المساعد الشخصي الرقمي

مشاهدة النسخة كاملة : مــاذا تفعل لـــو كنـــت مكــانى.×.×النهاردة.. حيرة المراة امام سى السيد



ميرا مار
09-23-2008, 11:18 PM
مين فينا ماعندوش مشكلة؟
مين فينا مامرش بتجربه اتعلم منها؟
مين فينا ماكبرش يوم ورا التانى واتعلم من الدنيا كتير

كلنا .. عندنا كتييييييييير والغريبة اننا محتاجين حد يقول لنا .. اتكلم

ارجوك لو عندك اى حاجة من دول .. اتكلم

tiger
09-24-2008, 02:11 AM
موضوع خطير يا باش مهندسه وممكن دماغك توجعك ومش دماغك بس وقلبك كمان علشان مشاكل الناس عمرها ما بتخلص بس أعتقد أن فى ناس كتير بتحب زى ما بيقولو يكتمو على المشاكل او يحكوها مع أصحابهم الأنتيم أو ما يتكلموش خالص وأنواع كتير والموضوع ده محتاج ثقه جامده للى بيتحكالو وأنا حاسس الى أنتى تستهلى الثقه دى بس أنا أول مشكله حتقابلنى حانقشها معاكى0

Hassan Mohamed
09-24-2008, 02:40 AM
انا شايف ان الموضوع جميل جدا بس صعب اي حد يحكي بسهولة كده

احيكي علي شجاعتك يا بمشهندسة وياريت دي تبقي صفحة للاي عندو اي مشكلة وعاوز يحكيهالنا

Wild_Angel
09-24-2008, 03:26 PM
صعوبة ان حد يتكلم فى اى مشكله انها بتكون على الملأ ولكنى اشكرك لمبادرتك فى سماع مشاكل الناس
واتمنى من الله ان يوفقك دائما فى الموضوعات الطيبه

ميرا مار
09-24-2008, 09:36 PM
انا باشكرك يا حسن انت واشرف ووايلد

وعارفة ان صعب يبقى فى جراه على نشر مواقف خاصة
لكن ممكن نتكلم عن حاجة حصلت قدامنا

Hassan Mohamed
09-26-2008, 02:44 PM
فكرة بردو

طب نبدأ بيكي

sarah
09-28-2008, 03:50 AM
موضوعاتك بجد هايلة يا بشمهندسة وبدور عنها ديما,
, انا عن نفسى لو شوفت موضوع مستاهل النقاش واخذ الراى سواء منى او حواليا اكيد حعرضوا هنا

Mimi
09-28-2008, 05:10 AM
موضوع هايل ياباشمهندسة واكيد في حياتنا مشاكل كتير منها الخاص ومنها العام وممكن اذا كنا متحفظين نتكلم عن اي مشكله عامة ياجماعة

انا حصلي موقف مؤلم جدآ من سنة بالضبط كان أول يوم رمضان السنة اللي فاتت ، انا بدرس في مدينة تانيه غير مدينتي وبعدين كان حد من قرايبي عازمني اول يوم في رمضان على الفطار فرحت مسافرة اليوم دا

مكنتش لاقيه اي سوبر جيت متوفر في الوقت دا وخفت أتاخر فرحت راكبة عربية بيجو ..انا بكرهها بس كرهتها اكتر بعض الموقف دا .. واحنا ماشيين المفروض اننا بنعدي على بلاد اللي هيا بتكون في الطريق يعني المفروض يخفف من سرعته لما يمر بمكان فيه سكان

بس هو السواق كان مستعجل ..وكان محافظ على نفس سرعته داخل البلاد اللي بتقابلنا دي ..المهم عشان مطولش كان في طفل لا يتجاوز عمره 6 او 7 سنين بيدحرج كوتش عربية وبيعدي بيه في الشارع والمنظر كان قوي جدآ والله وانا بكتب شايفة الاحداث كأنها بتحصلي دلوقتي والله شعور مؤلم

السواق خبط الولد لدرجة انه طار في الهوا قدام عنينا ،، احنا حسينا بخبطة العربية بالولد بس موقفتش على كدا ، الولد لما طار لقدام من الخبطة السواق من توتره رجع مشي عليه تاني وحسينا ان العربية طلعت على حاجة يااااااااه على كدا شعور ، البنت اللي كانت جنبي داخت وغابت عن الوعي وانا بصيت ورايا اشوفه لقيته بيدحرج على الأرض كذا مرة بس حسيت ان قلبي الوقت دا اتشل والله

