المساعد الشخصي الرقمي

مشاهدة النسخة كاملة : هل تفتكر؟



سلمي جمال
01-16-2009, 12:59 PM
هل تفتكر انت كنت فين و بتعمل اية في وقت حدوث هذه الحوادث؟؟؟؟

دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

وفاه الشيخ الشعراوي؟

زلزال 1992؟

وفاه ديانا و دودي؟

سقوط مبنى التجارة العالمي؟

وفاة سعاد حسني؟

السيول التي اغرقت مناطق كثير في الاسكندارية 1997؟

ظهور السلعوا في الاسكندارية؟

Mimi
01-16-2009, 02:03 PM
هل تفتكر انت كنت فين و بتعمل اية في وقت حدوث هذه الحوادث؟؟؟؟

مواضيعك حلوة اوي بجد ياسلمى وبتحمسنا كلنا للمشاركة

دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

وفاه الشيخ الشعراوي؟

اتعودنا زمان نشغل دروس الشيخ محمد الشعرواي الله يرحمه في شهر رمضان ولما مات حسيت بافتقاده جدآ رغم اني عمري ما فهمت كلامه بس مفتكرش اني عيطت لكن اتأثرت

زلزال 1992؟

كان عندي فكرة عن الزلزال دا لكن مكنتش عايشة في مصر بس كنت بشوف حالة القلق اللي في البيت من خوفهم على اهلنا

وفاه ديانا و دودي؟

فاكراها جدآ وعيطت عليها اوي اوي بجد ومن شدة تأثري انا وأخويا كنا بنمثلهم وبنركب الدفاية على انها العربية ونقع بيها ونموت بس انا بموت الاول وبعدين اخويا ( دودي ) يحط حوليا الورد ويزعل عليا وبعدين يموت جنبي

سقوط مبنى التجارة العالمي؟

كنت بتفرج عليه مباشرة الساعه 5 ونص طبعآ ملحقناش الضربة الاولى لكن شفت الضربة التانية وقت ما حصلت وكأني عشت حالة الهلع في أمريكا وطبعآ كلنا عارفين قد ايه كان موقفنا حرج من العالم بسبب اللي حصل

وفاة سعاد حسني؟

كنت متابعة سلسلة التحقيقات في وفاتها الغامضة بس بصراحة متأثرتش لكن مامتي اللي كانت بتبكي عليها كأنها أختها

السيول التي اغرقت مناطق كثير في الاسكندارية 1997؟

معنديش فكرة بصراحة ياسولي وبالتالي مش عارفه كنت فين

ظهور السلعوا في الاسكندارية؟

دي بردو معنديش فكرة عنها آسفة

في أحداث تانية حضرتها في طفولتي زي الهجوم الكيماوي اللي كانت بتهدد بيه العراق 2001 وحرب عاصفة الصحراء 1990 ودي متذكراها جدآ بس هيا مش في نطاق الموضوع

بجد شكرا ياسلمى موضوع جميل فعلآ ياريت اشوف مشاركتك فيه باسرع وقت

ميرا مار
01-16-2009, 02:27 PM
موضوع جميل يا سلمى وجديد..
بس اعذرينى حبيبتى
بجد واللله انا مافاكرة كنت فين خالص ولا باعمل ايه...

لكن كنت فاكرة كويس وفاه سعاد حسنى لانى بامووت فيها الله يرحمها ويغفر لها..
ماكنتش عايزة اصدق..
وكنت باقول يارب تطلع اشاعة.. ورفضت اشوف اى خبر لمدة سنة
لغاية وقت الذكرى السنوية.. الله يرحمها

شكرا سلمى

mr.lonly
01-16-2009, 03:14 PM
سلمى اسمحيلي


--------------------------------------------------------------------------------

انا بتكلم مش ان الموضوع في غلط
اكيد لو فيه غلط حقول
انا بتكلم علي وجود مواضيع ليس لها قيمة او هدف

--------------------------------------------------------------------------------
دة ردك علي موضوع مالذي يجعلك لاترد علي مواضيع غيرك

اسمحيلي بقي اسألك سؤال صغنون اوى
ايه قيمة او هدف موضوعك دة ...؟!!!!!!

