المساعد الشخصي الرقمي

مشاهدة النسخة كاملة : ميييييييييين فى الدنيا دى مين محلمش فيوم لو ترجع بيه ايام زماااااااااااااااااااااان



shimo
09-24-2008, 07:33 PM
بيخدنا حنين ويجبنا حنين ايام بتعدى وكل يوم بنشوف كتير ... بتغيب اوقات عن بالنا حجات وحجات فقلوبنا بنفتكرها بكل خير
ناااااااااااس بنقابل ناس ونفارق ناااااااس ... ومش قادرين ننسى اللى كان
ميييييييييين فى الدنيا دى مين محلمش فيوم لو ترجع بيه ايام زماااااااااااااااااااااان :)
على زكرى سعات فحياتنا زمان عايشين نتمى يوم من العمر اللى فات ونعيش مع ناس كانو اغلى الناس وياريت لو ترجع
بينا اجمل ذكريااااااااااااااااااااااااااات
اغنيه وقفت عندها كتير وحبتها اكتر قلت ليه لاء مستغلهاش وفعلا ارجع بالذكريات لايام زمان
انا بقئ عايزة ذكرياتكم بس مش من زمان اوى يعنى ممكن كدا من ايام الطفوله

اهو انا مراعيا ظروف بقئ الزهايمر وكدا :p
مين مننا لما بيسمع اغنيه من اغانى زمان بتاعت الاطفال دى مش بيرجع لطفولته ويقول الله كانت ايام يارتها ترجع تانى
طيب بصوا انا هفكركم بالاغانى دى
فاكرين ابريق الشاى انا انا انا ابريق الشاى
ولا كان فى واد اسمه الشاطر عمرو وكمان كان فى جدو بشنبات
انا عندى بغبغان غلباوى بنص لسان

سكر مرشوش فى طبق منقوش العبوا مع بعض متتخنقوش

كان فى فراشه صغيرة ...لابسه جونله مخططه

هم النم ياروحى يلا جيبالك مم كل واتغذى ياروحى يلا هم النم

حبيبه بابا رشا امورة بابا رشا

اجمل من فى الحفله دى دبدوبه التخينه ... اللى لابسه فستان وى فستان وجيبونه
يلا حالا بالا بالا حيو ابو الفصاد .... هيكون عيد ميلاده الليله اسعد الاعياد فليحيا ابو الفصاد هيه
حصلتى ليها كرش بحط فيها القرش وقرش على قرش

من كام سنه وانا ميال ميال عمورتى مع بليه .... ياترى فاكرين بليه ؟؟؟
وغيرو وغيرو يااااااااااه انا عن نفسى هموت وارجع تانى لزمان واشوف توم اند جيرى القديم وميكى ماوس وعم دهب وماوكلى والقط فيليكس و دولفى والفواكه وبطوطه يااااااااااااااااااااه وحشتنى اوى انا
انا عارفه انى طولت عليكم بس يارب اكون رجعتكم فعلا لايامكم الحلوة

واللى عيزاه منكم كل واحد وهو فى اللحظه الحلوة دى يكتب عن الاغانى اللى بيحبها وهو صغنون واللى لو سمعها دلوقتى فعلا قادرة ترجعوا بالزمن لورا حتى لو دقايق عشان يفتكر ذكرى حلوى ليه وهو طفل
واكتر المواقف اللى حصلتلوا وهو نونو او صغنتوت ومش قادر ينساها دلوقتى
مستنياكم :):)

eslam mamdouh
09-24-2008, 07:37 PM
هههههههههههههههههههههههههه


مواضيعك فعلا جميله جدا

بس انا الاغنيه اللى كنت بحبها وانا صغير

ممكن نحدش يعرفها

اسمها لبيك اسلام البطوله

مفتكرش حد يعرفها

شكرا على الموضوع الجميل ده

eslam mamdouh
09-24-2008, 07:46 PM
احيانا الواحد يحب يدفع نص عمره عشان يرجع صغير تانى


بس برضه لما الانسنا كبر ويحس بمتعه العقل والفكر الناضج وتبلور المشاعر والاحاسيس الذهبيه ويحس بمتعه الصداقه واتخاذ القرار
بيكون محتار يا ترى لو كنت صغير احسن ولا كبير