عايزه اقول حاجة من الموقف دا ، مشكلة السرعة في السواقة ، هل ممكن تسبب حاجة اكتر من انها تزهق الارواح او انها تسبب حالة نفسية ، تخيلو أم الطفل دا هتكون عاملة ازاي في اليوم دا ..كل دا حصل عشان ايه ؟ عشان الفطار ؟ مع ان في ناس بتقف في الشارع بتوزع تمر وميه

انا بقول حسبي الله ونعم الوكيل فيه ، لانه كمان نزلنا في الطريق عشان مندلش عليه وسابنا ، يعني حتى هدفه من السرعه كان مجرد هدف شيطاني ، أكيد حاسسين بألم الموقف دا ،، يعني المشكله اللي بعاني منها في مصر كتر الحوادث اللي بتحصل

وعلى فكرة عملو احصائية على أكبر عدد وفيات في العالم لقوها حوادث السيارات ومصر مصنفة ضمن أول عشر دول في الحوادث في العالم سواء حوادث سيارات او قطارات او حوادث سير ،، ليه في فوضى في المواصلات وليه السواقين بيرمو قلبهم بمجرد ما يركبو عربيتهم ؟

آسفة اني طولت بس انا اندمجت ومن قوة المشكلة دي كتبت بالتفصيل

الشبح
09-28-2008, 06:23 AM
تسلمي يا غاليه
من المعروف ان بعض السائقين
مصابين بداااااء السرعه
ولكنه داء ليس له دواء للاسف
الله يرحمه ويجعل قبره روضه من رياض الجنه ولا يجعله حفره من حفر النار
اللهم ارزقه اهلا خيرا من اهله ودارا خيرا من داره .

sarah
09-28-2008, 03:38 PM
الموضوع يا جودىمؤلم جدا جدا لان حصل معايا لمحمد قريبى الله يرحموا وفى نفس السن تقريبا , فترة معدتش منها بسهولة ربنا يصبر اهل الولد,
ومن يومها وانا متعقدة من السيزوكى لانه كان فيها واما بكون فيها على البحر ببقى شوية وحعيت.
الله يرحموا ويصبر خالى .
انا بوجه كلامى لضمير السواقين بمراعاه أداب الطريق , وتخفيف السرعة (فى العجلة ندامة)
وبوجه للحكومة ثانيا : ان يكون فى ر قابة اكتر على الطرق السريعة , بدل المنظرة بتاعت الصبح اللى على البحر.
ربنا يرحمنا برحمته

ميرا مار
10-07-2008, 12:12 AM
يا جودى
بتحصل كتير
بس هى بتبقى صدمة لاول مرة تحصل قدامك .. ربنا يستر من الصدمات اللى بتقابلنا كل يوم

ميرا مار
10-07-2008, 12:21 AM
قولولى بقى

واحدة جارتى
بتغييير منى موووت والله ماباكدب كل حاجة باعملها بتقلدنى
لو انا خارجة الاقيها بتبص ..عليا من ورا الشباك ..
انتو عارفين لما الدنيا تبقى ضلمة وهى بتبص من ورا الشيش وسايبة النور مفتوح هههههههههههه
حصلت والله
المهم
كل حاجة اشتريها
بنفس الشكل والالوان تموووت لغاية ماتجيب منها

طب فين المشكلة
المشكلة
انها من غيرتها
بتتكلم عليا بطريقة وحشة
كلام مش كويش .. وبطريقة وحشة وبتالف كلام ..

تجاهلتها
ومابقيتش باكلمها

مافيش فايدة .. لدرجة ناس بتيجى تقوللى جارتك فلانة بتغيير منك
بتقول عليك كذا وكذا
قولولى اعمل ايه؟؟؟؟؟؟

