المساعد الشخصي الرقمي

مشاهدة النسخة كاملة : مالذي يجعلك لا ترد على مواضيع الأعضاء في المنتدى....؟؟



خالد أبوسعده
01-15-2009, 10:07 PM
اعضاء المنتدى
فيه تساؤلات كتير بالنسبه للاعضاء الى بيدخلوا علي المواضيع و بيخرجوا من غير ما يسيبوا رد


السؤال هو :


لماذا لا نشارك في الردود على بعضنا البعض عند قرآة المواضيع أو

التعليق البسيط حتى ولو كان بالسلب إن لم يكن ايجابا ....؟؟ ولماذا

نجد مواضيع قيمة جدا في أسلوبها أو فكرتها لا تجد من يتفاعل

معها ...؟؟ ومواضيع لا بأس بها أو تكون ليست بذات أهميه إلا لمضيعة

الوقت والتسلية كثرة الردود عليها......؟؟


......ولماذا نجد عضو معين من يطرح أي موضوع سرعة الرد عليه

من الأعضاء حتى لو كان الموضوع الذي طرحه ليس بذا قيمة إلا لأنه

فلان أو لأنها فلانه .....؟؟ لماذا ؟؟

طبعا احنا بنشكى من الاقسام العلميه فى المنتدى انها مش شغاله او مش بنفس نشاط الاقسام التانية
؟فكيف بالله عليكم تريدون للمنتدى العلمى النشاط ؟؟
والمواضيع تطرح فلا يرد عليها


ارجوا من الجميع التفاعل اكثر مع المواضيع والقضايا التي تطرح فيه


أرجو أن أجد التفاعل المرجو والمطلوب من الاعضاء مع هذا

الموضوع ...والأجابة بكل صراحة على الأسئلة التي طرحتها في البداية .


طبعا مش كل الاعضاء المقصودين بالكلام دا

Hassan Mohamed
01-15-2009, 10:16 PM
اعضاء المنتدى
فيه تساؤلات كتير بالنسبه للاعضاء الى بيدخلوا علي المواضيع و بيخرجوا من غير ما يسيبوا رد


موضوع يطرح نفسه حقا

السؤال هو :


لماذا لا نشارك في الردود على بعضنا البعض عند قرآة المواضيع أو

التعليق البسيط حتى ولو كان بالسلب إن لم يكن ايجابا ....؟؟ ولماذا

نجد مواضيع قيمة جدا في أسلوبها أو فكرتها لا تجد من يتفاعل

معها ...؟؟ ومواضيع لا بأس بها أو تكون ليست بذات أهميه إلا لمضيعة

الوقت والتسلية كثرة الردود عليها......؟؟



انا شايف ان دي ظاهرة سلبية جدا بس للامانة فيه ناس مش بتحب المنتديات وبتدخل لمجرد انها تأخد معلومة وتخرج ودي متقدرش تعتب عليها ...

......ولماذا نجد عضو معين من يطرح أي موضوع سرعة الرد عليه

من الأعضاء حتى لو كان الموضوع الذي طرحه ليس بذا قيمة إلا لأنه

فلان أو لأنها فلانه .....؟؟ لماذا ؟؟


لا معتقدش بس ممكن الاعضاء بيدخلوا المواضيع علي سمعة العضو صاحب الموضوع ودي وجهه نظري في السؤال ده اللي شايف انه ليس له اي علاقة بالموضوع

طبعا احنا بنشكى من الاقسام العلميه فى المنتدى انها مش شغاله او مش بنفس نشاط الاقسام التانية
؟فكيف بالله عليكم تريدون للمنتدى العلمى النشاط ؟؟
والمواضيع تطرح فلا يرد عليها


بص يا خالد انا شخصيا مش مقتنع بموضوع المنتدي يصبح منتدي علمي لان دي رابطة بمثابة النقابة هل بقا النقابة لو عملت منتدي هتعمله منتدي علمي ولا اجتماعي ؟ اعتقد وجهه نظري وصلت

بص انا كشخص في ادارة المنتدي لا يمكن هجبر اي عضو انو يدخل قسم هو مش عاوزة دي حرية شخصية ولازم نحترمها ...

