مطبــــخ مــيرا مـــــــار .×.× الجديد .. كيكة الكريم كراميل marwa mahmoud [الأرشيف]

ميرا مار

01-13-2009, 12:06 PM

مطبخ ميرا مـــــــــــــــــــار
http://www12.0zz0.com/2009/01/13/09/187192618.jpg

السلام عليكم..
جايبالكم اكلات حلوة ..وفى اكلات تانية حلوة وسهلة..
نبتدى على طول

البيــــــــــــــــــتزا
اسهل طريقة ومتجربة كتير واحلى من اى بيتزا هتاكلها برة
http://www.food.pop-cult.com/images/pizza.jpg

المقادير
نصف م ك خميرة
ربع م ص سكر
كوب وثلث ماء دافئ
2 م ص ملح
1 م ك زيت زيتون
3 وثلاث ارباع كوب دقيق

الطريقة
تذاب الخميرة بنصف كمية الماء وتترك لمدة 10 دقائق
يخلط الملح والدقيق ثم تضاف الخميرة وتعجن
يضاف الزيت الى الخليط ثم يضاف الماء المتبقى
تعجن حتى تصير عجينة ملساء ناعمة لا تلتصق باليد
http://img395.imageshack.us/img395/9696/41079097vp2.jpg

يوضع العجين فى وعاء مدهون بالزيت وتترك فى مكان دافئ
ويغطى بقماش نظيف حتى يخمر او يتضاعف حجمه
(ساعتين تقريبا)
يرش القليل من الدقيق على سطح طاولة ويعجن العجين مرة اخرى لمدة 5 ق
يقسم العجين الى قطعتين متساويتين ويفرد على شكل دائرة نصف قطرها 30 سم
ويوضع فى صوانى مدهونة ويترك حوالى نصف ساعة
يعمل به ثقوب بالشوكة وتفرد صلصة البيتزا على الوجة
ثم يفرد الجبن وقطع الطماطم والفلفل واى مكونات اخرى
تخبز فى فرن حار حوالى 200 درجة س لمدة حوالى 10 ق..
امممممممممممممممممممم
بس خلاص
http://formateur69.free.fr/Images/chef5.GIF
بالهنا والشفا
البديل ... ادفع دم قلبك فى بيتزا جاهزة وساعات تطلع وحشة تقعد تتحسر ع الفلوس

سلمي جمال

01-13-2009, 12:10 PM

هههههههههههههههههههههههههههه

بجد تحفة يا ميرا و شكلي حتعلم علي ايدك

علي فكرة في ناس كتير عندهم بردو فكرة انهم يقولي علي انواع تطبخ بس كانوا مستنين قسم حوا

spring sun

01-13-2009, 12:10 PM

ليه كده بس كنتي استني ساحه حوا ونبقي نحط دول فيهم

عموما فكره هايله

والله كنت بتكلم مع سلمي امبارح فيها

ميرا مار

01-13-2009, 12:12 PM

ميرسى يا سلمى
اميرة على المرور ويارب تجربوا البيتزا وهى تعجبكم

Marwa Mahmoud

01-13-2009, 12:16 PM

اية الجمال ده تسلم ايدك يا ميرا
بجد البيتزا لاتقاوم .
بس متنسيش اختك بحتة صغنططة يعنى ادوق بس .
ابعتهالى على البريد السريع اللى رايح سينا .
اوعى تنسى مستنية .
يلا موصلتش ليه ههههههههههه ..

AYMAN GAMAL

01-13-2009, 06:56 PM

هههههههههههههههههههههههههههه

شكلك طباخة شاطرة

شكرا يا ميرا

Mahro

01-13-2009, 07:05 PM

هههههههههه تحفه انتى يا ميرا والله موضوع جميل وياريت يبقى متجدد فى موضوع واحد ....

ياترى بقى هتأكلينا ايه انهارده فى بيت العيلة ......

على فكره انا بمووووووووووووت فى العك ..... ظبطينا بقى بس مش عاوزين حد يدعى عليكى ........ههههههههه

خالد أبوسعده

01-13-2009, 07:59 PM

The[H]KinG

01-13-2009, 08:02 PM

شكرااااااااااا يا ميراااااااااا
على الفكرة المفيدة دى وخصوصا للناس العذاب اللى شبهى
هههههههههههههههههههههههه

ميرا مار

01-14-2009, 12:37 AM

Mimi

01-14-2009, 12:55 AM

ايه الجمال دا ياميرا

احنا عايزين باه الوصفات دي بشكل عملي وانا مستعدة اضحي وادوق هههههههههههههههههه

لالا هيالة بجد وياريت كل الوصفات تبقى متجمعة هنا احسن

محمد منصور

01-14-2009, 01:02 AM

والله برافو عليكى ياميرا ........طب ما دخلتيش سياحة وفنادق ليه .......شكلك طباخة بريموووووووووووووووووووووووووووووووووووو.........

Marwa Magdy

01-14-2009, 01:08 AM

هههههههههههههههههههههههههههه
جميلة اوى الفكرة دية يا ميرا
تسلم ايدك
بس يا خوفى لنتحصر على البيتزا
حنعملها

Hassan Mohamed

01-14-2009, 01:43 AM

لالالالالالا انا كده جوعة حقيقة يعني

ميرا مار

01-14-2009, 09:35 PM

هههههههههه تحفه انتى يا ميرا والله موضوع جميل وياريت يبقى متجدد فى موضوع واحد ....

ياترى بقى هتأكلينا ايه انهارده فى بيت العيلة ......

عجبنى تعليقك جدا يا ماهرو
حسيت فعلا اننا عيلة واحدة بجد والله ..بس ايه؟؟
هناكلو ع الورق ههههههه الكترونيك يعنى ..ياللا طالما مع بعض تبقى حلوة

ميرا مار

01-14-2009, 09:38 PM

هههههههههههههههههه
ايه الجمال دا يا ميرا
و مخبيه المواهب دى ليه عننا

الحاجات دى حتنفعنا اوى لما نطلع المشروع
بما ان البنات بتوعنا شاطرين اوى فى الطبخ و بيعملوا اكل تحفه و يجنن
لدرجه ان الواحد بيخاف ياكله من اصله

ماشى يا خالد :D:eek: على فكرة كل البنات شاطريين بس المواهب مدفونة شوية..
عايزين تشجيع بس
عموما هاقولك وصفات تحفة سهلة وسريعة
انت نفسك تقدر تعملها..ماشى ؟؟:p

ميرا مار

01-14-2009, 09:40 PM

هههههههههههههههههههههههههههه
جميلة اوى الفكرة دية يا ميرا
تسلم ايدك
بس يا خوفى لنتحصر على البيتزا
حنعملها

ههههههههههههههههههههههههههههههههه
ماشى بقى كدا؟؟؟

لا والله دى متجربة وعاملاها 60 مرة ...
جربى وردى عليا

ميرا مار

01-14-2009, 09:43 PM

والله برافو عليكى ياميرا ........طب ما دخلتيش سياحة وفنادق ليه .......شكلك طباخة بريموووووووووووووووووووووووووووووووووووو.........

اولا منور الموضوع جدا
ثانيا كان نفسى والله .. بس النصيب بقى
شكرا ...مرورك اسعدنى

ميرا مار

01-14-2009, 09:45 PM

ايه الجمال دا ياميرا

احنا عايزين باه الوصفات دي بشكل عملي وانا مستعدة اضحي وادوق هههههههههههههههههه

لالا هيالة بجد وياريت كل الوصفات تبقى متجمعة هنا احسن

عملى اءزااااااااااااااااااى؟؟؟؟؟؟؟

ياريت انا اعملهالكو واججججججججججججججرىئ
ههههههههههههههههههههههههههههههههههه

ميرا مار

01-14-2009, 09:49 PM

شكررررررررررا يا ايمن
كينج
حسن

مروركم اسعدنى ويارب يكون الوضوع حلو.. انقلوا الوصفات لمهماهاتكو وهن يعملوها
نورتونى

خالد أبوسعده

01-15-2009, 04:19 PM

ماشى يا خالد :D:eek: على فكرة كل البنات شاطريين بس المواهب مدفونة شوية..
عايزين تشجيع بس
عموما هاقولك وصفات تحفة سهلة وسريعة
انت نفسك تقدر تعملها..ماشى ؟؟:p

انا اعملها
انا اخر مرة عملت اكل
عملت بعدها غسيل معدة

لالالا اكل البنات ارحم

heba

01-15-2009, 11:15 PM

شكرا ليكي يا ميرامار بس انا مجربتش اعمل البيتزا قبل كده .علشان انا بخاف من النتيجة اوي
http://up1.m5zn.com/photo/2009/1/15/05/jk9whe9yo.jpg/jpg (http://up1.m5zn.com)

olivia nader

01-15-2009, 11:32 PM

شكرا ميرا اكيد البيتزا لذيذه و كل الناس بتحبها ويا انا بحب اوي اني اجرب وصفات بنفسي طبعا بجربها في حد قبل ما ادوقها انا بس الحمد لله بتطلع حلوه
وميرسي اوىىىى و منتظرين المزيد

AYMAN GAMAL

01-16-2009, 08:23 AM

مفيش وصفه كده سهله يا ميرا

وصفة رجولية شوية (يعني سهلة و منغير تعقيد يعني)

غير طبعا ازاي اقلي بطاطس و كده يعني ههههههههههه

ميرا مار

01-16-2009, 12:54 PM

شكرا هبة حبيبتى فينك من زمان ..جربى بس وهى هتطلع حلوة ..
اوليفياشكرا على المشاركة الحلوة دى ..وجميل طبعا انك تجربى بنفسك
لان دا بيديكى القدرة على الابداع ..مش لازم فى الاكل بس اكيد عموما دا طبعك

ميرا مار

01-16-2009, 12:58 PM

مفيش وصفه كده سهله يا ميرا

وصفة رجولية شوية (يعني سهلة و منغير تعقيد يعني)

غير طبعا ازاي اقلي بطاطس و كده يعني ههههههههههه

ههههههههه طبعا فى كتيييييييير
انت بس قوللى انت بتحب ايه
يعنى مثلا اللحوم ،الفراخ،الخضار ، ساندوتشات؟؟؟؟؟؟
وانا اقولك وصفات حلوة له..
وعموما وبناءاً على طلب الباشمهندس ايمن
الوصفة الجاية دى تحفة وسهلة ولذييييييييييذة

ميرا مار

01-16-2009, 01:26 PM

الهوت شيدر ساندويتش
لذييييييييييييييييييييييييييذ

http://www.66n.com/pics/hosted/ocho2pa6yes9o2ke8az610zwoo0zm3d1.jpg

المقادير
2 شريحة توست
1 بيضة
1 ملعقة صلصة
1 ملعقة زبدة او سمن او زيت
ملح ،فلفل اسمر

الحشو
3 شريحة شيدر
2 شرائح طماطم
2 اى شى تفضله من (فلفل اخضر او خس او كابوتشا(خس صغير خاص بالسلطة))
كاتشاب

الطريقة
تضرب البيضة وملعقة الصلصة بشوكة فى اناء ومعها رشة بسيطة من الملح والفلفل الاسمر)
ثم تغمس التوست بها على الناحيتين
حتى يتشرب الخليط
توضع طاسة على النار وبها ملعقة الزبدة او ملعقة زيت حسب الرغبة
ثم ناخذ التوست المبلول بالخلطة ونقليه فى الطاسة على نار هادئة
ويقلب على الناحيتين
بعد ذلك وعندما يحمر ننقله فى طبق ووضع شريحة توست
ثم شريحة شيدر ثم كاتشاب وشريحة طماطم ثم شيدر
وهكذا ثم نضع شريحة التوست الاخرى فوق الحشو
ثم نضغط عليها بكف اليد او بطبق اخر
ثم يقطع بالسكين الى نصفين على شكل مثلث

هااااااااااااااا ......دى وصفة سهلة
http://formateur69.free.fr/Images/chef5.GIF

بالهنا والشفا

AYMAN GAMAL

01-16-2009, 01:37 PM

شكرا يا شيف ميرا

بجد انا هحتاج الوصفات دي لما اجي اطلع مشاريع برة اسكندرية

الهوت شيدر شكله تحفه و طريقته سهله

Ahmed Mohamed

01-16-2009, 01:58 PM

الصراحة الله ينور عليكي ولو اني بعرف اطبخ ههههههههههه
بس بجد موضوع الواحد يستفاد منه عشان لما يبقي عايز يغير ويعمل حاجة سريعة
تسلم ايدك يا شيف مها هههههههه