احمد حسن
10-07-2008, 10:44 AM
معلش هقول كلمه واحدة
البحر متعكرهوش الشوائب
واكيد هى طالما بتغير منك يبقى اكيد شايفة انك احسن منها واكيد كل الناس شايفة كدة يبقى كانها مش موجودة ودعى القافلة تمضى
شكرا
وكل سنة وانتى طيبة و ربنا يستر من عيون الناس
ههههههههههههههههههههههههههههههههههه

sarah
10-07-2008, 08:04 PM
ربنا يحميكى يا بنتى من شر الحاسدين ,
اهم حاجة تقرى الصبح المعوذتين والاخلاص, ثلاث مرات .
بجد تجاهليها بس فى نفس الوقت عمليها بكل ود واحترام يمكن تحس فى يوم بودك ليها تتغير شوية للاحسن.
وربنا يهدى

tiger
10-08-2008, 01:54 AM
دى حتتعمل بولوبيف فى جهنم على التنصت وعلى الغيبه والكلام الى يضايق لو زاد الأمر أنتى عارفه حتعملى أيه المواجهه خير وسيله ده رأى متهور شويه بس ده لو زاد الأمر بحيث ضايقك وضايق العائله0

tiger
10-08-2008, 02:02 AM
وأسمعى المشكله دى علشان تعرفى أن دى جارتك دى بتخاف من ربنا 0
فى تمام الساعه 6 فى رمضان المغرب أذن عليا أنا وواحد صديق وهو مواصلنى بسيارتو الخاصه وبعدين وقفنا نشرب أى حاجه علشان الأذان بتاع المغرب وزى ما بيقولو نشق ريقنا وبعدين طلبت من الراجل عصير قصب لأنه كان بيعصر تخيلى كان بيعمل أيه وفاكرنى مش شايفوه لاقيتوه بيحط سكر من كيس سكر على القصب وهو بيتعصر وأنا زوهلت وبعد ماعصره غلاسه منى قولتلو عايز مانجا ههههههههه الراجل بصلى وكنت مستنى يقول حاجه علشان كونت حقولو حاجتين بس شربت المانجا ودعيت ربنا يهديه بالذمه ده يتعمل معاه أيه 0

ميرا مار
10-08-2008, 11:51 PM
هههههههههه
يعنى انتو شايفين كدة؟؟؟؟؟:rolleyes:

ميرا مار
10-08-2008, 11:56 PM
معلش هقول كلمه واحدة
البحر متعكرهوش الشوائب
واكيد هى طالما بتغير منك يبقى اكيد شايفة انك احسن منها واكيد كل الناس شايفة كدة يبقى كانها مش موجودة ودعى القافلة تمضى
شكرا
وكل سنة وانتى طيبة و ربنا يستر من عيون الناس
ههههههههههههههههههههههههههههههههههه


وانت طيب يا طيب

كلامك ريحنى والله
البحر ماتعكرهوش الشوائب
.. باشكرك بجد ياحمد انك شاركتنى فى الموضوع دة

ميرا مار
10-08-2008, 11:58 PM
ربنا يحميكى بجد
تجاهليها بس فى نفس الوقت عمليها بكل ود واحترام يمكن تحس فى يوم بودك ليها تتغير شوية للاحسن.
وربنا يهدى



ربنا يخليكى يا سارة

نصيحتك جميلة

بس مش دايما الاحترام ينفع مع ناس معينة
وزى ما بيقولو عتاب الندل اجتنابة ..

عموما باشكرك قوى ردك ع الموضوع كان مفييييد ليا جدا

ميرا مار
10-09-2008, 12:04 AM
وأسمعى المشكله دى علشان تعرفى أن دى جارتك دى بتخاف من ربنا 0
ودعيت ربنا يهديه بالذمه ده يتعمل معاه أيه 0



عارف يا اشرف
الحكاية دى بتحصل كل يوم
على اختلاف انواع السلع بقى
دى مشكلة والله
طب ليه انت ساعتها ماقولتلوش ..
عمو عمو .. انت حطيت سكر لييييييييييييييييه؟؟؟؟؟

tiger
10-09-2008, 01:12 AM
علشان أول حاجه هو مش عمو ده قريب من سنى تقريبا وكمان أنا لو دخلت فى مشكله ممكن تكون دمويه شويه ههههههههه وكمان كانت ساعه فطار وكنت بدور على أنى أروح بسرعه ومعايا صاحبى ومن الأحراج والزهزل أندهشت ومعرفتش وقتها غير أنى أغير الطلب واغلس عليه ولا أنتى رأيك أيه0

Hassan Mohamed
10-10-2008, 04:19 AM
الغيرة يا بشمهندسة من اسؤء الطباع اللي في الانسان واعتقد ان ده بيكون انسان مريض ده طبعا في حالة الغيرة اللي فيها نوع من الحقد