ارجوا من الجميع التفاعل اكثر مع المواضيع والقضايا التي تطرح فيه


أرجو أن أجد التفاعل المرجو والمطلوب من الاعضاء مع هذا

الموضوع ...والأجابة بكل صراحة على الأسئلة التي طرحتها في البداية .


طبعا مش كل الاعضاء المقصودين بالكلام دا


شكرا علي الموضوع

ميرا مار
01-15-2009, 10:16 PM
موضوع ممتاز يا خالد بجد موضوع بناء ..

بص انا لازم ارد على اى موضوع دخلته .. لان اكيد ليا راى
ولانى باحترم عقلى وشخصيتى فلااااااازم اسجل راييى
ولانى باحترم اصحاب الموضوعات الحلوة ..
واللى تعبوا فيها
او اللى عايزين يوصلو فكرة او راى
او يتبنوا قضية
يبقى لازم اشارك..

الحااااااااااااااالة الوحيدة اللى مش بارد فيها على موضوع..
وباعتذر.......لما بيكون الموضوع تافه.. او مالوش معنى او هدف..وكمان اتعمل باهمال ..بس

غير كدا حتى فى الموضوعات العلمية
ساعات والله باحاول افهم عشان اكون راى
واشارك بيه

واتمنى يكون عندى الوقت ولا افوتش اى موضوع يطرح فى المنتدى

شكرا خالد ع الموضوع الجامد دا

خالد أبوسعده
01-15-2009, 10:24 PM
ان معاك يا حسن انه يبقى منتدى اجتماعى
بس لازم نراعى ان اغلبيه الاعضاء من الطلبه لحد دلوقتى
و الاقسام العلمية بيكون ليها فايدة كبيرة ليهم

و طبعا انت مش حتجبر حد انه يسيب الرد
لانهن ببحبوا ياخدوا المعلومه بس

ما هم نفسهم الناس الى بيردوا كتييير اوى فى قسم اللعب و المسابقات

اى حد لما بيتعب فى موضوع بيزعل لما مبيلاقيش رد
و ممكن يخليه ميفكرش يتعب تانى
و اضربلك مثال صغير اسلام ممدوح
مواضيعه مهمه جدا و بيتعب فيها اوى على ما يجمع المعلومات
بس مابيلاقيش حد يقدر
فبطل


الكلمة الطيبه صدقة

خالد أبوسعده
01-15-2009, 10:26 PM
موضوع ممتاز يا خالد بجد موضوع بناء ..

بص انا لازم ارد على اى موضوع دخلته .. لان اكيد ليا راى
ولانى باحترم عقلى وشخصيتى فلااااااازم اسجل راييى
ولانى باحترم اصحاب الموضوعات الحلوة ..
واللى تعبوا فيها
او اللى عايزين يوصلو فكرة او راى
او يتبنوا قضية
يبقى لازم اشارك..

الحااااااااااااااالة الوحيدة اللى مش بارد فيها على موضوع..
وباعتذر.......لما بيكون الموضوع تافه.. او مالوش معنى او هدف..وكمان اتعمل باهمال ..بس

غير كدا حتى فى الموضوعات العلمية
ساعات والله باحاول افهم عشان اكون راى
واشارك بيه

واتمنى يكون عندى الوقت ولا افوتش اى موضوع يطرح فى المنتدى

شكرا خالد ع الموضوع الجامد دا


يا ميرا انت لو كل الاعضاء زيك انت و جودى
كان زمان المنتدى دا حاجة تانية خالص و الله

سلمي جمال
01-15-2009, 10:29 PM
بص يا خالد انا بالنسبة ليا في مواضيع مش بتعجبني فمبحبش صراحة ازعل حد مني


و موضوعك جميل بجد
لابد ان يناقش

Hassan Mohamed
01-15-2009, 10:29 PM
ان معاك يا حسن انه يبقى منتدى اجتماعى
بس لازم نراعى ان اغلبيه الاعضاء من الطلبه لحد دلوقتى
و الاقسام العلمية بيكون ليها فايدة كبيرة ليهم