الحمد لله على كل حال

Wild_Angel
09-24-2008, 08:02 PM
والله عجبنى موضوعك خالص يا شيمو لانى كتير بفتكر الاغانى دى

اخص عليكى قلبتى المواجع كبرتى الواحد حسستيه انه عجوز;):)

معظم الاغانى اللى قلتى عليها كنت بحبها جدا والحنين للطفوله شئ جميل لكن الاجمل منه زى ما قال الزميل اسلام هو متعقة العقل والنضج واتخاذ القرار

والحمد لله ربنا بعتلى فرصتى انى اتفرج على الكرتون لان ليا قرايب كتير صغننين وبيحبوها ولو متفرجتش بيجوا يحكولى

ما اجمل ان يكون الانسان بعقل ناضج وقلب طفل

AYMAN GAMAL
09-24-2008, 09:24 PM
هههههههههههههههههههههههههههههههههه

المفروض نغني سكر سكر

حلو الموضوع يا شيماء

عقبال ما اشوفك بعد خمسين سنة و انتي بتغنيها ثكر ثكر

shimo
09-24-2008, 09:30 PM
:rolleyes: مدام حلو معلقتش ليه يا بشمهندس
جاوب يلا عرفنا ان الاغنيه هى سكر سكر
ايه بقئ باقئ الاجابات ؟
وانتى كمان ياويلد انجل انتى واسلام
برضو هربتوا من صميم الموضوع انا بقول نرجع لورا شويا مش نفضل لورا على طول
اكيد العقل زينه والنضج حلو
بس مفيش مانع من اننا نحتفظ بذكرى واحنا صوغننين يلا بقئ ردوا عليا ومحدش يجبلى سيرة الشباب
انا عايزة الناس هنا وهى بيبى صغنتوته :p
سامعين ؟؟؟؟؟؟؟؟:mad:

ميرا مار
09-24-2008, 09:34 PM
موضوع جميل يا شيمو
بس انا افضل اسمع اغنية تامر حسنى دلوقت

AYMAN GAMAL
09-24-2008, 09:35 PM
للاسف يا شيماء انا مكنتش في مصر من صغري لحد مابقى عمري 14 سنة

مسمعتش الاغاني دي خالص

وشئ طبيعي بعد ال14 سنة مكنش نفسي اسمعهم

ههههههههههههههههههههههههههههههههههههههههه

shimo
09-24-2008, 09:40 PM
:rolleyes: نو كومينت
وسؤالى كان واضح
مستنيه باقئ الناس يشاركونى :):)

AYMAN GAMAL
09-24-2008, 09:44 PM
:rolleyes: نو كومينت
وسؤالى كان واضح
مستنيه باقئ الناس يشاركونى :):)


مااااااااااااااااشي حاااااااااااااااااااضر

ابتدي سيادتك الاول بمواقف و طرائف من حياتك

هههههههههههههههههههههههههههههههههههه

onon
09-24-2008, 11:58 PM
والله يا مشمش انتي تحفه كبيره واحب اقولك ان الحمدالله قنوات الاطفال كتيره اويييييي جدا وانا الحقيقه مش بستغل ان يكون عندنا اطفال عشان اتفرج انا عادي بتفرج عليها في اي وقت وبالعكس كمان انا خليت اخويا الكبير متخرج وبيشتغل يتفرج كمان مفيش احلي ان الواحد يرجع براءه زمان وحلاوتها وفي نفس الوقت يحتفظ بالنضج والعقل بتاع دلوقتي فيسلام لو الواحد قدر يجمع بين الاتنين براءه الاطفال بصدقهم وصفائهم وكمان العقل والنضج معدله صعبه انا عارفهبس نحاول اما بالنسبه لاغاني فاغنيه كان في واد اسمه الشاطر عمر وكمان كام في جدوا بشنبات حلوه انا بحبها وكمان اغنيه البغبان الغلاباوي حلوه اوي خلاص ياغلابويه هههههههههههههههههههههههههههههههههه

