المساعد الشخصي الرقمي

مشاهدة النسخة كاملة : قولولى لو شوفتوا الموقف ده تعملوا ايه؟؟؟؟



Wild_Angel
09-24-2008, 05:19 PM
بسم الله الرحمن الرحيم

فى طريقى للجامعه حدث ما حدث

ورايت هذا الموقف ولم اتخيل يوما رد فعل الناس تجاهه

المشهد كالاتى: محطة الترام ولها سلالم حتى تنزل اليها

البطل او المجنى عليه : واحد من الناس بسيط

الموقف : نازل من السلالم وفجاه اختل توازنه ووقع على الارض من فوق السلالم

المشهد : كل الناس جريت عليه بس يا خساره راحوا عشان يتفرجوا واما لقوا ان دماغه بتنزل دم كل واحد مشى

حتقولولى شكل كل اللى كانوا واقفين بنات وستات
ابدا كان فى رجاله كبار فى سن ابائنا وراجل تانى معاه ابنه ومراته

ولا حد سال كلهم سابوه مرمى واحد بس اللى كلف خاطره وسنده على الحيطه

بقى مجرد منظر محطوط ولا حد عايز يقرب عشان كله خايف يوديه مستشفى ويتسال
ده اللى انا قولت عليه قبل كده ان الجبن بقوا بيسموه راحة بال
عارفه ان العيب مش فينا وبس

بس فين بقى الجدعنه والشهامه اللى كنا بنفتخر بيها

عارفه ان الموضوع المكم بس كان لازم نتالم عشان الواحد صعب عليه نفسه لو وقع كده وملقاش حد يساله حتى اذا كان ععايز يشرب ميه
وبعد الشر عليكم جميعا ربنا يحفظكم

ومنتظره ردودكم ولو حد قابل مواقف كده ياريت يقولها ونناقشها واتمنى تقولوا ايه كان ممكن تعملوه قدام الموقف ده وبكل صراحه

AYMAN GAMAL
09-24-2008, 05:34 PM
بكل صراحة يا Angle

انا كنت هعمل زي الشخص اللي قومه من عالارض

وكبيري اطلع منديل و احطه عالجرح عشان يبطل نزيف ولو كان فية صيدلية يبقى انعم و اكرم

اكتر من كدة مكنتش هعمل

ولو عملت الناس هتنتقدني

شكرا يا Angle

Wild_Angel
09-24-2008, 05:44 PM
شكرا لصراحتك واهو برضه اللى حتعمله احسن من مفيش

لكنى اأمل ان مجتمعنا يرجع زى زمان

الزمان اللى كان فيه المسلم انسان

عاشق الرومانسيه
09-24-2008, 06:09 PM
بجد المقف موثر جدا بس والله والله انا لو كنت هناك كنت هروح معاه في اى حته حتي لو هتسال بعد كده الواحد فينا لو تخيل نفسه مكان الشخص ده لو للحظه هيفكر في حاجات كتير ومش هيفكر في العواقب اي اخرها يعني
استجواب

tiger
09-24-2008, 06:34 PM
موقف مؤثر جدا وأسف أقول أنو واقعى وهو ده حال الناس دلوقتى وأنا زى مصطفى حبيبى الرومانسى طبعا بعون الله بعد ما أقوم بوضعه فى وضعيه صح لأن الواحد يعرف بعض الأسعافات الأوليه وأعرف مدى خطورة الجرح وأنقله على المستشفى بسرعه حتى لو حتسأل لأن عارف طول عمرى أخرة الخير ايه 0

eslam mamdouh
09-24-2008, 06:41 PM
فى البدايه احييكى على انك مكنتيش سلبيه واكبر دليل على كده انك بتحكى الموقف ده دلوقتى

اولا انا كنت عاوز اقول ان السلبيه اخطر شى فى الشغب المصرى ,مع ان الاسلام هو الدين العمل دين االايجابيه

لو انا كنت فى الموقف ده كنت هروح واحاول اعمل اى حاجه ان شا الله حتى اشيله واروح بيه على اقرب مستشفى او سياره ا اسعاف فى الطريق


ولا اقولك على اقرب صيدليه للاسعافات الاوليه

بس انا مش ممكن اقف سلبى

ملحوظه مهمه لو انت بدأت باى عمل ايجابى والله الغظيم كل الناس هتساعدك من اكبر واحد لاصغر واحد


كلهم هيشتغلوا بس لو فى شخصيه اساسيه هى اللى تحرك عملهم

شكرا على موقفك اللى بجد اثر فى نفسى جدا

Wild_Angel
09-24-2008, 08:16 PM
بشكركم جدا على ردودكم
واتمنى ان يكون شباب جيلنا من الحصاد الذى اثمر وجذوره صالحه

واتمنى كل اللى يرد بعد كده يفتكر ان الله لا يضيع اجر من احسن عملا حتى وان كنا فى زمن الواحد بيعمل الخير وممكن يتلام عليه بعد كده

ميرا مار
09-24-2008, 09:31 PM
شكرا يا وايلد على الالم الفظيع اللى حاسة بيه دلوقت
والله انا بقيت باتاثر ق بالمواقف اللى بيبقى فيها حد ضعيف ومحتاجنا
بس عايزة اقولك الدنيا بخير ..

