المساعد الشخصي الرقمي

مشاهدة النسخة كاملة : *$*مقهى المنتدى ..M0ntada Cafe*$*


Sara Gamal
02-20-2009, 08:23 PM
http://iraqchooseslife.com/pic/decoration/20.gif
http://iraqchooseslife.com/pic/decoration/25.gif
تم بحمد الله إفتتاح

http://iraqchooseslife.com/pic/decoration/33.gifمقهى المنتدى *$*M0ntada Cafe*$*http://iraqchooseslife.com/pic/decoration/33.gif


يسرنا أن نقدم لكم كافة المشروبات الساخنة والباردة والمثلجات وخدمة توصيل الطلبات لأى إيميل:D

نحن نختلف عن الآخرون

للإتصال بنا ...إدخل قسم حوا وشرفنا إكتب طلبك

وسنصلك أينما كنتhttp://iraqchooseslife.com/pic/english_welcome/56.gif

http://jokes.maktoob.com/JokesImages/Jokes/52559/Feature.jpg
Marwa Mahmoud
02-20-2009, 08:29 PM
يعينى يا عينى
على الحجات الجامدة دى
وعندك واحد كبتشينو يا باشا
وأنا أول زبون يلا ورينى همتكوا
هههههههههههههههه
شكرا ليكى يا سارة موضوع رائع
تسلمى يا قمر
Sara Gamal
02-20-2009, 08:39 PM
بمناسبة الأفتتاح نحب نبدأ بأول مشروب وهو قهوة الموكا الشهيرة

لذيذة وسهلة جداً لكل عشاق القهوة

**المقادير:

ــ كوب ماء مضاف إليه ثلاث أو أربع ملاعق لبن بودرة

ــ كوب أو ما يعادل 250مل من الحليب الطازج

ــ ثلاث ملاعق صغيره سكر

ــ 2ملعقه صغيره قهوة النسكافيه

ــ 2 معلقة بودره الكاكاو

**طريقة التحضير:

ــ يسخن الحليب على النار لدقيقه ثم يرفع ونضيف القهوة وتمزج ويعاد تسخينه لثواني ثم يرفع و نضع بودرة الكاكاو ونعيدالتسخين لثواني(حتى تصبح ساخنه)

ــ نضيف السكر،وممكن إضافة قليل من الكريم للتزيين فما تحبوا ،،

ــ تقدم القهوة حالاً


وبالهنا والشفا

http://img143.imageshack.us/img143/5594/coffee3wo2.jpg
The[H]KinG
02-20-2009, 08:41 PM
عندكم أرجيلا(شيشية يعنى)كنتالوب
ومعاها واحد سحلب فتلة
يالا عشان التبس يكون حلو
هههههههههههههههههههههههه
Sara Gamal
02-20-2009, 08:45 PM
يعينى يا عينى
على الحجات الجامدة دى
وعندك واحد كبتشينو يا باشا
وأنا أول زبون يلا ورينى همتكوا
هههههههههههههههه
شكرا ليكى يا سارة موضوع رائع
تسلمى يا قمر




وعندك واحد كابتشينو وصلحه

نورتينى يامرمر

ومن عنيا المرة الجايه نشوف الكابتشينو إنت تأمر ياجميل
Sara Gamal
02-20-2009, 08:47 PM
KinG;77155']
عندكم أرجيلا(شيشية يعنى)كنتالوب
ومعاها واحد سحلب فتلة
يالا عشان التبس يكون حلو
هههههههههههههههههههههههه


ههههههههههههههههههههههههه
أيوة هو ده الشغل
ركز اوى على التبس:D

بص أنا ممكن أجيبلك سحلب

وهشحتلك شيشة من القهوة اللى جنبنا

منورنا ياحسام وعاوزينك زبون دائم
Marwa Mahmoud
02-20-2009, 08:54 PM
وعندك واحد كابتشينو وصلحه

نورتينى يامرمر

ومن عنيا المرة الجايه نشوف الكابتشينو إنت تأمر ياجميل

ربنا يخليك لينا يا جميل ويحرمناش
منك ياصحبة الواجب كلة
AYMAN GAMAL
02-20-2009, 09:36 PM
الفكرة رائعه بحييكي عليها بس لو ممكن طريقه عمل الكاكاوا عشان انا نفسي اتعلمها

