المساعد الشخصي الرقمي

مشاهدة النسخة كاملة : برنامج بدون مونتاج ...



الصفحات : [1] 2 3 4

ميرا مار
03-01-2009, 10:04 PM
السلام عليكم ورحمة الله وبركاته


برنامج بدون مونتاج

برنامجنا برنامج صريح ومش صريح
فكرة واعداد واخراج ثنائى ..وهما بردو اللى هيقدموا البرنامج
حسن محمد و ميرا مار

فكرة البرنامج
هنلتقى مع ضيف هنختاره بعناية ونعلن عن اسمه قبل اللقاء باسبوع
ونتلقى اسالتكم للضيف طول الاسبوع بمنتهى الحرية على الرسائل الخاصة
لضمان خصوصية البرنامج
والاسئلة هتتقال للضيف بدون مونتاج
وكادو من عندنا احنا معدى البرنامج هنرش شوية شطة ع الاسئلة
يعنى هنحط شوية اسئلة تريك فى النص
يعنى اسئلة خداع.. وكل ضيف وشطارته وثقته فى نفسه
لااااازم يجاوب على كل الاسئلة
والضيف الذكى بس هو اللى مش هيزعل مننا...

ميعاد البرنامج
كل يوم خميس الساعة 10 يستمر لغاية الساعة 11.30
وطبعا هنقفل باب استلام الاسئلة يوم الاربعاء بالليل عشان الاعداد ياخد حقه


مفاجاة البرنامج
عملنا لكم عضوية جديدة عشان اللى عايز يسئل الضيف مباشر وعلى الهوا
ومحرج يرسل السؤال في رسالة خاصة بعضويتة الخاصة بيه يقدر يستخدم العضوية دي
ويسال بيها كل ما عليكم هو الدخول بالعضوية وإرسال الأسئلة في الرسائل الخاصة لمعدي البرنامج
العضوية اسمها (بدون مونتاج) بكلمة سر 753
والعضوية هتتفعل فقط ساعة عرض البرنامج
اتمنى الفكرة تعجبكم وتجمعنا ونقضى وقت جميل كعائلة واحدة ولو لساعة اسبوعيا

ميرا مار
03-01-2009, 10:08 PM
الحلقة الاولى

الميعاد
يوم الخميس القادم الساعة 10

الضيف
مفــــــــاجـــــــــأة

لحظة اعداد البرنامج
ترك لى حسن حرية اختيار الضيف الاول ...فأنا الحقيقة لقيتها فرصة لا تعوض
وحطيته فى خانة اليك ... وطلبت منه انه يكون استثناء
ويكون هو ضيف لحلقة واحدة ومذيع لباقى الحلقات
واخترته يكون هو ضيف الحلقة الاولى
والحمد لله لم يعترض..

عشان كدا المرة دى هتبعتولى انا الاسئلة فى رسالة خاصة
عشان انا لوحدى اللى هجهز الحلقة الاولى

همتكم معايا بقى.. منتظرة اسئلتكم ...

free eagle
03-01-2009, 10:10 PM
الله ينور يا ميرا


بس ينفع تغيرو ميعاد البرنامج

علشان بيبقي عندى شغل


ممكن ولا لا



يعنى ممكن تخليه يوم الاربع نفس الميعاد



او يوم الخميس بس يكون قبل الساعة 7.30

لو ينفع

olivia nader
03-01-2009, 10:11 PM
فكره روعه يا ميرا انتي و حسن
و حيكون برنامج تحفه
و ان شاء الله نشارك في الاسئله

Hassan Mohamed
03-01-2009, 10:16 PM
اتمني ان شاء الله ان فكرة البرنامج تكون عجبتكم والكل يشترك فيها

Hassan Mohamed
03-01-2009, 10:18 PM
الله ينور يا ميرا


بس ينفع تغيرو ميعاد البرنامج

علشان بيبقي عندى شغل


ممكن ولا لا



يعنى ممكن تخليه يوم الاربع نفس الميعاد



او يوم الخميس بس يكون قبل الساعة 7.30

لو ينفع



ازيك يا يسري اخبارك ايه يا جميل

بص هو صعب قوي نغير ميعاد البرنامج عشان انت عارف الكل بيبقا اجازة يوم الخميس وكده يعني وكمان انت تقدر تحط كل اسئلتك للضيف في الرسائل الخاصة لينا ... طبعا لميرامار اول حلقة وتيجي تشوف الاجابات في اي وقت انت عاوزة لان اللي هيسئل المستضيف فقط

witch evil
03-01-2009, 10:20 PM
فكره حلوه جددددددددددددددددددددددددددددددددددددددددددددددددد ا

احيكى يا موها انتى وسونا على الافكار الحلوه دى

فعلا الفكره رائعه جددددددددددا

ومش جديد عليكم

وانا من اكتر الناس اللى مستنيه الموضوع يشتغل

Ahmed Mohamed
03-01-2009, 10:22 PM
فكرة جميلة اوي اوي
وحسن شكله كده هو الضيف الاول صح
دي حتبقي حلقة جامدة ومن نار ههههه

Hassan Mohamed
03-01-2009, 10:24 PM
هههههههههههه اه الحلقة الاولي يا احمد بس كل واحد فينا ليه يوم متقلقش

Marwa Mahmoud
03-01-2009, 10:25 PM
فكرة جميلة جداااااااااااااااااااااااااا
موضوع هاااااااااااااااااااااايل
شكرا ليك يا حسن أنت وميرا
ونحن فى أنتظار الحلقة الأولى

Ahmed Mohamed
03-01-2009, 10:29 PM
هههههههههههه اه الحلقة الاولي يا احمد بس كل واحد فينا ليه يوم متقلقش


ماشي يا استاذ حسن انا مستني الدور اهو
بس عقبال ما يجي الدور عليا حستلم الضيوف الاخرين :D:D

ميرا مار
03-01-2009, 10:30 PM
باشكركم يا جماعة بجد انا مبسوطة قوى ان الفكرة عجبتكم

يسرى
اوليفيا
حورية
احمد
مرمر

وساعدونى بقى انا لوحدى اول حلقة ..
عايزين اسئلة من نار وياريت تكون مشطشطة
هههههههههههههههههه...

Ahmed Mohamed
03-01-2009, 10:37 PM
باشكركم يا جماعة بجد انا مبسوطة قوى ان الفكرة عجبتكم

يسرى
اوليفيا
حورية
احمد
مرمر

وساعدونى بقى انا لوحدى اول حلقة ..
عايزين اسئلة من نار وياريت تكون مشطشطة
هههههههههههههههههه...


بس كده ده احنا حنخليها نار مولعة هههههههههههه
استني بس يا حسن

samomran
03-01-2009, 10:40 PM
نيااااااااااااااهاااااااااااااااااااااااااااااا
حسن فى اول حلقه
هيــــــــــــــــــــــــــــــــــــــــــــــــ ــــه

حبيبى يا بو على

ده انت حتاكل اكل

Marwa Mahmoud
03-01-2009, 10:43 PM
ميرا أنا راحة
أجيب فلفل وشطة ورجعالك أوام
بس يا حرام أحنا كدة هنولعها أوى

Hassan Mohamed
03-01-2009, 10:55 PM
شكرا ليكم يا جماعة وفي الحقيقة صاحبة الفكرة هيا ميرامار مش انا

وان شاء الله الحلقة الاولي تكون جميلة وهكون مستعد لاي اسئلة

ميرا مار
03-01-2009, 10:55 PM
هههههههههههههههههه
ماشى يا مرمر
مستنيالك يا قمر

ومنور يا اسلاااااااااااااااااااام

ميرا مار
03-01-2009, 10:58 PM
شكرا ليكم يا جماعة وفي الحقيقة صاحبة الفكرة هيا ميرامار مش انا

وان شاء الله الحلقة الاولي تكون جميلة وهكون مستعد لاي اسئلة

امممممممم .....طب على الله حد يعيط بقى :D:D:D

spring sun
03-01-2009, 11:03 PM
يعني يا ميرا احنا نبعتلك الاسئله وانتي تساليها ولا احنا اللي نسال ولا ايه


ايه ده انا مفهمتش حاجه

ايه ده

ميرا مار
03-01-2009, 11:08 PM
ايوة يا مرمر

انا فى انتظار الاسئلة على الرسايل الخاصة

وساعة عرض البرنامج ممكن اى حد يدخل بالعضوية الجديدة بدون مونتاج
عشان يسالنى انا بردو
وانا اللى هاوجه الاسئلة لحسن
لانى طبعا انا اللى هاعمل الحلقة الاولى لوحدى اوك؟؟ ها لو مش واضح جحاجة قوليلى

Hassan Mohamed
03-01-2009, 11:31 PM
نيااااااااااااااهاااااااااااااااااااااااااااااا
حسن فى اول حلقه
هيــــــــــــــــــــــــــــــــــــــــــــــــ ــــه

حبيبى يا بو على

ده انت حتاكل اكل


ايه يا عم اسلام داخل حامي كده ليه :D

مى الشورى
03-02-2009, 12:48 AM
شكل البرنامج هيبقى جامد اوى
بس انا مش مستغربه لان ده شئ
مش جديد عليكم
(ميرامار و حسن)
وفى انتظار اولى الحلقات

محمد عمرو عبد الحليم
03-02-2009, 12:55 AM
بجد فكرة حلوة
بس عوزين ضيوف جمدين كدة ويستحملوا
مشكرين على الفكرة الحلوة دة

Mahro
03-02-2009, 01:10 AM
gooooooooooooooooooooooood

fekra 7elwa begaaaaaaaaad

ميرا مار
03-02-2009, 12:58 PM
شكرا جداااااااااااااااااااااااااااااااا
يا مى
يا محمد
يا ماهرو

وان شاء الله يبقى برنامج جامد بيكم وباسئلتكم

منتظرة اسئلتكم ..زى ماقولت اول مرة الاسئلة تبعتوهالى انا على الرسائل الخاصة
عشان مايعرفش فين الاسئلة الحقيقية من اسئلة الخداااااااااااااااع اللى بمونتاج !!!