سلمي جمال
01-16-2009, 03:43 PM
شكرا اوي يا جودي
بجد اتبسط اوي من ردك علي الموضوع

سلمي جمال
01-16-2009, 03:44 PM
مرسي اوي يا ميرا
بس معقول مش فكرة غير حدث سعاد حسني

سلمي جمال
01-16-2009, 03:48 PM
سلمى اسمحيلي


--------------------------------------------------------------------------------

انا بتكلم مش ان الموضوع في غلط
اكيد لو فيه غلط حقول
انا بتكلم علي وجود مواضيع ليس لها قيمة او هدف

--------------------------------------------------------------------------------
دة ردك علي موضوع مالذي يجعلك لاترد علي مواضيع غيرك

اسمحيلي بقي اسألك سؤال صغنون اوى
ايه قيمة او هدف موضوعك دة ...؟!!!!!!


شكرا اوي يا مستر لونلي
بس الهدف من الموضوع دة ان احنا نتكلم عن نفسنا لان في ناس كتير اوي احنا مش عارفنهم خالص
زي حضرتك انا صراحة مش عارفة في كلية اية
في سنة كام
و كمان من ردود افعال الناس بتبين جزء من الشخصية وقت وقوع الحدث
فهو دة الهدف من الموضوع
و انا مش طلبة من كل واحد يرد علي الموضوع كفاية بس انه قراء فلو حابب الموضوع حيرد و الي مش عجبة هو حر
دة موضوع عام لمن يرغب الرد اهلا وسهلا و الي مش عايز بردو اهلا وسهلا
و شكرا اوي

Mimi
01-16-2009, 03:52 PM
بصراحة يامستر لونلي انا بعتبر ان زي ما في مواضيع علمية ومواضيع ثقافية هادفة ومواضيع مسلية وفرفشة بردو في مواضيع تمثل الجانب الشخصي عشان نعرف اتجاهات كل واحد فينا الشخصية

والمواضيع دي بتيجي على نوعين ..يااما بنطرح قضية والكل بيقول وجهة نظره الشخصية فيها ودا اللي بيحصل في قسم الحوارات

والنوع التاني بتكون عبارة عن طرح اسئلة شخصية لكل واحد\ فينا عشان يعبر شوية عن الجانب الشخصي ليه ودا مش غلط

دا جزء من التنوع اللي بيتسم بيه المنتدى وهو دا المطلوب عشان نكسر حاجز الملل والروتين لو مشينا في اتجاه واحد

أرجو ان تتقبل وجهة نظري بصدر رحب

mr.lonly
01-16-2009, 05:53 PM
سلمي انتى فاكرة انك لما هاتعرفي رد فعلي كدة هاتعرفينى
انا مختلف معاكي في النقطة دى
وهايفيد باءيه رد فعل وقت حدث من زماااااااان

ومعنى كلامك ان موضوعك موجود واللي مش عاجبه يخبط راسه في الحيط
شكرا ليكي جدا

Youssef Mostafa
01-16-2009, 06:29 PM
ياجماعة اللى بيحدد قيمة الموضوع مش عضو زميل لا دى ادارة المنتدى هى المسئولة عن الكلام دة لكن لو واحد مش عاجبه الموضوع ميردش وموضوع حلو ياسلمى بس انا كنت صغير اوى وقت الاحداث دى

سلمي جمال
01-16-2009, 07:02 PM
بجد يا جودي كلامك بيعجبني اوي و بتعرفي توصلي الفكرة كويس
شكرا اوي

Youssef Mostafa
01-16-2009, 07:08 PM
ايه ياجودى بالراحة شوية عادى دة الراجل كان يقول رايه وخلاص يعنى مشيها انتو مفتريين اوى

سلمي جمال
01-16-2009, 07:09 PM
مستر لونلي
الاختلاف في الرأي لا يفسد في الود قضية
و انا معتبرة دة ردك علي الموضوع


اما بالنسبة لموضوع الي مش عجبة يضرب راسة في الحيط
دة كلامك انت
انا مقلتش كدة
انا بقول اهلا وسهلا
مش حجبر حد ير يعني
و شكرا اوي علي مشاركتك

سلمي جمال
01-16-2009, 07:10 PM
مرسي اوي يا يوسف علي ردك
بس مش معقول كل الاحداث كنت فيها صغنن
دة موضوع السلعوة كان من حوالي 7 سنين

Youssef Mostafa
01-16-2009, 07:13 PM
اه دى ممكن اكون فاكرها حتى انت صورتها حلوة اوى كنت بحب اتفرج عليها كل يو

