المساعد الشخصي الرقمي

مشاهدة النسخة كاملة : حل مشكلتك فى مشكلتى وبس



شهاب بودا
01-26-2009, 04:35 PM
اهلا بيكم


انا جيبلكم النهارده موضوع جديد وتقريبا اول مره فى منتدى بالطريقه دى وهو


*زنقة الستات*


وهو ان هيبقى فى اميل مشترك لكل الاعضاء يقدر تدخل بيه اى عضوه وتبتدى تكتب المشكله بتاعتها الى عايزه حل لها وبعد كتابة المشكله بتحدد تاريخ كتابتها
وبيستمر المناقشه للمشكله بين الاعضاء والوصول لحل مثالى لمده اقصاها اسبوع وبعد مرور الاسبوع ممكن تدخل عضوه تانيه وبرده بتكتب لها تاريخ وتحدد مشكله تانيه وهكذا


مميزات الموضوع امكانية وصول اى عضوه لاى حل لمشكلتها مع الاحتفاظ بسريه صاحب المشكله وممكن تشارك هى كمان برأيها الى هى معتقده انه صح وياريت لو فى اخر الاسبوع تكتب الرأى الى عجبها وطبعا ده بالاميل المعمول

تنبيه:
يحذر دخول اى عضو او عضوه بالعضويه المتاحه على اى موضوع والمشاركه فيه





اسم العضويه: مشكلتى
كلمة السر: 1234567

Youssef Mostafa
01-26-2009, 04:39 PM
ياجامد يابودا انت خريج خدمة اجتماعية ولا ايه ياباشا بس انا ملاحظ ان الموضوع دة للعضوات بس

Marwa Mahmoud
01-26-2009, 04:43 PM
شكرا ليك بجد فكرة جميلة بحييك عليها
وياريت نبدأ فى تنفزها .
http://www10.0zz0.com/2009/01/17/21/710103174.jpg

شهاب بودا
01-26-2009, 04:43 PM
فى اى وقت يا مرمر وايوه ى للبنات بس يا يوس

Youssef Mostafa
01-26-2009, 04:46 PM
وسف يابودا فين الفاء ازعل انا كدة

Night Moon
01-27-2009, 03:51 PM
الموضوع حلو يا شهاب وبجد ابدأ في التنفيذ لانة هاينجح باذن الله

مشكلتى
01-27-2009, 04:18 PM
بص يا شهاب الموضوع بجد حلو

بس بجد اصعب حاجه انك تحس ان الناس كلها مزيفه

كل اصحابك مزيفين

انا تعبت

كام مره اصاحب ناس وافكرهم اخر العالم ويبعونى مع اول مطب

سعات كتير بتبقى نفسك تتكلم مع حد وتحس ان الناس كلها بتديك ضهرها

قولى انا اللى غلطانه ولا فعلا مبقاش فى حد بيدور على حد

انا نفسى بتصعب عليا بجد

نفسى اتعلم مبقاش على حد زى ممحدش بيبقى عليا

قولى اعمل ايه عشان مبقاش على حد

واقدر ابيع زى ما الكل بيبيع

witch evil
01-27-2009, 04:21 PM
ههههههههههههههههههههههههههه

يدماغك الريقه يا شهوبتى

بس اوعى يولا تجيبوا اللى حيكتب من اىبى الجهاز

والا تبقى قلت ادب

ههههههههههههههههههههههههه

بجد احيك على الفكره

وتبقى حلوه لو اتثبتت

ميرا مار
01-27-2009, 04:24 PM
شهاب الفكرة حلوة وكانت معروضة قبل كدا مش فاكرة من مين..هادور واقولك
لكن الادارة رفضت الفكرة لان ممكن اى حد ياخد الباسورد ويستخدم اليوزر نيم فى اى حاجة تسئ للمنتدى
اتمنى ان الادارة اولا تقول رايها