Youssef Mostafa
03-02-2009, 01:08 PM
ايه دة انا جيت متاخر اوىىىىىىىىىى بس معلش ملحوقة بس فكرةهايلة اوى ياميرا الله ينور والله

Hassan Mohamed
03-02-2009, 05:53 PM
ان شاء الله يكون برنامج جميل وينال اعجابكم جميعا

ميرا مار
03-02-2009, 06:29 PM
فين يا جماعه الاسئله
منتظره اسئلتكم على الرسائل الخاصه من النهارده ليوم الاربعاء القادم

خالد أبوسعده
03-02-2009, 09:55 PM
موضوع بجد راثع جداااااااااااااااااااااااااا
معلش انى جيت متأخر
بس و الله العظيم فكره جميله جدا
بس يا رب الضيف يجاوب بمنتهى الصراحه و ميهربش من اسئله

استنانى يا حسن علي الهوا و علي الرسايل الخاصه
الفرصه متتعوضش

Hassan Mohamed
03-02-2009, 10:05 PM
ههههههههه في الانتظار يا خالد وان شاء الله هنجاوب بصراحة علي كل الاسئلة

سلمي جمال
03-02-2009, 11:00 PM
موضوع جمييييييييييييييييل اوي بجد

مرسي لكم كتير علي افكركم الحلوة دية

و استلقى وعدك بئة يا حسن
ههههههههههههههههههههههههه

Marwa Magdy
03-03-2009, 12:13 AM
فكره حلوة اوى
ميرسى يا ميرا انت وحسن
حتبقى منور يا حسن الحلقة الأولى
وانتظرى يا ميرا الأسئله

Hassan Mohamed
03-03-2009, 12:30 AM
موضوع جمييييييييييييييييل اوي بجد

مرسي لكم كتير علي افكركم الحلوة دية

و استلقى وعدك بئة يا حسن
ههههههههههههههههههههههههه


ماشي يا سلمي في الانتظار :D

Hassan Mohamed
03-03-2009, 12:31 AM
فكره حلوة اوى
ميرسى يا ميرا انت وحسن
حتبقى منور يا حسن الحلقة الأولى
وانتظرى يا ميرا الأسئله


بنورك يا مروة وان شاء الله تنوريني في حلقة من الحلقات

ميرا مار
03-03-2009, 02:21 AM
وصلتنى اسئلة نااااااااااااااااار

ياعينى عليك يا حسن..استعد

Hassan Mohamed
03-03-2009, 03:07 AM
يلا ربنا معايا بقا وان شاء الله تكون الحلقة الاولي دي هي بداية موفقة للبرنامج

spider girl
03-03-2009, 12:14 PM
موضوع تحفه يا ميرا والله
وحسن هيزنق يا عينى ههههههههههههه
ربنا معاه ههههههههههههههه
وشكرا للفكرة دى وهنشارك ان شاء الله
فى الرسائل وعلى الهوا كمان

ميرا مار
03-03-2009, 01:34 PM
هههههههههههههههه
ميرسى يا سارة

باشكرك جدااااااااااااااا والبرنامج اكيد حلو بيكم

Hassan Mohamed
03-03-2009, 04:07 PM
موضوع تحفه يا ميرا والله
وحسن هيزنق يا عينى ههههههههههههه
ربنا معاه ههههههههههههههه
وشكرا للفكرة دى وهنشارك ان شاء الله
فى الرسائل وعلى الهوا كمان


ماشي يا سارة في الانتظار

ميرا مار
03-03-2009, 06:52 PM
طيب يا جماعة
في انتظار اسئلتكم علي الرسائل الخاصة
او استخدم عضوية بدون مونتاج ( باسورد 753)
لارسال الرسائل الخاصة

والعضوية مفتوحة دلوقت معاد البرنامج واثناء عرضة
لكل اللى عايز يسال اى سؤال

شهاب بودا
03-03-2009, 06:56 PM
الحق نفسك يا حسن والله ما انا سايبك اى سؤال محرج يا جماعه يبقى انا

Hassan Mohamed
03-03-2009, 07:12 PM
ماشي يا شهاب اما نشوف اسئلتك دي هيبقا شكلها ايه

هيثم
03-03-2009, 07:21 PM
انا جيت احظر يا حسن هيثم(h) حيسالك
هاهاهاهاهاهاهاها

شهاب بودا
03-03-2009, 07:23 PM
والله يا هيثم انا خايف على حسن منا ربنا يستر عليه ويعرف يكمل

هيثم
03-03-2009, 07:31 PM
اه والله يا بودا ربنا يستر ويكمل

Hassan Mohamed
03-03-2009, 09:58 PM
هههههههههههه كان غيركم اشطر

witch evil
03-03-2009, 10:28 PM
داحنا حنروقوقى يا شبه

حصره عليها يا حصره عليها

ههههههههههههههههههههههههههههههههههههههههههههههههه

Hassan Mohamed
03-03-2009, 10:41 PM
طيب يا جماعة
في انتظار اسئلتكم علي الرسائل الخاصة
او استخدم عضوية بدون مونتاج ( باسورد 753)
لارسال الرسائل الخاصة

والعضوية مفتوحة دلوقت معاد البرنامج واثناء عرضة
لكل اللى عايز يسال اى سؤال


شكرا للتوضيح

Marwa Mahmoud
03-03-2009, 10:44 PM
ربنا معاك يا حسن

شكلهم كلهم نوينلك

ههههههههههههههههههه

محبة الرحمن
03-03-2009, 11:12 PM
الموضوع رائع جدا ودائما افكركم رائعا وليكم مفاجأت رهيبة

بس ممكن نعرف دقيقة المكالمة في برنامج بدون مونتاج بكام ولا الأتصال مجاني

ههههههههههههههههههههههههههه

Hassan Mohamed
03-03-2009, 11:14 PM
ههههههههههههههه لا الاتصال مجاني يا وسام

والعضوية دلوقت شغالة لو حابة تستخدميها

Mimi
03-04-2009, 12:15 AM
الفكرة جااااااااااااااااااامدة موووت

شوكرآآ

ميرا مار
03-04-2009, 12:38 AM
اهلا محبة اهلا ميمى حبيبتى مش باينة ليييييييييييييييييية
منوريييييييييييين

Zooma
03-04-2009, 04:04 AM
ايوووووووووووووووووووووووووووو
ده انا جيت فى الوقت المناسب الحمد لله
الفكرة جميله جدا ولذيذه وهيكون موضوع ناجح ان شاء الله
طالما ايلى عاملين اكتر اتنين هما السبب فى نجاح المنتدى
(حسن) ( ميرا مار )
واستنى بقى يا ابو على الاسئله :D:D:D:D:D

ميرا مار
03-04-2009, 01:29 PM
ايووووووووووووه ع الكلام الجمييييييييل
ميرسى يا زوما قوى قوى على كلامك الجميل قوى قوى دا
ويارب فعلا الفكرة تنجح ..واكيد هتنجح بيكم ..
لان المنتدى كلة كدا احنا كلنا مع بعض لا ينقص فرد واحد

ومستنية الاسئلة بقى:D:cool:

ميرا مار
03-04-2009, 01:32 PM
يا جماااااااااااااااااااعة
انا عايزة اسئلة تخلى حسن كدا:mad::mad::mad::mad::mad::mad:

واحنا نعمل كدا :p:p:p:p:p:p

وفى اخر البرنامج نبقوا كلنا كدا :):):):):)

وحسن بقى بذكائه يعمل كدا :D:D:D:D

Mimi
03-04-2009, 05:37 PM
سسسسسسسسسوف نسسسسسسسسسسسسسسسسحقه

Rania Ismail
03-04-2009, 07:28 PM
سسسسسسسسسوف نسسسسسسسسسسسسسسسسحقه


نعم يا اختاه
سوف نذبحنك يا حسن
وسوف اخذ بطارى منك
وسوف اثار لباقى المشرفين الذى تم اقالتهم من منصبهم
وانا وانت والاستاد كبير
اوك

