المساعد الشخصي الرقمي

مشاهدة النسخة كاملة : لو عندك سؤال دينى ...سيبه هنا



ميرا مار
09-23-2008, 11:04 PM
يا جماعة مين فينا مش عندة سؤال دينى محيرة ..
خلينا نسال هنا .. ونجتهد جميعا فى الاجابة عليه ..
هابتدى بسؤال دينى تاريخى شوية ..
مين هو فرعون موسى؟
يعنى مين الفرعون اللى كان لسيدنا موسى معاه حكاية انا دورت كتير وماوصلتش لحاجة
ارجو اللى عندة اجابة يرد واللى له سؤال تانى يساله

Nada Mohammed
09-25-2008, 12:03 AM
عاوزة اعرف اعامل الناس ازاى انا بعامل الناس عشان ارضى ربنا وبطيبة وبحب اساعدهم لكن كتير بتفهم غلط وكتير اقرب الناس مش بيفهمونى يريد تفيدونى ولكم جزيل الشكر

Hassan Mohamed
09-25-2008, 01:25 AM
يا جماعة مين فينا مش عندة سؤال دينى محيرة ..
خلينا نسال هنا .. ونجتهد جميعا فى الاجابة عليه ..
هابتدى بسؤال دينى تاريخى شوية ..
مين هو فرعون موسى؟
يعنى مين الفرعون اللى كان لسيدنا موسى معاه حكاية انا دورت كتير وماوصلتش لحاجة
ارجو اللى عندة اجابة يرد واللى له سؤال تانى يساله



فكرة ممتازة يا بشمهندسة وانا ثبتلك الموضوع لانه يعتبر موضوع للنقاش

انا عندي سؤال بس مش عاوز حد يضحك عليا والحمد لله اجابته مش هتفرق معايا لاني مش بعمل كده بس محتاج اعرف لاني بسمع الطلبة بيقولو كده

هل فعلا النظرة الاولي ليك والتانية عليك ؟؟؟

tiger
09-25-2008, 09:57 AM
هو سؤال مش عارف صعب ولا لأ كونت عايز أعرف أكتر عن حادثة الأفك

Mimi
09-25-2008, 11:24 AM
بسم الله الرحمن الرحيم

الموضوع دا بجد كلمة ممتاز قليله عليه ياباش مهندسة موها حقيقي انتي هايلة

انا هحاول اجاوب على بعض الاسئلة المطروحة هنا عشان متزيدش الاسئلة وتبقى من غير اجابات

السؤال الأول

مين هو فرعون موسى؟

عايزه أقولك في الأول ياموها ان في أسامي كتير متذكرتش في القرآن زي مثلآ اسم امرأة عمرآن واسماء أولاد آدم ( قابيل وهابيل ) < -- متذكروش في القرآن وكمان اسم فرعون موسى .. أول حاجة الهدف من عدم ذكر الأسماء ..هي رسالة من عند ربنا سبحانه وتعالى بعدم النظر الى الاسم وصاحبه انما النظر لاعماله ومواقفه ..يعني تقدري تقولي ربنا مش عايز ذهننا يركز مع الشخصية قد ما عايزنا نركز في أعمالهم ..دا مبدئيآ

عشان كدا في آراء كتير قريتيها أو هتقريها ووجهات نظر مختلفة في معرفة اسم فرعون مصر وفي اي حال من الاحوال مش هنقدر تثبت ان هو دا ..منهم اللي قالو ان أحمس الأول هو فرعون موسى ومنهم اللي قال تحتمس واللي قال تحتمس الثاني ..تحتمس الثالث ..أمنتحتب الثاني ..توت عنخ آمون ...وهكذا تختلف وجهات النظر وكل واحد منهم بيقدم أدلة ونظريات بثبت ان كل شخصية من دي هي فرعون موسى

المهم ياموها عشان متتوهيش وسط آراء العلماء والباحثين اتفقو في الآخر ان رمسيس الثاني هو فرعون موسى وهو حاليآ موجود في المتحف المصري ودا شكله

http://www.55a.net/firas/ar_photo/11833250430863fab00.jpg

صورة لرأس لجثة رمسيس الثاني الموجودة في المتحف المصري في القاهرة والذي تؤكد الأدلة أنه هو فرعون موسى

المصدر:كتاب موسى وهارون عليهما السلام من هو فرعون موسى؟ تأليف الدكتور رشدي البدراوي الأستاذ بجامعة القاهرة.

ان شاء الله هدور على اجابات أكيدة لباقي الاسئلة BRB

Mimi
09-25-2008, 11:42 AM
عاوزة اعرف اعامل الناس ازاى انا بعامل الناس عشان ارضى ربنا وبطيبة وبحب اساعدهم لكن كتير بتفهم غلط وكتير اقرب الناس مش بيفهمونى يريد تفيدونى ولكم جزيل الشكر


متهيألي ياتوتا السؤال دا عايز أكتر من رأي .. يعني هو مش سؤال حاطط عينه على اجابة معينة ..بمعنى انت بتسأل عن طريقة معاملة .. بس لاننا في القسم الديني والموضوع ديني فأول كلمة هقولهالك هي ان الدين معاملة

عايز تعامل الناس بما يرضي الله التزم بالأخلاقيات اللي في ديننا ..ولو انت فعلآ بتعامل بيها لوجه الله مش هيهمك رد فعل اللي قدآمك .. وانسى كل الحكم والامثال اللي بتتقال في مجتمعاتنا وبتنتشر لدرجة تخلينا نصدقها ونؤمن بمصداقيتها

أبسط الامثلة دي لما يقولوك الطيبة عيب ومينفعش تبقى طيب ومينفعش تدي ثقتك في الناس بالمعنى اللي يخليك مخونهم دايمآ مش محرص منهم ..دي كلها صفات منافيه للدين ..ولو هنمشي على الأخلاقيات اللي بيفرضها المجتمع هتلاقي فيها حاجات كتير ماشية عكس الدين

ممكن انت بتقول انا بعاملهم بطيبة وبساعدهم لمجرد اني عايز أساعدهم أو بحب اقف جنبهم بس ممكن يفهموك انك عايز مصلحة من كدا ..صح ؟ نصيحة مني متتغيرش وخليك زي ما انت ما هو للأسف ياتوتا الانسان الكويس اوي دلوقتي بيتفهم غلط عشان كتير من مجتعنا اتبع الأخلاقيات اللي فرضها مجتمعه وجت على حساب دينه !!

مش هطول عليك بس اي حاجة في حياتك شايف انها راضيه ربنا وممدوحة في دينك خليك ماشي عليها وممكن ان شاء الله نستغل الباش مهندسة مها باه بما انها مشرفه على القسم الاجتماعي :p انها تجيبلنا مواضيع عن كيفية التعامل مع الآخرين

Mimi
09-25-2008, 11:55 AM
انا عندي سؤال بس مش عاوز حد يضحك عليا والحمد لله اجابته مش هتفرق معايا لاني مش بعمل كده بس محتاج اعرف لاني بسمع الطلبة بيقولو كده

هل فعلا النظرة الاولي ليك والتانية عليك ؟؟؟


دا فعلآ حديث عن الرسول عليه أفضل الصلاة وأتم التسليم ياحسن فأكيد مش هنضحك عليك :p

قال صلى الله عليه وسلم: (لا تتبع النظرة النظرة فإن الأولى لك والثانية عليك) رواه أحمد في المسند.

فالنظرة الاولى لك اي لا اثم لك فيها لانها كانت فجأة أما الثانيه عليك لانها فيها ضرر ليك ..لان هيصاحبها التفكير ووساوس الشيطان ويوصل الموضوع انه يبتدي الشيطان يتلاعب بقلبك

في اضافة صغيره كدا وهي ان كلمة قلب ..اتسمى قلب لانه متقلب وسريع التغير والتحول ..فتخيل دا كله ممكن يتطور ويضرك بسبب نظرة !!

وكلنا عارفين ان كبائر الذنوب بتبتدي بصغائر الذنوب

Wild_Angel
09-25-2008, 11:57 AM
بارك الله فيك يا جودى مرحبا عودتك بالسلامه اليوم
منورانا فى القسم الاسلامى

Wild_Angel
09-25-2008, 11:58 AM
اللهم يا مقلبب القلوب ثبت قلوبنا على دينك
ربنا لا تزغ قلوبنا بعد اذ هديتنا

Mimi
09-25-2008, 12:22 PM
هو سؤال مش عارف صعب ولا لأ كونت عايز أعرف أكتر عن حادثة الأفك


كانت اتقالت القصة دي او الحادثة دي في حلقة للأستاذ عمرو خالد من قصص القرآن قريب

عمومآ ياتايجر طلبك حلو عشان كلنا نسترجع الحادثة دي ونتعلم منها

الأستاذ عمرو خالد قال ان معنى كلمة أفك هو معنى شديد جدآ يمكن يكون أكتر من الكذب ..نبتدي في القصة كدا واحدة واحدة

السيدة عائشة رضي الله عنها اتهمت في شرفها .. أنا عايزاكم تتخيلوا ان أى حد فينا مشهود له بالتدين وحسن الخلق وسمع خبر زى ده عن نفسه ، إتهام فى شرفه ! تخيلوا رد فعل أى حد فينا كان هيبقى عامل إزاى ؟؟؟؟ "

فى بيت أبي بكر الصديق علمت عائشة بما يشاع عنها بينما كانت مصابة بالحمى.

وهى تسأل أمها غير مصدقة: وهل علم أبي؟ تقول لها أمها: نعم

وتعود لتسأل: وهل علم رسول الله؟

فتقول لها أمها: نعم. وهي في دوامة رهيبة لا تدري ماذا تفعل؟ ..

تذهب إلى أبيها الذى كان يحتمي بقراءة القرآن على سطح بيته مما يجري

فتقول له: ماذا تقول يا أبي؟

ويبكي أبو بكر ويقول لها: والله يا بنيتي كنا في الجاهلية وما قيل على آل أبي بكر كلمة كهذه،

وقد أكرمنا الله اليوم بالإسلام أيقولون فينا هذا؟!

إختلاف آراء أهل المدينة

تخيلوا دلوقتى إن أحنا أيام الرسول " صلى الله عليه وسلم " وسمعتم الخبر ده كنتم هتبقوا أى قسم منهم ؟

طبعا كلنا مشاعرنا هتاخدنا ونقول طبعا كنا مش هنصدق طيب الحمد لله لو جالنا الشعور الجميل ده عن أمنا السيدة عائشة رضي الله عنها

بس تخيلوا سمعتوا الموضوع ده عن صاحبتكم يا بنات أو واحد صاحبك كنتوا هتتصرفوا إزاى ؟بجد لازم نسأل نفسينا السؤال ده كويس ونجاوب عليه بصدق لأن إحنا معرضين إننا نسمع أى إشاعة عن أصحابنا فلازم نعرف

هل نصدقها ؟؟

نعرفها ونسكت ؟؟

والا نساعد على نشرها ؟؟

" وما شاء الله على البنات ما يتوصوش فى الموضوع ده " :D

والا ندافع عن صحبتنا واللى بيتكلم ده يا إما يجيب شهود يا إما كلامه يضرب به عرض الحائط

تعالوا نكمل :)

المدينة منقسمة إلى أربعة أقسام:

1ــ قسم صامت لا يصدق ولا يكذب " وهم الأغلبية"


2ــ قسم يمثل الأقلية" يكذب الخبر أو الشائعة ويقول: مستحيل أن تفعل عائشة ذلك.

ومن هؤلاء أبو أيوب الأنصاري الذي نزل النبي في بيته عند هجرته إلى المدينة

يقول أبو أيوب لزوجته: يا أم أيوب لو كنت مكان عائشة أكنت تفعلين ما يقولون أنها فعلته؟

فتقول له: لا والله يقول لها: فعائشة خير منك.

وتقول أم أيوب لزوجها: وأنت لو مكان صفوان بن المعطل أكنت تفعل ما يقولون أنه فعله؟ قال: لا والله لا أخون رسول الله.

3ــ هناك قسم ثالث لا يكذب ولا يصدق، لكنه يتكلم مثل حسان بن ثابت ومسطح بن أثاثه وحنة بنت جحش " أخت زينب بنت جحش زوجة النبي، فزينب وعائشة ضرائر ، وهى أقرب زوجة لقلب النبي بعد عائشة".

