المساعد الشخصي الرقمي

مشاهدة النسخة كاملة : محتاجه رأيكم بصراحه



shimo
09-23-2008, 08:29 PM
انا جيت تانى :D
بس المرة دى جيت بموضوع صعب جدا وفنفس الوقت حقيقى وبيحصل وانا عن نفسى شفت ناس كتيييييير قدامى بتتحط فالظروف دى وببقئ واقفه مش عارفه اتصرف ازاى
اقول بسم الله الرحمن الرحيم وابدأ اقولكم الموضوع وارجوكم وبجد قولو ارأكم لانى محتاجه حل لانى هقدر اساعد ناس بالحل اللى هوصلوا عن طريقكموانا واثقه انكم هتساعدونى
الحكايه ان لو انت بتحب واحدة اوووووووووووووووى وحصلت ليك ظروف ومش عايز تظلمها معاك وبتجى على نفسك وحاولت فعلا انك تبعدها عنك وانت عارف وواثق انها هتقول انك بعتها وفنفس الوقت انت بتحبها وبتقول ان كدا اريح بدل ما تعلقها معاك وتظلمها وهى عرفت وبالصدفه كل دا وعرفت ان انت لسه بتحبها وانك بتتعذب وبرغم دا كله انك مستمر فعندك وفاستفزازك ليها وانت مش عارف انها عارفه على امل يعنى انك تكرهها فيك زيادة
تحب تقول ايه ليها وليه
تعمل هى ايه وتقولو هو ايه
هل تفرط فحبها وتنسحب بدون ما تعرفو انها فاهمه كل سبله فى انه يبعدها عنه وهى عارفه كويس اوى انه بيحبها
ولا تقولو هو انه يتمسك بيها مدام هى راضيه بكدا ويقف ادام اى ظروف ؟
هل تواجهوا هى بالكلام دا ؟
انا مستنياكم لانى بجد هفيد ناس قريبه منى اوى فالمشكله دى
استنونى فمواضيعى التانيه :(

AYMAN GAMAL
09-23-2008, 08:42 PM
المشكلة دي بخاف منها اوي يا شيماء

ونصيحة لو البنت اللي بتتكلمي عنها قررت تنساه يمكن الولد يعمل لها مشاكل كتير اوي لو كان لسة بيحبها طبعا

وسدقيني دة اللي هيحصل

بس لو الولد بقدرة قادر نسيها يبقى نصيحة ليها تنساه بقى سواء ظروف ولا مش ظروف

المهم لازم تنساه خالص

eslam mamdouh
09-23-2008, 08:53 PM
da mesh hob da mogarad morahka

lo da kan hob begad kan kol wahed dafa an hobo


laken al hal fy raye an alatnayn ybado an baad

kol wahed msh byakhod akter mn nasibo

shimo
09-23-2008, 09:07 PM
يا ايمن افهمنى
هو بيحاول ينسيها مش ينساها
هو اللى بيجى على نفسه وعايزها تنساه لكن هو مش ناسيها
هو كل اللى بيعملو بيحالو يكرهها فيه عشان هى تنساه
اما عن الظروف دى فهى فعلا مش حجه منه هى فعلا ظروف قويه جدا بس هى مستعدة تتحملها
لكن هو كل اللى مخه انه هيظلمها معاه

shimo
09-23-2008, 09:09 PM
da mesh hob da mogarad morahka

lo da kan hob begad kan kol wahed dafa an hobo


laken al hal fy raye an alatnayn ybado an baad

kol wahed msh byakhod akter mn nasibo

ابدا صدقنى لا مراهقة ولا حاجه دى مشكله كبيرة وبجد ولو كل مشكله قبلتنا هنفضل نقول مراهقة ونعلق مشاكلنا على شماعه يبقئ كل يوم هننجرح وكل يوم هنفارق وهنتوجع

AYMAN GAMAL
09-23-2008, 09:24 PM
يا شيماء سدقيني دة واحد زهقان

متزعليش مني هوة اكتشف انه مش قادر يتخيلها مراته في الاخر ولا ام لاولاده

ممكن اقولك ايوة بيحبها حب كبير اوي بس مش متخيلها في الاخر مراتة

سدقيني انا متاكد من اللي بقولة

الحكاية مش حكاية ظروف خالص وانا متاكد انه عايز يبان انة هيرو بانة بيبعدها عنة و هوة زعلان