Mimi
01-27-2009, 04:35 PM
متهيألي ياميرامار محدش هيستخدم العضوية الا للموضوع دا زي لعبة أنا مين

عمومآ الفكرة جميلة جدآ

lolaa fahmy
01-27-2009, 05:47 PM
فكرررررررررررررررررره جميله يا شهااب

انت قسم جغرافيا معانا ولا علم نفس بجد ؟؟

Mimi
01-27-2009, 06:18 PM
انا كنت عايزه اقول لصاحبة المشكلة انها متقلقش خالص

انتي ماشية كدا صح ..كل واحد فينا لازم يقع عشان يرجع يعرف يقف تاني صح ولا لاء؟

وبعدين انتي لازم تشوفي الوحش والحلو مع بعض عشان تعرفي تميزي فيهم لكن اللي اقدر اقولهولك متزعليش على الصدمات اللي بتشوفيها في الناس وتخلي قلبك مجروح وجزين على اللي بتلاقيه بالعكس لازم تنبسطي وتعرفي انك اتعلمتي درس جديد من دروس الحياة وتستفيدي منه .. عشان تقدري بعد كدا تكوني انطباعات صح من اول مرة تشوفي فيها اي حد

خالد أبوسعده
01-29-2009, 04:11 PM
طبعا الى قالته جودى كلام سليم 100*100

بس انا عايز اكمل علي كلام جودى لو تسمحولى

انا عايز اقول لصاحبه المشكله
مفيش اى حاجة تستاهل انك تتعبى علشانها
و الى بتكتشفى انهم مزيفين بعد ما كانوا اخر العالم
علي الرغم من الالم الى سببهولك
بس بجد انتى الي كسبتى نفسك
لانك يوم ما حتحتاجى لحد مزيف و انتى مكنتيش اكتشفتيه لسه
حيبقى الالم جرح
و هيبقى اصعب بكتير من دلوقتى
و اى جرح ممكن يتداوى
و خليكى ماشيه زى ما انت
الى عايز يعرفك لشخصك اهلا بيه
الي بيضحك عليكى
بلاش منه حتى لو كان اعز حد

المثل بتاع يا بخت من بكانى و بكى عليا
ولا ضحكنى و ضحك الناس عليا

الصداقه المزيفه بتبقى زى المخدر
مفعولها بيروح مع الوقت
و كل ما اكتشفتى الموضوع دا بدرى
كل ما كان انتى الي كسبانه

بس قبل كل دا انا عايز اقولك حاجة
فبل ما تفكرى تتعلمى تبيعى
فكرى فى الى باعوكى
و كميه الالم الى سببهولك
و اعرفى انك حتسببى الم زيه و يمكن اكتر بكتير

و مش كل الى بينزل من قطر حياتك
بيكون وصل لمحطته
فى ناس بتبقى الظروف اقوى منهم
و فى ناس بتنزل علشان متسببلكيش الم

سلمي جمال
01-29-2009, 04:32 PM
موضوع جميل اوي يا شهاب
انت فعلا لازم تمسك قسم حوا
ههههههههههههههه

اما بالنسبة لصاحبة المشكلة احب اقول ان كلام جودي و خالد كلام جميل اوي و هو دة الصح

لكن احب اقول حاجة اضافية لو سمحتي

بلاش تدي ثقتك لحد اوي
حتي لو كنتوا صحاب 10 سنين
لان محدش حيحبك اكتر منك
و كل واحد حيجيلة وقت و يفضل نفسه عنك في بعض الامور
مش معني كدة ان الناس كلها وحشة
بس هي دية طبيعة البشر

اما بالنسبة للجروح الي حستيها من اصحابك قبل كدة
دية فترة و بتعدي
لان الحمد لله
ربنا خلقلنا النسيان
و دية نعمه كبيرة اوي
ومثل ما خالد قال هي عاملة زي المخدر
فترة و حبروح الاحساس دة
و الدنيا ياما بتعلم
و شكرا اوي ليكي علي المشاركة