و طبعا انت مش حتجبر حد انه يسيب الرد
لانهن ببحبوا ياخدوا المعلومه بس

ما هم نفسهم الناس الى بيردوا كتييير اوى فى قسم اللعب و المسابقات

اى حد لما بيتعب فى موضوع بيزعل لما مبيلاقيش رد
و ممكن يخليه ميفكرش يتعب تانى
و اضربلك مثال صغير اسلام ممدوح
مواضيعه مهمه جدا و بيتعب فيها اوى على ما يجمع المعلومات
بس مابيلاقيش حد يقدر
فبطل


الكلمة الظيبه صدقة


معلش يا خالد متخلف معاك اسلام مش بيشترك غير في الاقسام العلمية والاقسام العلمية هيا ظروفها كده لو حد دخل بياخد المعلومة ميخرج ... كل المنتديات العلمية كده وحتي لو فيه رد بيكون بكلمة شكرا او مشكور يعني مش بتفتح مجال لاي مناقشة علي عكس المنتديات الاجتماعية

خالد أبوسعده
01-15-2009, 10:31 PM
معلش يا خالد متخلف معاك اسلام مش بيشترك غير في الاقسام العلمية والاقسام العلمية هيا ظروفها كده لو حد دخل بياخد المعلومة ميخرج ... كل المنتديات العلمية كده وحتي لو فيه رد بيكون بكلمة شكرا او مشكور يعني مش بتفتح مجال لاي مناقشة علي عكس المنتديات الاجتماعية


عندك حق
بس حتى كلمه شكرا دى مبتطلعش منهم

المهم اننا عايزين المنتدى يبقى احسن

Hassan Mohamed
01-15-2009, 10:32 PM
يا ميرا انت لو كل الاعضاء زيك انت و جودى
كان زمان المنتدى دا حاجة تانية خالص و الله


لا اسمحلي اختلف معاك في دي ... وادافع عن اعضاء كتيرة في المنتدي ليهم دور بارز وفعال وده طبعا مع احترامي وتقديري لميرامار وجودي هما فعلا اعضاء مميزين جدا وليها مواضيع ومشاركات متميزة للغاية .. لكن هناك اعضاء آخرون اكثر من رائعين ولهم كل الاحترام والتقدير وهما فعلا ليهم دور بارز في نجاح المنتدي ...

المنتدي لا يتوقف علي اشخاص بل يتوقف علي مجموعة

واعتقد ان ميرا وجودي يتفقوا معايا في الجملة دي

خالد أبوسعده
01-15-2009, 10:33 PM
بص يا خالد انا بالنسبة ليا في مواضيع مش بتعجبني فمبحبش صراحة ازعل حد مني


و موضوعك جميل بجد
لابد ان يناقش


يا سلمى بس فكرة طرح الموضوع للنقاش
هو اما النقد او التأييد او اضافة المعلومه

عنى من واجبك انك لو لقيتى موضوع بيتكلم غلط
انك تنقديه
هو دا اساس النقاش


و على العموم شكرا علي مرورك

خالد أبوسعده
01-15-2009, 10:36 PM
لا اسمحلي اختلف معاك في دي ... وادافع عن اعضاء كتيرة في المنتدي ليهم دور بارز وفعال وده طبعا مع احترامي وتقديري لميرامار وجودي هما فعلا اعضاء مميزين جدا وليها مواضيع ومشاركات متميزة للغاية .. لكن هناك اعضاء آخرون اكثر من رائعين ولهم كل الاحترام والتقدير وهما فعلا ليهم دور بارز في نجاح المنتدي ...

المنتدي لا يتوقف علي اشخاص بل يتوقف علي مجموعة

واعتقد ان ميرا وجودي يتفقوا معايا في الجملة دي


انا مش قصدى حاجة يا حسن

مع احترامى لكل اعضاء المنتدى

بس ميرا و جودى اكتر اتنين فى المنتدى بيردوا علي كل المواضيع

و تواجدهم بيكون بصفه دائمة علي المنتدى

سلمي جمال
01-15-2009, 10:38 PM
انا بتكلم مش ان الموضوع في غلط
اكيد لو فيه غلط حقول
انا بتكلم علي وجود مواضيع ليس لها قيمة او هدف

