المساعد الشخصي الرقمي

مشاهدة النسخة كاملة : (لسه المشوار)



samomran
02-07-2009, 12:05 AM
لسه المشوار طويل


فى واقع الامر يعنى كلنا فى الجامعه و فينا اللى اتخرج

لكن لسه المشوار طويل

تفتكر المشوار طويل بالنسبه لوجهه نظرك ازاى


كل واحد يشرح مشواره ايه و ازاى

و ايه السكه اللى ناوى يمشى فيها

من الناحيه العمليه و العلميه

و العاطفيه


و انا مستنى ردودكم

سلمي جمال
02-07-2009, 12:20 AM
انا حبدا يا اسلام
بس احب اقولك انة موضوع يجنن بجد
شكرا اوي

حياتي العلمية:
اعتقد ان فضلها حاجات بسيط مش كتير يعني حبة كورسات كدة و خلاص
و طبعا اللغة دية مش بتنتهي

اما بالنسبة لحياتي العملية:
فانا نفسي اشتغل في مجال الجي اي اس اوييييييي
اكتر من المكتب الفني
مع اني عارفة الاتنين
بس بحب الجي اي اس اوييييييييييي
و كان نفسي افتح مكتب مع صحابي في مجال المساحة بكل تخصصاته ولكن كان حلم و فشل
و اهم حاجة نفسي اسافر و اشتغل برة

اما بالنسبة لحياتي العاطفية :
فانا نفسي اتجوز حد يعرف ربنا و يخاف ربنا فيا و يحبني طول العمر و اجيب اطفال صالحين بس كدة

snow white
02-07-2009, 03:50 AM
اسلام هو موضوع جميل اوي
بالنسبة للحياه العلمية انا نفسي اخد اثنين بكاليريوس بس اخلص من الاول
الحياة العملية ما اوعدكش اني حشتغل اصلا
اما العاطفية اجلت التفكير فيها شويه لما اشوف الحياه وقتها ماشية ازاي

eslam mamdouh
02-07-2009, 09:32 AM
بدايه احب ان ابدى مدى اعجابى بمواضيعك دائمه التميز يا سولوم وبجد ربنا يكرمك:



انا عن نفسى اهم شى عندى بعد انتهاء مرحله الدراسه انى اقف على قاعده ثابته تمكنى من مواصله طريقى

واهم شى انى ادبهدل واتعب جدا عشان اتعلم الحياه الحياه الاكاديميه البحتهالتى تكون فى الغالب مختلفه عن الحياه الاكاديميه البحته.


بمعنى انى ناوى ابذل كل جهدى عشان اتعلم واوصل لاعلى المراكز فى العمل .

ومن ناحيه تانيه ناوى اكمل ماجيستير ودكتوراره فى مجال الاستشعار عن بعد و جى بى اس


والحياه العاطفيه هتكون لما اكون قادر على تحمل المسئوليه واعباء الحياه بمعنى الكلمه , وطبعا مش بتكلم عن الناحيه الماديه لكن بتكلم عن الناحيه العقليه و


الادراكيه والقدره على مواجهه المشكلات والتعامل معها بحكمه مع وجود قدر مناسب من العاطفه

خالد أبوسعده
02-07-2009, 04:00 PM
ايه يا واد يا سولوم الشغل الجامد دا

بالنسبالى انا
الحياه العلميه
شويه كورسات و خلاص
الحياه العمليه
طبعا اشتغل مسااااااااااااااااااح
(( و محدش يفهم مساح دى غلط))

تالت حاجة الحياه العاطفيه

بص من الناحيه دى انا ناوى اشنغل الاول و اكون نفسى بنفسى
و بعدين الجواز

بس كده


موضوعك جامد اوى
شكرا يا سامو

farida
02-07-2009, 07:47 PM
موضوع جااااااااااااااااامد يا سولوم (انا اول مرة اقولك يا سولوم ههههههههههههه)
بص يا سيدي
الناحية العلمية:
انا لسه في اولي يعني لسه فضلي بلاوي ههههههههههه
الناحية العملية :
ان شاء الله اطلع مساحة (برضه محدش يفهمها غلط) واشتغل برة
الناحية العاطفية :
يا عم قولتلك مانا لسه في اولي هههههههههه
لا بجد عموما نفسي يكون متدين ومحترم وبيخاف ربنا و نجيب ذرية صالحة

samomran
02-07-2009, 08:37 PM
اوووووووووووووو
شكرا لكل واحد شارك فى الموضوع

و خصوصا فيرى

و فى انتظار بقى الاعضاء

Yamyam
02-08-2009, 06:18 PM
موضوع حلو أوى يا سمسم
وبالنسبه لحياتى العلميه : فضلى شهور و اتخرج .لكن بأذن الله ناوية اكمل دراسات عليا

الحياه العمليه: ناويه اشتغل انشاء الله, و لو فى مجال الجغرافيا يبقى كرم من عند ربنا لانة نفسى بجد

الحياه العاطفية : دة بقى متأجل شوية


ويارب كل واحد بيحلم بحاجه ربنا يحققها له

samomran
08-06-2009, 12:21 PM
شكرا ليكم يا جماعه على الردود الجميله دى

و اسعدنى مروروكم

و فى انتظار باقى الاصداقا

S2AH
08-06-2009, 06:29 PM
شكرا ليك على الموضوع الجامد دة يا سولوم
بالنسبالى فالحياة العلمية انا لسة فاولى علوم بيئة يعنى لسة المشوار طويل شوية بعدها نفسى اكمل دراسات
والناحية العملية اعمل مشروع مستقل بيا فنفس مجال تخصصى
الناحية العاطفة بقى لسة بدرى خااااااااالص بس نفسى الاقى واحد نفس الصفات اللى رسماها ويتقى اللة

fawzy nasr
08-06-2009, 10:44 PM
فى الواقع :

[FONT="Microsoft Sans Serif"][/FONT
من وجهة نظرى المتواضعة ان طموح الانسان لا يقف عند حد ولذلك فان الطريق بالنسبة للطموح طويل جدا لا يقف عند حد وبالنسبة لغير الطموح قصيرة للغاية .

فلكل انسان هدفه وطموحه الذى يريه ويختاره ويسعد لتحقيقه سواء فى الناحية العلمية والعملية والعاطفية


وهذه وجهة نظر الفقير الى الله]

samomran
09-01-2009, 02:57 PM
شكر ليك على رايك