ادم وحــــــواء (متجدد)

[Ahmed Mohamed]

ادم

زمانك يا حوا زمانك
دا وقتك العبى بيا
تخونى تبيعى مش باين
غير انك فالحة وذكيا

حوا

ملكش فالزمان ديا
تعيش وتموت ملكش امان
زمانى ومالوا يا عنيا
اهو ارحم من اللى حب وخان
ادم

صحيح خنتك لكن جتلك
ودمعى فضل يقول ندمان
غدرتى لما فهمتك
وقلبى الف مرة اتخان

حوا

دا حقى مستحيل تنسى
اللى داقت وياك المرة
جه الوقت اللى فيه تتخان
واقول خنتوا وكمان حرة

ادم
دى اسوة قلب مش عادى
حوا
دى طيبة قلب عذبتوا
ادم
بلاش تفضلى قصادى
حوا
بلاش الدنيا لو قولتوا
............



يا ترى مين الغلطان ومين المحقوق ومين الظالم ومين المظلوم

هنعرف كلنا لو قولنا .......

ايه اللى بيدايقك فى حوا ؟؟

وايه اللى بيدايقِك فى ادم ؟؟

[Ahmed Mohamed]

لسة محدش شاف الموضوع طيب
عايز ايه ردكم ورأيكم في الكلام

[ميرا مار]

لسة شايفاه..
هو جميل تصدق .. بس صعب لانه فى الاخر ادم وحوا انسان
وممكن الصفات تتلخبط وتتوزع تانى يعنى مش قنون مثلا ان ادم عنيد ممكن تلاقى حوا اعند
عموما
انا هابدا
فى كل الناس اللى عرفتهم فى حياتى ومن ضمنهم بابا واخواتى وكل ادم اللى اعرفهم..

ادم ... ليه شايف نفسك ان الكلمة كلمتك وصح من غير نقاش؟؟؟؟؟؟

[Ahmed Mohamed]

بجد يعني مش عارف اقولك ايه دايما كده مشجعاني

اما بقه اللي بيدايقني في حوا عالطول

حوا ... انتي ليه دايما بتحبي تساوي نفسك بادم في كل حاجة !!!!!!!

[ميرا مار]

ههههههههههههههههههههههه
طب ماحدش هيرد علينا ؟؟؟؟؟؟؟؟؟:D:D:D

طيب
خلى الاسئلة تكتر الاول..:p:p

ادم ..:mad: انت ليه مش حاسس بقيمة حوا ولا قدرها ؟؟؟

[Youssef Mostafa]

اولا ياميرا الكلمة كلمة ادم لان هو الراجل ودى عادات وتقاليد عند العرب ان الراجل هوالحاكم وهو الصح

مين اللى قال ان ادم مش بيحس بقيمة حوا وقدرها دى اهم حاجة فى الدنيا وكمان سيدنا ادم عليه الصلاة والسلام لما تاه عن حوا لف الارض عليها ولقوا بعض عند جبل عرفات

[The[H]KinG]

فين السؤال يا يوووووسف دايما كده بس

[The[H]KinG]

بس موضوع جااااااامد يا معلم بس أعفينى انا من الرد عشان هزعل نااااااااس كتير منى

[Youssef Mostafa]

عايز اقول لحوا ليه دايما واثقة من نفسها؟

[ميرا مار]

شكرا يا يوسف على المعلومة الجديدة ..بتاعة سيدنا ادم..

بس عايزة اقولك ..الثقة بالنفس بتختلف من حد للتانى..
ومش نقطة الاختلاف هى انه ادم او حوا ..

