المساعد الشخصي الرقمي

مشاهدة النسخة كاملة : ماتقولش ايه ادتنا مصر؟؟!! ... قول انت عايز ايه من مصر...



ميرا مار
02-27-2009, 02:37 PM
السلام عليكم
عندى موضوع جااااد جدا فعلا شاغل تفكيرى كتييييييير
واكتشفت انى باحب مصر جدا ..بس ماجاتش الفرصة اعبر عن حبى لها


عشان كدا ..اتمنى انى اشوفها حاجة تانية احلى فى كل شئ
وللاسف مش فى ايدى الكتير

لكن قلت ممكن افتح صفحة نقاش لشباب مصر الواعد
هما شايفين مصر ممكن تبقى احلى ازاى بس بطريقة واقعية

وعشاان كدا كل اللى عنده فكرة او اقتراح او حتى شكوى
نقولها هنا
يمكن صوتنا يوصل فى يوم..وساعتها نكون عملنا حاجة بجد...

ميرا مار
02-27-2009, 03:52 PM
انا ابتدى

نفسى اشوف فى مصر
تكاتف جااااااد من كبار رجال الاعمال واغنياء مصر
يحطو ايديهم فى ايد بعض
ويتبرعوا بمبالغ جامدة
تتجمع وتتعمل مشروع كبير ضخم
تلم عدد هائل من شباب مصر العاطلين الباحثين عن فرص
للعمل والرزق الحلال..
واتمنى ساعتها يتعمل جزء من ارباح المشروع
ننقذ بيها اطفال الشوارع..اللى بلا ماوى ولا سكن
اتمنى..

ميرا مار
02-27-2009, 04:58 PM
عايزة فى مصر

قانون يجرم قاطعى صلة الرحم

ويبقى من حق اللى له حد قاطع لصله رحمه انه يشتكيه
ويبقى فى فى قانون الاحوال الشخصية حاجة تحكم هذه المسالة

اشمعنى السارق والقاتل والمرتشى وكل اهل الفساد بيعاقبوا
مع ان قطع صلة الرحم اشد وطاة فى التاثير على المجتمع..

كفاية ان رب العزة قرنها باسمه وتوعد قاطع الرحم بقطيعته..

ميرا مار
02-27-2009, 08:45 PM
نفسى اشوف فى مصر
اول ناس تلتزم بقوانين السير والطرق اهلها
نفسى اشوف الناس بتتصرف بطريقة حضارية

نفسى اشوف كل كام متر سلة للمهملات
انا ساعات بابقى ماشية فى الشارع باتلفت ادور على سلة ارمى فيها
ارجو حد يسمعنى ...نفسى بجد مصر تبقى بلد شوارعها نظيفة

mohamed-gohar
02-27-2009, 09:25 PM
والله انا بحب بلدى مصر جدا بس انا كان ليا عند "الغالية" طلب واحد : نفسي مصر تروح كاس العالم

ميرا مار
02-27-2009, 09:32 PM
هههههههه
يارب يا محمد
وباشكرك جدا لمشاركتك..

Mimi
02-27-2009, 09:56 PM
موضوع رائع جدآ ياميرا

وانا بطلب من مصر العدل والتحضر

eslam mamdouh
02-27-2009, 10:04 PM
موضوعاتك دائمه التمييز يا مهندسه مها


مشكله مصر الاساسيه من منظورى المتواضع

عدم وجود رؤيه شموليه فى التخطيط ونحن بالفعل كل ما نفعله هو التخطيط بعيدا عن ارض الواقع

ولذلك فنحن صيد سهل للتخلف والفقر والعشوائيات والجرائم المجمتعيه الصارخه

ما اتمناه لمصر وجود تفاعل بين الجميع من اجل العلو بشانها , بمعنى ان يشعر الجميع بدوره فى المجتمع


ان تنتهى السلبيه ولا مبالاه وان تختفى كلمه (انا مالى خلينى فى حالى )