shimo
09-25-2008, 12:36 AM
[QUOTE=onon;3619]والله يا مشمش انتي تحفه كبيره واحب اقولك ان الحمدالله قنوات الاطفال كتيره اويييييي جدا وانا الحقيقه مش بستغل ان يكون عندنا اطفال عشان اتفرج انا عادي بتفرج عليها في اي وقت وبالعكس كمان انا خليت اخويا الكبير متخرج وبيشتغل يتفرج كمان مفيش احلي ان الواحد يرجع براءه زمان وحلاوتها وفي نفس الوقت يحتفظ بالنضج والعقل بتاع دلوقتي فيسلام لو الواحد قدر يجمع بين الاتنين براءه الاطفال بصدقهم وصفائهم وكمان العقل والنضج معدله صعبه انا عارفهبس نحاول اما بالنسبه لاغاني فاغنيه كان في واد اسمه الشاطر عمر وكمان كام في جدوا بشنبات حلوه انا بحبها وكمان اغنيه البغبان الغلاباوي حلوه اوي خلاص ياغلابويه هههههههههههههههههههههههههههههههههه
[/QUOTEثانكس يا اونه رجعتينى للذى مضى واجبتى اجابه مفيدة بدون اى ديبلوماسيه ;)

عاشق الرومانسيه
09-25-2008, 01:18 AM
موضوع جيد جدا بس احب اقول اول للزمان ارجع يا زمان خلينا في دلوقتي احسن متقلبيش علينا المواجع

Hassan Mohamed
09-25-2008, 01:21 AM
انا والحمد لله حصلتي حاجات كتيرة وانا صغير والحمد لله بردو مش فاكر منها ولا حاجة

لذلك مش هقدر اعقم علي الموضوع ده

ميرا مار
09-26-2008, 12:37 AM
حسن .. لا تعقيم ؟؟ على طول كدة
انا باقكر امسكك حملة دعاية ديتول
ايه رايك؟

tiger
09-26-2008, 09:13 AM
شيمو الجامده تعود بجداره ماشى يا ستى0
تقريبا سمعت كل الأغانى الى انتى كونتى كتباها وأنا صغير بس بحب تمثيليه بابا عبده أوى بحب أغانى عبد الحليم ومش حتصدقى أنا بسمعها من أمتى والصراحه أنا من الناس طول عمرى زى ما أنا متغيرش فيا حاجات كتير بس القلب جمد أوى ههههه أكيد فاهمه أنتى بتاعت قلوب
أكتر حاجه بفتكرها وأنا صغير أنى كونت مؤدب وبضرب صحابى كلهم أى بمعنى طول عمرى رزل وبضرب صحابى لغاية دلوقتى بس حب ههههه حيسمحونى أكيد

shimo
09-26-2008, 11:07 PM
موضوع جيد جدا بس احب اقول اول للزمان ارجع يا زمان خلينا في دلوقتي احسن متقلبيش علينا المواجع

:eek: مواجع ؟؟؟؟؟؟؟؟؟؟؟؟؟

shimo
09-26-2008, 11:08 PM
شيمو الجامده تعود بجداره ماشى يا ستى0
تقريبا سمعت كل الأغانى الى انتى كونتى كتباها وأنا صغير بس بحب تمثيليه بابا عبده أوى بحب أغانى عبد الحليم ومش حتصدقى أنا بسمعها من أمتى والصراحه أنا من الناس طول عمرى زى ما أنا متغيرش فيا حاجات كتير بس القلب جمد أوى ههههه أكيد فاهمه أنتى بتاعت قلوب
أكتر حاجه بفتكرها وأنا صغير أنى كونت مؤدب وبضرب صحابى كلهم أى بمعنى طول عمرى رزل وبضرب صحابى لغاية دلوقتى بس حب ههههه حيسمحونى أكيد

هههههههههههههههههههههههه ثانكس مسيو اشرف
اها فهمت قلبك جمد اوى دى بدليل الضرب ههههههههههههههههههههه
عجبتنى صراحتك على فكرة
مرسيتو اشرف جدا :)

احمد حسن
09-28-2008, 10:29 AM
موضوعاتك متميزة
احب اقول انتى اتمنى اتخلص من اى التزامات واضحى باى حاجة عشان ارجع مرحلة من عمرى فاتت
انا كنت بتفرج على دنيا الاطفال والبرلمان الصغير

Mimi
09-28-2008, 10:59 AM
شيموووو انت موتيني من الضحك منك لله ههههههههههههههههههههههههههه ايه يابنتي الاغاني الفزيعة دي انت خطيرة والله ههههههههههههههههههههههههههههههههههههههههه

ياشيمو والله انتي عسل اوي اوي اوي ، عسل اصلي جاي من الجبل علطول هههههههههههههههههههههههههههههههههههههههههههههههههه هههههههه