والدليل خليها تسال صاحبه الانتيم الحقيقة

شايفة بقولك اية ....... الحقيقة

هيقلها زي ما بقلك بس هية تتهاود معاه شوية عشان يقلها الحقيقة

ميرا مار
09-23-2008, 10:35 PM
دا ولا يمت للحب بصلة

واللا يمكن حب ع الموضة

قوليلها تشترى كرامتها وكبريائها وتدوس ع التجربة من اولها لاخرها

shimo
09-23-2008, 10:45 PM
انا قلتلها كدا فعلا بس حبيت اعمل اللى فضميرى
لانى مش بحب البنى ادم الندل الخاين
ولو حسيت انها ممكن تضعف مش هبقئ معاها تانى لانى مدام بنصح حد يبقئ عايزة مصلحتوا يبقئ لازم يثق فيا
وعشان كدا انا قلت اخد رأيكم
يمكن قسيت على الاتنين

Hassan Mohamed
09-23-2008, 10:45 PM
دا ولا يمت للحب بصلة

واللا يمكن حب ع الموضة

قوليلها تشترى كرامتها وكبريائها وتدوس ع التجربة من اولها لاخرها



كلام سليم مهو البنات اليومين دول بقا عاوزين يحبو باي شكل وفي اي وقت من غير مقدمات ولا توالي

shimo
09-23-2008, 10:51 PM
كلام سليم مهو البنات اليومين دول بقا عاوزين يحبو باي شكل وفي اي وقت من غير مقدمات ولا توالي

مش كل البنات صدقنى
انا عن نفسى وقت ما بكره بكره اوى ولو الدنيا كلها اترجتنى عشان ارجع لحد يبعنى مستحيل
ومش بثق فحد يقول بحبك دلوقتى
ولا بحترم اى واحدة عايزة تحب وخلاص
لان بمنتهى البساطه دى مشاعر واحساس والاحاسيس دى لازم تحافظ عليها الواحدة للشخص للى يستاهلها بجد

Hassan Mohamed
09-23-2008, 10:52 PM
لو كده يبقا ماشي بس انا في الجامعة بجد شوفت بنات بتدلق نفسها علي الشباب والله بتبقي قلة أدب منهم

shimo
09-23-2008, 10:55 PM
فى مثل بيقولك صوابعك مش زى بعضها
ولو انت شفت كدا من البنات فالجامعه كدا
انا شفت شباب عايزين الحرق واكتر من البنات كمان
بس مش معنى كدا انى عممت ان كل الشباب زى بعض
انا باختصار البنت اللى مش عندها كرامة وكبرياء مش تبقئ تندرج تحت مصطلح حواااااااااااء

ميرا مار
09-23-2008, 10:59 PM
عندك حق يا حسن والولاد بردو


وعموما اكيد فى ناس بيدور على وردة حمرا طبيعية مش كله عايز الصناعى

Hassan Mohamed
09-23-2008, 11:01 PM
انا شايف ان البنات هما اللي بيوصلوا الولاد لكده مع احترامي لكل البنات

ميرا مار
09-23-2008, 11:12 PM
زمااااان قالو لنا علمنى العوم وارمينى البحر
نقول مثال بسيط..
لو الولد محترم .. مهما كانت الاغراات فى الشارع وعندة مبدأ غض البصر .. انتهى

shimo
09-24-2008, 02:02 AM
انا من رأى مها برضو ودا اللى انا عايزة اوصلو

tiger
09-24-2008, 02:36 AM
شيمو القاتله عوده واجعه وعارف انك طيبه اوى والا ماكانتش مواضيعك كلها تمس القلب

بعد التحيه والسلام زى الولاد بيعملو كده البنات ساعات بيعملو كده بس الحق يقال ظروف الدنيا تحكم لآن الأنسان كائن ضعيف بالنسبه لللا بيحبه ولدرجة خوفه عليه لازم يعمل أنه بيكرهو ويبعدو عن سكتو وأرجع أقول دى حاجه أسمها تفاوت فى الحب ممكن تلاقى واحد بيحب التانى أكتر لدرجه أنه لازم يعمل نفسه بيكرهو علشان مصلحة الى بيحبو اولا وعلشام مصلحتو ثانيا0