Youssef Mostafa
01-16-2009, 12:37 AM
موضوع حلو ياخالد بس على فكرة مع احترامى الشديد مش حتقدر تجبر حد على انه يرد على الموضوع... والمسالة مش متعلقة بسمعة صاحب الموضوع او هو نفسه مين؟؟ لان احنا هنا البعض منا ميعرفش التانى ومع ذلك فى رد وحوارات بتحصل يعنى
وتانى حاجة الناس اللى بتشارك كتير فى قسم اللعب 3/4 منهم فرقة اولى وعشان دكة مش حتلاقيهم دلؤتى وانا منهم طبعا وكمان فى ناس كتير من قسم اللعب كانوعاملين مواضيع فى اقسام تانية زى نهلة وميرو بس هى المشكلة لو حصرتها حتلاقيها فى ايام الامتحانات بس وان شاء الله بعد الامتحانات حتلاقى تجاوب اكتر وبالنسبة للناس اللى بتبقى متواجدة اكتر وقت بيبقى نصهم متخرجين مش قصدى انهم فاضيين ولا حاجة بس دول بيبقوا مقسمين وقتهم بين العمل وبين الاشياء التانية وبحييك مرة تانية على الموضوع وبكلمك من كل قلبى

Mahro
01-16-2009, 12:49 AM
موضوع جميل يا خالد

بس زى ماقالك حسن ان فى المواضيع العلميه مفيش مجال خاصة انى ممكن ادخل الموضوع وملاقيش فيه جديد بالنسبه ليا بس الفضول انى احب اشوف الشخص ده بيفكر ازاى او حب يضيف ايه وانا واحد من الناس بيكون سبب دخولى يوميا هو الأطلاع على الجديد فى المجال من باب العلم بالشىء
وطبعا اشارك زمايلى فى المواضيع العلميه وبعدين اقولك على حاجه انا عن نفسى بيكفينى عدد المشاهدات .....
وطبعاً بحترم الشخص الى بيحط رد وبكون مطالب بمسؤليه انى مقصرش فى المواضيع الى هو بيحبها ...

ويارب تكون فهمتنى يا خالد.. خاصة انك من الناس الى شوفت لها حاجات قيمه بجد...

احمد عبد الحليم
01-16-2009, 01:36 AM
والله موضوع لازم كلنا نحييك عليه يا خالد
ولو تحب تسمع وجهة نظري طبعا في اي منتدى لازم تلاقي مواضيع هادفة ومواضيع
مش هانقول تافهة بس قليلة القيمة والمشكلة ان ممكن حد يكون صاحبك او
تعرفه هوة اللي منزل الموضوع دة فبتبقي محرجة شويه وساعات تضطر ترد رد مجاملة
دة اللي انا بتعرضله بس في العادى لو موضوع ما لفتش نظري
عمري نا برد عليه لو مين اللي منزله حتى لو انا....

Mimi
01-16-2009, 02:22 AM
بصراحة موضوعك جميل جدآ ياخالد واسمحلي أقول وجهة نظري فيه

كلنا بنهتم بخانة الردود وعددها وبنقيس قيمة الموضوع على حسب الردود والمشاركات

بس لو فعلآ عايز تعرف قيمة الموضوع اللي عملته خلي عينك تروح على عدد المشاهدات مش عدد الردود

دي اللي هتبينلك كل اللي قرأ الموضوع سواء قرأه ومعجبوش .. أو قرأه وعجبه ولكن اكتفى بقرائته ... أو قرأه وشاركك فيه

وكل واحد ليه نوع مواضيع معينة بيحب يتابعها ..في ناس مثلا مش بتحب القسم الانجليزي ..انا مثلا مش بحب مواضيع الشعر والادب ..ناس مقلة في الاسلامي

ولذلك كل واحد ليه اتجاهاته ..أهم حاجة انك تسيب بصمة ليك بدون انتظار المقابل وانا معاك ان دي حاجة تشجيعية طبعآ ..بس لو عودنا نفسنا نبص على المشاهدات وليس المشاركات هننبسط ونتشجع اكتر

دي وجهة نظري وشكرآ ليك جزيل الشكر على مدحك فيا ومدحك في ميرا بس حقيقي في اعضاء كتير متميزين جدآ وبكره يثبتو وجودهم بعد الامتحانات

شكرا ليك ياجميل واتمنى كلنا نوصل لنقطة متفقين عليها من خلال موضوعك المهم دا

Youssef Mostafa
01-16-2009, 02:43 AM
ياجماعة مش عايزين نختلف مع بعض وطبعا دى مجرد اراء ووجهات نظر واحنا اخوات عادى