[Youssef Mostafa]

بس ياميرا حوا عندها ثقة من النفس فى جمالها مما بيجعلها متكبرة؟؟؟

[سلمي جمال]

موضوع جميل اوي يا روميو

يوسف مش كل البنات كدة علي فكرة
المتكبرين دول فئة من البنات زي الولاد بردو الي فيهم متكبر بسبب فلوسة او قوته او وسامته



ادم ........... لية دايما عايز حوا هي الي تعطي في البدايه و مش انت؟و لية دايما نظرتك هي الي صح و هي لازم تنفز و خلاص؟

[free eagle]

بس هو موضوع حلو معلش بس من غير زعل

بس المفروض مكنش ادم وحوا

كان اى اسم

دة ابو البشرية

ونبي كمان المفروض اسمه ميدخلش ف اي حاجة


اوكى يا روميو بس الموضوع حلو

[Ahmed Mohamed]

مااااااااااشي يا عم يسري نخليه ايه طيب

ايه رايك ولاد وبنات ينفع كده

[Ahmed Mohamed]

بس الصراحة مش عارف اغير اسم الموضوع منين ولا ده مش من صلاحياتي ومن حق المشرف بس ولا ايه مش عارف

[سلمي جمال]

هو ميقصدش يا ايجل
لاننا نبقول تعبيرا عن المرأة و الرجل اسم ادم و حوا
حتي كنا بنفكر نعمل قسم حوا
و طبعا لا نقصد سيدتنا حوا

و اتمني ان تتقبل ردي يا اخي

[shimo]

هو سؤال واحد بس نفسي اسألو
ليه يادم مش بتحط نفسك مكان حوا في اي رد فعل بينتج عنها وتشوف انت لو مكانها كنت هتعمل كدا ولا اكتر ؟؟؟؟؟؟؟؟؟؟؟؟؟

[Ahmed Mohamed]

علي فكرة يا شيمو احنا كتير بنحط نفسنا مكان حوا وبنلاقي ان ساعات بيبقي عندكم حق وساعات لا

بس يا ريت تعطينا مثال عشان اقدر اجوبك اكتر من كده

[free eagle]

هو سؤال واحد بس نفسي اسألو
ليه يادم مش بتحط نفسك مكان حوا في اي رد فعل بينتج عنها وتشوف انت لو مكانها كنت هتعمل كدا ولا اكتر ؟؟؟؟؟؟؟؟؟؟؟؟؟



انا عن نفسي مش شايف موضوع انى احط نفسي مكان حوا علشان انا اقدر اعمل حاجات متقدرش حوا تعملها فعلشان كدة مفيش وجه للمقارنة







وعادى والله يا جماعة مفيش مشكلة على الاسم ولا حاجة

[سلمي جمال]

لية يا ادم مش عايز حوا تدخل مساحة؟؟؟؟؟؟؟؟؟

هههههههههههههه
لكل ولاد المنتدي

[ALY ELSAYED]

الله ينور يا ابو حميد

موضوع جميل جدا

جزاك الله كل خير

[الورده البيضاء]

موضوع جميل جدا جدا
ياريت الناس تشارك اكتر من كدة
يلا عايزين ادم يجاوب على اختنا سلمى

[KAREEM]

لية يا ادم مش عايز حوا تدخل مساحة؟؟؟؟؟؟؟؟؟

هههههههههههههه
لكل ولاد المنتدي


هههههههههههههههههههه
انا حاسس ان الكلام دا متوجه ليا
بعدالموضوع الى عملتوا اول ما دخلت المنتدى
المهم ان انا كنت فاكر ان المساحة دى كل شغلها فى الشمس والتراب وكدا
ومش متخيل مثلا ان اختى او مراتى يتبهدلوا فى شغلانة زى دى
ايه اللى يجبر واحدة على كدا ؟؟ بس اكتشفت ان فى اعمال مكتبيه
وان حوا ممكن تقوم بيها احسن من بعض الرجال
دا غير الوظايف التانية اللى مينفعش فيها غير حوا
( نقول اللى لينا واللى علينا )
مثلا ادم مينفعش يكون ممرضة ملاك رحمة
انما حوا ممكن تكون احسن ممرضة
وانا عن نفسى اشهد لسه عامل عملية قريب فى مستشفى طلبة الجامعة
وبصراحة الممرضات اللى هناك كانوا اخر ادب واخلاق وذوق غير كدا
ربنا جعلهم سبب فى اتمام شفائى قبل وبعد العملية
قصدى اقول ان فى وظايف متنفعش الا لحوا وفى وظايف متنفعش الا لادم
والا حنعمل زى فيلم الكمساريات الفاتنات بتاع اسماعيل يس