الموضوع ده بيفكرنى بالحكمة ( إذا لم يكن لك رأى فستكون عرضه لأى رأى ) :(

4 ــ القسم الرابع: وهم الذين افتروا حادثة الافك وأشاعوها.

ما موقف أبو بكر الصديق من كل هذا؟

يبكي طوال شهر كامل، ويقسم بألا ينفق على مسطح بعد اليوم

عبرة للأجيال القادمة

شهر كامل لم ينزل جبريل عليه السلام.

يريد الله أن تكون هذه تجربة حية ماثلة أمام أعين الأجيال القادمة من المسلمين.

ظلت السيدة عائشة تبكي لثلاثة أيام، ولا تكتحل بنوم، تقول:" حتى ظننت بأن كبدي سينفطر".

موقف الرسول " صلى الله عليه وسلم "

فعلا الواحد بيحس بعظمة رسولنا كل ما يقرا إزاى كان بيتعامل " صلى الله عليه وسلم " مع الأزمات اللى بيمر بيها سبحان الله مثال للصبر وقوة التحمل والحكمة والرحمة معا .

طب أنتوا متخيلين لو أنتوا مكانه كنتم هتعملوا إيه ؟ زوجتك متهمة فى عرضها وشرفها والناس بتتكلم كتير..

وفى نفس الوقت مش عندك دليل واضح على برائتها سوري ثقتك فيها ............. تعالوا نشوف رسولنا إتصرف إزاى

النبي صلى الله عليه وسلم، فلا يصدق ما قيل عن زوجته الزوج فيه لا يصدق، لكن لأنه قائد الأمة فلابد أن يكون محايداً في موضوع يمسه ويخص الأمة كلها

كان أمام النبي صلى الله عليه وسلم: ثلاثة حلول:

- أن يطلق عائشة، فينتهي الموضوع.

- أن يدافع عن عائشة بقوة، ولديه السلطة التى تمكنه من فعل ذلك. لكنه رفض ان يكون ديكتاتوراً.

- أن يأخذ موقف الحياد.

لكن النبي صلى الله عليه وسلم. اختار حلاً رابعاً

وهو أن يفتح بنفسه الموضوع مع المجتمع، فيتحرك المجتمع للحكم بالبراءة على عائشة لكي تتكلم.

فالتقى النبي صلى الله عليه وسلم، بأم أيمن " جارية النبي التي كانت بصحبته يوم ذهب لزيارة قبر أمه"

قال لها: يا أم أيمن أسمعت ما يقول الناس؟

قالت: نعم يا رسول الله. قال فما تقولين أنت يا أم أيمن؟ قالت: احمي سمعي وبصري والله ما علمت عنها إلا خيراً.

فذهب لأسامة بن زيد " قائد الشباب" وقال له: ما تقول يا أسامة؟

فقال: كذبوا يا رسول الله أهلك وما نعلم عنهم إلا الخير.

وذهب النبي إلى علي بن أبي طالب الذي كان يرى الأمر من زاوية مختلفة،

وهو أن الحادث سيشوش على الرسالة، فقال يا رسول الله: ..

النساء غيرها كثير ولم يضيق الله عليك، طلقها وتزوج غيرها فسكت النبي صلى الله عليه وسلم.

وسأل النبي عمر بن الخطاب: ما تقول يا عمر؟

فقال له عمر: من زوجك أياها يا رسول الله؟

قال: الله سبحانه وتعالى.

قال: أيظن أحد أن الله يدلس عليك.

فقال : قل لهم يا عمر.

الرسول لم يكن يسأل لأنه يعرف، لكنه يسأل ليرى كيف تفكر عينات من المجتمع و ليتحركوا

أحد المستشرقين قال أن هذه الحادثة دليل على نبوة النبي الحقيقية:

" كلما أردت أن أكذبه تصادفني حادثة الإفك، شهر يتحمل ما لا يتحمله إنسان، أقول هو صادق".

المواجهة

تقول السيدة عائشة: فبينما أنا في بيت أبي أبكي وأبكي وأبكي،

إذا دخل علينا رسول الله صلى الله عليه وسلم.

يقول لي: يا عائشة إن كنت بريئة فاطمئني سيبرئك الله تعالى،

وإن كنت قد ألممت بذنب فاستغفري الله فإن العبد إذا أذنب فاستغفر تاب الله عليه.

تقول السيدة عائشة: فما أن قال كلامه حتى جفت دموعي فما تسقط قطرة،

فنظرت إلى أبي وأمي وقلت لهما: ألا تجيبان رسول الله؟ فقال أبو بكر والله لا ندرى بما نجيب.

فقالت: أما أنا فوالله أرى أن هناك أمراً استقر في أنفسكم وصدقتموه.

فإن قلت لكم إني بريئة لن تصدقوني. وأنا اعترفت بشىء لم أفعله والله يعلم أني منه بريئة،

ستصدقونني. والله لا أجد لي ولكم مثلاً إلا قول أبي يوسف: فصبر جميل والله المستعان على ما تصفون.

براءة بالقرآن

أحست عائشة أن الكلام لا يجدي نفعاً، فقررت اللجوء إلى الله سبحانه وتعالى.

تقول عائشة: فما أن قلتها وقمت إلى فراشي

أقول: يارب أعلم أنك ستبرئني ولكن يا رب برئني فقد تعبت

تقول: وكنت أظن أن الله سيبرئني برؤيا يراها رسول الله فى المنام،

وما كنت أتخيل أبداً أن ينزل قرآناً من السماء يتلى إلى يوم القيامة،

يقرأ فى المساجد ويتلوه الناس ويصلى به، كانت نفسي عندي أهون من أن ينزل فى قرآن،

فإذا بالنبي قبل أن يقوم من مجلسه، ينزل عليه جبريل حتى سري عن وجه النبي،

فضحك النبي وقال يا عائشة أبشري برأك الله بقرآن يتلى إلى يوم القيامة.

تقول فسجدت لله شكراً، فقال لي أبي وأمي قومي إلى رسول الله،

قلت لا والله لا أقوم له ولا لكم ولا أسجد إلا لربي

" اللهم من توكل عليك فلن يخيب ، ومن إستنصرك فلن يذل

ومن جعلك ملاذه فلن يضيع "

من القصة دي ياجماعة نتعلم اننا مننقلش كلام حتى لو صحيح ..مش لازم يبقى الموضوع كبير بس حتى ولو كلمة قليله ممكن تخلي حد يصدقها بلاش ننقلها وخصوصآ البنات ..لانهم مشهوريم بكدا :( وانا عارفه اني طولت ..انا قلت انقل القصة أحسن بالنص دا عشان تنقل بأحسن الصور

وبشكرك اوي ياتايجر على طلبك الجميل دا ولو عايز نصيحتي اسعها احسن من الاستاذ عمرو خالد ..ادخل السايت بتاعه www.amrkhaled.net واعمل داونلود على القصة دي ..مرة تانيه آسفة على الاطالة

Mimi
09-25-2008, 12:24 PM
بارك الله فيك يا جودى مرحبا عودتك بالسلامه اليوم
منورانا فى القسم الاسلامى


ربنا يخليكي ياحبيبة قلبي وألف مبروك الاشراف

الله يسلم قلبك وعمرك من كل شر يارب

Wild_Angel
09-25-2008, 12:36 PM
رضى الله عنك يا ام المؤمنين وارضاك وصلى الله وسلم على افضل المرسلين سيدنا محمد الاسوه الحسنه

جمييييييييييل جودى طريقتك فى سرد القصه هايله

اللهم اغفر لنا ما تقدم وما تاخر من ذنبنا وقنا عذاب النار

رضى الله عنك يا ام المؤمنين وارضاك وصلى الله وسلم على افضل المرسلين سيدنا محمد الاسوه الحسنه

AYMAN GAMAL
09-25-2008, 03:15 PM
شكرا يا جودي على شرحك الجيد و المستفيض عن حادثة الافك

احسن رد فعل غير الرسول صلى الله عليه و سلم كان رد عمر ابن الخطاب رضي الله عنه لما قال للرسول (ص) من زوجك اياها و الرسول(ص) قاله لفظ الجلالة الله سبحانه و تعالى

مع انه سؤال صغير من سيدنا عمر رضي الله عنه ممكن ناس كتيرة تعديه بس انا فهمت قصدة

كرم الله وجوه كل الصحابة و صلى الله و سلم على محمد و اله و صحبه اجمعين

وزي ما برا ربنا سيدتنا مريم عليها السلام في القران

برا ربنا سيدتنا عائشة رضي الله عنها في القران برضه

شكرا يا جماعة عالمجهود من اول جودي مرورا بحسن و اشرف و اينجل و مها

ميرا مار
09-25-2008, 03:18 PM
صبااااااااح الخير وسلام الله عليكم

انا جيت

وفرحت جدا من التفاعل اللى حاصل دة جدا

وحمدالله ع السلامة يا جودى
ومش عارفة اشكرك ازاى ورايا رجالة .. اجبتى فاحسنتى

Nada Mohammed
09-25-2008, 03:19 PM
متشكرة لحضرتك اوى
وجزاكى الله عنا كل خير

Nada Mohammed
09-25-2008, 03:20 PM
متشكرة لحضرتك اوى
وجزاكى الله عنا كل خير[/font][/quote]

ميرا مار
09-25-2008, 03:21 PM
عاوزة اعرف اعامل الناس ازاى انا بعامل الناس عشان ارضى ربنا وبطيبة وبحب اساعدهم لكن كتير بتفهم غلط وكتير اقرب الناس مش بيفهمونى يريد تفيدونى ولكم جزيل الشكر



اهلا بيك يا توتا

وسؤال جميل وباشكر اقتراح جودى وان شاء الله قريبا الموضوع دة فى القسم الاجتماعى

لكن مؤقتا كدة..

الدين معاملة .. اتبعى قلبك فان قلب الؤمن دليلة ولو مرة خفتى تتفهمى غلط .. قبل ماتتصرفى فكرى وقولى توكلت على الله .. ربنا عمره مايسيبك ابدا

ميرا مار
09-25-2008, 03:23 PM
جزانا واياكم يارب كل الخير ورضى عنا الله

ميرا مار
09-25-2008, 03:26 PM
يا اشرف سؤالك جميل و اجابة جودى افادتنا كلنا

وانا كنت اليوم دة باتفرج ع الحلقة ربنا يكرمه الاستاذ عمرو خالد

انا بس هاضيف حاجة لكل البنات اللى هيتابعوا الموضوع دة
اكثروا من قراءة سور النور لانها بتحمينا من القيل والقال فى السمعة والشرف
واللى للاسف كتييييييييييييييير الايام دى ...

ميرا مار
09-25-2008, 03:32 PM
سؤال جمييييييل يا حسن


فعلا الاولى لك اما الثانية فعليك .. ودا حديث عن الحبيب المصطفى عليه الصلاه والسلام

لكن راييى بقى الايام دى الاولى عليك لانها مابقتش نظرة دا بقى ( روتانا مش عارف ايه .. مش هتقدر تغمض عينيك)

هههههههههه
قصدى يعنى نظرة = لفتة مش هىىىىىىىى فرصة بقى
الاولى ليا افضل باصص بقى لغاية عنيا ماتحمر وتوجعنى

Hassan Mohamed
09-25-2008, 07:06 PM
ههههههههههههههه لا والله انا لا اولي ولا تانية انا ماشي ببص في الارض الحمد لله يعني بس بحب ازود معلوماتي الاسلامية من خلال الموضوع ده واهو الكل يستفيد

ميرا مار
09-25-2008, 08:44 PM
ههههههههههههه ولنل ماقصدتكش
انا باتكلم عموما

احمد حسن
09-25-2008, 09:54 PM
ارجو شرح النوافل باستفاضة
وشكرا

احمد حسن
09-25-2008, 10:32 PM
محدش رد ليه يا جماعه

Surveyor 2007
09-25-2008, 10:45 PM
فكره الموضوع حلوه جدا
وعجباني ولو في اي سوال عندي مش حتدور عليه بره

ميرا مار
09-25-2008, 11:45 PM
حاضر يا احمد حسن جارى الرد .. شكرا لسؤالك ومشاركتك

ميرا مار
09-25-2008, 11:55 PM
بص يا احمد انا دايما باحب اجاوب ابسط اجابة عشان الناس ماتكسلش تقرا
لكن بتكون شاملة كافية ان شاء الله

اولا الناس فاهمين كلمة نوافل غلط فاكرينها للصلاه بس
لكن
النافلة هى مازاد عن مقدار الفريضة فى العبادة من نفس جنس الفريضة
يعنى كما للصلاه نوافل الزكاه والصوم و الحج نوافل ..