احب اكلمك عن مرحلة طفولتي : $ بس وانتي كمان ليه مكتبتيش حاجة عن ذكرياتك دي ولا هتعدي تغنيلنا وكدا وخلاص

بسم الله الرحمن الرحيم

بالنسبة للرسوم المتحركة Cartoons

مكانوش كتير فمش فاكرة منهم الا

كابتن ماجد ، الصياد الصغير ، سيمبا ، مئة مرقش ومرقش ، سوبر مان ، نحول ، تيمون وبومبا ( مستمر ) ، توم اند جيري ، جريندايزر ، ماروكو الصغيره ، أليس في بلاد العجائب ، سبايدر مان ، بات مان ، جازورا ، كعبول ، السنافر ، باباي في عالم البحار ،بشّار ، سنوايت والاقزام السبعة ، الحسناء والوحش ، اممممممممم وايه تاني يابت ياجودي ،،،،،وكابتن رابح ، وسابق لاحق ، السيارة العجيبة ، باص المدرسة ، الشمس الذهبية ، ميكي ماوس ، بطوط ، بووووو ، سنوبي ، وحاليا سوبر هنيدي وتيمون وبومبا

معلش مش فاكرة الباقي

بالنسبة للعب

كنت بحب أملي البلالين واحدفها ع الناس وهيا ماشية وعلى فكرة مكنتش بهرف عشان انا مش بخاف ، لو مبصوش فوق مش بهرب بس لو بصو مش بهرب بردو بس بستخبى : ( وكمان كنت بحب اجيب الديتول والكلوركس والشامبو واحطهم على بعض وأتتبع النمل واحط عليهم لحد ما يموتو وربنا يسامحني عشان كنت بعذبهم

يااااااااه دي ايام جميلة اوي ، وكنت بتصل بالبوليس او الاسعاف وأطلب أكلم ماما أو بابا كأنهم في الشغل عشان يقولولي الرقم غلط مع اني عارفه بس بعاكسهم ، مش فاهمة ازاي مفكرتش ان رقم الاسعاف والبوليس 3 ارقام بس !!! :confused: وكمان انا واخويا كنا بنجمع المشابك ونجيب ملايات ونعمل بيها خيم جوا البيت

وكنا بنعمل علطول مقالب في بابا وماما ، اخويا سنه قريب مني اوي فرق سنة و3 شهور بس فكنا نتعاون دايمآ في الكوارث ، الطفولة ياشيمو دي مليانه حاجات كتير اوي اقول ايه ولا ايه ، كفايه لحد كدا باه

اه صحيح اخويا كمان كان بيحب يصطاد الدبان حي ، وانا اتولى تعذيبه حتى الموت ، انا بتألم وانا بقول كدا ربنا يسامحني ويرحم كل حشرة ماتت متعذبة بسببي ، انا حاليا بحب جميع الحشرات وأحسن معاملتهم عشان ربنا يسامحني

white_heart
09-28-2008, 11:23 AM
ما شاء اللة يا جودى اية الطفولة المتشردة دى يا ينتى واية سر كرهك الكبير وتعزيبك للحشرات حرام عليكى دا انتى حتموتى مسلوخة

white_heart
09-28-2008, 11:28 AM
ما شاء اللة يا جودى اية الطفولة المتشردة دى يا ينتى واية سر كرهك الكبير وتعزيبك للحشرات حرام عليكى دا انتى حتموتى مسلوخة
بس بجد الكرتون مش كتير انتى اصلا مسبتيش حاجة مشفتيهاش
وعلى فكرة انا بحب اغنية الشاطر عمرو وبحب اغنية احلى من فى الحفلة مين و اغنية انا نفسى انط النطيطة واجرى والعب واعمل ظيطة وكمان بحب اغانى سعاد حسنى هى مش طفولية بس بحبها زى يا واد يا تقيل والحلوة لسة صغيرة والدنيا ربيع

Mimi
09-28-2008, 11:47 AM
مسلوخة ؟ :| لالالالالالا ياوايت لن اسمح انا بعاملهم كويس والله دلوقتي

طيب بصي هقولك على سر خطير بس انا واثقة فيكي وعارفه انكـ مش هتقولي

وانا بكتب اهو في الجنب عشان محدش ياخد باله

زمان كان ليا صاحبة جارتنا يعني ، المهم هيا باه كانت بتاكل رجلين الصراصير والله صدقيني

