سؤالين واحد للشباب ووحد للبنات ......

[Ahmed Mohamed]

السلام عليكم ورحمة الله و بركاته


انا عندي سؤالين واحد للشباب و هو
:لو خيروك تتجوز واحدة من التلاتة دول هتختار مين؟؟

1-المخلصه صاحبة القلب الحنون والحب الجارف

2-الفاتنه صاحبة الجمال والدلال والوجه الجميل

3-المتدينه صاحبة الطاعة لزوجها والمربيه لأبناءها


و السؤال التاني للبنات و هو:

لو خيروكي بين التلاتة دول هتختاري مين؟؟

1-الزوج صاحب المال والثراء

2-الزوج صاحب الحب والحنان حتي ولو كان فقير

3-الزوج صاحب الدين متوسط المعيشه ولايرغب بخروج المرأه كثيراً



يالا مستني الردود

[Marwa Mahmoud]

2 _ الزوج صاحب الحب والحنان حتى ولو كان فقيرا .
ولكن لاشك ان يكون المقام الاول هو الدين ولكن بدون تعصب .
شكرا ليك أخى بجد موضوع جميل جدا .
http://www10.0zz0.com/2009/01/17/21/710103174.jpg

[Youssef Mostafa]

المخلصة صاحبة القلب الحنون والحب الجارف ولا شك ايضا انها تكون متدينة دة فى المقام الاول زى مل مرمر قالت

[IQI__HeMa__IQI]

هو فى اثنين مرطبتين ببعض الى هما
1-المخلصه صاحبة القلب الحنون والحب الجارف
2-المتدينه صاحبة الطاعة لزوجها والمربيه لأبناءها
ان المتدينه صاحبه الطاعه لجوزها واولادها
اكييد الى فيها الصفه دى هتكون مخلصه وتكون صاحبة قلب حنون
انما منكرش انها تكون جميله ويبقى كذاب الى يقول غير كدا
لان الواحد لازم يختار انسانه يتشرف بيها قدام الناس
وفى الاخر صعب طبعا انك تلقى كل الموصفات دى فى انسانه
لان ربنا سبحانه وتعالى خلق كل انسان ناقص حاجه ومش متكامل
واســــــــــــــــــــــــــــــــــــف عـــلـــى الاطــــــــــــــــــــــاله

[Ahmed Mohamed]

بجد منورني والله
وهو ده الرد اللي كنت متوقعه من كل الاعضاء

[free eagle]

لو خيروك تتجوز واحدة من التلاتة دول هتختار مين؟؟؟

1-المخلصه صاحبة القلب الحنون والحب الجارف

2-الفاتنه صاحبة الجمال والدلال والوجه الجميل

3-المتدينه صاحبة الطاعة لزوجها والمربيه لأبناءها




انا اختار طبعا المتدينه صاحبة الطاعة لزوجها والمربية لابناءها
وطبعا تكون مخلصة احبة قلب حنون

[خالد أبوسعده]

بص يا احمد
طبعا اهم حاجة التدين
بس فى المقام الاول قبل ما تختار بين الجمال و الحنيه و الحب الجارف
لازم تكون انت مرتاح معاها فى الاول علشان تعرف تكمل حياتك
و الحب بيجى زى القضى المستعجل
مبتحسش بيه فى ساعتها
طبعا مفيش حد كامل الكمال لله وحده
بس فى حاجات كل واحد بيدور عليها فى الشخصيه الى عايز يرتبط بيها
و لما بيلاقيها بيتغاضى عن المقارنات
و مبيفكرش من اصله فى العيوب
الجمال بيزول مع الوقت
بس الاصل بتاع الشخصيه الي انت حبيتها فى الاول و الي انت اختارتها
هو الي بيفضل

معلش طولت عليك و مجاوبتش برضه علي سؤالك
بس انا اتكلم عن نفسى
صعب انى اختار بالطريقة دى

[Sara Gamal]

سؤال حلو أوى ياأحمد ...بيفتح موضوع مهم جدا وهو إزاى تحكم على الشخص اللى هنكمل معاه حياتنا