ومن عظمة الإسلام أنه أمر على سبيل الوجوب بالحد الأدنى الذي لا بد منه،
وهو مقدار الفرض من كل عبادة، ثم شجع على النوافل،

النوافل سور منيع، فالشيطان يشجع المرء أولا على ترك النافلة،
محتجا بأنها ليست مفروضة،
فإذا نجح في ذلك خطا خطوة أخرى مع العبد الذي انخدع به وخضع لإيحاءاته

ودا معناه .. ايه هى النوافل المطلوبة بقى فى كل عبادة .. هاقولك ..

Mimi
09-25-2008, 11:56 PM
ارجو شرح النوافل باستفاضة
وشكرا


بسم الله الرحمن الرحيم

ان شاء الله الرد يااحمد هيشمل شرح للنوافل والسنن والرواتب وبعد أذكار ما بعد الصلاة .. وآسفين على التأخير في الرد

أهمية النوافل

عن أبي هريرة رضي الله عنه قال : أن النبي صلى الله عليه وسلم قال :
(( إن أوَّل ما يحاسب به الناس يوم القيامة من أعمالهم : الصلاة
قال : يقول ربنا عزوجل لملائكته : انظروا في صلاة عبدي أتمَّها أم نقصها ؟
فإن كانت تامَّة كتبت له تامة
وإن كان انتقص منها شيئاً قال : انظروا هل لعبدي من تطوع ؟
فإن كان له تطوع قال : أتموا لعبدي فريضته من تطوعه
ثم تؤخذ الأعمال على ذلك ))
رواه أبو داود وهو حديث صحيح ..


أن تصليها في بيتك

فعن زيد بن ثابت رضي الله عنه أن رسول الله صلى الله عليه وسلم قال :
(( صلاة المرء في بيته أفضل من صلاته في مسجدي هذا ))
رواه الترمذي وأبو داود وهو حديث صحيح ..

أنا استغربت من الحديث دا بس دورت على شرحه عشان محدش منكم يستغرب بردو وعرفت ان القصد هو صلاة النوافل

النفل في البيت أفضل قال : عليه الصلاة والسلام { أفضل الصلاة صلاة المرء في بيته إلا المكتوبة . } متفق عليه وينبغي أن يكون مرادهم إلا النساء ; لأن صلاتهن في بيوتهن أفضل , والأخبار مشهورة في ذلك , وهو ظاهر كلام أصحابنا وغيرهم .


وعن جابر رضي الله عنه قال : قال رسول الله صلى الله عليه وسلم :
(( إذا قضى أحدكم الصلاة في مسجده فليجعل لبيته نصيباً من صلاته
فإن الله جاعل في بيته من صلاته خيراً ))
رواه مسلم

ركعتي الفجر

والمقصود بها أي سنة الفجر قبله
لحديث عائشة رضي الله عنه أن النبي صلى الله عليه وسلم قال :
(( ركعتا الفجر خيرٌ من الدنيا وما فيها ))
رواه مسلم ..

ركعتي الشـــروق

روى الترمذي وقال حديث حسن مرفوعاً :
(( من صلى الفجر في جماعة ثم قعد يذكر الله تعالى حتى تطلع الشمس
ثم صلى ركعتين كانت له كأجر حجة وعمرة
قال رسول الله صلى الله عليه وسلم : تامة .. تامة .. تامة ))


وفي رواية للإمام أحمد وأبي داود وأبي يعلي مرفوعاً :
(( من قعد في مصلاه حين ينصرف من صلاة الصبح حتى يسبح ركعتي الضحى
لا يقول إلا خيرا غفرت خطاياه وإن كانت أكثر من زبد البحر))
وفي راوية لأبي يعلى : ( وجبت له الجنة)


وعن حفصة رضي الله عنها قالت :
" كان رسول الله صلى الله عليه وسلم إذا طلع الفجر لا يُصلي إلا ركعتين خفيفتين "
رواه البخاري ومسلم

صلاة الضُحى

فعن أبي هريرة رضي الله عنه قال :
" أوصاني خليلي صلى الله عليه وسلم بثلاث :
بصيام ثلاثة أيام من كل شهر
وركعتي الضحى
وأن أوتر قبل أن أرقد "
رواه البخاري ومسلم ..


وعن أبي ذر الغفاري رضي الله عنه أن رسول الله صلى الله عليه وسلم قال :
« يُصْبِحُ عَلَى كُلِّ سُلاَمَى مِنْ أَحَدِكُمْ صَدَقَةٌ
فَكُلُّ تَسْبِيحَةٍ صَدَقَةٌ
وَكُلُّ وَكُلُّ تَحْمِيدَةٍ صَدَقَةٌ
وَكُلُّ تَهْلِيلَةٍ صَدَقَةٌ
وَكُلُّ تَكْبِيرَةٍ صَدَقَةٌ
وَأَمْرٌ بِالْمَعْرُوفِ صَدَقَةٌ
وَنَهْيٌ عَنِ الْمُنْكَرِ صَدَقَةٌ
وَيُجَزِىءُ مِنْ ذلِكَ رَكْعَتَانِ يَرْكَعُهُمَا مِنَ الضُّحَى »
رواه مسلم
وأما عددها فما بين الركعتين إلى الثمان ركعات تصلي كل ركعتين بتسليمة ..


السنن الرواتب

روى مسلم وأبو داود والترمذي والنسائي مرفوعاً :
(ما من عبد مسلم يصلي لله تعالى في كل يوم اثنتي عشر ركعة تطوعا غير الفريضة
إلا بنى الله له بيتا في الجنة)
وزاد الترمذي والنسائي :
(( أربعا قبل الظهر وركعتين بعدها
وركعتين بعد المغرب
وركعتين بعد العشاء
وركعتين قبل صلاة الغداة ))


راتبة العصر

عن عبد الله بن عمر رضي الله عنهما أن رسول الله صلى الله عليه وسلم قال :
(( رحم الله امرأ صلى قبل العصر أربعاً ))
رواه أحمد والترمذي بإسناد حسن ..

الركعتين قبل المغرب

فعن عبد الله المزني بن المغفل رضي الله عنه قال :
قال رسول الله صلى الله عليه وسلم :
(( صلـُّوا قبل صلاة المغرب
قال في الثالثة لمن شاء
كراهية أن يتخذها الناس سُنَّـةً ))
رواه البخاري ..


أذكار ما بعد الصلاة

عن أبي ذر الغفاري رضي الله عنه أن رسول الله صلى الله عليه وسلم قال :
(( من قال في دُبُر صلاة الفجر وهو ثان رجليه قبل أن يتكلم :
لا إله إلا الله وحده لا شريك له ، له الملك وله الحمد يحيي ويميت وحده لا شريك له
له الملك وله الحمد يحيي ويميت ، وهو على كل شئ قدير . عشر مرات :
كتب الله له عشر حسنات ومحا عنه عشر سيئات ورفع له عشر درجات
وكان يومه ذلك كله في حرز من كل مكروه وحرس من الشيطان
ولم ينبغ لذنب أن يدركه في ذلك اليوم إلا الشرك بالله ))
رواه الترمذي ..


وعن أبي أيوب الأنصاري رضي الله عنه أن رسول الله صلى الله عليه وسلم قال :
(( من قال إذا أصبح : لا إله إلا الله وحده لا شريك له ، له الملك وله الحمد وهو على كل شئ قدير . عشر مرات :
كن له عدل عتاقة أربع رقاب ، وكن له حرزاً من الشيطان حتى يمسي
ومن قالها إذا صلى المغرب دبر صلاته ، فمثل ذلك حتى يصبح ))
رواه أحمد والنسائي .


وروى مسلـم عن ثوبـان رضي الله عنه قال :
كان رسول الله إذا انصرف من صلاته استغفر ثلاثاً
وقال: « اللَّهُمَّ أنْتَ السَّلامُ وَمِنْكَ السَّلامُ، تَبَـارَكْتَ يا ذَا الـجَلالِ والإكْرَام » .


وروى البخاري ومسلم عن الـمغيرة بن شعبة رضي الله عنه
أن رسول الله كان إذا فرغ من الصلاة وسلَّم قال:
« لا إله إلا اللَّهُ وحْدَهُ لاَ شَريكَ لهُ، لهُ الـمُلْكُ ولهُ الـحَمْدُ وَهُو علـى كلِّ شَيءٍ قَدِيرٌ
اللَّهُمَّ لا مانِعَ لِـمَا أعْطَيْتَ، ولا مُعْطِيَ لِـمَا مَنَعْتَ ، ولا يَنْفَعُ ذَا الـجَد مِنْكَ الـجَدُّ » .


عن عبد الله بن الزبـير رضي الله عنهما ، أنه كان يقول دبر كل صلاة حين يسلـم:
«لا إله إلا اللَّهُ وحْدَهُ لا شَريكَ لهُ، لهُ الـمُلكُ ولهُ الـحَمْدُ وهُوَ علـى كلِّ شَيءٍ قَديرٌ
لا حَولَ ولا قُوَّةَ إلا بـالله، لا إله إلا اللَّهُ ولا نَعْبُدُ إلا إياهُ لهُ النِّعْمَةُ ولهُ الفَضْلُ
ولهُ الثَّناءُ الـحَسَنُ، لا إله إلا اللَّهُ مُخْـلِصِينَ لهُ الدِّين ولَو كَرِهَ الكافِرونَ »
رواه مسلم .


عن كعب بن عُجرة رضي الله عنه عن رسول الله صلى الله عليه وسلم قال:
« مُعَقِّبـاتٌ لا يخِيبُ قائِلُهُنَّ أو فـاعِلُهُنَّ دُبُرَ كُلِّ صلاةٍ مَكْتُوبَةٍ
ثلاثاً وثلاثـينَ تَسْبِـيحَةً، وثَلاثاً وثَلاثـينَ تَـحْمِيدَةً، وأرْبَعاً وَثَلاثِـينَ تكْبِـيرَةً»
رواه مسلم .


رواه النسائي عن معاذ رضي الله عنه ، أن رسول الله أخذ بـيده وقال:
« يا مُعاذُ واللَّهِ إنـي لأُحِبُّكَ»
ثم قال: « أوصِيكَ يا مُعاذُ لا تَدَعَنَّ فـي دُبُرِ كلِّ صلاةٍ تَقُولُ :
اللَّهُمَّ أَعِنِّـي علـى ذِكْرِكَ وَشُكْرِكَ وَحُسْنِ عِبـادَتِكَ»


وله أن يدعي بما يشاء له ولأهله ولإخوانه ولك أيضاً أن ترفع صوتك بالدعاء والذكر فإنها من سنن الحبيب المصطفى صلى الله عليه وسلم والصحابة التي قلّ من يحيي هذه السنة ..


النوم قبل العشاء

وعن أبي برزة الأسلمي رضي الله عنه
أن رسول الله صلى الله عليه وسلم كان يكره النوم قبل العشاء والحديث بعدها "
رواه البخاري


يارب تكون لقيت ضالتك يااحمد .. وربنا يجازيك خير على سؤالك اللي استفدنا منه هو الرد طويل شوية بس الأحسن انك تسيفه عندك عشان تقراه براحتك

Mimi
09-25-2008, 11:57 PM
بشكرك جدآ ياباشمهندسة على ردك المختصر

وفعلآ خير الكلام ما قل ودل

ميرا مار
09-25-2008, 11:59 PM
جاء في الحديث القدسي
عن الله تعالى
: "ما تقرَّب إليّ أحد بمثل ما تقرَّب بالفرائض وانه ليتقرَّب إليَّ بالنوافل حتى أحبه فإذا أحببته كنت سمَعه الذي يَسمع به وبَصرَه الذي يُبصر به ولسانه الذي يَنطق به ويده التي يَبطش بها".


نوافل الصلاة:

1- كنوافل الصبح: ركعتان قبل صلاة الصبح.

2- ونوافل الظهر: ثمان ركعات قبل صلاة الظهر.

3- ونوافل العصر: ثمان ركعات قبل صلاة العصر.

4- ونوافل المغرب: أربع ركعات بعد صلاة المغرب.

5- ونوافل العشاء: ركعتان من جلوس بعد صلاة العشاء

على فكرة انا باشكرك جدا انا ذهلت لما بحثت فى الموضوع الموضوع كبيييييير بس واحدة واحدة

.