طولت انا فى الكلام .... اسف ع الاطالة
سؤالى انا لحوا بقى :
ليه دايما بتبقى قبل الجواز غير بعد الجواز ؟ ( ليه بتتغيرى ؟؟؟ )

[الورده البيضاء]

بتتغير عشان ممارسة الحياة ومشاكلها
فى فترة قبل الجواز بيبقو عايشين فى جو الرومانسية والحب والدماغ الرايقة
بتدخل عالجواز بتبقى مشاكل اولادها وزوجها وحماتها:dots:
فاكيد بتتغير
بس تعرف
لو الزوج حاول انة يتفهم زوجتة ويحاول يساعدها ويوقف معاها شوية
اكيد التغيير دة هيقل
وعايزة اقولك ان فى زوجات مش بتتغير اوى بنفس طريقة تفكيرك
اينعم بتتغير بس ممكن تكون للاحسن كمان

لية قسوة القلب ؟

[KAREEM]

عندك حق اكتر حاجة بتشتكى منها معظم حوا من معظم ادم
وادم نفسه بيشتكى من قسوة قلبه اصلا مع ربنا ومع القرآن
بس انا عن نفسى بحاول دايما ارقق قلبى باستغفار بقيام بتسبيح
وان شاء الله لما اتجوز حكون حنين جدا مع زوجتى
وانا مقتنع جدا ان مهما كانت المشاكل بين الزوجة وامه
او مع اى حد بكلمة حنينة وقلب حنين حيلم الموضوع كله
والسؤال دلوقتى :
ليه كل سنة بتجيلك حالة كدا متعرفش لازم تعملى مشاكل مع طوب الارض
هل دا كبت ام قهر ام ايـــــــــــــــــــــه ؟
مش عارف اذا كانت دى حالة عامة بس انا شفتها فى بيوت كتير

[الورده البيضاء]

ههههههههههههههههههه
لا دى اكيد مش طبيعية ياكريم
بجد والله مش بهزر اكيد اللى تبقى كدة مش انسانة طبيعية

لية دايما عايز ان حواء هى اللى تنكسر وهى اللى تصالح وهى اللى تدادى
لية الكبرياء؟

[Wild_Angel]

ممم جيت فى سؤال أدم طيب حننتظر رجل حتى يجيب عن هذا السؤال بالاضافه لسؤال منى :)

ليه الرجال أحياناً بيكونوا محتارين فى ان المرأه عايزه ايه؟؟ مع ان أقل شئ حتكون كلمه طيبه؟

[الورده البيضاء]

فين الشباب اللى هترد عالسؤالين
عايزين اجابة من فضلكم

[KAREEM]

الشباب موجودين والحمد لله
المنتدى ملينا شباب زى الورد والله
بالنسبة لسؤالك يا امل
أحب اقولك انى مش مقتنع تماما
بالاغنية العبيطة اسف فى اللفظ اللى
كانوا بيعلموها لنا واحنا صغيرين
البنت زى الولد مفيش فراق العدد
** طبعا عمر مالبنت ما اكنت زى الولد
ولا الولد كان زى البنت
لان ربنا خلق كل واحد وعارف دوره
ودور كل واحد بيكمل التانى
وانا اعرف بنات كتير مقتنعة بكده
وعارفة دورها صح فى الحياة
بس أحيانا بلاقى بنات فكرها عجيب
مثلا فى بنت تكون مصممة انها زى الولد
وليها الحرية فى كل حاجة تلبس ى الولد
وتشتغل اى شغل زى الولد
وتخرج فى اى وقت وترجع فى اى وقت
برضو زى الولد وبتنسى ان ربنا خلقنا نوعين
وربنا نفسه قال فى كتابه العزيز :
( الرجال قوامون على النساء .....)
والاية دى مش معناها ان الرجال أفضل
معلش قلبت خطبة كدا
بس اكيد طبعا بنات منتدانا مش ممن النوع التانى
وانا متأكد كويس جدا
ان منتدانا البنات اللى فى محترمة فوق الوصف
ودى مش مجاملة دا واضح من خلال مشاركات اخواتنا البنات فى المنتدى

