المساعد الشخصي الرقمي

مشاهدة النسخة كاملة : مشكلة عايز يهمنى رأيكم فيها



The[H]KinG
02-24-2009, 09:59 PM
أولا: السلام عليكم
ثانيا:أنا عندى مشكلة كده قريبة منى أوووووى وصاحبها متعذب وعايز حل ضرووووورى
وانا عارف أن المنتدى ده فى ناس كتير دماغها جامدة وليها خبرة فى الحياة

هى المشكلة
أنه من ساعة ما دخل الكلية وهو شاف بنت عجبته أوووووووى وكان حابب يتعرف عليها وبعد التحريات عنها
وبعد ما تعبنا معااااااااااه عرف أنها محترمة ومش هينفع أنها تحب وكده يعنى
فقرر أنه يكلمها ويقولها انه بيحبها ومستعد يروح يخطبها
فعشان هى مش بتوقف مع ولاد خااااالص بعتلها واحدة صاحبتة تقولها على كل اللى عنده وتقولها انه عايز يخطبها وكده بس عايز يعرفها على نفسه الاول ويتعرف على شخصيتها
المهم وافقت توقف معاه خمس دقايق وقالها انه معجب بيها ومن غير لف ولا دوران ولا المؤثرات الصوتية ولا حاجة خالص
المهم طلب منها أنها تعطية الفرصة ولكن مرت الايام ومش بتيجى الكلية وفى الاخر يتفجىء من صاحبتةاللى كلمتهاله فى الاول أنها بتحب شاب تانى وهى فى مشاكل معاه دلوقتى

طب هو دلوقتى يعمل أيه وهى لسه مردتش عليه
وطبعا مشغوله فى حوارها التانى والشاب التانى ده عاملها مشاكل وكده



الراجل ده دلوقتى اللى لسه مائخدش فرصته يعمل ايه

يبعد عنهم ولا يتدخل بينهم ويقف مع فتاة أحلامه ولا يعمل ايه ولسه بيحبها


معلش أنا عارف أنى طولت عليكم بس يهمنى أنى أكون أول واحد يحلله مشكلته دى
وأنا عارف أنها هتكون عن طريقم بأذن الله
وشكرا

خالد أبوسعده
02-24-2009, 10:21 PM
موقف صعب جدا يا حسام
الله يكون فى عونه فى الاول
ثانيا انا لو مكانه حسألها الاول قبل ما اتدخل فى اى حاجة
بس انا فهمت انها مبتجيش
لو جت مره واحده لازم يوقفها و يسألها لان ممكن اوى الكلام الى وصله دا ميكونش مظبوط
لازم يسمعلها الاول و الكلام لى حيسمعه منها هو الى حيحدد سكته بعد كده و طريقه بعد كده
و قبل ما يسمع منه لازم الاول يراعى موقفها و ظروفها و اى رد فعل حتعمله ساعتها

خليه بعد ما يسمعها يفكر كويس
و كلامها هو لى حيبينله كل حاجة و حيريحه بالقرار النهائى

farida
02-24-2009, 10:21 PM
حسام انك تشوف مشكلة صاحبك وتحاول تحلهاله ديه حاجة جميلة اوي

وصاحبك معملش حاجة وحشة و كويس اوي انه بعت واحدة هي الي تكلمها احسن ماهو يكلمها علي طول

بس دلوقتي انا شايفة انه ميكلمهاش في الايام ديه عشان ممكن تكون متعصبة و مشغولة بالمشكلة مع الشاب التاني

مش وقت يفضل فيه انه يكلمها بس يبعت صاحبته الي كلمتها و تسالها عن مشاكلها اخبارها ايه ولما تتحل ولو كل واحد راح ي حاله

يستني شوية و يروح بقي يكلمها بس ميكلمهاش علي طول بعديها عشان ممكن تكون في حالة صعبة يستني لما تهدي

ده رايي يا حسام ويا ريا رب يعجبه و يعمل بيه

ندااااء البحر
02-24-2009, 11:00 PM
حسسسسسسسسسسسسسسسسسسسسسسسسااااااااااااااااااااااااا ام
فى رايين
الاول
اطرق على الحديد و هو ساخن
يعنى يدخل فى الموضوع و يتقرب منها فى الموضوع ده و يحاول يحلهلها و هو معاها هيه هتحس بانه بيحبها بس فى مشكله فيها هل هيه هتقدر انك بتحبها ولا هتعمله كبرى عشان تنسى الى فات و تغيظه بيه

الثانى
تسيبها لحد لما تخلص مشاكلها كلها وتعرف انها خلاص الموضوع انتها من حيتها ساعتها ممكن تتكلم

و انا ارجح التانى
و بصراحه البنت لما بتكون مجروحه ممكن تعمل اى حاجه و دى عن تجارب كتير اوى و خبره 5 سنين فى كليه
ممكن تشوف منها اجمل معمله و اجمل كلام و فى الاخر تقولك انا اسفه انا مش حسه بيك
او ممكن تقولك انا مكنتش عرفه انا بعمل ايه و انا ظلمتك معايا

Night Moon
02-24-2009, 11:01 PM
بص يا حسام اول هام هيه بحب الشاب التاني دة فدلوقتي هيه قلبها مع الشاب التاني دة فمش هاتقدر انها تحب صاحبك وتاني هام ان صاحبك ماينفعش يدخل بينهم لان لو حصلت حاجة انهم سابو بعض خالص ممكن تلومة او هاتحط في دمغها انة هوة السبب لانة عايزها او لو رجعو لبعض صاحبك هايتعذب اكتر واحسن بلاش خسارة للطرفين المهم انا شايفة ان صاحبك معلش يجي علي نفسة شوية ويبعد احسن له علشان مايتعذبش اكتر لان ممكن يرجعو لبعض فهوة كدة هايعلق نفسة بيها اكتر اما لو سابو بعض خالص فبعد فترة كبيرة ممكن هوة يروح يكلمها ويشوف هيه عاملة ايه بس مش من اول مرة طبعا يفاتحها في الموضوع لا يعرف ايه اخبارها يحسسها يعني انه لسة عايزها ومهتم بيها ويعرف منها بعد كدة لو هيه عايزاه وهاتقدر تنسي الشاب التاني دة فيتفقو مع بعض ويتقدملها اما لو مش هاتقدر تنساه فيعتبر نفسة اخ ليها علي طول علشان مايتعلقش بيها وهيه قلبها مع حد تاني وبس معلش بقي طولت عليك

The[H]KinG
02-25-2009, 09:59 PM
شكرا يا
نداء
فريدة
موبوتو
أسماء

بجد مكنتش متوقع كل الردود دى

وأنا شايف أن أغلب الناس وصلت لنفس النتيجة

وشكرا مرة تانية