المساعد الشخصي الرقمي

مشاهدة النسخة كاملة : بتــاع



Mimi
02-15-2009, 11:10 AM
ياللي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول




يا تري بقي مين هو البتاع؟!!!!

وده فيديو للحكايه علشان التوضيح

http://www.youtube.com/watch?v=S34j5vsMEn4

emu
02-15-2009, 11:16 AM
كلام جميل جدا جدا
بجد موضوعك تحفه يا mimi
قصدي البتاع هههههههههه
تسلم ايدك يا قمر

Marwa Mahmoud
02-15-2009, 11:31 AM
هههههههههههههههههههههههههه
أيه هو البتاع دة
شكرا ليكى يا ميمى مع أنى مش فاهمة حاجة
من البتعوت دول
هههههههههههههههههههه

Mimi
02-15-2009, 12:18 PM
ميرسي ياشيمو ليكي انتي ومرمر

البتاع كذا حاجة منهم البتاع اللي كنا عايزينه يتفتح والبتاع اللي رفض

واللي شايف اي حاجة تانية يقولها مفيش مشاكل :D

spring sun
02-15-2009, 12:21 PM
البتاع ده حلواوي

اشكرك يا ميمي علي البتاع


وياريت بس نعرف ايه هو البتاع

eslam mamdouh
02-15-2009, 02:33 PM
الف شكر لحضرتك على القصيده الجميله دى



وبجد احمد فؤاد نجم ( مشهور باسم عم احمد نجم)


بتعجبنى جميع ارائه



وعلى فكره ده شعر سياسى

المقصود به السادات



الف شكر لحضرتك مره تانيه

روح بلا جسد
02-15-2009, 08:16 PM
ايه الجمال دة حفظتيها ازاى دى انا مش فاكر فيها حاجة الا كلمه البتاع

بس بجد الله ينور
دة انت مش بس مشرفة قسم اللغة الانجليزية دة انت مشرفة قسم البتوع

ال ابو على

Youssef Mostafa
02-15-2009, 08:33 PM
راحت عليك يابو على ههههههه

جامد اوى البتاع بتاعك دة ياميمى تسلم ايدك

Rania Ismail
02-15-2009, 09:14 PM
الله ينور يا جودى بجد عجبتنى بجد والبتاع ده كتير لو حنتكلم عنه ده مالى البلد
وبجد بجد فوق الرائع بصراحه تسلمى يا جميل

IQI__HeMa__IQI
02-15-2009, 10:12 PM
بجد تسلمى بتاع جميل
يووووووووووووووووووووه
قصدى موضوع جميل اوى

خالد أبوسعده
02-15-2009, 10:25 PM
البتاع دا جامد اوى ههههههههه

لا و الله جامده جدا فكرتنى بعادل امام فى فيلم حنفى الابهه
لما قال اصلى ايدى جت علي البتاع فعمل بتاع
رد عليه من بره قاله بتاع ايه ؟؟
اهو هو دا البتاع
بس خدى بالك لتتمسكى ولا حاجة
اصل دى سياسه و العياذو بالله
و الحيطان ليها وداااااان


شكرا يا جودى علي البتاع

اسامه البنا
02-16-2009, 03:16 PM
بعد اذنك يا جودي

انا حطيط فيديو بتاع البتاع علشان البتاع يتفهم

يعني علشان نعرف ايه؟ هو البتاع بتاع البتاع

البحيرى
03-01-2009, 10:10 PM
اسة دة بس حلوة

البحيرى
03-01-2009, 10:42 PM
انا عرفتة كان اكبر راس فى مصر