Mimi

01-16-2009, 02:07 PM

يادي الكسوف بتعرف تطبخ يااحمد

الوصفه الجديدة دي سهلة جدآ وممكن اقدر افهم الوصفة

ميرا انا مش بفهم اي حاجة في الطبخ بالكاد بعرف ادوات المطبخ :(

ميرا مار

01-16-2009, 02:32 PM

شكرا يا شيف ميرا

بجد انا هحتاج الوصفات دي لما اجي اطلع مشاريع برة اسكندرية

الهوت شيدر شكله تحفه و طريقته سهله

هههههههه ميرسى ع اللقب دا حلو والله تصدق؟؟

عموما هاحاول اكثف الوصفات السهلة الفترة دى..
شكرا ايمن بجد منور الموضوع

ميرا مار

01-16-2009, 02:33 PM

الصراحة الله ينور عليكي ولو اني بعرف اطبخ ههههههههههه
بس بجد موضوع الواحد يستفاد منه عشان لما يبقي عايز يغير ويعمل حاجة سريعة
تسلم ايدك يا شيف مها هههههههه

ايه دة؟؟؟؟ :eek::eek::eek:
بجد بتعرف تطبخ ؟؟؟؟؟؟؟

طب قولنا بقى احلى حاجة بتعرف تعملها ايه...
وتسلم على المرور والكلام الحلو

ميرا مار

01-16-2009, 02:38 PM

يادي الكسوف بتعرف تطبخ يااحمد

الوصفه الجديدة دي سهلة جدآ وممكن اقدر افهم الوصفة

ميرا انا مش بفهم اي حاجة في الطبخ بالكاد بعرف ادوات المطبخ :(

ههههههههههههههههه
طب سمعى بقى هههههههههه
بجد يا جودى؟؟؟:rolleyes::eek:

طب حتى قوليلنا بتحبى ايه
غير الكشرى المصرى ههههههههه
عشان دا صعب عليا مش باعرف اعمله زى المطاعم ليهم ضبطه فيه حلوة

Mimi

01-16-2009, 02:46 PM

بحب ياميرا الكشري المصري

والكشري الأصفر اللي هوا ببيض وبطاطس محمرة والقلقاس وبحب آكل القطايف نية

وبحب التبولة وفتة الحمص والفتوش والكبة ومحشي ورق العنب الشامي كل الاكل الشامي بصراحة

وبحبك انتي كمان :$

ميرا مار

01-16-2009, 06:28 PM

ميرا مار

01-16-2009, 06:30 PM

باشكر كل اللى ساهموا فى الاستفتاء يا جماعة
شكرا من كل قلبى

IQI__HeMa__IQI

01-16-2009, 06:43 PM

بجد الكلام يجوع حرم كدا بس تسلم ايدك وهنقولها بجد لمه ندوق

ميرا مار

01-16-2009, 09:07 PM

طيب ياللا يا هيما جرب وقول لنا رايك.. اظن الهوت شيدر ساندويتش سهل

gamal

01-16-2009, 09:11 PM

الله الله الله عليكي يابيتزا
شكرا ميرا مار حبقى اجربها واقولك

ميرا مار

01-16-2009, 09:15 PM

يا اهلا اهلا بيك يا جمال تانى مشاركة فى المنتدى تبقى هنا
والله ماعندك فكرة بسعادتى دلوقت
منوووووووووووووووور ويارب دايما نشوف مشاركاتك فى كل مكان
وتستفيد وتفيد المنتدى
واهلا بك عضو جديد فى العائلة

gamal

01-16-2009, 09:32 PM

وانا الصراحه مالقيتش حته اجمل من مطبخك عشان اشارك فيه
وانتي اللي ماعندكيش فكره انا فرحان ازاي بترحيبك بيا

خالد أبوسعده

01-16-2009, 09:51 PM

ايه الجمال دا يا ميرا
اكل دا ولا مزيكا

انا جوعت من الصورة بس
امال لو عملته حيحصل ايه؟؟؟

ميرا مار

01-17-2009, 05:40 PM

ههههههههههههه شكرا يا خالد

AYMAN GAMAL

01-19-2009, 04:51 PM

عايز اكله فيها سمك يا ميرا

بس موصيكيش بقى عايزها سهله يعني

شكرا يا شيف ميرا

ميرا مار

01-19-2009, 09:15 PM

هههههههههههههه
حاضر انا كمان باحب السمك قوى..استعد بقى للاكلة الجاية
ايون كدة ..حلوة الطلبات يا ايمن ..شكررررررررررررا كتير إلك..

خالد أبوسعده

01-19-2009, 09:18 PM

و بعد اكلة السمك بتاعت ايمن
انا ليا طلب عندك يا ميرا
اكله
بس لما ندوق السمك بتاع ايمن الاول

ميرا مار

01-19-2009, 09:23 PM

ههههههههه انت تؤمر يا خالد
بس انا خفت دلوقت..محسسنى انك حتدوق السمك بجد
ع العموم ..الوصفة الجاية دى حلوة للى بيستطعم الاكل بجد..

خالد أبوسعده

01-19-2009, 09:27 PM

ههههههههه انت تؤمر يا خالد
بس انا خفت دلوقت..محسسنى انك حتدوق السمك بجد
ع العموم ..الوصفة الجاية دى حلوة للى بيستطعم الاكل بجد..

ادينا مستنيين
ههههههههههههه
حتى يا ميرا لو مبنستطعمش الاكل
كل الى يجى منك اكيد حيكون حلو

ميرا مار

01-19-2009, 09:46 PM

ورقة السمك بالفرن

http://vb.arabseyes.com/imgcache/3390.imgcache

المقادير
1 كيلو سمك فيليه يقطع مكعبات
2 بصلة كبيرة تقطع شرائح
2 فص ثوم مفروم
4 ثمرات فلفل اخضر مقطع شرائح
2 ثمرة طماطم تقطع مكعبات صغيرة
ملح،فلفل،بهار،عصير ليمون

ملحوظة ..البهار ليس اكثر من ربع ملعقة صغيرة والملح والفلفل حسب الطلب وتقريبا مثله

الطريقة
يغسل السمك ويتبل بالملح والفلفل وعصير اليمون والبهار
يغطى ويترك من 2 الى 3 ساعة داخل التلاجة
يدعك البصل بالملح والفلفل والبهار جيدا :D
تضاف اليه شرائح الفلفل الاخضر ومكعبات الطماطم
ثم يوضع فوقهم مكعبات السمك المتبلة وتخلط جيدا
يفرد فرخ ورق زبدة او ورق الومنيوم فى صينية مدهونة زيت وويصب فوقه خليط السمك
يغلق الورق بعناية بحيث لا تترك اى مكان لخروخ البخار
توضع الصينية فى فرن متوسط الحرارة حتى يتم النضج (تقريبا 20 دقيقة):eek:
تفرد ورق السمك بمحتواها على طبق التقديم :rolleyes:ويقدم معها سلطة طحينة:confused:..

http://formateur69.free.fr/Images/chef5.GIF
و..بالهنا والشفا

خالد أبوسعده

01-19-2009, 10:02 PM

مممممممممم شكله طعمة حلو
و الله انت لو كنتى دخلتى سياحة و فنادق
كان زمانك من احسن الشيفات الى بيعملوا اكل فى مصر

ميرا مار

01-19-2009, 10:45 PM

وعشان اختلاف الاذواق دى طريقة تانية للسمك..

السمك المقلى بالتتبيلة
http://upload.traidnt.net/upfiles/VYl66832.jpg

المقادير
1 كيلو سمك فيليه او بلطى مجهز ونظيف
1 كوب بقسماط مطحون
2 فص ثوم مفروم
2 ملعقة عصير ليمون
ملح،فلفل،كمون
2 ملعقة كزبرة خضرا مفرومة ناعم

الطريقة
يتبل السمك بالملح والفلفل والكمون وعصي اليمون والثوم والكزبرة
وتترك لمدة نصف ساعة
ثم يغطى السمك بالبقسماط جيدا
توضع طاسة على نار متوسطة بها زيت كافى لتغطية السمك
لا يوضع السمك الا عند التاكد من سخونة الزيت ولا تقلب السمك فى الطاسة
الا عندما تصبح اطرافها لونها ذهبى
بعد التاكد من النضج(حوالى 20 دقيقة) ينقل على ورق نشاف حتى يمتص الزيوت الزائدة
ثم ينقل فى طبق التقديم مع الارز ويجمل بفلفل اخضر وحلقات جزر او تاكله كدا وخلاص..:D:D

http://formateur69.free.fr/Images/chef5.GIF
بالهنا والشفا

onon

01-19-2009, 11:35 PM

ايه الحلاوه دي يا شيف مير مع ان طالعه اشاعه ان احسن الشيفات رجاله بس انتي رفعتي راسنا
علي العموم لو عايزا مساعده اي خدمه انا بعرف اطبخ ومتخفيش مجربه في ماما وبابا واخويا والحمد الله نجحت المشكله اني باخد وقت كبير
مره خالي جه يتغدي عندنا وانا سعتها الي كنت بعمل الاكل بصراحه مكنش غدا طلع عشا لاني خلصت متاخر اوي لدرجه ان صعب عليا وكنت جاهزا خلاص ان اطلب دلفري بس عدت
كان نفسي اكل السمك دلوقتي شكله حلو بس حتعشي بالهوت شيدر دلوقتي واتغدي بالسمك بكره بقي ان شاء الله
بس تسلم ايدك بجد شيف مير

Mahro

01-20-2009, 02:39 AM

Youssef Mostafa

01-20-2009, 02:49 AM

بجد بجد يعنى ياميرا الله ينور والله.....الريحة مالية المنتدى ابقى ولعى بخور بقى

Youssef Mostafa

01-20-2009, 02:49 AM

ميرا انا عايز طريقة حلوة كدة للفول يعنى لو بالصلصة مثلا بس عايزه يبقى حاااااااااااااااااار

AYMAN GAMAL

01-20-2009, 08:55 AM

وصفتين مرة واحده ! بصراحة ده كتير عليا يا ميرا

اودي وشي فين من جمايلك ههههههههههههه

شكرا يا شيف ميرا

ميرا مار

01-20-2009, 06:45 PM

ههههههههههههه ... والله وحاسة انى مقصرة
استنى بس هاجيبلك حبة وصفات كمان حلوة
المهم يا ايمن بس تجربها .
.وبعدين مافيش بين الاخوات جمايل:o واللا ايه (يبقالى عندك جميلة:p)

ميرا مار

01-20-2009, 06:48 PM

اون اون انتى منورة يا روحى والله اوعى تغيبى تانى

المهم.. لو عندك وصفة حلوة جديدة وسهلة هتيهالنا
المهم تكون مصحوبة بصورة حلوة توصف الاكلة..

بس ابقى حضريها بدرى هههههههههههههه قبل مانقفل ..

Ahmed Mohamed

01-20-2009, 06:52 PM

ميرا مار

01-20-2009, 06:52 PM

ميرااااااااااااااااااااااااااا منظر السمك تحفه والنبى كترى من حواارات السمك دى انا بموووووت فيه ...

متعرفيش طريقه كده للجمبرى بس الى يكلوا معايا منها كل واحد ميخدش اكتر من 3 بس
ههههههههههههههه

حاااااااااضر نكتروا سمك ..المهم يعنى هتتفرج ع الصور بس
والله هتدخل المطبخ بقى وتعمل هههههههه ...

