المساعد الشخصي الرقمي

مشاهدة النسخة كاملة : ما هو حسب رأيك سبب نجاح مسلسل نور ؟



AYMAN GAMAL
01-27-2009, 11:24 AM
http://www.pic.damasgate.com/upload/sicoline.gif
http://www.pic.damasgate.com/upload/084mj5ca.gif
http://www.pic.damasgate.com/upload/sicoline.gif
يا ترى ايه السبب؟

ايه سبب نجاح مسلسل نور؟

غياب الحب عن عالمنا المادي
هذا المسلسل عاد بما يحمله من علاقات رومانسسيه وحميمه بين نور ومهند
عاد وذكر الجميع بان هناك شيئا نحن بحاجه اليه وفقدناه
يعني لا جمال الشخصيه ولا غيره فقط كمية الحب وروعة اظهاره للناس
وديما بنقول : المفقود مطلوب!

شارك برايك و قم بالتصويت بالاعلى

الموضوع عام للجميع وفي انتظار مشاركاتكم و ارائكم

http://www.pic.damasgate.com/upload/sicoline.gif
http://www.pic.damasgate.com/upload/t7yaty.gif

spring sun
01-27-2009, 11:29 AM
لا طبعا ده مش نجاح ده عدوي المشاهده اللي الكل بينقلها لبعضه اما المسلسل عادي والله جدا

AYMAN GAMAL
01-27-2009, 11:30 AM
يعني يا اميرة انتي شايفه انه نوع من الادمان بس مش كده؟

spring sun
01-27-2009, 11:38 AM
مش ادمان كمان لا ده انبهار ساذج

اللي يشوف المسلسل يقول التاني ويحكوا لبعض فيتفرجوا وكده

حمي وصابت العالم العربي وقتها وبيتهيالي انها تلاشت الان

AYMAN GAMAL
01-27-2009, 11:41 AM
عايز اقولك يا اميرة ان كانت نسبة المشاهده في العالم العربي 120 مليون بس

عمرها ما حصلت في تاريخ مسلسلاتنا اللي بتتعرض كل يوم

عالعموم رايك يحترم جدا جدا يا اميرة شكرا ليكي

ميرا مار
01-27-2009, 11:42 AM
لا ..انا مش معاك يا اميرة خالص..مش عدوى مشاهدة صدقينى
..المسلسل دا كل واحد شافة
واستمر فى متابعته كان بيدور على حاجة ناقصة جواه..
وعلى فكرة بقى(وربنا يستر عليا من البنات) مهند دا مش امور خالص..

المهم..انا كنت بتابعه ليه؟؟؟
فى الاول..كان عاجبنى فكرة العيلة واللمة والترابط وكل واحد له حكاية
كانى بادور على ناس اعرفهم ..واعيش معاهم كل يوم (الصحبة يعنى)

بعد كدا.. تركيا مناظر روعة ..وشوارع نظيفة ..
وطبعا موديلات حلوة (متعة العين اللى بيدور عليها المشاهد)

السبب التالت
رومانسية مهند .. انا بادور عليها ..فباعيشها فى قصة لمدة ساعة يوميا
بس زهقت فى الاخر..من نور..جتها الارف ..حد يلاقى كل دا حب ويعمل كدا
واللا كان لازم مصيبة تجمعهم؟؟

المهم بقى من المسلسل كلة ماكنتش باحب فى الشخصيات غير
دانا و فجر ..

شكرا ايمن ع الموضوع الجديد والجميل دا..بجد تسلم ايدك

AYMAN GAMAL
01-27-2009, 11:46 AM
تسلم ايدك يا ميرا

ده طبعا كلام مختلف تماما يعني انتي شايفه ان الحب هوه السبب

طبعا نعتذر لمعجبين مهند اللي هينتقدوكي للصبح يا ميرا ههههههههههه

شكرا على مرورك الجميل متنسيش تصوتي فوق

spring sun
01-27-2009, 11:47 AM
والله انا ما اتفرجت غير علي اخر خمس حلقات


علشان كده ممكن اكون انا غلط


بس انا معاكي يا ميرا انه فعلا مهند ده غلس ودمه تقيل

AYMAN GAMAL
01-27-2009, 11:48 AM
ههههههههههههههههههههههههههههههههههههههههه

الواحد بقوا اتنين

AYMAN GAMAL
01-27-2009, 12:25 PM
انا شايف ناس صوتت فوق منغير ماتكتب رايها

ياريت يا جماعة نكتب راينا وايه سبب تصويتك لاحد الاختيارات اللي فوق

Youssef Mostafa
01-27-2009, 12:28 PM
بصراحة يابشمهندس انا متفرجتش على المسلسل خالص بس وقتها كنت شايف العالم العربى كله بيتكلم عليه فمش عارف دة ايه سببه وسمعت ان المسلسل رومانسى فدى حاجة هبلة جدا يعنى مثلا نتفرج علبى مسلسل زى باب الحارة دراما فظيعة دى بقى انا اتفرجت على ال 3 مواسم مسلسل وطنى جدا وحلو ليه منتفرجش عليه هو سورى على فكرة