ان يخاف كل انسان على اخيه كما يخاف على نفسه

وبدايه اى تقدم او حركه تقدميه لمصر هو من التعليم

اتمنا لمصر نظام تعليم قوى حقيقى يبدا من التساؤل حتى يصل الى الاجوبه الازمه
اتمنى لمصر روح جديده........فكر جديد (غير طبعا فكر العبور للمستقبل بتاع ناس حبايبنا)

بجد اتنما من كل فرد ان يشعر بدوره فى المجتمع وان بدون وجوده يختفى جزء لا يتجزء من المجتمع

اتمنا..............واتمنا..............واتمنا..... ........ويلايت الحياه تمنى كانت بجد تكون سهله
انا اسف جدا على الاطاله.........ولكن بجد موضوع اكثر من رائع.......



الف شكر لحضرتك مره تانيه

م/ احمد فاخر
02-27-2009, 10:05 PM
موضوع جميل جدا ياميرا
بس انا بطلب حاجات كتير اوى من حكام مصر

الحريه وما تحويه من معانى كتيره
العدل بين الناس
نفسى اللى يحكم مصر
يكون بيحب مصر ويخاف عليها

نفسى الناس تبطل تسكت وتقول انا مالى
ويارب حاجه من دول تتحقق
اللهم امين

witch evil
02-28-2009, 12:00 AM
موضوع رائع يا ميرا

انا بقى نفسى اشوفك مصر ارد سلام وامان

والطير الابيض يبان شايل غصن الزيتون

بحلم بمصر بتاعت زمان

ايام مكان الجيران كلهم عليه وحده

ايام مكانت الشوارع فاضيه والجو رايق

ايام وايام بجد مصر وحشتنى اووووووووووووووووووى اللى ملحقتش منها غير حاجات بسيطه

Marwa Mahmoud
02-28-2009, 12:14 AM
شكرا ليكى يا ميرا موضوع جميل جداااااااااااااااا
بحييكى على موضوعاتك الهدافة دى

أنا نفسى فى حجات كتير ة أوى أطلبها من
كل إنسان بيعيش على أرض هذا الوطن الغالى
الحكام والشعب لأن الوطن عمرة ماهيتغير إلا
بأبنائة اللى بيحبوة
لم ينهض هذا الوطن الإ ( بالعدل )
لو كل واحد خد حقة ولم يأكل حق غيرة
ستتغير الأحوال كثيرا
( الظلم ) الواقع هو من أكثر مايعانية
كم من أسر لا تجد مأوى ولا مسكن ولا ملبس
مناظر تجعل القلوب تبكى قبل العيون ..

ميرا مار
02-28-2009, 03:35 PM
شكرا ليكى يا ميرا موضوع جميل جداااااااااااااااا
بحييكى على موضوعاتك الهدافة دى

أنا نفسى فى حجات كتير ة أوى أطلبها من
كل إنسان بيعيش على أرض هذا الوطن الغالى
الحكام والشعب لأن الوطن عمرة ماهيتغير إلا
بأبنائة اللى بيحبوة



صح يا مرمر عندك حق فعلا

لا يغير الله مابقوم حتى يغيروا ما بانفسهم

ربنا يقدرنا على نفوسنا..ونحاول نتغير دايما للافضل

ميرا مار
02-28-2009, 03:37 PM
موضوع رائع جدآ ياميرا

وانا بطلب من مصر العدل والتحضر


شكرا ميمى

ياريت يا ميمى تحددى اكتر هتساعدينا كتير
لانك ممكن تطلبى حاجة... ويكون هنا بالصدفة حد يقدر ينفذها
باشكرك قوى يا حبيبتى ومشاركتك اسعدتنى
ماينفعش الموضوع من غيرك

ميرا مار
02-28-2009, 03:41 PM
موضوعاتك دائمه التمييز يا مهندسه مها




ما اتمناه لمصر وجود تفاعل بين الجميع من اجل العلو بشانها , بمعنى ان يشعر الجميع بدوره فى المجتمع


