المساعد الشخصي الرقمي

مشاهدة النسخة كاملة : اذا كنت محتار بجد او متردد تاخد قرار دىطريقة مجربة لحل اى مشكلة واتحدى .×.×.×.×



ميرا مار
02-16-2009, 06:49 PM
السلام عليكم
كلكم اخواتى وعشان انا باحبكم بجد
مش حابة اشوف فيكم حد متضايق ومحتاااار او متردد جداااااااااا
فى حل اى مشكلة
http://larnach.info/U120/images/eMM.png
كلنا عندنا اكيد مشاكل ..احنا بشر
وساعات كتير بنبقى فى مفترق الطرق
مش قادرين ناخد قرار او خايفين يبقى القرار خاطئ
http://static-p4.fotolia.com/jpg/00/01/48/67/400_F_1486772_exhr1fK8ISFCz9o7HZNfydREXpzIbt.jpg

بس الاكيد مافيش مشكلة مالهاش حل
وانا عندى طريقة متواضعة اتمنى تجربوها ولو مرة بجد ..بتجيب نتيجة
بس الشرط نور
لازم نطبق كل الخطوات بتاعها من غير كلام ..

1- ناخد دوش دافى ((ضرورى .. لان خلايا الجسم ومنها خلايا المخ
بترتاح وتهدى وبتبقى قادرة اكثر على التفكير العميق المتزن))

2- نتوضأ ونصلى ركعتين لله...
4- نفتح المصحف ونقرا منه سورة الفاتحة (ماتكسلش وتقول حافظها)
5- نقرا هذا الدعاء
"" رب اعنى على تغيير ما ينبغى لى تغييره ،
وعلى تقبل ما لا استطيع تغييره،
وهبنى الحكمة للتفريق بينهما،انك على كل شئ قدير""

6- اعمل اى حاجة تكون عارف انها بترفع من روحك المعنوية او بتسعدك
مثلا.. لو بتحب تشترى حاجة جديدة تكون شاريها الصبح وتجيبها تانى تتفرج عليها
مثلا ..لو بتحب البحر وبيجدد نشاطك انزل اتمشى شوية
وهكذا ...اكيد كل واحد فينا عارف حاجة بتسعده وبترفع معنوياته

7- تأنق
يعنى لو كنت ولد احلق دقنك وشعرك والبس اشيك حاجة عندك وحط بارفان انت بتحبه
لو بنت ..اتشيكى بقى اخر حاجة وخللى شكلك ولبسك وشعرك فى ابهى منظر يسر

.×.× ماتستغربوش ,.×.× انت دلوقت رايح تقابل نفسك
خللى شكلك حلو عشان انطباعك عن نفسك يبقى جميل وروحك تتمنى تنتظر كتير
الكلام دا فى البيت طبعا

8- اهم مرحلة بقى
هات ورقة وقلم
انت دلوقت على وشك تاخد قرار
اكتب كل الحلول الممكنة
يعنى المشكلة لما بنفكر فيها بنقول هنعمل كذا او كذا .الخ
اكتب الحاجات دى

9- اكتب اسباب الحلول تحت كل حل منها
وابدأ تتخيل حياتك مع كل حل منهم ..على شرط تعتبر انك اخترته خلاص
وتكتب تحتها حالتك ساعتها هتبقى عاملة ازاى

10- واخيرا استبعد حل حل
يعنى شوف ايه الحلول اللى انت ماستحملتش حالتك بعدها
واخيرا هتوصل لحل
ممكن مايكونش هو الصح
بس على الاقل احسن من كل الحلول التانية ..وبر دو لو فضل فى الاخر حلين احترت بينهم
اعمل نفس الموضوع اختار واحد وتخيل حالتك بعدها لو مانفعش خلاص يبقى التانى
وعلى فكرة قلب المؤمن دليله ..ماتقلقش ..

