المساعد الشخصي الرقمي

مشاهدة النسخة كاملة : ازمة الغاز فى مصر



mr.lonly
01-24-2009, 08:01 PM
السلام عليكم و رحمة الله و بركاته



ازيكم يا بنى ادميين

عاملين ايه فى الامتحانات

يا ريت تكونوا احسن منى

و ربنا يوفق الجميع



المهم

طبعا واضح من عنوان الموضوع انا حتكلم عن ايه

عن الموضوع اللى شاغلنى

و تاعبنى نفسيا بجد

الا و هو

الغاز المصرى



اكيد طبعا كتير منكم سمع عن ازمة الانابيب فى مصر



http://www.youm7.com/images/NewsPics/Small/اسطوانةغاز12008316531.jpg



الازمة اللى من غير لازمة

و اللى مسئولين عنها

يستاهلوا مقاس 46 يعلم عليهم



مصر

و اللى تعد من اولى الدول انتاجا للغاز الطبيعى على مستوى العالم

عندها ازمة فى الانابيب

و الناس واقفة طوابير عليها

و بيتخانقوا و بيتقاتلوا فى سبيل انبوبة

انبوبة

عشان ياكلوا و يشربوا

و الادهى

ان فى ناس ماتت بسبب المشاحنات

هل ده شىء ممكن او معقول فى بلد محترمة

لا طبعا

بس نعمل ايه



مشروع امداد مصر بالغاز الطبيعى و توصيله الى جميع المساكن توقف

ليه

عشان خاطر نصدره

و لمين

لاسرائيل

يعنى بدل ما اوفر مصدر طاقة للناس فى بيوتها

مصدر امن و متوفر

لا اصدره

و كمان لعدوتى

و المصيبة

انه بيتصدر لهم بسعر ارخص من السعر المحلى

يعنى حجة الفلوس حجة فارغة



و بكل بجاحة العالم

يتقدم استئناف لحكم وقف تصدير الغاز

مرتين

و الله حاجة تكسف



المهم

ان النتيجة حدوث ازمة فى انابيب البوتجاز

و اللى طبعا لازال بيعتمد عليها كل من لم يصل لبيته الغاز

و الازمة متفاقمة

و بتزيد يوم بعد يوم

و الناس بدأت تقتل بعض عشان انبوبة



http://thwab.com/blog/wp-content/uploads/2008/01/gas_crisis1.jpg



طبعا بما اننا فى دولة جميلة جدا و حكومة رائعة

اللهم لا حسد

فالمضحك فى الموضوع

ان سعر الانبوبة ارتفع بشكل خرافى

و طبقا لبرنامج الطبعة الاول على قناة دريم

فان سعر الانبوبة الرسمى

3 جنيه الا ربع

و بالفهلوة المعتادة للعالم الجشعة الحقيرة

توصل الى

17

20

25

و 30 جنيه

اسعار متنوعة

و باين طبعا مدى قربها للسعر الرسمى

و لا تنس

انت فى مصر

ههههههههههههه

و يا ريت تلاقيها بالسعر ده

و ال ايه

كمان بتكون الانبوبة مش مليانة

يعنى

سرقة من جميع النواحى



تفتكروا الوضع ده

يتسبب فى ايه

اقولكم انا

حالة احتقان فى الودان

و سعال يتبعه اسهال

لا طبعا

هو حيتسبب فى احتقان داخل الناس

و ينتشر الهرج و المرج

و الدنيا تسود

و البلاوى تحصل

و الناس تموت

الناس تموت عشان حياتها ارخص من تمن الانبوبة

ارخص من تمن الغاز اللى بيتم تصديره



طبعا

احنا عرضنا المشكلة

و باقى نعرض الحلول الايزوهبابية

لحل المشكلة دى

الاقتراح الاول

نرجع تانى لزمن وبور الجاز

و دى حاجة مفيدة جدا

لانها حتؤدى الى ظهور وظائف جديدة

اهمها

تصليح البوابير

:P

بس طبعا الاقتراح ده فاشل

ليه

لان الجاز سعره غلى

لانه من مشتقات البترول

البترول اللى نزل سعره الى اقل من 35 دولار

و لكن فى مصرنا الحبيبة

لازالت كل حاجة زى ما هى

اصالة و حضارة



الاقتراح التانى

و هو فى نظرى الحل الامثل

ان كل بيت يكلف واحد من سكانه

بمهمة

الاحتطاب

و سعيد يقابل عباس

و ينضموا لباقى الناس عند عم برعى

و اللى ياخدهم فى رحلة بعنوان

دعونا نحتطب

و نرجع تانى لعهد الحطب

و القدور التى تسوى على النار

و تماثيل العجوة

:P



بصراحة

اى شىء بقى متوقع حاليا

و كل عام وانتم مكبوتين

و فى الازمات عايشين

طوابير انابيب و عيش

و مرتبات و معاشات و تأمين



The End

free eagle
01-24-2009, 08:16 PM
مش عارف اقوللك اه يا مستر لونلى والله

هنعمل ايه بنتكلم ومحدش بيسمع ومحدش بيتحرك

حسبنا الله ونعم الوكيل

IQI__HeMa__IQI
01-24-2009, 08:30 PM
تسلم ايدك على الموضوع
بس صدقينى الكلام مش هيفيد