ميرا مار
10-12-2008, 10:26 PM
امممممممممممممم
سؤال صعب يا اشرف والله .. الواحد بيحتار ..
بس بافتكر حكاية الحسن والحسين لما جم يعلمو واحد اكبر منهم الوضوء .
.وحاولو يحكموة مين بيتوضى صح
والراجل فهم الاشارة..
لكن دة كان وضوء

اللى بيغش بقى
تفتكر ممكن يفهم اشارة .. هو كان شكلة شرير قوى؟؟؟؟؟؟؟

tiger
10-12-2008, 11:24 PM
ههههههههههههه شرير ولا طيبهو كان غلطان فى وقت أذان المغرب وقت الفطار ده راجل الضمير عنده راح خلاص بس نعمل أيه هى دى الدنيا فيها الصالح والطالح والمطلوب الأحتمال والسيطره على الأعصاب والمشكله الى فيه أنى لو الأعصاب فلتت خلص الكلام هههههههه0

ميرا مار
10-13-2008, 10:49 PM
لا ماهو لو طيب تفهمه بالزوق
ولو شرير ترمى الكوباية ف وشه وتطلع تجرى
هههههههه اوعى تعمل كدة

sarah
10-16-2008, 01:04 PM
انا فى مشكله حقيقيه يا بشمهندسة,
بدأ تفاهمى مع صحابى يقل خاصة الفترة الاخيرة مش لقيه اللى يساندنى رغم انى عمرى مطلبت من حد مسانده ,كنت انا بس اللى بساند, انا مش قادرة اوضح اكتر للاسف عشان الدفعه هنا ياما عرفينى ,بس وجهينى عمل ايه ؟
انا وصل تفكيرى انى ابعد عنهم بس للاسف عندى مبدا لو تركت صحبك مهما كان السبب يعتبر خيانة.
اعمل ايه؟؟؟:confused:

ميرا مار
01-05-2009, 08:55 PM
اولا انا اسفة جدا يا سارة واللة اول مرة اشوف المشاركة دى
الفترة اللى فاتت كان عندى لخبطة فى النت ومش كنت ملاحقة ع الاشراف..
لا يا سارة.. اعكسى الوضع ليه صحابك مايبقوش جنبك انتى فى الوقت اللى انتى احتاجتى لهم فيه
وبالعكس بقى
هو دا الوقت المضبوط اللى تختبرى فيه صداقاتك..
والصديق مطلوب منه ايه اكتر من المساندة؟؟؟
مش هيستاهل صداقتك غير اللى وقف جنبك بجد..
طمنينى عليك عشان انا بجد عايزة اعرف وصلتى لايه..

ميرا مار
03-18-2009, 02:40 PM
طيب

جايبالكم مشكلة جديدة وموجودة كتيييييييييييير

الميراث

وحيرة المراة بين الزوج والاخوات

يعنى واحدة اعرفها.. جوزها طلب منها حاجة معينة تبقى من نصيبها فى الميراث

وطلي منها تطلب من اخواتها.. وهى رفضت وقالت اللى اخواتى يشوفوه يعملوه

وانا مش هاخسر اخواتى عشان اى حاجة فى الدنيا

كبرت المشكلة..وكل واحد مصمم على موقفه

وماحدش يقوللى وهو الزوج ماله

انا معاكم لكن فى مجتمعنا التحفة دا.. الزوج سى السيد يقول:cool:
انا ادرى بمصلحتك ومصلحة ولادى :mad:.. ولازم اشوف مصالحك وانا لااازم اخد لك حقك من اخواتك:confused:

ليه هو شايف نفسه ادرى ؟؟ مش عارفة:confused::confused::confused:

ها

لو انتو مكان الزوجة دى تعملوا ايه؟؟؟

Zooma
03-21-2009, 01:23 PM
تروح لاخواتها وتقولوهم ويوزعوا الميراث عليهم
بالحق وزى ما الدين مابيقول ولو ده هيعمل مشاكل بينهم
تقول ان توزيع الميراث كأن لم يكن يعنى ماحدش ياخد حاجه فعليه
الا بعد عمر طويل ان شاء الله لاخوها الكبير او لابوها او كبير العيله يعنى
يتوفى وتسكت جوزها

موضوع جميل اوى يا ميرا

ميرا مار
03-23-2009, 12:43 PM
ميرسى يا زوما..

بس مش شايف ان الحل دا مستحيل فى زمننا دا؟؟

الكل عايز فلوس..حتى اللى عنده وعايش كويس عايز يعيش احسن

ودى مشكلة