المساعد الشخصي الرقمي

مشاهدة النسخة كاملة : شوار العروسه



spring sun
02-16-2009, 08:31 PM
-طقم حلل استانلس ستيل
-طقم حلل صاج (انتبهوا طقم الصاج يكون ثقيل الوزن لان الخفيف يحرق الاطعمة)
-1 او 2 وعاء (حلّة ) تيفال لطهى الارز و ذلك بمقاسين مقاس صغير للاستخدام اليومى ومقاس اكبر للولائم
-طقم صاج خفيف ذو اغطية بلاستيكية لحفظ الاطعمة بالثلاجة ( 3 او 5 قطع) -
- لبّانة
-كنك استانلس + حامل للكنك ( يكفى 3 احجام مختلفة)
- طقم توابل
-حامل كنكه
- طقم طاسات تيفال ( 3 احجام مختلفة )
-براد (استانلس او زنك ) او ممكن غلاية بالكهرباء افضل مع مراعاة ان يكون السخّان غير ظاهر داخلها فذلك افضل للصحة .
- 3صينية تيفال دائرية الشكل و متدرجة الحجم & 2 صينية مستطيلى الشكل.
-طقم صوانى بيركس عند الاحاجة
-طاسة عميقة للقلى
-طقم صيني للولائم
-طقم صيني او اركوبال للاستعمال الدورى
-منخل سلك
-مضرب بيض يدوي (للبشاميل والكريم كراميل) و ممكن لمن تستطيع شراء جهاز متكامل ( Kitchen Machine )
- طقم الماء (6 كوب )
-6مجات للشاي & طقم شاى للضيوف فى حالة عدم توافره بطقم الصينى .
- 12 كاس للعصير نفس الشكل او ( 6+6)
-طقم خشاف
-اطباق للجلي والأرز باللبن
-(2) دورق او اكثر للماء يستعمل احدهما على السفرة و يحبذ ان يكون زجاج و االخر للمطبخ و ممكن ان يكون بلاستيك.
-طقم كوبيات 6 للنيش
-طقم خشاف (للنيش)
-اطباق للحلويات فى حالة عدم توافرها داخل طقم الصينى
- عدد (2) سكرية واحدة للاستعمال الشخصى و واحدة للضيوف .
-برطمانات للدقيق و السكر و البن ...الخ
-طبق فاكهة
-طبق لوضع التورتة و الكنافة
- ملاحتين واحدة للاستعمال اليومى و واحدة للضيوف فى حالة عدم توافرها بالطقم الاصلى
- طقم القهوة ( 6 فناجين ) فى حالة عدم توافره بالطقم الاصلى
-علب بلاستيكية لحفظ الاجبان و يكفى (5) علب بمقاسات مختلفة و يحبذ ان تكون مستطيلة الشكل
-(2) طقم توزيع لغرف الطعام واحد للاستعمال اليومى و اخر للولائم .
-مبشرة و قطّاعة بطاطس شيبسي
-قطاعه بيتزا (او سكين الجلاش) و هى تشبه فى الشكل سكين المعجون
- مصفاة استانلس كبيرة او وسط
- 2 مصفاة بلاستك بحجمين مختلفين مع مراعاة احضار واحدة ضيقة الاسلاك لاجل تصفية الارز و المكيونة ... الخ
- مسن للسكاكين
-مساكة جاتوه ( فى حالة عدم توافرها بالطقم الاصلى )
-اوعية بلاستيكية لغسيل الفاكهة والخضراوات باحجام مختلفة
- وعاء استانلس او بلاستيك يخصص للعجن
-هون ( عند الضرورة )
-حوامل لوضعها تحت الاطعمة الساخنة بمقاسات مختلفة
-كيس غساله عشان الشرابات
-لوحان تقطيع بلاستيكك واحد للخضراوات و اخر للحوم
-طقم سفرة للولائم
- طقم سفرة للاستعمال اليومى ( 6 من كل نوع ) و لا تنسى الملاعق و الشوك صغيرة الحجم للشاى و الحلويات
-صواني تقديم بلاستيك لزوم الاستعمال اليومى و صوانى لتقديم العشاء عليها
-صواني تقديم للضيوف 3 مقاسات تكفى
-مقورة
- سكاكين للاستعمال داخل المطبغ كبيرة ومشرشرة وعادية
-شواية ( عند اللزوم )
-صفايات حوض
2 ملعقة كبيرة خشب للحلل التيفال حتى لا تخدش معالق خشب كفايه 2 للحلل التيفال
- عدد (2) صينيه كيك
- كب كيك ( قوالب الكيك الصغيرة الحجم ) و صينيه للتارت و واحدة للبيتزا
-عصارة برتقال
-عصارة ليمون
- هراسه ثوم
-صفايه معالق للحوض
-مقص سمك
-طفايه سجاير
-ولاعة للموقد
-فتذاحة علب و اخرى للزجاجات
-منضدة للكى
-مشمع لدولايب المطبخ
- ادوات نظافة المطبخ و تشمل (جردل - مسّاحة - مكنسة خشنة و مكنسة ناعمة - فرشاة صغيرة مع الجاروف - فرشاة شيش ناعمة - فرشاة لغسل السجاد - و حاوية القمامة مع اكياسها - مشابك غسيل خشب و مشابك
بلاستيك للملابس الداخلية لان اسنعمال المشابك الخشب مع الاملابس الداخلية يترك باقمشتها اثرا )
-فرشاة خاصة لدهن السمن
-هراسه بطاطس
- مخرطة ملوخية
-فوط مطبخ 6 ( لتنشيف الايدى)
- لوفة و سلك الاطباق
- مريلة المطبخ مع طقم المساكات لاخراج الوانى من الفرن .
- قفاز لاستعماله عند غسل الاوانى و الاطباق .

ثانيا :قائمة المفروشات

عدد (2) مفرش للسرير ( واحد للشتاء و اخر للصيف )
عدد (6) اطقم ملائات
عدد من (2-4) اطقم ملائات سرير فقط ( و تلك تكونمثل الستان ومشغولة من جانب واحد )
طقم مفرش السرير الرئيسي الذى يتم استعماله اول ايام عقب الزفاف
عدد (1 )لحاف فايبر او قطن حسب الرغبة مع مراعاة نوع الفايبر و جودته و الا يكون مضرا بالصحة و يتم اخراجه دائما للشمس من وقت لاخر
عدد (2) كوفيرتا
عدد (1) بطانية ( يفضل تكون دبل )
طقم مفارش للتسريحة والكمود
مفارش بلاستيك لوضعها فى اسفل الدولاب

--------------

2 مفرش للسفرة واحد للولائم و الثانى للاستعمال اليومى و يفضل وضع مشمع شفاف على المفرش للحفاظ على نظافته.

--------------
2 مفرش لمناضد الصالون و غرفة المعيشة مع الاخذ فى الاعتبار المفارش الصغيرة لمناضد الاركان ( بعد شراء الاثاث لتوافق الالوان )
مفارش لرفوف المكتبة ( ان وجدت )

--------------
طقم مفروشات الحمام ( المشّايات )
2 قطعه للتواليت
قطعه امام الحوض
ستارة البانيو والشباك
حاوية العسيل و يجب ان تكون مفرغة يتخللها الهواء
حاوية قمامة صغيرة للحمام
صّبانة وعلبة لفرش الاسنان والمعجون .


و فى النهاية نتمنى لكى ان تجدى افادة من الموضوع و تمنياتنا بحياة سعيدة للجميع
يارب الكل يستفيدوا بخصوص العرايس الحلوين وكمان الي مش عرايس يستفيدوا لما يكونوا عرايس

Marwa Mahmoud
02-16-2009, 09:49 PM
شكرا ليكى يا أميرة
موضوع جميل جدااااااااااااااااااااا
تسلمى يا قمر

A.H.D
02-17-2009, 06:51 PM
شكرا ليكى ياميرا موضوع جميل جدا ربنا يخليكى يارب

snow white
02-17-2009, 07:39 PM
ايه يا قمر الابداع ده

بجد جاااااااااااااااااااااااااااااااااامد وتحفة ونصايح غالية

بجد عامله مجهود جبار ربنا يقويكي وعقبال ما نجهزك

يارب ما تخافيش مش حننسى حاجة حنجيب الموضوع ده ونفتكر

spring sun
02-18-2009, 07:23 PM
ههههههههههههههههههههههههههههه

ماشي يا سميره انا موافقه بس بشرط


(يكون علي حسابك انتي الجهاز كله)

هههههههههههههههههههههه

الورده البيضاء
06-13-2009, 03:18 PM
ههههههههههههههههههههههههههههههه
ادة كلة
هو احنا هنجيب كل دة؟
لالالالالالالالالالالالالالالالالالا
مش لاعبة
هههههههههههههه
تسلم ايدك ياقمر موضوع متميز

alaa eid
06-13-2009, 03:32 PM
موضوع بجد جميييييييييييييييييييييييييييييل جدا جدا
تسلم ايدك يا عسل
الله ينور عليكي

محمد الفرارجي
06-13-2009, 11:22 PM
نعم
هنهرج

نعم

ايه؟

فين الشوار


والله ناقص حاجات كتير جدااااااااااا


والله العظيم بأتكلم بجد


فين النجف
فين الستاير
فين أصلا الأجهزة الكهربائية
فين المطبخ الخشب اللي هيتقفل

فين؟
فين
وفين
وفين؟

لسه بدري قوي


انتوا بالشكل ده هتضحكوا عالراجل
هههههههههههههههههههههههههههههههه


عموما يا ستي ربنا يهنيكوا ويتمم بخير

شوار بقى ما شوارشي

ربنا يتمم بخير

ميرا مار
06-14-2009, 10:03 PM
ايه يا مرمورتى الموضوعات المبتكرة دى

الله ينور يا مواااااااااااااااااااااااه

spring sun
07-10-2009, 09:50 AM
ههههههههههههههههههههههههههههههه
ادة كلة
هو احنا هنجيب كل دة؟
لالالالالالالالالالالالالالالالالالا
مش لاعبة
هههههههههههههه
تسلم ايدك ياقمر موضوع متميز

مرسي يا قمر علي مرورك

spring sun
07-10-2009, 09:51 AM
موضوع بجد جميييييييييييييييييييييييييييييل جدا جدا
تسلم ايدك يا عسل
الله ينور عليكي


انتي اللي اجمل يا قمر

شكرا علي مرورك

spring sun
07-10-2009, 09:54 AM
ايه يا مرمورتى الموضوعات المبتكرة دى

الله ينور يا مواااااااااااااااااااااااه

وعليكي يا ميرا يا عسل انتي مواااااااااااااااااااه

Wild_Angel
07-10-2009, 01:59 PM
موضوع جميـــــــــــــــــل يا أميره لا بجد بشرى خير
بس على فكره طقم الصينى على العريس والاجهزه الكهربائيه كماااااااااان
العروسه عليها الرفايع ........قصدى التقايل
اللى انتى قولتى عليها فى الموضوع

يااااااارب تسعد البنات والشباب جميععا

spring sun
07-13-2009, 10:03 PM
ربنا يكرمك يا وايلد

وشكرا علي مرورك

S2AH
07-15-2009, 02:00 PM
اية دة كل دة على العروسة حرام كدة
هو اللى عايز يتجوز ما يجيب هو كل حاجة مش هو بيتة ولا اية
هههههههههههههههههة
الموضوع جميل تسلم يدك

شهاب بودا
07-15-2009, 06:07 PM
اها احنا واضح كده ان احنا هنفلس
ههههههههههههههه موضوع متميز

ALY ELSAYED
09-18-2009, 07:38 AM
الله ينور يا اميره

بس كلنا بنسمع الكلام ده من العروسه حتجيب وحتجيب

وفي الاخر نلاقيها جايبه حلتين وكروانه

وترابيزه بلاستك

والعريس يعيني يلاقي الفرح خلاص فضله يومين

ميقدرش يكلم

موضوع عسل جدا

جزاكي الله كل خير

Heba Bebo
09-18-2009, 03:05 PM
ده شوار العروسة

هههههههههههه

يلاهوييييييييييييي

امال لو بايرة

يادي النيلة اللي بقينا فيها

وهو يجيب ايه

قلة و خددية

هي معلومات حلوة اوي

بس لازم ننصب علي حد او نحجر علي اهالينا علشان نجيب الحاجات دي

وساطور علشان لو العريس مش عجبه الحاجات دي

نخلص ونبيع في اكياس

:11rob::11rob::11rob::11rob::11rob:

ساره مجدى
09-20-2009, 02:59 PM
بجد ربنا يكرمك
لأنك ذكرتى حجات كنت ناسياها خالص
ومستحيل كنت حفتكرها
انا بجد بشكرك جداااااااااااااااااااااااااااااااا


-

مى رسمى
09-20-2009, 03:03 PM
ههههههههههههههههههههههههههه
بجد حلو اوى
انا لما هاجى اشترى هاطبع الموضوع فى ورقه
وابدا اشترى بقى
بس فين اهم حاجه

مضرب النسكافيه

ايات يوسف
09-22-2009, 08:59 PM
يااااااااااااااااااسلام بجد شكرا الموضوع في وقته بالنسبالي انا عملت للموضوع copy عندي وهقارن واشوف الي ناقص شكرااااااااا
ليكي