المساعد الشخصي الرقمي

مشاهدة النسخة كاملة : صديقك الصدوق



tiger
09-23-2008, 02:13 AM
الموضوع ممكن يكون قديم بس حساس ساعات يكون سند وعون ونقطة قوه وساعات يكون نقطة ضعف للأنسان الصداقه بكل أنواعها وفى جميع الأعمار
أهم شروط الأصدقاء ؟ من هو صديقك الصدوق؟ مين هو أقدم صديق ليك ولو حبيت أذكر الأسم ومن أمتى انتو صحاب؟
موضوع الصداقه موضوع متشعب نرجو التركيز فى الرد0

Hassan Mohamed
09-23-2008, 02:24 AM
يااااااااااااااااااه الموضوع ده بيمثلي مشكلة في حياتي انا ساعات كتيرة قوي بحس اني مليش صديق بس دي فعلا كانت مرحلة قديمة يمكن لما جربت الحب عرفت ان الحب شئ متعلق قوي بالصداقة وحسيت انهم ميفترقوش عن بعض بجد بيبقا احساس رائع لما تكون بتحب حد وهو بيحبك وفي نفس الوقت اصدقاء بس لو فيه فراق بتبقي الصدمة الكبري ( وربنا ميجيب فراق ابدا)

المهم انا لو غوصت في الموضوع ده مش هنخلص

نجاوب علي الاسئلة

اهم شروط الصداقة ؟؟

الحب - والإخلاص

من هو صديقك الصدوق؟
...............
لا تعليق لانو مفيش

مين هو أقدم صديق ليك ولو حبيت أذكر الأسم ومن أمتى انتو صحاب؟
لا يوجد ربما اكون انسان معقد في الموضوع ده

shimo
09-23-2008, 07:30 PM
:mad: اشرف شكلك انت كمان عايز تنافسنى ؟
المهم موضوعك هزنى اوى بصراحه فضلت كتيييييييييييير قداموا عشان اعرف ابدأ او اقول حاجه معرفتش
بص بصراحه هو فى فعلا صداقه فى زمنا دا وفى اصدقاء بس كلمه صديق صدوووووق دى اعتقد انها صعبه شويا ؟
انا الحمد لله ليا اصدقاء وواثقه انهم فعلا بيحبونى من جوا قلبهم بس سعات تانيه بيكون فى عائق بينك وبينهم اكيد العائق دا هى ظروف الحياة
اما بالنسبه للمواصفات اللى المفروض تكون فالصداقه
1 الصدق
2 الاخلاص
3 الخوف والحب من جوا قلبك بجد على صديقك دا
4 انك تكون مستعد تقف جمبه فى حزنه وفرحه
5 كاتم اسراره لان سعات كتير تكون محتاج تفضفض وعايز حد ينقزك بنصيحه
انا لقيت كل دا فى اكتر من واحدة بس اكيد مش هقدر اقول اساميهم
بس اللى اقدر اقولو دلوقتى انى بحمد ربنا انهم جمبى ومعايا وانى فعلا بحبهم اووووووووووووووووووووووووى

Mahro
09-23-2008, 07:33 PM
أكيييييييييييييييييييييييييييييييييييييييييييييييي ييييييييييييييييييييييييييييييييييييد

Hassan Mohamed
09-23-2008, 07:34 PM
هو ايه اللي اكيد

Mahro
09-23-2008, 07:38 PM
كلام شيمو عن الصداقة

Hassan Mohamed
09-23-2008, 07:40 PM
ااااااااااااه طب متقولنا رايك انت بئا

shimo
09-23-2008, 07:42 PM
:eek: مالكم انا شكلى جيت متأخرة

shimo
09-23-2008, 07:43 PM
صح يا mahro قولنا رأيك انت بقئ

eslam mamdouh
09-23-2008, 07:53 PM
alsdaka agmal ma fy alwgod

alheya tkon kaayba lo bdon sadik

ana mlish ala sadik wahed fakat



sadiky aly bahebo wa bastashero fy kl shi

mamdouh abo daif
waldy howa kol ashaby

ميرا مار
09-23-2008, 10:45 PM
موضوع جميل يا اشرف
خدتو من على طرف المخيخ الايمن
ماعلينا

