لا تموت وانت على قيد الحياة

[mr.lonly]

هناك تحديات وتحديات

تحديات لكل مخلوقات الله سبحانه وتعالى

فهناك فى الغابات تحديات
وتحت مسمى " البقاء للقوى "

وهناك فى المحيطات والبحار تحديات
وتحت مسمى " الكبير بيأكل الصغير "

وهناك فى الصحراء تحديات
وتحت مسمى " مهما تكون حذر فستموت "


هنا فرق كبير بين الانسان وباقى المخلوقات

كرم المولى عز وجل الانسان عن باقى المخلوقات

ويكون تحديات الانسان مع نفسه وذاته أقوى وأميز

فهناك قوانين لهذا ،، وسنبحر فها لنعرفها




لا تموت و انت على قيد الحياة

لا تحزن و تنتظر الفرح

لا تبكى امام انسان و تنتظر الشفقه

لا تضع قلبك بين يدى احد و تنتظر الرحمة

لا تعطى اذنك لاحد و تنتظر الصدق

لا تثق باحد و تنتظر الوفاء

لا تقف و تنتظر من يدفعك

لا تفكر و تنتظر من يعمل لك

لا تيأس و تنتظر من يزرع الامل داخلك


لا تحب و تنتظر المقابل

لا تعطى الامان فالدنيا كلها متغيرة

لا تعيش فقط على الامل .. فالامل شعرة قابله للقطع

لا تقف مكتوف الايدى و تنتظر النتيجه

http://www.up.00op.com/data/12707/12970/storm_517988425_978348903.jpg
اشعر بالحياه .. بقوتك ..
بثقتك بنفسك .. بنبض قلبك ..
حارب الدنيا و لو لم يحارب معك احد ..
فكر كثيرا .. اتخذ قرار ..
اصنع لنفسك ارض صلبة كى تقف عليها ..
حدد موقفك .. افصل بين احاسيسك ..
تعامل مع الحياة ولا تدعها تهزمك ..
فهى لن ترحمك و لن تقف عليك او على غيرك ..
خذ بالاسباب و توكل على الله فهو حسبك ..

ولا تعطى الدنيا اكثر من حقها
ولا تعطى المشكلة اكبر من حجمها
و بعد كل ذلك و لو لم تحقق النصر

فابتسم

فالمهزوم إذا ابتسم أفقد المنتصر لذة الفوز]

[abdo fadel]

موضوع جميل

[احمد عبد الحليم]

مستر لونلي رغم ان موضوعك جامد جدا وقاسي جدا
الا انه للاسف في كتيير من الصحة وخصوصا في


لا تثق باحد و تنتظر الوفاء

لا تقف و تنتظر من يدفعك


الحياة بتعلمنا دة كل يوم وبجد انا بحييك علي موضوعك ....

[Youssef Mostafa]

موضوع حلو كلام جميل اوى يامستر شكرا

[مى الشورى]

اشعر بالحياه .. بقوتك ..
بثقتك بنفسك .. بنبض قلبك ..
حارب الدنيا و لو لم يحارب معك احد ..
فكر كثيرا .. اتخذ قرار ..
اصنع لنفسك ارض صلبة كى تقف عليها ..
حدد موقفك .. افصل بين احاسيسك ..
تعامل مع الحياة ولا تدعها تهزمك ..
فهى لن ترحمك و لن تقف عليك او على غيرك ..
خذ بالاسباب و توكل على الله فهو حسبك ..

ولا تعطى الدنيا اكثر من حقها[/center]
ولا تعطى المشكلة اكبر من حجمها
و بعد كل ذلك و لو لم تحقق النصر

فابتسم

فالمهزوم إذا ابتسم أفقد المنتصر لذة الفوز[/size]][/CENTER][/QUOTE]


بحاول اشعر بيها وبقوتى لكنى لم اصل لنشوة الاحساس بهما
اما ثقتى فالحمد لله على ما لدى من ثقة تكفينى فى مواجهة امور حياتى
بحارب ومش منتظره انى الاقى حد يحارب معايا لان لازم اعتمد على نفسى
ولو معتمدتش عليها دلوقتى هعتمد امتى
بحاول على اد ما اقدر افكر قبل ما ارد او اتخد قرار
لانه بمجرد ما تخذه واقوله اصبحت لا املكه
بحاول اصنع لنفسى ارض صلبه لانها هتكون هى اساسى فى بقيت حياتى

ونعم بالله

طول ما انا بعتمد عليه اكيد هبتسم

موضوع بجد هايل وارجو انى مكنش اطلت عليكم
لكن حبيت اعلق على الاجزاء دى لانها بجد عجبتنى
واثرت فيا

[Ahmed Mohamed]

موضوع رائع جدا بجد الحاجات دي لازم تكون جوه الواحد
عشان يقدر يعيش الدنيا دي

وبجد تسلم ايدك علي الموضوع

[The[H]KinG]

ايه الدخلة الجااااااااامدة دى
بجد موضوع جاااااااااامد ولازم الحاجات دى تكون جو الانسان على راى احمد

[Mahro]

موضوع جميل جد اً مستر وحيييييييد


لا تيأس و تنتظر من يزرع الامل داخلك

[LOTTO]

الله ينور على الموضوع ده يا مان

كلامك كله صح

[eng_abdo]

عجبني اوى موضوعك مستر لونلي وانا بتأسفلك انى اخدت عنك انطباع وطلع غلط الحمد لله وبالنسبه لموضوعك انا رأي انى دى اساسيات المفروض نطبقها ونعيش بيها حياتنا عشان نقدر نواجه الدنيا ومشاكاها لا الدنيا فيها كتير

[mr.lonly]