ميرا مار
09-26-2008, 12:02 AM
بارك الله فيك يا جودى ..
افضتى فاجدتى والل منورة المنتدى

ميرا مار
09-26-2008, 12:12 AM
[
نيجى بقى لنوافل الصيام ..
اللى هو صيام التطوع وهو أنواع

1- صيام يوم وفطر يوم وهوأفضل صيام التطوع.
عن عبدالله بن عمروابن العاص – رضي الله عنهما –
أن رسول الله قال: { ‏إِنَّ أَحَبَّ الصِّيَامِ إِلَى اللَّهِ صِيَامُ ‏‏ دَاوُدَ ‏ ‏وَأَحَبَّ الصَّلَاةِ إِلَى اللَّهِ صَلَاةُ ‏‏ دَاوُدَ ‏ ‏عَلَيْهِ السَّلَام ‏ ‏كَانَ يَنَامُ نِصْفَ اللَّيْلِ وَيَقُومُ ثُلُثَهُ وَيَنَامُ سُدُسَهُ وَكَانَ يَصُومُ يَوْمًا وَيُفْطِرُ يَوْمًا } [متفق عليه].

2- صيام ثلاث أيام من كل شهر (أي ثلاث أيام والأفضل أن تكون أيام البيض).
عن أبي هريرة – – قال: { ‏أَوْصَانِي خَلِيلِي ‏‏ صَلَّى اللَّهُ عَلَيْهِ وَسَلَّمَ ‏ ‏بِثَلَاثٍ بِصِيَامِ ثَلَاثَةِ أَيَّامٍ مِنْ كُلِّ شَهْرٍ وَرَكْعَتَيْ الضُّحَى وَأَنْ أُوتِرَ قَبْلَ أَنْ أَرْقُدَ } [متفق عليه]. عن ابن ملحان – – قال: { ‏كَانَ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏‏ يَأْمُرُنَا أَنْ نَصُومَ الْبِيضَ ثَلَاثَ عَشْرَةَ وَأَرْبَعَ عَشْرَةَ وَخَمْسَ عَشْرَةَ قَالَ وَقَالَ هُنَّ كَهَيْئَةِ الدَّهْرِ } [رواه أبوداود].

3- صيام التسعة الأولى من ذي الحجة وآخرها يوم عرفة.
عن ابن عباس – رضي الله عنهما – قال : قال رسول الله : { مَا مِنْ أَيَّامٍ الْعَمَلُ الصَّالِحُ فِيهَا أَحَبُّ إِلَى اللَّهِ مِنْ هَذِهِ الْأَيَّامِ ‏ ‏يَعْنِي أَيَّامَ الْعَشْرِ ‏ ‏قَالُوا يَا رَسُولَ اللَّهِ وَلَا الْجِهَادُ فِي سَبِيلِ اللَّهِ قَالَ وَلَا الْجِهَادُ فِي سَبِيلِ اللَّهِ إِلَّا رَجُلٌ خَرَجَ بِنَفْسِهِ وَمَالِهِ فَلَمْ يَرْجِعْ مِنْ ذَلِكَ بِشَيْءٍ } [رواه أبوداود].

4- صيام يوم عرفة.
عن أبي قتادة – –قال: { َسُئِلَ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ عَنْ صَوْمِ يَوْمِ عَرَفَةَ فَقَالَ يُكَفِّرُ السَّنَةَ الْمَاضِيَةَ وَالْبَاقِيَةَ } [رواه مسلم].

5- صيام العاشر من محرم. عن أبي قتادة – – أن رسول الله ، { وَسُئِلَ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ عَنْ صَوْمِ يَوْمِ عَاشُورَاءَ فَقَالَ يُكَفِّرُ السَّنَةَ الْمَاضِيَةَ } [رواه مسلم]. صيام التاسع والعاشر من محرم. عن ابن عباس – رضي الله عنهما – قال: قال رسول الله : { لَئِنْ بَقِيتُ إِلَى ‏‏ قَابِلٍ ‏ ‏لَأَصُومَنَّ التَّاسِعَ } [رواه مسلم]. قوله قابل : العام المقبل.

6- صيام الإثنين والخميس.
عن أبي هريرة – – عن رسول الله قال: { تُعْرَضُ الْأَعْمَالُ يَوْمَ ‏ ‏الِاثْنَيْنِ وَالْخَمِيسِ فَأُحِبُّ أَنْ يُعْرَضَ عَمَلِي وَأَنَا صَائِمٌ } [رواه الترمذي وقال حديث حسن].

7- صيام ست من شوال.
عن أبي أيوب – رضي اللع عنه – أن رسول الله قال: { ‏مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ كَانَ كَصِيَامِ الدَّهْرِ } [رواه مسلم]. [/]

ميرا مار
09-26-2008, 12:17 AM
واحنا مبسوطين ان الموضوع عجبك surveyor 2007 وفى انتظار اى سؤال يخطر على بالك

ميرا مار
09-26-2008, 12:20 AM
نوافل الدعاء

هو فى فرض؟؟؟؟؟
طبعا
فى الصلاه المفروضة بنقرا القران .. وفى ايات كتيرة.. فيها ادعية
وبنسبح ربنا فى الركوع والسجود..

ايه بقى نوافل الدعا؟؟

كل الذكر جمييييييل فى اى وقت .. وفى موضوعات فى القسم الاسلامى فيها ادعية جميلة

احمد حسن
09-26-2008, 12:50 AM
شكرا للرد
شكرا ليكى مهندسة مها عفيفى
judy

ahmedko
09-26-2008, 12:00 PM
يا جماعة بجد اعزرونى انا مسافر بقالى اسبوع و هانت هقعد بعد العيد باسبوع
و بعون الله هتابع معاكوا اخبار المنتدى و الرابطة

احمد حسن
09-26-2008, 02:14 PM
مهندسة مها
انا سمعت ان صلاة العصر يكره صلاتها قرب صلاة المغرب
مثلا انا بيبقى عندى شغل لغاية قبل المغرب والمكان اللى بكون فيه مبيكنش فيه مجال للصلاة فيها ( لوجود معدات والات حفر ) ولما ينرجع من الشغل يبقى فاضل على المغرب حوالى ربع ساعة
ارجو التوضيح
شكرا

ميرا مار
09-27-2008, 04:29 PM
احمد انا باشكرك جدا على التفاعل مع الموضوع دة

اكيد انا قبل غيرى باستفاد من اسئلتك
بالنسبة لصلاه العصر
انا عتدى راى بس هاجلة لغاية ماتاكد النهاردة من احد الشيوخ
عشان نبقوا فى التمام
وبردو لو احد الاعضاء عنده راى اكيد وموثق بحديث .. ياريت يتفضل يفيدنا

المناقشة هتفيدنا كلنا

Hassan Mohamed
09-27-2008, 08:36 PM
مشاء الله انا مبسوط جدا من التفاعل اللي هنا ربنا يباركلكم جميعا اكيد كل ده ليه ثواب عن ربنا

ربنا يكرمكم جميعا

احمد حسن
09-27-2008, 09:16 PM
شكرا the surveyor
أثابنا الله واياكم

Wild_Angel
09-29-2008, 03:20 AM
بارك الله فيكم
وجزاكم خيرا

سعيده ان هناك موضوع بهذا الرقى فى القسم

واجمل ما يعجبنى ان العمل بجملة---> من قال لا>> فقد افتى

جزاكم الله خيرااااا

Hassan Mohamed
09-29-2008, 03:29 AM
فين بقية الاسئلة انا بجد بستمتع بهذا الحوار الجميل

tiger
09-29-2008, 10:10 AM
أن بكشر باش مهندسه مها بجد أنا باستفاد من الأسئله دى وجزاكى الله خيرا

tiger
09-29-2008, 10:11 AM
[Iأنا بأشكر باش مهندسه مها بجد أنا باستفاد من الأسئله دى وجزاكى الله خيرا

ميرا مار
10-04-2008, 11:12 PM
السلام عليكم
اولا اسفة جدا يا احمد اتاخرت عليك فى الاجابة..
طبعا انا سالت ناس موثوق فيها .. وتاكدت من الراى دة..
بالنسبة لصلاه العصر وانت بتتاخر وشغلك صعب جدا تصلى فيه..

بسم الله الرحمن الرحيم
"ان الصلاه كانت على المؤمنين كتابا موقوتا"
صدق الله العظيم
يعنى الاصل فى الصلاه انها لوقتا .. وبالتالى فالاولى انك تصلى مادمت سمعت النداء..
طب الوضوء صعب.. هنا التيمم مباح (ان الله يحب ان تؤتى رخصة)

ثانيا لو انت حابب تقابل ربنا وانت مرتاح البال مش وراك شغل ولا حد هينادى عليك ومضبط بقى نفسك..
فا مفيش مشكلة .. اول ماترجع البيت صلى .. اما الوقت قرب المغرب دا مكروة بس مش مرفوض..
دا حتى الجمع فى الصلوات .. ربنا اباحة .. الدين يسر لا عسر
وربنا يكرمك يارب ..

ميرا مار
10-04-2008, 11:21 PM
طب يا جماعة انا عندى سؤال


قال رسول الله صلى الله عليه وسلم
( أما بلغكم أني لعنت من وسم البهيمة في وجهها أو حز بها في وجهها)
أخرجه مسلم وأبو داود عن ابن عباس

ايه معنى الحديث دة؟

ريما
10-07-2008, 05:31 PM
بجد انا نفسى اعرف اعامل الناس ازاى يا ريت تردو عليا هل اكون زيهم ولا اكون ى مانا طيبه انامن طبعى مبحبش ازعل اى حد حتى ولو على حساب نفسى بجد حد يدلنى اعمل ايه

ميرا مار
10-07-2008, 07:33 PM
يا جماعة فين التفاعل ؟؟؟؟؟؟

ميرا مار
10-08-2008, 11:53 PM
بجد انا نفسى اعرف اعامل الناس ازاى يا ريت تردو عليا هل اكون زيهم ولا اكون ى مانا طيبه انامن طبعى مبحبش ازعل اى حد حتى ولو على حساب نفسى بجد حد يدلنى اعمل ايه


ريما
عاملى الناس كما تحبى ان يعاملوك
عامليهم باخلاقك انت
عشان تحطى راسك ع المخدة بالليل وتنامى بضمير مرتاح
وسيبى الباقى على ربنا

ميرا مار
10-09-2008, 12:01 AM
طب
انا عندى سؤال
بالنسبة ليا كبنت
ينفع اقرا القران وانا مش مغطية شعرى او مستلقية على السرير او مش متوضيةة؟

ميرا مار
10-09-2008, 07:51 PM
طب
يا جماعة
انا هاجاوب ..

بالنسبة لقراءة القران لو للتحصيل يجوز انى اقراه فى اى من الحالات اللتى ذكرتها

اما اذا كان للتعبد فينبغى ان اكون فى هيئة التعبد .. كما اكون فى الصلاه بين يدى الله ..