شهاب بودا
01-29-2009, 07:38 PM
انا بقى عندى راى تانى وهو ان صاحبت المشكله نست تكتب تاريخ كتابتها الموضوع ههههه
على العموم انا شايف يا مشكلتى ان الى انتى فيه ده مش مشكله عويصه لكن الى انتى عايزه تعمليه هو ده الى هيبقى مشكله وهو انك ماتأمنيش لحد
بصى لكل انسان فينا الطرف التانى الى بيكمله مش شرط كحب او ارتباط يعنى مثلا انتى مش كل الناس عندك واحد لكن انا بعتقد انك ممكن تحاولى انك تراجعى نفسك تشوفى ممكن تكون فيكى حاجه لان احسن حل اننا نبدأ بنفسنا الاول ولو حستى انك مافيكيش حاجه اوعى تغيرى نفسك عشان الناس لانك فى النهايه



هتكسبى الناس وتخسرى نفسك والاصدقاء ممكن نلاقيهم انما لو خسرتى نفسك استحاله تلاقيها..... وبس

شهاب بودا
02-16-2009, 05:34 PM
هااااااااااااااا يا جماعه ايه المشاكل خلصت ولا ايه؟

Mimi
02-16-2009, 05:53 PM
يارب تكون مشكلتي وصلها ردودنا وعجبني جدآ رأي خالد وسلمى

في انتظار مشكلتي الجديدة :)

مشكلتى
02-17-2009, 05:53 PM
انا مشكلتى باختصار انى خيفه ارتبط احسن اتعلق بالى ارتبط بيه بس فى كتير جولى وكويسين يا ترى انا اعمل ايه قولولى

شهاب بودا
02-18-2009, 07:31 PM
انا شايف انك لازم تجربى وتخوطى المشكله بحلوها ومرها لانك كده هتعيشى طول عمرك خايفه من انك تخوشى فى تجربه وتفشلى ومين عارف ممكن تنجحى وممكن برده تفشلى بس فى النهايه


لازم تجربى

محمد عمرو عبد الحليم
02-18-2009, 09:57 PM
بسم الله الرحمن الرحيم
السلام عليكم ورحمت الله
بى النسبة لى صاحبت المشكلة فا انا رأى
بصى ان ااسف هعملك زى بنتى بس بصى انا رأى مينفعش تجربى حاجة غير لما تبقى عرفة اية مصرها يعنى بى المختصر المفيد مينفعش انى اجرب اتخطب وبعد كدة افك اة انا معاكى ان هيجى لك عرسان كتير بعد كدة بس بعد فترة لما يتعرف انك بتفشكلى موضيع كثيرة هيتقال كلام مش حلو ومش معنى كدة انك متتعرفيش على حد بى العكس اكيد فى حد ربنا هيوفقق مع حد ويكون شخص كويس علشان كدة نصحتى انك تحولى دخدى بالك من قرارك ما انى انصحك تجربى ولا لا فدة حاجة ليكى انا رأى انك لما حد يتقدم ليكى تحولى تعدى معاة وتتعرفى علية سواء كان محترم ولا متدين ولا هيراعى رنا فيكى لا كدة ولو كان فى نصيب ربنا هيوفقق ونصيحة انك تصلى صلاة استخارة لان الله احسن من اى حد فى المشورة لذلك ربنا معاكى وشدى حيلك بس كلة فى حدود دينك واخلاقق وبعلم الولادين واعتزر لو قلت اشئ لا دخل ليا فيها

eslam mamdouh
02-18-2009, 10:12 PM
اولا يا شهاب موضوعك فى غايه التميز ..........وانا احترم الفكر الهادف جدا وخاصه الفكر الاجتماعى