Rania Ismail
03-04-2009, 07:31 PM
احب اشكرك يا ميرا انتى وحسن
على البرنامج الفوق رائع بجد فكرته جديده موت وجميله جدا
وبجد انا حبيت البرنامج جدا
وشكرا ليك يا حسن انت وميرا

Youssef Mostafa
03-04-2009, 07:36 PM
وانا معك يارانيا رقبتى فدا احمرار وجه حسن ها ها ها ها ها ها ها لما الحق بقى اروح اجهز الخيول واسن السيوف وارتدى الدروع فلتغلقو الشبابيك ولتقفلوا الابواب ولا تصبحون على خير

Ahmed Mohamed
03-04-2009, 10:24 PM
ايه يا عم يوسف ده انت داخل تحارب

ربنا معاك بكرة يا حسن هههههههه

Hassan Mohamed
03-04-2009, 10:58 PM
باقي 23 ساعة علي البرنامج وهنشوف بقا اسئلتكم لمرعبة دي والحمد لله الواحد مش خايف يعني

سلمي جمال
03-04-2009, 11:05 PM
ربنا معاك بجد يا حسن

بس كان نفسي تجاوب الاسئلة ادام عنينا عشان نشوف رد الفعل

ههههههههههههههههههههههههههههههههههه

Mimi
03-04-2009, 11:29 PM
باقي 23 ساعة علي البرنامج وهنشوف بقا اسئلتكم لمرعبة دي والحمد لله الواحد مش خايف يعني


الواحد ايه ؟؟؟ مش شايفة كوووويس

بلاش نعمل اقتباسات اخرى ياحسن من حتت تانية

نثبت من خلالها انك مرعووووووووووووووووب ومتوتر من الاسئلة

ماااشي باي سي يو

Hassan Mohamed
03-04-2009, 11:41 PM
الواحد ايه ؟؟؟ مش شايفة كوووويس

بلاش نعمل اقتباسات اخرى ياحسن من حتت تانية

نثبت من خلالها انك مرعووووووووووووووووب ومتوتر من الاسئلة

ماااشي باي سي يو


لا تعقيد علي كلامك

tiger
03-04-2009, 11:55 PM
الله ينور يا أبو على أنتا وميرااا فكره جميله اوى والله يكون فى عون ابو على اول واحد والى بعده والى بعده ههههههههههههههه

Hassan Mohamed
03-05-2009, 12:03 AM
ميرسي يا شيرو

ريحانة الزهور
03-05-2009, 12:08 AM
ايه الأفكار الرهيبة دي

والله جميلة الفكرة رائعة

Mimi
03-05-2009, 12:17 AM
في انتظااااااار فضااايح سووووووووووووونااا

انتزرونا بعد 11 ساعة من الآن

الىىىىىىىىىىىى التسيييح

ميرا مار
03-05-2009, 02:14 AM
ههههههههههههههههههههههههههههههه
هههههههههههههههههههههههههههههههههههههههههه

يانهار ابيض..
ايه يا يوسف ؟؟ حرب دى والله يابنى يا خسارتك هنا فى البلد دى
الجهااااااااااااااااااااااد يا سلامة

و.. مع السلامو عليكو

ميرا مار
03-05-2009, 02:17 AM
ياااااااااااااااااا
دانت حبايبك كتييييييييير يا حسن.. باين من الاسئلة..

خالد أبوسعده
03-05-2009, 02:42 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه

Hassan Mohamed
03-05-2009, 03:03 AM
فراحان فيا ماشي يا عم خالد مااااااااااااشي

Mimi
03-05-2009, 04:19 AM
الدم هيبقى في كل مكان

حضرو أكفء مساااحيق الغسسسسسسيل

ومع تايد الغسيل مفيش مستحيل

والقطنة مبتكذبش

الى مقدمة الجيش سنطلق وابل من الاسئلة النارية في البداية

واذا صمد تتقدم خيول يوسف وتبدأ بقذف الاسئلة المسيلة للدموع

اذا صمد فلتقم الخيول بالتراجع وتتقدم الدبابات بقصف الاسئلة المميتة من صدمتهااااااااا

اذا صمد ...

نتجمع عند برج الجزيرة عشان ننط نطة حلوة من فوق ونخلص على نفسنا :S

queen of the lost love
03-05-2009, 04:48 AM
هههههههههه
الله يكون فى عونك يا حسن دول مستحلفنلك شكلهم بيحبووك اوى

بس بجد الفكره حلوه اوى وجديده واحلى حاجه انكوا بداتو بحسن

samomran
03-05-2009, 10:18 AM
نياااااااااااهاااااااااهاااااااااااااااااا
حسن استعد للمعركه الكبرى

هيثم
03-05-2009, 10:37 AM
انت يا حسن حتخرج من الاسئله ديه تقول انا الى جبت دا كلوا لنفسى
هههههههههههههههههههههههههههه

Hassan Mohamed
03-05-2009, 12:26 PM
كل حلفائك خانوك يا ريتشارد

ميرا مار
03-05-2009, 01:33 PM
وفى انتظار اسئلتكوا

عايزة اقوووووووووووو ل فين البناااااااااااات ..فين اسئلتكم

كلمونى من خلال العضوية بدون مونتاج ..بكلمة سر 753
وبكدا مش هاعرف مين اللى سال
مع ان الدار اماااااااااااااااااان

ياللا يا جماعة فى ناس كتير ما سالتش

بتتدخل تهدد وخلاااااااااااااااص هتفرحوا فينا حسن

ميرا مار
03-05-2009, 04:30 PM
يا جماااااااااااااااااااعة
انا عايزة اسئلة تخلى حسن كدا:mad::mad::mad::mad::mad::mad:

واحنا نعمل كدا :p:p:p:p:p:p

وفى اخر البرنامج نبقوا كلنا كدا :):):):):)

وحسن بقى بذكائه يعمل كدا :D:D:D:D


فى انتظار اسئلتكم

اعلان هاااااااااااااااااام
معادنا النهاردة الساعة 9.5 فى الانتظاااااااااااااااار

Marwa Mahmoud
03-05-2009, 04:41 PM
كل حلفائك خانوك يا ريتشارد


هههههههههههههههههههههههههه

جمد قلبك يا أبو على

Hassan Mohamed
03-05-2009, 04:48 PM
يا جماعة هنبدأ الساعة 9.30 ان شاء الله

ميرا مار
03-05-2009, 07:16 PM
فين الاسئلة يا جماعة... منتظره اسئلتكم...بفارغ الصبر

Ahmed Mohamed
03-05-2009, 08:40 PM
باقي من الزمن ساعة تقريبا علي بداية البرنامج
وكلنا في شوق لرؤية الاسئلة وحسن بيجاوب عليها

يا مسهل

Hassan Mohamed
03-05-2009, 09:58 PM
يا جماعة البرنامج اتأجل لحد الساعة 11.30 النهاردة

بسبب ظروف انقطاع النت مؤقتا عند ميرا مار

انتظرونا الساعة 11.30

خالد أبوسعده
03-05-2009, 10:33 PM
و النبى لو قلتلنا الساعه 5 الفجر

حنستنى برضه يا حسن

ههههههههههههههههههههههههه

mimo
03-05-2009, 10:35 PM
شكلك حتتظبط انهارده يا سونه معلش بقى مش دى فكرتك اشرب يا معلم





ميمو الطيب

مى الشورى
03-05-2009, 10:36 PM
واحنا فى الانتظار يا حسن
شد حيلك
هههههههههه

Hassan Mohamed
03-05-2009, 10:38 PM
عادي يا جماعة الموضوع سهل انا شاء الله

ومحتاج بس قلب جامد وانا مش قلقان

كلها ساعة ونبدأ ان شاء الله

Marwa Mahmoud
03-05-2009, 10:40 PM
يلا يا عم كل تأخيرة وفيها خير

أنا مش هكون موجودة لظروف

أفرح بقى

Hassan Mohamed
03-05-2009, 10:51 PM
ماشي يا مرمر ولا يهمك ابقي ادخلي شوفي المشاركات بكرة

Mimi
03-05-2009, 11:33 PM
ايه اللي بيحصل دا دي مهزلة كبرى

مفيش التزام من اول حلقة

لن نسسسسمح بهذا فين المذيعة ؟

فين الضيف ؟

Hassan Mohamed
03-05-2009, 11:37 PM
فيه ايه يا ميمي براحة شويا يا عم انت

فيه خلل بسيط وكلها دقائق وهنبدأ

فيه زائر مهم جاي يحضر الحلقة كمان

هيثم
03-05-2009, 11:37 PM
احنا مستنين يا حسن

سلمي جمال
03-05-2009, 11:41 PM
عندك حق يا ميمي

احنا قاعدين مترقبين

بس انتي عارفة الاعلانات بئة

الراعي الرسمي للبرنامج شركات كبري و كلها لها اعلانات

و كمان الضيف لازم يكون مجهز نفسه للمفاجئات الي حتحصله
ههههههههههههههههههههههههههههه

خالد أبوسعده
03-05-2009, 11:44 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه

حسن وقع ولا حدش سمى عليه

شويه و حيقول مين طفى النور

Hassan Mohamed
03-05-2009, 11:44 PM
والله انا بدأت اتوتر جدا

سلمي جمال
03-05-2009, 11:45 PM
ههههههههههههههههههههههههههههههههههههههههه

حد يجهز بصلة عشان حسن
عشان يستوعب الي حيحصله كمان شوية

queen of the lost love
03-05-2009, 11:47 PM
لا يا حسن اجمد مش من اولها كده تتوتر
ههههه

Hassan Mohamed
03-05-2009, 11:47 PM
لا كده اوفر بجد انا حاسس اني داخل وسط ؟؟؟!!!!!!