خالد أبوسعده
01-24-2009, 08:34 PM
اولا موضوعك جميل جدا و يستحق النقاش

ثانيا عندك حق فى كل حاجة قولتها
بس الانبوبه سعرها موصلش ل30 جنيه
هو كانت ب5
و بعدين ب6
و بعدين نطت ل10
دا للناس الي بتعدى فى الشارع

و لو روحتلهم زى الصورة الى انت حاطتها دى كده
بتودلهم بنفسك الانبوبة الفاضيه
و بتاخد واحدة مليانه
ب 8 جنيه

الكلام دا عندنا فى العصافرة
و انا لسه جايب قصدى شايل واحدة امبارح و رايح مغيرها ب 8 جنيه

lolaa fahmy
01-24-2009, 09:01 PM
لا والله يا موبو غيرناها ومن علي الباب ب12 جنيه

وجبنا اتنين كمان بس الكلام ده من اسبوعين تقريبا

لان انا سامعه بتوع الانابيب بره انهارده

هنقول ايه حسبنا الله ونعم الوكيل

خالد أبوسعده
01-24-2009, 09:09 PM
لا والله يا موبو غيرناها ومن علي الباب ب12 جنيه

وجبنا اتنين كمان بس الكلام ده من اسبوعين تقريبا

لان انا سامعه بتوع الانابيب بره انهارده

هنقول ايه حسبنا الله ونعم الوكيل


الناس دى بتبيع بكام زمة

حسبى الله و نعم الوكيل

mr.lonly
01-24-2009, 10:59 PM
شكرا لارائكم يا جماعة وانا عرضت الموضوع دة لخطورته وتأثيرة علي الشارع المصري واظن اننا كلنا حسينا بالازمة دى لان اللي محسش بيها دة حاجة من اتنين1- يا عندة غاز طبيعي في البيت
2- يا عايش في غيبوبة

وللاسباب اللي في الموضوع من بيع الغاز لاسرائيل ....الخ لازم نتكلم يا هيما لان لما نبيعه للعدو بسعر الجمله وعندنا فعلا وصلت ل30 جنيه يا موبوتو في اسكندريه ومصر علي فكرة بالذات يبقي لازم يكون لنا وقفة

ايه رأيكم شايفين اننا ممكن نعمل ايه مستنى ارائكم يمكن نوصل لحل

Marwa Mahmoud
01-24-2009, 11:12 PM
شكرا ليك مستر لونلى على الموضوع بجد موضوع واقعى .
مشكلة الانابيب والغاز بقت مشكلة كبيرة بتقابل كل بيت فى مصر ومحافظات مصر .
يعنى مثلا عندنا فى العريش مفيش انابيب خالص للبيع وحتى لو فيه بيعلوا سعرها جداااا .
والغاز مش متوفر فى كل و قت فى أوقات محددة بس . يعنى من الاخر معاناه .
طب ليه أحنا ديما الشعب المصرى بيكون عندنا كل حاجة وفنفس الوقت بنعانى من نقص فى كل حاجة
أنا بصراحة مش عرفة لية . العيب بقى فى مين ...!
http://www10.0zz0.com/2009/01/17/21/710103174.jpg

Youssef Mostafa
01-24-2009, 11:30 PM
طيب الغاز بيروح فين التانى

احمد عبد الحليم
01-25-2009, 12:29 AM
شكرا يا مستر لونلي علي الموضوع المهم دة وبجد فعلا كلنا حسينا
بالازمة دى والحقيقة مش عارفين دة سوء ادارة كالعادة ولا اسرائيل احتاجت
غاز كتير المرة دة عشان كدة حصلت ازمة ولا ايه الحكايه بالظبط مش عارفين
وياريت اللي يعرف يقولي يا جماعة ....

eng_abdo
01-25-2009, 05:00 PM
الاقتراح التانى

و هو فى نظرى الحل الامثل

ان كل بيت يكلف واحد من سكانه

بمهمة

الاحتطاب

و سعيد يقابل عباس

و ينضموا لباقى الناس عند عم برعى

و اللى ياخدهم فى رحلة بعنوان

دعونا نحتطب

و نرجع تانى لعهد الحطب

و القدور التى تسوى على النار

و تماثيل العجوة

الظاهر يا مستر لونلي علي الوضع اللي احنا فيه دة يبقي هناخد بالرأي دة