م/ احمد فاخر
01-16-2009, 07:24 PM
اولا ياسلمى انا بشكريك على الموضوع
بس اسمحيلى انا مش هرد على الاسئلة

بس عايز اقول لكل الاعضاء ايه الهدف من الموضوعات دى

1- كل عضو بيدخل المنتدى بيكون ليه هدف
اللى عايز يستفاد علميا واللى عايز يحصل على دروس مشروحه
واللى عايز يكتب اشعار واللى عايز يضحك واللى عايز يتعرف على ناس جديدة

2- والمفروض ان ده الهدف من المنتدى ان يرضى جميع الاطراف
والاعمار والدليل
3- ان المنتدى به اعضء من داخل وخارج اسكندريه ومن اعمار مختلفة
وعلى رأسهم دكاترة اعزاء نعتز بهم
4- الرد على المواضيع عبارة عن وحهة نظر لا اكتر ولا اقل
5- احنا هنا كلنا عشان نتعرف ونبقى اصحاب ونفيد ونستفيد مش عشان
نتحدى بعض او نضايق بعض او غيره

اتمنى تكون وجهة نظرى مفهومة
واتمنى يكون مرورى مقبول

سلمي جمال
01-16-2009, 07:28 PM
شكرا اوييييييييييي يا بشمهندس احمد
و رأيك علي راسي
و كلامك كلة صح

Mimi
01-16-2009, 08:05 PM
ايه ياجودى بالراحة شوية عادى دة الراجل كان يقول رايه وخلاص يعنى مشيها انتو مفتريين اوى


وربنا ما ضربته:(

سلمي جمال
01-16-2009, 08:08 PM
هههههههههههههههههههههههه
و حد جاة جمبة يا يوسف
انت الي مفتري

spring sun
01-16-2009, 08:30 PM
هل تفتكر انت كنت فين و بتعمل اية في وقت حدوث هذه الحوادث؟؟؟؟

دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

وفاه الشيخ الشعراوي؟
كنت في ابتدائي وعمري ما هنسه اليوم ده ماما كانت زعلانه قوي وكمان لما قالوا افتحواالمصحف هتلاقوا شعر الشيخ فيه والكل قعد يشوف ويفتح في الصاحف
زلزال 1992؟
كنت صغيره قوي وكنا في شقتنا القديمه في المندره مكنتش فاهمه في ايه بس كان الكل بيتجمع عند عمتي ويوف الاخبار والكل كان مرعوب
وفاه ديانا و دودي؟

بردو كنت صغيره ومكنتش فاهمه بس كنت بسمع بابا وماما وهما بيقولوا دي مترتبه ولما كبرت فهمت

سقوط مبنى التجارة العالمي؟

طبعا فاكراه وعمري ما هني اليوم ده وكنت علي طول مشغله الجزيره ووقتها اعجبت اوي ببن لادن

وفاة سعاد حسني؟

اه كنت في البيتع واتفجعت قوي من موتها بجد
السيول التي اغرقت مناطق كثير في الاسكندارية 1997؟
لا دي معرفهاش ياريت تقوليلي انتي يا سلمي عليها
ظهور السلعوا في الاسكندارية؟


اه طبعا ومكنتش بنزل من البيت الا واسامه معايا وكان بيقعد يخوفني واحنا رايحين المدرسه


الله عليكييا سلمي بجد فكرتيني بحاجات كتيره الواحد كان ناسيها ياريت كده علي طول تجيبلنا المواضيع الحلوه دي

سلمي جمال
01-16-2009, 08:35 PM
ربنا يخليكي يا اميرة
بس انتي مش فكرة موضوع السيول
كنا في سنة رابعة
وقت الامتحانات كانت في مطرة جامدة اوي
و انا افتكر ان كبري سموحة غرق و كانت فية سيارة و الراجل مش عارف يعمل اية

بس بجد شكرا علي ردك و اكتر حاجة عجبتني لما اسامة كان بيخوفك
ههههههههههههههههههههههههههههههههههه