وسط اي حاجة بقا وخلاص

ادخلي بقا يا ميرا وخلصيني

ميرا مار
03-05-2009, 11:48 PM
انا جييييييييييييييييييييييييييت

سمعونى سلام اجدع ناس بقى

هيثم
03-05-2009, 11:48 PM
هاهاهاهاهاهاهاها ده كفايا اسالتى

ميرا مار
03-05-2009, 11:49 PM
ها يلاا نبدأ

اهللللللللللللللللللللللين وسهللللللللللللللللللين

وحسرة عليها يا حسرة عليها

queen of the lost love
03-05-2009, 11:50 PM
هههه لما نشوف يا هيثم ده فعلا وقع و محجش سمى عليه شكلها هتنهى على انسحاب ولا ايه ههه

محمود ابوالمجد
03-05-2009, 11:50 PM
عايزين البرنامج والله لرفع عليكم قضية ايه مفيش التزام لا مينفعش كده

ميرا مار
03-05-2009, 11:51 PM
حسن انت هنا؟؟

الضيف وصل؟؟؟

معلش يا جماعة..الطرق بقى وانتوا عارفين الناس المهمة بتتعامل ازاى
ع السجاد الاحمر
دوشة بقى ومصورين وكاميرات
المهم
نبدا؟؟

Mimi
03-05-2009, 11:51 PM
يلا ياميرا خلصينا منه

Hassan Mohamed
03-05-2009, 11:51 PM
اتفضلي يا فندم انا هون

Hassan Mohamed
03-05-2009, 11:52 PM
انا بس هستأذن الجميع ميقطعش الحوار عشان اقدر اشوف الاسئلة ياريت الردود تبقي بعد الحوار مينتهي

Hassan Mohamed
03-05-2009, 11:52 PM
واللي عندو اي سؤال تبقي في الرسائل الخاصة

Mimi
03-05-2009, 11:55 PM
خلاص اوكي من بعد الخط دا محدش يشااارك في البرنامج الا ميرا وحشن بس

------------------------------------------------

ميرا مار
03-05-2009, 11:55 PM
بسم الله الرحمن الرحيم
نبدا الجلسة
افتح المحضر يا .........


اولا اهلا ومرحبات بالضيف اللى نوره غطى وزاد
نبتدى باكتر سؤال وصلنى
الجمااااااااهير تسال وهيموتوا ويعرفوا ..كان مالك الايام اللى فاتت بالزبط ..((العيال مش بيعرفوا يكتبو وبيدخلو الحروف فى بعضها))..
المهم
ليه الغلاسة اللى كانت باينة فى تصرفاتك وقلة الذوق الواضحة مع الجميع ؟؟؟

Hassan Mohamed
03-05-2009, 11:59 PM
اهلا بيكي يا ميرا وبالسادة المشاهدين

( ربنا يستر معانا في اللي جاي )

بالنسبة لإجابة السؤال الاول ... ابدا والله مفيش حاجة معينة يعني بس الواحد خلاص حس انه مقبل علي مرحلة جديدة في حياته وهي الانطلاق لسوق العمل وتحمل المسؤولية اكيد ده مستقبل الواحد وبـتأخد تفكير عميق من كل واحد فينا وكمان بيسبب خوف زهني عشان دي هتبقي حياتنا بعد كده ، وطبعا محستش بالشعور ده غير لما اصطدمت بطبيعة الشغل وخلاص حسيت اني كلها شهرين وخارج لسوق العمل وربنا يكرمنا كلنا ونلاقي شغل مناسب ويناسب امكانياتنا

اما بالنسبة لإجابة السؤال التاني اللي ملوش علاقة خالص بالسؤال الاول
ربنا يسامح صاحب السؤال انه شافني كده ( انا فاهم انك عاوز تنرفزني بس بعينك )... انا مش غلس ولا قليل الزوق الحمد لله واكيد المقربين ليا يقدروا يردو علي السؤال ده اكثر مني لان مفيش انسان بيحكم علي نفسوا ... ولكن لو فيه حته ثقة صغيرة في اسلوبي فده اكيد ميضايقش حد وإلا اصبح غيرة

ميرا مار
03-06-2009, 12:04 AM
ههههههههههههههههههههههههههه

يعنى قصدك اللى اتلسع من الشوبرا

ينفخ فى المعادى
ههههههههههههههههههههههههههه

على اساس ان المشروع لسعك فخفت من الحياه العملية...

ودا ينقلنى مباشرة لسؤال متاخ مستعد؟؟ر

Hassan Mohamed
03-06-2009, 12:05 AM
اتفضلي بس ياريت بسرعة عشان انا بقعد 4 دقائق مستني السؤال

ميرا مار
03-06-2009, 12:07 AM
ماتقعد يا فندم وراك ايه؟؟؟

انا اللى باستنى الرد
انت بتفكر كتير قوى
انت جنبك حد بيساعدك؟؟

Hassan Mohamed
03-06-2009, 12:08 AM
لا انا كده بجد اتضايقت ياريت يكون فيه سرعة يا فندم هو انتوا جايبنا هنا تعصبونا ولا ايه

ميرا مار
03-06-2009, 12:08 AM
بما ان انت فافى ووحيد مامى وبابى
- ايه هيا ..اكتر كلمة جرحتك من مامتك و باباك؟

Hassan Mohamed
03-06-2009, 12:08 AM
لا كده كتير بجد انا لسه مشوفتش الاسئلة واتنرفزت

Hassan Mohamed
03-06-2009, 12:09 AM
انا فافي؟؟؟ وده من ايه ده ان شاء الله ليه شايفة سوسن في البرنامج

حاجة عجيبة والله
الحمد لله عمرهم مجرحوني باي كلام ... ربنا يخليهوملي دايما بيفكروا في سعادتي واني اكون مبسوط وبيوفرولي حاجات كتيرة غيري مش بيلاقيها فانا بحمد ربنا ان ابنهم وربنا يخليهوملي

ميرا مار
03-06-2009, 12:11 AM
لا انا كده بجد اتضايقت ياريت يكون فيه سرعة يا فندم هو انتوا جايبنا هنا تعصبونا ولا ايه


طب ياسيدى
اهدى يا عم المهم
خد السؤال دا

:D
انت على ايه يعنى شايف نفسك سوبر ستار؟؟؟:confused::confused:

Hassan Mohamed
03-06-2009, 12:11 AM
لا بجد كده كتير فين منتج البرنامج ده يجيبلي حقي من المزيعة دي

Hassan Mohamed
03-06-2009, 12:13 AM
(اللهم أبعد عنا الغرور)

هاتيلي واحد او واحده انا قولت قدامه او قدامها اني سوبر ستار ... لكن اذا كان هما شايفين كده فدي رؤيتهم ... والشهرة والنجومية شئ مش وحش وحتي لو الانسان شايف نفسوا سوبر فممكن يكون في بعض الاحيان يكون حقة انه يبقا كده

لكن لو هتكلم عن نفسي فعمر منطق لساني بالكلمة دي ولا باي تعبير يخص هذا التعبير ابدا

ميرا مار
03-06-2009, 12:14 AM
طب اهدى كدا
حد يجيبلة كاست ماى يا جماعة يبلع اللى جاى

كان ايه احساسك قدام جمهورك يوم الحديقة الدولية
لما الجاكيت بتاعك انقطع علنا امامهم
واتسبب فى عكننة واضحة وزعل واشمئناط وتجاعيد على الوجه
وفى ناس قالوا ان 4 شعرات امامية
فى القصة يعنى ابيضوا من الزعل ..
وايه الجاكيت دا اللى ينقطع من شدة دا ؟؟

Hassan Mohamed
03-06-2009, 12:17 AM
( اشمئناط وتجاعيد نيهاهاههاهاهااه <<<< ضحكات متقطعة شريرة )

لا خدي بالك بقا الجاكت ده غالي مش رخيص يعني ... ده غير ان اللي قطعوا مش واحد ده جيش هجم عليا بامر من الاستاذ محمد قالهم هجوووووم ... وعنيكي متشوفش إلا النور لقيت نفسي في وسط وحوش ولما طلعت من المعركة ببص للجاكت لقيته مقطوع

وكمان انا اليوم ده كنت هروح اغير هدومي وارجع تاني وبجاكت اشيك منو واحلي منو ( بكل ثقة <<< ولا يفرق معايا الجاكيت ده )

وبالنسبة لموضوع الشعر الابيض ده فأحب اقول ان انا فيا شعر ابيض ودي وراثة بس هو قليل دلوقت

واخيرا العكننة دي عشان بس الاستايل انما هو ولا يفرق يعني فدايااااااا

ميرا مار
03-06-2009, 12:19 AM
ياسيدى ع الناس الفافى ولاد الناس الكويسين
ماشى
فدااااااااااااااااااااك ميت جاكيت من النوع دا

من الواضح اننا هنفضحك فضيحة السمكة فى طاسة القلية..