ان تنتهى السلبيه ولا مبالاه وان تختفى كلمه (انا مالى خلينى فى حالى )

ان يخاف كل انسان على اخيه كما يخاف على نفسه

وبدايه اى تقدم او حركه تقدميه لمصر هو من التعليم

اتمنا لمصر نظام تعليم قوى حقيقى يبدا من التساؤل حتى يصل الى الاجوبه الازمه
اتمنى لمصر روح جديده........فكر جديد (غير طبعا فكر العبور للمستقبل بتاع ناس حبايبنا)

الف شكر لحضرتك مره تانيه


انا اللى باشكرك يا اسلام
تحدثت فاحسنت
وحطيت ايدك على نقطة فى غاية الاهمية

معظمنا غافل عن ان له دور فى المجتمع ..المفروض يكون مرسوم بدقة
ولكن للاسف يمر العمر سريعا دون ان يعلم اغلبنا ..هو عايش ليه
وان مصرنا لها حق عليه
وانه مسئول عنها زيه زى اكبر مسئول فيها
لكن عند قوله وانا مالى....مشكلة..باشكرك واتمنى ان الكل
يستفيد كما استفدت انا من مشاركتك..بجد شكررررررررا

ميرا مار
02-28-2009, 05:22 PM
موضوع جميل جدا ياميرا
بس انا بطلب حاجات كتير اوى من حكام مصر

الحريه وما تحويه من معانى كتيره
العدل بين الناس
نفسى اللى يحكم مصر
يكون بيحب مصر ويخاف عليها

نفسى الناس تبطل تسكت وتقول انا مالى
ويارب حاجه من دول تتحقق
اللهم امين


اللهم امين..انا اتمنى اكتر شئ من امنياتك
العدل
لو تحقق!!! ياااااااه اتمنى

شكرا يا بشمهندس لاضافتك

ميرا مار
02-28-2009, 05:24 PM
موضوع رائع يا ميرا

انا بقى نفسى اشوفك مصر ارد سلام وامان

والطير الابيض يبان شايل غصن الزيتون

بحلم بمصر بتاعت زمان

ايام مكان الجيران كلهم عليه وحده

ايام مكانت الشوارع فاضيه والجو رايق

ايام وايام بجد مصر وحشتنى اووووووووووووووووووى اللى ملحقتش منها غير حاجات بسيطه


هههههههههههههههه يا رايق ات يا رومانسى
على فكرة مصر بتاعة زمان ماكانتش حلوة كلها ولا حاجة
بس عندك حق فى حكاية الجيران دى..دلوقت ماحدش له دعوة بحد
ياااااااااه ياريت يرجع الحب
والناس تخاف على بعضها تانى

mr.lonly
03-01-2009, 02:43 AM
يا ميرا رغم انى زعلان منكم كدة محدش يسأل عليا اوكى !!!!!يا وحشين

بس موضوع بجد حلو وعارفة انا لسه شايف منى الشاذلي
بتعلن عن مجموعة شباب سمو نفسهم شباب 14 فبراير
عندهم طموح يرجعوا الحب للبلد دى ويرجعوا حاجة كدة الناس
نسيتها اسمها... اسمها ...الانتماء باين اه الانتماء !!!
واول ظهور ليهم في ميدان التحرير وزعو علي كل واحد ماشي وردة

وانا شايف ان فعلا لو الحب يسود شعبنا هانبقي حاجة تانية خالص

Hassan Mohamed
03-01-2009, 02:43 AM
مصر هي أمي .. نيلها هو دمي
شمسها ف سماري .. شكلها ف ملامحي
و إن كان لوني قمحي .. ده من فضل مصر
ما تلاقيش مثالها .. ست كل عصر
عشة جنب نيلها .. تسوى ألف قصر
ولا وردة بلدي .. فيها عطر مصر
ولا سحر مصر .. ولا جو مصر
ولا .. ولا .. ولا
ده شئ ملهش حصر