والجمبرى امممممممم طبعا وفاته كتيره وتحفة النهاردة يبقى جمبرى بقى
حضروا نفسكوا يا ولاد للعشا
بس اييييييييييييه الكرم دا كله ..3 جمرييات ؟؟؟؟؟؟:D:eek:
والله تتحسد ..دول يابنى مايجوش مسح زور ..ياللا احسن من مافيش

ميرا مار

01-20-2009, 06:57 PM

ميرا انا عايز طريقة حلوة كدة للفول يعنى لو بالصلصة مثلا بس عايزه يبقى حاااااااااااااااااار

هههههههه شكرا يا يوسف
والله قعدت اشم فى الشاشة
هههههههه قلت صحيح الريحة مالية المنتدى ..؟؟:confused::confused::confused:

حاضر هاقولك على وصفات للفول والفول بالصلصة
انت تؤمر

ميرا مار

01-20-2009, 06:59 PM

الاكلتين اروع من بعض
بس انا عايز كده حاجة سريعة اوي وفي نفس الوقت موفرة ليه بقي

عشان انا قاعد لوحدي وايام امتحانات بقة زي ما انتي عارفة
فعايز اخلص نفسي فامش باكل غير فين وفين

فيا ريت تحققيلي طلبي

بس كدا :):) حاضر والله يا احمد
انا اصلا مبسوطة انكم بتتطلبو الوصفات دى باحس انى اختكم بجد
النهاردة هاقولك على كذا حاجة
حلوة هتعجبك

ميرا مار

01-20-2009, 08:45 PM

الجمبرى الحار
http://www.hawahome.info/uploaded/10342/1156879032.jpg

المقادير

• نصف كيلو جمبري حجم كبير
• 4 فصوص ثوم
• 2 ملعقة صغير خل
• 4 حبات فلفل احمر مجفف او طازج
• 3 ملاعق كبيرة زيت نباتي
• 1 ملعقة صغيرة حبة البركة
• ربع ملعقة صغيرة كركم
• 1 ملعقة صغيرة ملح
• 1 ملعقة صغيرة فلفل احمر حار

الطريقة

ينظف الجمبري ويغسل جيدا ثم يتبل بإضافة
الكركم والفلفل الحار البودرة والملح والخل ويخلط جيدا .
يسخن الزيت في طاسة او حلة متوسطة الحجم
ثم ترفع الحلة من النار ويوضع فيها حبة البركة والثوم الناعم والفلفل الأحمر الحار
وتغطي وتترك حتى تبرد لمدة دقيقتين
ثم توضع مرة أخري علي نار معتدلة
ثم يضاف الجمبري ويقلب باستمرار لمدة 10 دقائق
ثم تخفض الحرارة وتغطي المقلاة وتترك لمدة خمس دقائق ,
ثم يوضع الجمبري في طبق التقديم

ميرا مار

01-20-2009, 09:11 PM

عجة الفلافل
http://www7.0zz0.com/2009/01/20/19/394355374.jpg
المقادير
1 كوب عجينة فلافل
1 ثمرة طماطم مقطعة قطع صغيرة
2 ثمرة فلفل اخضر قطع صغيرة
1 بيضة
فلفل ،ملح
((ملعقة جبنة شيدر او موتزاريللا ------ اختيارى)

الطريقة
ترب البيضة مع الفلفل والملح بشوكة
تخلط المقادير السابقة كلها معا ويضاف لها البيضة
توضع طاسة صغيرة او متوسطة الحجم على نار هادئة
وعندما يسخن الزين جيدا يوضع الخليط السابق ويفرد فى الطاسة ويربت عليه بالشوكة
يغطى ويترك حوالى 5 دقائق او حتى تحمر الاطراف
ثم يقلب بواسطة طبق ويوضع مرة اخرى فى الطاسة من الجهه الاخرى ويغطى
يترك نفس المدة حتى ينضج
يقلب فى طبق وترش فوقه ملعقة جبنه مبشورة و كزبرا خضرا ---- اختيارى)
ثم يقطع بالسكين شرائح مثل شرائح البيتزا

..وبالهنا والشفا

Ahmed Mohamed

01-20-2009, 09:33 PM

حلوة الاكلة دي اوي يا ميرا بجد انا حاعملها
وشكرا ليكي مرة تانية يا شيـــــــــف ميرا

ميرا مار

01-20-2009, 09:35 PM

صلصة الطماطم

http://www.egc-trade.com/images/t.gif

دى عشان معظم الاكلات هتحتاج صلصة حبيت اكتب طريقتها
وعلى فكرة ممكن نعمل كمية ونحطها فى مكعبات الثلج
ونحفظها فى الفريزر وساعة الطبخ نطلع منها حسب الحاجة
اختصارا للوقت والمجهود

المقادير
1 كوب عصير طماطم
4 فصوص ثوم مفرى او بصلة متوسطة مفرومة
ملح ،فلفل
4 ملاعق زيت أو حسب الحاجة

الطريقة

توضع حلة متوسطةعلى النار بها الزيت حتى يسخن
ثم توضع الثوم او البصل ويقلب باستمرار حتى يصفر لونه
يوضع عصير الطماطم والملح والفلفل
ثم يترك حتى يغلى ثم تهدا النار ويترك حتى يتسبك اى يخرج الزيت على جوانب الصلصة

ملحوظة بقى
ولقد حذرتكم هههه
بعد ما الطماطم تغلى تغطى الحلة نص نص يعنى يكون الغطا مائل
عشان ماتحصلش مشاكل للبوتاجاز وربنا يهديه ويفضل نضيف
ونقلب من وقت للتانى ..

ميرا مار

01-20-2009, 09:53 PM

الفول بالصلصة والتوم

http://www.sis.gov.eg/Images/Society/0001/L_0954.jpg

المقادير:

علبة فول
ملعقة صلصة
تومة مهروسة
2 طماطم مهروسة
ملح، فلفل ،اسود ،شطة،كمون
1 ملعقة خل
2 ملعقة سمن بلدي او زبد او سمن عادي او زيت

الطريقة:
يوضع التوم المهروس في وعاء مع السمن حتى يصفر لونه
ثم توضع عليه ملعقة الصلصة
ثم التوابل كلها
ثم الطماطم المهروسة
ثم ملعقة خل.
ويقلب جيدا وبعد التسبيك نضع عليه الفول المهروس
ونتركه مدة دقيقة على النار مع التقليب المستمر
ثم نضع عليه ملعقة سمن بلدي على الوجه. ونطفي النار(اختيارى) ههههههه السمن مش النار

بالهنا والشفا

ميرا مار

01-20-2009, 09:56 PM

حلوة الاكلة دي اوي يا ميرا بجد انا حاعملها
وشكرا ليكي مرة تانية يا شيـــــــــف ميرا

شكرا لك انت رافع معنوياتى دايما..
كويس انها عجبتك
سهلة خالص صح؟؟؟
لسة كمان هاجيبلك وصفات كتير حسب طلبك

Night Moon

01-20-2009, 11:44 PM

علي فكرة انا جربت عجة الفلافل وبجد حلوة قوي ياميرا ومستنية منك وصفات تانية لاني من الناس اللي مش بيعرفو يطبخو

Youssef Mostafa

01-21-2009, 04:26 AM

الله ينور ياميرا حلوة اوى طريقة الفول حجربها واقولك وحبقى ابعتلك طبق ديلفرى بس انتى ابعتيلى العنوان

ميرا مار

01-21-2009, 12:14 PM

علي فكرة انا جربت عجة الفلافل وبجد حلوة قوي ياميرا ومستنية منك وصفات تانية لاني من الناس اللي مش بيعرفو يطبخو

ماشاء الله بالسرعة دى يا قمر.. تسلم ايدك ..:):):)
وحاضر المهم تجربى كل حاجة .. منورة

ميرا مار

01-21-2009, 12:32 PM

الله ينور ياميرا حلوة اوى طريقة الفول حجربها واقولك وحبقى ابعتلك طبق ديلفرى بس انتى ابعتيلى العنوان

الحمد لله ..والعنوان هنا يا يوسف
معقوله هاكل من غير اخواتى
ابعت بس طبق كبييييييييييير ..وتسلم ايدك مقدما

olivia nader

01-21-2009, 04:56 PM

ايه يا الحلاوه دي انا كده جعانه مووووووووووووووووووووووت
بجد مظبته علي الاخر و حتي السمك انا مش بحب اكله في صواني بس بجد حبيت الطريقه اللي معمول بيها و شكلي حجربها عشان حببتيني فيه
و تسلم ايدك و شكرا لتعبك معانا

spring sun

01-21-2009, 08:29 PM

ميرا انا عوزه طريقه التورته الاسفنجيه عارفاها

ميرا مار

01-21-2009, 08:34 PM

ربنا يكرمك يا حبيبتى
شكرا لك انتى ع الكلام الحلو دا..
جربى بقى وقوليلنا رايك

ميرا مار

01-21-2009, 08:36 PM

ميرا انا عوزه طريقه التورته الاسفنجيه عارفاها

حاضر يا مرمر هى الطريقة عندى ..
انتى يعنى عاوزاها تعمليها تورتة ..هتزينيها يعنى؟؟
واللا عايزاها مع الشاى؟؟

ردى عليا ضرورى عشان اقولك ع الطريقة المضبوطة

spring sun

01-21-2009, 08:50 PM

تزين ايه يا بنتي

مع الشاي طبعا

ميرا مار

01-21-2009, 09:36 PM

كيك برتقالى

http://www11.0zz0.com/2009/01/21/19/194469375.jpg

المقادير
5 بيضات
2 كوب سكر
3\4 كوب زيت ذرة
1 كوب متوسط عصير برتقال محلى
2 ملعقة سمن
2 ملعقة تانج
1\2 ليمونة
1\4 م.ص فانيليا
1 م.ك بيكنج باودر
ملعقة بشر برتقال(اختيارى)
دقيق حسب الطلب بس تقريبا 2ونصف كوب دقيق

الطريقة
نسخن الفرن حتى تتم تجهيز الكيك
يضرب البيض جيدا مع الفانيليا وعصير اليمون
يضاف السكر اثناء الضرب قليلا قليلا حتى نتاكد من تمام ذوبانة
ونستمر فى ضرب الخليط حتى يبيض لونه
يضاف التانج ويضرب جيدا
ثم تضاف الزيت والسمن وعصير البرتقال

بعد التاكد من انسجام جميع المونات وخلطها جيدا
ينخل الدقيق ويخلط معه الB.P
يضاف الدقيق القليل بالقليل وتخلط بملعقة خشب او بلاستيك
او حتى باليد
ولكن على نحرك الخليط بهدوء على شكل دائرة فى اتجاه واحد ونقسمها بالنصف
وهكذا:confused:
حتى تصبح العجينة سائلة سميكة
نجهز الصينية بدهنها بالسمن وتبطينها بالدقيق اى رشها رشا خفيفا
تصب الخليط بالصينية
توضع فى الفرن على درجة حرارة 220 اى فوق المتوسط
وتترك لمدة حوالى 35 دقيق وبردو اوعى تفتحى باب الفرن
المهم بعد التاكد من(ريحتها ملت الشقة)
تهدى النار الى 200 درجة وتتركها حوالى 10 دقائق..