أنا شخصياً هختار

3-الزوج صاحب الدين متوسط المعيشه ولايرغب بخروج المرأه كثيراً

لان طاعة ربنا هى اللى بيجيب بعضها كل شئ رضا المولى عزوجل عن هذه العلاقة المقدسة هو اللى بيحفظها فى حب ومواده وتراحم وبيكرمها من عنده وده أهم من اى شئ فى الدنيا

الزواج إتمام للدين عبادة يجب أن تكون اولا وأخيرا خالصة لوجه الله

والرسول صلى الله عليه وسلم أشار فى حديثه لصفات الزوج التى لا يمكن رفضه إذا توافرت
(إذا جاءكم من ترضون دينه وخلقه فزوجه فإن لم تفعلوا تكن فتنة فى الارض وفساد كبير)

[Ahmed Mohamed]

الله يفتح عليك يا عم خالد بس انا عارف طبعا ان مش دي كل المقاييس اللي الواحد
يختار بيها شريك حياته بس انا هنا كلامي واضح وصريح لو خيروك يعني
افرض يا راجل واحد سالك السؤال ده مش ده الرد اللي كنت مستنيه منك يا خالد
وحتخليني كده اخد فكرة ....... عنك !!!!!!

وشكرا علي المشاركة

[Ahmed Mohamed]

سؤال حلو أوى ياأحمد ...بيفتح موضوع مهم جدا وهو إزاى تحكم على الشخص اللى هنكمل معاه حياتنا

أنا شخصياً هختار

3-الزوج صاحب الدين متوسط المعيشه ولايرغب بخروج المرأه كثيراً

لان طاعة ربنا هى اللى بيجيب بعضها كل شئ رضا المولى عزوجل عن هذه العلاقة المقدسة هو اللى بيحفظها فى حب ومواده وتراحم وبيكرمها من عنده وده أهم من اى شئ فى الدنيا

الزواج إتمام للدين عبادة يجب أن تكون اولا وأخيرا خالصة لوجه الله

والرسول صلى الله عليه وسلم أشار فى حديثه لصفات الزوج التى لا يمكن رفضه إذا توافرت
(إذا جاءكم من ترضون دينه وخلقه فزوجه فإن لم تفعلوا تكن فتنة فى الارض وفساد كبير)


الصراحة كلامك جميل اوي يا سارة وعجبني جدا وانا احب احييكي علي رأيك وردك
وشكرا علي المشاركة والرد الجميل ده

[Mimi]

موضوع جميل جدآ يااحمد مش جديد عليك

عن نفسي هختار الزوج صاحب الحب والحنان حتي ولو كان فقير

لان من ملأ قلبه بالحب والحنان هيزيد من تقربه للمولى عز وجل ويكون تدينه صح

انما في كتير متدينيين بتشدد بشكل يسئ للاسلام ودا مش هيكون ساعتها مقياس اني اختار على اساس انه متدين بس ولكن يكون تدينه محبوب وليس مذموم ..ان الدين يسر وارجو تتقبل وجهة نظري بصدر رحب

[Ahmed Mohamed]

وجهة نظر منطقية جدا يا جودي

وشكرا يا جميل علي ردك ومشاركتك اللي نوروا الموضوع

[spider girl]

3-الزوج صاحب الدين متوسط المعيشه ولايرغب بخروج المرأه كثيراً
صراحه موضوع جميل يا أحمد
وانا بختار رقم 3
لانه لازم يكون عنده دين بشئ متوسط على الاقل
وادام اخترنى يبقى بيحبنى وادام بيحبنى يبقى هيكون حنين عليه وهكذا دواليك ههههههههه
اما حكايه الخروج دى هتفاهم معاه عليها اما يجى هههههههههه
يعنى فى حدود طبعا

[خالد أبوسعده]

الله يفتح عليك يا عم خالد بس انا عارف طبعا ان مش دي كل المقاييس اللي الواحد
يختار بيها شريك حياته بس انا هنا كلامي واضح وصريح لو خيروك يعني
افرض يا راجل واحد سالك السؤال ده مش ده الرد اللي كنت مستنيه منك يا خالد
وحتخليني كده اخد فكرة ....... عنك !!!!!!