11- واخيرا صلى استخارة على الحل الاخير
وسيب الباقى على ربنا
بس وانت حاطط فى بالك انه دا اللى هيحصل عشان ماتبقاش متردد او محتار
وصدقنى ربنا هيختار لك اللى فيه الخير

.×.×ملحوظة مهمة.×.×
http://comfortableshoes.files.wordpress.com/2007/08/bare-feet.jpg
ساعات هناخد قرار تنفيذه صعب
بس اذا كان هو الصح وهو اللى هيريح قلوبنا
يبقى لازم نتعب ونمشى
ومانسيبش حاجة تعطلنا..نحط اهدافنا قدامنا..
ومانشوفش غيرها..لان اكيد هنوصل وساعتها هنرتاح ..
بس على الاقل
وانت ماشى فى طريقك سكتك هيبقى لها طعم
مش ماشى وخلاص
ولما نوصل نندم اشد الندم اننا ضيعنا
هدف كان ممكن يخلى لحياتنا معن


دعاء الاستخارة
((اللهم انى استخيرك بعلمك ،واستقدرك بقدرتك،واسالك من فضلك العظيم
اللهم انك تقدر ولا اقدر وتعلم ولا اعلم ، وانت علام الغيوب
اللهم ان كنت تعلم ان فى((وتذكر الامر)) خير لى فى دينى ومعاشى وعاقبة امرى
فاقدره لى ويسره لى ،ثم بارك لى فيه
وان كنت تعلم ان فى((سمى الامر مرة اخر)) شر لى فى دينى ومعاشى وعاقبة امرى
فاصرفه عنى واصرفنى عنه ،ثم اقدر لى الخير حيثما كان ..ثم رضنى به))


معلش طولت عليكم
ليا كلمة اخيرة
الحياه ابسط واقصر من اننا نضيعها فى الحزن والالم..والحيرة والقلق
اذا عزمت فتوكل على الله
خلى جواك عزيمة واصرار وامل فى الله
ربنا بينظر الى قلوبنا بيرى فيها ايه..
وبينظر لاعمالنا نشوف احنا عملنا عشانها ايه
وبيساعدنا للى فيه الخير لينا

essam abd elftah
02-16-2009, 06:53 PM
موضوع متميز جدا ياميرا

جزاكى الله خير والف شكرا ليكى

Mimi
02-16-2009, 06:55 PM
ياااااااااااااه ايه دا ياميرا ممكن تقوليلي ؟

انتي ازاي بتقولي الكلام دا كلامك مريييح جدآ والله

انا اتعودت امشي كل حياتي بالورقة والقلم كل حاجة متدايقة منها بكتبها وبحس اني بكتب لحد تاني فببدأ أفكر في حلول وكدا والاقي نفسي في الاخر عرفت أخرج ازاي من المآزق والمشكلات دي

بس بجد الخطوات اللي قلتيها دي مثالية اوي وسهلة جدآ كمان وميرسي بجد لانك دعمتيني بالأدعية دي بجد متشكرين اوي ياميرا

والله انتي كل موضوع بتنزليه بتزيد مكانتك عندي لان بحس كل مواضيعك من ألبك وربنا يريح بال الجميع

خالد أبوسعده
02-16-2009, 07:03 PM
الله عليكى يا ميرا
بجد انا مش عارف اقولك ايه
متعرفيش انتى شلتى من عليا اد ايه بكلامك دا
ربنا يرمك و يوفقك فى حياتك
و ميحرمناش منك ابدا يا ميرا
شكرا ليكى اوووووووووى

Wild_Angel
02-16-2009, 07:04 PM
موضوع يستحق كل التقدير والشكر
جزاك الله خيرا
بالفعل موضوع غايه فى التميز
ربنا يتقبل اعمالنا بأذن الله

ميرا مار
02-16-2009, 07:33 PM
موضوع متميز جدا ياميرا

جزاكى الله خير والف شكرا ليكى


جزانا واياكم
باشكرك يا عصام جدا..
وانا مبسوطة قوى على فكرة لوجودك معانا

ميرا مار
02-16-2009, 07:35 PM
ياااااااااااااه ايه دا ياميرا ممكن تقوليلي ؟

انتي ازاي بتقولي الكلام دا كلامك مريييح جدآ والله
والله انتي كل موضوع بتنزليه بتزيد مكانتك عندي لان بحس كل مواضيعك من ألبك وربنا يريح بال الجميع


عندك حق والله يا ميمى
انا فعلا كاتبة الكلام دا من قلبى
لانى كنت عايزة اقوله لنفسى وافكر نفسى بكل خطوة
فحبيت اشارككم بيه والحمد لله انه عجبك
ويارب يتقبل دعوتك الجميلة اللى ف الاخر دى