ملحوظة .. لاختبار نضج الكيك نطعنها بسكين حاد:eek::D فى المنتصف
اذا خرجت السكين جافة ........تبقى استوت
لو غير كدا سيبيها شوية كمان:cool:

كمان
اوعى تطلعيها من الفرن وفى تيار هوا فى المطبخ.:D.الكيكة تستهوى
ههههههههه لا بجد يعنى لازم تبرد حوالى نص ساعة بعيدا عن اى تيار هوا ثم تقطع

وبالهنا والشاى

onon

01-21-2009, 10:05 PM

شيف مير اقولك ايه طيب انا حكتفي باالاكل بس اصل الصراحه مشاء الله الاكلات تحفه وخصوصا السمك تسلم ايدك بس افتكرت ان السمك ماينفعش مع البرد فنا حسيبك تختاريلي اكله حلوه من عندك انا واثقه في زوقك وعمايل ايدك مشاء الله

ميرا مار

01-21-2009, 10:20 PM

حااااااااضر بس كدا؟؟ يمنى تؤمر بس واحنا ننفذ
هاجيبلك حاجة تعجبك تنفع اكلة شتوية

Hassan Mohamed

01-21-2009, 10:21 PM

كيك برتقالى

ملحوظة .. لاختبار نضج الكيك نطعنها بسكين حاد:eek::D فى المنتصف
اذا خرجت السكين جافة ........تبقى استوت
لو غير كدا سيبيها شوية كمان:cool:

كمان
اوعى تطلعيها من الفرن وفى تيار هوا فى المطبخ.:D.الكيكة تستهوى
ههههههههه لا بجد يعنى لازم تبرد حوالى نص ساعة بعيدا عن اى تيار هوا ثم تقطع

وبالهنا والشاى

اكتر حاجة عجبتي حبة الملاحيظ اللي في الاخر حقيقة يعني انا شخصيا مش بعرف ااكل الكيك غير وهو سخن ولسه طالع من الفرن

بس انتي بتقولي الكيكة تستهوي ... هيجيلها برد يعني ولا ايه مش فاهم انا

ميرا مار

01-21-2009, 10:33 PM

لا يا فندم
معروف الكيك بيبقى منفوش كدا اسفنجى يعنى
بس لو الكيكة اتحطت فى تيار هوا ماتبقاش كدا بفقد الشكل دا يعنى ..شكرا يافندم ع السؤال
حد ياكل الكيك سخن ...؟؟؟:eek::confused:;);)
منور والله

Hassan Mohamed

01-21-2009, 10:34 PM

هههههههههههه اه والله انا مكلوش غير سخن

عموما انا قيمت الموضوع لانه فيه مجهود رائع حقيقة ويستحق التقييم

Sara Gamal

01-22-2009, 12:42 AM

والله يابشمهندسة أنا مش عارفة اقول ايه؟؟؟

لاء وانا اللى كنت مفكرة نفسى ست بيت محصلتش ....طلعت ست بيت نص كم

بصى أنا اخلص وأفوق من دوامة الامتحانات وهتلاقينى ناصبة خيمة هنا عشان اتعلم

بس اسمحيلى هبقا ادوشك معايا شويه.......محتاجة كورسات مكثفة وشهادة معتمدة يمضى عليها كل المنتدى:D

وبجد تسلم إيدك

mr.lonly

01-22-2009, 01:20 AM

Marwa Mahmoud

01-22-2009, 01:53 AM

أيه الجمال ده وأنا لسة على باب المنتدى ريحة الكيكة مفحفحة .
تسلم أيدك يا أحلى طباخة للمنتدى .
بس متنسيش نيبى بقى . أنتى عارفة مستنياه .
http://www10.0zz0.com/2009/01/17/21/710103174.jpg

ميرا مار

01-22-2009, 04:13 PM

سارة ..انتى عسولة خالص والله.. لا خلصى امتحانات وهاتيلنا وصفات حلوة بقى من عندك..
مرمر..كاسفانى كدة ووشى يحمر وكدا يعنى ..هههههههههه ميرسى ع الكلام الحلو شبهك
وعموما انتى بالذات عاملالك صينية كدا محندقة على قدك .. الحقى بس قبل العيال ما يشوفوها

ميرا مار

01-22-2009, 04:15 PM

ميرو واضح ان اكلك يجنن وطريقتك كمان جميله جدا تسلم ايديكي بجد

بس هوة ليه مفيش في المنتدى قسم للبنات او للمطبخ

بدل ما انا عمال اخبط في المعالق و الحلل والصوانى والشوك كل ما اجي ادخل القسم الثقافي

هههههههههههههههههههههههه عندك حق ..بس القسم على وشك انه يتعمل
الامتحانات تعدى بس
شكرا لمرورك العطر يا لونلى ..بالمناسبة اسمك ايه؟؟ عشان نكلمك بيه احسن

AYMAN GAMAL

01-22-2009, 05:18 PM

ههههههههههههههههههههههههههههههه

عندك حق يا حسن

الملحوظة اللي بتحطها في الاخر دي بتحميك من كوارث والله

شكرا يا ميرا

ميرا مار

01-22-2009, 10:35 PM

هههههههههههه اتفقتوا عليا؟؟
ماشى يا ايمن..ربنا يسامحك.. عموما منور والله

Ahmed Mohamed

01-22-2009, 10:58 PM

حااااااااجة خطيرة جدااااا ايه ده

كيك بالبرتقال علي فكرة انا عملتها قبل كده 4 مرات لوحدي وطلعت في مرتين وحشة ومرتين كانت زي العسل

بس انا حجربها بقة بطريقتك دي واكيد وانا متاكد انها حتطلع اكتر من زي العسل هههههههههههه
عشان بس وصفتك

وتسلم ايدك بجد يعني يا ميرا مش ححتاج للست الوالدة بعد كده عشان اعرف منها حبقي ادخل عند الشيف ميرا \

ميرا مار

01-23-2009, 12:12 PM

ربنا يخليك يا احمد..
كدا كتير عليا والله ..عموما جربها بقى وقولنا

ميرا مار

01-23-2009, 12:50 PM

فراخ بالبشاميل
http://alfrasha.maktoob.com/up/819292808388311498.jpg
المقادير
1\2 كيلو صدور فراخ مقطعة مكعبات
2 ثمرة فلفل اخضر رومى مقطع
2 ملعقة صلصة طماطم
1 بصلة مفرومة
ملح ،فلفل
الطريقة
نضع حلة على النار وبها ملعقتين زيت او سمن
وعندما يسخن نضع قطع الدجاج ونقلبها ثم نضع البصل
ونستمر فى التقليب حتى ياخذا اللون الذهبى
بعد ذلك نضع الصلصة والفلفل الاخضر وتقلب حتى يذبل الفلفل
ثم نضع مقدار كوب من الماءوملح وفلفل حتى تغلى ثم نغطى الخليط ونهدى النار
ونتركه حتى تستوى قطع الدجاج (حوالى ربع الساعة)
نحضر صينية صغيرة مدهونة بالسمن
وعند تمام نضج الفراخ نقلبها فى الصينية ونحضر البشاميل
ثم نفرد البشاميل على سطح الفراخ وندخلها فرن حار فى الرف الاوسط
حتى يحمر وجه البشاميل
تخرج من الفرن وتؤكل ساخنة
..بالهنا والشفا

طريقة عمل البشاميل
توضع ملعقتين سمن على النار فى حلة متوسطة
ومعها ملعقتين دقيق ابيض وتستمر فى التقليب
عندما يصبح لون الدقيق اصفر ويكون بيغلى
نهدى النار و نضع كوب من اللبن مع الاستمرار فى التقليب
وطبعا قليل من الملح والفلفل ونقل
حتى نحصل على القوام المطلوب ويكون سائل سميك..

AYMAN GAMAL

01-23-2009, 01:34 PM

انا بحب البشاميل بكل انواعه ماعدا اللي بالكوسه

شكرا يا ميرا عالاكلة الجامده دي

Youssef Mostafa

01-23-2009, 03:34 PM

شكرا اوى ياميرا على مجهودك دة

Ahmed Mohamed

01-23-2009, 06:01 PM

يا اكلاتك يا ميرا

بص شوف ميرا بتعمل ايه ههههههه
تسلم ايدك

Sara Gamal

01-23-2009, 06:28 PM

ايوة هما كدا المهندسين عباقرة فى كل حاجة

انا بمووووووت فى كل انواع الفراخ ياميرا كترى منها .....

تسلم إيدك ياجميل

spring sun

01-23-2009, 07:45 PM

ميرا انا هعمل الكيكه الاسفنجيه بكره ان شاء الله

بس هو الزيت مقداره مش كتير شويه تلت تربع كوبايه كتير مش كده ولا ايه

Youssef Mostafa

01-23-2009, 07:46 PM

ميرا انا جربت البيتزا وطلعت تحفة طبعا البركة فى الحاجة بقى وفى طريقتك

ميرا مار

01-23-2009, 09:45 PM

ميرا انا جربت البيتزا وطلعت تحفة طبعا البركة فى الحاجة بقى وفى طريقتك

يوسف..انا مبسوطة قوى قوى يا يوسف والله من كلامك دا .. وتسلم ايد الحاجة
شكلها كدة شاطرة

ميرا مار

01-23-2009, 09:47 PM

ميرا انا هعمل الكيكه الاسفنجيه بكره ان شاء الله

بس هو الزيت مقداره مش كتير شويه تلت تربع كوبايه كتير مش كده ولا ايه

لا يا مرمر على ضمانتى والله .. انا عاملاها ييجى فوق التلاتين مرة وكل اللى داقوها ..عجبتهم
اعملى بس كل اللى مكتوب ولا تخافى هتطلع حلوة
بس ماتخليش صوابعك تلمسها .......عشان يعنى ماتسكرش زيادة هههههههه

spring sun

01-23-2009, 09:50 PM

والله انتي اللي عسل يا ميرا

ميرا مار

01-23-2009, 09:51 PM

ايمن
يوسف
احمد
سارة
اميرة

والله يا جماعة بقيت بافرح بس اما اشوف امضاءاتكم ..قبل ما اقرا الكلام..
ربنا يخليكو ليا

Marwa Mahmoud

01-23-2009, 10:16 PM

ربنا يخليكى لينا ياميرا يا عسل وميحرمناش من أكلاتك الذيذة دى .
وأحلى حاجة أنك مبتنسنيش وبتفتكرينى بصنية صغنططة .
مستنية المرة دى صنيتين فراخ بالبشمل عشان انا حاليا عصفير بطنى بتصوصو .
هههههههههههه .
http://www10.0zz0.com/2009/01/17/21/710103174.jpg

olivia nader

01-24-2009, 09:38 PM

الله المرادي نشنتي جامد و جيتي علي الحاجه اللي بتوجعني
انا يا ميرا بعشق اي حاجه فيها بشاميل و انا لسه بعمله علي النار قبل ما احطه علي اي حاجه
بفضل آكل فيه
احيييكي و ارفع ليكي القبعه ههههههههههه

ميرا مار

01-27-2009, 08:45 PM

Marwa Mahmoud

01-27-2009, 08:49 PM

مرمر جايلك بقى النهاردة اكلة حلوة كتييييييييير اوعى تتعشى

أوكى مستنية بس تكون حاجة تشبع هههههههههههههه
http://www10.0zz0.com/2009/01/17/21/710103174.jpg

spring sun

01-27-2009, 10:06 PM

ميرا انا عملت الكيكه وطلعت حلوه والله

انا اول مره اعملها والحمد لله مباظيتش

شكرا ليكي اوي موضوعك شجعني علي اني اعمل الحلويات ويلا حصريلي الكاستر شيكولاته

ميرا مار

01-28-2009, 09:28 PM

وااااااااااااااو برافو يا مرمر..والله فرحتينى خالص ..good for u

هههههههههههههههه اما الكاستر بقى..انتى عايزاه home made from scratch ؟؟
يعنى من اوله بالبيض والكلام الفاضى دا
هههههههههههههه واللا العلبة الجاهزة واقلب ع اللبن وخلاص؟؟؟؟

ميرا مار

01-28-2009, 10:19 PM

تونة مقلية بالتوابل

http://www.heb.com/mealtime/recipe/italian-tuna-salad.jpg

المقادير

علبة تونة مقطعة
1 ملعقة ثوم مفروم
ريحان أخضر
بقدونس
ملح وفلفل
زيت زيتون
عصير ليمون
فلفل حار (اختياري)
زبدة باردة مقطعة قطع صغيرة
عصير ليمون

الطريقة

- تُفرم الثوم والريحان والبقدونس والفلفل الحار خشن.
- يُخلط مع زيت الزيتون وعصير الليمون ويُتبل الخليط بالملح والفلف
ويُقلب جيداً حتى تندمج كل المكونات.
- تُتبل التونة بالملح والفلفل.
- يُسخن زيت الزيتون وتُضاف قطع التونة وتُحمر حتى يتغير لونها
ثم تُقلب على الجهة الأخرى وتُحمر بنفس الطريقة.
- يوضع فوقها من خليط التتبيلة وتُترك قليلاً.
- تُرفع عن النار وتُرص في طبق التقديم.

في نفس وعاء تحمير التونة يوضع الكمية المتبقي من خليط التتبيلة.
- تُضاف الزبدة باردة وعصير الليمون ويُقلب الخليط حتى تسيح الزبدة.
- عندما يسخن الخليط يُرفع عن النار
ثم يُصب من الصلصة فوق التونة أو تٌقدم بجانبها.

وبالهنا والشفا..