عارفه في يوم شفنا صرصار كبير وبعدين قلنالها كليه يلا ، والله ياوايت وانا مش هحلف كدب البت موتته وراحت خالعه وراكه ( رجليه ) وقرمشتها في بقها ، وعزمتنا بس هو كان صرصار واحد فالرجلين ستة مش هتكفينا كلنا وهيا كانت بتحب تاكلها بكميات كبيره

دا غير اننا قرفنا يعني بس مش عارفه ايه السر في كدا ، دا يمكن خلاني أشمئز كتير من الحشرات وأعذبها بس لما كبرت قلت ايه ذنبها انها كدا وبطلت اعذبها والله وبجد بقيت انسانه بمعنى الكلمة معاهم وبقدرهم بس انا كمان كنت قريت معلومة ان الصرصار لما بيلمس جسمنا بيروح على جنب وينضف نفسه ،، تصدقي دي ؟ الصرصار بيقرف مننا !!! ههههههههههههه حاجة فزيعة يعني

بالنسبة للزواحف هيا لذيذه بس مش بحب التعابين ، انا بحب النسناس اوي كان عندي واحد كميلة خالص بس كان انطوائي مش واخد ع الناس ومش شقي كدا فبعناه ، يااااه ياوايت انتي فكرتيني بحاجات حلوة ، انا بقترح نفتح منتدى للحيوانات الاليفة هنا بجد

shimo
09-28-2008, 07:30 PM
[CENTER][COLOR="Pink"]
[B][SIZE="7"]موضوعاتك متميزة
احب اقول انتى اتمنى اتخلص من اى التزامات واضحى باى حاجة عشان ارجع مرحلة من عمرى فاتت
انا كنت بتفرج على دنيا الاطفال والبرلمان الصغير

وانا واللهى يا احمد فاكر يا احمد ماما نجوى وبقولظ وكمان ماما ساميه وسينما الاطفال ومزنجر ياااااااااااااااه
فكرتنى باللذى مضى
ليت الشباب يعود يوما هههههههههههههههههههههه
http://www.9or.cc/data/media/13/www.9or.cc-atfal%20(92).JPG

shimo
09-28-2008, 07:42 PM
هههههههههههههههههههههههههههههههههههههههههههههههههه ههههههههههههههههههههههههههههههه جووووووووووووووووودى انتى اللى عسل طيب وبجد وحياة ربنا انا كنت بعمل اغلب الحجات دى بس دبان لاء كنت بحب الفراشات مووووووووووووووت وكنت بحنطها كمان وبحب اجفف الورد البلدى جدا جدا وبالنسه للكرتون كان ميكى وبطوط وعم دهب وسندريلا وسنووايت والاقزام السبعه وتوم اند جيرى وكابتن ماجد وبوررينجز ومزنجر وجريندايزر وسلاحف النينجا وممممممممم اه واليس فى بلاد العجايب والسنافر وبندق وسنوحى هههههههههههه وسوبر هنيدى عشان بموت فصوت محمد هنيدى جدا ولسه فى كتيييييييييييييير
اما الاغانى كنت بحب كل الاغانى اللى قلتها الاول دى كلها
وفيلم العفاريت بتاع عمرو دياب عشان بليه لانها شقيه وانا بحب البنوته الشقيه
اما للعب فانا بدل بلونات جودى كنت بملا اكياس بالميه ومن البلكونه وطخ
كل واحد ونصيبه بقئ
هههههههههههههههههههههه واللهى يا جودى انتى اللى سكر خلتينى افضفض :p
http://images.amazon.com/images/P/B00005YWQ8.02._SCLZZZZZZZ_.jpg

Rania Ismail
09-29-2008, 12:31 AM
شيمو بجد جيتى على الجرح انا كل ما اسمع الاغنيه ديه بتاثر بيها قوى لانى فى اخر سنه ليا فى الكليه مش عارفه لما اخلص حيحصلى ايه ومش متوقعه انى مشوفش صحابى كل يوم زى ما اتعودت
بجد شيمو مواضيعك هايله يا حبى استمرى

shimo
09-29-2008, 11:00 PM
شيمو بجد جيتى على الجرح انا كل ما اسمع الاغنيه ديه بتاثر بيها قوى لانى فى اخر سنه ليا فى الكليه مش عارفه لما اخلص حيحصلى ايه ومش متوقعه انى مشوفش صحابى كل يوم زى ما اتعودت
بجد شيمو مواضيعك هايله يا حبى استمرى

