)

-4/1 ملعقة صغيرة فلفل ابيض او اسود + اضافة ماجى او قليل من البهارات .

-4/1 كوب بقدونس طازج مقطع .
-200 جرام فطر مقطع .



الطريقة :
http://dl8.glitter-graphics.net/pub/1836/1836538ngpo47gvl7.gif (http://www.mesa7a.com/forum/../)
- اول حاجه نذوب السمن في إناء على نار منخفضة.

- ثانيا نضيف الثوم والبصل والاول نسويهم لحد ما يذبلوا وبعدها نضع الدقيق مع التحريك لمدة دقيقة ثم نقوم بإضافة الحليب تدريجياً مع التحريك المستمر حتى يبدأ الخليط بالتماسك.

- بعد ذلك نضيف الجبن والفطر والفلفل والماجى او البهارات-ملح .. ( يفضل ان نقوم بتسوية الفطر نصف تسويه) وحركيها حتى تصبح الصلصة سميكة.
ملحوظه : يمكننا إضافة دجاج على شكل مكعبات فى هذه الخطوه


- نطبخ المكرونة وفقاً لتعليمات العبوة.

- صفيها من الماء وضعيها في صحن التقديم.

- نضع الصلصة فوق المكرونه ونزينها بالبقدونس المقطع .


وبالهنا والشفا http://www.nsaayat.com/images/icons/essen.gif
بالصراحه الواحد جاع خالص وحاسس انه عايز يقوم يعملها
أتمنى انها تعجبكم :)
الورده البيضاء
11-07-2009, 12:38 PM
اكيد اكلة طعمها هيبقى تحفة ياجميل
وان شاء الله اجربها
تسلم ايدك
Wild_Angel
11-07-2009, 12:52 PM
ربنا يخليكى يا أمل
بأذن الله تجربيها وتعجبك
وياااارب تطلع حلوه زي ردك :)
Marwa Mahmoud
11-07-2009, 02:33 PM
تسلم ايدك يا قمرايه الله ينور عليكى

وعلى فكرة مهمتى هنا فى المطبخ انى أكل وبس

بس ممكن بردة اسعدك هههههههههههه
Wild_Angel
11-07-2009, 02:43 PM
ربنا يخليكى يا مرمر
ومدام بتحبى الاكل وبس فأنا عندى مفاجأه ليكى :)
المره الجايه عايزينك تعمليلنا اكله حلوه كده على ذوقك بقى
:)
يلا مستنيه اهو http://www.nsaayat.com/images/icons/essen.gif
Marwa Mahmoud
11-07-2009, 02:46 PM
ربنا يخليكى يا مرمر
ومدام بتحبى الاكل وبس فأنا عندى مفاجأه ليكى :)
المره الجايه عايزينك تعمليلنا اكله حلوه كده على ذوقك بقى
:)
يلا مستنيه اهو http://www.nsaayat.com/images/icons/essen.gif


ايه التدبيسة دى :eek::eek::eek::eek:
















حاضر بس كدة من عنيا :)
Wild_Angel
11-07-2009, 02:48 PM
يا مرمورتى دى مش تدبيسه
بس عايزين نشوف مهارات جديده للطهو :) :) :)
Marwa Mahmoud
11-07-2009, 02:52 PM
يا مرمورتى دى مش تدبيسه
بس عايزين نشوف مهارات جديده للطهو :) :) :)


ا
ممممممم

ححاول افجائكوا حعملكوا أكلة مبتتكلش

ايه رأيك :D:D:D:D
Wild_Angel
11-07-2009, 02:59 PM
:D:D:D
دى حتبقى فجعه
قصدى مفاجأه هايله:)
ماشى يا مرموره مستنينها :)
Marwa Mahmoud
11-07-2009, 03:04 PM
:D:D:D
دى حتبقى فجعه
قصدى مفاجأه هايله:)
ماشى يا مرموره مستنينها :)



هههههههههههههههههه

حفاجئك أكيد :cc_hang:
Marwa Mahmoud
11-07-2009, 05:37 PM
جايبلكوا النهاردة أكله جميلة ولذيذة




((صدور دجاج المحشيه ))




المقادير :