Marwa Mahmoud

01-28-2009, 10:54 PM

يا سلام عليكى يا ميرا هو ده الأكل ولا بلاش
لما بفتح مطبخك نفسى بتتفتح للأكل
تسلم أيدك يا جميل
http://www10.0zz0.com/2009/01/17/21/710103174.jpg

Mimi

01-28-2009, 11:31 PM

رغم ان مش بحب البحري

بس شكلها مغري للأكل

برافووو ياميرا أكلاتك تفتح الشهية

ثااااانكس ياقمري

ميرا مار

01-29-2009, 08:35 PM

يا سلام عليكى يا ميرا هو ده الأكل ولا بلاش
لما بفتح مطبخك نفسى بتتفتح للأكل
تسلم أيدك يا جميل
http://www10.0zz0.com/2009/01/17/21/710103174.jpg

شكرا لك يا مرمر .. ربنا يخليكى حبيبتى بما انك دايما متابعة ورافعة معنوياتى

ميرا مار

01-29-2009, 08:37 PM

رغم ان مش بحب البحري

ثااااانكس ياقمري

ليييييييييييييييييييييييييييييه؟؟ مش بتحبى البحرى؟؟
انا على فكرة ههههههههه مش باحب التونه..!!!;):(

بس غير كدا باعشق اى حاجة تطلع من البحر .. شكرا حبيبتى

خالد أبوسعده

01-29-2009, 09:15 PM

مممممممممممممم

ايه الروايح الي طالعه دى

التونه دى شكلها تجنن

مش عارف اقولك ايه علي الاكل الجامد الي انتى بتعمليهولنا دا و الله يا ميرا

انا بفكر اخد عندك كورس
يمكن لما اتجوز احتاجله:D:D:D:D:D:

ميرا مار

01-29-2009, 09:21 PM

هههههههههههههههههه
تصدق فكرة بدل القعدة اهو الواحد يقلب رزقه..

طب اول طبخة ........مجانا هههههههه شكرا خالد منور

AYMAN GAMAL

01-29-2009, 09:41 PM

هوه ده اللي بتكلم عليه

حاجة سهله و بسيطه كده

شكرا يا شيف ميرا على الاكله الحلوة دي

ميرا مار

01-29-2009, 09:44 PM

طب الحمد لله ..هدفنا ..نرضى جميع الاذواق ههههههههه
شكرا يا ايمن ..منور الموضوع انت وتوقيعك الجميل دا

lolaa fahmy

01-30-2009, 04:34 PM

الله عليكي يا مها وعلي اكلك اللذيذ ده

انا هبدا بالفراخ بالبشيمل

وان شاء الله تطلع حلووه زيك
بي انا عايزه بقي طريقة عمل الروستو

مرسيي علي الاكل الجميل ده فتحتي نفسي

ميرا مار

01-30-2009, 07:02 PM

الله عليكي يا مها وعلي اكلك اللذيذ ده

انا هبدا بالفراخ بالبشيمل

وان شاء الله تطلع حلووه زيك
بي انا عايزه بقي طريقة عمل الروستو

مرسيي علي الاكل الجميل ده فتحتي نفسي

يا سيدى!!!!!!!!!!!!! شكلك بتحبى الاكلات
الجامدة بتاعة الناس ال بتعرف تستطعم اكل..

وحاضر من عنيه الاتنين طلباتك اوامر..
شكرا علا على ردك الجميل

هدى على

01-31-2009, 10:37 AM

شكلك طباخة جمدة ياميراما بس احنا هنفضلوا نكلوا كل يوم بيتزا بس مفيش حاجة نتعلموها تانية هههههههههههموضوعك حلو وسهل ربنا يباركلك .

ميرا مار

01-31-2009, 04:13 PM

ههههههههههههههههه لا يا جميل عندك حاجات تانية كتير بعدها
ياللا نقى وجربى وقوليلنا عملتى ايه

ميرا مار

02-02-2009, 01:16 AM

كيك بالقشطة
http://www4.0zz0.com/2009/01/31/14/283898913.jpg

المقادير
4 بيضات
1 كوب قشطة
1 كوب سكر
2 كوب دقيق (تقريبا ..حسب الحاجة)
2 ملعقة صغيرة مسحوق كاكاو
ملعقة كبيرة بيكنج باودر
فانيليا

الطريقة
يرب السكر مع القشطة جيدا
ثم يضاف البيض والفانيليا ويضرب واحدة واحدة
ثم نضيف الدقيق والبيكنج باودر تدريجيا ويمزج بملعقة مع باقى المقادير..
نقسم العجينة نصفين
نضيف على احد الاجزاء مسحوق الكاكاو ويمزج جيدا
نجهز الصينية بدهنا بالسمن وتبطينها بالدقيق
ثم نصب كلا الجزئين معا فى ان واحد
بحيث يمتزجان معا ليكونا شرائط الوان كما فى الصور
تدخل فرن ساخن على درجة حرارة عالية لمدة 30 دقيقة
ثم نهدى النار حتى تنضج

اه ..ادهنوها بقى قشطة ورشو عليه ا جوز هند وقطع موز ((للرايقين بس))
اللى مش فاضى ياكلها كدا ههههه

بالهنا والشفا والشاى بردو

Mahro

02-02-2009, 01:30 AM

الله البتاعه دى شكلها جاااااااامد والله لأجربها ......

بقولك ايه الا هيا قولتى اسمها ايه ..

لما انتى طباخه جاااااامده كده تيجى نتشارك فى عربية سندوتشات قدام المجمع

واهو العياااااااال دى تنفعنا بدال ماهما بيشترو فول وفلافل من عند ابو ربيع

ويروحو ياكلوها عالتربيزات عند هريدى ......

ها قولتى ايه ...هديكى 2% ولا 3% انتى مش غريبه برده

والله فكرتك جاااااامده مووووووووووووت

بس انا اخاااااااااااف ادى امى طريقه البيتزا بتاعتك تطلعها روز براااااااام

هههههههههههههههههههههههههههههاى

ميرا مار

02-02-2009, 01:00 PM

الله البتاعه دى شكلها جاااااااامد والله لأجربها ......

طب ياعم جرب ورد علينا
بقولك ايه الا هيا قولتى اسمها ايه ..

لما انتى طباخه جاااااامده كده تيجى نتشارك فى عربية سندوتشات قدام المجمع
والله فكرة تحفة ادينى بس سنتين افكر ..:rolleyes::cool::cool:
واهو العياااااااال دى تنفعنا بدال ماهما بيشترو فول وفلافل من عند ابو ربيع

ويروحو ياكلوها عالتربيزات عند هريدى ...... وترابيزات ليه
احنا نجيب كام طبلية كدة من بتوع بين القصرين هههههه ونفرش ع الارض
جنب الترام كدا
ها قولتى ايه ...هديكى 2% ولا 3% انتى مش غريبه برده

ايه ايه ايه ايه ؟؟؟!!!!!!!!!!!!:mad::mad::mad::mad:
قصدك انت اللى تاخد 1% وانا الباقى واذا كان ع التمويل موجود يعنى
اهو نبيع الغويشتين والسلسلة هههههههههههههههههههههه

والله فكرتك جاااااامده مووووووووووووت

بس انا اخاااااااااااف ادى امى طريقه البيتزا بتاعتك تطلعها روز براااااااام
ههههههههههههههههههه ..ماتقلقش المهم انت ماتاكلهاش بمعلقة
هههههههههههههههههههههههههههههههههههههههههههههههه

ههههههههههه والله الموضوع من غيرك ضلمة هههههههههه ..منور يعنى

Mimi

02-02-2009, 02:34 PM

آسفة والله ياميرا انا حاولت كتير والله بس عمري ما حبيت الكيك ولا القشطة

بس انا ميأستش وجربت ومع ذلك كانت دايما النتيجة سلبية مش قادرة أحبها

ميرا مار

02-02-2009, 06:48 PM

معقوووووووووول..مابتحبيش الكيك؟؟؟
غرييييييييييبة قوى..

طب بتحب ايه فى الحلويات يا جميل.. واحنا نعملوهولك؟؟

Mimi

02-02-2009, 07:02 PM

للآلآلآلآ مير مش بحب الحلوياااااااااااااااااااات نهائي نهااااائي نهاااائي

عايزه ايس كريم :(:(

ميرا مار

02-02-2009, 08:21 PM

امممممممممممممممممممممم فعلا جميل
بصى هما عبوتين من ام 2 جنيه الا ربع
مع فنجانين لبن متلجين واضربيهم لحد مايعيطو
ههههههههه وبالهنا والشفا.......

Mahro

02-03-2009, 02:17 AM

دى طريقة بابا نويل بتاع زمااان الى فكيس احمر ده

متسمعيش كلامها يا جوووووووووودى

انا جربت الكيكه وطلعت بسكوووووووت لمبادا بعيد عنك

ههههههههههههههههههههههههههههههههههه

لابجد طلعت جمييييييله وانا باكل منها دلوقتى ........

يجى منك يا ميرا وربنا يخليلك كتاب ابله شفيقه ........

بهزر ياااا بوووووووووب والله

Marwa Mahmoud

02-04-2009, 10:32 PM

الله عليكى يا ميرا وعلى أكلاتك الذيذة
بقولك أيه أنا جعت وعوزة حتت كيكة بقى ملياش دعوة
بصى أعمليلى صنية لوحدى أحسن
ومتديش لأى حد منها هههههههههههه

AYMAN GAMAL

02-07-2009, 10:14 AM

شكرا ليكي يا ميرا عالمجهود الكبير اللي بتقدميه لينا في كل مرة

ديما متجددة

ميرا مار

02-08-2009, 11:09 PM

انا جربت الكيكه وطلعت بسكوووووووت لمبادا بعيد عنك

ههههههههههههههههههههههههههههههههههه

لابجد طلعت جمييييييله وانا باكل منها دلوقتى ........

يجى منك يا ميرا وربنا يخليلك كتاب ابله شفيقه ........

بهزر ياااا بوووووووووب والله

ههههههههههههههههههههه تصدق حلوة ابلة شفيقة دى
بس هاضطر اجيب هدوم جديد تليق بستايل ابلة شفيقة
هههههههه

ميرا مار

02-08-2009, 11:12 PM

الله عليكى يا ميرا وعلى أكلاتك الذيذة
بقولك أيه أنا جعت وعوزة حتت كيكة بقى ملياش دعوة
بصى أعمليلى صنية لوحدى أحسن
ومتديش لأى حد منها هههههههههههه

يابنتى
سيبك انتى م الكيكاية دى

خليكى ابقى اديكى حته تورته ..امممممممممممم
اصبرى بس شوية
اما اعملكم حاجة حادقة بقى
العيال زهقوا من النواشف

ميرا مار

02-08-2009, 11:13 PM

شكرا ليكي يا ميرا عالمجهود الكبير اللي بتقدميه لينا في كل مرة

ديما متجددة

ميرسى يا ايمن
انا فاكراك والله بس بادور لك على اكلة سمك كدا تعجبك

ميرا مار

02-08-2009, 11:26 PM

السمك الفيلية المحمر بالتوابل
http://forum.hawahome.com/files/upload_files/275/FishSauce.jpg

المقادير

1كجم سمك فيليه
1 بيضة ,مضروبة
زيت للقلى
2/1كوب دقيق
1ملعقة كبيرة شطة مطحونة
2ملعقة كبيرة كسبرة ,مجففة ومطحونة
2ملعقة كبيرة كمون ,مطحون
2ملعقة كبيرة كاري
ملح وفلفل
4ملعقة كبيرة عصير ليمون

الطريقة

1.يمزج الدقيق ,الليمون ,الكمون, كسبرة, الشطة , الكارى فى وعاء .
تغسل قطع السمك جيدا , توضع فى وعاء وتتبل بعصير الليمون والملح والفلفل .

.يضاف حوالى 4/3 كوب ماء والبيضة المضروبة.
يقلب الدقيق من الجوانب حتى تمتزج كل المكونات جيدا.
يمكن إضافة القليل من الماء إذا لزم.يوضع جانبا لمدة 10 دقائق

يسخن الزيت حتى يصبح ساخنا جدا.
تغمس السمك فى مزيج الدقيق حتى تغطى جيدا
و يحمر فى الزيت حتى تصبح لونها بنى مذهب.
يصفى على ورق مطبخ. يقدم فورا.