و إنتوا تعذروني .. لما أقول يا مصر

مصر .. مصر .. مصر

فاتك نص عمرك ياللي ما شفت مصر
ده التاريخ ف مصر .. و الهرم ف مصر .. و الكرم ف مصر
و الحلوين ف مصر .. و الجدعان ف مصر
ادوني عصاية .. أرقص رقص مصر


انا مش قول غير اني بحب مصر واني فدا الوطن

نفسي اشوف مصر احسن دولة في العالم كله

بحبك يا مصر

free eagle
03-01-2009, 03:06 AM
انا بتمنى ان الحكام يحكموا بشرع ربنا


ودة هيحل كل المشاكل



مش هنلاقي سرقة

مش هنلاقي ربا مش هنلاقي حاجات كتير بنشوفها

في ظل الاحكام الوضعية لكن لو حكمنا ربنا بينا


والله والله والله


كله هيتعدل وهيتصلح

بس نقول ايه بقي


اللهم اهدينا واهدي بينا


ومش جديد عليكى الحلاوة دى يا ميرا


الله ينور على الموضوع

ميرا مار
03-03-2009, 02:52 PM
يا ميرا رغم انى زعلان منكم كدة محدش يسأل عليا اوكى !!!!!يا وحشين

بس موضوع بجد حلو وعارفة انا لسه شايف منى الشاذلي
بتعلن عن مجموعة شباب سمو نفسهم شباب 14 فبراير
عندهم طموح يرجعوا الحب للبلد دى ويرجعوا حاجة كدة الناس
نسيتها اسمها... اسمها ...الانتماء باين اه الانتماء !!!
واول ظهور ليهم في ميدان التحرير وزعو علي كل واحد ماشي وردة

وانا شايف ان فعلا لو الحب يسود شعبنا هانبقي حاجة تانية خالص


اولا انا باعتذر
فعلا عندك حق..كان لازم نسال عليك
عموما حصل م انك بخير

ثانيا ..شكرا ع المعلومة اول مرة اسمعها
بس ياريت الشباب دول كانوا وزعوا رغيف عيش احسن على اطفال الشوارع
وما اكثرهم
وفعلا احنا معندناش انتماء
الكلمة بدات تنقرض
واحنا فعلا محتاجين الانتماء والحب
باشكرا جدااااااااااااااااااا

spring sun
03-03-2009, 02:54 PM
انا عايزه من مصر حاجه واحده بس



هي ان اسامه يكون ليه مستقبل كبير اوي فيها اما بقي امنيه عامه عايزه ان احنا نخاف علي بعض


واننا نحس ببعض

ياه يارب ده يحصل ويجي اليوم اللي المصرين فيه يخافوا علي بعض


موضوعتحفه يا ميرا دايما كده بتطلعي اللي جوانا

ميرا مار
03-03-2009, 02:55 PM
مصر هي أمي .. نيلها هو دمي


نفسي اشوف مصر احسن دولة في العالم كله

بحبك يا مصر


يا سيدى..اغانى بقى:rolleyes::):o

حبك واضح لمصر
بس قول لنا ولو حاجة واحدة نرفع بيها شان البلد دى
وشكرا لك يا حسن منتظرة ردك

ميرا مار
03-03-2009, 03:04 PM
انا بتمنى ان الحكام يحكموا بشرع ربنا


ودة هيحل كل المشاكل
الله ينور على الموضوع


شكرا يا يسرى..

والله عندك حق ..سبحان الله ماترك من شئ الا وتكلم عنه فى القران
والسنة

يعنى احنا اللى نحب نتعب نفسنا
نفسى نعرف احنا وصلنا كدا ازاى؟؟ وليه بعدنا عن شرع ربنا فى الحكم؟؟
باشكرك مشاركتك قالت كتييييييير من اللى جوايا
ودايما مشاركتك بناءة

spring sun
03-03-2009, 03:08 PM
اه وفي حاجه كمان عايزاها من مصر وهي ان لما تكون عربيه الاسعاف ماشه يوسعولها

lolaa fahmy
03-03-2009, 06:12 PM
موضوع اكثر من رائع ياميرا مش عايز كلام كالعاده


تعرفي عشان نتمنا امنيات تعدل حال بلدنا شويه لان حال بلدنا مايل من كل جهه هنتمني ليوم القيامه ويمكن حالها مايتعدلش