AYMAN GAMAL
01-27-2009, 12:30 PM
عندك حق والله يا يوسف

عندك مسلسل اسمه الاجتياح

جميل جدا برضه و بيعبر عن قصة واقعيه

شكرا ليك يا يوسف رايك يحترم جدا

Youssef Mostafa
01-27-2009, 12:33 PM
الله يخليك يابشمهندس دة بس من ذوقك والله

AYMAN GAMAL
01-27-2009, 12:39 PM
ربنا يكرمك يا رب

شكرا يا يوسف

farida
01-27-2009, 02:46 PM
مش حلو اصلا و قصته مش مشوقة ده طول المسلسل يتجوزا بعد كده يطلقوا و بعد كدة يتجوزا و بعد كدة يطلقوا و بعد كدة يتجوزا ........فضلينلهم احنا . و مهند كمان مش حلو ده شبه الاسد اه و الله اسغر الله العظيم ههههههههههه

AYMAN GAMAL
01-27-2009, 02:49 PM
هههههههههههههههههههههههههههه

شكرا عالاضافة دي يا فريدة

يعني انتي شايفة انه فاشل من الاخر

شكرا ليكي

Ahmed Mohamed
01-27-2009, 03:22 PM
اولا يا ايمن انا من الناس اللي محبتش مسلسل نور بس حبيت سنوات الضياع هههههههه
تركي بردوا بس الصراحة اللي عجبني فيه الرومانسية وحاجة كمان مش لاقيها في المسلسلات العربية

وشكرا ليك علي الموضوع الجميل ده

AYMAN GAMAL
01-27-2009, 03:28 PM
شكرا يا احمد

يعني انت شايف ان المسلسل ده مش قد كده يعني ههههههههههههه

وشكرا على مرورك يا احمد رايك يحترم و جميل

Night Moon
01-27-2009, 03:37 PM
اقولك راي يا ايمن انا في الاول ماتبعتش المسلسل غير لما كل صحابي اللي يتكلم علي القصة نفسها ومنهم اللي يتكلم علي مهند نفسة قولت لما اشوف اللي بيتكلمو علية دة المهم تابعتة اولا مهند ماعجبنيش وثانيا اللي عجبني الرومانسية اللي تقريبا كلنا مفتقدنها والجوالأسري اللي ماحدش بقي بيحس بيه دلوقتي وشكرا يا ايمن علي الموضوع دة لان كل الناس بتتكلم عنة

AYMAN GAMAL
01-27-2009, 03:42 PM
شكرا ليكي على اضافتك الجميلة و القيمة

انتي عندك حق في اللي قولتيه ان فيه ناس بتعاني من فقدان الجو الاسري و الرومانسية بين الازواج خصوصا

شكرا على مرورك

witch evil
01-27-2009, 04:07 PM
بص المسلسل فعلا قصه مش مشوق اوى

احداثه كلها فى العادى

بس اعتقد ان الناس التفهه كتير

وكلهم كانوا بيتفرجوا على المسلسل عشان مهند

مع انه بنى ادم عادى
ومش حلو اوى

AYMAN GAMAL
01-27-2009, 04:15 PM
ههههههههههههههههههههههههههه

ماشي يا حورية يعني انتي شايفة ان الناس كانوا بيتفرجوا عالمسلسل علشان يشوفوا البطل

بس عارفه يا حورية لو ال 120 مليون دول بيتفرجوا علشان مهند يبقى على دنيتنا السلام

اضافتك مهمة جدا يا حورية و بحييكي عليها و رايك كان صريح و قوي

Marwa Mahmoud
01-27-2009, 04:27 PM
بشكرك يا أيمن على الموضوع
بصراحة أنا مشفتش المسلسل عشان أحكم عليه من وجهة نظرى . بس
كتير سمعتهم شكروا فيه بس اللى أنا حساه أنه مسلسل عادى جداااا
ومسلسل زى باقية المسلسلات العادية اللى بتتعرض باللآف مع أحترامى لوجات النظر الأخرى .
http://www10.0zz0.com/2009/01/17/21/710103174.jpg

Mimi
01-27-2009, 04:28 PM
موضوع جميل ياموون

انا تابعت حلقة او اتنين فقط من المسلسل بس عرفت قصته

وشايفة ان سيناريو المسلسل عادي جدآ وروتيني جدآ قصاد النجاح اللي نجحه

يعني بصراحة في مسلسلات السيناريو بتاعها أحسن بكتير من مهند وملقيتش النجاح دا

انا شايفة انه نجح لجمال الابطال فقط .. واللي شايفاه كمان ان المسلسل دا اتسبب في مشاكل كتير في الاسر العربية

كل اللي كان حلو فيه هو الاماكن والبيوت وبس

وعلى فكرة لكل اللي بيحبو مهند ومولعين بيه ..مهند دا كان بطل مجلات اباحية فرنسية وتاريخه منيل بستين نيلة

IQI__HeMa__IQI
01-27-2009, 04:39 PM
تسلم يا ايمن على الموضوع
بس لعلمك ان معظم الناس الى كانت اتكلمت
على المسلسل كانو بنات ودى لان مهند لفت نظرهم
وبعدين فى ناس كتير اول لمه شافته بجد هو وسيم وجميل
يا عم دى والله بنت صحبتى بتقولى انا مش بتفرج على المسلسل
لان كل لمه اشوف مهند بحلم بيه
ههههههههههههههههههههههههههههههههههههههههه
شوفت بقا وال ايه فى الاخر يقولو دى وحش ودمه تقيل
يا سبحان الله اتقل يا مون هخلى موضوعك يولع
ههههههههههههههههههههههههههههههههههه

lolaa fahmy
01-27-2009, 05:30 PM
موضوع جميل يا ايمن اهو حرية راي في اي حاجه

بص يا سيدي المسلسل طبعا فيه نقاط قوه اكتر من نقط الضعف

بس اللي متفقين عليه كل اللي سمعوه ان رغم طول المسلسل 150 حلقه تقريبا

لكن محسناش بملل اللي بنحسه في مسلسلات المصريه لو كملت ال35 حلقه بنبقي قرفنا من اللابطال ونسينا اول الموضوع