الله ريحتة تحفة هههههه:p:p
بالهنا والشفا

AYMAN GAMAL

02-08-2009, 11:36 PM

مش عارف هوه ممنوع اشارك في القسم ده ولا لاه دلوقتي

وحتى لو ممنوع هخش ارد عالموضوع ده بالذات علشان انا بنقله عندي اساسا

شكرا يا ميرا عالاكلات الجامدة اللي اممممممممممممم ريحتها تفتح النفس هههههههههههه

Mimi

02-08-2009, 11:37 PM

رغم اني قلت اني مش بحب البحري قبل كدا بس بحب السمك الفيلية والسمك التاني اللي هو بيكون جلده بني كدا مش اسود

شكرآآآآآآآآآآآآآآآآآ ياميرااااااااااااااااااااا يااحلى ست بيت واحلى كل حاجة

ميرا مار

02-09-2009, 01:36 AM

العفو يا جودى حبيبة قلبى
وطبع يا ايمن تدخل الموضوع وكل الموضوعات
عاااااااااااادى خالص

ومش عارفة اقولكو ايه دايما كلامكو الحلو بيفرحنى

spring sun

02-09-2009, 01:29 PM

حلوه اوي طريقه السمك دي يا ميرا

والله هحاول اعملها

ولو عملتها هديكي خبر

سما

02-09-2009, 02:57 PM

طريقة سهلة جدا يا ميرا مار وشكرا افتينا كتير

ميرا مار

02-09-2009, 08:51 PM

ماشى يا مرمر
ومنورة يا سما ميرسى ليك

Marwa Mahmoud

02-11-2009, 01:59 PM

الله عليكى يا ميرا
بجد السمك يجنن
تسلم أيدك

Rania Ismail

02-11-2009, 06:05 PM

بجد الموضوع فوق الرائع يا مرمر يا حبى بجد افكارك متميزه رغم انى داخله متاخر معلش انتى عارفه كعبله الامتحانات وبعيدن المشروع وبعد كده التنفيض بس ملحوقه
وبجد بجد وصفاتك سهله وجميله جدا وتفتح نفس الواحد على الاكل

spring sun

02-13-2009, 03:40 PM

ههههههههههههههههههههه
الامهات امابتصدق االامتحنات تخلص وتخلي البنات تنفض الله يكون في عونا والله

ميرا مار

02-14-2009, 02:40 PM

ميرا مار

02-14-2009, 02:42 PM

ميرسى يا مرمر انتى واميرة دايما قاعدين معاييا فى المطبخ
ههههههههههههههههههههههههههههههههههه
ههههههههه

Marwa Mahmoud

02-15-2009, 09:11 AM

هوه أحنا برده نقدر نستغنى
عنك ولا عن أكلاتك الحلوة يا جميل
ربنا يخليكى لينا زميحرمناش من أكلاتك الذيذة

spring sun

02-19-2009, 02:17 PM

ايه يا ميرا فين الاكلات الجديده انتي نسيتي ولا ايه

ههههههههههههههههههه

froty

02-20-2009, 07:07 PM

بجد انتى طباخة هايله ولكن نريد المزيد الله يكرمك مش عارفين نعمل حاجه فى المطبخ وشكلنا بقى وحش اوووووووووووووووووووووووى

ميرا مار

02-22-2009, 01:52 PM

هههههههههههههههههههههههههههه
ههههههههههههههههههههههههههههههههههههه

ماشى يا قمر..بصى هاجيبلك حاجة بالفاكهه هدية مخصوووووووووووووووص لفروتى
ماسى؟؟!!!!!!!!!

ميرا مار

02-22-2009, 01:54 PM

ايه يا ميرا فين الاكلات الجديده انتي نسيتي ولا ايه

ههههههههههههههههههه

ههههههههههههههههه اضحكى اضحكى..ان شاء الله المطبخ هينفجر بيكى
ههههههههههههههههههههه بعد الشر عليك يا مرمر..

المهم انا فعلا بانسى..مش عارفة مالى..امممممممممممم
عموما..انا جيت وهاجيب كل جديد اوووووك؟؟

ميرا مار

02-22-2009, 02:23 PM

كفتة داوود باشا
اكلة البشوااااااااات بس:p
واعضاء منتدى رابطة خريجى المساحة والخرائط
المصرية ;);)
http://forum.hawahome.com/nupload/1478_1172897411.jpg

المقادير
نصف كيلو لحم احمر مفروم
1 بصلة متوسطة مفرومة ناااااااعم
2 فص ثوم مفروم نااااااااااااااااااعم
ملح .فلفل.بهارات
(2كوب عصير طماطم +بصلة مفرومة للصلصة)
2 ملعقة سمن

الطريقة
تفرم اللحمة +البصلة+الثومة+الملح والفلفل والبها مرة اخرى حتى تمتزج المقادير
تعجن جيدا وتكور على شكل كرات صغيرة الحجم وتترك لمدة ساعة او اتنين مغطاه
تحضر مقلاه ..وبها ملعقتين سمن او زيت
تسخن السمن جيدا ثم نضع الكرات وتحمر على نار متوسطة حتى تاخذ اللون الذهبى
واثناء ذلك نحضر الصلصة وذلك بتصفير البصلة على النار ثم وضع عصير الطماطم
حتى تتسبك جيدا ..اى ينفصل الزيت عن الصلصة
نزود الصلصة كوب ماء ونتركة يغلى ثم نضع فيه كرات الكفتة سابق تحميرها
نغطيه ونتركة على نار هادئة حتى تمام النضج
مع التقليب المستمر

http://akhawat.islamway.com/forum/uploads/post-18707-1174635875.jpg

وبالهنا والشفا :D:D

AYMAN GAMAL

02-22-2009, 02:31 PM

داوود باشا ههههههههههههههههه

شكرا يا شيف ميرا عالاكله الحلوة دي

شكلها يفتح النفس

Marwa Mahmoud

02-22-2009, 07:17 PM

يسلام عليكى يا ميرا وعلى أكلات
الجامدة اللى فى الجون على طول
تسلم أيدك يا ميرا يا عسل

ميرا مار

02-22-2009, 07:46 PM

ميرسى يا ايمن
ميرسى يا مرمر

دايما كدا رافعين معنوياتى
الله يخليكم ليا يارب

spring sun

02-22-2009, 09:45 PM

يعني انا مر مر دي ولا هي

انا كده بتلخبط اوي

شوفيلي اسم تاني ناديني بيه غير مرمر

وتحفه اوي الكفته دي تسلم ايدك

A.H.D

02-23-2009, 12:25 AM

ميراا اية الجمال دة ان مش عارفة اقولك الله على اية ولا اية ولا اية
بجد الله ينور عليكى ياقمر
ليا طلب ياريت تكترى من الاكلات اللى بالفراخ والبشاميل واى وصفات تانية للتونة عشان انا بحبهم اوى
وليكى طلب مخصوص من ماما ممكن هى طالبة طريقة عمل البسيمة
وشكرا ليكى مرة كمان
على فكرة انا اسمى دودى عشان النيك نيم دة مش كلكم عارفينى بية

ميرا مار

02-24-2009, 06:05 PM

يعني انا مر مر دي ولا هي

انا كده بتلخبط اوي

شوفيلي اسم تاني ناديني بيه غير مرمر

وتحفه اوي الكفته دي تسلم ايدك

هههههههههه بس كدا دا انتى حبيبتى..
استنى هافكر :confused::confused::confused:

بصى اجهدت مخى ووصلت ل
عندك

برينسيس (يعنى اميرة بالانجليزى:D ..يا مرسى)
مورتى
رورا
ها اختارى وردى عليا على مافكر تانى

ميرا مار

02-24-2009, 06:07 PM

ميرا مار

02-24-2009, 06:29 PM

البسيمة ..

http://forum.hawahome.com/files/upload_files/275/bseema3.jpg
هدية مخصوووووووووووووووووووصة
لمامه دودى..
انتى تؤمرى يا ست الكل

http://www.quick-bh.com/admin/cooked_pics/p1.jpg

المقادير
2 كوب دقيق
1\2 كوب سكر
1\2 كوب جوز هند ناعم
1\2 كوب لبن
1\4 كوب سمن
1 ملعقة كبيرة بيكنج بودر(B.P)

الطريقة
تسيح السمن ثم يرفع من على النار ويضاف اليه السكر واللبن
يرفع على النار مرة اخرى مع التقليب حتى يذاب السكر تماما
يرفع من على النار ويترك ليبرد تماما
يضاف جوز الهند والدقيق والB.P ويقلب الخليط كله حتى يتماسك تماما
يصب الخليط فى صينية مدهونة جيدا ويفرد ويبطط على الوجه بخفة
تقطع سمبوكسات او مربعات حسب الرغبة قبل دخولها الفرن
تدخل فرن سابق التسخين وتخبز على درجة حرارة متوسطة لمدة 15 دقيقة
بعد خروجها من الفرن (نصب عليها حوالى ملعقتين شربات ان وجد)
ثم تقطع مرة اخرى وتقدم باردة

وبالهنا والشفا

A.H.D

02-24-2009, 09:17 PM

Nada Mohammed

02-24-2009, 09:34 PM

وصفاتك جميلة
تسلم ايديك ياميرا
جزاكى الله كل خير
واستمرى 000

ميرا مار

02-24-2009, 09:40 PM

شكرا ليكى ياميرا كتيييييييييييييييييييييييييييييييييييييييييييييييي ر اوى اوى
وماما كمان بتشكرك وبتدعيلك بكل خير
وانا بكرة ان شاء اللة هعملها واقولك نتيجتها واكييييييييد حتبقى لذيذة زى ميرا

هههههههههههههه:):):)

مبسوطة انا بدعوة ماما ربنا يكرمك ويكرمها
وقوليلها
بتقولك مها انتى بس تؤمرى
والوصفة تكون عندك قبل ماتخلصى كلامك
بوسيهالى

Marwa Mahmoud

02-24-2009, 10:00 PM

الله عليكى يا ميرةا يا عسل
تسلم أيدك
معلش بقى نطالك على طول فى المطبخ
أصل أكلاتك بتفتح نفسى
هههههههههههههههههههههههههه

ميرا مار

02-25-2009, 02:54 PM

هههههههههههههههههههههه
يا سلام ..دانتى مونسانى والله ..
اغرفلك؟؟

ههههههههههههههههههههههههههههههههههههههه

spring sun

02-25-2009, 07:08 PM

ميرا انا لو عملتها مش هتبقي بسيمه هتبقي حاجه تاني مش عارفه ليه

مش هقدر اعملها

شوفي حاجه سهله كده شويه

Marwa Mahmoud

02-25-2009, 10:22 PM

هههههههههههههههههههههه
يا سلام ..دانتى مونسانى والله ..
اغرفلك؟؟

ههههههههههههههههههههههههههههههههههههههه

ياريت يا ميرا
أنا عصفير بطنى بتصوصو
هههههههههههههه

A.H.D

02-28-2009, 12:57 AM

ميرا ياحبيبتى انا عملتها طلعت جميلة موووووووووووووووت واللة كان نفسى ادوقهالك
وبوستلك ماما وهى بعتالك بوسة اهة امممموة يارب تكون وصلت
بس على فكرة كدة انا اممم ممكن اغير اة

ميرا مار

02-28-2009, 08:55 PM

هههههههههههههههههههههههههههههههههههههه
هههههههههههههههههههههههههههههههههههههههههههههه

اممممم لا مافيناش من غيرة يا دودى..انا اختك صح؟؟ولسة عاملالكو بسيمة..
ههههههههههه مستخسرة فيا بوسة؟؟

بالهنا والشفا يا حبيبة قلبى
اعملك بقى حاجة بالبشاميل

A.H.D

03-02-2009, 05:59 PM

لا ياحبوبة خدى منى الف بوووووووووووووووووووووووووووووووووووسة اهى ولا غيرة ولا حاجة دا احنا اخوات اممممممممممممممموة
وانا مستنية اى حاجة من ايدك الحلوة

A.H.D

03-02-2009, 06:02 PM

على فكرة ياميرا انا عملت الفول بالطريقة بتاعتك اكلوة واكلو صوابعهم وراة وسابولى حبة صغيرين خالص
على ماحضرت باقى الاكل رجعت مالقتش حاجة
هعملة تانى انهاردة
شكلى هاكلهم كل يوم فول

spring sun

03-03-2009, 03:33 PM

يعني من كل الاكل ملقتيش غير الفول ههههههههههههههههههه

طيب ابقي حليلهم بالبسيمه

ogy

03-03-2009, 09:23 PM

شكرررا ليكى ياعثل

A.H.D

03-04-2009, 12:27 AM

جربية انتى بس يا سبرينج وابقى قولى رايك ؟

وانا حليت بالبسيمة مش لسة هحلى
ههههههههههههههههههههههههههههه

ميرا مار

03-04-2009, 12:55 AM

يانهار ابيض
اميرة بتغلط فى الفول..انتى مش مصرية يا بت؟؟

عموما انا بس مش رايقة اطبخ
ممكن بكرة كدا ابقى اجيب حاجة حلوة
انتظروووووووووووووونى

Soma

03-04-2009, 02:14 AM

هاى ميرو انا برضه شاطرة فى المطبخ (اكلات وحلويات)
وعجبانى اوى الوصفات بتاعتك حجربها كلها وحاقولك رائى
بس وصفات الاكلات باين عليها انها جميلة جدا من غير ماجربها
الله ينور عليكى ياميرو

ميرا مار

03-04-2009, 02:18 PM

اهلا اسموءة منورة يا حبيبتى

بصى جربى وقوليلى رايك

وياريت كمان تشاركينا بوصفة كدا حلوة

ميرا مار

03-04-2009, 07:06 PM

سلطة التونة بالمايونيز

http://www.shamsqatar.com/up3/get-6-2008-wixzp24m.jpg

المقادير:
علبة تونة متوسطة
ثلاث ملاعق مايونيز
ثلاث ملاعق كاتشب
بصلة صغيرة
زيتون أخضر مخلي

الطريقة:
- يوضع المايونيز و الكاتشب على التونة و تهرس
ثم تقطع البصل شرائح و يضاف البصل و الزيتون للمزيج .
- تقدم مع التوست المحمص .