بس كل اللي اتمناه حكومه محترمه تاخد بالها من شعبها انا لاني انتساب موجه كنت في بحث ميداني لمنطقة بنجر السكر

مهما وصفت مش هقدر اوصفلك حالة الناس والقري ومستواهم مش تحت الصفر لا الصفر ده حاجه ضخمه بالنسبلهم

ياريت حد يهتم بالناس دي حد يقدملهم مساعده يرفع من مستواهم شويه لانهم في الاخر مصريين يستحقوا العيش كبني ادميين

شكرا ليكي علي الموضوع المحترم ده

abdoitthad
03-04-2009, 10:11 PM
الشريعه الاسلاميه هي الحل الامثل والحكم بالقران

لاننا جربنا الشريعه البشريه والحكم باهواء الناس والقوانين البشريه المتغيره

كل شويه تعديل القانون كذا تغيير القانون كذا

كلها قوانين بشريه ولازم يكون فيها اخطاء

انما قوانين وشريعة الرحمن قوانين ثابته وشامله

وسنرى الفرق

شكرا على الموضوع المفيد والجميل

مى الشورى
03-05-2009, 11:18 PM
اولا بشكرك يا ميرا على الموضوع الجميل ده
ثانيا انا نفسى بجد الاقى حد بيحكم زى
عمر بن الخطاب ومش هقول رسول الله صلى الله عليه وسلم لانه افضل الخلق
لكن ارجو على الاقل المشى على منهاجه
هو والصحابه
وبتمنى كمان ان كل الشعب يكون متكاتف
يكون كتله واحده قوة واحده
شخص واحد
وبجد انا بحب البلد دى اوى اكتر من روحى

ميرا مار
03-06-2009, 01:35 PM
اه وفي حاجه كمان عايزاها من مصر وهي ان لما تكون عربيه الاسعاف ماشه يوسعولها


شكرا رورا على المرور
وحلوة الامنية الخاصة دى
ربنا يحققها لك وله ولجميع شباب المسلمين
ان يكون لهم مستقبل حلو فى مصر

والطلب التانى
برافو عليك والله ..ينقصنا النظام وان قلبنا يبقى على قلب بعض
ونحس اللى فى العربية او العربية رايحاله اخونا او ابونا او امنا
ونوسسسسسع للاسعاف

ميرا مار
03-06-2009, 01:38 PM
موضوع اكثر من رائع ياميرا مش عايز كلام كالعاده


تعرفي عشان نتمنا امنيات تعدل حال بلدنا شويه لان حال بلدنا مايل من كل جهه هنتمني ليوم القيامه ويمكن حالها مايتعدلش


بس كل اللي اتمناه حكومه محترمه تاخد بالها من شعبها انا لاني انتساب موجه كنت في بحث ميداني لمنطقة بنجر السكر

مهما وصفت مش هقدر اوصفلك حالة الناس والقري ومستواهم مش تحت الصفر لا الصفر ده حاجه ضخمه بالنسبلهم

ياريت حد يهتم بالناس دي حد يقدملهم مساعده يرفع من مستواهم شويه لانهم في الاخر مصريين يستحقوا العيش كبني ادميين

شكرا ليكي علي الموضوع المحترم ده








باشكرك يا حبيبتى على كلامك الجميل دا
بس احزنتينى والله جداااااااااااااااا.. انا هاطلب منك
ياريت تعملى لنا موضوع كامل عن المنطقة
دى انا حتى مش عارفة دى فين
واول مرة اسمع عنها ((منطقة بنجر السكر))
ارجوك انا منتظرة الموضوع دا وياريت لو عندك صور للمكان