اما بالنسبة للوضوء فهذا جائز ولكن يفضل انك تقرا القران وانت متوضئ ..

onon
10-10-2008, 02:50 AM
اولا احب بجد اقول ان الموضوع ده فكرته حلوه اوي وحيستفاد منه ناس كتير وانا من الضمن فعلا استفد شكرا ليكم واحب انا كمان اشارك

طب يا جماعة انا عندى سؤال


قال رسول الله صلى الله عليه وسلم
( أما بلغكم أني لعنت من وسم البهيمة في وجهها أو حز بها في وجهها)
أخرجه مسلم وأبو داود عن ابن عباس

ايه معنى الحديث دة؟

بصي يا مها انا اولا احب اقولك ان انا كمان مكنتش اعرف معني الحديث بس سوئالك خلاني اعمل بحث عن المقصود منه
وحقولك الي وصلتله وياريت الي عنده زياده يضيف

اولا وسم البهيمه يعني وضع علامات عليها في مواضع مختلفه منها بتختلف من قبيله لقبيله لان العمليه دي منتشره عند البدو
وهي بتعتبر عندهم من العادات الي ورثوها من اهاليهم الاولين والكتير من القبائل بتضع الوسم ده علي خد الناقه وخاصه الايسر وبيعتبروها من احد المظاهر الجميله بالنسبالهم
وتغير الوضع ده يشكل مخالفه لعادتهم لانه بيعتبر من طقوس القبيله والكتير اوي منهم بيفتخر بيه زي علم الدوله بالظبط

والصوره الي جايه توضح نموزج من الوسوم دي
وهو نموزج من وسوم قبيله ( بني هاجر )



http://www7.0zz0.com/2008/10/10/00/948367352.jpg


يارب اكون افد وياريت لو حد عندوا اضافه يتفضل
وشكرا بجد لكل الي بيشاركوا في الموضوع ده وشكرا يا مها لانك خالتيني ابحث في الحديث ده انا اول مره كنت اسمعه

Hassan Mohamed
10-10-2008, 03:19 AM
ردود ممتازة

ميرا مار
10-11-2008, 05:38 PM
يا اواون
جزاك الله خيرا .. انا طبعا استفدت
بس يعنى مش فاهمة ليه دة حرام؟؟
هل مثلا من باب الرفق بالحيوان على اساس ان الرسم دة بيتعمل بطريقة تجرح الحيوان؟
عموما انا اللى باشكرك وخلينا كدة دايما نتفاعل

onon
10-13-2008, 12:20 AM
بصي يا مها العلامات الي بيحطوها دي بيعملوها عن طريق ( الكي )
والرسول عليه الصلات والسلام نهي عن الضرب او الوسم علي الوجه سواء حيوان او انسان لان الوجه اكرمه الله والرسول عليه الصلات والسلام جاز انهم ممكن يعملوا الوسم ده في الحيوان في اي منطقه تانيه غير الوجه وده كان بسبب التميز بين الحيوانات

وده النص نفسه الي جبت منه الكلام ده يوضح اكتر

( )الوسم : الكي . ( 2 ) رواه أبو داود . ( . ) / صفحة 510 / " نهى رسول الله صلى الله عليه وسلم عن الضرب في الوجه وعن الوسم فيه " ( 1 ) . وقد استنبط العلماء من هذا النهي حرمة ضرب الوجه ووسمه من غير تفرقة بين إنسان وحيوان . لان الوجه أكرمه الله . وهو مجمع المحاسن . وأما وسم غير الوجه من الحيوان فهو جائز بل يستحب لانه قد يحتاج إليه في التمييز بين الحيوانات . وقد كان النبي صلى الله عليه وسلم يسم بالميسم ( 2 ) إبل الصدقة . كما رواه مسلم . وقال أبو حنيفة بكراهته لانه تعذيب ومثلة ، وقد نهى الرسول صلى الله عليه وسلم عنهما ، ويرد على كلام أبي حنيفة : أن هذا عام مخصوص . وأن التخصيص ثابت بفعل الرسول صلى الله عليه وسلم . أي أن التعذيب والمثلة حرام في كل حال إلا في حالة وسم الحيوان فإنه يجوز )

tiger
10-13-2008, 12:25 AM
معلومات جامده شكراا أوى على الأفاده0

ميرا مار
10-13-2008, 10:40 PM
جزاك الله خيرا يا اون اون
كدة الصورة وضحت

sarah
10-16-2008, 10:12 AM
بعد اذنك يا بشمهندسة



طب
يا جماعة
انا هاجاوب ..

بالنسبة لقراءة القران لو للتحصيل يجوز انى اقراه فى اى من الحالات اللتى ذكرتها

اما اذا كان للتعبد فينبغى ان اكون فى هيئة التعبد .. كما اكون فى الصلاه بين يدى الله ..

اما بالنسبة للوضوء فهذا جائز ولكن يفضل انك تقرا القران وانت متوضئ ..

بالنسبة للوضوء:
هناك ما هو واجب وهناك ما هو مستحب. (وذلك بعد الرجوع لكتاب فقه السنة.)

اولا الواجب: لثلاث امور,
1-الصلاة .
2- الطواف بالبيت .
3- مس المصحف. ( عن عبد الله بن عمر رضى الله عنهما عن الرسول صلى الله علية وسلم :لا يمس القران إلا طاهر.)رواه النسائي وغيره .

ثانيا المستحب:
1- عند ذكر لله عز وجل
2- عند النوم .
3-تجديد الوضوء لكل صلاه
4- يندب من اكل ما مسته نار.

ميرا مار
10-21-2008, 04:40 PM
انا باشكرك جدا جدا يا سارة

مشاركة ممتازة ..
ولكن انا متاكدة جدا من الفتوى اللى انا كاتباها
لان الموضوع دا كان محيرنى ..
لكن بعد ما سالت كذا شيخ وسمعت وشفت بنفسى شيخ مشهور سامحينى لا اتذكر اسمه
ولكنه كان فى برنامج المسلمون يتساءلون ..
يعنى استحالة اجرؤ اقول كدة اللا اذا كنت متاكدة
متشكرة يا سارة منتظرة مشاركاتك

wakoo
10-24-2008, 05:24 PM
any way i don't get it we are not qualified to answer some of those questions .................dont put ur self in loop just dont talk in AL-den dudes and leave to the ppl really can answe.....................r

ميرا مار
10-24-2008, 09:09 PM
any way i don't get it we are not qualified to answer some of those questions .................dont put ur self in loop just dont talk in AL-den dudes and leave to the ppl really can answe.....................r


يعنى حضرتك فاكر ان احنا بنجاوب كدة من نفسنا؟؟؟؟؟؟؟؟

طبعا لا انا مش باجاوب اللا بعد بحث طوييييييييييييييل
او انى اكون سمعت فتوى معينى باذنى وتاكدت منها لانها فى الاول والاخر مسئولية جااااااااامدة

عموما مشكور ع المشاركة

sarah
10-30-2008, 05:54 PM
انا اللى بشكر حضرتك يا بشمهندسة ,
وبطرح سؤال يارب حد يدينى اجابة ,
انا لما بصلى سنن الظهر اربع قبل الظهر والاربعه بعده , طيب لو مصلتش لاربعه بعد الظهر ينفع اصليها قبل العصر .
ومشكورة ليكوا

ميرا مار
10-31-2008, 02:44 PM
سارة باشكرك
كانى كنت عطشانة وانت جيبتيلى ميه
انا باقى سعيدة لما بابحث فى موضوع
انا هابحث فى الموضوع واسال احد المختصين من شيوخنا الاجلاء
وهارجع لك بالرد
شكرررررررررررررررررررررررررا سارة

Wild_Angel
10-31-2008, 03:21 PM
جزاك الله خيرا يا باشمهندسه مها
ربنا يكرمك ويوفقك كلما دخلت الى الموضوع هنا اشعر بتعاون ومجهود فوق الرائع اتمنى من الله ان يوفقنا جميعا فى ذلك
وحفظك الله واكرمك فخير الناس انفعهم للناس

Wild_Angel
10-31-2008, 03:27 PM
وبالمناسبه اعلم جيدا انك فى محل ثقة
لان موضوع الفتوى ده فى يد علماءنا الافاضل وهو شئ من الصعب ان يتحمل الانسان وزره
بارك الله فيكى وفى كل من يتعاون فى هذا الموضوع ويشارك فكلنا هنا اخوه نساعد ونتعاون وجعله الله فى ميزان حسناتنا

محمد حمدى
11-01-2008, 01:38 AM
انا عندى سؤال دينى
:ما هو رأى ديننا الحنيف فى الحب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وياريت الاجابه تكون سريعة

Wild_Angel
11-01-2008, 01:40 AM
مممم طيب يا محمد انت محددتش نوع الحب واكيد لما تحدد انت لوحدك حتعرف الاجابه

ميرا مار
11-01-2008, 01:45 AM
ربنا يكرمك يا وايلد
والله انا بابقى سعيدة بمشاركاتى هنا
وبابقى شايلة هم السؤال كانه طفل جعان وبادور له على اكل هههههههه

ميرا مار
11-01-2008, 01:46 AM
محمد انا فاهمة سؤالك وان شاء الله الرد هيكون فى اسرع وقت

ميرا مار
11-02-2008, 09:29 PM
جارى البحث ماتقلقوش

onon
11-02-2008, 09:48 PM
الله ينور عليكي يا موها بس ممكن وانت بتسئلي بالمره تسئليلي في حاجه كدا
سوئالي في التشهد ( عباره انك حميد مجيد ) الي في الاخر جزء بيقولها وجزء لا في الشيخ الشعراوي مابيقولهاش انا عايزا اعرف هي ايه تتقال ولا متتقالش
شكرا يا مها حتعبك معلش في ميزان حسناتك ان شاء الله

Mimi
11-02-2008, 10:20 PM
الحديث في صحيح مسلم والبخاري متكرر كلمة انك حميد مجيد مرتين

وفي سنن أبو داوود مرة واحدة بس

وفي الترمذي مرتين

وفي النسائي مرة واحدة

وابم ماجة مرتين

وفي مسند احمد مرتين بردو

onon
11-02-2008, 10:36 PM
شكرا يا جودي ربنا يكرنك يارب يا جميل انا سمعت عنها كلام كتير قوي فقلقت بس شكر لتوضيحك

Mimi
11-02-2008, 10:57 PM
العفو ياروح قلبي

وفي انتظار بردو ردود باقي الاعضاء وموها اكيد

ميرا مار
11-03-2008, 01:59 PM
جزاك الله خيرا يا جودى ع الاجابة الكافية دى وجزاك الله خيرا يا يمنى ع السؤال..

مى الشورى
11-03-2008, 07:53 PM
يا جماعة انا عندى سؤال ارجو الاقى له اجابة

هل تجوز الرحمة على غير المسلم؟

Mimi
11-03-2008, 08:34 PM
هل يجوز الترحم على غير المسلمين؟

مثلاً، عند الدعاء نقول: اللهم ارحمنا وارحم والدينا وارحم موتانا المسلمين المؤمنين، وارحم من علمنا.
هل هذه الرحمة تلزم من علمنا، ولو كان من غير المسلمين؟
مثلاً، تعلمنا الفصالة والخياطة من مجلة ألمانية تدعى (burda)، وكذالك مجلات فرنسية وإنجليزية وإيطالية.
فهل الرحمة تشمل هؤلاء الناس صانعي هذا العلم؟
وجزاكم الله خير الجزاء.

الفتوى

بسم الله الرحمن الرحيم

الحمد لله رب العالمين، والصلاة والسلام على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:

فالدعاء بشكل عام مطلوب، وجائز لكل من علمك في هذه الحياة من المسلمين، ولا يجوز أن يدعى بعد الموت لغير المسلمسين بالرحمة، لأن الله تعالى جزم بعذابهم.

والله تعالى أعلم.

Mimi
11-03-2008, 08:43 PM
دا بردو جزء من مجموعة فتاوي قريتها يامي ياريت تلاقي اللي بتدوري عليه فيها

ثانيا: الترحم عليهم

1- فتوى الشيخ ناصر العمر حفظه الله تعالى وغفر له حين سُئِل عن حكم الترحم على بابا الفاتيكان قال:
لا يجوز الترحم عليه، وهذا من الدعاء المنهي عنه، قال سبحانه: (مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ وَلَوْ كَانُوا أُولِي قُرْبَى مِنْ بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ) (التوبة:113)، وقال سبحانه: (ولا تصل على أحد منهم مات أبدا ولا تقم على قبره إنهم كفروا بالله ورسوله وماتوا وهم فاسقون) (التوبة:84 )

<><><><>

2- فتوى الشيخ السحيم حفظه الله

السؤال:

شيخنا الفاضل.. لي سؤال مُتعلق بأهل الكتاب..وبالتحديد النصارى.. هل يجوز الدعاء لهم بأي حالٍ من الأحوال ؟

الجواب:

يجوز الدعاء لليهود والنصارى بالهداية ، كما يجوز الدعاء للكفار عموماً بالهداية . وقد كان النبي صلى الله عليه وسلم يدعو للكفار بالهداية سواء الدعوة لأشخاص بأعينهم ، كدعاء النبي صلى الله عليه وسلم لأم أبي هريرة رضي الله عنه وعنها ، فقال : اللهم اهدِ أم أبي هريرة . رواه مسلم . وكدعوته لقوم أبي هريرة ، وهم قبيلة دوس . قال أبو هريرة رضي الله عنه : قدم طفيل بن عمرو الدوسي وأصحابه على النبي صلى الله عليه وسلم فقالوا : يا رسول الله إن دوسا عَصَتْ وأبَتْ ، فادع الله عليها . فقيل : هلكت دوس . قال : اللهم اهد دوسا ، وأتِ بهم . رواه البخاري ومسلم . وقد بوّب الإمام البخاري على هذا الحديث : باب الدعاء للمشركين بالهدى ليتألفهم . وقد كانت اليهود تعلم بصدق نبوّة النبي صلى الله عليه وسلم ، ولذلك فإن اليهود كانوا يتعاطسون عند النبي صلى الله عليه وسلم يرجون أن يقول لهم : يرحمكم الله ، فيقول : يهديكم الله ، ويصلح بالكم . رواه الإمام أحمد والترمذي . وعليه فلا يجوز الدعاء لهم بالرحمة ، إلا بعد أن يهتدوا .