صدور دجاج مخليه


جبن شرائح او موزاريلا


بقدونس


ملح وفلفل وبهارات


زعتر واوريجانو


ليمون


قطعه زبدة




الطريقه :




خذي صدور الدجاج ثم اصنعي فيها شق جانبي ...






http://www.majalisna.com/gallery/1730/1730_94103_1241703957.jpg






http://www.majalisna.com/gallery/1730/1730_94103_1241703967.jpg






http://www.majalisna.com/gallery/1730/1730_94103_1241703977.jpg






تبليها بالملح والفلفل والبهارات وعصير الليمون و الاوريجانو ..واتركيها ساعتين ..







http://www.majalisna.com/gallery/1730/1730_94103_1241703987.jpg



ابدأي بالحشو بوضع الجبن ثم البقدونس ثم رشه زعتر ..






http://www.majalisna.com/gallery/1730/1730_94103_1241703997.jpg





اغلقي الجوانب بعيدان الشوي ثم ازيلي الجزء الزائد منها ..










ضعي قطعه زبدة في المقلاه ..









http://www.majalisna.com/gallery/1730/1730_94103_1241704007.jpg





قلبي فيها الصدور حتى تتحمر من الجانبين ..





http://www.majalisna.com/gallery/1730/1730_94103_1241704017.jpg





اضيفي نصف كوب ماء في قاع المقلاه و غطيها واتركيها على نار هادئه حتى تنضج (ساعه الا ربع تقريبا )




ثم قدميها بطريقتك الخاصه ..





http://www.majalisna.com/gallery/1730/1730_94103_1241704027.jpg





http://www.majalisna.com/gallery/1730/1730_94103_1241704037.jpg







وبالهنا والشفا
Mohamed Saad Yassin
11-08-2009, 02:09 PM
شكرا على المجهود المبذول فى احياء الموضوعات القديمة و القيمة
شكرا باشمهندسة اسراء
و شكرا للاستاذة مروة على الاكلة
بس بنا يستر من المغص بع الاكل
هههههههههه
على فكرة بهزر
بالهنا و الشفا و شكرا مرة تانية
الورده البيضاء
11-11-2009, 08:48 PM
ميرسى يامرمرورتى عالاكلة
وان شاء الله تطلع جميلة وطعمها زى العسل زيك ياعسل
Wild_Angel
11-11-2009, 09:03 PM
جزاك الله خيراً يا أستاذ محمد
نورت الموضوع
واتمنى تكون عجبتك الاكلات


وبجد مجهود جمييييييييييييييييل يا مرمورتى
ميرسى أنك لبيتى الدعوه وعملتلنا فجعه
قصدى مفاجأة :)
وحلو كده اوى الفراخ كده حتمشى مع المكرونه الالفريدو اللى عملتها

خلاص يوم الجمعه بقى نروح على البحر ناكلهم سوا :)
Wild_Angel
11-11-2009, 09:50 PM
اقدم شكر خاص لصاحبة هذا الموضوع

ميـــرامــار

لانها جمعتنا هنا فى هذا المطبخ الرائع
ومعلش يا ميرا
استعملنا كام حله كده لحد ما ترجعى
بس المواعين كلها خلصناها وبقت زى الفل متقلقيش :)
http://www13.0zz0.com/2009/11/11/19/470008071.gif (http://www.0zz0.com)
Marwa Mahmoud
11-12-2009, 10:37 AM
شكرا على المجهود المبذول فى احياء الموضوعات القديمة و القيمة
شكرا باشمهندسة اسراء
و شكرا للاستاذة مروة على الاكلة
بس بنا يستر من المغص بع الاكل
هههههههههه
على فكرة بهزر
بالهنا و الشفا و شكرا مرة تانية


ههههههههههههههههه

ربنا يكرمك يا أستاذ محمد

وان شاء الله مفيش مغص ولا حاجة أدينا بنجرب فيكوا

ان شاء الله سليمة
Marwa Mahmoud
11-12-2009, 10:39 AM
ميرسى يامرمرورتى عالاكلة
وان شاء الله تطلع جميلة وطعمها زى العسل زيك ياعسل


ربنا يخليكى يا قمرايه تسلميلى يا رب
Marwa Mahmoud
11-12-2009, 10:41 AM
جزاك الله خيراً يا أستاذ محمد
نورت الموضوع
واتمنى تكون عجبتك الاكلات