Mimi
01-16-2009, 08:45 PM
ياسلمى مش هتشاركي ليييه معانا

يلا قولي اذا فاكرة المواقف دي كلها

محمود ابوالمجد
01-16-2009, 10:25 PM
مستر لونلي مع احترامي الشديد ليك يعني انا شايف انك داخل حامي شوية يعني في مقابل عدد مشاركاتك بس هقلك حاجة احنا هنا اسرة عايز تدخلها تلتزم بكل شروطها اهلا بيك مش هتلتزم انصحك متدخلش المنتدي تاني يا اما بقي متعلقش وخليك بعدد مشاركتاك ده
عايز تنقض احنا هنا بننقض بس بشكل ميجرح الي قدامك ويعني متجيش انت يا عضو يا جديد وتعدل علي واحد سوبر استار ماشي ده قسم اسمه عام لما تلاقي ده في علمي ولا حاجة كلامك يبقي كويس ولو شايف القسم ميلقش بتشريف معاليك تقدر تروح وتدخل اي قسم تاني وفكك من الاقسام الي ملهاش هدف دي
اتمني مكنش ازعجتك يا مستر لونلي واهلا بيك في المنتدي بشروط المنتدي كاسرة واحدة

witch evil
01-17-2009, 12:22 AM
هل تفتكر انت كنت فين و بتعمل اية في وقت حدوث هذه الحوادث؟؟؟؟

دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

وفاه الشيخ الشعراوي؟


لا طبعا مش فاكره
ده من زمان اوى


زلزال 1992؟


انا كان عندى سنتين فاكيد كنت على ايد ماما فى حته
ماما بتقول ان واحنا صغيرين حصل زلزال بس مش عارفه هو ده ولا لاء ويومها كنا عند نانا

وفاه ديانا و دودي؟


كنت قاعده قدام التليفزيون وبتفرج على الجنازه وبعيط معرفش ليه كنت متاثره اوى مع انى اول مره اشفها وكنت صغيره
كمان ماما جت قفلت التليفزيون عشان كنا بنلبس وريحين لنانا

سقوط مبنى التجارة العالمي؟


مش فاكره اوى بس كل اللى فكراه شكل البرج والطياره
يومها قالوا ان حتحصل حرب فى مصر وكنت خايفه اوى وحسه اننا حنموت خلاص

وفاة سعاد حسني؟



اكتر حدث زعلنى فى حياتى كنت جايه من درس تقريبا وجايبه الجرنال ولقيت فيه الخبر واول مجيت البيت ماما عيط عليها
وانا كنت زعلانه اووووووووووووووووى
ومن يومها لحد دلوقتى نفسى اعرف السر ورى موتها
تقريبا كنت فى ثانوى


السيول التي اغرقت مناطق كثير في الاسكندارية 1997؟


كل اللى فكراه لانى كنت 7 سنين
اننا كنا معدين من عند المندره والمعموره بالعربيه من على البحر ونصف العربيه جوه الميه
كنت بتفرج ع الميه من الشباك وفرحانه
يومها قالوا ان الميه اكلت نصف الطريق


ظهور السلعوا في الاسكندارية؟


ههههههههههههههههههههههههههههه
كنت على طول مرعوبه
ومتخيله السلعوه وحش كبيررررررررررر حيجى فى اى وقت وياكل البيت كله
وكنت بمشى مرعوبه من اى حيوان
لدرجت ان ماما كانت بتحاول تفهمنا ان السلعوه مش موجوده فى مصر عشان حالت الرعب اللى كنا فيها


ايه يا سمسمه الفكره حلوه اوووووووووووووى
وبتنشط الذاكره
بس الاحداث كلها بعيده اوى
راعوا يا جماعه اننا صغيرين
ده فاضل تقولى كنتى فين لما الملك فاروق ساب مصر
ههههههههههههههههه

سلمي جمال
01-17-2009, 12:27 AM
بجد غير طبعا شكري ليك يا حورية علي ردك
انا مش عارفة اسكت من كتر الضحك
بجد شكرا اوي

سلمي جمال
01-17-2009, 12:28 AM
و اوعدك يا جودي باشا اني ان شاء الله حرد علي الاسئلة في اقرب وقت

witch evil
01-17-2009, 12:32 AM
ههههههههههههههههههههههه
بتضحكى على ايه يا سلمى

هو انا كنت بوزع النكت

سلمي جمال
01-17-2009, 01:22 AM
طب انتي بتضحكي علي اية

انا بضحك علي
1 ) لما عيطي علي ديانا
2 ) حكاية الحرب علي مصر
3) الملك فروق

Hassan Mohamed
01-17-2009, 01:32 AM
هل تفتكر انت كنت فين و بتعمل اية في وقت حدوث هذه الحوادث؟؟؟؟

دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

وفاه الشيخ الشعراوي؟

زلزال 1992؟

وفاه ديانا و دودي؟

سقوط مبنى التجارة العالمي؟

وفاة سعاد حسني؟

السيول التي اغرقت مناطق كثير في الاسكندارية 1997؟

ظهور السلعوا في الاسكندارية؟


في الحقيقة يا سلمي انا مش فاكر ولا تاريخ ولا فاكر ولا حاجة من دي يمكن موضوع السلعو ده كانو بيقولولنا اوعكم تفتحوا الباب لاي حد يخبط غير لما تقول مييييين لو مردش يبقا سلعو
:eek::eek::eek:

سلمي جمال
01-17-2009, 01:34 AM
شكرا يا حسن علي المشاركة

خالد أبوسعده
01-17-2009, 07:19 PM
هل تفتكر انت كنت فين و بتعمل اية في وقت حدوث هذه الحوادث؟؟؟؟

موضوع جميل اوى يا سلمى و الله
دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

وفاه الشيخ الشعراوي؟
طبعا انا زعلت عليه جدا لانى بجد كنت بحب الراجل دا جدا
زلزال 1992؟
دا بقى مش فاكرة خالص
وفاه ديانا و دودي؟
ولا دا كمان
سقوط مبنى التجارة العالمي؟
دا بقى انا فاكرة كويس اوى لانى شوفته لايف
و فرحت فيهم اوى الصراحه بس زعلت بعد كده علي الناس الى ماتوا
وفاة سعاد حسني؟
متأثرتش اوى بالموضوع دا لان مش عارفين منتحرة ولا جريمه
السيول التي اغرقت مناطق كثير في الاسكندارية 1997؟
ولا افتكرها
ظهور السلعوا في الاسكندارية؟
فاكرها كويس اوى اوى
لان ساعتها كانوا اهالينا بيخافوا ننزل الشارع
و افتكر ان واحد جارنا خربشته قطة
عملوا فرح فى الشارع فكروها سلعوة
و مردوش ينزلونا




موضوع جميل اوى يا سلمى
بيفكرنا بالذى مضى

سلمي جمال
01-17-2009, 07:57 PM
مرسي اوي يا خالد علي ردك علي الموضوع

The[H]KinG
01-17-2009, 10:21 PM
على فكرة انا من النووووووووع اللى مش بينسى وبفتكر كل حااااااااجة وكمان بحب اسمع الحاجات اللى مشفتهااااااااااااااش
بس موضوع هااااااايل






هل تفتكر انت كنت فين و بتعمل اية في وقت حدوث هذه الحوادث؟؟؟؟


ايه الموضوع الجااااااااااااااامد ده



دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

وفاه الشيخ الشعراوي؟
كنت فى الشارع بلعب كوووووووورة ولقيت واااحدة طالعة بتصوت من البلكونة(بتصوت يعنى: يا لهو و ويك ويك)
زلزال 1992؟
كنت لسه عيل صغير وأمى الله يرحمها سابتنى ونزلت تجرى وكانت عامله نفسها ناسياانى
هههههههههههههههههههه
وفاه ديانا و دودي؟
نعم مش فاااااااااااااااااهم حااااااااجة
سقوط مبنى التجارة العالمي؟
كنت فى البحر مع العيلة
وفاة سعاد حسني؟
كنت ناااااااااااااايم وبعدين وانا مااااااااالى اصحى من النوم عشان واحدة انتحرت
السيول التي اغرقت مناطق كثير في الاسكندارية 1997؟
ما سمعنش عنها أو مفتكرهاااااااااش
ظهور السلعوا في الاسكندارية؟
على فكرة أنا شوفت واحدة مع ولاد عمتى فى أمبروزو و كانوا الناس معلقينها وبيعذبوهاااااااااا





شكرا على الموضوع الجاااااااااااااامد ده فكرنى بحاااااااااااجااااااات كتير حلوة

سلمي جمال
01-17-2009, 11:44 PM
يا كينج بجد مبسوطة اوي بمشاركتك
و ردك موتني من الضحك
انت مشكلة علي فكرة
ههههههههههههههههههههههه

