المساعد الشخصي الرقمي

مشاهدة النسخة كاملة : صفات البنات المصريه(ربنا يستر ويعدي اليوم ده علي خير )



احمدالمقدم
02-20-2009, 02:49 PM
صفات البنات المصريين



وربنا يسترها يا رب ويعدى اليوم ده على خير



الصفه الاولى

اللسان
البنت المصريه ربنا واخد منها كل حاجه ومديها لسان زى الحربايه_ والعياز بالله_

لو فكرت انك تتريق على واحده اكيد مش هتسلم من لدغته _ يلا تستاهل_
وخاصه لو كانت عامله التحجيبه سبانش _ احذر من دول _

الصفه التانيه

التناكه
البت من دول تلاقيها مناخيرها فى السما _ على ايه يعنى _
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك
تعالى بئى فى كليات العملى زى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا
هتبدأ بئى تسألها عن محاضرات وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _
ناس تنرفز والله يا اخى


الصفه التالته

الشياكه
الشهاده لله يعنى البنات دلوقتى بيهتمو بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسها

السنه دى وفى اول رمضان مع بدايه الدراسه قابلت واحده عندنا اعرفها

اسألها ياخويا رايحه فين قالتلى رايحه اشترى ميكب

يا حاجه داحنا فى رمضان

بس بكره الكليه

اه اذا كان كدا معلش

طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا ( ياعم ده مستحيل طبعا شكل البنت معروف بعد الجواز شبشب مقطوع ما خلاص الزبون وقع)

يمكن يا عم متتشائمش


الصفه الرابعه

احتقار الرجل
متفهمش يا اخى الستات والبنات بيحتقرو الرجاله كدا متفهمش ليه
على اساس يعنى انهم ولاد ناس واحنا ولاد .......................
ناس تانين ؟
بس العرق الفرعونى نقح عليا فى الايام اللى فاتت وافتكرت السبب
فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم
وهوده السر فاكرينا عبيد عندهم حضاراتهم !!!!!

الصفه الخامسه

الاجتماعيه
البنت المصريه اجتماعيه بدرجه جيد جدا

فى ثانيه كدا تلاقيها رمت ودنها فى اى حوار ومتسيبوش الا ما تجيب اخره

وطبعا بأجتماعيتها دى بتعرف تجيب اطراف الموضوع من كل الناس

ـــــــــــــــــــــــــــــــــــــ
طبعا البنات اللي معانا في المنتدي غير كده خالص بجد
اتمني اكون رسمت بسمه علي شفاه اي حد في المنتدي

froty
02-20-2009, 06:08 PM
شكرا يا أحمد على رايك فى البنات وخصوصا (البنت المصريه ربنا واخد منها كل حاجه ومديها لسان زى الحربايه)
وكمان (البنت معروف بعد الجواز شبشب مقطوع ما خلاص الزبون وقع)
ونصيحة يا ريت تعرف حواء كويس وبعدين اتكلم عنها وشكرا لرايك

IQI__HeMa__IQI
02-20-2009, 06:11 PM
ههههههههههههههههههههههههههههه
يا يا احمد انت شايل منهم اوى
ههههههههههههههههههههههه

free eagle
02-20-2009, 06:20 PM
جامدة جدا يا احمد



الله ينور

المشكلة بقي يا احمد ان الواحد وهو بيقرا الموضوع بيحاول انه يلاقي حاجة مش ف البنات


بس الحمد لله ربنا وفقك ووفيت كل حاجة


ههههههههههههههههههههه



شكرا يا حمادة وربنا يعدى اانهاردة على خير زى منتا قولت

احمدالمقدم
02-20-2009, 07:16 PM
اولا يا جماعهشكرا لمروركم بجد
بس جدمجرد مزحه لطيفه مش اكتر ولو اي بنت زعلت يعني
انا اسف
وهردلك الموضوع بموصفات الشاب المصري الحديث اوك
وشكرا لمروركم مره اخري

Marwa Mahmoud
02-20-2009, 08:22 PM
هههههههههههههههههههههههههههه
شكرا ليك على الموضوع
دى البداية
بس أنت كدة بتلعب فى الحارة السد
يعنى من الأخر تراجع عشان مضمكش مع خواتك فى الموسوعة
ههههههههههههههههههههههههه
أنا بهزر

Night Moon
02-20-2009, 08:52 PM
الموضوع جميل بس احسن حاجة انك مانزلتهوش في قسم حواء ماكنتش هاتعد ثانية واحدة في المنتدي اصلا ههههههههههههههههههههه

The[H]KinG
02-20-2009, 10:16 PM
ههههههههههههههههههههه
اللله عليك يا باشا
أنت كده خلى باللك على نفسك
عشان التهديدا أبتدت خلاص
لا ولسه لما المعلمين يحضروا

احمدالمقدم
02-20-2009, 11:26 PM
لا يا عم ولا علي ايه
هتلاقي ميمي وميرا مار وكلهم عشان مش انسي حد داخلين
وهيقطعوني
بصوا انا بنسحب
الخوف بالعين الحمرررررررررررررررررررررررررررررررررررررا
ههههههههههههههههههههههه
شكرا جدا لمروركم

Marwa Mahmoud
02-20-2009, 11:29 PM
لا يا عم ولا علي ايه
هتلاقي ميمي وميرا مار وكلهم عشان مش انسي حد داخلين
وهيقطعوني
بصوا انا بنسحب
الخوف بالعين الحمرررررررررررررررررررررررررررررررررررررا
ههههههههههههههههههههههه
شكرا جدا لمروركم