كاميراتنا لفت ودارت شوارع اسكندرية
وفى يوم عاصف سقعة سقعة يعنى اخر حاجة
لقينا واحد قاعد هناااااااك لوحدة على بير مسعود
ولما قربنا بكاميراتنا لقيناك يا حزن اااااااا قصدى يا حسن

http://www12.0zz0.com/2009/03/05/12/636042994.jpg

قاعد بيتىشيرت نص كم ((ياعين امه يابنى..مافيش جاكيت واحد فى بيتكم خلاص بعد ما الجاكيت اللى حيلتك انقطع ))
المهم وفى ايدك بريزة فضة.. مش هاين عليك ترميها
السؤال..انت فعلا بخيل للدرجة دى؟؟
وايه الامنية اللى كنت قاعد حزين عند بير مسعود بتتمناها؟؟

Hassan Mohamed
03-06-2009, 12:22 AM
تاني هتقولي فافي ... وربنا لهدي المبني اللي بيتعمل فيه البرنامج ده كله

وكمان بتقولي عليا بخيل

يا نهار اوسد بخيل

بخيل ايه بس لالالالالالا انا مش كده خالص ... وربنا ده انا لسه كاتب فوق مش مهم الجاكت فدايا ( الناس دي هتبدأ تعصبنا بقا ولا ايه ... انا كده هبتدي اتوغوش )
وايه حلتي جاكت واتقطع دي ... لالالالالالا حاسبي علي كلامك لو سمحتي ... انا بمتلك فوق ال 5 جواكيت وكل شتاء بجيبلي 2 جداد والقديم مش بلبسه ( هيخلونا بقا نتكلم عن نفسينا كتير ولا ايه العالم دي )

( اااااااااااه هنبدتي بقا شغل المخابرات )
ممكن بس اعرف مين اللي نقل الخبر ده هو انتوا بترقبوني ولا ايه ... عموما اليوم ده انا كنت نازل لوحدي ومكنش لابس نص كم زي مالمفتش كرومبو نقل الخبر انا كنت لابس بلوفر ابيض تقيل يعني مش مستاهلة جاكت ...
اما بالنسبة للامنية اللى كنت قاعد حزين عند بير مسعود بتمناها ... كل فترة والتانية بحب اروح للبحر اقعد كده بس مش بتمني شئ هو بيبقا حديث مبيني ومبين البحر ... حديث بيكون صافي لراحة البال وحساب النفس ... مكنتش جلسة اماني خالص

Hassan Mohamed
03-06-2009, 12:24 AM
لا انا مش هسمح باكتر من كده بخيل وفافي ؟؟؟ ايه ده كله

ميرا مار
03-06-2009, 12:26 AM
الله الغرور بدا يبان فى لهجة الكلام اهو
وبعدين بيجيلك 2 من نفس النوع دااااااااااااااااا؟؟؟

طب خليهم واحد بس بس يكون نوع ..انت فاهم يعنى مايتقطعش من كام شدة:p:p:p:p

طب بص بقى
على لسان ..اكتر من شاهد جه السؤال دا..
سؤال المشاعر خلينا نخلص

سمعت انك كنت بتحب واحده و كنت عايز ترتبط بيها
و محصلش نصيب
مين هيا ؟؟ وهل انت حاسس انها سابتك
وراحت لواحد احسن منك ولا لأ؟


ودا سؤال ملحق ..حاليا هل انت مرتبط عاطفيا ؟
ولو انت مرتبط هل هي في الكلية ولا من عيلتك ولا هي جارتك ؟

وعاوزين رد صريح بدون لف وحولان
ولو مش مرتبط ليه مفكرتش فيه ؟؟؟
وايه هي مواصفات فتاة احلامك ؟

Hassan Mohamed
03-06-2009, 12:31 AM
ال غرور في لهجة الكلام ال انا بقول الحقيقة يا فندم

بالنسبة للسؤال الاول

( اسئلة الاشاعات هتبدتي بقا )

صاحب السؤال بيقول انه سمع ؟ هل سمع مني ؟ لو سمع مني يبقا كلامه صحيح اني كنت عاوز ارتبط انما لو مسمع مني تبقي اشاعة
وطبعا السؤال التاني مبني علي السؤال الاول وبما ان السؤال الاول طلع اشاعة سمع اصبح السؤال التاني سؤال باطل

اما بالنسبة للسؤال الملحق

لا ابدا انا حاليا مش مرتبط خالص ومش بفكر في الموضوع ده غير لما اخلص دراستي واشتغل الاول وبعدين نفكر بقا
ومفكرتش في الارتباط لانو مش وقتو دلوقت خالص

اما بالنسبة للمواصفات

بالنسبة للمواصفات المعنوية

التدين
الاخلاق
الاسرة الطيبة
متعلمة تعليم عالي

اما بالنسبة للمواصفات المادية

متكونش قصيرة
لا رفيعة ولا تخنية
بيضاء اللون والبشرة
شعرها اسود
العيون الزرقاء

ولكن ...

مش كل حاجة الانسان بيتمناها بيحصل عليها ودي كلها مواصفات في الاحلام لكن الجمال هو جمال القلب و الروح وليس الشكل لكن الشكل ليه عامل مهم لا يمكن انكار دوره ابدا
وفي النهاية كل واحد بيأخد نصيبة

ميرا مار
03-06-2009, 12:31 AM
اييييييييييييييييييييييييييييييه

ساعادة البيه الضيف اغمن عليه واللا اييييييييييييييييييييه؟

Hassan Mohamed
03-06-2009, 12:33 AM
لا انا جاوبت يا فندم

ميرا مار
03-06-2009, 12:35 AM
ايه يا عم الكلام الجاااااااااامد دا
عموما

مافيش فايبريشن من غير موبيل

واكيد الكلام له سبب واللا ايه؟؟

Hassan Mohamed
03-06-2009, 12:36 AM
هههههههههههه لا معلش مش فاهم السؤال

ميرا مار
03-06-2009, 12:38 AM
الله بتضحك اهو

ياااااادى النيلة
كشر يابنى مش جايين نهرج هنا

قصدى مافيش دخان من غير نار
ليه الكلام دا بيتقال

Hassan Mohamed
03-06-2009, 12:39 AM
فيه اسئلة تانية ولا نروح يا فندم

هتلولي المنتج بتاع البرنامج ده


( في عقل بالي كده >>>> الظاهر فيه فاصل اعلاني ولا حاجة )

ميرا مار
03-06-2009, 12:41 AM
ها ها ها..ها ها

ميرا مار
03-06-2009, 12:42 AM
جاوب ليه الكلام دا بيتقال

Hassan Mohamed
03-06-2009, 12:42 AM
اه فهمت

بصي هو لا فيه نار ولا دخان بس ساعات المعاملة الكويسة بتتفسر علي انها شئ تاني



ده غير يعني اني لو بحب هخبي ليه دول حتي اصحابي ويفرحولي وهما مستنين اليوم ده اللي اقولهم فيه اني هرتبط لاني تقريبا الوحيد اللي مش مرتبط فيهم

ميرا مار
03-06-2009, 12:42 AM
وبالمرة جاوب ع السؤال دا
كم مرة قلت لوحدة انا بحبك؟
اعجبت بكم واحدة في الكلية من اولي لحد رابعة؟

Hassan Mohamed
03-06-2009, 12:43 AM
قولتها مرتين

اما بالنسبة لموضوع الاعجاب فكلهم اخواتي الحمد لله ومفيش حد اتشديت ليه من يوم مدخلت الكلية

ميرا مار
03-06-2009, 12:45 AM
طيب ..جاوب وبكل صراحة
بعد الاضطلاع على محاضر الشرطة الوهمية
اللى فى الروووووووم الفلانية ...
ورد اسمك مقترن بكل من
....
عبده كفته وزيزو نتانة وزيكو تلوث وكروانة و عبده العفش
.....

ايه علاقتك بالاسماء دى ؟؟؟ وبالتفصيل ...