انا لو موجودة ماكنش الراجل دة احتاج لحد ..

shimo
09-24-2008, 09:37 PM
اكيد اى حد عنده دم او احساس كان هيجى عليه ويسنده او حتى فعلا يخرج منديل او انشالله شويه مايه عشان اكيد مخضوض
بس فعلا صدمه ان مفيش حد يقف معاه
بس ارجع واقولك الكل مش زى بعضوا

Wild_Angel
09-24-2008, 09:38 PM
شكرا على ردك باشمهندسه مها وعلى فكره الست مع انها ضعيفه لكنها احيانا فى المواقف دى تكون ب 100 رجل

AYMAN GAMAL
09-24-2008, 09:40 PM
شكرا على ردك باشمهندسه مها وعلى فكره الست مع انها ضعيفه لكنها احيانا فى المواقف دى تكون ب 100 رجل


لو كدة هعور نفسي كل يوم لحد ما اكتشف الحكاية اللي ب 100 راجل

هههههههههههههههههههههههههههههه

Wild_Angel
09-24-2008, 09:40 PM
شكرا شيمو لردك
وتعاطفك معانا.....واتبرع ولو بجنيه قصدى بكلمه حنينه لاى حد محتاجلك فالكلمه الطيبه كما ذكرت من قبل صدقه

Wild_Angel
09-24-2008, 09:42 PM
اه ممكن برضه يا زميلى ايمن بس ساعتها البنت ممكن تديك منديل وتقولك على طريق اقرب صيدليه
بس لو هى اكتشفت انك معور نفسك بس
حتلاقى 1000 راجل طلعولك

shimo
09-24-2008, 09:44 PM
شكرا شيمو لردك
وتعاطفك معانا.....واتبرع ولو بجنيه قصدى بكلمه حنينه لاى حد محتاجلك فالكلمه الطيبه كما ذكرت من قبل صدقه

لاء جنيه ايه هههههههههههههههه انا مستعدة من جنيه لحد 3.5 :p:D
العفو ياويلد انا مكنتش بقول كلمه طيبه وبس انا فعلا لو كنت موجودة اقل حاجه هعمل كدا فعلا يا كلينكس او مايه او اى صيدليه قريبه
والمعنى ان البنت ب100 راجل ودى فعلا حقيقه وموجودة فأغلب البنات انها تكون جدعه

AYMAN GAMAL
09-24-2008, 09:47 PM
هههههههههههههههههههههههههههه

ماشي يا انجلينا

اول يوم في الكلية هعور نفسي في القسم و عايز اقابل ال 100000000راجل

Wild_Angel
09-24-2008, 09:53 PM
شكرا لردك يا ايمن وربنا يحفظنا جميعا

sarah
09-28-2008, 03:58 PM
يا جماعة دى مشكله كبيرة , الزمن ده اصبح نفسي نفسي ,
بصراحة لو راجل اخرى اديلو منديل وحصل قبل كده وعادى الناس لبعضها,
لكن لو ست فى تصرف تانى حبقى معاها لحد ماتكون كويسة واركبها كمان تاكسى بس على حسبها.
انا شوفت على الصبح واحده اتسرقت وتصووت وتصووت ولناس ماشية عادى وبتبوص عليها كانها هابلة فى الشارع ,
ومرة تانية لقيت بقى الحرامى بيجرى نحيتى كنت حجرى وراه او اكعبلوا بس خفت بصراحة يعملى حاجة يطلع ماطوه ( سورى فى اللفظ)
بس بجد لو عملت كده الناس مش حتتقبل منى ده عشان بنت (اصل احنا شرقيين فى حاجات وحاجات)

asmoaa
10-09-2008, 10:21 PM
انا عايزه اقول انى مش بقدر استحمل شكل الدم بجد لو كنت فى اليوم ده موجوده كنت بجد هساعده وهبقى جنبه لان ممكن بابا كان يبقى مكانه او اى حد من الناس اللى بحبهم وقريبين منى
ماكنتش هسيبه وامشى لاننا فى النهايه بشر

onon
10-10-2008, 12:10 AM
والله يا جماعه الموقف ده بس الحقيقه انا كنت المصاب كنت بعدي من علي البحر وموتوسيكل خبط فيا بس الحمد الله بنت خالتي رجعتني علي وارا بدل مكان يموتني الحمد الله ربنا سترها بس سعتها الناس كلها في اليوم ده وقفوا جنبي ومايا وكل حاجه لحد مافوقت والحمد الله
انا حبيت بس اقولكوا ان في مواقف ايجابيه زي مافي سلبيه
ولو انا كنت موجوده اكيد كنت حعمل اي حاجه تسعدوا عشان الي مش حرضاه علي نفسي مش حرضاه علي غيري فاكيد كنت حعمل حاجه ايه هي مش عارفه بس المتاح سعتها يفيد اكيد ولو بالقليل
وموضوع حلو اوي ياوايلد وياريت منكنش سالبيين وتكتر مواقفنا الايجابيه