2- ده غير الحوار راقي جدااا مفيش(يابن....... ولا ولا ) واللغه المترجم بيها المسلسل حلوه جداا

وبالاضافه لده كله قصة حب الناس بدور عليها في زمنا ده وجمال الابطال طبعا دي حاجه بردوا مفتقدينها في مصر هههههههههه

بس ده رايي

Mimi
01-27-2009, 06:12 PM
بس يالوللا المسلسل كان ليه عواقب سلبية كتير اكتر من ايجابيتها

كفاية نسب حالات الطلاق اللي كانت أكبر دليل على العقول الصغيرة اللي ضيعت بيتها وهدمته بسبب مسلسل !!

الناس نسيت ان دي تمثيلية يعني كلو تمثيل في تمثيل وكأن اللي اتطلقت من جوزها وهدمت بيتها بقت سعيدة في حياتها

انا قستها على النتائج والعواقب السيئة اللي اتسبب فيها المسلسل

lolaa fahmy
01-27-2009, 07:10 PM
معقوول يا جودي فيه ناس عقلها صغير كده!!!!!!!!!!!!!!!!!!!

ربنا يهدي عباده

AYMAN GAMAL
01-27-2009, 09:56 PM
بشكرك يا أيمن على الموضوع
بصراحة أنا مشفتش المسلسل عشان أحكم عليه من وجهة نظرى . بس
كتير سمعتهم شكروا فيه بس اللى أنا حساه أنه مسلسل عادى جداااا
ومسلسل زى باقية المسلسلات العادية اللى بتتعرض باللآف مع أحترامى لوجات النظر الأخرى .
http://www10.0zz0.com/2009/01/17/21/710103174.jpg



يعني انتي يا مرمر شايفه ان المسلسل عادي و مش مستاهل اللمة الكبيرة اوي حوليه

رايك جميل وبشكرك عليه جدا

شكرا على مرورك

AYMAN GAMAL
01-27-2009, 10:00 PM
موضوع جميل ياموون

انا تابعت حلقة او اتنين فقط من المسلسل بس عرفت قصته

وشايفة ان سيناريو المسلسل عادي جدآ وروتيني جدآ قصاد النجاح اللي نجحه

يعني بصراحة في مسلسلات السيناريو بتاعها أحسن بكتير من مهند وملقيتش النجاح دا

انا شايفة انه نجح لجمال الابطال فقط .. واللي شايفاه كمان ان المسلسل دا اتسبب في مشاكل كتير في الاسر العربية

كل اللي كان حلو فيه هو الاماكن والبيوت وبس

وعلى فكرة لكل اللي بيحبو مهند ومولعين بيه ..مهند دا كان بطل مجلات اباحية فرنسية وتاريخه منيل بستين نيلة




هههههههههههههههههههههههههههههههههههههههه

ايه ده؟ ايه اللي بتقوليه ده يا جودي؟ انا اول مرة اسمع الكلام ده

لو فعلا دي الحقيقة فاحنا للاسف بينا ناس مخدوعين بيه جامد

شكرا يا جودي على مرورك و انا كنت متاكد ان فيه حاجه غلط في المسلسل ده

AYMAN GAMAL
01-27-2009, 10:02 PM
موضوع جميل يا ايمن اهو حرية راي في اي حاجه

بص يا سيدي المسلسل طبعا فيه نقاط قوه اكتر من نقط الضعف

بس اللي متفقين عليه كل اللي سمعوه ان رغم طول المسلسل 150 حلقه تقريبا

لكن محسناش بملل اللي بنحسه في مسلسلات المصريه لو كملت ال35 حلقه بنبقي قرفنا من اللابطال ونسينا اول الموضوع

2- ده غير الحوار راقي جدااا مفيش(يابن....... ولا ولا ) واللغه المترجم بيها المسلسل حلوه جداا

وبالاضافه لده كله قصة حب الناس بدور عليها في زمنا ده وجمال الابطال طبعا دي حاجه بردوا مفتقدينها في مصر هههههههههه

بس ده رايي


رايك يحترم جدا و انا بحييكي عليه

المسلسلات العربية عموما من بعد الحلقة ال15 وانتي طالع بتبقى تافهه و ملهاش هدف

و بيحطوا فيها اضافات لا تليق بمجتمعاتنا الشرقية

شكرا ليكي جدا

خالد أبوسعده
01-27-2009, 10:04 PM
اعذرنى
120مليون شافوه

انا من بقيت ال6ونص مليار الي مشافوهوش

AYMAN GAMAL
01-27-2009, 10:04 PM
تسلم يا ايمن على الموضوع
بس لعلمك ان معظم الناس الى كانت اتكلمت
على المسلسل كانو بنات ودى لان مهند لفت نظرهم
وبعدين فى ناس كتير اول لمه شافته بجد هو وسيم وجميل
يا عم دى والله بنت صحبتى بتقولى انا مش بتفرج على المسلسل
لان كل لمه اشوف مهند بحلم بيه
ههههههههههههههههههههههههههههههههههههههههه
شوفت بقا وال ايه فى الاخر يقولو دى وحش ودمه تقيل
يا سبحان الله اتقل يا مون هخلى موضوعك يولع
ههههههههههههههههههههههههههههههههههه