شكرا اوي علي الرد

سلمي جمال
01-18-2009, 12:21 AM
وفاه الشيخ الشعراوي؟
كنت بتفرج علي حلقاته في رمضان و لكن عند سماع وفاته لم اتاثر لاني كنت صغيرة و لكن خالتي حزنت علية كثيرا
زلزال 1992؟
كنت انا و ماما و اختي عند جدتي و عند حدوث الزلزال و رأينا الناس تجري في الشارع ماما حطتني انا و اختي تحت السفرة و كنت مش فهمة لية
وفاه ديانا و دودي؟
مكنتش اعرفهم اساسا و رأي بابا و ماما يهتمي بالموضوع اوي فبعد ذلك عرفت حكايتهم
سقوط مبنى التجارة العالمي؟
شفته في التليفزيون و بعد كدة نزلت اخرج
وفاة سعاد حسني؟
حزنت عليها اوي لاني كنت بحبها بس الي كان هممني وقتها معرفة سبب و كيف انتحرت
السيول التي اغرقت مناطق كثير في الاسكندارية 1997؟
كنت في ربعة ابتدائي و خالتي اخذتني انا و اختي و بنت خالتي من المدرسة لانة كان وقت امتحانات و رأيت كوبري سموحة غرقان و به سيارة و صاحبها محتاس و محدش عايز يساعده ........صعب عليا اوي
ظهور السلعوا في الاسكندارية؟
كنت عند عمي عندما تحدثوا عن وجودها في الاسكندرية و كنت مرعوبة منها

محمود ابوالمجد
01-18-2009, 01:10 AM
وفاه الشيخ الشعراوي؟

انا كنت زعلان لاني كنت بحبه اوي وكنت بعتبره يعني حد بجد يعتبر عمود من اعمدة السلام في هذا العصر بس مش متذاكر الموقف بالضبط في صغري

زلزال 1992؟

لا الزلازل ده كان حكاية كنت لسه راجع من المدرسة وقاعد بتغذي وسمعنا صوت صداع في الشارع وطلعت انا وماما بصينا في الشارع لقينا ناس كتير ماما قالت هو الشارع ده علي طول هيجان كده ودخلنا كملنا اكل

وفاه ديانا و دودي؟

لا والله معرفهمش

سقوط مبنى التجارة العالمي؟

كان يوم جميل وكل الناس فرحانا ويومها نزلت الشارع وكانوا بيوقولا احتمال حرب وكل الناس كان نفسها تحارب وكله فرحان

وفاة سعاد حسني؟

والله مش بحب التلفزيون اوي فمش مرتبط عندي بموقف اوي برضه

السيول التي اغرقت مناطق كثير في الاسكندارية 1997؟

والله مفاكر اساسا ان حصل سيول قبل كده في اسكندرية

ظهور السلعوا في الاسكندارية؟

لا دي بالذات بقي كنت مرعوووووووب وبالذات جه ايامها برنامج مفيد فوزي ويومها كنت ميت من الرعب بجد وكنت حاطط عصايا جنب السرير قال ايه عشان يعني لما تيجي اضربها



شكرا جدا يا سلمي علي الموضوع الجامد ده وهو ده الي احنا متعودين عليه منك يا باشا والي الامام دائما يا باشا

spring sun
01-18-2009, 06:32 AM
وفاه الشيخ الشعراوي؟
كنت بتفرج علي حلقاته في رمضان و لكن عند سماع وفاته لم اتاثر لاني كنت صغيرة و لكن خالتي حزنت علية كثيرا
زلزال 1992؟
كنت انا و ماما و اختي عند جدتي و عند حدوث الزلزال و رأينا الناس تجري في الشارع ماما حطتني انا و اختي تحت السفرة و كنت مش فهمة لية
وفاه ديانا و دودي؟
مكنتش اعرفهم اساسا و رأي بابا و ماما يهتمي بالموضوع اوي فبعد ذلك عرفت حكايتهم
سقوط مبنى التجارة العالمي؟
شفته في التليفزيون و بعد كدة نزلت اخرج
وفاة سعاد حسني؟
حزنت عليها اوي لاني كنت بحبها بس الي كان هممني وقتها معرفة سبب و كيف انتحرت
السيول التي اغرقت مناطق كثير في الاسكندارية 1997؟
كنت في ربعة ابتدائي و خالتي اخذتني انا و اختي و بنت خالتي من المدرسة لانة كان وقت امتحانات و رأيت كوبري سموحة غرقان و به سيارة و صاحبها محتاس و محدش عايز يساعده ........صعب عليا اوي
ظهور السلعوا في الاسكندارية؟
كنت عند عمي عندما تحدثوا عن وجودها في الاسكندرية و كنت مرعوبة منها