شكرا ليكي و مبروك عالافتتاح
Sara Gamal
02-20-2009, 09:46 PM
الفكرة رائعه بحييكي عليها بس لو ممكن طريقه عمل الكاكاوا عشان انا نفسي اتعلمها

شكرا ليكي و مبروك عالافتتاح



ربنا يخليك ياايمن يارب

ولا يحرمنى من تشجيعك الجميل ده

أما بالنسبة للكاكاوا حاضر من عنيا الاتنين انت بس تأمر

كدا أصبح جدول الاعمال كالآتى

-كابتشينو لمرمر
-سحلب لحسام
-وكاكاوا لايمن

ايوووووووووووووووووووووووووة جاااى
spring sun
02-21-2009, 06:30 AM
ســـــــــــــــــــــــــــــــــــــــــــــــــ ـــــاره


موضوعك تحفه اوييييييييييييييييييييييييييييي

كل ده حصل امبارح

بجد الموضوع هايل

وكتابتك عسل

وطريقتك في الاسلوب

كله حلو اوي
واسمحيلي بقي ابقي اساعدك فيه

ماشي

وياريت يا ساره تقوليلي اعمل القهوه ازاي اصلي بصراحه كده

فاشلـــــــــــــــه في عمايلها
Sara Gamal
02-23-2009, 01:00 AM
أولاً آسفة جداً جداً على التأخير

مزنوقة فى المشروع والسفر ومش عارفة أجى أفتح المقهى وأرش ميه وكدا

أيوووووووووووووووووووووووة جاى
Sara Gamal
02-23-2009, 01:07 AM
أميرة باشا

المقهى نور يافندم تحت امر سعتك

واحدة قهوة وصلحه للهانم ياولد:D
Marwa Mahmoud
02-23-2009, 08:08 AM
سلام عليكوا يا لى هنا
وعندك واحد سحلب
يا سارة يا عسل
Youssef Mostafa
02-23-2009, 10:22 AM
ايه دة ايه دة هم الولاد حيشتغلوا عندكو فى القهوة دى ولا ايه لااااااااااا انا اعترض شوفلكو بقى بنوتة امورة كدة تشتغل عندكو فى القهوة بتاعتكو
Sara Gamal
02-23-2009, 07:00 PM
أجمل وأحلى كابتشينو لمرمر هانم ياولد....:D


كابتشينو.....

المقادير:
__ 1 كوب نسكافيه ..(يفضل يكون لونه فاتح)
ــ 1كوب ماء
ــ 1 كوب سكر

طريقة الإعداد:
-- نضع جميع المقادير فى الخلاط الكهربى (النسكافيه - السكر - الماء)

-- تضرب فى الخلاط لمدة دقيقتان (أو حتى تمتزج تماماً وتصير غليظة القوام نسبياً)

-- يوضع الخليط فى وعاء ويحفظ فى الفريزير ..وبعد مرور ساعة يصبح جاهز للاستعمال

-- ولإعداد فنجان من الكابتشينو..

*نغلى مقدار من اللبن بدون سكر..(معجون النسكافيه به سكر)

*نضع قدر معلقة من معجون الكابتشينو فى فنجان ونضع عليها اللبن

* نتركها قليلا ثم نقلبها

* وبسرعة اجرى افتح المنتدى واقعدى معانا واشربى بألف هنا وشفا


http://up.3ash8.com/upimg2/UB336795.jpg
http://iraqchooseslife.com/pic/decoration/78.gif
كابتشينو بارد...

المقادير:
ــ نصف كيلو من كريمة
ــ صفار أربع بيضات
ــ10 ملاعق سكر ناعم
ــ 3 ملاعق قهوة فورية
ــ قطعة متوسطة من الشوكولاته البيضاء

طريقة الإعداد:
*نضع نصف كمية الكريمة على نار هادئة حتى تغلى
* وفي انتظار ذلك نخفق صفار البيض مع السكر جيدا، ثم نضيف إليهما الكريمة المغلية بالتدريج ونحرك المقادير أثناء ذلك باستمرار.

*نضع المقادير من جديد على نار هادئة حتى يصبح الخليط كثيفا

*وفي انتظار ذلك نخلط القهوة مع ملعقتين من الماء

* نضيف هذا الخليط إلى الخيلط الأول ونحتفظ به في الفريزير لنصف ساعة.