مرسى يالفر انجل ليكى وعايزة اقولك حاجه فعلا موضوع اننا لما نتخرج من هنشوف اصحابنا دا اخد حيز كبير اوى اوى من تفكيرنا الايام دى بس دى سنه الحياة :(
ايام تروح ايام تيجى اصحاب تروح وغيرها يجى نعرف ناس فكل مرحله واكيد عشان نتعلم والحياة وخدنا لحد فين معرفش :(

محمود ابوالمجد
10-12-2008, 02:12 AM
والله انا نفسي الزمن يرجع سنة واحدة واعيش في الماضي ده ثانية واحدة واقول فيها كلمة واحدة وهي بحبك وهي لانسان واحد وهو صديق عمري احمد عبد الباسط الله يرحمه ومستعد ادفع عمري كله

shimo
10-12-2008, 02:51 AM
والله انا نفسي الزمن يرجع سنة واحدة واعيش في الماضي ده ثانية واحدة واقول فيها كلمة واحدة وهي بحبك وهي لانسان واحد وهو صديق عمري احمد عبد الباسط الله يرحمه ومستعد ادفع عمري كله

االله يرحموا يارب امييييييييييييييييييييين
ادعيلوا واقرالوا الفاتحه
ولو الزمن بيرجع تانى كنا عوضنا حجات كتييييييير راحت مننا واحنا مش عارفين وقتها انها ممكن تضيع
بس الموت من عند ربنا
امانه ربنا وضعها فالارض واستردها تانى
بس الفراق هو اللى صعب
ربنا يصبرك

Mahro
10-12-2008, 06:30 PM
جميل اوى الموضوع يا شيمو انا خصوصا كنت بحب كابتن ماجد وبورينجر والبتاع الألى ده اه اه (مازنجر ) واغنيه الواد كريم والواد لانجو ضاعت حياتهم فى البانجو هههههههههههههههههه

ميرا مار
10-12-2008, 06:44 PM
بوظتى الدنيا يا شيمو
الناس كلها عيزة تعيل من تانى...
وانا معاهم على فكرة..
على فكرة احنا ممكن نعمل رحلة .. لعالم الاطفال ..حضروا بقى هدوم عيالى كدة
..والساندونتشات وزمزمية المية
وشوية لولى بوب ..
على حبة اغانى اطفال .. ونعيش بقى ..

Rania Ismail
10-12-2008, 09:08 PM
بوظتى الدنيا يا شيمو
الناس كلها عيزة تعيل من تانى...
وانا معاهم على فكرة..
على فكرة احنا ممكن نعمل رحلة .. لعالم الاطفال ..حضروا بقى هدوم عيالى كدة
..والساندونتشات وزمزمية المية
وشوية لولى بوب ..
على حبة اغانى اطفال .. ونعيش بقى ..


يلا بينا وانا اولكم
http://img84.imageshack.us/img84/7365/001z051bfxqsi7.jpg

سلمي جمال
10-13-2008, 06:08 AM
جامد جدا الموضوع دة يا رانيا و شكرا جدا والله عشان انتي فكرتيني باغاني كنت بحبها اوي غير كل دة الاغنية الاولي انتي عارفة مدي غلوتها عندي اد اية و انتي عارفة بتفكرنيي بئة
ربنا يخليكي يا جميل

سلمي جمال
10-13-2008, 06:11 AM
سوري اوي انا كنت فكرة رانيا هي الي عملة الموضوع و شكرا بردو يا شيمو علي الموضوع دة

shimo
10-14-2008, 01:33 PM
:)ولا يهمك يا salmika انا ورونى واحد
ومرسى ان الموضوع عجبك

shimo
10-14-2008, 01:34 PM
بوظتى الدنيا يا شيمو
الناس كلها عيزة تعيل من تانى...
وانا معاهم على فكرة..
على فكرة احنا ممكن نعمل رحلة .. لعالم الاطفال ..حضروا بقى هدوم عيالى كدة
..والساندونتشات وزمزمية المية
وشوية لولى بوب ..
على حبة اغانى اطفال .. ونعيش بقى ..