Marwa Mahmoud
02-16-2009, 07:36 PM
ياااااااااااااااااااااااااااااه يا ميرا
بجد أنتى أنسانة جميلة
بتجيبى اللى الواحد فعلا محتاجلة
كلامك فعلا جميل وموضوعك متميز جداااااااااااااااا
ربنا يخليكى ويجازيكى عنا كل غير
وتسلم أيدك يا قمر

ميرا مار
02-16-2009, 07:38 PM
الله عليكى يا ميرا
بجد انا مش عارف اقولك ايه
متعرفيش انتى شلتى من عليا اد ايه بكلامك دا
ربنا يرمك و يوفقك فى حياتك
و ميحرمناش منك ابدا يا ميرا
شكرا ليكى اوووووووووى


العفو قوىىىىىىىىىى
ههههههههه وميحرمنيش انا من تعليقاتك الجميلة دى يا خالد
واتمنى بجد انى اكون شيلت فعلا حمل بسيط من عليك
اتمنى

mo_medya
02-16-2009, 07:42 PM
موضوع متميز يا ميرا
يا رب المشكلة اللى عندك تتحل
أصل بصراحة الكلام معبر جدا
يعنى حالة معايشة
شنكووووووووووورة

farida
02-16-2009, 07:42 PM
يااااااااااااااااااااا يا ميرا كنت ناوية اعمل التوبيك ده

بس احنا الاتنين واحد

بجد رائع و جزاكي الله كل خير

ميرا مار
02-16-2009, 07:43 PM
موضوع يستحق كل التقدير والشكر
جزاك الله خيرا
بالفعل موضوع غايه فى التميز
ربنا يتقبل اعمالنا بأذن الله


اللهم امين ..
وجزانا واياكم يا انجيل
باشكرك جدا حبيبتى لمشاركتك الجميلة اللى باستناها
عشان الم حبة دعوات حلوة
ههههههههه لا بجد شكرااااااااااا

olivia nader
02-16-2009, 07:46 PM
ماتتخيليش يا ميرا مجرد قرايه
الطرق نفسها ريحني اويييييييييي
و حاسه اني لو جربتها فعلا حرتاح جدا
اكيد ان شاء الله حعمل كده
انا كمان زي جودي لما ببقي مدايقه بكتيب اللي مزعلني في ورقه
و اقراه و بعد كده اقطعها بحس اني برتاح بعدها
و الاسلوب ده اسمه ( استبطان ) طبعا ده في علم النفس
بس اكيد لو جمعت الحاجات دي كلها مع بعض
حرتاح اكتر و حقدر افكر احسن
شكرا ليكي اويييييييييييييييييييييييييييييييييييييييي
:):):):):):):):)

essam abd elftah
02-16-2009, 07:49 PM
جزانا واياكم
باشكرك يا عصام جدا..
وانا مبسوطة قوى على فكرة لوجودك معانا


وانا مبسوط اكتر والله

شكرا ليكى

kiky younes
02-16-2009, 07:53 PM
الله ينور عليكى
انا كنت بعمل كل الخطوات ديه بس بطريقة طلقائية
علشان برتاح جدا وانا بعملها جربوها كلكم

emu
02-16-2009, 07:53 PM
بجد بحييكي ياميرا علي التوبيك الرائع ده
الله ينور عليكي ياقمر
وموضوعك بجد مش كلام دي حقيقه
شكرا ليكي،،،

wisam
02-16-2009, 07:55 PM
بجد موضوع فوق الممتاز يا ميرا
تسلم ايدك والله
وده طبعا مش جديد عليكى
شكر ليكى يا ميرا
وفعلا ده الصح فى حل المشاكل

mony
02-16-2009, 07:56 PM
موضوع ممتاز يا ميرا

بارك الله فيك

و أحيكى على هذا الموضوع الجميل

ميرا مار
02-16-2009, 07:59 PM
ياااااااااااااااااااااااااااااه يا ميرا
بجد أنتى أنسانة جميلة
بتجيبى اللى الواحد فعلا محتاجلة
كلامك فعلا جميل وموضوعك متميز جداااااااااااااااا
ربنا يخليكى ويجازيكى عنا كل غير
وتسلم أيدك يا قمر


يارب يا مرمر اكون فعلا عملت موضوع مفيد
وربنا يكرمك على كلامك الجميل
وجزانا واياكم كل الخير ..اللهم امين

