المساعد الشخصي الرقمي

مشاهدة النسخة كاملة : تعملى إيه لو معزومة مع حبيبك فى مطعم(الدخول للبنات



The[H]KinG
02-22-2009, 08:51 PM
أنا عارف أنى وجودى محظور هنا بس عندى شوية حاجات للبنات كده عشان يظبطوا الكلام
أسمعوا بقا الكلام عشان لو وقعتتوا فى الموقف ده أو أى موقف زيه تعملى ايه

يا أنستي العزيزة ،،
تعملى إيه لو أتفكت قعدتك فى البيت وحبيك عزمك على أكلة فى مطعم



اول شي



الشوكة والسكينة


لازم تعرفي الله يسلم عمرك

الشوكة تتمسك من ايدها من الطرف .. مش من الوسط ولا من البوز

وبطلي افلام الرعب الي بتشوفيهم .. مش خنجر هو



2


:: الخبز ::لا تفضحينا وتقطعيه باسنانك

!! و لا تقطعيه نصين بايديكي وكل نص وابلع .. اوعي

الخبز بتقطع بالسكينة في الطبق .. وبعدين تاخدها لقمة لقمة وتاكليها بالعافية

!! قال يعني نفسك مسدودة

واضغطي على اعصابك شوي لحد ما تروحي بيتكم وهناك خدي راحتك زي ما أنتى عايزة





3


:: الشوربة ::أبوس كعب رجلك .. هذا البند مهم كتير
الشوربة تتشرب من غير صوت خالص . ومن غير ما تقعدي تنفخي فيها

!! زي القهوجي الي بنفخ الحجر للزبون
اهم شيء بالملعقة وبدون صوت .. عاد تكون سخنة، مولعة، برضه بدون صوت
ولا تنسي تسيبي تلت الطبق مليان





4


:: الرز ::الرز طبعا يتاكل بالشوكة

إوعك تمدي ايدك ع المعلقة وتغرفي من الطبق وتعبّي !! إوعي

الرز بالشوكة .. وكأنك بتبوسيه مش بتاكليه





5


:: المكرونة الاسباجيتي ::برضه بالشوكة .. تتلف على طرف الشوكة

لحد ما تخلص وبعدين في فمك في هدوء ومن سكات

مش تشفطي المكرونة عود عود







6


: السمك :::هو السمك مشكلة شوي

ركزي معيا لتعرفي كيف تفصلي اللحم عن الشوك
بتقطعي اللحم من النص بالطول .. وبعدين افردي اللحم ع الناحيتين

وبس تخلصي ناحية لا تقلبي السمكة .. بلاش فضايح

شيلي السلسلة بالشوكة والسكينة وحطيها في جنب الطبق

وكملي النص التاني
ولا اقولك .. بلاش الفيلم الهندي ده كله

بلاها اكلة السمك .. قولي ما بحبش السمك وريحي بالك







7


:: الجمبري ::اذا بتعرفيه يعني
اول ما ينزل صحن الجمبري .. بصّيله كدا من تحت لتحت

قال يعني زهقانة من كتر اكل الجمبري الجامبو في بيت الحج

الله يخليلكى .. واتنهدي بصوت وقولي

هو انت تاني يا جمبري .. انت ورايا ورايا
و تروحي قاطعة راس الجمبري بالشوكة .. بليز انا في عرضك

انسي المصمصة في الجمبري خصوصا





8


:: البطاطس ::سواء مسلوقة ولا محمرة

لا تهرسيها وترميها ع صحن الرز وتلغّي .. لا كدا غلط

بالشوكة وشوي شوي زي ما تكوني راح تبكي من كتر ما

البطاطس صعبانة عليكي يا عيني







9


:: الفاكهة ::لو الفاكهة فيها بزر .. بتطلعيه من فمك بشويش

وتحطيه بايديكي وهي مقفولة .. و في طفاية السجاير الي على التربيزة

وانسي نظام التفتفة .. مش وقته





10


:: النهاية ::
بس تخلصي أكل

تحطي ايدك ع بطنك -اللي عصافيرها بتزمّر من العينات الي شميتيهم

وتقولي مش قادرة ، مش ممكن .. اول مرة اكل بفجع كده

قدامي اسبوع مش هاكل
وبعدين تمسكي الفوطة اللي دايما محطوطة ع التربيزة

بلا اهمية وتبوسيها .. قال يعني بتمسحي فمك
وبعدين استأذني عشان تصلحي الميك أب .. وتروحي التواليت

وطّلعي من شنطة ايديكي ساندويتش فلافل و شوية زتون وفحل بصل وقرن فلفل .. وبالهنا والشفا



تحياتى للجميع

farida
02-22-2009, 08:57 PM
سحس بقولك ايه

ده علي اساس الي احنا الي بنعمل كدة وانتوا ملايكة

ههههههههههههههه


بس توبيك جميل يا سحس

بس لما شوفك بس:mad:

farida
02-22-2009, 09:03 PM
اه صح بكرة حيبقي اخر يوم ليك

انت الي لعبت في عداد عمرك

ههههههههههههه

Marwa Magdy
02-22-2009, 09:05 PM
ههههههههههههههههههههههه
الأسلوب جميل اوى
انا مش قادره امسك نفسى من الضحك
بس موضوع جميل اوى

Marwa Mahmoud
02-22-2009, 09:05 PM
ههههههههههههههههههههههههههههههه
ليه كدة بس
محنا كويسين وماشين تمام أهوه
ليه يا كنج الداخلة الجامدة دى
بس والله حلوة شكرا ليك يا كنج
موضوع لذيذ

spring sun
02-22-2009, 09:43 PM
اهلا بيك يا كنج

بجد موضوع حلو اوي

والاسهل من كده ان احنا ناكل في بيتنا افضل لان ولا واحده هتعمل ده

ههههههههههههههههه

The[H]KinG
02-22-2009, 10:47 PM
هههههههههههههههههههههه
شكرا يا بنات والله
أنا أقصدى أهزر معاكم
وشكرا للمشرف عشان هو أكيد بنت وممسحش الموضوع

free eagle
02-22-2009, 10:48 PM
ايه الحلاوة دى يا كنج

موضوع بجد جامد جدا والله انا مقدرتش امسك نفسي من كتر الضحك

بس كدة يبقي خداع


انت بتحرضم على الخدع روح يا شيخ









وتعالى بسرعة

snow white
02-22-2009, 11:15 PM
ههههههههههههههه

بجد يا كنج تحفة انا مش قادرة

امسك نفسي من الضحك

بجد شكرا ليك على الموضوع الحلو ده

جنات
02-23-2009, 05:12 PM
شكرا ياكنج بجد موضوعك حلو جدا بس كده انا مكلتش وهو دفع كتير قوى حرام انا بقول كل واحد ياكل فى بيته ههههههههههه بس موضوع جامد وعجبنى اسلوبك..

The[H]KinG
02-23-2009, 11:24 PM
شكرا يا جنات على الرد والمشاركة

ياسمين
03-25-2009, 03:33 PM
اعتقد ان الواحد لازم يأكل فى البيت قبل ما يروح يأكل العينات دى
شكرا لك على الموضوع
موضوع جامد جدا

olivia nader
03-25-2009, 03:55 PM
ههههههههههه
حلو الاسلوب الكوميدي عشان تعلم الاتيكيت
بس ده اصلا المفروض يعني
اننا كلنا عارفين الحاجات دي من واحنا صغيرين
و مش بنات بس الولاد كمان
الولاد مش بياكلوا دول بيبلعوا
ميرسي يا كينج علي التوبيك الجامد ده

nmm141
04-17-2009, 12:22 AM
هو فعلا احسن حاجة الواحد ياكل فى بتهم احسنومش لازم العذاب ده

الورده البيضاء
06-20-2009, 06:25 PM
هههههههههههههههههههههههههههههههههههههههههههههههه
موضوع جامد جدا ياحسام تسلم ايدك انا هموت من الضحك
بس على اية كل وجع القلب دة الواحدة ممكن تعمل نفسها قلبها على خطيبها وتقولة لاياحبيبى بلاش مطعم تكاليف عليك دانا خايفة عليييييييييييييك
هههههههههههههه
ويقضوها فول وطعمية
ولا انت اية رايك؟
بجد بجد موضوع تحفة