وبجد مجهود جمييييييييييييييييل يا مرمورتى
ميرسى أنك لبيتى الدعوه وعملتلنا فجعه
قصدى مفاجأة :)
وحلو كده اوى الفراخ كده حتمشى مع المكرونه الالفريدو اللى عملتها

خلاص يوم الجمعه بقى نروح على البحر ناكلهم سوا :)



هههههههههههههههههههههه

بس بصوت واطى عشان محدش يسمعنا ويجى معنا :1:

تسلميلى يا حبيبة قلبى ويارب تكون الاكله عجبتك يا جميل :)
ميرا مار
11-16-2009, 01:50 PM
يانهارك اممممممممممممممممم ابيض ماشى


دخلتى المطبخ وانا مسافرة

لااااااااااء وعملتى اكل كمان

ماشى ابت ا مرمر

اهم حاجة

اهم حاجة تسيبى المطبخ بيلمع

اوعى تسيبى معلقة مش نظيفة وراكى

هااااااااااااااا؟؟


هاتى حتة بقى.....:box:









وحشتينى قوى والمنتدى كله

ريحته حلوة شكله عامل اكلة جميلة:embaressed_smile:
الورده البيضاء
11-16-2009, 04:05 PM
ياالف حمدالله عالسلامة ياميرا
Wild_Angel
11-17-2009, 12:34 AM
يا اهلا يا اهلا
صاحبة المطبخ أخيراً دخلت ونورتنا :)

وحشااااااانى خالص يا ميرا
متقلقيش الحلل والمطبخ كله بيلمع :)

ومستنيينك بقى ترجعى تعمللنا أكلات سوبر زى ما عودتينا
Marwa Mahmoud
11-17-2009, 10:05 AM
يانهارك اممممممممممممممممم ابيض ماشى




دخلتى المطبخ وانا مسافرة


لااااااااااء وعملتى اكل كمان


ماشى ابت ا مرمر


اهم حاجة


اهم حاجة تسيبى المطبخ بيلمع


اوعى تسيبى معلقة مش نظيفة وراكى


هااااااااااااااا؟؟



هاتى حتة بقى.....:box:










وحشتينى قوى والمنتدى كله



ريحته حلوة شكله عامل اكلة جميلة:embaressed_smile:




حبيبة قلبى وحشتينى أوى أوى أوى

أخبارك ايه يارب ترجعلنا من تانى بألف سلامة

المنتدى ملوش طعم من غيرك يا جميل

متخفش يا قمرايه كل حاجة تماااااااااااااااااام
alaa eid
11-17-2009, 01:54 PM
تسلمى يا مرمورتى على الاكلة الجميلة دى
Marwa Mahmoud
11-24-2009, 06:55 PM
تسلمى يا مرمورتى على الاكلة الجميلة دى






شكرا ليكى يا لولو نورتى
Mohamed Hashem
11-25-2009, 01:49 PM
الله الله
يعنى وايلد جابت لى الاكله
ومرمر عملت فراخ
وخلصتوا كل حاجه كده
طب كان حد ساب لى طبق مكرونة وحته فراخ فى التلاجه
بس احسن .. آهى ميرا رجعت وحتعمل الاكلات بقى بتاعه زمان :1:

ميرسى جدا جدا يا وايلد على المكرونة بجد انا متشكر جدا .. عملتها وطعمها فعلا زى التانية بالضبط هو بس طعم الثوم بيبان فيها قوى علشان كده المره الجاية حاقلله شويه .. والجبنة الموتزاريلا عملت نفس طعم البارميزان .. تسلم ايديكى بجد

مرمر .... من امتى ليكى فى الطبخ ؟ :dribble: انا اعرف انك بتقعدى فى المطبخ تاكلى بس :D :D :D
لا طبعا تسلم ايديكى .. وحاجربها لان مراتى كمان بتحب أى حاجه جديدة بس المرة دى هى تطبخ شوية بقى :evil_32:

ميرامار ..... عاش من شافك .. لو اعرف انى لو دخلت المطبخ حتيجى كنت دخلت من زمان وقعدت أعك أى أكل ... بجد وحشتينا ويارب تكون أمورك كلها على مايرام ... بقولك ما تشوفى لنا أكله كده على الماشى تنفع فى الشتاء ولو ان الدنيا لسه مش برد أوى يعنى ... منورة يا ميرا