Hassan Mohamed
03-06-2009, 12:46 AM
مين دول انا اول مرة اسمع بالاسماء دي ؟؟؟

عاوزين تلبسوني تهمة ولا ايه

Hassan Mohamed
03-06-2009, 12:47 AM
ولا اعرفهم يا بيه

ميرا مار
03-06-2009, 12:50 AM
معلش اسكت شوية بقى

معانا اتصال تليفونى ونقول الوووووووووووووووووووووووووووووووو

ميرا مار
03-06-2009, 12:51 AM
هل هو يعني انه ممرش بتجربه حب قبل كدا ؟

وسؤال تاني

هل أعجب بحد الفترة اللي فاتت ؟

ميرا مار
03-06-2009, 12:53 AM
ولا اعرفهم يا بيه


هااااااااااااتشى

((دى اشارة عشان الخفر يروقوك بضربة قفا ))):D:D:D

وصلنا ان الاسماء دى كانت سامى بتستخدمها لدخول روماااااااااااات فيما مضى وفات

Hassan Mohamed
03-06-2009, 12:54 AM
اهلا بالمتصل العزيز

لا طبعا مريت بتجربة حب جميلة

اما بالنسبة للفترة اللي فاتت فلا مكنش فيه اعجاب خالص ...بصي لو اعجاب بالشخصية ممكن اه ده شئ طبيعي انما اعجاب بقا يقلب لحب وكده فلا

Hassan Mohamed
03-06-2009, 12:56 AM
اااااااااااااه افتكرت لا دي اسماء عادية كده ( مننو لله اللي نشر الموضوع ده ) بس مكنتش متداولة ولا حاجة انا كنت بدخل بيها بس متنكرا

ميرا مار
03-06-2009, 12:58 AM
اااااااااااااااااااه يا سلام

كدب بقى وكدا؟؟ ماعندناش الكلام دا..خليك دايريكت

ميرا مار
03-06-2009, 12:59 AM
وصلنا من مراسلنا تراش ماسنجر انه وهو بيصطاد مع شوية هاكرز
انه وقع حمامة زاجلة كانت رايحة غرب افريقيا والحدق يفهم
وكانت شايلة رسالة مكتوب فيها ..
برب حمام ..باك من الحمام ..ووجدنا توقيعك فى اااخر الرسالة بخط الكاى بورد بتاعتك
ماتعليقك؟؟

Hassan Mohamed
03-06-2009, 01:00 AM
خلصونا بقا من السؤال ده

انا قولت اللي عندي معنديش كلام اكتر من كده في الموضوع ده

Hassan Mohamed
03-06-2009, 01:01 AM
( يادي الاحراج ليه بتعمل فيا كده ليييه ليييييييييه)

هو يعني مفيش ما يمنع الانسان انه يدخل الحمام ... فانا كنت بدخل فيها حاجة دي علي رأي المتربة العاطفية جيسي

Hassan Mohamed
03-06-2009, 01:02 AM
انا عارفك يا بتاع تانية تالت وهجييييييييبك

ميرا مار
03-06-2009, 01:02 AM
ووصلنا اتصاااااال ونقول الوووووووووووووووووووووووووو

ششششششششششششششش عايزة اسمع

ميرا مار
03-06-2009, 01:03 AM
بص يا حسن بما ان برنامجنا صرييييييييييح ومش صريح قوى يعنى
فطبيعى اننا نكره اليوم اللى جيت فيه للدنيا

لكن انت بقى قو لنا موقف خلاك تكره اليوم اللي انت جيت فيه ؟
وقول بمنتهى الصراحة وباسماء مين اكتر حد من زمايلك قريب منك وبتهتم بيه
ومين اسم بردو بيهتم بيك

Hassan Mohamed
03-06-2009, 01:08 AM
(ياساتر يا رب فيه حد هيكره اليوم اللي جه فيه )

علي العموم انا هقول من زمان كده قبل مدخل الكلية كنت بحب واحده وحصلت ظروف وبعدت عني هاجرت فحسيت في اللحظة دي ان الحياة ملهاش لزمة ولا معني ( هتخلوني اعيط علي فكرة :o )

بصي بالنسبة لموضوع الصحاب ده انا واخدها بالجملة كده بحبهم كلهم وبيحبوني كلهم الحمد لله مش بميز حد علي حد والحمد لله حبايب الواحد كتير بس مش هينفع اقول اسماء عشان مزعلش حد مني

ميرا مار
03-06-2009, 01:10 AM
يا حسن مش ممكن اكيد فى اسم..لازم نعرفه ومش هينفع غير باسم اختار

Hassan Mohamed
03-06-2009, 01:12 AM
اقدر اقولكم انو محمد حمدي

انا بحس انو فاهمني قوي دونا عن صحابي يعني يقدر يقرأ افكاري كويس

وانا شخصيا بحبو جدا جدا جدا وبرتاح في الكلام معاه


وكمان احمد عبد العزيز ده بقا صديقي وحبيبي بحبو جدا جدا

ميرا مار
03-06-2009, 01:13 AM
ايوة كدا ثوانى ..
الووووووووووووووووووو

نفس المتصل سبحان الله..دا بيحبك قوى يا حسن ومش ناوى يعديها

ماهو سر تعلقك الشديد بالعنب وهل الموضوع وصل لحد الادمان؟؟
ولو كان كدا؟؟ بتعمل ايه فى الشتا يا ضنايا لما يشح سوق العنب ...
وليييييييييييييه دايما بتاكله وتروح بعده الحمام

Hassan Mohamed
03-06-2009, 01:15 AM
اسئلتو خايبة قوي الصراحة وياريت نخلص منها

واحد بيحب العنب مش هيكلو يعني

ياريت نرجع لنمط الاسئلة الطبيعية عشان الملل بس

الجو عندكو في الاستيديو حر قوي ايه الملل ده

Hassan Mohamed
03-06-2009, 01:16 AM
لا بجد كده اوفر اخر حاجة يعني

انتوا جايبيني تبهدلوني في الاستيديو ده ولا ايه

خلصونا بقا

ميرا مار
03-06-2009, 01:18 AM
ههههههههههههههههههههههههههه

على فكرة بيقولو عنك لما بتتضايق
وتتخنق يا توتى بتقعد تنتقد اى حاجة يا حراااااااااااااام..

ميرا مار
03-06-2009, 01:18 AM
الاسم دا يمثلك ايه ( عضل )

عايزين وصف جسماني ليه وليه كان مرتبط بيه اوي ، ما هيا سر العلاقة الوطيدة بين حسن وعضل ؟

وكمان لما كان شغال في صيانة الموبايلات كان صديقه الصدوق عضل بيدخل المحل ويغني اغنية ياترى ايه هيا الاغنية ؟

صحيح هل ما زلتم اصدقاء ولا ايه اخر التطورات ؟

Hassan Mohamed
03-06-2009, 01:19 AM
يالهوىىىىىىىىىىىى خلصني وحياة والدك الاسئلة دي نرفزتني قوي بجد

وملكيش دعوة بعصبيتي انا هروق بعد الحلقة دي

بس والنبي ارحميني من الاسئلة الخايبة دي عاوز اسئلة قوية

Hassan Mohamed
03-06-2009, 01:19 AM
لا تعليق

ومش هرد علي اي سؤال خاص بالسيد المتصل

ياريت نجيب اسئلة حد تاني

ميرا مار
03-06-2009, 01:21 AM
وجانا اتصال تلفونى
ومش من حقك تقول مش هاجاوب
ونقوووووووووووووول
ااااااااااا احم احم الووووووووووووووووووو

انت عيطت مرتين فى المشروع يا توتى صحيح؟؟؟؟
ليه يا ترى؟؟

وينفع كدا شاب انييييييييق مشهور وسوبر ستار زيك يعيط؟؟

Hassan Mohamed
03-06-2009, 01:25 AM
والله انا اعرف ان اللي ميعيطش ده يبقا معندوش احساس بارد يعني

وانا انسان الحمد لله عندي مشاعر واحاسيس ودمعتي علي خدي وبحس قوي باللي قدامي

وفعلا انا عيطت مرتين في المشروع

اول مرة

مش هينفع اقول اسم السبب في كده بس هو دكتور هزقني قدام الدفعة بسبب اني اكلت لوحدي في الاودة فوق وقالي يعني اهلك دفعين الفلوس دي عشان تاكل فوق كان نفسي اقوي في اللحظة دي اقوله انا اهلي لو شايفين الاكل ده هيدفعوا فلوس زيادة ولا اني اكله بس طبعا مقدرتش اقول كده فبكيت

اما بالنسبة للمرة التانية
وده زي مقولت فوق الانسان عبارة عن مشاعر واحاسيس لما اشوف 9 من اخوتنا البنات منهم 5 راحو المستشفي صعبوا عليا قوي لان ان عندي اخوات بنات واكيد بخاف عليهم زي اخواتي بالظبط فبكيت للمرة التانية خوفا عليهم ليس اكثر

ميرا مار
03-06-2009, 01:27 AM
بما انى عارفة كويس انك بتحب المنتدى ك
حب الوليد لامه ..وحب الحمار لاسمه ..
فهل بتهتم بالمنتدى لمجرد البقاء فيه كنائب مدير
والتقرب من الدكتور سيد الزغبي واستاذ محمد

ولا ياترى ايه الاسباب؟

Hassan Mohamed
03-06-2009, 01:29 AM
(حب الحمار لاسمه !!!)