ههههههههههههههههههههههههههههههههههههههههه

ودي حال ناس كتيرة جدا مش بس البنات يعني

متستغربش ربنا يستر

وشكرا على مرورك الجميل

AYMAN GAMAL
01-27-2009, 10:08 PM
اعذرنى
120مليون شافوه

انا من بقيت ال6ونص مليار الي مشافوهوش



يابني انت مش فاهم القصد

انا مش بتكلم من الجانب الديني خالص

ولو بتتكلم عليه فالركه عاللي بيعرضوه و همه عارفين انه نتيجته هتبقى ادمان

شكرا يا خالد على مشاركتك و لو كان ليك قصد تاني فياريت توضحهولي علشان افهمك

وبعدين انت تقدر تضيفني معاك في ال6.5 مليار الباقيين اللي ماتابعوهوش يعني ههههههههه

خالد أبوسعده
01-27-2009, 10:15 PM
بص انا شوفت حته من المسلسل
كانت بنت خالتى بتتفرج عليه
و الي لاحظته ان مسلسل نور و مهند دا بقى حاجة مشهوره جدا
مش عارف علشان شكله حلو
ولا تمثيله حلو
ولا قصه المسلسل هى الى حلوه
بس انا لما لاقيت البنات بتتكلم علي المسلسل بس علشان مهند
و اعذرونى يا بنات
عرفت انه مش موضوع قصه ولا فكره المسلسل بيوصلها
حكايات تافهه

بس الصراحه ممكن اوى يكون رايى غلط
لان انا مشوفتش المسلسل
بس الوضع مشدنيش انى اشوفه

AYMAN GAMAL
01-27-2009, 10:19 PM
هههههههههههههههههههههههههههههه

متقدرش تتخيل يابني قد ايه العذاب اللي ممكن يحصل لناس لو مشافوش المسلسل

يا سلام لو الكهربة اتقطعت في الوقت ده

بتجيلهم حاله عصبية و احساس بالاكتئاب و تحس انهم هيقتلوا نفسهم عليه

خالد أبوسعده
01-27-2009, 10:22 PM
فتنه يبنى و الله

Sara Gamal
01-27-2009, 10:35 PM
أنا بقا ياأيمن صوت .......لا أعرف

لأنى مشوفتش ولا حلقة من المسلسل بسبب العداء بينى وبين التلفزيون
بس كنت بسمع حوارات بيت صحباتى فى الكلية عن أحداث المسلسل
وهو أنا من خلال سماعى بتفق مع ميرا أن اللى كان بيتابع المسلسل كان فعلا بيدور على حاجة نقصاه مش شرط الحب بس جايز الشكل الاسرى او المستوى حتى الاجتماعى او المكان او الرومانسية

وللاسف إن السبب فى كل ده شويه الفراغ الكتيييييييييييييييييييييييييييييير اوى اللى بقا جوه دماغ الشعب العربى بشكل كبير اللى فقد هويته وأهدافه وأمور حياته الاهم بكتير اوى من سى مهند وأبلة نور

وبجانب السمعيات سمعت بقا تعليقات كتير كومدية بتسخر من المسلسل .....ومن أحسنها تعليق ..سيد أبو حفيظة فى نشرة 25

وكمان التعليق الجامد جداً جداً للاستاذ حمدى قنديل لما قال....ياأمة كانت أمة محمد....وأصحبت أمة مهند!!!

وأنا بنضم لميرا وأميرة إن مهند رخم جدا وشكله سخيف ...شكله من صوره اللى ماليه مواقع الانترنت انه سهتان وبهتان وأنا بشمإز من الناس دى ....آسف فى اللفظ...

وميرسى ليك ياأيمن موضوع جميل منك

Ahmed Mohamed
01-27-2009, 10:43 PM
الموضوع ولع يا عم ايمن ايه الحلاوة دي

AYMAN GAMAL
01-27-2009, 10:43 PM
انا شفت النشرة دي يا سارة ههههههههههههههههههه

سؤال الجمهور كم عدد .................؟

شكرا ليكي على رايك و انا على فكرة مش بتابع مسلسلات ابدا

بس بعد اللي شفته من رد فعل الناس عليه جاني فضول اني اشوف قصته من عالنت و قعدت اضحك اوي لما عرفت انه كل الحكايه بيجوزوا كزة مرة و الطريف انه مبني على حب في كل مرة ههههههههههههه

بس انا انتبهت انه مهتم بالجو الاسري و مركز عليه برضه

شكرا ليكي جدا

خالد أبوسعده
01-27-2009, 10:46 PM
لالالا
ولا فى النشره لما قال
ان الحكومه حتحل مشكله المرور
بأنهم يحطوا مهند فى اى مكان بعيد عن القاهره
علشان الستات كلها تروح نحيته و ميفضلش حد فى البلد
ازمه المرور تتحل

هههههههههههههههههه
عجايب و الله

AYMAN GAMAL
01-27-2009, 10:47 PM
الموضوع ولع يا عم ايمن ايه الحلاوة دي






انا مدايق اوي من المسلسل ده مزهقني بجد في حياتي هههههههههه

معظم الناس اللي اعرفهم مدمنينه مش عارف على ايه؟

AYMAN GAMAL
01-27-2009, 10:48 PM
لالالا
ولا فى النشره لما قال
ان الحكومه حتحل مشكله المرور
بأنهم يحطوا مهند فى اى مكان بعيد عن القاهره
علشان الستات كلها تروح نحيته و ميفضلش حد فى البلد
ازمه المرور تتحل

هههههههههههههههههه
عجايب و الله



هههههههههههههههههههههههههههههههه

تحفه انا اول مرة اسمع الحكايه دي

Sara Gamal
01-27-2009, 10:55 PM
هههههههههههههههههههههههههههههههه

تحفه انا اول مرة اسمع الحكايه دي


لا ياأيمن تابع النشرة ده تقريبا المذيع بيغير منه ولا ايه فبيكلم على مهند كتير أوى

بس أنا فى خبر من اسبوعين قريته على الانترنت هو مش ليه صلة بالمسلسل بس ليه صلة بالموضة التركية اللى ماشيه فى بلد ...الاتراك سايبن بلدهم وجايين يسرقوا فى مصر ......ده بالاضافة لبردو المسلسل التانى بتاع .....والله نسيت اسمه بس هو تركى بردو

وانا بقترح بقا عشان الموضة التركى ...يرخصوا للشعب المصرى سعر الجبنة التركى عشان يلموا زباين:D

وعلى راى خالد فعلا عجايب ...

Marwa Magdy
01-27-2009, 10:56 PM
ميرسى يا ايمن على الموصوع الحلو دة
انا شايفة انا احداث المسلسل هى اللى بتجزبنى انى اتابعة
بس المشكلة انها بتكون ممطوطة جامد
وطبعا رومانسية مهند وشكلة القمر
واسلوبة فى مصالحة نور

خالد أبوسعده
01-27-2009, 10:58 PM
لا ياأيمن تابع النشرة ده تقريبا المذيع بيغير منه ولا ايه فبيكلم على مهند كتير أوى

بس أنا فى خبر من اسبوعين قريته على الانترنت هو مش ليه صلة بالمسلسل بس ليه صلة بالموضة التركية اللى ماشيه فى بلد ...الاتراك سايبن بلدهم وجايين يسرقوا فى مصر ......ده بالاضافة لبردو المسلسل التانى بتاع .....والله نسيت اسمه بس هو تركى بردو

وانا بقترح بقا عشان الموضة التركى ...يرخصوا للشعب المصرى سعر الجبنة التركى عشان يلموا زباين:D

وعلى راى خالد فعلا عجايب ...


هههههههههههههههههههههه
حلوه يا ساره
هو دا ليه علاقه بالجبنه التركى
و الله مكنت اعرف

AYMAN GAMAL
01-27-2009, 11:01 PM
ميرسى يا ايمن على الموصوع الحلو دة
انا شايفة انا احداث المسلسل هى اللى بتجزبنى انى اتابعة
بس المشكلة انها بتكون ممطوطة جامد
وطبعا رومانسية مهند وشكلة القمر
واسلوبة فى مصالحة نور


شكرا يا ميرو على مرورك الجميل

انتي رايك ان البطل هوة اللي بيجذب الناس في المسلسل ده

واسلوبه في المصالحة لنور جميل جدا

AYMAN GAMAL
01-27-2009, 11:02 PM
لا ياأيمن تابع النشرة ده تقريبا المذيع بيغير منه ولا ايه فبيكلم على مهند كتير أوى

بس أنا فى خبر من اسبوعين قريته على الانترنت هو مش ليه صلة بالمسلسل بس ليه صلة بالموضة التركية اللى ماشيه فى بلد ...الاتراك سايبن بلدهم وجايين يسرقوا فى مصر ......ده بالاضافة لبردو المسلسل التانى بتاع .....والله نسيت اسمه بس هو تركى بردو

وانا بقترح بقا عشان الموضة التركى ...يرخصوا للشعب المصرى سعر الجبنة التركى عشان يلموا زباين:D

وعلى راى خالد فعلا عجايب ...


هههههههههههههههههههههههههههههههههه

مصائب قوم عند قوم

Mimi
01-28-2009, 12:39 AM
هههههههههههههههههههههههههههههههههههههههه

ايه ده؟ ايه اللي بتقوليه ده يا جودي؟ انا اول مرة اسمع الكلام ده

لو فعلا دي الحقيقة فاحنا للاسف بينا ناس مخدوعين بيه جامد

شكرا يا جودي على مرورك و انا كنت متاكد ان فيه حاجه غلط في المسلسل ده


والله مش بهزر ياموون الواد عامل بلاوي بجد ليه منعرفش حقيقة الممثل الفاتن ساحر البنات دا عشان نعالج مدمنينه منه ؟

لو عايز اعمل موضوع على مصايبه مفيش مانع انت اديني الاوكي وانا اقول كل حاجة علطول هههههههههههه

Hassan Mohamed
01-28-2009, 12:09 PM
في الحقيقة يا ايمن انا مشوفتش المسلسل ... بس سمعت عنو كتير وخاصة من البنات ومن خلال اللي سمعتوا استشفيت ان المسلسل بدون هدف وللاسف بقولها وانا حزين جدا انا وصلنا لزمن ان البت هيا اللي بتعجب بالولد وانها تمووووت لما تشوف واحد امور ... الله يرحم ايام زمان اقولك علي حاجة بس اتمني محدش يزعل مني البت للي تعجب بشكل راجل بدون شخصيته معلش يعني تبقي بنت ضعيفة لان الشكل مش كل حاجة ... ومن التفاهه اننا نتفرج علي مسلسل عشان نتأمل في جمال شخص ما وعلي فكرة ده مش رؤيتي ده اللي سمعته من البنات انهم مش بيشوفوا المسلسل ده غير عشان مهند وكأن مهند ده شخصية قومية يحتذي بيها

اتمني ان البنات تعقل كده ويكون عندهم شوية هيبة ونوع من الكبرياء مش الضعب بشكل سهل للدرجة دي ده احنا الشباب مش بنعمل كده

AYMAN GAMAL
01-28-2009, 07:01 PM
الهدف من الاستفتاء اللي انا عملته ده كله منه الاول اني اوصل للكلام اللي انت اضفته يا حسن

لو حتى تلاحظ انا كل اللي عملته كان اني برد على اي حد بيكتب وجهة نظره عن الموضوع ده

بس انا مقلتش رايي لسه

عشان انا كان هدفي ان الناس تفوق من كمية الوهم اللي بقينا عايشين فيه و مش ناقصة كمان ييجي ناس من برة بعادات برة عاداتنا ويعلمونا الحب بطريقتهم و المخيف انها كدب في كدب عشان نغوص في الاوهام اكتر و اكتر

عالعموم انا بشكر كل اللي شاركوا معانا باراءهم و انا لاحظت ان كم كبير من الناس عندنا هنا عارفين ان احنا من الاخر كده بنتحارب ثقافيا و اخلاقيا

ربنا يحمينا

مى الشورى
02-06-2009, 07:10 PM
والله انا عن نفسى ما شوفتش المسلسل ده
بس من اللى بسمعه من البنات اللى بتحكى عنه
ان السبب الرئيسى لسماعهم المسلسل
هو مهند وجمال مهند
بالغم من انه ميستهالش كل الدبكه اللى معموله
عشانه دى
وده راى ارجو تقبل مرورى

الشبح
02-06-2009, 07:20 PM
يلا بينا يا جدعان

مين بقى مهند ده ومين بقى نور دي ؟

على الطلاق معرفهم ولا عمري شفتهم

مفيش احلى من سرحان ونفيسه .... ههههههه

AYMAN GAMAL
02-07-2009, 10:09 AM
والله انا عن نفسى ما شوفتش المسلسل ده
بس من اللى بسمعه من البنات اللى بتحكى عنه
ان السبب الرئيسى لسماعهم المسلسل
هو مهند وجمال مهند
بالغم من انه ميستهالش كل الدبكه اللى معموله
عشانه دى
وده راى ارجو تقبل مرورى



شكرا يا مي على مرورك الجميل و رايك يحترم طبعا

يعني انتي شايفه ان السبب مهند

AYMAN GAMAL
02-07-2009, 10:10 AM
يلا بينا يا جدعان

مين بقى مهند ده ومين بقى نور دي ؟

على الطلاق معرفهم ولا عمري شفتهم

مفيش احلى من سرحان ونفيسه .... ههههههه




ههههههههههههههههههههههههههه

ماشي يا عم

eslam mamdouh
02-07-2009, 10:25 AM
مع احترامى لراى الجميع



ازاى حكمتم على المسلسل انه ناجح اصلا ؟


بسبب كثره المشاهدات ..... مع الاسف اانا اعتقد ان الافلام الاباحيه ليها مشاهده كبيره جدا فى العالم العربى لانه لا يوجد وعى بمدى خطورتها. وبذلك يكون كثره المشاهدات غير مقياس ناجح وغير دال على قوه المسلسل


واما عن انه بيعرض فكره معينه او لانه يرى فيه كل شخص شى كان ينقصه ده شى غير صحيح , فعمر ما
يكون الحب الحقيقى النقى الصافى بهذا الشكل.



الفكره وما فيها ان المسلسل يتم عرضه بشكل غير روتينى وعلى فكره لم يسبق عرضضها بهذا النمط


لكن فى اعتقادى الخاص المتواضه المسلسل غير ناجح اصلا, مع العلم انى لم اراه سوه مرات معدوده ووجدت انه معدوم الفكره والهدف اصلا


وشكرا جدا لحضراتكم

AYMAN GAMAL
02-07-2009, 10:30 AM
طبعا شكرا ليك يا اسلام على رايك الصريح و المباشر

عندك حق في حكاية نسبة المشاهدات العالية لا تدل على نجاحه

هوه مسلسل من الاخر له هدف غير مرغوب فيه و لازم نخلي بالنا من النقطة دي كويس اوي

مى الشورى
02-08-2009, 09:21 PM
انا بتفق مع حضراتكم واحب اقول كمان ان لو البعض قال ان السبب انه قصه مشوقه فانا بقول لا لاننا لو نظرنا الى القصه المشوقه فهو بعيد كل البعد عنهااما الحبكه الدراميه فنفسى حد يقولى هى فين بالنسبه للمسلسلات اللى اتعملت وبتتعمل وبنظلمها بالمقارنه مع مسلسل زى ده لذلك انا قلت انه مفيش سبب غير جمال مهند وانا عن نفسى باكد ان مهند ده ما الا فرقعه ومع الوقت هتروح ده لو مكنتش راحت كما اننا لو نظرنا ليه على انه جميل ففيه اجمل منه بيعملوا كعارضين لكن مفيش حد منهم ثابت فى ذاكرة حد
و ارجو انى مكنش اطلت عليكم

AYMAN GAMAL
02-13-2009, 01:16 PM
انا بتفق مع حضراتكم واحب اقول كمان ان لو البعض قال ان السبب انه قصه مشوقه فانا بقول لا لاننا لو نظرنا الى القصه المشوقه فهو بعيد كل البعد عنهااما الحبكه الدراميه فنفسى حد يقولى هى فين بالنسبه للمسلسلات اللى اتعملت وبتتعمل وبنظلمها بالمقارنه مع مسلسل زى ده لذلك انا قلت انه مفيش سبب غير جمال مهند وانا عن نفسى باكد ان مهند ده ما الا فرقعه ومع الوقت هتروح ده لو مكنتش راحت كما اننا لو نظرنا ليه على انه جميل ففيه اجمل منه بيعملوا كعارضين لكن مفيش حد منهم ثابت فى ذاكرة حد
و ارجو انى مكنش اطلت عليكم



شكرا على اضافتك يا مي

ميرا مار
02-14-2009, 01:59 PM
ايمن انا مش فاهمة انت عايز تقول ايه
وضحلى ياريت
انت بتقول له غرض غير مرغوب فيه
وقبل كدا قلت بيدونا مفهوم خطا عن الحب
ايه وجهه نظرك؟؟

هاجر
02-17-2009, 09:14 PM
لا انا معاكى اوى يا اميرة ف كلامك بجد فعلا احنا بندور ع حاجة نفسنا فيها ولقيناها ف المسلسل دة وفعلا مهند عادى جدا

AYMAN GAMAL
02-19-2009, 03:18 PM
تاثير غير مرغوب فيه و سلبي جدا طبعا من امته والحب بنتعلمه من الشعوب اللي زي دي و اللي العلمانيه متاصله فيهم و في بيوتهم

همه كده دخلوا بيوتنا و خلوا في كل بيت بنت او ولد نفسهم يطلعوا مهند و نور

اللي بتكلم عليه يعني ابعد خالص عن دينك و اتجه للعلمانيه

مش دي تعاليم اتاترك برضه ولا ايه يا ميرا

AYMAN GAMAL
02-19-2009, 03:20 PM
لا انا معاكى اوى يا اميرة ف كلامك بجد فعلا احنا بندور ع حاجة نفسنا فيها ولقيناها ف المسلسل دة وفعلا مهند عادى جدا


شكرا ليكي يا هاجر على رايك

Zooma
02-24-2009, 03:01 AM
هما حاجتين يا ايمن
اولانى هو مهند تانى حاجه الحب ايلى المسلسل

محبة الرحمن
02-24-2009, 03:23 AM
قرأت عنوان الموضوع


فدخلت لأضع لكم رابط الأجابة علي السؤال


وسوف تجدوا الأجابة هنا في منتدانا الجميل



http://mesa7a.com/forum/showthread.php?t=4474 (http://mesa7a.com/forum/showthread.php?t=4474)

ريحانة الزهور
02-26-2009, 03:16 AM
هذا المسلسل ماجاء الاليخرب علينا شبابنا وبيوتنا ويظهر لهم الرومانسية بين الزوجين في ظل رغد العيش والرفاهية المطلقة
تحررغير عادي زنا وصداقات محرمة وماتعانية مجتمعاتنا من ضيق في العيش وبالتالي فراغ عاطفي وما يلبس ان يترك الحسرة في قلوب
مشاهديه




http://up1.mlfnt.net/images/qb93e7vyncjq5wzncn1k.jpg (http://up1.mlfnt.net/)

AYMAN GAMAL
02-27-2009, 03:27 PM
شكرا جزيلا على مشاركتك يا حازم

شكرا جزيلا محبه الرحمن و ريحانه الزهور على مروركم الكريم

نورتوا الموضوع و جزاكم الله كل خير

froty
03-16-2009, 05:16 AM
يا جماعة لحظة من فضلكم عندى سؤال
ليه الكل معلق مع مهند المسلسل عنوانه نور مش مهند
وانا واحدة من الناس بتفرج على المسلسل علشان رومانسيه البطلة نور مش مهند
وبالنسبة للعلمانيه دة شىء ملهوش علاقه بينا ومش مؤثر اصلا فى المسلسل
المسلسل عيشنا الرومانسية اللى مبقاش موجود دلوقتى وعلى فكرة يا ايمن محدش بيعلم حد الحب
الحب ده غريزه موجوده جوانا كلنا
بس لوبصينا لطريقه التعامل بينهم هنلقيها تختلف عننا كتير مثلا لما حبوا يطلقوا اطلقوا بكل هدوء مع احترام كل منهم للاخر
لكن احنا هنا يا عينى لما واحدة تحب تتطلق من جوزها بهدلة فى المحاكم وهاتلك سنين على متعرف تاخد حقوقها
عرفت يا ايمن ليه احنا مشدودين للمسلسل علشان بيعالج رومانسية بتحتضر فى مجتمعنا

شكرا على الموضوع ويارب محدش يزعل من راى ده مجرد راى



http://www2.0zz0.com/2009/03/16/01/169776573.jpg

AYMAN GAMAL
03-16-2009, 06:26 PM
طبعا رايك يحترم جدا

و دي وجهة نظر سليمه منك

انا احب بس اقولك ان سعات الناس بتسدق الوهم عشان هيه مبتعرفش الحقيقه

خلينا نبص برة اطار المسلسل ده

ايه الهدف منه يا ترى؟

واشمعنا كزا مسلسل تركي ورا بعض و على كزا قناه

اشمعنا نفس النوع من القصص الرومانسيه

لازم ننتبه للحكايه دي و نعرف و ندور و نشوف ايه السبب في الغزو الفكري ده كله

شكرا ليكي نورتي التوبيك

free eagle
03-16-2009, 08:56 PM
مش عارف بس انا شايف انه مسلسل عادى خالص



بس الناس هى اللي عملت بروبوجاندا ليه على الفاضي


بس مش اكتر

وانا شايف ان في مسلسلات اجمد منه زى لحظات (لحظة )وداع

مش عارف

بس المسلسل دة جامدد بجد

من غير ميكون في ناس بتتفرج علشان ممثل ولا حاجة


يعنى دة رأى ببساطة شديدة

AYMAN GAMAL
03-17-2009, 06:46 AM
شكرا يا يسري

راي متواضع و جميل

شكرا ليك

toleban
04-06-2009, 12:54 AM
اولا بشكرك على الموضوع

بص انا شايفة ان الناس عطته اكبر من حقه

اناكنت بحب المسلسل جدااااااااااااااااا

بس كرهتوا من كتر كلام الناس عن جمال مهند

بص انا مش بقول انه وحش بس انا شايفة ان الجمال مش جمال الشكل الجمال جمال الروح

وهو جماله ببرود غير الراجل الشرقى فيه جمال الروح والقبول

وسبب اهتمام الناس بالمسلسل الرومانسية

ده راى بصراحة

محمد خضير
04-06-2009, 01:28 AM
انت ايه رايك يا مونه

AYMAN GAMAL
04-06-2009, 04:43 PM
اولا بشكرك على الموضوع

بص انا شايفة ان الناس عطته اكبر من حقه

اناكنت بحب المسلسل جدااااااااااااااااا

بس كرهتوا من كتر كلام الناس عن جمال مهند

بص انا مش بقول انه وحش بس انا شايفة ان الجمال مش جمال الشكل الجمال جمال الروح

وهو جماله ببرود غير الراجل الشرقى فيه جمال الروح والقبول

وسبب اهتمام الناس بالمسلسل الرومانسية

ده راى بصراحة


شكرا ليكي طبعا رايك جميل جدا و يحترم

و بحييكي على صراحتك

شكرا ليكي

AYMAN GAMAL
04-06-2009, 04:44 PM
انت ايه رايك يا مونه


رايي انا قلته يا محمد جوه الموضوع

شكرا ليك

alaa eid
04-07-2009, 04:48 PM
بصراحة يا ايمن سر نجاحه انه كان اول مسلسل رومانسي مدبلج بالعربية فكل الناس اتشدت ليه وكمان فيه اللي عجبهم مهند بس من رأي المسلسلات اللي نزلت بعده تفرقت اكتر لانها انت رومانسيتيها رومانسية ممكن تتحقق اما نور كان نادر ما يحصل فكان خيالي شوية
وتسلم علي موضوعك جميل جدا

AYMAN GAMAL
04-09-2009, 07:57 AM
شكرا ليكي

فعلا كان اول مسلسل تركي مدبلج غير انه رومانسي بالدرجه الاولى

رايك جميل جدا

nmm141
04-14-2009, 10:24 PM
انا ماشفتش المسلسل لكن شفت مهند ده فى الاعلانات وعلى فكرة هو عادى جدا ودمه تقيل موووووووووووووووووت هو بس عشان مش مصرى لازم يبقى قمر

AYMAN GAMAL
04-16-2009, 06:27 AM
ههههههههههههههههههههههههههههههههههههههه

شكرا ليك

ههههههههههههههههههههه

Soma
04-16-2009, 09:21 PM
انا مشوفتش المسلسل ده غير حلقات منفصلة وماكنتش بفهم حاجة واقفله
بس بيعجبنى الرومانسية اللى فيه بس بس انا مكملتوش ومعرفش ايه اللى حصل
فى الاخر مفيش حاجة فيه شدتنى عشان اكمله
وعلى فكرة مهند ده مش حلو خالص ودمه تقيل فعلا وخانقة جداااااااا
لكن بتفرج على سنوات الضياع بس ده بقى بجد مسلسل جميل ورائع جدااااااا
ومتاكده انه احلى بكتير من مسلسل نور
وميرسى اوى موضوعك جميل جداااااا

AYMAN GAMAL
04-16-2009, 10:05 PM
شكرا ليكي

طبعا لازم ننتبه ان فيه غزو ثقافي علينا من بره

و خصوصا المسلسلات التركيه

رايك يحترم جدا

نورتي الموضوع