اخيرا رديتي

ده انا كنت مستنيه الرد بتاعك

The[H]KinG
01-18-2009, 09:48 AM
يا كينج بجد مبسوطة اوي بمشاركتك
و ردك موتني من الضحك
انت مشكلة علي فكرة
ههههههههههههههههههههههه

شكرا اوي علي الرد



شكرا يا سلمى بس
أنا لاحظت حااااجة لما قرأت الموضوع كله
ان كل النااس عايزة تعرف سعاااد حسنى ماتت ازاى

على فكرة أنا عارف سعاد حسنى ماتت ازاى وليه وهى اساسا ماتت ولا أتقتلت
وناس قليلة تعرف الموضوع ده
ولمزيد من الاخبااار الرجااء الاستماااااااااااع لنشرة الخامسة والعشرين(فى المشمش معلش أصل ده موضوع أمن دولة يا جدعاااان)

The[H]KinG
01-18-2009, 09:51 AM
هههههههههههههههههههههههههه
لالالالالالالالالالالالالالالالالالالالالالالالالا
بس هعمل شويت سيرش على حاااااجات كده عشان أجيب موضوع كاامل و وافى المعلومات هخلص وهنزله فى موضوعك أن شااء الله

سلمي جمال
01-18-2009, 03:20 PM
شكرا يا كينج علي اهتمامك بالموضوع

Soma
04-08-2009, 04:53 AM
هل تفتكر انت كنت فين و بتعمل اية في وقت حدوث هذه الحوادث؟؟؟؟

دية عبارة عن بعض المواقف حدثت خلال فترة طفولتنا
هل ممكن تفتكر انت كنت فين و كنت بتعمل اية و كنت مع مين ولما سمعت الخبر اية كان رد فعلك و شعورك وقتها؟؟؟؟

ححاول افتكر

وفاه الشيخ الشعراوي؟

انا بحترم الشيخ الشعراوى جداااااا انا بحبه اوى وكنت كل جمعه بحب اعد اشوف الدرس بتاعه
اللى كانوا بيجبوه بعد الصلاة
وزعلت جدااااااا لما توفى

زلزال 1992؟
كان عندى خمس سنين فمش فاكراه اوى
تقريبا اه افتكرته حصلى موقف يموت من الضحك
كنت متخيلة ان الحاطة وحش وبيخوفنى وطلعت اجرى وكنت مرعوبه من الحاطه هههههههه
وماما حاكتلى انها محستش بالزلزال كان الانتريه بيروح ويجى وكانت بتحسب انه بيتهيألها
وبعد كده سمعت من التليفزيون ان كان فى زلزالبس عرفت لما خلاص الزلزال انتهى

وفاه ديانا و دودي؟
مين الناس دى اول مرة اسمع عنهم منك دلوقتى تبقى تحكيلى حكايتهم
بجد معرفهمش

سقوط مبنى التجارة العالمي؟
اه شوفته فى التليفزيون فرحت بصراحه فى الاول بس رجعت تانى قلت وايه زنب الناس اللى ماتت
وفاة سعاد حسني؟
عادى كنت باتابع اخبارها لفضولى بس بس هيا متفرقش معايا
مش مهمة بالنسبالى زيها زى اى ممثل مش بيهمونى فى حاجة السيول التي اغرقت مناطق كثير في الاسكندارية 1997؟
ولا افتكرها اساسا مشفتش السيول دى خالص عندنا

ظهور السلعوا في الاسكندارية؟

حادث بالنسبالى عادى كأنه مش فى اسكندريه
عارفه اه انها فى اسكندرية بس برضه كنت متاكده انها مش حتقابلنى
وماكنتش خايفه نهائى منها عشان عارفه انها مش حتوصلى ده كان احساسى ساعتها وانا احساسى مبيخيبش

ميرسى اوى اوى على الموضوع الجميييييييييل ده فكرتينى باحلى ايامى وانا بفتكر الاحداث دى