ميرسى جدا ليكو يا بنات ..
Marwa Mahmoud
11-25-2009, 04:19 PM
الله الله
يعنى وايلد جابت لى الاكله
ومرمر عملت فراخ
وخلصتوا كل حاجه كده
طب كان حد ساب لى طبق مكرونة وحته فراخ فى التلاجه
بس احسن .. آهى ميرا رجعت وحتعمل الاكلات بقى بتاعه زمان :1:

ميرسى جدا جدا يا وايلد على المكرونة بجد انا متشكر جدا .. عملتها وطعمها فعلا زى التانية بالضبط هو بس طعم الثوم بيبان فيها قوى علشان كده المره الجاية حاقلله شويه .. والجبنة الموتزاريلا عملت نفس طعم البارميزان .. تسلم ايديكى بجد

مرمر .... من امتى ليكى فى الطبخ ؟ :dribble: انا اعرف انك بتقعدى فى المطبخ تاكلى بس :D :D :D
لا طبعا تسلم ايديكى .. وحاجربها لان مراتى كمان بتحب أى حاجه جديدة بس المرة دى هى تطبخ شوية بقى :evil_32:

ميرامار ..... عاش من شافك .. لو اعرف انى لو دخلت المطبخ حتيجى كنت دخلت من زمان وقعدت أعك أى أكل ... بجد وحشتينا ويارب تكون أمورك كلها على مايرام ... بقولك ما تشوفى لنا أكله كده على الماشى تنفع فى الشتاء ولو ان الدنيا لسه مش برد أوى يعنى ... منورة يا ميرا


ميرسى جدا ليكو يا بنات ..


ههههههههههههههههه بشكرك جداا على مشركتك الجميلة دى يا بشمهندس

ربنا يكرمك وإحنا منقدرش ننسى حضرتك ابدا المطبخ مفتوح ليك فى اى وقت

بس دة لو لقيت أكل يعنى :dribble::dribble: ههههههههههههه

ربنا يكرمك يا بشمهندس نورتنا
bata_batot
11-26-2009, 12:33 AM
شكرا اوى يا ميرامار
هجربها وهرد عليكى
Wild_Angel
11-26-2009, 05:36 PM
جزاك الله خيراً يا باشمهندس محمد
أتمنى الاكلتين يكونوا عجبوا حضرتك

وان شاء الله ميرامار ترجع كده تعملنا حاجات جميله

وكل عام وحضرتك بخير
ويمكن كده نجيب كام أكله تنفع فى العيد
بدل ما يبقى كل يوم فته :)
froty
11-30-2009, 08:23 PM
جامدة الاكلة يا مرمر وجربتها
تسلم ايدك يا قمر
Wild_Angel
11-30-2009, 09:02 PM
منوره يا فروووووتى
فينك من زمان :)
ALY ELSAYED
12-09-2009, 10:58 PM
الله ينور يا مرمر

ايه الاكل الطعم واللذيد ده

مع اني مش بحب الفراخ المخليه

بحبه كده بعضمها زي مهيا

بس الله ينور

ياريت تدبسي اي حد في يعملنا اكله تانيه

جزاكي الله كل خير
Marwa Mahmoud
12-14-2009, 04:05 PM
جامدة الاكلة يا مرمر وجربتها



تسلم ايدك يا قمر



ربنا يكرمك يا قمرايه نورتينا
Marwa Mahmoud
12-14-2009, 04:07 PM
الله ينور يا مرمر




ايه الاكل الطعم واللذيد ده


مع اني مش بحب الفراخ المخليه


بحبه كده بعضمها زي مهيا


بس الله ينور


ياريت تدبسي اي حد في يعملنا اكله تانيه



جزاكي الله كل خير



:doctor: :cc_chinese: :11ostrider: :donatello:


مـــــــــــــــــــــــاشى يا على ادبس اى حد مـــــــــــــاشى


حدبسك انت قدرك بقى


ههههههههههههههههه


شكرا ليك جداا نورتنا بوجودك
Marwa Mahmoud
12-14-2009, 04:09 PM
أنتظرونا مع أكلة جديدة بأمر الله
Marwa Mahmoud
12-14-2009, 04:30 PM
http://sl.glitter-graphics.net/pub/1151/1151145r6qog1ek1u.gif
http://www.chefosama.com/adminpanel/Recipe_Images/Recipe_Image_1250777577.jpg
صنية جلاش باللحمة المفرومة



المقادير:

بطاطس مقطعة

http://www.arabseyes.com/vb/imgcache/2745.imgcache

الخضروات(ساق كرفس، جزرة و بصلة).. و تقطع مكعبات صغيرة

http://www.arabseyes.com/vb/imgcache/2746.imgcache


ملعقة دقيق

3 ملاعق زبده أو زيت
ملعقة زعتر
كوب صوص اللحم

لحم مفروم

http://www.arabseyes.com/vb/imgcache/2747.imgcache


الطريقة:

توضع مكعبات البطاطس فى ماء مع الملح و الكمون أو أى توابل

من اختيارك و تغلى حتى النضج.. و اتركيها جانبا

http://www.arabseyes.com/vb/imgcache/2748.imgcache

سخنى الزبدة على النار

http://www.arabseyes.com/vb/imgcache/2749.imgcache

أضيفى الجزر و البصل و الكرفس و حمريهم

http://www.arabseyes.com/vb/imgcache/2750.imgcache

النار و اتركيهم عليها حتى يحمروا..

ثم

أضيفى اللحم المفروم

http://www.arabseyes.com/vb/imgcache/2751.imgcache

استمرى فى التقليب
عندما يأخذ اللحم اللون البنى.. ميلى الحلة و تخلصى من الزبدة الزائدة

http://www.arabseyes.com/vb/imgcache/2753.imgcache

أضيفى ملعقة الدقيق مع التقليب

http://www.arabseyes.com/vb/imgcache/2754.imgcache

أضيفى صوص اللحم و الزعتر و ملح و فلفل أسود و اتركيها على النار حتى تنضج تماما

http://www.arabseyes.com/vb/imgcache/2755.imgcache

أثناء نضج اللحم اهرسى البطاطس المسلوقة

احضرى صينية و ضعى اللحم و الخضروات فى قاعها

http://www.arabseyes.com/vb/imgcache/2756.imgcache


ثم البطاطس المهروسة
قطعى قطعة زبدة قطع صغيييرة و أنثريها على الوجه
مع الفلفل الأحمر(و يمكنك وضع شيدر مبشور أو موتزاريلا

http://www.arabseyes.com/vb/imgcache/2758.imgcache

ادخليها الفرن و اتركيها حتى يحمر الوجه

هذا الشكل النهائي للصينية

http://www.arabseyes.com/vb/imgcache/2759.imgcacheشكرا بالهنا الشفا http://forums.fatakat.com/images/funnysmilies/220.gifhttp://forums.fatakat.com/images/funnysmilies/220.gif
MUHAMED SAMY
12-14-2009, 04:43 PM
طريقة عمل الحلبسة أو مشروب حمص الشام الساخن:

المقادير :

1. 1/4 كيلو حمص شام
2. 5 فص توم مفروم
3. عدد 3 حبة طماطم مضروبة بالخلاط أو 2 ملعقة كبيرة صلصة طماطم
4. بصلة مبشورة ناعم
5. ملعقة كمون , ملح , شطة
6. عصير ليمون

طريقة العمل :

1. ينقع الحمص لمدة من 6 الى 8 ساعات ولا تزيدى مدة النقع لانها بتجعل الحمص لا يستوى.
2. يوضع الحمص في الماء بعد تصفيتة و معه البصلة و الثوم و يترك ليغلي .

3. بعد أن يقرب الحمص يدخل فى السواء يوضع الطماطم المضروبة أو الصلصة الطماطم و الكمون و الملح و الشطة حسب الطلب ولا توضع قبل ذلك حتى لا يعيق النضج .

4. تترك حتى تمام نضج الحمص ثم يرفع من على النار ثم يصب فى الاكواب و يضاف له عصير الليمون ثم يشرب ساخن بالهناء والشفاء .