(هيا بقت كده يعني ماشي يا عم هنعديها المرة دي)

والنبي ده كلام يتقال ... بهتم بيه لمجرد البقاء هو المنتدي ده كبر الزاي يعني هو انا مستلمه كبير وفيه اعضاء ؟ ده الواحد مستلمه علي الزيرو والحمد لله انا علاقتي بالدكتور السيد والاستاذ محمد علاقة طيبة مش متوقفة علي المنتدي بس بل ممته لاكثر من كده ... يعني انا لو اصبحت فيه عضو مع اني من يوم مبقيت فيه وانا إداري هفتخر اني هكون عضو في منتديات الرابطة ... واكيد هيجي اليوم اللي يكون فيه حد مكاني لان الواحد ميعرفش ظروفه ايه مستقبلا ممكن مكونش فاضي فبالتأكيد مش هقدر اعطي للمنتدي ما اعطيه الان ... ولو هنقول مجازا سبب تمسكي بالمنتدي
شوفوا الفراعنة بيعتزوا الزاي بالاهرامات ليه بقا عشان هما بنوها سلمه سلمه وده سبب اعتزازي بالمنتدي وتمسكي بيه وغيرتي ايضا عليه

ميرا مار
03-06-2009, 01:29 AM
والسؤال دا مهم ولازم تكون اجابتك وووووووواضحة

تفتكر ..المنتدى من غيرك هيبقى شكله عامل ازاى..للافضل واللا للاسوأ

Hassan Mohamed
03-06-2009, 01:31 AM
الاجابة بكل بساطة

لو فيه حد اكفئ مني اكيد هيكون للافضل لو اقل مني اكيد هيكون للاسوء

Hassan Mohamed
03-06-2009, 01:34 AM
يا مسهل هو حضرتك فيه فاصل اعلاني ولا حاجة وانا معرفش

Hassan Mohamed
03-06-2009, 01:35 AM
ياتري بقا بيدفعوا بالدولار ولا بالجنية

ميرا مار
03-06-2009, 01:38 AM
ودا اااااخراتصال تليفونى
وقت البرنامج بيخلص

الللللللللللللللللللللو

-كتر شتيمة بتكرهها؟
اكتر واحد نفسك تقولة متكلمنيش تاني و مش عايز اعرفك؟
هل في بنت زعقتلك او شتمتك قبل كدة
هل توافق ان بنتك يكون عندها صاحب؟
اول بنت اعجبت بها كان اسمها اية؟
هل عينك دمعت امام بنت قبل كدة؟
بتفضل عمل زوجتك ولا لاء؟
نفسك تجيب اد اية اطفال و ما الاسماء الي تحب تسميهم بها؟
تحب تشتغل في مصر ولا برة مصر؟
حفظت قراءن قبل كدة؟\
ملتزم في الصلاة؟
لو مطلعتش بترتيب السنة دية حتحس بغيرة اتجاه الي طلعو الاوائل؟
نفسك كان يبئة اسمك حاجة غير حسن ولا لاء؟

Hassan Mohamed
03-06-2009, 01:45 AM
-كتر شتيمة بتكرهها؟

لا هو مفيش شتيمة اينكانت تكون مستحبة يعني لكن لو صفة بكرهها فهيا الكذب

اكتر واحد نفسك تقولة متكلمنيش تاني و مش عايز اعرفك؟

مفيش والله كل الناس حبايبي وحتي لو فيه زعل الواحد بينسي بسرعة ومش بنشيل من حد الحمد لله

هل في بنت زعقتلك او شتمتك قبل كدة

ودي مين الجريئة اللي هتعمل كده؟!


هل توافق ان بنتك يكون عندها صاحب؟

لو فيه احترام متبادل في ايطار الزمالة مثلا في الجامعة اوك ... انما كلمة صاحب دي واسعة قوي وطبعا هرفض لو بالمعني المقصود من السؤال

اول بنت اعجبت بها كان اسمها اية؟

مش فاكر اسمها بس هيا كانت زميلتي في الابتدائي وانا صغنطط


هل عينك دمعت امام بنت قبل كدة؟

اه ايه المشكلة يعني الدموع دي احساس والاحساس بقا مش بيختلف قدام بنت ولا ولد

بتفضل عمل زوجتك ولا لاء؟


لا مش بفضل الموضوع ده خالص انا لو مش هقدر اشتغل واوفرلها حياة سعيدة وتكون مبسوطة بيها يبقا بلاش جواز من اساسه

نفسك تجيب اد اية اطفال و ما الاسماء الي تحب تسميهم بها؟

2 بس لسه مفكرتش في الاسماء

تحب تشتغل في مصر ولا برة مصر؟

نفسي اشتغل في دبي الامارات

حفظت قراءن قبل كدة؟

ايام مكنت في المدرسة حاجات بسيطة

ملتزم في الصلاة؟


بنحاول ... ادعولنا بالهداية

لو مطلعتش بترتيب السنة دية حتحس بغيرة اتجاه الي طلعو الاوائل؟

هههههههههه لا ابدا ده حتي انا كل سنة بقول هطلع بمادة او 2 الاقي نفسي في الترتيب عمري مبصيت للترتيب خالص

نفسك كان يبئة اسمك حاجة غير حسن ولا لاء؟

كان نفسي اسمي يبقا احمد او عمرو

ميرا مار
03-06-2009, 01:49 AM
طيب يا حسن
اتمنى مانكونش غلسنا عليك
واللى واااااااااضح انك ماتعصبتش خالص
وعلى فكرة
كلهم بيحبوك جداااااااااااااااااااا

واى غلاسة تبقى من عندى
ميرسىىىىىىىىىىىى

واترك المايك للجمهور

ميرا مار
03-06-2009, 01:50 AM
اللى عايز يقوله حاجة يتفضل بقى..:D:D:D:D

واروح انا بقى ارتاح فى الريسيبشن وكدا
عندى برنامج تانى فى بولاق

samomran
03-06-2009, 01:50 AM
شكرا يا ميرا

Hassan Mohamed
03-06-2009, 01:50 AM
شكرا ليكي وللسادة المشاهدين

وكان برنامج لذيذ الصراحة

واتمني اني اكون ضيف خفيف محدش اتقال مني

وعاوز اسمع ارائكم في البرنامج وهل نستمر ولا لا

يلا سمعونا آراكم

Mimi
03-06-2009, 01:52 AM
تعبناكي معانا ياميرا بس انتي مقدمة هاااااااايلة جدآ بجد

وواضح ان حسن كان فريسة سهلة للغضب والاستفزاز من اول سؤالين

شكرآ جزيلآ

سلمي جمال
03-06-2009, 01:54 AM
مرسي لمجهودك بجد يا ميرا

و البرنامج بجد جميل
و تعليقاتك تموت من الضحك

بس حسن بيهرب من الاسئلة
او مش هروب بس مش بيقول الي الناس مستنياة من السؤال

دة احساسي يعني

يا خسارة كان نفسي تتنرفز يا حسن
ههههههههههههههههههههههه

Hassan Mohamed
03-06-2009, 01:55 AM
كان نفسك ؟ هههههههههههههههههه يعني انتي شايفة كده اني متنرفزتش يا سلمي امال لو اتنرفزت بقا كان ايه هيجري

محبة الرحمن
03-06-2009, 01:56 AM
بجد الموضوع كان جميل اوي وكان تقديمك كان رائع ياميرامار


وكانت ردود حسن ردود الواثق من نفسه


بجد جميل اوي الموضوع

الموضوع عمل روح حلوة اوي في المنتدي

Ahmed Mohamed
03-06-2009, 01:58 AM
الصراحة انا اكتر حاجة عجبتني في البرنامج التقديم
كان اكتر من هايل الله ينور عليكي يا ميرا مجهود جبار
ومستنين بقة الضحية الجديدة يا تري حتكون مين :confused:

olivia nader
03-06-2009, 02:00 AM
البرنامج روعه روعه
و عجبني اسلوبك يا ميرا في الاسئله
و طريقتك لزيزه و تشد
و بتخففي من حده الاسئله
بس عيب واحد انك بتغيبي شويه
اما بالنسبه لحسن
ردك لا غبار عليه
دبلوماسي جدااااااا جداااااااااا جدااااااااااا
و عرفت تخرج من اسئله ممكن توقع اي حد
و المجمل العام الله ينور البرنامج تحفه و ناجح جدا

queen of the lost love
03-06-2009, 02:00 AM
برافو عليكى يا ميرا تقديمك كان جامد جدا وانتى كمان دمك خفيف اوى
بس حسن طلع دبلوماسى اوى فى الرد
عرف يهرب من الاجابات المتوقعه زى ما سلمى بتؤل
بس بجد استمروا فى الفكره دى حلوه اوىىىى

Hassan Mohamed
03-06-2009, 02:01 AM
شكرا ليكم جميعا يا جماعة وانتظرونا في الحلقة الثانية تقديم حسن وميرامار

بس ياتري مين الضيف

ان شاء الله يوم السبت او الاحد بالاكتير قوي هنعلن عندو

وشكرا

خالد أبوسعده
03-06-2009, 02:05 AM
برنامج تحفه بجد
ميرا انتى طلعتى مشكله فى التقديم
بجد روعه
و حسن معلش بقى
النرفزه كانت لذيذه والله