ميرا مار
01-16-2009, 06:59 PM
شكرا يا خالد على رايك الجميل فيا انا وجودى
وعلى فكرة يا جماعة ..
انتو مش فاهمين خالد .. هو كان بيرد عليا ..فكان بيدى اسمين على سبيل المثال لا الحصر
لكن طبعا من ردوده على موضوعات كتيرة هتلاقيه بيشكر فى ناس تانية كتير

الفرق الوحيد بس اننا من بداية المنتدى واحنا معاه فمشاركاتنا واضحة لكن فى اعضاء جديدة
الحقيقة انا معجبة جدا بيهم .. بيحاولو يحطوا موضوعات وقضايا ومعلومات جمييييييييلة قوى..
والموضوع محتاج وقت بس
ويارب تعدى الامتحانات على خير.. ربنا معاكم..
شكرا خالد مرة تانية على الموضوع البناء دة

خالد أبوسعده
01-16-2009, 09:08 PM
يا جماعة الصراحة اراء جميله جدا
و كلها صح و معاكم حق فيها

بس يا جماعة الكلمة الطيبة صدقة

يعنى فى ناس بتتعب جدا علي ما تطلع الموضوع زى ما احنا بنشوفه
و هم مش منتظرين اى عائد

بس الرد علي الموضوع بيفيد انه بيحس بقيمة الى عمله

و فى حاجة كمان معرفش اذا كنتم حتأيدونى فيها ولا لا

الموضوع لما محدش بيرد عليه بينزل تحت فى الموضوعات
يعنى لو يومين و محدش رد عليه الموضوع بيتووووووه
و بعدين بيدخل فى صفحة تانية و كده بيبقى مات
و لو حد مدخلش علشان مشغول او حاجة او زى الى احنا فيه دا علي الامتحانات
الموضوع بيكون تقريبا راح
و محدش بيقراه بعد مده
الردود بس هى الى بترفع الموضوع للاول تانى
كأنه بيتجدد
و دى فايدة تانية للردود
و مبتجيش من المشاهدات


و حاجة كمان
المنتدى معظمة طلبه
و الاقسام العلميه فيه حتفيدهم جدا

يعنى مثلا المحاضرات الي كان بينزلها اسلام
و الى الدفعات التانية مش لاقيه حد ينزل زيه مده
2-3 بيرده عليه و بيقولولوا شكرا
ز الباقى بيعمل كوبى و يطلع
بينى و بينكم انا لو مكانه حزعل


دى وجهة نظرى يا جماعة و بفول تانى ان الكلمة الطيبه صدقة

Mimi
01-16-2009, 09:36 PM
وجهة نظر سليمة جدآ ووصلت ياخالد

دكتور / السيد الزغبى
01-17-2009, 01:48 AM
ارجو المشاركة الجادة من الجميع

خالد أبوسعده
01-17-2009, 07:04 PM
ارجو المشاركة الجادة من الجميع


شكرا ليك يا دكتور سيد على مشاركتك معانا الموضوع

spring sun
01-28-2009, 12:54 PM
لما يكون الموضوع طويل

ومش من اهتماماتي

اما لو طويل وعجبني بقراه وعلق عله

white_heart
01-28-2009, 03:22 PM
لو الموضوع مش منسق


او الكلام بخط صغير او لون بيوجع العين



ولو العنوان مشدنيش


كل دى حاجات مش بتخلينى اشارك فى المواضيع



وغير كدة مش دايما بدخل


او الوقت اللى بدخلة صغير اوى ومش كل يوم



فببقى عاوزة ارد فى المواضيع اللى انا متابعاها الاول


وبعدين الردرد على مواضيعى وبعدين اشوف الجديد




دة لو بقى فية وقت اصلا

خالد أبوسعده
02-13-2009, 03:08 AM
شكرا يا مى انت و اميره علي مشاركتكم الجميله دى

mohamed-gohar
02-13-2009, 03:00 PM
الله ينور عليك يا خالد

Wild_Angel
02-13-2009, 03:32 PM
اهم شئ ان يكون النقد بناء
موضوع جيد جدا وخاصة ان احيانا عدم الشكر بيجعل صاحب الموضوع ميحاولش يكتب مواضيع تانى
المنتدى ليس له راتب ولكن الراتب الوحيد بيكون كلمة الشكرا لاى موضوع
من الجيد ان نطرح المشكله ولكن لابد من العمل على حلها
وحلها يبدأ من كل عضو
و المتعارف عليه ان اى موضوع والحمد لله بيكون اى حد تعبان فيه بيكون ذو قيمه حقيقيه
فالانسان لابد ان لا يبخل على نفسه بالمعلومه ولابد الا يبخل على غيره بالشكر او بالدعاء حتى فى ظهر الغيب