ايون يلا بينااااااااااااااااااا بس حد يجبلى معاه فيكم جيلى كولا
لانى بموت فيها
وكمان مصاصه فراوله :p:p

Mahmoud Slem
10-14-2008, 01:55 PM
انا لما ببص لاخوتى الصغيرين
بقول ياريتنى ابقى زيهم
دماغهم رايقه
مفش غير اللعب والكرتون
والرزاله على خلق الله
وعلينا
طبعا
لكن احنا مذاركه
ومرواح للكليه
وعملى
وشغل متعب
بس
برده انا كده افضل
وحاسس انى مبسوط
لانى بقيت مشارك فى الحياه
مش عاله عليهم
هههههههههههههههه

موضوعك جميل يا شيمو

Rania Ismail
10-14-2008, 11:43 PM
:)ولا يهمك يا salmika انا ورونى واحد
ومرسى ان الموضوع عجبك


العفو يا حبى ده شرف ليا طبعا
ومنوره يا سلمى الدنيا فى المنتدى

الشبح
10-14-2008, 11:47 PM
يا الله رانيا موجوده هنا بحالها

لالا ده شرف لينا والله

موضوع اكثر من ائع يا شيمو

استمر للامام يا جميل

shimo
11-04-2008, 07:05 PM
يا الله رانيا موجوده هنا بحالها

لالا ده شرف لينا والله

موضوع اكثر من ائع يا شيمو

استمر للامام يا جميل


مرسيتو يا محمد ربنا يخليك

heba
11-04-2008, 09:25 PM
موضوعك جميل جدا يا شيماء
انا كمان كنت بحب اسمع اغنية نيللي "كان في فراشة صغيره...." وكمان اغنية بولا بولا ,اغنية الضفادع بتاعة برنامج ما يطلبه الأطفال

هدى على
11-04-2008, 10:38 PM
انتى فكرتنى بجد بزمان وايمها بصي كنت بحب اغنية ذهب الليل دية بتفكرنى ببابا باليل كنت انام واصحى القية جيبلى شكبون وشكولاتة واغنية الدنيا ربيع بتفكرنى بجدتى اما تجلنا من مصر ومسلسل عبد الغفور البرعى كان بيفكرنى بالمدرسة وانا في ابتدائى وكمان اغنيى الحب الحقيقى وكمان الحج متولى بيفكرنى بالاعدادى وخاصا رمضان ياااااااااااااااااااااااة ايام حلوة بجد علشان كدة اما بسمع اغنية بيخدنا حنين بتوة خالص

samomran
11-05-2008, 12:14 AM
انا زمااااااااااااان كنت بحب انى اتفرج على برنامج سينما الاطفال
و البرنامج بتاع مسرح العرائس اللى فى الست اللى بتقول روح خد الهديه من عند توتى بجد كانت ايام روعه
و موضوع جميل

shimo
11-05-2008, 09:51 PM
موضوعك جميل جدا يا شيماء
انا كمان كنت بحب اسمع اغنية نيللي "كان في فراشة صغيره...." وكمان اغنية بولا بولا ,اغنية الضفادع بتاعة برنامج ما يطلبه الأطفال


مرسي يا هبة على ردك
وانا كمان كنت بحب اغنيه بولا بولا جداااااااااااااااااا

shimo
11-05-2008, 09:53 PM
انتى فكرتنى بجد بزمان وايمها بصي كنت بحب اغنية ذهب الليل دية بتفكرنى ببابا باليل كنت انام واصحى القية جيبلى شكبون وشكولاتة واغنية الدنيا ربيع بتفكرنى بجدتى اما تجلنا من مصر ومسلسل عبد الغفور البرعى كان بيفكرنى بالمدرسة وانا في ابتدائى وكمان اغنيى الحب الحقيقى وكمان الحج متولى بيفكرنى بالاعدادى وخاصا رمضان ياااااااااااااااااااااااة ايام حلوة بجد علشان كدة اما بسمع اغنية بيخدنا حنين بتوة خالص


:( على فكرة كلامك جميييييييييييييييل
وحاسه انه طالع من قلبك فعلا
وانتى باين عليكي مشتاقه اوى ترجعى لزمان تاني

shimo
11-05-2008, 09:54 PM
انا زمااااااااااااان كنت بحب انى اتفرج على برنامج سينما الاطفال
و البرنامج بتاع مسرح العرائس اللى فى الست اللى بتقول روح خد الهديه من عند توتى بجد كانت ايام روعه
و موضوع جميل


