المساعد الشخصي الرقمي

مشاهدة النسخة كاملة : خبر هام لكل راغبى السفر إلى السعوديه



ibrahim_elsonbati
02-24-2009, 01:19 AM
أخوانى نظرا للتدهور الشديد فى النواحى الأقتصاديه فى مصر يتسابق ملايين الشباب للسفر للدول العربيه وخصوصا السعوديه لكى يفتحوا لهم أبواب رزق جديده وللهروب من الوضع المأساوى فى مصر
ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى
وليس الشركات فقط بل المصريين إيضا قللوا من أنفسهم وقيمتهم الحقيقيه التى يستحقونها

و أرجوا من لديه مثال واقعى يكشف ما سيتم سرده بعد ذلك من أوضاع أن يكمل معنا الموضوع بوضعه وأرساله لكل راغبى السفر للسعوديه

دعونى أولا أوضح بعض النقاط

1- أقل مبلغ مطلوب شهريا لمستوى معيشى متوسط لفرد واحد

الأكل - فى أضيق الأحوال 20 ريال يوميا (فطار – غداء – عشاء)
المياه - فى أضيق الأحوال 20 ريال شهريا ( 4 قاروره)
سجاير - فى أضيق الأحوال 3 ريال يوميا (العلبه تقريبا 5 ريال)
أخرى - فى أضيق الأحوال 200 ريال شهريا (علاج - موبايل - خروج - ملبس- ألخ......)

أذا المجموع الكلى تقريبا 900 ريال شهريا لشخص مدخن وتقريبا 800 ريال لشخص غير مدخن
مع العلم أنه يمكن أن تكون هناك مصاريف أخرى يمكن حدوثها ولكنى لم أذكرها لأختلافها من شخص لأخر

أيضا هذه المصاريف لشخص عادى مش أكيل و لا لبيس و لا حاجات كتير

2- السكن والأنتقالات

لو الشركه موفراهم مفيش مشكله أما أذا كان الأجابه بلا فأليك هذه المعلومات

السكن

لو الشركه هتوفرالسكن و بدون أثاث

أذا ستحتاج (سرير – دولاب - غساله – ثلاجه – بوتجاز – مكوه – حاجات المطبخ – وخلافه )

لو هتشترى عفش جديد هيكون فى حدود 4000- 6000 ريال
أما لو مستعمل هيكون فى حدود 2500- 3500 ريال

كل ده بدون تكييف وهيكون فى حدود 1500 ريال أذا كان غير موجود لكل غرفه بالطبع

اما لو الشركه مش هتوفرالسكن

فهيكون أيجار سكن عازب غرفه وصاله ومطبخ فى حدود 10000 ريال فى السنه
لو السكن مشترك هيكون فى حدود 500 ريال شهريا

وهذه معلومات فى حالة طلبك بدل سكن مناسب

الأنتقالات

فى المملكه مفيش مواصلات عامه ألا باص صغير يأتى من حين لأخر على إستحياء ولا يمكن الإعتماد عليه
ولذلك ستركب تاكسى وأقل مبلغ ستدفعه 20 ريال للمشوار الواحد

ولذلك يمكنك حساب ما تحتاج من بدل الإنتقالات

بعد سرد ما سبق وبدون إطاله

أذا كان السكن مؤثث ومكيف والإنتقالات على الشركه فيمكن للفرد أن يحتاج إلى 1100- 1300 ريال شهريا
أما أذا كان العكس فسيحتاج الفرد إلى 1800 – 2200 ريال شهريا

ولذلك بعد بحث طويل مع كل الأفراد والأصدقاء أستطيع أن أضع تصور عقلانى للرواتب التى من المفترض إلا يأتى أحد من مصر أقل منها وأناشد أخوانى قدر المستطاع نشر هذه المعلومات نظراُ لأهميتها القصوى



ملحوظه :-

1- كل الرواتب التى سأسردها لحديثى التخرج أو لخبره سنتان على الأكثر
2- الرواتب المذكوره بدون بدل سكن أو إنتقال
3- الرواتب المذكوره بدون تأمين صحى