*نخفق بقية الكريمة جيداً، ثم نضيفها إلى الخليط الموجود في الفريزير، ونعيد وضع المقادير في الفريزير لمدة ثلاث ساعات.

*نذيب الشوكولاته في حمام مائي، ثم نطحن المقادير الموجودة في الفرزير داخل الخلاط الكهربائي. أضيفوا إليها الشوكولاته المذوبة، ثم احتفظوا بالمقادير في المجمد لمدة ست ساعات..

*يصبح الخليط جاهز للاستعمال بمجرد إخراجه من الفريزير لمده نصف ساعة ويوضع فى كاسات وممكن تزينه بالكريمة ومبشور الشكولاته ويقدم

*وبسرعة اجرى افتح المنتدى واقعدى معانا و بألف هنا وشفا

http://www5.0zz0.com/2008/02/27/07/163019119.jpg
wisam
02-23-2009, 07:10 PM
موضوع جميل جدا يا ساره والله
هههههههههههههههه
ممكن بقى لو سامحتى واحد قهوه هنا
بسرعه بس علشان مستعجل
ههههههههههه
Rania Ismail
02-23-2009, 07:25 PM
احم احم
اولا انا اسفه على التاخير انا جيت ابارك متاخر
بس اعمل ايه انتى عارفه العيال وعمايلهم ولا ابوهم اعذرينى يا ساره
الف الف الف مبروك يا حبى على الافتتاح وربنا يرزقك يا حبى من اوسع ابوابه
اما انا بقى كنت عاوزه ايس كريم اصلى نفسى فيه ولا انتو مش عندكو غير مشروبات بس
وشكرا يا سوسو
Sara Gamal
02-23-2009, 07:48 PM
سلام عليكوا يا لى هنا
وعندك واحد سحلب
يا سارة يا عسل

أهلا أهلا ياباشا
فينك مش بتيجى تنورنا ليه ؟؟المقهى مضلم من غيرك؟
وعندك واحد سحلب وصاية لمرمر ياولد:D

ايه دة ايه دة هم الولاد حيشتغلوا عندكو فى القهوة دى ولا ايه لااااااااااا انا اعترض شوفلكو بقى بنوتة امورة كدة تشتغل عندكو فى القهوة بتاعتكو

احم احم احم
إيه ياسى يوسف إحنا مش عاجبينك ولا إيه؟

شايفنا عاملين شعرنا جل...:D

تحب نجبلك إيه يافندم القاعدة عندنا بالمشاريب
free eagle
02-23-2009, 08:02 PM
الله ينور يا سارة بس انا عايز فنجان قهوة زيادة بن تقيل




اصلي مصدع

ههههههههههههههههههههههه

وتسلم ايدك
farida
02-23-2009, 08:30 PM
سااااااااااااارة

يا افكارك الجامدة و معلش يا جميل جت متاخر

مبرووووووووووك علي الافتتاح

و ممكن واحد بوريو كبيييييييييييييير
Youssef Mostafa
02-23-2009, 08:40 PM
احرجتينى بذوقك ياسارة
اذا كان كدة احب اشرب واحد فروت سلاد وصلحه
Night Moon
02-23-2009, 09:28 PM
مبروك يا سارة علي الافتتاح ممكن واحد عصير بوريو اصلي بموت في حاجة اسمها بوريو
سلمي جمال
02-23-2009, 09:49 PM
موضوع جميل اوي يا سارة
كنت فكراكي بتضربي موضوعي في الاول
بس كفى المؤمنين شر القتال
هههههههههههههههههه

ربنا ستر

موضوع جميل اوي يا جميل
spring sun
03-03-2009, 10:45 AM
اهي القهوه قافله بقالها اسبوع علشان صاحبتها مسافره الغردقه

انا بس حبيت انشط الموضوع

وافتح القهوه وارش ميه علي بال ما صاحبه القهوه ترجع


وكل اسره حواء بتقولك وحشتينا يا ساره
Sara Gamal
03-10-2009, 08:50 PM
اولا بجد وحشتونى جداً جداً