اقدمها لاحمد حسنى فى عيد ميلاده
http://www.atyab.com/uploadscenter/uploads/41af051144.jpg
الورده البيضاء
12-16-2009, 12:24 PM
جزاكم الله كل خير مرمر ||| محمد
مرمر انا بعمل الجلاش باللحمة المفرومة ولكن بطريقة تانية
انا مش بحطلة خضار
بتبقى عصاج اللحمة سادة بالبصل بس
وبتبقى جنان
واكيد بتاعتك بتبقى احلى كمان
جوعتينى
هههههههههههه
ميرسى اقمراية
محمد
حاجرب حمص الشام لانى بصراحة معملتوش قبل كدة
ميرسى اوى ليكم الاتنين
Wild_Angel
12-16-2009, 12:31 PM
الله ينور
بس انا عايزه أسأل سؤال
هو فين الجلاش ؟؟؟؟
هى دى صينية بطاطس باللحمه المفرومه ولا جلاش ؟
هى بصراحه الصينيه شكلها شهى وجميل
عموما يسلم ايديكم
وحمص الشام جميل برضه
Marwa Mahmoud
12-26-2009, 04:14 PM
شكرا ليكم يا جماعة اسعدنى مروركم جداا
هبه ابراهيم
02-22-2010, 02:03 AM
مفيش حاجه جديدة ؟
Marwa Mahmoud
03-07-2010, 02:58 PM
ربنا يسهل ونرجع من تانى ونجيب حجات جديدة

المطبخ وحشنى اوى
Marwa Mahmoud
03-08-2010, 01:04 PM
http://www.al3beer.com/vb/mwaextraedit5/extra/04.gif


حلى اليوم كيكةالكريم كرميل


ان شاءالله تعجبكم


المقادير و الطريقه :


يحرق كوب سكر بقالب الجاتوه
على نار هاديه و نتركه جانباً


http://www.ommahat.net/forum/imgcache/6385.jpg


مقادير الكريم كراميل:


بيضتين
4/3 كوب سكر
1 ملعقه صغيره فانيليا
كوب و نص حليب بودر
كوبين ماء


* تخلط المقادير السابقه بالخلاط
لمده دقيقتين و تصب فوق
السكر بالقالب


http://www.ommahat.net/forum/imgcache/6386.jpg


مقادير الكيكه :


بيضتين
كوب و ربع طحين
2/1 كوب زيت
ملعقه فانيليا
ملعقه و نص بيكنج بودر
ملعقه و نص بيكنج بودر
2/1 كوب حليب سائل
ملعقتين كبار كاكاو
4/3 كوب سكر


* يخفق البيض والسكر والفانيليا
اولا وبعدين باقي السوائل بعدين
نضيف الطحين المنخول وباقي
المقادير الجافه
و يضاف فوق طبقه الكريم كراميل
بهذا الشكل


http://www.ommahat.net/forum/imgcache/6387.jpg


يوضع القالب في حمام مائي و يفضل
ان يكون الماء ساخن اختصاراً للوقت
و يدخل الى الفرن على حراره 55 ْ
و يترك لمده ساعه او ساعه و ربع
على حسب حراره الفرن


http://www.ommahat.net/forum/imgcache/6388.jpg


و هذا شكله بعد ما يطلع من الفرن


http://www.ommahat.net/forum/imgcache/6389.jpg


يترك القالب ليبرد بحراره الغرفه بعدها يوضع بالثلاجه
لمده 10 ساعات
ثم يقلب في طبق التقديم
و هذا الشكل النهائي


http://www.ommahat.net/forum/imgcache/6390.jpg


http://www.ommahat.net/forum/imgcache/6391.jpg


http://www.al3beer.com/vb/images/smilies/ahmed17.gifhttp://www.al3beer.com/vb/images/smilies/ahmed17.gifhttp://www.al3beer.com/vb/images/smilies/ahmed17.gif
الورده البيضاء
03-09-2010, 04:14 AM
الله ينور يامرمر
حمدالله عالسلامة ياحبى
وحشتينا كتيييييييييييييييير
بس بينى وبينك كدة فى الاصوخووص
بتعرفى تعمليها بجد؟؟
:D:D
Soma
03-09-2010, 05:59 PM
الله ينور عليكى يا مرمر
حبقى اعملها مع تورتة عيد ميلادى
تسلم ايدك يا جميلة