أستمرى يا شيمو فعلا أنا بموت فى مواضيعك وشويه مش حتبقى شيطانه صغيره وأنما عفريته رهيبه وسامحينى فى التعبير

shimo
09-24-2008, 07:05 PM
:D دايما كاسفنى يا اشرف هههههههههههههههههههههه
ربنا يخليك يارب مرسى وفعلا انا بستنا ردك لانى بحس فيه بالمصداقيه فعلا وطبعا ردود ناس دانيه معينه بستناها
ثم لو انا قاتله فموضوعك انت كان مش قاتل كان عنيف اوى اوى اوى خلى الواحد يفكر كتييييييييييييير عشان يكتب جمله بس:)

tiger
09-24-2008, 07:16 PM
هههههههه كسوف ايه بس يا شيمو دى موضوعاتك بجد تستاهل الرد وياريت تستمرى ومتقلقيش أنا الرياضه مش حتأخد وقتى كله وشكرا على المشاركه والكلام الجميل

shimo
09-24-2008, 07:35 PM
:D ثانكس اشرف ربنا يخيلك مرسى
وانت كمان استمر بمواضعيك اللى تجنن دى

Mohamed Gaber
09-24-2008, 07:58 PM
كلام سليم مهو البنات اليومين دول بقا عاوزين يحبو باي شكل وفي اي وقت من غير مقدمات ولا توالي

ايه يبني الشعر اللي انت بتقوله دة ينصر دينك يا استاذ خليييييييييييييييييييييييييييييييييييييييفاااااااا ااااا

white_heart
09-28-2008, 12:09 PM
انا مش عارفة اعلق اقول اية بس بجد ممكن كل واحد فينا يقول اللى هوة حاسة من وجهة نظرة بس بجد عمر ما واحد فينا حيحس بالموضوع الا اذا كان مجربة او حد بيحبة قوى حصل معاة كدة وبجد بيقابلنى كتير حاجات زى كدة بس بصراحة بحب ما اعلقش لانى مجربتش ولا احب اجرب وانا اصلا مش مدية قلبى الفرصة انى يتسببلى فى مشاكل من النوع دة اللى كلنا متفقين انها اصعب حاجة ممكن الواحد يقابلها ولازم كل بنت تحاول تعمل كدة لان فعلا محدش يستاهل حبك ودموعك وسهرك وحيرتك غير الانسان اللى فضلك على كل بنات الدنيا وقرر انك تشاركية عمرة كلة

sarah
09-28-2008, 02:07 PM
احب اقولهم بلاش كلام فاضى , احنا فى زمن مش محتاج كل ده , ولا واحده تموت لواحد ولا واحد يموت على واحدة.
خلاص قدمت ,,,,,,,,,,,,,,,,,
لانى بعبير الصراحة بستحرم الحب الغير مشروع.
(مع احترامى لمشاعر الغير)

emu
09-28-2008, 10:46 PM
انا معاكي يا ساره والله انا ماكنتش ناويه اعقب ع الموضوع ده لان في كلام مينفعش يتقال
وزعلت جدا من تعليقات حد معين بجد ماكنتش اعتقد ان الشباب بيفكر بالاسلوب ده.....
انا دلوقتي اتاكدت اني بفكر صح لاني دايما كنت بقول اني صعب ادي ثقتي لاي حد بسهوله لمجرد انه قال كلمه بقت سهله جدا لاي حد انه يقولها
بس لازم نقول زي مافي حد مايستهلش التضحيه اكيد في ناس تستاهل بس يا خساره راحت عليهم الكل عايز يلعب وخلااااااااااااااااااااااااااص

ميرا مار
09-28-2008, 11:44 PM
سارة انا معاك برغم اسوبك الصعب على اللى بيحب بس كلامك صح ماحدش بيموت عشان حد


اما ايمو بقى .. مش كل الشباب بيفكر بطريقة واحدة .. لكن الاكيد .. الحب موجود ..
لكن صعب قوى يتميز دلوقت

emu
09-28-2008, 11:55 PM
اكيد طبعا يا بشمهندسه مها الحب طبعا موجود انا ماقولتش حاجه اكيد حضرتك فهمتيني غلط بس كل قصدي ان البنت لازم تفكر بعقلها وقلبها عشان ماتندمش علي اي حاجه ........صح ولا ايه