والقهوة وحشتنى اوى

ثانياص آسفة على التاخير بجد غصب عنى وعارفة ان زباينا الحلوين زعلوا

بس نعدكم ان كل ده هيتعوض

وميرسى ليكى اوى اوى يااميرة إنك جيتى فتحتى القهوة شويه

أنا جيت اهو وفتحت القهوة وهرش ميه ..ومستنياكم كلكم المشاريب كلها على حسابى النهاردة حلاوة رجوعى معاكوا من تانى

أيوووووووووووووووووة جاى
Sara Gamal
03-10-2009, 09:24 PM
وهنبدأ النهاردة بالسحلب لأجمل زباين عندنا حسام ومرمر

وأعذورونى انا عارفة إن الطلب إتاخر عليكو
السحلب.....
*المقادير

4 كوب لبن
1 ملعقة صغيرة قرفة مطحونة
1ملعقة كبيره حبهان ناعم
1 معلقة كبيرة ماء الورد
3 معلقة كبيرة نشا
سكر حسب الرغبة
مكسرات حسب الرغبة( جوز هند..سودانى..زبيب..لوز وفسدق وبندق مجروش)

*طريقة التحضير

ــ تخلط النشا في قليل من اللبن
ــ ضع اللبن الباقي في إناء (حلة يعنى بالعربى :D) على النار حتى يسخن ثم ضع المكسرات والحبهان والقرفة والسكر ويقلب جيدا حتى يثقل (يصير غليظ القوام)
ــ يقدم ساخن ...وبألف هنا وشفا

****يوجد فى الاسواق سحلب معبأ جاهز يحضر بمجرد تسخين اللبن ويضاف محتوى السحلب والسكر ..بس انا شخصيا بحب اعمله بنفسى

http://www.gulfson.com/vb/img/up/34/c5b3cd9df6bd72ab25d4b0783edbbdfc.jpg
Sara Gamal
03-10-2009, 10:30 PM
وعندك هنا واحد كاكاو وصاية لهندسة المنتدى وأصحاب المزاج العالى اوى اوى البشمهندس أيمن
وليا انا شخصياً لأنى بموت فى الكاكاو

الكاكاو...
*المقادير

1 كوب كبير لبن
4 معالق كبيرة بودرة كاكاو
1 معلقة سكر وسط(حسب الرغبة)

*طريقة التحضير

ــ يسخن اللبن لبضع ثوانى
ــ يضاف الكاكاو والسكر ويقلب ويترك حتى يغلى
ــ يفضل تقديمه ساخن ...وبالهنا وبالشفا

****بصراحة ياجماعة دى مقاديرى انا الشخصية لانى بحبه تقيل جدا جدا وسكره خفيف اوى


http://al-qatarya.org/qtr/qatarya_VvRDNIkt8.jpg

كاكاو بالقرفة..

* المقادير

2 كوب لبن بودرة
1/2 كوب كريمة بودرة
1/2 كوب كاكاو
1 ملعقة صغيرة قرفة

* الطريقة

ــ تخلط جميع المكونات مع بعضها ، وتوضع في كيس بلاستيك محكم الغلق .
ــ تضاف أربعة ملاعق من الخليط إلي الماء الساخن لعمل كوب من الكاكاو بالقرفة .
ــ وبالهنا والشفا


http://up.toleen.com/download/61948876100ed00a.jpg
Sara Gamal
03-10-2009, 10:56 PM
ومعاك هنا تلت فناجين قهوة مظبوطين للبهوات ياواد ...اميرة هانم ووسام ويسرى باشا

منورينا


القهوة ..
*المقادير

1فنجان صغير ماء أو لبن (حسب الرغبة)
2 معلقة صغيرة بن (ده للفنجان المظبوط)
1معلقة صغيرة سكر (حسب الرغبة)

*طريقة التحضير

ــ ضع الماء او اللبن فى الكنكة وضيف البن والسكر وقلبهم جيد جدا جدا
ــ نرفع الكنكة على نار هادئة ونستمر فى التقليب حتى يذوب السكر ووتكون فقاعات من البن على الوجه
ــ تترك القهوة حتى تغلى او تقترب من الغليان وحذارِ إنها تفور عشان الوش مش يورح منها
ــ تصب فى فنجان او كوب حسب الرغبة وتقدم ساخنة