وشكرا علي المشاركة


مممممم لو خيروك
يعنى لو مفيش غير دول

طبعا
المتدينه صاحبة الطاعة لزوجها والمربيه لأبناءها


ايه يا واد الفكرة الى انت بتتكلم عليها
اوعى تفكر تاخد فكره ....... عنى

[Ahmed Mohamed]

3-الزوج صاحب الدين متوسط المعيشه ولايرغب بخروج المرأه كثيراً
صراحه موضوع جميل يا أحمد
وانا بختار رقم 3
لانه لازم يكون عنده دين بشئ متوسط على الاقل
وادام اخترنى يبقى بيحبنى وادام بيحبنى يبقى هيكون حنين عليه وهكذا دواليك ههههههههه
اما حكايه الخروج دى هتفاهم معاه عليها اما يجى هههههههههه
يعنى فى حدود طبعا


شكرا ليكي يا سارة وليكي وحشة والله
وعايزين نبقي نشوفك كتير علي المنتدي

وشكرا ليكي يا قمر علي المشاركة والراي الجميل ده

[Ahmed Mohamed]

مممممم لو خيروك
يعنى لو مفيش غير دول

طبعا
المتدينه صاحبة الطاعة لزوجها والمربيه لأبناءها


ايه يا واد الفكرة الى انت بتتكلم عليها
اوعى تفكر تاخد فكره ....... عنى


مااااااشي يا عم خالد مش حاخد فكرة ....... عنك وشكرا ليك علي مشاركتك

[white_heart]

لو خيروكي بين التلاتة دول هتختاري مين؟؟


1-الزوج صاحب المال والثراء

2-الزوج صاحب الحب والحنان حتي ولو كان فقير

3-الزوج صاحب الدين متوسط المعيشه ولايرغب بخروج المرأه كثيراً










بلا شك اختار رقم اتنين وانا رايى من راى جودى هو لو حنين وبيحبنى اكيد حيكون قريب من ربنا

وموضوع جميل فعلا

[محمود حجاج]

طبعا المتدينة
ولكن أريد الإشارة إلى أن المتدينة هى مخلصة من الدرجة الأولى فهى الأكثر أخلاصا على الإطلاق وأيضا الإيمان يرقق القلوب فيجعلها رقيقة جدا فالله يأمرها بأن تكون رقيقة القلب مع زوجها.
الدنيا متاع و خير متاع الدنيا المرأة الصالحة.

[olivia nader]

امممممممممم
انا حختار (الزوج صاحب الحب و الحنان حتي لو كان فقير )
لان التدين ده والايمان لازم يكون موجود ولو بنسبه صغيره عند كل شخص و معتقدتش اني حختار المتزمت
لانه لو هو فعلا صاحب حب و حنان اكيد نقدر ناثر علي بعض و نبقي متفاهمين و نتوجه لربنا سبحانه وتعالي مع الوقت اكتر
ده غير ان كمان الرزق ده بايد ربنا (خذوهم فقراء يغنيكم الله) يعني اهم حاجه في الاساس اكيد الحب و الحنان
و شكرا يا خالد علي الموضوع الجامد اوييي ده

[Ahmed Mohamed]

امممممممممم
انا حختار (الزوج صاحب الحب و الحنان حتي لو كان فقير )
لان التدين ده والايمان لازم يكون موجود ولو بنسبه صغيره عند كل شخص و معتقدتش اني حختار المتزمت
لانه لو هو فعلا صاحب حب و حنان اكيد نقدر ناثر علي بعض و نبقي متفاهمين و نتوجه لربنا سبحانه وتعالي مع الوقت اكتر
ده غير ان كمان الرزق ده بايد ربنا (خذوهم فقراء يغنيكم الله) يعني اهم حاجه في الاساس اكيد الحب و الحنان
و شكرا يا خالد علي الموضوع الجامد اوييي ده


ماشي يا أولي وكمان كاتبة خالد بلون مختلف انا ااااااااااااااااااااحمد علي العموم انا بشكرك علي مشاركتك
وردك الجميل ده يا قمر

