روح بلا جسد
02-12-2009, 12:56 AM
ابنى ندهلى وشتم أهلى وقالى يا بابا شجع الاهلى
ولة عشان امى زملكاوى حزب معارضة وشو بلاوى
لعب بابا فى فريق ماما خط وسط ولكن حريف
فين يا ناس اخلاق القرية وأهل الريـــــــــــــف
بابا عجوز وصانع العاب وكل اسبوع يحرزلنا بيبى
تنظيم النسل بعتلة إعلان وإخطار هدو من الاسكان
قال من حقى ايوة وربى عايش على جيبى
أسمعى يا مايا جوايا هوايا اركب عجل واقول زجل وانشد موال
اسمع صدى صوتى لغلابة على قد الحال
فقرى جرحهم يامايا....... عشقوا الترحال....... وشالوها جبال....... وكلوها حلال
قابلنى فى يوم ابويا صابر..... وعمى جلال.... وخالى كمال
سألونى سؤال ..... حسبونى ياما منجم أو دجال
أمتى وليه الدعم إنشال؟
واحنا غلابة معانا عيال ....عايشين على قد الحال
حتى الممبار ......انا نفسى يشرفنا الممبار
ويجينى هنا فى الدار بتفويض رسمى من الجزار
انا نفسى رغيف العيش يمد معايا حوار
على ارض محايدة..... او ارحلة هناك فى الدار
اكمنة من عيلة كبيرة واحنا غلابة سقينا مرار
اكمن احنا عمال تراحيل لابسين هلاهيل
انا نفسى رغيف العيش دة يلين
يسامحنا دة مخة تخين
يصالحنا يا ناس تعبانين
حتى القوطة جت حتتنا عم تتأله عامله فواكه
خفى يا توتو بالاش تتاقل
اكمنك حمرةسكنتى اوروبا
قوم حسبوكى بقيتى مربى
وانت يا قرع يا اوحش زرع
ايه الحال .....عامل خيال...... ولابسلى عقال....... دة لولا الجوع ما تيجى ع البال
والقلقاس ابو راس ناشفة ابو وش كله حبابى
سكن الزمالك يا صحابى
دة فى يوم كان سامن حتتنا على شط الترعة
كان واقع فى غرام حلتنا السودة القرعة
سافر قلقاس الشوم...... من يومها الحله ما شافت نوم
دعكوها بفص التوم
وحالوها تحت فى البدروم
واحنا حالونا على الطعمية نكلوها قراص قراص
قبل الاكل بناكل قرص وبعد الاكل تلات انصاص
وبعدها ننام ونتلف ونبطل لف
ونقرا الفاتحة على الله نخف.
ال أبو على
ولة عشان امى زملكاوى حزب معارضة وشو بلاوى
لعب بابا فى فريق ماما خط وسط ولكن حريف
فين يا ناس اخلاق القرية وأهل الريـــــــــــــف
بابا عجوز وصانع العاب وكل اسبوع يحرزلنا بيبى
تنظيم النسل بعتلة إعلان وإخطار هدو من الاسكان
قال من حقى ايوة وربى عايش على جيبى
أسمعى يا مايا جوايا هوايا اركب عجل واقول زجل وانشد موال
اسمع صدى صوتى لغلابة على قد الحال
فقرى جرحهم يامايا....... عشقوا الترحال....... وشالوها جبال....... وكلوها حلال
قابلنى فى يوم ابويا صابر..... وعمى جلال.... وخالى كمال
سألونى سؤال ..... حسبونى ياما منجم أو دجال
أمتى وليه الدعم إنشال؟
واحنا غلابة معانا عيال ....عايشين على قد الحال
حتى الممبار ......انا نفسى يشرفنا الممبار
ويجينى هنا فى الدار بتفويض رسمى من الجزار
انا نفسى رغيف العيش يمد معايا حوار
على ارض محايدة..... او ارحلة هناك فى الدار
اكمنة من عيلة كبيرة واحنا غلابة سقينا مرار
اكمن احنا عمال تراحيل لابسين هلاهيل
انا نفسى رغيف العيش دة يلين
يسامحنا دة مخة تخين
يصالحنا يا ناس تعبانين
حتى القوطة جت حتتنا عم تتأله عامله فواكه
خفى يا توتو بالاش تتاقل
اكمنك حمرةسكنتى اوروبا
قوم حسبوكى بقيتى مربى
وانت يا قرع يا اوحش زرع
ايه الحال .....عامل خيال...... ولابسلى عقال....... دة لولا الجوع ما تيجى ع البال
والقلقاس ابو راس ناشفة ابو وش كله حبابى
سكن الزمالك يا صحابى
دة فى يوم كان سامن حتتنا على شط الترعة
كان واقع فى غرام حلتنا السودة القرعة
سافر قلقاس الشوم...... من يومها الحله ما شافت نوم
دعكوها بفص التوم
وحالوها تحت فى البدروم
واحنا حالونا على الطعمية نكلوها قراص قراص
قبل الاكل بناكل قرص وبعد الاكل تلات انصاص
وبعدها ننام ونتلف ونبطل لف
ونقرا الفاتحة على الله نخف.
ال أبو على