اما بالنسبة لسؤال مشرفة القسم الاسلامى
فممكن يكون أحيانا التفاهم مفقود بين الطرفين
مع ان الاتنين عايزين يرضو بعض
بس كل واحد مش فاهم التانى عايز ايه
او ايه اللى حيرضيه ؟؟؟؟
ودى حلها بسيط وهى الخطوبة
الخطوبة معمولة عشان الواحد يعرف مدى تفهمه
مع الشخص اللى حيكمل معاه حياته

دا ردى أرجوا ان ردى يكون موفق
واسف للاطالة ........
ومفيش فى دماغى سؤال دلوقتى
ممكن أى ءادم غيرى يخش يرد

[الورده البيضاء]

على فكرة اظاهر انك فهمتنى غلط ياكريم
انا كان سؤالى بيقول لية الراجل بيبقى عايز حواء هى اللى تسال عنة وهى اللى تصالح لو فى مشكلة
وهو مش بيعبر خالص
وبيبقى عامل نفسة ولا فى الدماغ
لية الكبرياااااااااااااااااااء؟؟؟؟
جاوب بقى
هههههههههههه
يلا ياشباب عايزين رد بليييييييييز

[Ahmed Mohamed]

اقولك انا مع اني اصلا ضد الفكرة دي انا شوفت يعيني ولد بيحب بنت جدا والبنت يا عيني مقطعة نفسها عشانه
وهو دايما هاملها بالبلدي يعني مش ديها وش حلو مع انه هو كمان بيحبها
ولو في يوم البنت متصلتش بيه او حتي مرنتلهوش بيبهدلها

والصراحة يعني انا بتغاظ من كده واساله بتعمل كده ليه يقولي انا الولد عادي لكن هي بنت مش عادي
ده بقة اللي ماشي في دماغ الولاد انه هو الراجل يعمل الي هو عاوزه

وللاسف البنات كلها خلاص اخدت فكرة ان كل الولاد كده عندهم كبريااااااااء فوق الفظيع
بس انا بقول اهو انا اصلا بكره الرجالة اللي من النوع ده

ليه ميبقاش فيه عدل في التعامل مع البنت والولد ليييييه للاسف

يارب اكون قدرت اوصلك يا امل جزء من الاجابة عن السؤال وهي العادات والتقاليد اللي لسة معظمها بتجري في دم الولاد
وهي انهم يكونو سي السيد اللي كانت بتخاف منه البنات زمان

معلش طولت

بس سؤالي للبنات ( حوا يعني ) ليه دايما انتم بتحبوا الامتلاك ؟؟؟ مش عارف السؤال ده طلع مني عشان انا عشت وشوفت ان معظم البنات بتحب الامتلاك

[الورده البيضاء]

انا ممكن اجاوبك يااحمد بس انت تقصد باية الامتلاك؟
امتلاك اية بالظبط؟

[Ahmed Mohamed]

انا ممكن اجاوبك يااحمد بس انت تقصد باية الامتلاك؟



امتلاك اية بالظبط؟



اقصد بالامتلاك يعني امتلاك القلوب بمعني تاني ليه دايما انانية مش بتحب غير نفسها هي الصح في كل حاجة بتعملها مش مهم عندها تجرح قلب ده او تأسي علي ده او تيجي علي حق ده لـــــــــــــيه :cc_confused::cc_confused: ؟؟؟؟

[الورده البيضاء]

[QUOTE=Ahmed Mohamed;192783]
اقصد بالامتلاك يعني امتلاك القلوب بمعني تاني ليه دايما انانية مش بتحب غير نفسها هي الصح في كل حاجة بتعملها مش مهم عندها تجرح قلب ده او تأسي علي ده او تيجي علي حق ده لـــــــــــــيه :cc_confused::cc_confused: ؟؟؟؟[/QUOT

هو على حد علمى بالنوعية دى من البنات
انها مش بتشعر ابدا ان دا بيضايق ادم
هى ممكن تكون درجة حب زيادة اوى
حسستها ان الانسان دا بتاعها هى وبس
وبالتالى بيبقى بالنسبالها كامتلاك
دى نوعية
وفى نوعية تانية بتمتلك لحب الامتلاك فقط لاغير
واذا كانت النوعية دى او دى فالاتنين غلط
والمفروض يتغيرو تماما