إلا أنه لا يجوز الدعاء لهم بالرحمة خاصة بعد الموت على الكفر ، لقوله تعالى : ( مَا كَانَ لِلنَّبِيِّ وَالَّذِينَ آمَنُواْ أَن يَسْتَغْفِرُواْ لِلْمُشْرِكِينَ وَلَوْ كَانُواْ أُوْلِي قُرْبَى مِن بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ * وَمَا كَانَ اسْتِغْفَارُ إِبْرَاهِيمَ لأَبِيهِ إِلاَّ عَن مَّوْعِدَةٍ وَعَدَهَا إِيَّاهُ فَلَمَّا تَبَيَّنَ لَهُ أَنَّهُ عَدُوٌّ لِلّهِ تَبَرَّأَ مِنْهُ إِنَّ إِبْرَاهِيمَ لأوَّاهٌ حَلِيمٌ )

والنبي صلى الله عليه وسلم قال : استأذنت ربي أن أستغفر لأمي فلم يأذن لي ، واستأذنته أن أزور قبرها فأذن لي . رواه مسلم .

والله أعلم .

المصدر

من هنا (http://saaid.net/Doat/assuhaim/fatwa/148.htm)

spring sun
11-04-2008, 08:45 PM
انا عاوزه اعرف حاجه

انا سمعت ان لازم المرأه تستني الاقامه بتاعت المساجد في صلاه الفجر بالذات

يعني انا اسمع الذان اتوضأ واصلي السنه وبعد كده اقعد استني المساجد تقيم الصلاه واصلي الفجر حتي ولو انا بصلي في البيتفما صحت هذه الفتوي

طيب وباقي الصلاوات ممكن اصلي عادي السنه والفرض حتي ولو الامام مأقمش الصلاه وانا في البيت طبعا


طيب لو ممكن مش الدعاء لا يرد بين الاذان والاقامه فين الاقامه ليا في البيت

Mimi
11-04-2008, 10:46 PM
أخت اسامه البنا ممكن حبيبتي توضحي سؤالك اكتر ؟

يعني تقصدي انك قريتي فتوى بتقول ان مينفعش المرأة تصلي الا بعد اقامة صلاة الفجر حتى لو كانت في بيتها ؟؟؟

وبالنسبة للسؤال التاني تقصدي ايه بزبط ؟ يعني كلنا عارفين ان الدعاء لا يرد بين الآذان والاقامة .. يعني ايه فين الاقامة ليا في البيت ؟

مى الشورى
11-04-2008, 11:19 PM
شكرا لك جودى على هذا الرد الوافر
وجعله الله فى ميزان حسناتك

Mimi
11-04-2008, 11:31 PM
العفو على ايه ياحبيبتي

كنت عايزه بس اطلب من أخت اسامه البنا طلب

ياريت ياقمري تجيبيلي نص بالفتوى دي ومصدرها واسم المفتي

لان انتي عارفه في فتاوي كتير غير صحيحة وخصوصآ المنتشرة على الشبكة العنكبوتية

ميرا مار
11-04-2008, 11:34 PM
شكرا يا جودى بجد على اجاباتك الوافية الجميلة اللى بجد بتساعدنا كتير .. جزاك الله خيرا

Mimi
11-04-2008, 11:35 PM
وجزاكي كل خير ياحبيبة قلبي موااااااااه

ميرا مار
11-04-2008, 11:41 PM
انا عندى سؤال دينى
:ما هو رأى ديننا الحنيف فى الحب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وياريت الاجابه تكون سريعة

السلام عليكم ..اسفة انى اتاخرت عليك فى الاجابة
والاجابة دى.. من مركز الاشعاع الاسلامى للدراسات والبحوث السلامية
بسم الله الرحمن الرحيم

بالنسبة الى الحكم الشرعي للحُب و الذي هو إنجذاب القلب بصورة غير إرادية نحو المحبوب من الجنس الآخر ، و ما قد يرافقه من أنواع التمنيات و الآمال المُحللة شرعاً ، كأن يتمنى الحبيب أن تصبح محبوبته شريكة حياته من خلال زواج شرعي ، فهذا النوع من الحب جائز لا إشكال فيه إن توقف عند هذا الحد ، و ما لم يتعدى الى النظر أو اللمس المُحرَّم ، أو المحادثات المحرَّمة .
و لعل الصحيح أن هذا النوع من الحُب ـ البريء من الحرام ـ ليس له مصداق في الواقع الخارجي إلا نادراً ، ذلك لأن أغلب ما يجري بين الجنسين في العصر الحاضر ليس من هذا القبيل ، بل هو علاقة شبه متكاملة ملؤها الإفتتان و الإثارة و الشهوة المحرمة ، و نتيجته الإنزلاق الى مهاوي الرذيلة و الفساد ، و هذا النوع من الحب حرام يجب الإبتعاد عنه .
لكن ليس المقصود من قولنا هذا أن الإسلام يخالف الحُب و يُحرِّمَه بصورة مطلقة ، و ذلك لأن الحُب في واقعه أمر غريزي و فطري و آية من آيات الله المهمة ، جعله الله عزَّ و جلَّ بين الجنسين سبباً لإستمرار النسل البشري و استقراره و راحته و سدِّ حاجته ، و رفع النقص و الحرمان عن الجنسين بواسطة إنشداد كل منهما الى الآخر لكن بالطرق المشروعة ، قال الله عزَّ و جلَّ : { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ } ، ( سورة الروم : الآية : 21 ) .

والله اعلم..

spring sun
11-05-2008, 12:04 PM
يعني لما الصلاه تقيم في الساجد النساء تصلي ومينغش نصلي الفجر الا بعد الاقامه (وانا بصليها في البيت)

يعني طول لما الساجد مأقمتش الصلاه انا في البيت كمان استني زيهم ولما تقيم اصلي

Mimi
11-05-2008, 11:31 PM
ياحبيبتي الآذان بمجرد ما يترفع معناه اننا دخلنا في وقت الصلاة

يعني صلاتك سواء قبل الاقامة او مع الاقامة او بعد الاقامة مقبولة باذن الله

هيا الاقامة بتتعمل ليه ؟ مش عشان الصلاة تبقى في جماعة ؟؟

بس لما تكون امرأة وتصلي في بيتها ليه متصليش قبل الاقامة هل ربنا مش هيقبل صلاتها كدا؟

متهيألي الفتوى دي مش صحيحة يااخت اسامه عارفه ان لو فعلا فتوى مشكوك فيها الواحد هيشك

بس دا كلام غير مقبول لاول وهلة وربنا بيتقبل صلاتنا بمجرد من الآذان يترفع وندخل في معاد الصلاة

بعدين اقولك على حاجة

كنت مرة شفت واحد بيسأل ان لو المؤذن اتأخر في القاء الآذان وكنا دخلنا في وقت الصلاة فما الحكم الشرعي في هذه الحالة ؟

رد عليه الشيخ وقاله ان ربنا سبحانه وتعالى قال في كتابه العزيز ( فيما معناه ) ان الصلاة علينا كتابآ موقوتآ يعني لو كنت مـتأكد ان جيه وقت الصلاة فصلي علطول حتى لو مترفعش الآذان

فهمتيني يااخت اسامه ..بمجرد دخول وقت الصلاة فصلاتك مقبولة ان شاء الله وباذن الله مينفعش حد ييجي يقولك صلاتك مش مقبولة عشان مش بتقيميها مع الآذان وافرضي انك ساكنه مش جنب جامع ولا في مدينتك اصلا جامع هتعملي ايه مش هتصلي الفجر ؟؟

انا جاوبتك بالمنطق ياحبيبتي وبردو هبحثلك عن اجابة بس انتي على فكرة مقولتليش مصدر هذه الفتوى وقائلها

عصام
11-06-2008, 06:24 PM
هل سماع الاغانى حرام شرعا

spring sun
11-06-2008, 08:04 PM
علي فكره انا اسمي اميره وبشكرك علي الرد ومصدر الفتوي هو الشيخ خالد الجندي في برنامج القاهره اليوم مع عمرو اديب

قال كل الصلاوات تصليها بمجرد سماع الاذان ماعدا صلاه الفجر نصبر لحد الاقامه

Wild_Angel
11-07-2008, 12:37 AM
ربنا يبارك فيكم جميعا ويكون فى عون جودى ومها لانهم بالفعل اثبتوا جداره هائله فى البحث عن الفتاوى واجابات للاسئله
جزاكم الله خير واعز بكم الاسلام ان شاء الله وجعل الايمان نور قلوبكم

محبة الرحمن
11-08-2008, 12:15 AM
الموضوع رائع وان شاء الله تكون ليه مشاركة جزاكم لله خير وبارك الله لكم

Mimi
11-08-2008, 09:08 PM
منورة الموضوع يامحبة الرحمن وأكيد اي بصمة ليكي فيه هتبقى قيمة جدآ ومشرفة لينا ياحبيبتي

بصي ياأميرة ياحبيبتي سألت كتير في سؤالك بس مفيش اي سند بيثبت صحة الفتوى اللي انتي سمعتيها

مع اني أشك انها تندرج تحت كلمة مفتي لأنك بتقولي انك سمعتيها على لسان الداعية خالد الجندي ودا داعية مش ممكن يبقى مفتي!!

بعدين عشان نسهل الموضوع ياقمري أي حاجة حرام كان أكيد الشيوخ وضحهولنا او نبهونا

لأن الشيوخ عارفين ان في ناس كتير اوي بتصلي الفجر بعد الآذان الأول علطول بدون ما يستنو الاقامة

لذلك انا متأكدة ان الموضوع دا مفيهوش اي حرمانيه ..أصل كل حاجة ربنا بيحرمها بتكون ليها ضرر كبير على الانسان واحنا قاعدين بنتكلم على صلاة !!

عشان كدا صعب اوي نحط جنبها كلمة حرام !! فلو في أي كلام او حرمانية زي ما بقولك كان الشيوخ نبهونا عليها ويارب تكوني فهمتيني ياقمري

spring sun
11-08-2008, 09:55 PM
جزكي الله خيرا تعبتك معايا

ميرا مار
11-09-2008, 02:02 PM
""اللهم اجعل لنا من مجلسنا هذا خيرا""
ربنا يجازينا جميعا خير ويصلح لنا جميع شؤننا وشؤن المسلمين اللهم امين

ميرا مار
11-09-2008, 02:28 PM
هل سماع الاغانى حرام شرعا



اهلا بيك يا عصام .. وسؤالك صعب قووووووى عليا لان انا هاجاوب بالضبط كما يقول الشرع ..
فتقبل الاجابة حتى ولو كانت صعبة .. وحاول مع نفسك جاهدا تطبقها

بسم الله الرحمن الرحيم
سؤال حكم سماع الاغاني ؟؟؟؟؟؟ هااااااااااااااااااااااااااااااام
ان شاء الله سارد بمقال منقول ووصلة سماعية للشيخ محمد حسين يعقوب

قال تعالى :

( ومن الناس من يشتري لهو الحديث ليضل عن سبيل الله )

كان ابن مسعود يقسم بالله أن المراد به الغناء ..

وفي الصحيح قال صلى الله عليه وسلم :

" ليكونن من أمتي أقوام يستحلون الحر والحرير والخمر والمعازف " ..

ونص العلماء على تحريم آلات اللهو والعزف .. والتحريم يشتد والذنب يعظم
إذا رافق الموسيقى غناء ..

وتتفاقم المصيبة عندما تكون كلمات الأغاني عشقاً وحباً وغراماً ووصفاً
للمحاسن ..

بل هي مزمار الشيطان.. الذي يزمر به فيتبعه أولياؤه..

قال تعالى :

{ واستفزز من استطعت منهم بصوتك وأجلب عليهم بخيلك ورجلك }..

وقال ابن مسعود : الغناء رقية الزنا.. أي أنه طريقُه ووسيلتُه..

عجباً..

هذا كان يقوله ابن مسعود لما كان الغناء يقع من الجواري والإماء
المملوكات.. يوم كان الغناء بالدفّ والشعر الفصيح..

يقول هو رقية الزنا..