فالكلمه الطيبه صدقه واكيد ثوابها كبير

eslam mamdouh
02-13-2009, 03:45 PM
شكرا جدا على موضوعك يا خالد


احيان مش برد على الموضوع لما يكون بلا هدف او قيمه


وللاسف فى مواضيع كتير ليس لها هدف او قيمه



اما بالنسبه للاقسام العلميه

فانا عمرى ما زعلت ان فى حد من الاعضاء مردش على موضوع علمى


فى البدايه كنت اتمنى ان ينجح المنتدى كمنتدى علمى,. ولكن بعد ذلك وجدت انه نجح نجاح كبير كمنتدى اجتماعى وثقافى


اما بالنسبه لكلمه شكر على المواضيع فالهدف الحقيقى مش كلمه شكر

الهدف هو النقاش البناء سواء فى المواضيع العاهم او العلميه

اما الشكر على المواضيع العلميه ... بالحمد لله اللى بشكر المواضيع العلميه والمجهود فى المنتدى العلمى ناس افاضل جدا وتشجيعهم عالى جدا على رئسهم الدكتور السيد الزغبى والاستاذ محمد سعد والاستاذ محمد كامل والكتور محمد ابراهيم شرف

اظن انا مش محتاج شكر من حد بعد الاشخاص الافاضل اللى انا ذكرتهم


الفكره مش شكر يا زميلى العزيز حسن

الفكره تفاعل مع الموضوع ومناقشه


وعمر ما حد بيكتب فى المنتدى العملى ومستنى كلمه شكر من حد

لانه بيكون عالم مدى اجره عند ربنا وعالم اهميه الكلام ده لكل طالب علم يرى مستقبله المشرق ويتمنى الرفعه والتقدم


وله طموح يريد الوصول به الى اعلى الدرجات ويعرف جيدا كيفيه الوصول بطموحه لاعلى الدرجات


الف شكر ليك يا خالد على موضوعك الجميل ده

Marwa Mahmoud
03-07-2009, 12:16 AM
شكرا ليك يا خالد بجد ده موضوع مهم جدااااااااااااا

ودى من الظواهر السلبية اللى بشوفها حاليا

لو جينا نشوف متوسط عدد المشاهدات

والمشركات مفيش مقارنة فرق كبير

أرجو من الجميع المشاركة البنائة فى المواضيع

سدأونى ممكن نستفيد من المشركتك

أكتر من الموضوع نفسة .

وياريت تكون المواضيع ليها هدف وجزابة

عشان يقدر العضو يرد ويشارك فيها .

وشكرا

خالد أبوسعده
03-14-2009, 02:43 AM
شكرا يا اسلام و يا ويلد و يا مرمر
الموضوع فعلا مش مجرد كلمه شكر
دا تفاعل