وبالهنا والشـــــــفا

A.H.D

03-04-2009, 07:18 PM

تسلم ايدك ياميرا ياقمر
فى انتظار المزيد

ميرا مار

03-04-2009, 07:22 PM

ميرسى يا ديدى دى كانت ليك مخصوص

وانتظرى حاجات بالباشاميل ان شاء الله

Marwa Magdy

03-04-2009, 07:29 PM

ما ينفعش كده يا ميرا
انا كل مادخل الموضوع دة اجوع
اصل بلاقى حاجات حلوه اوى
هههههههههههههههههههههه
ميرسى ليكى يا جميل على الوصفات الجميلة دى

Marwa Mahmoud

03-04-2009, 08:34 PM

أهئ أهئ
كده يا ميرا تكلوا من غيرى
أنا عصافير بطنى بتصوصو
بس الله ينور عليك يا جميل
والله نفسى بتتفتح لما أجى عندك المطبع
يلا عوزاكى تتوصي بيا زى عويدك

ميرا مار

03-04-2009, 09:40 PM

معلش بقى يا مرمر
ماتزعليش مافيش النهاردة

اصل ..اصل ..تؤ اممممممممم بصى م الاخر
ماكانش فى غير طبق واحد لديدى.. اعمل ايه طاااايب ..معلش بقى ..

ميرا مار

03-04-2009, 09:42 PM

ما ينفعش كده يا ميرا
انا كل مادخل الموضوع دة اجوع
اصل بلاقى حاجات حلوه اوى
هههههههههههههههههههههه
ميرسى ليكى يا جميل على الوصفات الجميلة دى

هههههههههههههههههههههههه

ابقى اعملى حسابك على ساندوتش فى ايدك وانتى داخلة
هههههههههههههههه عشان يعنى اهو اى حاجة تسد وخلاص
ميرسى يا ميرو

Nada Mohammed

03-04-2009, 11:16 PM

تسلم ايديك ياميرا
وهبقى اجربها

Marwa Magdy

03-04-2009, 11:20 PM

هههههههههههههههههههههههه

ابقى اعملى حسابك على ساندوتش فى ايدك وانتى داخلة
هههههههههههههههه عشان يعنى اهو اى حاجة تسد وخلاص
ميرسى يا ميرو

لا والله يا ميرا انا لو حتى لسه اكله
وشوفت الأكلات بتعتك دى نفسى بتتفتح
:D:D:D:D:D:D:D:D:D

A.H.D

03-06-2009, 03:12 AM

بصى ياميرا خلاص انا هقسم الطبق بينى وبين مرمر عشان هى نفسها فية ماشى يامرمورة
هااااااااااا هتقبلى عزومتى ولا ؟؟
وتسلمى ياميرا بجد مطبخك تحفة
بس انا عيزة اوضح حاجة انا اسمى دودى مش ديدى
بس كلة منك زى العسل
وانا مستنية البشاميل

Soma

03-06-2009, 11:21 PM

اهلا اسموءة منورة يا حبيبتى

بصى جربى وقوليلى رايك

وياريت كمان تشاركينا بوصفة كدا حلوة

هاى ده نورك اوك
انا عندى وصفه كيك بالشيكولاته لو موافقه اكتبها اوك

محبة الرحمن

03-06-2009, 11:40 PM

الموضوع في غاية الروعة

والوصفات جميلة

مع اني طبخي حلو اوي بس

ووالدي بيشهد اني

مطبخي مطبخ امريكي

بس انتي طلعتي شطرة

وسقفة كبيرة اوي ياجماعة لميرمار

انا بتابع الموضوع من زمان بس معلش كل ما اجي ارد يحصل حاجة بس بارك الله فيكي

خالد أبوسعده

03-07-2009, 12:19 AM

ميرا
عندى طلب صغنطوط اد كدا هو

طول عمرى بسمع عن فطيره التفاح
دى مشهوره اوى بره
نفسى ادوقها

ميرا مار

03-07-2009, 12:41 AM

بس كدا؟؟

من عنيا الاتنين يا خالد هاجيبهالك والله ... فعلا دى لذيذة قوى
انا اكلتها بس جاهزة كانت تحفة

olivia nader

03-07-2009, 12:46 AM

والله يا ميرا مش عارفه اقول
الله علي التونه ولا الله علي المايونيز
تسلم ايدك علي الحاجات التحفه دي
ميرسي اوييييييييييييييي

ميرا مار

03-07-2009, 01:17 AM

بناءا على طلبك يا خالد
جيبت لك طريقة سهلة جداااااااااااااااااااا لـ

فطيرة التفاح

http://www.neimanmarcus.com/products/mp/F4Q2680_mp.jpg

المقادير
1 كوب دقيق
1 كوب زبدة طرية
1/2 كوب سكر بودرة
1بيضة + صفار بيضة
1/2 ملعقة صغيرة فانيلا
1/4 ملعقة صغيرة ملح

مقادير الحشو
6 حبات تفاح صغير (أو 4 تفاحات كبيرة)
1/2 كوب ماء
1/4 كوب سكر
1 ملعقة صغيرة قرفة بودرة
1 ملعقة صغيرة عصير ليمون

الطريقة
نخلط الملح مع الدقيق ثم نضيف إليه الزبدة ونفرك بأيدينا
حتى يتكون لدينا عجينة مفتتة وغير متماسكة.

نضيف البيضة والصفار إلى الخليط السابق
ونقلب المواد مع بعض حتى يمتزجوا مع بعض.
نضيف بعد ذلك السكر البودرة ونعجن المواد حتى نحصل على عجينة متماسكة
. نتركها ترتاح لمدة نصف ساعة

على ماترتاح العجينة نحضر الحشوة

الطريقة
نغسل ونقشر التفاح ونقطعه إلى مكعبات صغيرة.
ننضع التفاح المقطع مع الماء والسكر والقرفة وعصير الليمون
في وعاء على نار متوسطة الحرارة

عندما يصبح التفاح طريا ويجف الماء...
عندها نرفعه عن النار ونقوم بهرس التفاح حتى يصبح مثل البيوريه

نقسم العجينة إلى قسمين متساويين...
نفرد قسم منها في القالب الذي سنخبز فيه الفطيرة
http://img224.imageshack.us/img224/5231/24209almuhandsjd5.jpg

عندما يبرد خليط التفاح نوزعه فوق العجينة المفرودة في القالب.

نفرد القسم الثاني من العجينة باداه فرد العجين
ونقصه حسب شكل القالب وذلك لتغطية الفطيرة

ندخل القالب فرنا متوسط الحرارة حتى تنضج الفطيرة وتحمر.

عندما نخرجها من الفرن ننتظر قليلا حتى تبرد ثم نضعها في طبق التقديم
ونرش فوقها السكر البودرة
((وممكن ان نزينها بقطع تفاح طازجة او مسلوقة
أيضا نرش القليل من القرفة البودرة حسب الرغبة))

وبالف هنا وشفا

ميرا مار

03-07-2009, 01:19 AM

ميرسى يا اوليف حبيبتى قلبى
منورة والله

ميرا مار

03-07-2009, 01:19 AM

ياللا يا خالد جرب فطيرة التفاح ورد عليا

بالهنا والشفا مقدما

خالد أبوسعده

03-07-2009, 01:56 AM

ايه السرعه دى
بجد ان مش عارف اقولك ايه
ان حجربها و اكيد حقولك رايى
لانى بجد كان نفسى ادوقها جدا

ربنا يخليكى لينا يا ميرا

Soma

03-07-2009, 02:09 AM

الطريقه سهلة جدا وباين عليها انها حلوة اوى عشان انتى اللى قولتيها
ميرسى كتييييييييييييييييير على الفطيرة الجميلة

Marwa Mahmoud

03-07-2009, 09:36 AM

أنا جيت

ميرا حببتى بجد تسلم أيدك

جميلة أوى الكيكة شكلاها تحفة

ربنا يخليكى

spring sun

03-07-2009, 10:41 AM

ميرا احنا كده لازم ناخد اموال من الناس دي ونصص مع بعض

كل ده اكل ببلاش

مش هينفع كده

ان شاء الله انا هجرب الفطيره دي واعملها لما اسامه يرجع ان شاء الله

ميرا مار

03-07-2009, 02:06 PM

ايه السرعه دى
بجد ان مش عارف اقولك ايه
ان حجربها و اكيد حقولك رايى
لانى بجد كان نفسى ادوقها جدا

ربنا يخليكى لينا يا ميرا

انت تؤمر يا خالد

يعنى كان المفروض اعملها واجيبهالك هدية تقديرا لمجهودك الرائع
بجد انا اشيد بك واحييك على شغلك فى القسم الثقافى

وبرافوا عليك بجد توقيعك الجديد

مايعملش كدا غير حد عايز ينجح شغله
ربنا يكرمك

ميرا مار

03-07-2009, 02:08 PM

ميرسى يا مرمر

ميرسى يا اسموءة دايما منورنى كدا

ميرا مار

03-07-2009, 02:10 PM

ميرا احنا كده لازم ناخد اموال من الناس دي ونصص مع بعض

كل ده اكل ببلاش

مش هينفع كده

ان شاء الله انا هجرب الفطيره دي واعملها لما اسامه يرجع ان شاء الله

هههههههههههههههههههههههههههههههههههه
يا مادية ...بت يا اميرة شكلك كدا هتبيعى قسم حوا قريب وهيتخصخص

وخنضيييييييع احنا معاك .. ربنا يستر

وبعدين اشمعنى لما اسامة ييجى؟؟

هتدلعيه كدا ولما يتجوز مراته هتدعى عليكى

spring sun

03-08-2009, 05:36 PM

هههههههههههههههههههههههههههههههههههه
يا مادية ...بت يا اميرة شكلك كدا هتبيعى قسم حوا قريب وهيتخصخص

وخنضيييييييع احنا معاك .. ربنا يستر

وبعدين اشمعنى لما اسامة ييجى؟؟

هتدلعيه كدا ولما يتجوز مراته هتدعى عليكى

ايوه طبعا هدلعه

واياك مراته تتدعي

ههههههههههههههههههههه

اطمني اكيد مراته هتبقي حبيبتي

خالد أبوسعده

03-10-2009, 02:05 AM

انت تؤمر يا خالد

يعنى كان المفروض اعملها واجيبهالك هدية تقديرا لمجهودك الرائع
بجد انا اشيد بك واحييك على شغلك فى القسم الثقافى

وبرافوا عليك بجد توقيعك الجديد

مايعملش كدا غير حد عايز ينجح شغله
ربنا يكرمك

ربنا يكرمك يا رب يا ميرا
بجد كفايه عليا الكلمتين دول احس بيهم انى بعمل حاجة بتنفع الناس

lolaa fahmy

03-11-2009, 09:38 PM

والله شهي
شكلها جميل فتحت نفسي هقوم اجربها
تسلمي يا ميرا يا قمر علي الاكلات الجميله دي
تعبينك معانا

ميرا مار

03-12-2009, 12:31 AM

انتو تؤمروا بس يا علا

بس ياريت لو جربتيها تقوليلنا ايه الاخبار

وبالهنا والشفا مقدما

semo

03-16-2009, 11:57 PM

الله ينور يا ميرا شكلك ست بيت شاطرة

ميرا مار

03-19-2009, 02:04 AM

التشيز كيك بالليمون

http://www.chefosama.com/images/posted/cont_4_600_1.jpg

المقادير
1 كوب بسكويت مطحون
3/1 كوب زبده
2/1 1 كوب جبن كريم
4/3 كوب سكر بني
4 بيض
4/1 1 كوب زبادي
2 ملعقة كبيرة عصير ليمون
1 ملعقة كبيرة بشر ليمون
1 ملعقة صغيرة فانيليا

الطريقة

- يُخلط البسكويت مع الزبد جيدا ثم يُصب في صينية فرن.
- يُخبز في فرن 180 درجة لمدة 5 دقائق.
- يُخفق جبن الكريم ، السكر ، بشر الليمون، البيض ، عصير الليمون ، الفانيليا حتي تتجانس المكونات.
- يُصب الخليط فوق البسكويت ثم يُخبز في فرن 180 درجة مئوية لمدة 2/1 ساعة .
- تُترك 5 دقائق لتبرد ثم تُدهن بالزبادي ، تُقدم باردة مزينة بالفاكهة.