ميرا مار
09-23-2008, 10:52 PM
الصداقة نعمة من عند الله..
فى الغرب بيقولوا ان الصديق بيوفر تكاليف الدكتور النفسانى

أهم شروط الأصدقاء ؟ الثقة.. الحب..التفاهم .. الدعم .. وانك دايما تكون موجود لما يحتاج لك
من هو صديقك الصدوق؟
اممممممم ......... قلبى ( بيقولو قلب المؤمن دليلة)
مين هو أقدم صديق ..
اسمها نورا
ومن أمتى انتو صحاب؟
يااااه قصة جميلة قوى ..
هى تعرفنى من اعدادى
اصلى كنت نجمه اذاعة مدرسية
ولما روحنا ثانوى مع بعض..
فى اول يوم جات تقعد جنبى فى التخته (اللى هو كرسى عريض كدة)
قولتلها بكل غلاسة وغرور لاء الكرسى دة محجوز ..
ومن يومها واحنا لا نفترق

tiger
09-24-2008, 01:51 AM
بشكر الزملاء على الرد

tiger
09-24-2008, 01:53 AM
بشكر شيمو على ردها وأعوذ بالله مفيش منافسه ولا حاجه ده بعض من عندكم دا أنتى الوجع الكبير هههههههه

tiger
09-24-2008, 01:59 AM
شكرا يا باش مهندسه مها وأحلى فعلا صداقه قديمه ومستمره لأنها فعلا بتكبر مع الأيام وبتتداخل مع الأيام أكتر وكتر وفعلا شعورك جميل أوى


محتاج رد باقى الزملاء فى المنتدى

shimo
09-24-2008, 02:00 AM
:) ثانكس اشرف على موضوعك التحفه دا
ثم واللهى انا مش شريرة خالص يارب مايبقئ فى مواجع :(
وعموما مرسى اوى على شكرك ليا :)

ميرا مار
09-24-2008, 09:45 PM
احكى لنا انت يا اشرف بقى

tiger
09-25-2008, 09:26 AM
كلمة صداقه بالنسبه ليا حاجه كبيره أوى وكفايه أن الصاحب دايما بيحس بصديقو لو هو فى أزمه مش أرتباط كلامى ده فى أرتباط عائلى كمان0
ولازم أى صاحب يقدر صاحبو أوى لأن عن طريق التقدبر الى جانب الوقت والجدعنه بقى زى ما بيقولو لازم الصداقه دى تكون أقوى 0
الحمد لله العبد لله طول عمرى محبوب وصحابى كتير بس الى قريبين منى أوى 3 أصحاب 0
1- محمد المصرى
2- هشام
3- عبد العظيم0
ودول صحاب من حوالى 7-8 سنوات0

ميرا مار
09-25-2008, 04:47 PM
ماشاء الله .. فين بقيت الاجوبة

tiger
09-25-2008, 05:13 PM
أنا جوبت بطريقه غير مباشره بس على طريقة نص

Rania Ismail
09-29-2008, 12:42 AM
مشكووووووور يا اشرف على الموضوع وبجد الموضع ده عجبنى قوى
احب اجاوب على الاسئله
الصداقه ديه بالنسبالى شئ مهم جدا لانى بعامل اصحابى زى اخواتى بالظبط ومبفرقش بينهم ومش بيهمنى لو جيت على حساب نفسى على شانهم بكون مبسوطه وبخاف عليهم اكتر ما بخاف على نفسى انا هما وهما انا بحس اننا شئ واحد فاهمين بعض بنفهم بعض من نظرات عنينا انا لو قعد اتكلم عن الصداقه حتزهقو منى فخير الكلام ما قل ودل
اهم حاجه فى الصداقه الحب الحقيقى وانهم يكون ايد واحد ويقفو مع بعض فى الحزن وفى الفرح يشاركو بعض يخافو على بعض بجد وبثقو فى بعض
اما بالنسبة للاصدقاء القدام
انا عندى صاحبتى من ثانوى اسمها نورهان
ومن الناس اللى بعتبرهم عشره عمرى بجد وبحبها قوى قوى قوى فوق ما تتخيلو هى اسراء
وبحب نشوى من الناس اللى قريبين ليا وبعزها
على فكره الموضوع مميز يا اشرف مشكووووووووووور

tiger
09-29-2008, 10:49 AM
شكراا على مرورك وعلى الصراحه فى التعبير يا رانيا وأهلا بعودتك فى المنتدى 0