ميرا مار
02-16-2009, 08:03 PM
يااااااااااااااااااااا يا ميرا كنت ناوية اعمل التوبيك ده

بس احنا الاتنين واحد

بجد رائع و جزاكي الله كل خير


هههههههههههه
ازاى بقى ؟؟؟:confused::confused:
انا مش ناقلاه من اى مكان..دا كله كلامى..
عشان كدا :rolleyes:
اكيد انتى عندك كلام مختلف ياريت تشاركينا بيه لو شايفه انه يضيف للموضوع
المهم الفايدة تعم
:):):):)

وجزانا واياكم يا فيرى

ميرا مار
02-16-2009, 08:06 PM
موضوع متميز يا ميرا
يا رب المشكلة اللى عندك تتحل
أصل بصراحة الكلام معبر جدا
يعنى حالة معايشة
شنكووووووووووورة


ههههههه خطأ املائى مقصود؟؟:confused::confused::confused:
هههههه قصدك مشكورة؟؟:p

شكرا موميديا دعوتك جملة قوى واتمنى ربنا يتقبل منك
ويارب مايسبش حد متضايق او زعلان
وشكرررررررررررررررا الك كتييييييييير

mo_medya
02-16-2009, 08:10 PM
ههههههه خطأ املائى مقصود؟؟:confused::confused::confused:
هههههه قصدك مشكورة؟؟:p

شكرا موميديا دعوتك جملة قوى واتمنى ربنا يتقبل منك
ويارب مايسبش حد متضايق او زعلان
وشكرررررررررررررررا الك كتييييييييير



موضوع جميل فعلا
ومن الاجمل أن يجد الانسان ما يفرغ طاقته فيه
من الجميل أن يكتب الانسان
ولكن من الاجمل أن يعبر عما بداخله
ومن الاجمل أن يصل شعوره للآخرين
شنكوووووووووووووووووورة

AYMAN GAMAL
02-16-2009, 08:10 PM
تسلم ايديك يا مها

بجد انا مرتاح دلوقتي خصوصا ان كان فيه موضوع بيدايق فيا بقاله كام يوم ,لا تقدري تقولي كام اسبوع

ربنا يارب يفرحك و يكتبلك عنده العفو و العافيه في دنيتك واخرتك

الواحد لما يبقى خلاص مش قادر يكتم اللي جواه بيحس بطعم كلامك

شكرا ليكي جدا و الموضوع تقديره عند ربنا مش عندي ربنا يوفقك يارب

ميرا مار
02-16-2009, 08:28 PM
ربنا يكرمك يا ايمن
شكرا على كلامك الجميل دا
واتمنى ان الى مضايقك يزول وتلاقى حل للى انت فيه
وجزاك الله خيرا على دعوتك الجميلة

Künstler
02-16-2009, 09:01 PM
ما شاء الله عليكي يا مها كلامك جميل و بعيد عن الفلسفة و الكلام المش مجزي بارك الله فيكي ويجعله في ميزان حسناتك

The[H]KinG
02-16-2009, 09:09 PM
موضوع جميل يا ميرا
وشكرا على النصائح الغالية

Ahmed Mohamed
02-16-2009, 09:35 PM
انا مش عارف اقول ايه يا ميرا بجد بجد يعني وربنا العالم علي اللي جوايا دلوقتي بعد ما قريت الموضوع
كنت داخل قرفان ومخنوق بس الحمد لله بعد ما قريته اهو يعني

بجد لازم الواحد يحاول مع نفسه في ايجاد حلول لمشكلاته والحاجات اللي متضايق منها
بطرق جميلة وسهلة زي اللي انتي قايلاها دي
وربنا يكرمك يارب ويوفقك في حياتك ويسهلك طريقك ويجعلك في الجنة مع الشهداء يا رب
ويغفر لكي ويمنحكي حياة سعيدة ان شاء الله

لانك بجد تستاهلي كتير يا ميرا

وشكرا ليكي علي الموضوع الجميل ده

vote

ميرا مار
02-20-2009, 04:28 PM
اللهم امين ولك مثله يا احمد
ايه الدعوات الحلوة دى؟؟!!