انا فكراه يا سولي
ايه الذاكرة دي مشاء الله عليك
مرسيتو لردك يا سامو

lolaa fahmy
11-07-2008, 02:58 PM
يااااااااااااااااااه يا شيموووووووووووو

حاجه رائعه فكرتينا بالذي مضي يا شوشو

كانفيه اغنيه حلوه قووي لامامام البحر اسمها في البحر سمكه كان بابا وماما بيغنوهالي

وبرنامج عروستي وبقلوظ وماما نجووي ومازينجر

وكان بيجي كل خميس الساعه 7 تقريبا موكلي رجل الغابه

هههههههههههههههههههههههههه

حاجات تحفه بجد بس كان افضل هوياتي اني احبس النمل في زجاجه واشوف هتقدر تعيش قد ايه من غير اكل

ياااااااااااااااه ههههههههههههههههه بس ده كان زمان


بس بجد نفسي ترجع الايام تاني واقضي اكبر وقت مع اكتر انسان بحبه في الدنيا دي بابا

بس يا خساره الايام مش ممكن ترجع تاني


موضوع بجد لذيذ ورائع شكرااااااااااا شيموووووووو وانا بحب اسم شيموا ده علي فكره لانهم بينادوني بيه في البيت

shimo
11-07-2008, 06:07 PM
يااااااااااااااااااه يا شيموووووووووووو

حاجه رائعه فكرتينا بالذي مضي يا شوشو

كانفيه اغنيه حلوه قووي لامامام البحر اسمها في البحر سمكه كان بابا وماما بيغنوهالي

وبرنامج عروستي وبقلوظ وماما نجووي ومازينجر

وكان بيجي كل خميس الساعه 7 تقريبا موكلي رجل الغابه

هههههههههههههههههههههههههه

حاجات تحفه بجد بس كان افضل هوياتي اني احبس النمل في زجاجه واشوف هتقدر تعيش قد ايه من غير اكل

ياااااااااااااااه ههههههههههههههههه بس ده كان زمان


بس بجد نفسي ترجع الايام تاني واقضي اكبر وقت مع اكتر انسان بحبه في الدنيا دي بابا

بس يا خساره الايام مش ممكن ترجع تاني


موضوع بجد لذيذ ورائع شكرااااااااااا شيموووووووو وانا بحب اسم شيموا ده علي فكره لانهم بينادوني بيه في البيت



مرسي يا قمر انك شرفتيني فى الموضوع
وردك تحفه بجد
فرحانه انا اوى لما بحس انى فرحت حد حواليا
بس لو زى ما بتقولى ايام زمان خسارة مش هترجع تانى
احنا بايدينا نعيش ايامنا دى بكل لحظه فيها عشان بعد كدا هيجي علينا وقت برضو ونقول ياريت ترجع تانى :)

fared162
03-31-2009, 04:32 PM
مممممشششششششكككككككككككككور

AMAL
04-02-2009, 04:41 AM
مش شرط انى الواحد يحب يرجع لطفولتة على فكرة ياشيمو
انا عن نفسى لو خيروننى انى ارجع طفلو او انى اكبر
حاختار انى اكبر سن قد سنى تانى فوقية
احيانا بتبقى طفولة مش ممتعة
انا كنت منعزلة جدا انا وطفلة على العكس من دلوقتى
احب الناس واحب اتعرف عليهم وكدة يعنى

shimo
04-14-2009, 07:06 PM
مش شرط انى الواحد يحب يرجع لطفولتة على فكرة ياشيمو
انا عن نفسى لو خيروننى انى ارجع طفلو او انى اكبر
حاختار انى اكبر سن قد سنى تانى فوقية
احيانا بتبقى طفولة مش ممتعة
انا كنت منعزلة جدا انا وطفلة على العكس من دلوقتى
احب الناس واحب اتعرف عليهم وكدة يعنى



بس انا ياامل ادفع نص عمري وارجع طفله تاني

كفايه اللمه

كفايه اني اجري واتشاقا من غير حدود

كفايه اني العب وانام من غير مخي ما يفكر فاللي الجاي زي دلوقتي