[خالد أبوسعده]

ماشي يا أولي وكمان كاتبة خالد بلون مختلف انا ااااااااااااااااااااحمد علي العموم انا بشكرك علي مشاركتك
وردك الجميل ده يا قمر


يا عم
خالد احمد
كلنا واحد

[Ahmed Mohamed]

يا عم
خالد احمد
كلنا واحد


يا عم عارف والله ان كلنا واحد

[سلمي جمال]

هو في اختيار وسط
و هو انه يكون متدين و حالته متوسطة بس بيحبني و بيخرج

موضوع جميل يا باشا

[samomran]

-المتدينه صاحبة الطاعة لزوجها والمربيه لأبناءها


هى دى اجابتى

[اسامه البنا]

3-المتدينه صاحبة الطاعة لزوجها والمربيه لأبناءها

[eslam mamdouh]

موضوع هام وجميل جدا


لكن انا عن نفسى افضل المراءه المتدينه لان معرفتها لله عز وجل تجعلها تحبنى بشكل جميل جدا وانا طبعا احبها نفس الحب واكتر.


ولكن انا عندى تعليق بسيط


هو حضرتك شايف ان ال.
رجل الملتزم هو من يمنع زوجته من الخروج كثير


وما المانع من ان المراءه تخرج مثلا تزور اهلها او تزور اصحابها



وفى اعتقادى ان مفيش تناقد من ان الرجل يكون ملتزم وناجح متفاهم

وممكن كمان بيحب الفسح الخروج مع زوجته وشريكه حياته وحبيبته وكل دنيته
حتى يكون الايمان لديه مكتمل


والف شكر على موضوعك المميز

[Marwa Magdy]

الموضوع جميل اوى يا احمد
انا اخترت
3-الزوج صاحب الدين متوسط المعيشه
انا شايفة انه لما يكون متدين حيبقى اكيد حيكون فيه الحب والحنان

[snow white]

و السؤال التاني للبنات و هو
لو خيروكي بين التلاتة دول هتختاري مين؟]
1-الزوج صاحب المال والثراء

2-الزوج صاحب الحب والحنان حتي ولو كان فقير

3-الزوج صاحب الدين متوسط المعيشه ولايرغب بخروج المرأه كثيراً

انا ممكن اختار 3 بس فلى حدود الحصر الي انت عملته بس عندي شرط مهم كان نفسي تقوله هو الحنية
لازم يبقى حنين لان بجد الشخص الحنين ما بيعرفش يقسى ويظلم
وبجد موضوعك حلو

[سيف الدين]

طبعا الكمال لله وحده بس انا عاوذ الثلاثة

[shimo]

انا هختار الحنووون

2-الزوج صاحب الحب والحنان حتي ولو كان فقير
بلا شك لان اكييييييييييد الدين اساس وموجود
لكن الحنيه مش هتلاقيها كل يوم بقت عمله نادرة وعلى فكرة الحنيه فحد ذاتها جاية من التقرب لربنا والطاعه و الخشوع

لكن في ناس متعصبه وقاسيه ودي استحالة العشرة والعمر يكمل معاها

[sweet girl]

انا هختار الزوج صاحب الحب والحنان حتى ولو كان فقير وطبعا التدين ده شى اساسىو مفروغ منه فالدين موجود جوه كل واحد فينا

[mone]

مينفعش يكون 2في1
الزوج صاحب الحب والحنان حتي ولو كان فقير بس يا ريت نلاقي حد حنين
الزوج صاحب الدين متوسط المعيشه ولايرغب بخروج المرأه كثيراً بس هيكون صعب كتييييييييييييييييييييييير

[Zooma]

:لو خيروك تتجوز واحدة من التلاتة دول هتختار مين؟؟
بص انا مش هختار عشان كلهم مواصفات الكل بيحلم بيهم بس انا هرتبلك الاجابه

1-المتدينه صاحبة الطاعة لزوجها والمربيه لأبناءها

2-المخلصه صاحبة القلب الحنون والحب الجارف

3-الفاتنه صاحبة الجمال والدلال والوجه الجميل