قالوا .... فقلت .....!!!!

[احمد عبد الحليم]

قالوا : التكبر على المتكبر تواضع .

فقلت : التكبر تكبر بكل الاحوال .

قالوا : الوحدة خير من جليس السوء .

فقلت : الوحدة خير جليس على الإطلاق .

قالوا : استقبال الموت خير من استدباره .

فقلت : ومصادقته افضل كثيرا .

قالوا : قطار الفشل يسير على قضبان الكسل .

فقلت : قطار الفشل يسير على قضيبي الكسل والملل .

قالوا : إذا هبت ريحك فأغتنمها .

فقلت : إذا هبت ريحك فأغتنم خيرها واحذر من غدرها .

قالوا : ملكت نفسي حين ملكت منطقي .

فقلت : وملكت منطقي حين ملكت زمام قلبي .

قالوا : إن الغصون إذا قومتها اعتدلت .

فقلت : وإذا غاليت فى تقويمها انكسرت .

قالوا : تعاشروا كالإخوان وتحاسبوا كالغرباء .

فقلت : تعاشروا كالإخوان وتحاسبوا كالأخوان .

قالوا : احضر الناس رأيا من لم يغضب .

فقلت : وأسرع الناس رأيا من لم يفكر .

قالوا : من كتم سره كان الخيار بيده .

فقلت : ومن داوم كتم الاسرار ضاق قلبه .

قالوا : الاقتصاد فى النفقة نصف المعيشة .

فقلت : اصرف ما فى الجيب يأتيك ما فى الغيب .

قالوا : المساوة فى الظلم عدل .

فقلت : العدل والظلم نقيضان لا يجتمعان والظلم سواء ساوي او لم يساوي هو ظلم بين.

[IQI__HeMa__IQI]

فقلت : العدل والظلم نقيضان لا يجتمعان والظلم سواء ساوي او لم يساوي هو ظلم بين
بجد نايس احساس يا احمد تسلم ايدك وننتظر منك المزيد

[Marwa Mahmoud]

موضوع جميل جدااااا أحمد فهو يحمل معانى عظيمة لمن يدركها ويتدبرها . شكرا لك..


http://www10.0zz0.com/2009/01/17/21/710103174.jpg

[The[H]KinG]

قالوا : من كتم سره كان الخيار بيده
فقلت : ومن داوم كتم الاسرار ضاق قلبه .

ايه الموضوع الجااامد ده يا معلم
على فكرة انا هاخد من حته وهعملها توقيع

[mr.lonly]

جامد مووووت والله يا ابو حميد
مش عارف ليه بحس انك فنان والله

[eng_abdo]

قالوا : ملكت نفسي حين ملكت منطقي .

فقلت : وملكت منطقي حين ملكت زمام قلبي .



انا بجد بشكر حضرتك علي معظم مواضيعك الهادفة أ/احمد عبدالحليم
انا عجبني الموضوع كله
خاصة السطرين دول

[سلمي جمال]

موضوع جميل اوي فعلا
و كلام اجمل
شكرا اوي يا احمد

[محمود ابوالمجد]

موضوع جميل يا حليم

[احمد عبد الحليم]

شكرا يا جماعة بجد اسعدتنى ردودكم حقيقي شكرا

ليكم كلكم منورنى والله....

[خالد أبوسعده]

سنه الحياة

قلت و قالوا

كلام جميل اوى يا احمد
الله يباركلك عليه

[abdo fadel]

موضوع جميل يا احمد

[مى الشورى]

قالوا : التكبر على المتكبر تواضع .

فقلت : التكبر تكبر بكل الاحوال .



مينفعش اننا نتكبر على حد حتى لو كان هو متكبر لاننا وقتها نكون مفرقناش عنه
فى حاجه كام انه على اى اساس بنحكم عليه اذا كان متكبر
انا عن نفسى بعرف ناس طبيعتها انها مش بتحب تتكلم مع حد كتير تتقرب من الناس كتير
والبعض بيفهم ده تكبر عشان كده لازم نكون حريصين جدا فى كحمنا على الناس
ونحاول نصلح منهم مش نقلدهم او نعمل زيهم


قالوا : الوحدة خير من جليس السوء .