وعموما ربنا يجعل الموضوع سبب فى راحتك
ولان الانسان متغير
مافيش حاجة بتفضل على حالها
وبعد الضيق فرج
وبعد الحزن فرح
باذن الله
وشكرا لك كتيييييييير يا احمد

ميرا مار
02-20-2009, 04:29 PM
شكرا يا شيماء
شكرا يا حسام

جزاكم الله خيرا واصلح بالكم ..

Night Moon
02-20-2009, 05:42 PM
جزاكي الله كل خير ياميرا وموضوعك حلو بجد

Marwa Magdy
02-22-2009, 12:17 AM
موضوع جميل اوى يا ميرا
وبالنسبة لأختيار القرار
دايما القرار الصعب هو الحل لمشاكل كتير اوى
بس بصراحة كده
بعدها بنرتاح اوى

Zooma
02-25-2009, 01:41 AM
انتى عارفه يا ميرا انا عايز اعمل ايه ؟؟؟؟!!!!!

ارفع القبعه ليكى تقديرا واحتراما للموضوع ده
بجد موضوع هايل جدا جدا وهجرب الطرق دى
وهبقى اقولك على النتيجه

ميرا مار
02-25-2009, 03:14 PM
انتى عارفه يا ميرا انا عايز اعمل ايه ؟؟؟؟!!!!!

ارفع القبعه ليكى تقديرا واحتراما للموضوع ده
بجد موضوع هايل جدا جدا وهجرب الطرق دى
وهبقى اقولك على النتيجه


هههههههه:):):)

ياااااااااه على جايزتى..جميلة جدا
كلامك فعلا يا زوما اسعدنى فوق ماتتخيل
واتمنى بجد تجربها وربنا يكرمك وتوصل لقرار
ناجح فى اى حاجة تحيرك
ومنتظرة النتيجة

ميرا مار
02-25-2009, 03:15 PM
جزاكي الله كل خير ياميرا وموضوعك حلو بجد


جزانا واياكم يا حبيبتى..وشكرا لمرورك

ميرا مار
02-25-2009, 03:17 PM
موضوع جميل اوى يا ميرا
وبالنسبة لأختيار القرار
دايما القرار الصعب هو الحل لمشاكل كتير اوى
بس بصراحة كده
بعدها بنرتاح اوى



عندك حق يا ميرو
دى اصعب محطة بنقف عندها
ربنا يساعدنا ايما ناخد القرار الصعب الصح
ويساعدنا اكتر على تنفيذة اللهم امين
باشكرك ميرو

Ahmed Mohamed
02-26-2009, 03:29 AM
اللهم امين ولك مثله يا احمد
ايه الدعوات الحلوة دى؟؟!!

وعموما ربنا يجعل الموضوع سبب فى راحتك
ولان الانسان متغير
مافيش حاجة بتفضل على حالها
وبعد الضيق فرج
وبعد الحزن فرح
باذن الله
وشكرا لك كتيييييييير يا احمد


العفو عليه ايه بس
ده انا حاسس ان الدعوات دي قليلة عليكي
وهي كده فعلا
انا لوفضلت ادعيلك من النهاردة لغاية مالانهاية مش حقدر
اعبر عن اعجابي بمواضيعك اللي عالطول واقفة بيها جنبنا
وربنا يجعلك في كل خطوة سلامة ان شاء الله

ميرا مار
02-27-2009, 09:27 PM
جزاك الله خيرا يا احمد

ميرا مار
02-28-2009, 03:21 PM
باشكركم وباشكر جدددددددددددا من قيم الموضوع..
دى حاجة بتسعدنى جدا جدا

اسامه البنا
02-28-2009, 10:06 PM
ميرا مش عارف الاقي كلام اقولك بيه ان الموضوع ممتع اد ايه؟

وكمان واقعي وجميييييييييييييييل اوي

جزالك الله كل خير يا ميرا

ميرا مار
03-01-2009, 11:54 PM
جزانا واياكم يا اسامة
انا بقى مش عارفة اقولك مشاركتك اسعدتنى قد ايه
الحمد لله ان الموضوع عجبك

roma
03-21-2009, 02:26 AM
موضوعك حلو قووى
وانا ان شاء الله هجرب الطريقه دى
بارك الله لكى

sandra_sa
03-24-2009, 01:48 PM
الموضوع بجد مفيد اوى والكلام فعلا بجد من دون مجمالة جمد اوى مرسى ليكى اوى