لكن انا شايف فى رايى ان اسم الموضوع محتاج الى بعض التعديل لانه مش بيدل على اهميه الموضوع........فمن فضلك فكر فى تعديل اسم الموضوع بحيث انه يدل على اهميه الموضوع الفعليه..........واتمنى كمان ان الموضوع يتثبت

eslam mamdouh
02-18-2009, 10:21 PM
انا مشكلتى باختصار انى خيفه ارتبط احسن اتعلق بالى ارتبط بيه بس فى كتير جولى وكويسين يا ترى انا اعمل ايه قولولى




اختى العزيزه........اسمحيلى انى ابدى رايى البسيط واتمنى انه يكون على قدر مناسب من الافاده
بدايه ربنا منح الانسان عقل ليفكر وقلب ليحب

الانسان عند اختيار شريك حياته ومستقبله يجب ان يختاره على اساس التوافق معه فى العقل والفكر والظروف الاجتماعيه المختلفه..........بمعنى ان يكون الاختيار على قدر كبير من العقلانيه ..


لو اتقدملك انسان على قدر مناسب من التدين وعلى قدر عالى من الخلق والاحترام والاهم انه يكون يحبك بمعنى الكلمه الكامل ويستطيع ان يمنحك الاحساس الحقيقى بالحب والامان

يبقى ايه المانع ان يكون ذلك الشخص هو من يستحق قلبك وان تبدى له كل الحب والتقدير


ولكن احب ان اقول ان الحذر مطلوب ومهم ولكن الخوف يضيع كل شئ

فيجب ان تكونى على قدر مناسب من الحذر التفكير..........ولكن بلا خوف...... وثقى فى حكمه الله


الطيبون للطيبات



وشكرا جدا لحضرتك

شهاب بودا
02-19-2009, 05:45 PM
العب يا سلم

Mimi
02-19-2009, 06:02 PM
انا مشكلتى باختصار انى خيفه ارتبط احسن اتعلق بالى ارتبط بيه بس فى كتير جولى وكويسين يا ترى انا اعمل ايه قولولى

ازاي خايفة ترتبطي أحسن تتعلقي باللي هترتبطي بيه ؟!! انتي مش عايزه تتعلقي بيه ليه ؟

يامشكلتي موضوع العلاقات والارتباطات بالنسبة للبنت هيا الحاجة الوحيدة اللي مينفعش نقول فيها لازم تجربي وتشوفي لأن طبعآ الموضوع دا ممكن تخسري فيه حاجات كتير فالأحسن انك تتعلمي من اللي حواليكي

ومن كتر المواقف اللي هتشوفيها هتقدري تحكمي كويس على الاشخاص اللي بيحبوكي وهتقدري تختاري الانسب فيهم ليكي وبدون ما يجيلك لحظة تردد انك هتسيبيهم

وزي ما قالو اخواتك في حدود الادب والدين وربنا يوفقك ياحبيبتي

شهاب بودا
02-19-2009, 06:05 PM
تمام يا ىجودى الله ينور

شهاب بودا
02-20-2009, 05:14 PM
يلا يا جماعه ساعدوها فى حل مشكلتها

هدى على
02-22-2009, 05:43 PM
بجد فكرة حلوة اوى يارت نستمر فى الموضوع بجد.

شهاب بودا
02-23-2009, 06:22 PM
فين الحل يا هدى

witch evil
02-27-2009, 11:35 PM
انا بقى عندى مشكله عويصه وعشان الكلام اللى سمعته من ناس كتير يا جماعه انا لو عايزه اكتب مشكله مش حداره وره اسم

عشان مش كل شويا حد يسالنى

المشكله بقى فى ان انا كل اصحابى حيخرجوا السنادى ومليش ميول مع دفعتى اهى اهى اهى

اعمل ايه

شهاب بودا
02-28-2009, 06:59 PM
والله يا حوريه ممكن تنتحرى ده حل مثالى

witch evil
03-02-2009, 12:36 AM
ههههههههههههههههههههه

اخص عليك يا ...........................

ههههههههههههههههههههههه

شهاب بودا
03-13-2009, 05:03 PM
يلا يا جماعه حلو مشكلتها