أيوة كدة تراجع
كدة تبقى كفائة
ههههههههههههههههههههههه
ومحدش هيقولك تالت التلاتة كام

احمدالمقدم
02-20-2009, 11:37 PM
حتي مرمر جايبه صوره بنت رقيقه
تبصلها تلقيها رقيقه
بس لو ركزت هتلاقي الشراره في عنيها
هههههههههههههههههه
بهزر
وشكرا بجد لمروركم

Marwa Magdy
02-21-2009, 12:07 AM
صفات البنات المصريين

طبعا البنات اللي معانا في المنتدي غير كده خالص بجد





مصدقينك يا احمد
اكيد طبعا احنا مش كده
ههههههههههههههههههههه
بس الموصوع مضحك اوى
ومنتظرة موضوع صفات الشاب المصرى

احمدالمقدم
02-21-2009, 12:10 AM
حاضر من عنيه
دا انا هجيب موضوع اعن الشاب المصري
الله يكون في عونه طول عمره غلبان

ندااااء البحر
02-21-2009, 12:43 AM
موضوع جميل جدااااااااااااااااااا و شدييييييييييييييد طحن
بصراحه و فعلا فى بنات كتير اوى كده و متفهمش ليه
يلا كله بيطلع عليهم بعد الجواز

sweet girl
02-21-2009, 12:18 PM
ههههههههههههههه الموضوع حلو اوى بس خلى بالك انت كده هتبقى فى البلاك ليست ههههههههههههههههههه

احمدالمقدم
02-25-2009, 06:17 PM
انام ش بخاف ما دام معايه
رجاله في الموقع مش بخاف
يعني ساعات بترعب بس
هههههههههههههه
شكرا لمرورم يا سويت

Rania Ismail
02-25-2009, 07:58 PM
اولاا يا احمد انا حعلق على الموضوع بعدين
ثانيا انت بجد حطيت الموضوع فى مكان غلط
انت حاطط الموضوع فى القسم بتاعى عارف يعنى ايه انت عارف اخر واحد وقف قدامى حصله ايه
محدش بيسمعله حس اساسا وهو الشبح (ميدو )
ثانيا فى كلام فى الموضوع معجبنيش بصراحه
ومرسمش اى نوع من انواع البسمه هو بس نبهنى الى حاجه واحده بس انى اضمك الى فريق الاعداء مش اكتر واحب اقولك حاجه كمان قضيتك خسرانه خسرانه
وانا وانت والاستاد كبير

essam abd elftah
02-26-2009, 02:34 AM
انت اللى جبتو لنفسك يا احمد

شوف بقى اللى حيجرالك انت وقعت مع اللى مبيرحموش

ههههههههههههه

احمدالمقدم
02-26-2009, 02:38 AM
لا يا رانيا
يا اه يا اه
احلي من الشرف مفيش
انا احمد المقدم
يعني لحمان مره
وان اتكلنا نشرخ في الظور
ومنتبلعش وان اتبعلنا يبقي خلاص هنسلم
ههههههههههههههه
بصي يا رانيا دي مجرد مزحه بس اقولك حاجه
اهم حاجه بين الراجل والست الاحترام
وانا بحترم الستات لانه بيحترموني اوي
مره واحده ادتني احترما مشوفتش النور من الضلمه
وشكرا بجد لمروكم

جنات
03-02-2009, 12:20 PM
احمد اهلا بيك ايه الموضوع ده ... ا نتا من النهارده معزتك زادت فى قلوب حواء قووووووووى انتا بتحسب عشان الشباب معاك هيحموك هتروح مننا فين بس مين دى الى عقدتك من الجنس اللطيف احنا يا بابا بلسم نتحط على الجرح يطيب وخاصه البنت المصريه **انتا وقعت ومحدش سمى عليك** خلى الشباب ينفعوك اتحمى فيهم يا احمد كويس

الشبح
03-03-2009, 12:49 AM
يلا بيناااااااااااااااااااااا

دي سيرتي جات في الموضوع

انتي عايزه ايه مني يا رانيا ..... اهيء اهيء اهيء ...منك لله يا كبيره

حراااااام عليكي اللي عملتيه ده .... يابني انا ميدو اه بس راجل اوووي

اوعى تستسلم

بس انا برده ضدك في الكلام ده ... دول كائنات محترمه جدا والله واليفه في نفس الوقت يعني مفيش خوف منهم

هههههههههههههههههههههههههههههه

احمدالمقدم
03-03-2009, 08:58 AM
يا جماعه انا قولت البنات اللي في منتدي غير كده
ده اولا وده مش خوف اه
وكمان انا بقول معايه رجاله كل واحد الاقيه
بيخلع
انا شكلي هشيل اليله لوحدي
بس بجد شكرا لمروركم
وربنا يزدني حبا في بنات حواااااااااء واء

lolaa fahmy
03-03-2009, 10:12 PM
هههههههههههههههههههههههههههههه


يا عيني عليك يا ميدوو هههههههههههههههههههههه


ليه بس كده يا احمد خد العبره من اخوك ميدو وشوف الكبيره عملت فيه ايه

ههههههههه

موضوع حلوو ضحكني قووي

GooD_DrSh
03-04-2009, 01:34 AM
والله عندك حق ف اللى قولته
الكلام دا مش من فرااغ هههههههه
بس موضوع زى العسل والله واحلى حاجه لما تعمل ان مش فى غيرها ف الدفعه عشان يسالها
ههههههههههههههههههه ومتخافش كلنا معااااااااااك
قوووول يا فكيييييييييييييييييييييييييك