ريما
03-24-2009, 01:55 PM
ايه موضوعه عك ده يعنى مييفعش

ميرا مار
03-24-2009, 03:29 PM
ايه موضوعه عك ده يعنى مييفعش


ايه؟؟

عموما نورتى يا ريما فينك من زمان؟؟

ميرا مار
03-24-2009, 03:32 PM
موضوعك حلو قووى
وانا ان شاء الله هجرب الطريقه دى
بارك الله لكى


ميرسى يا روما ،، ساندرا

شكرا حبيبتى على مشاركتك الحلوة

توتة
03-28-2009, 07:48 PM
بجد يا ميرا رائع موضوعك وجامد اخر حاجة جزاكى الله كل خير

alaa eid
03-28-2009, 08:02 PM
جميل جددااااااااااااااااااااااااا يا ميرا والله بجد الموضوع رائع
تسلمي يا قمر

البحيرى
03-29-2009, 11:52 PM
[SIZE="7"]شكرا على الموضوع الجامد دة[/SIZE




\http://www11.0zz0.com/2009/03/29/21/429907255.jpg

البحيرى
03-29-2009, 11:53 PM
http://www11.0zz0.com/2009/03/29/21/429907255.jpg

ميرا مار
04-14-2009, 04:42 AM
جزاكم الله خيرا
وباشكركم للمرور والتعليق الجميل

توتة

لولو

البحيرى

محمد الفرارجي
05-30-2009, 01:44 AM
حلو يا ميرامار

بس الدش الدافي ده؟


هههههههههههههههههههه

لازم يعني؟


طب والتأنق

دا اغلب المشاكل من قلة الفلوس
طب هيتأنق إزااااااااااااااااااااي



ميرامار انا بأهزر

وما ليش دعوه بقى خدوا على طريقة هزاري


موضوع جميل

مفيش شك
ما اقدرش اقول
حاجه عنه

Mohamed Hashem
05-30-2009, 02:08 AM
انا دخلت متأخر جدا ... الموضوع قديم .. بس أجبرنى على الرد
ممتاز يا ميرامار من هنا لبعد بكره
ممتاز ممكن اقولها لحد من ارجع من السعودية ... بجد انتى كاتبه الموضوع ده ؟ ههههه
لا بجد انتى سابقة سنك ... والموضوع عجبنى جدا
دا كلام ناس كبيرة قوى .. وإسالينى أنا
عموما الله ينور وكان الله فى عون العبد مادام العبد فى عون أخيه جزاكى الله خيرا
الا انتى عندك كام سنة ؟؟؟ سؤال غبى قوى ما يتسألش ...

ميرا مار
06-05-2009, 04:07 PM
انا دخلت متأخر جدا ... الموضوع قديم .. بس أجبرنى على الرد
ممتاز يا ميرامار من هنا لبعد بكره
ممتاز ممكن اقولها لحد من ارجع من السعودية ... بجد انتى كاتبه الموضوع ده ؟ ههههه
لا بجد انتى سابقة سنك ... والموضوع عجبنى جدا
دا كلام ناس كبيرة قوى .. وإسالينى أنا
عموما الله ينور وكان الله فى عون العبد مادام العبد فى عون أخيه جزاكى الله خيرا
الا انتى عندك كام سنة ؟؟؟ سؤال غبى قوى ما يتسألش ...





ههههههههههههههههههههههههههههههههه
ههههههههههههههههههههههههههههههههههههههه

لا يا بشمهندس كلنا اخوات هنا..
اسلوب حضرتك جميل جدا فى الكلام ربنا يكرمك

والله سعيدة بسؤال انى كاتبة الموضوع
انا فعلا والله بفضل من الله كاتبة الموضوع
فالحمد لله انه عجبك
يبقى الموضوع جميل فعلا..دا شرف كبير ليا يا بشمهندس هاشم
واتمنى لا اكثر انه يساعد حد فى حل مشكلة..

ميرا مار
06-05-2009, 04:10 PM
حلو يا ميرامار

بس الدش الدافي ده؟


هههههههههههههههههههه

لازم يعني؟


طب والتأنق

دا اغلب المشاكل من قلة الفلوس
طب هيتأنق إزااااااااااااااااااااي



ميرامار انا بأهزر

وما ليش دعوه بقى خدوا على طريقة هزاري


موضوع جميل

مفيش شك
ما اقدرش اقول
حاجه عنه



طب قلة الفلوس مالها ومال التانق

تعرف ان قمة الشياكة ان هدومك تكون نظيفة ومكوية
حتى لو كانت رخيصة وقديمة..
اللى ماعندوش مكوة بقى ((وماعتقدش)) يحط هدومه تحت المرتبة:D:D:D

ها اظن كدا مافيش مشاكل:p

ميرسى لمشاركتك جداااااااااااااااااا

ميرا مار
06-14-2009, 09:32 PM
نورت يا بشمهندس والله..بصراحتك المعهودة

TiToO
06-14-2009, 09:46 PM
GaMeeeeeeeeeeeeeeeeeeeeeL

sweet girl
06-14-2009, 11:28 PM
ياااااااااااااااااااااه يا ميرا لو تعرفى انا قد ايه زعلانه لانى دخلت الموضوع ده متاخر اوى بس بجد الكلام فوق الرائع تسلمى عليه يا حبيبتى وانا طبعا لازم اجرب واعمل بيه بس ياريت انه يجيب نتيجه لان والله يا ميرا الواحد زهق ومبقاش قادر من كتر المشاكل.............. معلش انى طولت عليكى بس بجد الله ينووووووووور عليكى

magdysa3ed
06-15-2009, 01:32 PM
موضوع جميل اوى
وبجد شكر عليه

هدى على
06-16-2009, 04:33 PM
موضوعك حلو ياميراما ربنا يكرمك

ميرا مار
06-22-2009, 12:48 PM
ميرسى يا هدى
مجدى
سويت جيرل
تيتو

ردودكم ومشاركاتكم اسعدتنى جدا

toleban
06-26-2009, 01:38 AM
بجد موضوع جميل جدا يا ميرا


وعن تجربه فعلا دى طريقة ميسرة للوصول للحل الصح

S2AH
07-12-2009, 07:59 PM
الموضوع اكتر من رائع يا ميرا
اللهم فرج كرب كل مسلم امين يا يارب
بس تفتكرى لو اخترنا طريق صعب هنقدر نمشى فية ؟

spring sun
07-15-2009, 10:51 AM
موضوع متميز فعلا يا ميرا

وعارفه احلي حاجه ايه

انك ما قولتيش اعتمد علي نفسك

لا قولتي اعتمد علي الله وادعي ربك يهديك

وبعدين فكر وبعدين استخير

انا بجد عجبني اوييييييييييييييي الموضوع ده

جزاكي الله كل خير يا ميرا

ووفقك لما يحبه ويرضاه

M A I - S K Y:::
07-16-2009, 06:14 AM
جزاكى الله كل خير على الموضوع المفييييد ده..شكرا اوى يا ميرا.

ميرا مار
07-16-2009, 12:20 PM
جزانا واياكم mai نورتى الموضوع

ميرا مار
07-16-2009, 12:22 PM
موضوع متميز فعلا يا ميرا

وعارفه احلي حاجه ايه

انك ما قولتيش اعتمد علي نفسك

لا قولتي اعتمد علي الله وادعي ربك يهديك

وبعدين فكر وبعدين استخير

انا بجد عجبني اوييييييييييييييي الموضوع ده

جزاكي الله كل خير يا ميرا

ووفقك لما يحبه ويرضاه



اللهم اامين

وانا قلت يا رورا

احنا محظوظين جدا جدا لاننا مؤمنين بالله

دا هو كنزنا الحقيقى

شكرا حبيبتى

ميرا مار
07-16-2009, 12:25 PM
الموضوع اكتر من رائع يا ميرا
اللهم فرج كرب كل مسلم امين يا يارب
بس تفتكرى لو اخترنا طريق صعب هنقدر نمشى فية ؟


اللهم امين

وطبعا يا سارة .. اسهل مما تتخيلى

بس لو هو الصح وربنا هدانا له

مهما كان صعب هيبقى على قلبك زى العسل

لانه فى قرارة قلبك هتكونى حاسة انك ماشية فى الطريق الصح

ودى اهم حاجة..بعدها كل شئ سهل

وبعدين احنا كمؤمنين معرضين دائما لاختبارات ربنا

عشان كدا مش لازم الحقيقة دى تغيب عنا

باشكرك لسؤالك يا سارة بجد حبيبتى

ميرا مار
07-16-2009, 12:26 PM
بجد موضوع جميل جدا يا ميرا


وعن تجربه فعلا دى طريقة ميسرة للوصول للحل الصح



انتى اجمل توليبان

ومبسوطة جدا بمشاركتك

GehaD .R.M
07-16-2009, 07:33 PM
جزاكى الله خيرا
وفعلا نصائح قيمه
جعلها اللهفى ميزان حسناتك

حكايه حب
07-29-2009, 04:55 AM
شكرا جزيلا على الموضوع الجميل ده وربا يكرمك تن شاء الله

ميرا مار
08-08-2009, 10:38 PM
جهاد

حكاية حب

جزاكما الله خيرا جزيلا

باشكركم جدا لمشاركتكم بالموضوع

سيرفيورا
08-31-2009, 10:25 PM
بجد موضوع هايل ربنا يجازيكى خير

raul
08-31-2009, 10:55 PM
بس معلش عندى نقد متواضع يارب متضايقيشمن النقد ده
مافيش حاجة اسمها خلى الباقى على ربنا لان كل حاجة على ربنا
وعلى فكرة النقد ده اكبر دليل على ان الموضوع رائع
برافوا يا ميرا مار

spider girl
09-05-2009, 01:27 AM
ربنا يكرمك يا ميرا

انا اسف والله انى ماقريتوش من الاول

بس بجد ربنا يكرمك ويجازيكى على كل حرف منه

ياسرالحزين
09-10-2009, 02:32 PM
بجد موضوع هايل وأعتقد ان اللي هيجربه هيلاقي نتيجة مميزه ربنا يباركلك عليه

ALY ELSAYED
09-13-2009, 05:23 AM
الله يا ميرا

بس مهما قولت عمري محقدر اوفي

لميرا الطيبه و الاحساس

الموضوع جميل جدا يا ميرا

جزاكي الله كل خير

هاجر
09-13-2009, 05:48 AM
الموضوع اكتر من رااائع واجمل ما فيه الادعية بجد بشكرك ربنا يكرمك ع الموضوع الجميل دة

KAREEM
10-16-2009, 02:08 PM
موضوع أكثر من رائع
بجد مفتقدينك
بس مواضيعك
وبصماتك فى المنتدى
لسه موجودة وبتقول
انك اكيد راجعة
جزاكى الله خير

Mohamed Hashem
10-17-2009, 03:20 AM
موضوع أكثر من رائع


بجد مفتقدينك
بس مواضيعك
وبصماتك فى المنتدى
لسه موجودة وبتقول
انك اكيد راجعة

جزاكى الله خير


ههههههههههههههههههههههههه
سبحان الله
انا يا كريم قريت الموضوع من زمان
كنت داخل بس اقول لها وحشتينا
لقيتك انت كمان ..
ياريتها ترجع تنورنا تانى

GooD_DrSh
10-20-2009, 04:44 AM
ربنا يكرمك ويسعدك زى مانتى بتحاولى تسعدى الناس وتشيل عنهم همهم
واكيد انتى عرفتى اد ايه التوبييك جمييل اووى من كلام الاعضاء ال قالوه
ميرسى ليكى بجد

ThanX

M.Tarek Hatem
10-28-2009, 03:42 PM
كلام جامد بجد .....................

وهنجرب يا باشا المعلومات دى فعلا مفيدة وعملية

شكرا على المجهود

تغاريد العصافير
11-30-2009, 09:35 PM
موضوع غاية الجمال بجد مش عارفة قد ايه كلامك زال من قلبي الحزن وبعث فيا التفاؤل سدد الله خطاك ووفقك الله لما يحبه ويرضاه جزاكي الله خيرا .,موضوع متميز فعلا احبك في الله يا ميرا

AYMAN GAMAL
01-17-2010, 11:21 AM
http://www.sky-bramj.com/upload/uploads/images/1-30e80f5ec2.gif

mohamed ali
02-25-2010, 03:19 PM
موضوع جميل جدا ومتميز

صفاء احمد
03-15-2010, 12:05 PM
جزاكم الله كل خير

Ahmed Waheed Shalaby
03-15-2010, 01:02 PM
روعــــــــــــــــــــــــــــــــــة

جزاكى الله كل خير

m.alghrbawy
07-21-2010, 05:01 PM
ايه الكلام الجامد ده
موضوع رائع وباذن الله هعمل بيه اكيد