الرواتب الواقعيه والمفروض أن لا تقل عن ذلك

المهندسين بمختلف مجالاتهم من 5500 – 7000 ريال سعودى
المساحين بمختلف مجالاتهم من 4000 – 5000 ريال سعودى
الصيادله بمختلف مجالاتهم من 4500 – 6000 ريال سعودى
الأطباء بمختلف مجالاتهم من 5500 – 7000 ريال سعودى
المدرسين بمختلف مجالاتهم من 3000 – 4000 ريال سعودى
العماله بمختلف مجالاتهم من 2500 – 4000 ريال سعودى
المحاسبين والسكرتاريه والمناديب بمختلف مجالاتهم من 3000 – 4000 ريال سعودى

و دي الرواتب الحقيقية و هي رواتب مضحكه من كثرة البكاء عليها و الأمثله كثيرة

محاسبين على 1200 ريال
مهندسين على 1800 ريال
أطباء على 2500 ريال
مدرسين على 1500 ريال
سائقين على 1100 ريال
عماله على 700 ريال


الأشياء اللازم توفيرها فى أى عقد لأى مهنه

1- لابد أن يحتوى العقد على شهر أجازه كل سنه مدفوع الأجر وشامل تذاكر الطيران ذهاب وإياب
2- لابد من توفير التأمين الصحى لك وللأسره
3- توجد خدعه أسمها تقسيم قيمة الراتب إلى أساسى صغير جدا وبدلات ثم تفاجئ بخصم البدلات بعد القدوم لأى سبب
4- بعض الشركات تطلب دفع تذكرة القدوم وتوعد بدفع القيمه عند المجئ ولا تدفع بالطبع فيمكنك طلب التذكره وأنت فى مصر وبسهوله يتم إرسالها لك فى حالة جديتهم فى الطلب
5-مرفوض تماما السفر البرى من وإلى المملكه

معلومات للعلم فقط وليس الحسره على المصريين

1- المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا
2-المحاسبين الأردنين والفليسطينين والهنود لايأتو أقل من 3000 ريال وتوفير كل شىء مشروح سابقا
3-رواتب السورى واللبنانى والهندى والفلسطينى أكبر من المصرى والسبب فى المصرى نفسه لأنه أكثر كفاءه وعلم وتعليم منهم جميعا ولكن ينقصه البحث والحصول على المعلومات قبل إتخاذ القرار

اتمني ان اكون قد وفقت في نقل بعض من الواقع

و جزانا الله و اياكم كل خير

احمدالمقدم
02-24-2009, 01:26 AM
شكرا ليك بجد يا ابراهيم
وربنا يجزيكم خير
علي هذه المعلومات

محبة الرحمن
02-24-2009, 01:29 AM
جزاك الله خير والله الموضوع فعلا حقيقي وهذا ما يحدث عن تجربة

ibrahim_elsonbati
02-24-2009, 01:56 AM
شكرا ليك بجد يا ابراهيم
وربنا يجزيكم خير
علي هذه المعلومات


شكرا لمرورك
و جزاك الله خيرا

ibrahim_elsonbati
02-24-2009, 01:57 AM
جزاك الله خير والله الموضوع فعلا حقيقي وهذا ما يحدث عن تجربة



شكرا لمرورك الجميل يا محبه
و ربنا يقدرنا علي فعل الخير

احمد عبد الحليم
02-24-2009, 02:08 AM
تسلم ايدك يا ابراهيم علي طرحك للقضيه دى اللي بتهم ناس كتييييير
بتفكر فعلا في السفر وبجد بجد نورت المحكمة

ibrahim_elsonbati
02-24-2009, 02:51 PM
تسلم ايدك يا ابراهيم علي طرحك للقضيه دى اللي بتهم ناس كتييييير
بتفكر فعلا في السفر وبجد بجد نورت المحكمة


هههههههههههه
محكمة
شكرا لمرورك يا حماده

Youssef Mostafa
02-24-2009, 06:28 PM
تسلم ياهيما بجد على التوضيح دة وفعلا فى ناس نزلت من السعودية كتيييير لسوء احوال المعيشة هنااااك