Mimi
09-29-2008, 12:05 AM
انا جييييييييييييييت للمساعدة وتلبية الندااء

ايوة ياشيمو انتي مش مصدقة صح ،، صدقي ياقلبي دا واقع ودي حقيقة

قوليلي بس ايه المشكلة وانا اقولك علطوول

Hassan Mohamed
09-29-2008, 12:11 AM
فعلا يا اخت شيماء ده واقع مرير

Rania Ismail
09-29-2008, 12:28 AM
منكن اقول حاجه صغننه ده لعب عيال من الاول يعنى هو من الاول مش عارف انه محطوط فى الظروف ديه ليه عشمها من الاول وارتبطو ببعض
وشكرا

onon
09-29-2008, 12:49 AM
اولا عايزه اقول ان الصراحه هي الطريقه الوحيده لحل المشكله دي
لانوا مفيش حاجه اسمها انا عايز انسيها حبي
لا لو كان بيحبها لازم يصارحا بظروفه وهي بقي يبقي باديها الاختيار والله بتحبه بجد وحب حقيقي وحاسه بكدا من نحيته يبقي حيكملوا مع بعض وحيستحملوا اي ظروف بقي لان الظروف دي ممكن تقابل الواحد في اي وقت نفرض انهم اتجوزا وحصلت الظروف دي تشوف هي بقي حتعمل ايه سعتها حتسيبوا ولا حتقف معاه في ظروفه دي
اما لو الشخص ده مصرحاش يبقي انسان كذاب ومبيحبهاش وعايز يعلقها جنبوا وخلاص
اما بالنسبه لوموضوع الحب والبنات ففعلا العمليه بقت صعبه اوي لازم البنات يكون عندها كرامه ولازم كمان الولاد يكون عندهم احترام لنفسهم
بس وهو ده رائ

sarah
09-29-2008, 06:02 AM
صح يا onon اوافقك الرأى.

Hassan Mohamed
10-03-2008, 11:23 PM
من الاخر زمن الحب الصادق بقا شئ نادر موجود في الافلام وانا بتكلم خصوصا علي شباب وبنات الجيل الجديد من 20 ونازل

اسامه البنا
10-11-2008, 12:39 PM
بصي يا شيماء الموضوع شيق وجميل ودعوه للتفكير
بس الله اعلي واعلم بالنوايا ممكن يكون الشاب صادق ومش عاوز يبهدل بنات الناس معاه
وممكن يكون بيتسلي وبينهي القصه في الحلتين هي عليها حل واحد انها تسيبه احسن
علشان هو الي اختار كده وده حل احسن من التمسك بيه دون كرامه
وعمره ما هيحترمها بعد كده لانها رخصت نفسها
((هو ده رايك وانا موافقه))

shimo
10-11-2008, 03:07 PM
شكرا يا اسامه وفعلا انت عندك حق فى كل كلمه قلتها
لان اهم شئ الكرامه

محمود ابوالمجد
10-12-2008, 12:33 AM
لازم تسناه والدليل ان ساعات علاج الانسان هو في قطع ايده مثلا او رجله عشان يعيش اي نعم هي قسوة من الحياة لكن هي دي سنة الحياة

Hassan Mohamed
10-13-2008, 05:54 PM
مش بالسهولة دي يا مودي الحاجات دي بتأخد وقت

asmoaa
10-14-2008, 10:09 AM
انا رايى انها تبعد حتى لو كانوا هما الاتنين ما يقدروش يعيشوا من غير بعض ولو ليهم نصيب فى بعض اكيد هيكونوا لبعض لان الظروف فعلا اوقات بتظلم الانسان معاها وخصوصا لو ظروف مادية لان دى بتبقى مسؤليه .
الانسان لما بيفكر فى بكره مش بيفكر فى نفسه بس بيفكر ازاى هيقدر يصرف على الانسانه اللى بيحبها وازاى وميحسسهاش انه ضعيف ومش قادر يشيل المسؤليه بمعنى اوضح مايحسش انه ضعيف عاجز قدامها لانه مش قادر يسعدها ولما الظروف تساعده وحصل نصيب بينهم هيكونوا لبعض مهما كان.
والاراء لازم تختلف فى موضوع زى ده بس بجد ما حدش يقدر يحس حاجه زى دى غير انسان مثلا زى اللى شيماء بتتكلم عليه الظروف فعلا كتير بتظلم الانسان كتير فبيفضل انه يتظلم لوحده بدل ما يظلم حبه الوحيد معاه واكيد فى شباب كتير جدا يادوب بيعيشه على قدهم وكمان بيشتغلوا علشان يقدروا يسرفوا على نفسهم ويكملوا تعلمهم انا رايى ان الاتنين مش غلطنين اكيد فى وجع بس ربنا كبير وقادر انه يغنى اى انسان وبعدين كل ما ضاقت كل ما كان فى خير انا بسميه انسان مكافح واكيد اللى حصل ده غصب عنه وخصوصا لو كان صادق لان الظروف مش بايد الانسان.