سؤالى لادم

مارايك فى حواء المعاصرة؟؟؟؟؟

[الورده البيضاء]

اية ياجماعة فين المشاركات

[امانىb]

انا جيت فى سؤال ادم
يلا مش مهم
انا عايزة اقول ان الموضوع اكثر من رائع
جزاك الله كل خير
وعايزة اسال ادم
ليه دايما تبقى عاوز البنت هى اللى تبدا بالكلام هى اللى تقولك بحبك الاول وانت متقولهاش ليه
شوية شوية نقول البنت هى اللى تروح تخطب الولد الاول
هههههههههههههههههههههههههه

[Ahmed Mohamed]

مارايك فى حواء المعاصرة؟؟؟؟؟


الصراحة يا امل بجد راي في حوا المعاصرة


مش حلوة هههههههههههه


لا بجد مش عارف ليه حوا المعاصرة دي بتحب تساوي نفسها بادم في كل حاجة


دي حوا اشتغلت كل حاجة خلاص


بس الحق يقال ان فيه حوا معاصرة بتحافظ علي العادات والتقاليد ومحترمة وعلي خلق ديني


يعني من الاخر فيه كده وفيه كده


بس الاغلب الطابع الوحش


يعني ياريت مش يكون في معاصرة :1:



معرفش انا كده جاوبت ولا لا علي سؤالك يا امل


سؤال اماني بقة ؟؟؟؟


ليه دايما تبقى عاوز البنت هى اللى تبدا بالكلام هى اللى تقولك بحبك الاول وانت متقولهاش ليه
شوية شوية نقول البنت هى اللى تروح تخطب الولد الاول
هههههههههههههههههههههههههه


مين قالك اني عاوز كده ههههههههه بالعكس بس اللي انا نفسي فيه اني اللي احبها لما اقولها بحبك
وهي كمان تكون فعلا بتحبني متبخلش عليا بالكلمة دي :dots:


هو فعلا فيه نوعية من الولاد عاوزين كده بس دول قلائل يعني نادرا لما تلاقي ولد كده




سؤالي بقة لحوا ليه دايما كده احس ان حوا مغرورة
شايفة نفسها دايما احسن من ادم
:cc_confused:؟؟؟؟؟؟؟؟؟؟؟؟؟:cc_confused:

[الورده البيضاء]

سؤالي بقة لحوا ليه دايما كده احس ان حوا مغرورة
شايفة نفسها دايما احسن من ادم
:cc_confused:؟؟؟؟؟؟؟؟؟؟؟؟؟:cc_confused:[/QUOTE]


دى نوعية من البنات كدة فعلا يااحمد
شايفة نفسها
ودة نوع من الغرور
يمكن عشان ربنا بيبقى مانح الشخصية دى الجمال (الشكلى وليس الجوهرى)
فبتبقى مغرورة بجمالها
وبتبقى حاسة ان مفيش حد احسن منها ابدا وبتتكبر على ادم
بس مش كل الحواءت كدة:d


لية بقى ادم بيقبل على نفسة انة ممكن يعيش حياة واتنين وتلاتة غير رسمية قبل زواجة ولو البنت مرت بعلاقة ولو حتى رسمية بتبقى وحشة ؟

[الورده البيضاء]

اية ياجماعة فين رد الشبااااااااااااااااااااااااب
عايزين نشوف رايكم

[blue_sky]

الظاهر يا وردة أنك جيتي على الحتة اللي بتوجعهم
تلاقي الولد ماشي مع دي وبيكلم دي ويقول أنه بيحب دي وأول ما يجي يتجوز يدور على بنت نظيفة مفيش تجارب في حياتها
طب منييييييييييييييييييين ما أنت بنات الناس كلهم ماسيبتش حد في حاله
أمركم غريييييييييييييييييب بنو أدم
ربنا يهديكم

[الورده البيضاء]

الهادى هو ربنا
ربنا يهدى الجميع ياسمسمة