وبالهنــــــــــــــــا والشـــــــــــــــفا

ميرا مار

03-19-2009, 12:34 PM

الله ينور يا ميرا شكلك ست بيت شاطرة

هههههههههههههههه مش قوى يا سيمو.. اهو على قدنا كدا
ميرسى لذوقك يا قمر
ياللا جربى ال تشيز كيك هتعجبك مووووت

froty

03-19-2009, 02:30 PM

جامده جدا التشيز كيك يا ميرا

تسلم ايدك شكلك

جمدة فى المطبخ يا قمر

ميرسى

http://www2.0zz0.com/2009/03/16/01/169776573.jpg

ميرا مار

03-19-2009, 07:18 PM

ميرسى ليك انت يا فروتى

نوتى الموضوع

اتمنى تجربى حاجة وتقولى لنا رايك

Marwa Mahmoud

03-20-2009, 06:47 PM

أيه دة أنا شكلى جيت متأخر ولا أيه

أوعوا تكونوا كلتوا من غيرى

ميرا فييييييييين نيبي بقى مليش دعوة

ههههههههههههههههههه

بجد تسلم أيدك يا حببتى

نفسى بتتفتح لما باجى عندك المطبخ

AYMAN GAMAL

03-20-2009, 06:52 PM

شكرا يا ميرا عالاكلات الجامده دي

غبت عن مطبخك شويه بس بجد

تسلمي

Marwa Magdy

03-21-2009, 12:33 AM

http://www.alfaris.net/up/27/alfaris_net_1237588325.gif

ميرسى يا ميرا على الأكلات الجامده دى

ميرا مار

03-21-2009, 01:46 AM

يا مامى

مين الست دى يا ميرو؟؟؟؟؟؟؟؟؟

لا ياختى انا مش داخلة المطبخ تانى....!!!!!!!!!!

ميرا مار

03-21-2009, 01:48 AM

ميرسى

الحقيقة المطبخ ماينفعش من غيرك يا ايمن انت ومرمر

اتعودت دايما ..تدوقوا وتقولوا رايكم:D:D:D

محبة الرحمن

03-24-2009, 11:37 PM

تسلم ايدك ياميرمار

وارب نشوف اكلات احلي واحلي

spring sun

03-25-2009, 03:14 PM

تسلم ايدك يا ميرا
دايما بتفيدنا باكلاتك الشهيه

ميرا مار

04-09-2009, 06:45 PM

شكرا يا محبة
وشكرا يا اميرة

منورييييييييين خالللللث وخصوصا محبة

عشان اميرة هنا على طول:D هههههه وحشتينى يا رورا والله

طب ماحدش له طلب معين طيب؟؟؟

ميرا مار

04-09-2009, 06:53 PM

كاليمارى او سبيط او حبار او سيبيا
مقـــــــــــــــــــــــــــلى
http://www.setbeet.com/Images/food/calamary.gif

كل واحد بقى يسميها زى ماهو عايز

المهم جربوهااااااااااااا لانها تححححفة

المقادير
1/2 ك كاليمارى منظف
3 فصوص ثوم
ملح – كمون
1/2 ليمونة
1 ملعقة خل
2 ملعقة كزبرة خضراء مفرومة
1/4 كوب ماء

2 بيضة
2 ملعقة لبن
بقسماط مطحون

الطريقة
يقطع السبيط إلى حلقات بسمك 1/2 سم ويغسل جيدا
يمزج الكزبرة والثوم والملح والكمون والليمون والخل والماء
ثم يوضع الخليط على الحبار ويخلط جيدا
ثم يوضع في الثلاجة لمدة ساعتين او اكثر

يمزج البيض مع الحليب في وعاء ويضاف إليهم فلفل أسود
ثم تغمس حلقات الحبار فيه
ثم تغطى بالبقسماط المطحون

وتقلي في الزيت لمدة 3 إلى 4
دقائق حتى يصبح لونها ذهبيا وتقدم

وبالهناااااااا والشفا

Soma

04-09-2009, 07:07 PM

ميرسى اوى اوى ياميرا على الاكلات الجامده دى
انا جربته قبل كده وفعلا رائع جدااااااااااااا

Marwa Magdy

04-09-2009, 07:11 PM

ميرسى اوى يا ميرا على الأكله الجميله دى
بس المرادى انا ما جعتش
لصلى لسه اكله سبيط مقلى:D
هههههههههههههههههههه

سلمي جمال

04-09-2009, 11:30 PM

ميرا جرتي ريقي حرام عليكي

بس بجد تسلم ايدك

Wild_Angel

04-09-2009, 11:50 PM

جذبنى جدددددددددددا العنوان يا ميرا
لانى بعشق السبيط
وانا أكلته قبل كده بس من غير بيض وبقسماط

ملحوظه لكل سيدة منزل مستقبليه:
احذرى عند شراء السبيط ان يضع لكى البائع الحبار
لانه مختلف عن السبيط

Marwa Mahmoud

04-12-2009, 07:52 AM

الله عليكى يا ميرا

وحشتنا اكلاتك الجميلة دى

تسلم ايدك يا قمر

froty

04-13-2009, 10:22 PM

الله الله عليكى يا ميرا

جامده جدا اكلاتك

تسلملنا يا قمر

ميرا مار

04-15-2009, 09:15 AM

:)

ميرسى لكن يا بنات بجد ..

بتشجعونى احط حاجات جديدة

ميرسى يا اسموءة

ميرو (( اللى ماجااااااااعش يطلع برة..:D)

سلمى

انجل

مرمر

فروتى

انتو دايما منورنى

وانا باحبكم قوى والله

Youssef Mostafa

04-15-2009, 05:21 PM

بالهنا والفشتشى ان شاء الله

هههههههههههههه

الله ينور ياميراااااااااااااا

تسلملى ها الايدييين:d

spring sun

04-15-2009, 06:37 PM

انا بحبه قوي يا مير ا;);)

بقولك ايه ماتعمليهولي كده يوم وتعزميني عليه:D:D

هو مش احنا اصحاب:cool::cool:

Soma

04-15-2009, 06:47 PM

ميرسى ياميرا وانا كمان بجد بحبك جداااااااااااااااااااا

Wild_Angel

04-15-2009, 11:07 PM

ميرا انا عيزاكى تعملى شوية شوربات(شوربه)
بس تكون جديده
يعنى مثلا شوربة البصل الفرنسيه والسى فود وشوربة البطاطس بالكرفس
وهكذا
بس بلاش بتاعت الحصنه والضفادع
خلينا فى الحاجات اللى عارفينها

ميرا مار

04-30-2009, 01:35 PM

ههههههههههههههههههههههههههههههه
ههههههههههههههههههههههههههههههههههههه

ياروح قلبى ..:o حااااضر

بس ليه بقى حصنة وضفادع لاء؟؟ طب دول تحفة:D

خلاص من عنيه الاتنين..قريييييييييييييييبا شوربة لعيون انجل

خالد أبوسعده

04-30-2009, 02:53 PM

انا جوعت خلاص

انا عايز اكل مينفعش كده يا ميرا

spring sun

04-30-2009, 03:18 PM

ميرا الباشميل

قوليلي طريقته بليز

بس ايه

واحده واحده

تاته تاته

احنا مش مستعجلين

وياريت لو بالصور خطوه خطوه

انا عارفه اني انا تعباكي معايا

بس احنا اصحاب وتعبي اكيد غلي قلبك زي العسل صح

ميرا مار

05-03-2009, 10:27 PM

ههههههههههههه سياح بقى ع المنتدى

دارى على شمعتك تزيد:D

انت تؤمر يا بنا يا عسل انت ههههههههه

البشاميل دا لعبتى..انتى جيتى لاهل الخبرة:p

ميرا مار

05-03-2009, 10:48 PM

البشامـــــــــــــــيل بصور مسروقة :d

المقادير
ملعقتين سمن
ملعقتين دقيق
كوب لبن
حبة نار:d

الطريقة
يوضع اناء على نار هادئة وتوضع السمن حتى يسخن
يضاف الدقيق ويقلب لمدة دقيقة
http://www.3roos.com/uploder/uploded20080901/147736/21234058337.jpg

يوضع كوب اللبن ويقلب تقليبا مستمرا

حتى الحصول على قوام مناسب متماسك وخفيف

http://static.deliaonline.com/images/originals/h1152-all-in-one-sauce-19637.jpg

spring sun

05-03-2009, 11:00 PM

ههههههههههههههههههههههههههه

ده الباشاميل والمكرونه حضرتك

هههههههههههههههه

هو انا هاكل الباشميل بالعيش ولا ايه

هههههههههههههههه

Marwa Magdy

05-03-2009, 11:24 PM

ههههههههههههههههههههههههههههههههه
صح يا اميره فين المكرونة يا ميرا

بس اكله جامد اوى يا ميرا
اهو يا ستى ادينى جوعت تانى اعمل انا ايه بقى دلواتى :(:mad:
وعايزة اكل مكرونة بالبشاميل مش بشمل بس:D

Marwa Mahmoud

05-04-2009, 11:59 AM

ههههههههههههههههههههه

عسل يا ميرا مش مشكلة هنكلة بامعلقة

المهم انه من أيدك يا جميل

Soma

05-04-2009, 01:19 PM

ههههههههههههههه
مش بتعرفو تعملوا المكرونة ولا ايه دى حتتسلق بس وترصوها فى الصينيه
بس عارفه ياميرا عجبانى اوى حبة النار اللى فوق دى :p:p
تسلم ايدك ياميرا الطريقة جميلة وسهلة جداااااااااااا

spring sun

05-05-2009, 05:49 PM

ههههههههههههههههههههههههه

واضح كده ان انا عملت ازمه في الموضوع

هههههههه

ميرا انا قصدي معكرونه بالباشاميل

بس انا اختصرت وقولت باشاميل بس

فمعلش اعملي الوصفه من الاول تاني كامله

وايه بقي واحده واحده
تاته تاته
هههههههههههه
يارب ما تكونيش كرهتيني

ميرا مار

05-06-2009, 10:51 PM

ههههههههههههههههههههههههههههههه
ههههههههههههههههههههههههههههههههههههه
هههههههههه
ههههههههههههههههههههههههه
ههههههههههههههه

ايه دا ايه دا ايه دا د ا دا دا دا

كلكو حاليا واللا اييييييييييييييييييه؟؟

لااااااااااااااء انا ورايا ناس تاكل الزلط

يااااانهار ابيض ..

ايه؟؟

حد تانى نفسه فى كلمة يقولهالى؟؟؟؟؟؟؟؟؟؟؟؟؟؟؟

ماشى يا اميرة

ماشى يا مروتين:D

ماشى يا سوما

ممنوعين من الاكل..وياختى انتى وهيا البشاميل يتحط على اى حاجة:rolleyes::rolleyes:

ماعدا المربى:D

مااااااااااااااااااااااشى سحلانة منكو:mad: