المساعد الشخصي الرقمي

مشاهدة النسخة كاملة : مرة واحد قابل نفسه



mr.lonly
01-29-2009, 10:57 PM
مره واحد قابل نفسه
هي فعلا نكته ..... أنك تقابل واحد شبهك في الشارع .... شبهك من بعيد ... فيه شبه منك في مناخيرك , عينك , شعرك , حواجبك , لونك , نضارتك , أو حتي شبك من روحك في جزء معين أو في فعل معين , بس اللي حصل أمبارح مكنش طبيعي خالص ............

راكب العرابيه مع صديق و ماششيين نتدنجل في شارع الطيران .... عريبه مسرعه جات من ورانا و فيها شويه شباب و الظاهر أنهم يعرفوا صاحبي .... قائد السياره المسرعه شاب في مثل سني تقريبا أسمر شويه .... أدي كلاكس راح صاحبي باصصله و مكلكسله برضه ... و ده للعلم يعني سيم معترف بيه بين سائقي السيارات و خصوصا معشر الشابيبه ....

و أول ما عيني جات في عين قائد السياره .... بلمت .... أصنجيت .... أنا باصص في مرايه فعلا لوني و شعري و دقني و السكسوكه العقيمه اللي بتخليني شبه أحمد أبو مسلم بتاع الأهلي ... علامات الأندهاش علي وجهي - و وجهه أيضا - حاجب مرفوع عن التاني و شويه تجاعيد و كلاكيع بتظهر علي القوره و أعوجاج البق لليمين عندنا أحنا الأتنين ساعه الأندهاش كان كفيلا بأن ننزل ناخد بعض بالحضن في لحظه دراميه تنجح أي فيلم أنشاله يكون بطوله علي الحجار و محمود ياسين و سميحه أيوب

أتكلمنا مع بعض و سبحانه الله نفس الصوت و طريقه الكلام يا ربي مش ممكن .... يخلق من الشبه 40 و نفس الضحكه و نفس البلاهه ساعه الدهشه .... أنا قابلت نفسي في الشارع .... صدفه

أتصورنا مع بعض بقي و أتكلمنا و حورنا مع بعض عرفت هوا في كليه أيه و ساكن فيين و اصحابنا المشتركين دا غير طبعا اللي كان معايا في العربيه و الحياه و الكلام الكتير ده اكننا نعرف بعض منذ الأزل.... ما هو برضه أعمل حساب أن كل واحد فينا بيشوف التاني في المراه كل يوم تلات أو أربع مرات مينيمام .... فأكيد بقينا عشـره ...

سيبك بقي من الزهول و الخضه و عدم التصديق .... بس بعد الفوقان من الصدمه لقيت أن موضوع اني أقابلني في الشارع صدفه ... دي حاجه عظيمه و ياريت أقابل التسعه و تلاتين اللي فاضلين
و علي رأي مصطفي كامل ... بس قول يا رب

AYMAN GAMAL
01-29-2009, 11:57 PM
ههههههههههههههههههههههههههههههه

بجد تنفع فيلم جامد جدا

انا سعات بشوف ناس شبه قرايبي برضه و بتلخم في الشارع

بس عمري ماقابلت انا

The[H]KinG
01-30-2009, 12:00 AM
هههههههههههههههههههه
لا جامدة دى يا معلم
بس أنا عمرى ما قابلت نفسى خااااااالص

mr.lonly
01-30-2009, 12:32 AM
يارب تقابلو نفسكوا زيي وتوصفو احساسكو انتو كمان

Mimi
01-30-2009, 02:54 PM
دلوقتي يامستر لونلي الناس هتقدر تعرفك من وصفك لنفسك عشان انت مش عايز تقول اسمك هههههههههههههههه

بس انا مش متاكده اذا كنت قابلتني قبل كدا او لاء بس في كل الاحوال لو دا حصل كانت هتبقى مجرد صدفه يعني مكنتش هتجرأ بصراحة واتعرف عليا

بس أكيد بتمنى ان دا يحصل وهفضل على أمل اني اقابلني واصاحبني كمان شكرا ليك ومبروك على صاحبك الجديد وربنا ما يفرقك عنك :)

lolaa fahmy
01-31-2009, 12:11 AM
فعلا يخلق من الشبه اربعين

بس طبعا اكيد الطباع مختلفه

انا مبقبلش نفسي غير في الاحلام وببقي شكلي مختلف كمان

يا بختك يا مستراونلي

Marwa Mahmoud
01-31-2009, 03:39 PM
ه
هههههههههههههههه
حاجة جميلة خالص أنى أقابل نفسى ونعد ندردش مع بعض شويه يا سلااااااااااااام
عادى وليه التعب ده كلة أقف أدام المرايه وهلاقى نفسى وأكلمها وكأنى وحدة تانيه عادى خالص
بس سعتها عليه العوض فى مخى ههههههههههههههههههه
شكرا ليك مستر لونلى موضوع لذيذ .
http://www10.0zz0.com/2009/01/17/21/710103174.jpg

احمد عبد الحليم
02-05-2009, 09:59 PM
غريبه اوى الحكايه دى وما فكرتش انى لو قابلت نفسي ايه بس
يمكن اعمل مش عارفها
شكرا علي موضوعك العجيب دة يا مستر

سلمي جمال
02-11-2009, 01:27 PM
غندك حق فعلا
صدفة غريبة اويييييييييييييييييييييي

انا حصلي كدة في ناس مش فيا
يعني شفت ناس تشبه لناس اعرفها كتير

غير كدة بيحصل مواقف كان عندي احساس اني شفتها قبل كدة فعلا
سبحان الله فعلا
له في ذلك حكم

البحيرى
02-12-2009, 01:08 AM
انا نفسى اقابل نفسى عندى كلام كتير عايز اكلمها فية
البحيرى

ibrahim_elsonbati
02-12-2009, 08:37 AM
يخلق من الشبة تسعين اربعين ده كان زمان سبحان الله في ما خلق المهم اللي كنت بتكلمة دة حس نفس الاحساس
انت متأكد انك كنت صاحي علي العموم لو كنت بتحلم ابقي اتغطي كويس
متزعلش ده هزااااااااااااار

احمد عبد الحليم
02-24-2009, 02:02 AM
زى ايه كدة يا بحيري

mr.lonly
08-21-2009, 02:28 AM
شكرا يا جماعة علي ردودكم وفعلا هيه تجربة غريبه شويه وعقبالكم كدة ياااااااارب

S2AH
08-21-2009, 03:46 PM
هو دة حصل بجد ؟؟؟؟
سبحان الله فعلا لسة فاضل 39 ان شاء الله هتقابلهم
مش عارفة لو قابلت نفسى هيحصل اية ؟؟؟؟ انا مش عايزة حد يبقى زى او اقابل نفسى يااااااااة احساس غريب اوى
هههههههههة
سبحان الله