Mahro
10-10-2008, 12:21 AM
طبعاً غلط انا لو موجود انا اوحتى غيرى اخده اوديه اى مستشفى والى يحصل يحصل اكيد عمر ربنا ما هيرضى للى هيعمل كده شر ولا ايه

مودي
10-10-2008, 12:27 AM
اكيد كنت هساعد عشان هو ده الصح وهو ده الي عايزه يتعمل معايا لو حصلي موقف زي ده

Mimi
10-10-2008, 01:26 AM
دا حقآ موقف مؤلم

انا هساعده بدون أدنى شك لاني هتخيل نفسي مكانه

ولو جرحه يستدعي سيارة اسعاف هوقفله نزيفه لحد ما ييجي الاسعاف

وأقوله شوية نكت أو أي كلام يخليه ينشغل عن جرحه عشان يخف ألمه لحد ما ييجي الاسعاف

بس بجد ياوايلد أنا حصلي موقف أصعب بكتير من دا مع بنت ( بس عشان طويل مش ضروري أحكيه الا اذا طلبتي )

ومن بعد الموقف دا بقيت متأكدة ومقبلة اني أساعد اي حد

اسامه البنا
10-10-2008, 09:43 PM
والله الحكايه مش ست وراجل بس انا من وجهه نظري ان الناس الي كانت واقفه مش عارفين يتصرفوا ازاي
اكيد انتي لو رحتي واقترحتي اي حل عليهم الكل هيساعد
انا اتعرض لكام موقف من النوع ده ولاقيت ان الناس وانا واصحابي كله بيساعد
ومحدش فكر كده انا اول مره اعرف ايه؟ الي ممكن يحصل لو رحت بيه المستشفي
ممكن يكون الكل مفزوح يمكن اكتر منه من الموقف وخايفين

sweet girl
02-17-2009, 12:23 AM
فى الاول انا عايزاكم تقبلونى عضوه جديده لو سمحتم اما بالنسبه للموقف ده فانا بصراحه كان هيبقى نفسى اساعد الشخص ده ولكن انا مش هساعده لما هلاقي الكل بعد لكن صدقونى والله احنا جوانا خير كتير بس لان احنا اتعودنا على كلمه مالناش دعوه وياعم انا مالى بقينا نتراجع

sweet girl
02-17-2009, 12:24 AM
فى الاول انا عايزاكم تقبلونى عضوه جديده لو سمحتم اما بالنسبه للموقف ده فانا بصراحه كان هيبقى نفسى اساعد الشخص ده ولكن انا مش هساعده لما هلاقي الكل بعد لكن صدقونى والله احنا جوانا خير كتير بس لان احنا اتعودنا على كلمه مالناش دعوه وياعم انا مالى بقينا نتراجع

sweet girl
02-17-2009, 12:28 AM
فى الاول انا عايزاكم تقبلونى عضوه جديده لو سمحتم اما بالنسبه للموقف ده فانا بصراحه كان هيبقى نفسى اساعد الشخص ده ولكن انا مش هساعده لما هلاقي الكل بعد لكن صدقونى والله احنا جوانا خير كتير بس لان احنا اتعودنا على كلمه مالناش دعوه وياعم انا مالى بقينا نتراجع

هيثم
02-17-2009, 05:24 PM
بجد يا ويلد الناس دلوقتى بيقول يالاه نفسى وكله بيخاف او بعض منه يعنى كله بيقول مصلحتى بس حتى فى مواقف كتيره زى الناس متجمعش الا عشان يضربوا واحد مش يسعدوا الاكده هم فكرين انهم بيساعدوا
واقول حسبنا الله ونعم الوكيل

البحيرى
02-25-2009, 08:19 PM
معلش هذا هو حال البشر

free eagle
02-25-2009, 08:38 PM
انا هجرى عليه اقومه واشوف اقدر اعمله ايه واعمله



بس ربنا يستر عليه



بس مش اكتر من كدة

Nada Mohammed
02-25-2009, 08:50 PM
اولا : مشكورة يا وايلد على موضوعك
ثانيا: لو حصل معايا الموقف دة اكيد هساعدوة
او اتصل بالاسعاف او اخلى الواقفين يساعدوة عشان يوصلوة لاقرب صيدلية

وبجد ربنا يرحمنا جميعا
ويهدينا ........

IQI__HeMa__IQI
02-25-2009, 10:20 PM
بصى والله العظيم لو بجد شكله انسان محترم وكدا
مش هتفرق معايا اتسال حتى ولو من مين كفايا انى اسعده
واشوفه واقف على رجليه تانى ومش اسيبه يتالم لو لحظه
لكن لو شكله غلط يبقى اسيبه لان دى انتى مش عارفه ظروفه ممكن
يكون شارب اى حاجه هيه الى خليته فقد التوازن يبقى احسن تسيبه يغور ويريحنا
وااااااااااااااااااااااااسف على الاطاله

Wild_Angel
05-09-2009, 12:09 AM
شكرا لردك وجزاك الله خيرا
وتقبل الله منّا صالح الاعمال