***تختلف مسميات القهوة ما بين المضبوط والسادة والزيادة فى مقدار السكر والبن كله حسب الرغبة الشخصية
***ويوجد العديد من انواع القهوة الشهيرة هنحاول نعرضها بعدين بإذن الله


http://up101.arabsh.com/my/7dd3ae0.jpg
Marwa Mahmoud
03-13-2009, 01:19 PM
http://www.gulfson.com/vb/img/up/34/c5b3cd9df6bd72ab25d4b0783edbbdfc.jpg


أيه يا خواتى الجمال ده

تسلم أيدك يا قمر

وربنا ميحرمناش منك أبدا
froty
03-15-2009, 03:01 PM
جامد جدا فكرة المقهى ديه يا سارة

معلش انا جيت متأخر شوية

شكرا لمشروباتك اللذيذة

بس لو سمحتى واحد ميلك شيك بلايس كريم



http://www12.0zz0.com/2009/03/15/12/848893316.jpg
شهاب بودا
03-15-2009, 05:47 PM
استمرى يا ساره
Sara Gamal
03-16-2009, 12:15 AM
ورجعنالكم مرة تانية ..وفتحنا القهوة بقالنا كام يوم مريحنكوا مننا

الضرايب ما أنتوا عارفين مش سيبانا فى حالنا:D

والنهاردة على راس المنيو

معانا احلى واطعم آيس كريم لأطعم بنوتة عندنا ولأحلى رانيا

آيس كريم

المقادير:-


1 كوب من اللبن
1 كوب من السكر
1 كوب عصير من فاكهة الموسم
2 صفار بيض
2 ملعقة من النشا
2 عصير ليمونة

طريقة التحضير:-


ــ يغلى عصير الفاكهة على النار مع نصف كمية السكر ويضاف عصير الليمون
ــ يغلى اللبن مع باقى كمية السكر ويضاف النشا بعد ان يذاب قليل من الماء ويضاف الفانيليا
ــ بعد ان يبرد الخليطان يضاف البيض ثم يصفى ويترك بالثلاجة لليوم الثانى
ــ يوضع بالماكينة المخصصة لصناعة الايس كريم((يمكن استخدام المضرب الكهربى)) حتى ينعم ويتماسك وبعد يحفظ بالفريزر داخل وعاء بلاستيك((اما فى عدم وجود ماكينة ايس كريم يوضع الخليط داخل الفريزر ويقلب كل ساعة حتى ينعم ويتماسك)).

***للحصول على ايس كريم فانيليا يحذف عصير الفاكهة وعصير الليمون

***للحصول على ايس كريم شيكولاته يمكن اضافة نصف كوب كاكاو للبن اثناء الغليان


http://www.whdane.com/up/uploads/b8be9021dd.jpg
froty
03-16-2009, 04:26 AM
بقى كدة يا سارة بتجيبى لرانيا ايس كريم وانا لا

طيب انا مخصماكى لحد متنزلى طلبى

وهعيط كمان

اهىء اهىء اهىء


http://www2.0zz0.com/2009/03/16/01/169776573.jpg
شهاب بودا
03-16-2009, 08:04 AM
يا ايس كريم فى الساقعه دى يا ساره
Marwa Mahmoud
03-25-2009, 12:46 AM
انا جيت ممكن واحد قهوة

عوزة اظبط دماغى مصدعة اوى

بس بلاش تأخير بقى والحركات دى

ههههههههههههههههههههههه
Soma
03-29-2009, 04:05 AM
ايه الموضوع الجامد ده ازاى كل المده دى مااخدش بالى كده
بجد فكرة جميلة جداااااااااااا
تصدقى فعلا نفسى دلوقتى فى جيلاتى ياريت بسرعه
وتكون بالليمون والفانيليا والمانجه ومفيش مانع من الشيكولاته
وبس مش عايزة اى حاجة تانية عليهم ههههههه
حلوة اوى الطريقة وسهلة جدا اكيد حجربها
ميرسى ليكى اوىىىىىىىىىى
MUHAMED SAMY
02-25-2010, 05:15 PM
ياريت القهوة ترجع تشتغل تااااانى..
ولما تشتغل اعملولى واحد شاى على ميه بيضه
رورو
02-26-2010, 11:33 PM
الله الايس كريم لذيذ اوى يا سارة .. قصدى الموضوع .. ربنا يكفيكى شر الضرايب يا رب علشان تكمللنا الوصفات الهايلة دى.