ميرا مار
03-06-2009, 01:40 PM
الشريعه الاسلاميه هي الحل الامثل والحكم بالقران

وسنرى الفرق

شكرا على الموضوع المفيد والجميل


شكرا يا عبده انا قلت الكلام دا..
عندنا كل احاجة فى القران والسنة
ولو مشينا بيها مش هنتعب
بس نقول لمين؟؟
اولا لازم يبقى قوتنا من شقانا وتعبنا عشان الكلمة تبقى كلمتنا
لكن طول مافى اقتصاد بيتحكم فينا
صعب قوى مانقولش له ماتتحكمش فى مصايرنا

جزاك الله خيرا

ميرا مار
03-06-2009, 01:43 PM
اولا بشكرك يا ميرا على الموضوع الجميل ده
ثانيا انا نفسى بجد الاقى حد بيحكم زى
عمر بن الخطاب ومش هقول رسول الله صلى الله عليه وسلم لانه افضل الخلق
لكن ارجو على الاقل المشى على منهاجه
هو والصحابه
وبتمنى كمان ان كل الشعب يكون متكاتف
يكون كتله واحده قوة واحده
شخص واحد
وبجد انا بحب البلد دى اوى اكتر من روحى


جزاك الله خيرا يا مى
وهو فى زى عمر رضى الله عنه..
بس نتمنى ييجى اللى يحبه ويقتدى به ويحكم بلدنا

ميرا مار
03-14-2009, 02:45 PM
عايزة من مصر

التعليم مايبقاش حشو دماغ

لكن لازم يكون فى حد ادنى من التعليم وبعد كدا

يبقى فى اختبارات للمواهب والقدرات

والدراسة تبقى على الاساس دة

ميرا مار
05-30-2009, 10:10 PM
عايزة من مصر ..رغيف عيش نضيف

:D:D

محمد الفرارجي
06-01-2009, 06:08 PM
هييييييييييييييييييه

مميز

هقول ايه؟

برضه مميز ترد على تعليقاتي ما تردش عليها
برضه مميز


أنا بصراحة
وانتوا عارفيني صريح شوية


أكتر اغنيه بتستفذني جدااااااااااا وبأبقى عاوز اقفل الجهاز اللي مشغلها بسرعة أغنية

ما تقولش ايه اديتنا مصر قول هندي ايه لمصر



يا سلام دا امر طبيعي لازم ناخد من بلدنا عشان نديها مش كفاية نبقى مصريين وخلاص

ولما ندي نبقى فاهمين كويس احنا بندي لمين وهنكبر مين

واخدين بالكوا؟


أنا دلوقتي طوحي جاي من تجاربي


ومش هشطح وسوري مش باقلل كم طموحكوا بالعكس والله بس انتوا بتوصفوا في المدينة الفاضلة

احنا قابلينها على حالها مع التغيير ومش مشكلة


انا طموحي في الفترة الحالية واللي هشتغل عليه بجد

ورقة عمل مشروع توظيف خريجي شعبتي المساحة ونظم المعلومات عن طريق الرابطة "اختياري" بأكد آهوه عشان محدش يقول لي اجباري

وان شاء الله قبل ما انزلمصر ان شاء الله هكون بلورت عالأقل الخطوط العريضة للمشروع


وانا بس مستنيكوا تخلصوا امتحانات

ولازم وغصب عنكوا هتشتركوا في المشروع
عارفين ليه؟



عشان مش هتتغير إلا لما احنا نتغير


صحيح

هحط لكوا بيتين للراحل الجامد قوي صلاح جاهين في حب مصر


اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل
ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر


النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد


على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر

لللشاعر الكبير عم الشعراء صلاح جاهين

ميرا مار
06-12-2009, 12:05 AM
الله الله الله

صلاح جاهين.. باعشق اشعاره جدااااااااااااااااااااااا

شكرا خاص عشان عزمته ع الموضوع;)


وشكرا ..:rolleyes: شكر اييه بقى؟؟:confused:

مانا مش لاقية كلام اشكرك بيه على مشاركتك الجميلة دى

ربنا يجازيك كل خير