ميرا مار
02-24-2009, 06:46 PM
جزاك الله خيرا يا ابراهيم
الموضوع مهم فعلا

ibrahim_elsonbati
02-24-2009, 09:46 PM
تسلم ياهيما بجد على التوضيح دة وفعلا فى ناس نزلت من السعودية كتيييير لسوء احوال المعيشة هنااااك


الحمد لله
ربنا يقدرنا علي فعل الخير
و شكرا ع المرور


جزاك الله خيرا يا ابراهيم
الموضوع مهم فعلا


شكرا لمرورك الجميل يا ميرا
و الله الموضوع مش بتاعي
هو منقول من موقع ع النت لناس راحت و شافت اللي بيحصل هناك

Mahmoud Slem
07-22-2010, 02:41 PM
كلامك كله صحيح
ويايريت الناس كلها تبقى عارفه هى بتعمل ايه
بدل ماراوح اتمرمط بره بلدى لا انا اتمرمط فى بلدى احسن
لازم كل واحد يعرف حقه

لكن المصرى اصلا فاقد حقه هنا فى بلده بالتالى اتعود انه يفقد حقه فى اى مكان
ياريت نعرف حقوقنا والكل عارف مكانه المصرى فى شغله بس احنا اللى بنرضى باى حاجه


شكرا لحضرتك
وياريت الكل يسمع كويس ويفهم

mostafa hassan
07-30-2010, 07:46 PM
جزاك الله خير يا بشمهندس ابراهيم علي هذه المعلومات
بس احنا هنعمل ايه مفيش شغل هنا واذا توفر لازم يكون بخبرة واحنا لسة شباب لسة متخرجين نعمل
بندور علي السفر تفتكر لو في عمل هنا في بلدنا ايه اللي يخلينا ندور علي السفر والغربة

gomaa
08-05-2010, 04:18 PM
ربنا يديك الصحة وجزاك الله كل خير

Mahro
08-23-2010, 11:28 AM
ده انته جبته بحزافيره الله ينور يا هيما وجزاك الله كل خير

بس انته ليه مقولتش على ميزانية الكابسه ياراجل دى خاربه بيتى ههههه

محمد جمال الزيات
08-23-2010, 11:42 AM
بارك الله فيك اخي الكريم علي المعلومات الجميلة دي فعلا انا في السعودية وفي كثير بل معظم المصريين يعانون من هذه المشكلة

اسلام المبرمج
08-30-2010, 10:23 PM
شكر على هذا التنوير للعين الغافلى
يس مصر فيه نفس البهدله
و لكن تتبهدل فى بلدك و لا فى بلد الغريب

hamdyfarag80
09-09-2010, 09:37 AM
مشكور علي المجهود الكبير اللي انت عامله

محمد يحيى
11-18-2010, 12:05 AM
انا محمد يحيى اعمل فى المملكة بقالى سنتين اولا شكرا على المعلومات القيمة دى يااخ ابراهيم بس الى مقدم على السفر شىء طبيعى انه بيسأل اى حد سافر قبل كده
وهو هيدله على المفيد من زميلة وهو هيفيده برده او ممكن من النت زى ماانتا كتبت كده بالظبط

amro252
11-18-2010, 09:38 AM
شكرا يا باشا على هذه المعلوماتا القيمة ويجب اضافة معلومة صغيرة يجب ان توضع بالعقد في حال تجديد العقد ان يضاف اليه بنود للاقدمية والخبرة والزيادة السنوية ان تتضاعف كل سنة بما يناسب مكانة القادم وان يحفظ جميع حقوقه في حال الانتهاء من العقد

memo_5596536
01-09-2011, 03:02 AM
شكرا جدا للاخ ابراهيم على طرحه مثل هذا الموضوع لانه فعلا موضوع مهم جدا لكل شاب يرغب فى السفر

كفاية يا شباب مصر ترخصوا من نفسكم ولازم كل واحد يكون عنده ثقه بنفسه اكثر من كده

elkady_gis
01-10-2011, 07:47 PM
طيب فى موضوع مهم غافلين عنه بجانب طبعا المواضيع المهمة التى اسردت
الفيزا .........
انا جاتلى فرصة للسفر اخصائى نظم معلومات ولما صممت رأى مع السعودى اتفقت معاه على كل حاجة انتا ذكرتها واتفاقنا ان المرتب 4000
ولكن فى مشكلة صغيرة ..
لما روحت اعرف الاجراءات من المكتب التابع للكفيل قالى ان الفيزا هيكتبلى فيها عامل
وطبعا رفضت الموضوع....
ياريت حد يوضحلى موضوع الفيزا يكتب فيها عامل
انا كل ماأقول لحد اعرفه عن الموضوع ده يغلطنى اتمنى المعرفة من حد يكون سافر

عبد الوهاب محمد
04-05-2011, 12:29 PM
موضوع مهم شكرا

أبو إلياس مصطفي
04-06-2011, 09:36 AM
السلام عليكم

بجد ربنا يجزيك خير عنا

وكان عندي إستفسار أنا متزوج وعايز أطلع علي عقد متزوج عشان عايز أستقر هناك أنا وزجتي
في أي نصائح ممكن تنصحهالي بالنسبة للمديات والإقامة والإستقدام والتأمين الصحي و أي شئ آخر

hemo_friends
05-19-2011, 03:26 PM
هو فعلا الكلام ده مظبوط بس فى حاجه لازم اوضحها ان فى موضه جديده فى الشركات وهى تاجيل الراتب ثلاثه اشهر ويعطوا سلفه بدلا من الراتب ليه علشان يمسكوا الى جى جديد من ايده الى بتوجعه ويطالبوه بشغل زياده عن مواعيده القانونيه وده كلها افكار المصريين الى فى الخارج فهم اسوء الجنسيات فى الدول العربيه نصيحه لكل من يرغب فى السفر احذر احذر ااحذر من المصارى او المصريين حتى لو بتاكل معاهم فى طبق واحد

hemo_friends
05-19-2011, 03:28 PM
فيزا العامل لايسمح باستقدام الاسره

ياسمين جمعه
05-31-2011, 12:39 PM
ماشاء الله فعلا موضوع مهم جداا لكل الشباب اللى عاوزين يسافروا بس زى محضرتك قولت ان الاحوال الاقتصاديه فى مصر فى تدهور ومالشغل فيها مياكل عيش ولا تكون مستقبل فالشباب عاوزين يهجوا من البلد وخلاص بس يارب يعروا كل الكلام اللى حضرتك طرحته ده .... وجزاك الله كل خير على هذه المعلومات

ياسمين جمعه
05-31-2011, 12:44 PM
ماشاء الله فعلا موضوع مهم جداا لكل الشباب اللى عاوزين يسافروا بس زى محضرتك قولت ان الاحوال الاقتصاديه فى مصر فى تدهور ومالشغل فيها مياكل عيش ولا تكون مستقبل فالشباب عاوزين يهجوا من البلد وخلاص بس يارب يعروا كل الكلام اللى حضرتك طرحته ده .... وجزاك الله كل خير على هذه المعلومات

ياسمين جمعه
05-31-2011, 12:51 PM
بشمهندس القاضى جى اى اس ... حكايه البسبور يتكتب فيها عامل دى مش حلوة خالص عشان حتروح منك حقوق كتير منها مينفعش تاخذ زوجتك وتستقر فى مكان عملك لانك عامل (فى البسبور يعنى)حتى لوكنت شغال مهندس

الطوفان
06-14-2011, 10:03 AM
للاسف كلامك كله صح

احنا اللى نقلل من قيمة نفسنا .... عجبى

fawzy nasr
07-04-2011, 07:06 PM
http://www.mesa7a.com/forum/mwaextraedit5/extra/49.gif

fawzy nasr
07-04-2011, 07:09 PM
مشكور جدا عل المجهود