طبعا انا بشكر كل اللي شاركنى الرد علي اول موضوع ليا في المنتدى
بشكر..عبدو واحمد ويوسف وعجبني اوى رأيك وردك يا مي
وبشكر روميو والكنج و ماهرو ولوتو وانج عبدو وبقولكم بجد بجد اسعدتنى ردودكم وياريت
يكون الموضوع فتح باب المناقشة مع النفس زى ما عمل معايه وبقولكم كلكم شكرا ليكم
وكمان بشكر كل اللي قرا موضوعي ومردش عليه

[خالد أبوسعده]

كلام جميل جدا يا مستر لونلى
و بجد الواحد ياما بيتعلم من الحياه

[ميرا مار]

كلام جميل ولو انى كنت هاقولك بقى كله لا لا ؟؟ المهم لقيت اجابة سؤالى
فى نهاية الموضوع..
بس تفتكر لو انا عايزة اعمل كدا.. اقوى نفسى ازاى..
وعجبنى قوى
حارب الدنيا ولو لم يكن معك احد
واصنع لنفسك ارض صلبة


ياريت توضح لى النقطتين دول ..من وجهه نظرك
وباشكرك طبعا ع الموضوع

[mr.lonly]

شكرا موبوتو على زوقك وكلامك الجميل دة

كمان بشكر ميرامار علي مرورك وشوفي بالنسبه لا ستفسارك
من وجهة نظري المتواضعة اولا تحددى هدفك في الحياة وتروحي عليه بثقة
وتعملي اللي عليكي وما تخافيش من اي حد طول مانتى صح وعلي حق اعملي زيي حاربي
العالم ولو لوحدك وصدقيني هاتكسبي في صفك كتييييير مع الوقت واعداء اليوم هيبقو اصدقاء الغد
وبالنسبه للارض الصلبة دى انا دايما بعتبرها شخصيه الانسان ودينه وايمانه بالله دى اصلب ارض ممكن الانسان
يبنيها ويقف عليها

[eng_abdo]

لا تبكى امام انسان و تنتظر الشفقه

لا تضع قلبك بين يدى احد و تنتظر الرحمة

تسمحلي مستر لونلي اناقشك في دول ساعات الواحد بيحتاج يبكي وساعات كمان بيحتاج لحد بيكون موجود جمبه بس مش منتظر منه شفقة انما مستني يحس منهانه جمبه اما التانيه انا بقول فعلا اللي بيحط قلبه بين ايدين حد بيبقي مستنى منه حب مش رحمة
وشكرا ليك علي موضوعك

[mr.lonly]

انا بحترم رأيك
eng-abdo بس دة يرجعنا لموضوع ازاي نختار الشخص دة
وازاي نضمن انه وافي ومخلص وطبعا دلوقتي مفيش حاجة مضمونة
وبالنسبه للتانيه المقصود هنا بوضع القلب لعدوك مش لحبيبك لان الحبيب احنا بنسلمه قلوبنا من
غير تفكييييير (زيي كدة )
في النهايه بشكرك وفعلا استمتعت برأيك ومناقشتك

[Sara Gamal]

أولا بجد أحييك على الكلام ده وأحييك اكتر على العنوان لانه العنوان فى حد ذاته محتاج وقت طويل اوى عشان نقدر ندركه ونستوعبه

بس اسمحلى أعقب عليك فى حاجات

كل اللى انت عبرت عنه ب (لا) دى صفات طبيعية فى نفس اى انسان ومعنى وجودها لا يعنى ابدا انه ميت بالعكس ده عدم وجودها هو اللى بينفى عنه صفة الانسان وبيتحول لشكل الكائنات اللى انت وصفتها فى أول كلامك
لازم تحزن عشان تعرف معنى الفرح...ولازم تطلب الرحمة والصدق والشفقة أحيانا لاننا بشر..ولازم تثق فى الناس عشان تقدر تعيش ...ولاززم يجى عليك لحظة وتياس وتدور على حد يقف وراك ولازم يكون عندك امل حتى لو ايقنت بعدم تحققه

الحياة حلوة اوى بكل ما فيها صعب تمشى على وتيرة واحده او مستحيل انها تمشى على هوانا لاننا وقتها مش هنعرف ليها طعم


وطبعا مش هنكون أبلغ من الايه الكريمة (ولقد خلقنا الانسان فى كبد)

لازم تتعب عشان تعيش والا يبقا انت ميت وانت على قيد الحياة

[mr.lonly]

اولا سارة انا بشكر مرورك وكمان رأيك بالنسبه للموضوع

اما بخصوص تعقيبك تعالي نتفق ان اللي انا عبرت عنه بلا دي مش صفات طبيعيه
دى صفات تكتسب من التجارب اللي الانسان بيمر بيها وعدم وجودها هوة اللي يخلي الشخص
يموت وهو عايش مثلا
لا تبكى امام انسان و تنتظر الشفقه

لا تضع قلبك بين يدى احد و تنتظر الرحمة

المقصود هنا البكا امام انسان وانتظار الشفقة طيب لو الانسان دة طلع قلبه حجر
هاتكون ايه النتيجة وكمان النتيجة مش هاتكون الموت بمعناه
وكمان مش كل الناس نثق فيها في ناس ما تستهلش الثقه ودة
مش معناه اننا ما نثقش في حد لا طبعا بس نحرس ولا نخون

بالنسبه للايه طبعا انا مؤمن بيها بس دة مش موضوعنا والتجارب مهما كانت متعبه
بس في الاخر بتفيدنا زى شكة الحقنة اللي بتوجعنا بس لازم ناخدها عشان نعالج نفسنا ولا ايه
شكرا ليكي سارة