نور الهدي
10-23-2008, 06:53 PM
السلام عليكم
والله عجبنى قوي كلامك وعلى فكره فعلا دي مشكله بس فعلا ياشيمو ده مش حب عارفه ليه الحب اقوى من الظروف والحب مينفعش حد من الطرفين يتنزلو عن بعض صعب لانهم اتعهدو يكونو سوا مهما كان
ومهما كانت الظروف لانه بيبقي اقوى من الظروف صعب ان طرف واحد يتحكم فى النهايه وكمان تبقي نهايه مجرحه جدا للبنت

م/ احمد فاخر
10-25-2008, 02:15 PM
بصراحه انا مستغرب على اغلب الردود اللى سبقتنى

بيتهيئلى انى مفيش واحد حط نفسه مكانه
ولا واحده حطت نفسها مكانها

اما راءى فهو بسيط جدا

اولا من جانب الولد يصارح البنت بكل حاجه وكل التفاصيل ويترك لها حريه الاختيار
اما بالنسبه للبنت فهى اللى هتحدد اذا كانت تكمل معاه ولا لا بس هى اللى هتستحمل الظروف والعواقب بعد كده
وده هيتوقف على مدى الحب بينهم

shimo
11-04-2008, 07:03 PM
بصراحه انا مستغرب على اغلب الردود اللى سبقتنى

بيتهيئلى انى مفيش واحد حط نفسه مكانه
ولا واحده حطت نفسها مكانها

اما راءى فهو بسيط جدا

اولا من جانب الولد يصارح البنت بكل حاجه وكل التفاصيل ويترك لها حريه الاختيار
اما بالنسبه للبنت فهى اللى هتحدد اذا كانت تكمل معاه ولا لا بس هى اللى هتستحمل الظروف والعواقب بعد كده
وده هيتوقف على مدى الحب بينهم


بجد يا احمد رأيك عجبني جدا وبيدل على انك انسان واعي فى تفكيرك فعلا عندك حق ومرسي لمشاركتك فى الموضوع

هدى على
11-04-2008, 08:59 PM
انا بضم كلامي لكلام احمد فعلا انا حسيت انكم مش حطين نفسكم مطرحهم خالص مجرد رد وخلاص ايش عرفكم بظروفهم قولولى كدة عرفتوا ظروفة علشان تحكموا علية او عليها مش يمكن الظروف اقوى من الواقع الراى فعلا ان هما الاتنين يقعدوا مع بعض وهو يصرحها وهي الى تحدد بهدؤ من خلال صرحتة هى هتقدر معاة تتحدى الظروف وتكمل معاة ولا لا وهي لو شاكة فية تنسحب على طول انا عارفة انة صعب

shimo
11-05-2008, 10:04 PM
وانا من رأى احمد ومن رأيك برضو
بس المهم يكون هو سايب لها حريه الاختيار
مش يكون اخد القرار وعمل فرمان

A.H.D
02-14-2009, 01:21 AM
انا كمان من راى احمد المفروض يبقى فى تفاهم طالما كان فى حب المفروض يشاركها معاة مش ياخد هو القرار من نفسة افرض هى عايزة تكمل دة رايى
بس انا اساسا معلش فى الكلمة مش بقتنع ومش بحب اتكلم فى اى علاقة حب مش شرعية لان طالما هو بيحبها يبقى المفروض انة خايف عليها من اى حاجة بقى
يعنى المفروض اى حد لو بيحب حد ومستريحلة يرتبط بية بشكل رسمى دة حيكون اظرف ادام نفسهم وادام الناس
انا على فكرة مش قصدى بالكلام دة على اصحاب المشكلة بالذات اقصد اى اتنين بيحبو بعض عامة
والمفروض لاى بنت انها متسلمش قلبها الا للى يستاهلها بجد واللى فضلها على بنات الدنيا كلها
كلمة كمان لازم صاحبة المشكلة تحط كرامتها فى الاعتبار دى اهم حاجة طالما هى مدخلتش فى اى مرحلة رسمية من الارتباط وارجو انى مكنش تقلت عليكم بكلامى بس دى وجهة نظرى

احمدالمقدم
02-14-2009, 01:49 AM
بجد احمد حاطط رد جميل جدا
انا بقول يا جماعه اللي بيحب حد لو من مصلحته حاجه مش بيعملها لو حتي لو مصلحته انو يبعد عنه يعملها
سواء منها او منه بدل لمصلحته بس رايي الصراحه احسن حاجه وينفذ ما فيه عدم الضرر لحبيبه
انا عن نفسي هعمل فيه اللي من مصلحتها بجد لان احب ان اشوفها في احسن حال وسعيده حتي لو من غيري
تحياتي للجميع