فماذا يقول ابن مسعود لو رأى زماننا هذا..

هل سمعت مغنياً غنى في التحذير من الزنا ؟ أو غض البصر ؟

أو حفظ أعراض المسلمين ؟!! أو في الحث على صوم النهار .. وبكاء الأسحار
..

كلا.. ما سمعنا عن شيء من ذلك..
بل أكثرهم يدعو إلى العشق المحرم .. وتعلق القلب بغير الله ..


والغناء اليوم أعظم وأطم .. فهو يقترن بالتصوير الفاضح ..
.. فما من مطرب إلا ويترنح حوله نفر من الراقصات ..

وما من مطربة إلا وحولها نفر من الرجال يتراقصون ويتمايلون فمن يجيز يا
أمة الإسلام مثل هذا الاختلاط والسفور والرقص وتعرية النحور؟!

فهذه حرمات الله عز وجل .. فلا تعتدوها .. وهذه حدوده فلا تتجاوزوها.

وما كان الله ليضل قوماً بعد إذ هداهم حتى يبين لهم ما يتقون!!.

فهل غناء السابقين أولى بالتحريم أم هذا ؟!

ابن عباس يحرم الغناء .. ابن مسعود يحذر منه .. جابر بن عبد الله يصفه
باللهو … مكحول .. مجاهد.. ابن تيمية .. ابن القيم ..

والعلماء المعاصرون .. كلهم يحذرون منه ..كلهم يحرمونه .. فبقول من تقتنع
؟ إن لم يقنعك قول هؤلاء؟!


الموضوع منقول

عصام .. اسمع راييى الشخصى وربنا يعفو عنى اذا كنت اخطات فيه ..
طبعا الكلام اللى فى الفتوى دة صحيح ..
لكن الحلال بين والحرام بين ... ولو قلنا ودى مافيهاش فصال ان الاغانى بتاثر فينا جدا..
طب الاغانى الوطنية اللى بتنمى الحس الوطنى
والدينية اللى بتعلق قلوبنا برسول الله وحب الدين.. اكيد مش حرام ..
لو قدرت على نفسك انك تبتعد عن اى كلام ياثر فيك يخليك ترتكب ذنب او تفكر بطريقة لا ترضى الله .
كمان .. فى حديث صحيح عن رسولنا الكريم ..بيقول معناه"" كل ما فى هذة الدنيا ملعون .. اللا ذكر الله"
وعشان مانروحش بعيد .. العلم يندرج تحت ذكر الله لانه سبحانه هو من حث الانسان على العلم ..
فحاول تشغل وقتك بالتعلم والدراسة..
وشوف لو قدرت ماتسمعش اغانى اوك .. ماقدرتش لو لقيت انك سمعت اغنية مرة وكلامها ينافى الفتوى اعلاه .. ماتسمعهاش تانى..
ويا عصام باشكرك جدا على سؤالك وفى النهاية كلنا بنجاهد نفوسنا .. وربنا يقدرنا

Mimi
11-09-2008, 02:45 PM
جزاكي الله كل خير ميرا على هذه الاجابة الوافية

ميرا مار
11-09-2008, 11:32 PM
جزانا واياكم يا جودى انت كمان مجهودك الحقيقة بيساعدنى كتير وبيشجعنى على المواصلة ربنا يكرمك وكل اعضاء المنتدى امين

Wild_Angel
11-12-2008, 04:34 PM
كلما دخلت هنا شعرت برغبه شديده بأن يبارك الله فيكم سواء السائل او جالب الاجابه

ميرامار وجودى....ذراعى هذا الموضوع
اكرمكم الله فى دينكم ودنياكم وادخلكم الجنه فى اخراكم

ميرا مار
11-15-2008, 12:34 PM
جزانا واياكم يا وااااااايلد

فين يا جماعة الاسئلة .. احنا منتظرينكم فى اى وقت

ogy
11-22-2008, 11:33 AM
انا عندى سؤال
ياريت تجاوبو عليه

هى كتابه الشعر الغنائى حرام

وان اعرضه على المنتدى دا بردو حرام

Mimi
11-22-2008, 11:47 AM
والله ياوايلد مش عارفه اقولك ايه على كلامك الجميل ميرسي ياحبيبة قلبي على كلامك الحلو دا وربنا يبارك فيكي ويكرمك بالفردوس الاعلى انتي وكل من شارك في الموضوع دا ولو مجرد المشاهدة

تعالي باه يااوجي ياروحي واحشاااني جدآ والله بصي كان في موضوع في المنتدى هنا في قسم المواهب والفنون فيه اجابتك

اسمه (( ما هو حكم شعر الغزل )) ... لو عايزه تشوفيه دوسي هنا (http://mesa7a.com/forum/showthread.php?t=1192)

ولو موصلتيش منه لحاجة قوليلي ياحبيبتي وانا هجيبلك اجابة على سؤالك بشكل تاني أسهل ان شاء الله

mido777
11-22-2008, 08:55 PM
والله ياحودى بد جزاك الله كل خير ويجعل مثواكى الجنة ويحسن ختامك ان شاء الله وكنت عايز اعرف يعنى ايه الله الصمد

Mimi
11-25-2008, 09:37 AM
والله انا مش عارفه اقولك ايه ياميدو على الدعوة الجميلة دي بجد ربنا يكرمك ويباركلك ويجازيك كل خير

نيجي بأه لسؤالك : " يعني ايه الله الصمد "

بص ياميدو كلمة الصمد اسم من أسماء الله الحسنى

معناها في اللغة : الصمد معناها القصد وفي حديث معاذ بن عمرو بن الجموح في قتل أبي جهل بيقول : " فصمدت له " يعني قصدته لحد ما جبته

والصمدُ : السيِّدُ المطاع الذي لا يقضى من دونه أمر ، سيِّد متمكِّن ، مطاع ، أمره نافذ

وأصمد إليه الأمر : أسنده إليه

المصمود في الحوائج : أي المقصود في الحوائج

وبردو الصمد ؛ هو الذي لا جوف له ، أي الشيء الأصم . حجر لو نقرته لا يعطيك صوتاً ، فهو صَمَدٌ أي أصمّ . أما العلبة الفارغة لو ضربتها تحدث صوتاً ، فالصمد هو الذي لا جوف له

-------------------------------------------

دا كان معنى الصمد في اللغة ياميدو

أما الصمد اذا كان وصف لله عز وجل واذا كان اسم من أسماء الله الحسنى فهي معناها : المقصود

(الصمد) الذي يصمد إليه الخلق لقضاء -أي: يتجه إليه الخلق- ولدفع الضر عنهم، ولجلب الخير لهم.

في قول تاني بيقول : أن المراد بـ(بالصمد): المُصْمَد الذي لا جوف له، وقد ثبت أن الرسول صلى الله عليه وسلم قال: (لما خلق الله آدم جعل إبليس يطيف به..) يعني: يدور حول آدم، ينظر! ما هذا المخلوق الجديد؟! (..فلما رآه أجوف عرف أنه خلق لا يتمالك)، أي: يسقط سريعاً، وأيُّ شيء يسقطه بسرعة. فمن العلماء من قال: إن (الصمد): الذي لا جوف له. ومن العلماء مَن قال: (الصمد) يحمل هذه المعاني كلها: •فهو سبحانه السيد الذي انتهت إليه السيادة في كل شيء. •وهو سبحانه الصمد الذي يصمد إليه الخلق لقضاء حوائجهم. •وهو سبحانه الذي لَمْ يَلِدْ وَلَمْ يُولَدْ * وَلَمْ يَكُنْ لَهُ كُفُواً أَحَدٌ [الإخلاص:3-4].

يارب تكون وصلت للاجابة اللي انت عايزها ياميدو وجزاك الله كل خير

Youssef Mostafa
11-25-2008, 06:12 PM
جزاكى الله كل خير وبجد والله يعنى ربنا يباركلك شكرا ياجودى

Mimi
11-25-2008, 07:28 PM
وجزاك كل خير يايوسف وجعل مثواك ومثوانا الجنة

ربنا يكرمك ويباركلك واتمنى تكون استفدت

ogy
11-27-2008, 09:52 AM
مرسى ليكى ياجودى
وبجد انتى كمان وحشانى

ميرا مار
11-27-2008, 10:46 PM
جزاك الله خيرا يا جودى
والله غبت عن المنتدى غصب عنى بس كنت مطمنة بوجودك
ربنا يكرمك واينا وكل اخوانا واخواتنا فى المنتدى..

Mimi
11-27-2008, 10:48 PM
ربنا يخليكي ياحبيبة قلبي ويجازيكي كل خير

والف حمد لله ع السلامة ان شاء الله ترجعليلنا زي الاول كدا

Wild_Angel
11-27-2008, 11:50 PM
جزاكم الله خيرا وجعلكم عزة ونصر للامه الاسلاميه

ريما
12-01-2008, 06:33 PM
(اللهم انصر المسليمين فى كل مكان )وليا سؤال عندكم وارجو الرد عليه انا انسانه ومتهيقلى ان مفيش حد قطع فى الصلاه بس بيرجع تانى لصوابه انا بحب اوى الصلاه بس سعات يامه بنسه انا بتكلم بصراحه ونفسى انى مقطعش فى الصلاه وحاجه كمان انا لما بصلى واكون فى خشوع بفكر فى اوى حاجه وانشغل بيه اعمل ايه

دكتور / السيد الزغبى
12-04-2008, 04:59 AM
كل عام والجميع بخير مع دعائى ان تعود هذه الايام المباركة على الامة الاسلامية بالخير والبركات

ميرا مار
12-04-2008, 09:39 PM
وحضرتك بكل خير يا دكتور ويارب يتقبل دعائك ويعم الخير علينا وعلى امتنا الاسلامية بكل خير وبركة

ميرا مار
12-04-2008, 09:45 PM
(اللهم انصر المسليمين فى كل مكان )وليا سؤال عندكم وارجو الرد عليه انا انسانه ومتهيقلى ان مفيش حد قطع فى الصلاه بس بيرجع تانى لصوابه انا بحب اوى الصلاه بس سعات يامه بنسه انا بتكلم بصراحه ونفسى انى مقطعش فى الصلاه وحاجه كمان انا لما بصلى واكون فى خشوع بفكر فى اوى حاجه وانشغل بيه اعمل ايه


طبعا يا ريما باشكرك على صراحتك..
وتعرفى ان فى شيطان من الجن بس شغلته الهاء ابن ادم عن الصلاه
وانه بيفكره بمكان حاجات مخصوص وهو بيصلى..
المهم
اولا تقربى من ربنا على قد ماتقدرى..
عودى نفسك على قراءة القران والله ولو سطر واحد يوميا ..
وعودى لسانك على الذكر.. كقول بسم الله عن كل عمل وكقول
ربنا يكرمك وجزاك الله خيرا ..
والصلاه على رسولنا الكريم.. وكل عمل خير يقربك من المولى..
اخر حاجة ساعة الصلاه .. اجعلية ميعاد مقدس .. مش زى ماتربينا مش مهم بعدين
لا جاهدى وحاربى نفسك
ماتصليش وانتى جعانة او عطشانة او وراك اى حاجة تشغل بالك ..
اخر خطوة
اوا ماتبداى الصلاه
استحضرى عظمة الله وتخيلى انك واقفة بين ايديه وخلى الصورة دى قدامك
مااتقدش انك هتسرحى بعدها ..
وربنا يقدرك ويقدرنا
واللهم اعنا على ذكرك وشكرك وحسن عبادتك

Wild_Angel
12-05-2008, 01:51 PM
جزاكم الله خيرا السائل والمسئول

كل عام وانتم بخير وتقبل الله صالح الاعمال

شكر خاص لمرور الدكتور السيد الزغبى

Youssef Mostafa
12-05-2008, 03:46 PM
كل سنة وجميع اعضاء المنتدى وجميع الامةالاسلامية بخير ومتنسوش الدعاء للفلسطينيين فى غزة و العراقيين وجميع المسلمين فى كل بقاع الارض

ميرا مار
12-15-2008, 03:59 PM
اللهم انصرنا على اعدائنا
وارنا فيهم ثارنا
واقر بذلك عيوننا
اللهم امين

spring sun
01-06-2009, 11:53 AM
وانا عندي سؤال



بصوا هو اليوم بيبقي مزحوم طول النهار ومش بعرف اقرا القران علشان كده عاوزه اقراه في التلت الاخير من الليل فده يعتبر تلاوه ولا قيام علشان انا مش عاوزه يضيع عليا اجر القيام فالقراءان باليل يعتبر قيام ولا لازم الصلاه

spring sun
01-06-2009, 11:55 AM
يعني الصلاه لوحدها والقران لوحده علشان مش بقدر اقراه وانا بصلي القيام فبقراه لوحده