Rania Ismail
09-29-2008, 11:11 AM
اهلا بيك يا صديقى

ahmedko
10-03-2008, 09:14 PM
مش عارف ساعات بحس ان موضوع الصداقة دة ممكن يعدى كدة يعنى مش مهم و الناس تقدر تعيش من غيرة
لكن لما انا بقع فى مشكلة بلجأ على طول لصاحبى و باردو بحس بصاحبى لما يكون عندوا مشكلة

tiger
10-04-2008, 01:52 AM
شكراا يا أبو أحمد على رأيك بس أنتا حساس علشان بتحس بصحابك0

احمد حسن
10-04-2008, 01:25 PM
الحمد لله
ربنا كارمنى باصدقاء بحبهم وبيحبونى رغم البعد عنهم الا انى على اتصال بيهم
ساعات بحس ان قول ان الخل الوفى من رابع المستحيلات ده اى كلام

tiger
10-04-2008, 05:02 PM
شكرا يا باشمهندس على مرورك وكلامك الحلو0

gogo
10-04-2008, 08:46 PM
بجد الصداقه دى شى جميل جدا والانسان مبيحسش بطعم الحياه غيرلما يبقى فى ناس حوليه بتحبه ويحبها بيبقى فى روح للحياه

شروط الصداقه ؟
الحب التعاون الاخلاص التسامح المساعده بدون مقابل فى وقت الشده وفى حاجات كتير اكتر من كده

صديقك الصدوق؟
انا الحمد لله ليا اصدقاء كتير جدا وكلهم معزتهم واحده فى قلبى وكلهم كويسين الحمد لله وانا بحمد ربنا ان انا عندى فعلا اصدقاء زى دول كله بيحس ببعضه من غير كلام حتى ربنا يخليهم ليا وميحرمنيش منهم وبجد انا اجمل صدقات كونتها فى القسم عندى

اقدم صديق ؟
اقدم صديقه ليا اعرفها من 9 سنين والحمد لله دى اكتر من اخت لكن ده ميمنعش ان اصدقاء الجداد كويسين جدا وحاسه انى بقالى معاهم كتييييييييييييييير ومش عايزه اقول اسم صحابى لانى حقعد اقول فيهم من هنا لبكره

tiger
10-04-2008, 09:00 PM
كلامك جميل جدا يا جوجو وشكراا على المشاركه0

ميرا مار
10-12-2008, 06:33 PM
طب ايه رايك يا اشرف
بعد الاراء اتلجميلة دى
نطور الموضوع شوية
ونشوف راى الكل فى
الصداقة بين
الولد
والبنت

Mahro
10-12-2008, 06:59 PM
الصداقه دى اجمل شىء فى الدنيا دى هدينا اداها ربنا سبحانه وتعالى للإنسان والى بجد ملهوش صديق يبقى ملهوش حبيب يعنى الصديق ده بالنسبه ليا اكتر او فعلا زى اخ جايز عشان انا صحابى القريبين اعرفهم من اول ماوعينا على الدنيا انا حتى عندى صور واحنا فى حضانه طبعا مش مصدقين وكبرنا واحنا سوى جايز فرقتنا الدراسه لكن جمعا الحب هو احنا كده منعرفش نعيش من غير بعض المشكله عند حدفينا مشكلة كل واحد فينا واهله اهلى وبنقول لأمهات بعض يا ماما ولو روحت البيت ممكن اقوله حطلنا يابنى نفطر وافطر مع العائلة كلها وعلى فكره كلنا جيران فى نفس الشارع وعلى فكره صاحب ابن حتتك يكون دهرك لحد اخرتك امى هيا الى بتقول كده .

