المساعد الشخصي الرقمي

مشاهدة النسخة كاملة : سندريلا



zoro313
02-12-2009, 05:53 PM
مرات الاب : بت يا سندريلا اصحى يا بت جاك خابط فى نفوخك



سندريلا : اييييه يا مرات ابويا خمسه وحقوم



مرات الاب: قومى يا بت قامت قيامتـك



وصحيت سندريلا وهى بتأفأف .. كان لازم يعنى اسهر عشان اسمع اللى اسمه اسامة منير ده !!!



مرات الاب : يللا قومى اكنسـى وامسحى على ما نيجى



سندريلا : وانتو رايحين فين ومتزوقين كده وكل واحده عامله نيو لوك



مرات الاب : رايحين حفله الامييير اللى حيختار واحده عشان يتجوزهـا



سندريلا : خدونى معاكو انا عاوزه اروح .. بليييييز



مرات الاب : تروحى فين يا معفنه بلبسك المهرول ده انا عايزه ارجع الاقى البيت بيبرق



ومشيت مرات الاب وبناتها التلاته وقعدت سندريلا تعيـط وفجــأه طلعتلها الســاحره من الميكروويف ....



الساحره : مالك يا سندريلا ؟؟



سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع



الساحره : ولا يهمك وطلعت من جيبها الموبايل وطلبت الاتيليه بتاع مدام لولو يبعتو فستان وجزمه اخر موديـل



فرحت سندريلا ولبست وحطط الآي شادو و الجليتور ورشت البرفان بس الساحره قالتلها : قدامك للساعه 12 لازم ترجعى
احنا صعايدة ودمنا حامى ومعندناش بنات تتأخر
و لو اتأخرتى حترجعى زى ما كنتى بلبسك القديم وسط الناس



سندريلا : حاضر حاضر اما ساحره رجعيه صحيح !!


خرجت سندريلا من البيت لقت الساحره مجهزة الـ Bmw


ركبت سندريلا وراحت ع القصـرولفت جمــالها كل اللى موجودين
و اول ما عين الامير وقعت عليها راح وطلب يرقص معاها و وافقــت

نظرات ... همسات .... صمــت


ترررررررررن ترررررررررررن



سندريلا : دى الساحره بتدينى ميسد .. يا خبر الساعه 12
وقامت طالعه تجرى قوم ايه وهى بتجرى فرده الجزمه اتخلعت
خدها الامير المعجب و نادى للوزير



الامير : يا وزير تـامر



الوزير : امرك يا باشا !!



الامير : خد الجزمه دى اسحبلى صورتها اسكانر و نزل صورتها فى كل الجرايد و ع الويب سايت بتاع القرية ..

واكتب على صاحبه هذه الجزمه التوجه للقصـر الملكــى



بنات كتير جدا راحو و يا سبحان الله الجزمه مجتش على مقاس حد فيهم (قال يعنى سندريلا رجليها رجل معزه )



الى ان شاهدت سندريلا الاعلان عن فرده الجزمه على ميلودى هيتس وقامت بالتوجه الى القصر وتزوجت هى والامير
وعاشوا فى تبات ونبات و خلفو توأم ملتصق وشويه بنات

IQI__HeMa__IQI
02-12-2009, 06:22 PM
هههههههههههههههههههههههههههههههههههه
اناا كنت هنام بس جامده اوى واحلى حاجه طلعت لقت BMW

zoro313
02-12-2009, 06:39 PM
ههههههههههههههههههه
شكرا للمشاركه

منمونة الدلوعة
02-12-2009, 11:09 PM
هههههههههههههه حلوه اوووى حدوته قبل النوم دى
بس نسيت انك تقول اشربو اللبن واغسلو سنانكو ههههههههههه

zoro313
02-12-2009, 11:19 PM
هههههههههه
ابقى اشربى اللبن واغسلى رجلك اى خدمه

Marwa Mahmoud
02-12-2009, 11:30 PM
ههههههههههههههههههههههههه
بجد جميلة أوى شكرا ليك

froty
02-20-2009, 06:48 PM
جامددددددددددددددددة جدا ياريت كل يوم نلاقى حدوته قبل النوم

A.H.D
02-21-2009, 01:25 AM
تحفة جدا جدا

zoro313
02-21-2009, 05:46 PM
شكرا للمشاركات الجميله دى

AHMEDOO7
02-26-2009, 03:49 PM
قصة سندريلا مودرن جميلة جدا مشكووووووووووووووووور زورو