ميرا مار
01-06-2009, 01:01 PM
انا هاسال لك يا اميرة
بس تاكدى
انت انتى حتى لو سهرتى تتاملى فى خلق الله
وتقولى سبحان الله
او تذكرى الله فدا يعتبر طبعا قيام الليل لانه عبادة وكل العبادات مطلوبة
...عموما انتظرى اجابة فى اقرب وقت هاسال متخصص
وشكرا لك يا اميرة ع السؤال الجميل

spring sun
01-09-2009, 06:12 PM
انتي نسيتيني ولا ايه يا ميرا

ميرا مار
01-09-2009, 06:24 PM
اه والله يا اميرة
انا اسفة خالص يا حبيبتى.. انتظرينى فى اسرع وقت.. واوعى تزعلى يا قمر

spring sun
01-10-2009, 02:16 AM
انا مش ممكن ازعل منك



ومستنيه الرد

ميرا مار
01-11-2009, 12:29 PM
اخيرا سالت لك يا مرمر..
وطلع انه فعلا
قيام الليل لازم يكون بالصلاه دا اساسى ..عشان يبقى اسمه انك اقمتى الليل..
غير كدا فهو ذكر وعبادة
شكرا يا مرمر

spring sun
01-12-2009, 08:48 PM
مرسي يا ميرا قوي

ربنا يخليكي ليا

ميرا مار
01-12-2009, 08:52 PM
انتى تؤمرى يا مرمر.. يارب يكرمك ويوفقك اللهم امين

إسلام محمد
01-12-2009, 11:53 PM
تاكيدا على الكلام
فلابد فى قيام الليل بالصلاة وليس بقراءة القران فقط

كما قال الرسول صلى الله عليه وسلم "قيام الليل مثني مثني"

ومن اسمها قيام الليل وكلمه قيام هنا تعنى الوقوف وهنا للصلاه

ولكن قراءة القران فى الليل تعتبر تعبدا وليس قياما لليل

وجزاكم الله خير

ميرا مار
01-13-2009, 12:58 AM
جزاك الله خيرا يا اسلام
اضافة مثمرة باذن الله

spring sun
01-13-2009, 02:03 PM
جزاك الله خيرا يا اسلام

اضافه مفيده والله وتاكيد للي مير قالته شكرا

إسلام محمد
01-13-2009, 02:15 PM
وجزاكم الله خير
قال الله تعالى "إن الذين يكتمون ما انزل الله من البينات والهدى من بعد بيناه للناس فى الكتاب اولئك يلعنهم الله ويلعنهم اللاعنون "
فهذا واجبنا نحو ديينا بان لا نكتم اى علم نعلمه

ميرا مار
01-31-2009, 02:51 PM
شكرا اسلام
وجزاك الله خيرا كثيرا

ibrahim_elsonbati
02-12-2009, 11:36 AM
بسم الله الرحمن الرحيم

الموضوع دا بجد كلمة ممتاز قليله عليه ياباش مهندسة موها حقيقي انتي هايلة

انا هحاول اجاوب على بعض الاسئلة المطروحة هنا عشان متزيدش الاسئلة وتبقى من غير اجابات

السؤال الأول

مين هو فرعون موسى؟

عايزه أقولك في الأول ياموها ان في أسامي كتير متذكرتش في القرآن زي مثلآ اسم امرأة عمرآن واسماء أولاد آدم ( قابيل وهابيل ) < -- متذكروش في القرآن وكمان اسم فرعون موسى .. أول حاجة الهدف من عدم ذكر الأسماء ..هي رسالة من عند ربنا سبحانه وتعالى بعدم النظر الى الاسم وصاحبه انما النظر لاعماله ومواقفه ..يعني تقدري تقولي ربنا مش عايز ذهننا يركز مع الشخصية قد ما عايزنا نركز في أعمالهم ..دا مبدئيآ

عشان كدا في آراء كتير قريتيها أو هتقريها ووجهات نظر مختلفة في معرفة اسم فرعون مصر وفي اي حال من الاحوال مش هنقدر تثبت ان هو دا ..منهم اللي قالو ان أحمس الأول هو فرعون موسى ومنهم اللي قال تحتمس واللي قال تحتمس الثاني ..تحتمس الثالث ..أمنتحتب الثاني ..توت عنخ آمون ...وهكذا تختلف وجهات النظر وكل واحد منهم بيقدم أدلة ونظريات بثبت ان كل شخصية من دي هي فرعون موسى

المهم ياموها عشان متتوهيش وسط آراء العلماء والباحثين اتفقو في الآخر ان رمسيس الثاني هو فرعون موسى وهو حاليآ موجود في المتحف المصري ودا شكله

http://www.55a.net/firas/ar_photo/11833250430863fab00.jpg

صورة لرأس لجثة رمسيس الثاني الموجودة في المتحف المصري في القاهرة والذي تؤكد الأدلة أنه هو فرعون موسى

المصدر:كتاب موسى وهارون عليهما السلام من هو فرعون موسى؟ تأليف الدكتور رشدي البدراوي الأستاذ بجامعة القاهرة.

ان شاء الله هدور على اجابات أكيدة لباقي الاسئلة BRB

شكرا للاضافة يا اخت جودي


يا اخت جودي للتوضيح و عدم التطاول علي الله بدون قصد و انا اعلم ذلك بلاش نقول ربنا مش عايز لكن الافضل ان نقول ارادة الله لان عايز من العوز و الحاجة و الله سبحانه و تعالي لا يحتاج لكن يريد انه اذا اراد شيئا ان يقول له كن فيكون

ibrahim_elsonbati
02-12-2009, 11:50 AM
تساؤل
هل السماء الزرقاء التي تراها اعين الناس هي السماء الدنيا التي ذكرت في القرأن ام انها سراب ؟
محتاجين الرد

ميرا مار
02-12-2009, 12:09 PM
سؤال صعب يا عبده دا
بس اوعدك انى هادور واسال كالعادة اصحاب الراى واحد الشيوخ
وشكرا لك لسؤالك

Mimi
02-15-2009, 10:21 AM
انا غلطانة فعلا معلش انا آسفة لهذا الخطأ المطبعي وربنا يسامحني لحسن نيتي يمكن عشان كان الرد بالعامية عرضني للخطأ دا شكرا للتنويه المفيد دا ابراهيم

Mimi
02-15-2009, 10:36 AM
تساؤل
هل السماء الزرقاء التي تراها اعين الناس هي السماء الدنيا التي ذكرت في القرأن ام انها سراب ؟
محتاجين الرد

لا طبعآ ليست سراب دا سؤال جميل جدآ على فكرة يستحق اننا ندور ونبحث فيه

بص يااخ ابراهيم في ناس كتير اوي بتفتكر ان السما اللي بنشوفها هيا دي السماء الدنيا المقصودة وان مفيش سما غيرها !
بس لو تسائلنا سؤال بسيط هل الكون عبارة عن المجموعة الشمسية دي بس ؟ واحنا في كتابنها الطاهر عارفين ان في مجرات مش مجرة واحدة وبالتالي المجموعة الشمسية تعتبر نقطة في بحر مجرة واحدة والمجرة الواحدة دي تعتبر نقطة في بحر من المجرات وبرغم من ضخامة الكون دا الانسان عقله عاجز عن وصفه

لكن في الآخر هيا فعلآ سما واحدة من بين سبع سماوات والانسان ميعرفش عنها حاجة لحد دلوقتي ويقول الله عز وجل ( ولقد زينا السماء الدنيا بمصابيح وجعلناها رجوما للشياطين وأعتدنا لهم عذاب السعير )

فالسما الدنيا المقصودة في كتير من آيات المولى عز وجل هو الكون المترامي حوالينا بمعنى الكون اللي لسه مش قادرين نعرفه على أتم وجه كون لامحدود .. تخيل المقصود هنا السماء الدنيا ..تفتكر الانسان هيقدر يوصل لباقي 6 سماوات متهيألي اللي حضرتك بتتكلم عليها دي أحد طبقات الغلاف الجوي للكرة الارضية ! وهيا كمان الطبقة الدنيا يعني اقرب طبقات الغلاف الجوي للأرض واحنا هنا بنوصف السماء الدنيا بمعنى يتعدى المعنى دا بمراحل

هوري حضرتك بأه آية تانية بتقول ( يا معشر الجن والإنس إن استطعتم أن تنفذوا من أقطار السماوات والأرض فانفذوا لا تنفذون إلا بسلطان) وهنا هنسأل تاني اذا كانت أرضنا هيا الأرض دي فين الستة الباقيين ؟! لان هنا كلمة أقطار عددت الأرض

ختامآ احنا عاجزين عن ادراك ملكوت الله ومدى عظمته وكل ما فكرت في الكون هتزيد حيرتك ويزيد ادراكك بعجزك ويزيد خشوعك من الله سبحانه وتعالى لاننا مهما اكتشفنا حاجة هتكون واحد من بليون من ملكوته عز وجل فسبحان الله عدد ما خلق ويارب كون الاجابة وصلتك كدا

AYMAN GAMAL
02-15-2009, 08:33 PM
معلومات اول مرة اسمع عنها

شكرا ليكم كلكم

ميرا مار
02-15-2009, 09:44 PM
شكرا يا ميمى
انقذتينى السؤال كان صعب عليا
وماكانش فى فرصة اسال
شكرا لمتابعتك حبيبتى

ibrahim_elsonbati
02-16-2009, 01:25 AM
و الله انا كنت اعرف معرفة مبدئية لمعني السماء و هي كل شيء يسمو الانسان مثلا سقف المنزل او الغرفة التي يجلس فيها الانسان
لكن و الله الانسان مهما عمل في حياته فهو كائن ضعيف جدا امام ملكوت الله وعظمته سبحانه و تعالي

ibrahim_elsonbati
02-16-2009, 01:25 AM
http://palestine-info.info/Ar/DataFiles/Contents/Files/Images/News/2008/Jan/27/AbuTreika1.JPG

ميرا مار
02-16-2009, 01:36 PM
فعلا يا ابراهيم
جزاك الله خيرا على المشاركة

Wild_Angel
02-16-2009, 01:55 PM
جزاكم الله خيرا السائل والمسئول
لمره اخرى بشكر ميرامار وميمى(جودى سابقا)
لاهتمامهم بأجابة اى سؤال هنا وربنا يجعله فى ميزان حسناتكم

ibrahim_elsonbati
02-16-2009, 10:21 PM
فعلا يا ابراهيم
جزاك الله خيرا على المشاركة

شكرا علي تقييمك يا ميرا

Mimi
02-21-2009, 10:33 PM
ربنا يخليكي ياوايلد

ان شاء الله دايمآ كلنا نفضل نشارك بكل حاجة نعرفها

وربنا يكتبلنا كلنا الجزاء

safa ali
07-19-2009, 03:50 PM
انا عندى سوال لم بسميع القران لم البكى العمل اى بس ان لم افيهم بعض القران

safa ali
07-19-2009, 03:51 PM
انا عندى سوال لم بسميع القران لم البكى العمل اى بس ان لم افيهم بعض القران

ميرا مار
07-19-2009, 04:11 PM
يا صفا

اهلا بيكى

وانا مش فاهمة سؤالك

وضحى وان شاء الله كلنا هنا بنحاول نساعد بعض

bobosbobos
02-05-2013, 02:52 PM
السلام عليكم ورحمة الله ووبركاته أنا أسمى خالد من مصر بس عايش فى انجلترا سني 25 سنه متزوج وفي انتظار مولودا الاول 0

سوالى هو جميع المطاعم إلى في انجلترا عباره عن مطعم و بار لبيع الخمور فى نفس الوقت و اعلم جيدا أن حامل الخمور و شاربها و المتواجد فى أماكنها أنا بجد مش عارف اعمل إيه لو ذهبت أنا وزوجتى نتعشي فى أي مطعم بس علشان نأكل مش عشان نشرب أكون ارتكبت زنب ولا إيه أنا بسال علشان أنا مش عايز اعمل حاجه حرام..

من فضلكم حولوا تجوبوني و لكم جزيل الشكر وأتمنى لو ترسلو لى الرد علي الايميل bobosbobos2012@hotmail.com