و دا الى محتاجينه
علشان المنتدى يتطرو و يكبر اكتر

Mohamed Hashem
04-30-2009, 10:31 PM
زملائى المشرفين والأعضاء .. أحب أضيف رأيى الحر المستقل المتواضع
أخذ المنتدى صبغة إجتماعية أكثر منه علميه وأعتقد إنه منتدى رابطة خريجى المساحة يعنى المفروض انه يكون بالاساس علمى نتبادل جواه الخبرات والافكار العلمية والمناقشات .. سأضرب لك مثال ... كتير مننا يخجل يسأل سؤال إنه مش فاهم معنى كلمة كذا وخصوصا على الملأ ولكن على صفحات المنتدى ممكن يسأل هذا السؤال لأن محدش عارف صاحب السؤال مين (أغلب الأعضاء يستخدمون نيك نيم وإسمه الحقيقى وبياناته غير معروفه )
إذن المنتدى فرصة ذهبية للناس تسأل وتعرف وتتناقش ..... بجانب كل ده عندما يجد العضو أركان أجتماعية ترفيهية رياضية ... فدا شئ جميل لكن فى الاساس إحنا مساحين .... ماتزعلوش لو قلت ليكو انى مشترك فى منتدى تانى للمهندسين .... نصف الكلام فى المنتدى علمى بحت
اما لعدم وجود ردرود فى القسم العلمى وزعل الكاتب .... فدا غير صحيح ... وإنتو يا مشرفين نفسكم قلتم كثيرا ... خلى عملك لوجه الله ... كى تفوز بالثواب إذن لم الأحباط إن لم يرد عليك أحد ؟ هل منتظر شكرا من العضو أم ثواب من الله ؟ وأنا شخصيا أحب الرد يكون مثل : مفهمتش إشرح تانى بشكل أبسط ... أو عندك تانى عن الموضوع الفلانى ؟ أو ممكن حد يفهمنى يعنى ايه كذا .. أو حد يطلب ترجمه لمقالة ولا كتاب علشان الانجليزى صعب عليه... دى الردود اللى بتنشط مخى أنا قبل المنتدى وأنا لو مخى إشتغل حأكتب تانى والمنتدى بالتالى يشتغل ... ولو حدث ذلك مع باقى الأعضاء حتلاقى المنتدى ... "مولع معلومات ونشاط " بجد أنا مش باهزر
أعتقد محتاجين تنشيط القسم العلمى ودا دور المشرفين والمراقبين والأعضاء .... حاول كمشرف - حتى لو كنت لسه طالب - تدخل "وتسخن" الموضوع .. رد مثلا على صاحب الموضوع وقول له مش فاهم ... حيرد عليك وهكذا ...
ونصيحة للمشرفين والمراقبين والأعضاء أيضا (بدون زعل)
لاحظت أنه لما تكتب موضوع - وكل مواضيعكم هايلة - بتلاقى ردود إستحسان من الأعضاء والمشرفين الآخرين ... أجد صاحب الموضوع دخل ورد على واحد واحد بالإسم ... ممكن ترد بعد عدة تعليقات برد واحد مجمع وتقول إلى فلان وفلان وفلان أشكركم على التعليق .. وبكده ممكن نقلل من عدد المشاركات التى تجعل عدد صفحات الموضوع كبير جدا وهو فى الحقيقة مقالة واحده فقط
وأخيرا لكم منى الشكر والتقدير وتمنياتى بالتوفيق

alaa eid
05-01-2009, 12:49 AM
موضوع جمييييييييييل جدا
تسلم ايدك

usama mohammed
05-01-2009, 01:07 AM
موضوع في الصميم

Soma
05-03-2009, 06:35 PM
موضوعك جميل جدا
وانا مع حسن فى رده كنت حاقول برضه نفس الاجابات
وشكرا جداااااااا ليك

خالد أبوسعده
10-27-2009, 02:06 PM
بشكركم جدا على مروركم الجميل دا و فعلا كلها وجهات نظر تحترم

المهم رفعه شان المنتدى

Ma7amed Adel
10-27-2009, 02:25 PM
موضوع جميل جدا يا خالد وموضوع مهم لكل الاعضاء جزاك الله خيرا

امانىb
10-29-2009, 11:59 AM
موضوع هايل ياخالد
جزاك الله كل خير
وطبعا لازم نقول راينا فى الموضوع اللى نقراه ونبقى ايجابيين
لكن لو الموضوع تافه او مش فاهماه اكيد مش هرد عليه
تسلم ايدك ياخالد
جزاك الله كل خير

زهرة
10-29-2009, 02:14 PM
فعلا يا خالد انت ليك حق تزعل على الاقسام الثقافيه والأعضاء اللى بتتعب فى جلب المعلومات فيها هيا فعلا مسأله مؤسفه
ياريت كلنا نراعى دا ونحاول ننشط الاقسام الثقافيه اكثر من كدا لأنها تستاهل الاهتمام انا معاك يا خالد

خالد أبوسعده
10-29-2009, 09:55 PM
انا بشكركم جميعا على تفاعلكم

جزاكم الله كل خير