اما صديقى الصدوق
حسين (محامى )
احمد جابر ( مهندس رسم وتصميم )
احمد ابو الوفا ( دكتور كميائى )
محمود رمضان ( فنى محركات بحريه )
احمد عامر ( مهندس رسم وتصميم )
محمد على ( محامى )
فرج السيد ( جامعه عماليه )
حسام صلاح ( مهندس رسم وتصميم )
وأخيرا العبد لله ولسه فى تانى بس كفايه عليكم كده
ودى عشرة اكتر من 20 سنه احنا كلنا 23 ماعدا 2 24 و1 25

ولو ملاين الدنيا كلها ماتساوى فراق واحد منهم اناااااااا بحبهم جداً

IsLaMiC GirL
10-12-2008, 08:09 PM
كلام جميل اوى يا جماعة اللى اتقال

بجد الصداقة دى حاجة فوق الوصف ولازم اى انسان يكون ليه صحابة واصدقاءة معتقديش ان حد يقدر يبقى لوحدة من غير اصدقاء

أهم شروط الأصدقاء ؟
الحب _ الجدعنة _ الخوف على بعض _ انهم يقفوا مع بعض فى اى موقف سواء حلو او وحش _يفهموا بعض _يحسوا ببعض_ يكونوا امنين على اسرار بعض كدة يعنى (المواقف هيا اللى بتبين مين صحبك )

من هو صديقك الصدوق؟
فى كذاااااااااااااااا حد بس بجد انا فى القسم عرفت احسن واجدع اصحاب وصحاب بجد بيحبوك وبيخافوا عليك ومش شرط الوقت خالص فى حكاية الصحوبية طالما فاهمين بعض كويس وفى تفاهم وحب فخلاص وياااااااااااااااااااااااااااااارب يديم الصداقة دى على طول وربنا يخليهم يارب ونفضل اصحاب على طول مش كلية وبس وبجد فرحانة اوى وبحمد ربنا انى اتعرفت عليهم وصحبتهم

مين هو أقدم صديق ليك ولو حبيت أذكر الأسم ومن أمتى انتو صحاب؟

انتيمتى من 2اعدادى يعنى 8سنين تقريبا
بس مش شرط الوقت خالص ممكن ناس تعرفهم من قريب وتتقالم معاهم وتحس انك تعرفهم من زمان وترتاح معاهم عن ناس تعرفهم من زمان

tiger
10-12-2008, 11:58 PM
شكرااا على رأيك الجميل والصريح وطول مازاد عمر الصداقه زادت عمقها وقوتها0

محمود ابوالمجد
10-14-2008, 11:59 PM
الصداقة هي الهواء التي تعيش بيه القلوب الحياة اجمل ما فيها صديق بتقعد تحكي معه وانت مخنوق وبهيس معه وانت مبسوط ويقف جنبك وانت تعبان ويفرحلك وانت فرحان الصداقة حياة الصداقة حق بس لازم تختار الصديق الصح الصديق الي يوديك الطريق الصح الطريق السليم الطريق الي ربنا يرضي عنك فيه الصداقة انك تلاقي واحد بيفكر نفس تفكيرك ممكن يبقي فيه بنكم اختلاف بس الاكيد انكم بتكملوا بعض بتحلموا مع بعض انا بالنسبالي الصداقة اهم من الحب او يمكن انا بقول كده عشان مصحبتش غير في كلية وهو انسان واحد بس اي نعم ليا صحاب كتير بس زيه وانا وهو مع بعض مش عارف بس ممكن اقدر اقول وبقلب جريء ان مكنش فيه اتنين في صداقتنا بجد يا جماعة حبو الصديق بس كلمة صديق دي ليها عقد كبير لازم تمضوا عليه بالحب والخوف علي بعض وكفايا ان من ضمن الناس الي ربنا سبحانه وتعالي هيظلهم في ظله يوم لا ظل الا ظله رجلان تحابا في الله اجتمعا عليه وتفرقا علي وكفايا بقي عشان لو فتحت مش هسكت من كتر الكلام علي الصداقة
أهم شروط الأصدقاء ؟
طبعا الرجولة الصدق الحب التضحية التفاهم
من هو صديقك الصدوق؟
احمد عبد الباسط الله يرحمه
مين هو أقدم صديق ليك ولو حبيت أذكر الأسم ومن أمتى انتو صحاب؟
صديق بمعني صديق يبقي اول صديق احمد عبد الباسط الله يرحمه ومن امتي بقي من 4 سنين من اول يوم كلية لحد اخر يوم بعد حفلة التخرج وطول حياته وان شاء الله في قلبي لحد مقبله هناك

tiger
10-15-2008, 02:32 AM
الهه يرحمه يا محمود وفعلا كان صديق عمره ما يتنسى وشكرا على أحساسك الجميل والتعبير المعبر عن الصداقه 0