فقلت : الوحدة خير جليس على الإطلاق .



مش دايما بتكون الوحده خير جليس وكله بيتوقف على الموقف او الظروف او الافراد
كما ان الانسان اجتماعى بطبعه كما اشار الى ذلك علماء الاجتماع كابن خلدون



قالوا : ملكت نفسي حين ملكت منطقي .

فقلت : وملكت منطقي حين ملكت زمام قلبي .


انا اؤيد تلك النظريه جدا



قالوا : من كتم سره كان الخيار بيده .

فقلت : ومن داوم كتم الاسرار ضاق قلبه .



لا لما يكون مفيش حد يقدر يحفظ السر ده يبقى كتمانه افضل
وعلى ما اعتقد طول ما الشخص بيشكى لربنا فقلبه مش هيضيق



قالوا : الاقتصاد فى النفقة نصف المعيشة .

فقلت : اصرف ما فى الجيب يأتيك ما فى الغيب .

انا بعترض بشده على المثل ده لانه مينفعش
الغيب لا يعلمه الا الله
ولذلك الرسول قلنا
اعمل لاخرتك كانك تموت غدا
واعمل لدنياك كانك تعيش ابدا
فمينفعش كما انه المبذرين كانوا اخوان الشياطين
يعنى انا اعرف ناس لما تكون خارجه مثلا
تقعد تصرف لحد ما تمد ايديها فى جيبها متلاقيش حاجه
فالاقتصاد لابد منه فى حياتنا
وانا باكد الاقتصاد وليس البخل او الشح


ارجو انى مكنش طولت عليكم او ضايقتكم
موضوع جميل يا احمد تقبل مرورى

[Youssef Mostafa]

لالا بجد حاجات حلوة اوى ياحمد شكرا ياباشا

[احمد عبد الحليم]

شكرا موبوتو علي مرورك وردك ودايما منورني والله

شكرا عبده علي مرورك ومشاركتك

بشكرك يا مي علي مرورك ورايك اللي اسمحيلي انا
بختلف معاكي في رايك بالنسبه للوحدة فعلا هيه في اوقات
كتير بتكون خير جليس لان فيها ممكن الواحد يراجع نفسه بصدق
ويحاسبها ويقوم عيوبه احسن من مجالسة رفيق السوء ولا ايه
ومفيش حد فينا ما بيجيش عليه وقت يحتاج يقعد فيه لوحدة طبعا
وبالنسبه لموضوع اصرف ما في الجيب بختلف معاكي
فيه شويه لان في قول مأثور لاحد الصالحين بيقول فيه
اسمه ابراهيم بن ادهم لما سالوة في موضوع زي دة قال
(علمت ان رزقي لا يحصل عليه غيري فاطمئن قلبي )
وكمان الرزق يبحث عن صاحبه اكثر من الموت
يبقي هنخاف من ايه
وطبعا مفيش مانع اننا نوفر مش معنى كلامى انى ضد التوفير
او اننا ما نخافش من بكرة لا انما معني كلامى من سلم امرة لله
حصل علي مبتغاه

وشكرا يا جو مرورك اسعدنى والله ...

[mr.lonly]

تعرف يا ابو حميد انا ليا رأ ي بالنسبه لموضوع

قالوا : التكبر على المتكبر تواضع .

فقلت : التكبر تكبر بكل الاحوال .

انا شايف ان التكبر علي المتكبر دى ثقة او مهارة وبصراحة
انا ممكن افرح لو لقيت انسان متكبر بعلم او بمهارة او بأي حاجة
وييجي حد يتكبر عليه بنفس الحاجة

تقبل مروري

[احمد عبد الحليم]

ممكن يكون معاك حق يا مستر لونلي بس ما تواضع الا عظيم وما تكبر الا حقير
شكرا علي مرورك وردك مستر