التعليقات كانت تحفه

انا مستنى الضيف الى جاى
يا رب يكون حبايبه كتير زى حسن

Hassan Mohamed
03-06-2009, 02:15 AM
وميرسي يا خالد

وانتظرونا في الحلقة رقم 2 يوم الخميس القادم

وان شاء الله هنعلن عن الاسم يوم السبت بالليل

انتظرونا

خالد أبوسعده
03-06-2009, 02:29 AM
انا طبعا عملت الواجب مع حسن
و علي الاميل كتبت ادخلوا اتفرجوا علي حسن بالموقع بتاع الموضوع
لكل الناس حتى الى ميعرفوهوش

و كمان انا حوريلك حاجة صغيره بس يا حسن

فضيحتك اساسا كانت بجلاجل
المنتدى كله الاعضاء و حتى الضيوف كانوا بيتفرجوا عليك
و دا اقتباس لصفحه المتواجدين الان قى وقت البرنامج .. جزء منها بس مش كلها ههههههههه


http://img26.imageshack.us/img26/9421/61037203.png (http://img26.imageshack.us/my.php?image=61037203.png)

ههههههههههههه
معلش يبنى ميرا كان ناقصها بس تعمل الحركه دى

ثرى ... تو ... ون ....:D
قبل كل سؤال

و تجيبلك محمد حمدى مثلا يشتم فيك علي الهوا
ههههههههههههههههههه


بس بجد كان برنامج تحفه

Hassan Mohamed
03-06-2009, 02:33 AM
هههههههههههههههههههههههههههههههههههههههههههههههههه ههههههه

علي قد مانتوا عرفتوا تنرفزوني علي قد مانا سعيد جدا بالبرنامج

ميرسي ليكم كلكم بجد

mo_medya
03-06-2009, 02:37 AM
موضوع جميل
مش عايزين مذيعين؟؟؟؟؟؟؟؟؟؟؟؟؟؟؟

Hassan Mohamed
03-06-2009, 02:40 AM
ربنا يكرمك اولا

احنا محتاجين مراسلين ينفع ؟

A.H.D
03-06-2009, 03:04 AM
برنامج جميييييييييييل اوى اوى
تقديمك كان جميل اوى ياميرا وانت كمان ياحسن
والتعليقات كانت تحفة
استمروا البرنامج اكتر من رائع
فى انتظار الضيف المقبل

ميرا مار
03-06-2009, 03:42 AM
ياااااااااااااااااه والله لو تعرفوا انا قد ايه تعبت

تخيلوا والله طول البرنامج وانا واقفة بين اللابتوب والراوتر
النت عندى كان زفت والله وكل شوية ريستارت
لما اتخنقت ..بس دلوقت انا مبسوووووووووووووطة قوى قوى
بردود الافعال دى

وانا مبسوطة ميرسى يا خالد انك خليتنا نشوف قد ايه اتجمعنا فى الوقت دا
باقتباسك للمتواجدون الان ..بس انا فين؟؟
هههههههههههههههههههههههه

انا باحبكم قوووى كلكم ويارب دايما نتجمع فى الفرحة والخير

ميرا مار
03-06-2009, 12:44 PM
انا اسفة يا جماعة جددددددددددا وباعتذر لو كان جالى سؤال وانا
ماسالتوش لحسن
اكيد ماكانش فى وقت فى الاخر ومالحقتش اصيغ السؤال
انا بجد باعتذر..
بس فى سؤالين جولى متاخر قوى قوى مش بايدى

Marwa Magdy
03-06-2009, 09:11 PM
الحلقة كانت جميله اوى
ودمها خفيف
وبجد يا ميرا انت تنفعى مذيعة

ميرا مار
03-06-2009, 09:21 PM
ميرسى يا ميرو
دا كلن حلم عمرى والله..

ياللا ربنا يسامح اللى كان السبب

حبيبة حبيبها
03-06-2009, 09:56 PM
سبحان الله انا كنت حاسة ان حسن شوية وهيولع فى المنتدى كله:eek:

بس ميه ميه

وميرا تنفع مذيعه مستفزه:D

وتعيش وتاخد غيرها يا حسن

spider girl
03-06-2009, 10:11 PM
ميييييييييييييييييييييييييييرااااااااااااااااا
احلى واخف مزيعه ومستفزه شويتين ههههههههه
وحسن فعلا زكى جداااااااااااا كنت بحسبه هيقع
بس شاطر بجد

ان شاء الله الحلقه الى جايه رائعه زى الى فاتت
مع حسن وميرا والضيف

Wild_Angel
03-06-2009, 10:35 PM
موضوع جمييييييييل جدا
ثرى..تو..وان
المقدمه ميرا تقدم حلقات بدون مونتاج
تقديم رائع يا ميرا بس ارجوووكى بلاش تبقى كده طول البرنامج يعنى هدى اللعب شويه مع الضيف الجاى
احسن الاستوديو مفيهوش تكييف والاحراج بدون تكليف
اجابات دبلوماسيه جميله يا حسن
ونورت البرنامج

roma
03-06-2009, 10:59 PM
فكره حلوه مووت لاحلى ميكس بالمنتدى حسن وميرامار

بس بالراحه بالاش شطه كتير ع الاسئله

semo
03-07-2009, 12:00 AM
والله برافو عليك يا حسن جميع اجاباتك كانت ذكية جدا

وتعتبر صبور جدا انا لو مكانك كنت قتلت ميرا وولعت فى الاستوديو

وميرا برافو عليك فعلاوالله ليكى مستقبل كويس فى الاعلام

بس احب انصحك انك ما تتعاملي كده فى حياتك العامه والاحد حيقتلك قريب

ههههههههههههههههههه

وياريت الضيف الجاى يكون بردو لذيذ وذكى

ميرا مار
03-07-2009, 12:19 AM
سبحان الله انا كنت حاسة ان حسن شوية وهيولع فى المنتدى كله:eek:

بس ميه ميه

وميرا تنفع مذيعه مستفزه:D

وتعيش وتاخد غيرها يا حسن


ميرسى يا حبيبة
منورااااااااااااااااااااانا

ميرا مار
03-07-2009, 01:53 PM
ميييييييييييييييييييييييييييرااااااااااااااااا
احلى واخف مزيعه ومستفزه شويتين ههههههههه
وحسن فعلا زكى جداااااااااااا كنت بحسبه هيقع
بس شاطر بجد

ان شاء الله الحلقه الى جايه رائعه زى الى فاتت
مع حسن وميرا والضيف


ميرسى يا ســـــــــار يا روحى
وانا فعلا كنت مستفزة هههههههه:p:p:p

وفعلا والله بجد

حسن مش ذكى بس ..لا دا اثبت انه واثق فى نفسه جداااااااااااااااااااااااااا

ميرا مار
03-07-2009, 01:55 PM
موضوع جمييييييييل جدا

احسن الاستوديو مفيهوش تكييف والاحراج بدون تكليف




هههههههههههههههههههههههههههه
ايه يا انجل

شعر دا يا قمر؟؟

هههههههههههه والله انتى اللى نورتى بجد

ميرا مار
03-07-2009, 01:58 PM
فكره حلوه مووت لاحلى ميكس بالمنتدى حسن وميرامار

بس بالراحه بالاش شطه كتير ع الاسئله



ميرسى يا روما يا جمــــــــــــــــيلة
منورة

وميرسى ع الكلام الجميييييييييييييل

ويارب تكونوا استمتعتوا بالحلقة

احمدالمقدم
03-07-2009, 03:46 PM
موضوع جميل جدا
وانا استمتعت بيه
وشكرا بجد يا ميرا علي مواضيعك الجميله

ميرا مار
03-07-2009, 04:04 PM
شكرا يا احمد جزيييييييييلا لك

نورت الموضوع

mone
03-07-2009, 07:55 PM
البرنامج حلو كتير
بس يا عني يا حسن اتبهدلت

Hassan Mohamed
03-07-2009, 09:27 PM
بشكركم كلكم يا جماعة

وبحمد ربنا علي نجاح البرنامج وده بشهادتكم طبعا

بس ياتري مين ضيف الحلقة الجاية

وهي الحلقة رقم 2

تعالو نعرف مين ضيف الحلقة الجاية مع بعض

Hassan Mohamed
03-07-2009, 09:33 PM
بدون مونتاج

الحلقة الثانية

ضيف البرنامج

سلمي - salamika

يلا يا جماعة مستني اسئلتكم علي الرسائل الخاصة

وذلك من خلال إرسالها لمقدمي البرنامج

ميرا مار

او

Hassan Mohamed




وده بعضويتكم الخاصة

او بإستخدام عضوية

بدون مونتاج

باسورد

753

اكيد سلمي ضيفة جميلة ومحبوبة ولازم نعمل معاها الواجب:D

يلا في انتظار اسئلتكم من دلوقت وحتي ميعاد البرنامج يوم الخميس القادم الساعة 11.30 مساءا

Youssef Mostafa
03-07-2009, 09:42 PM
سلمىىى منورة الاستوديو والله بصى حنبقى نسيبلك لمبة صغننة كدة والعة بليل عشان بنقفل ونمشى

سلمي جمال
03-07-2009, 09:45 PM
ربنا يكرمك يا حسن بجد

يا جماعة انا بحبكم كلكم و انتم عرفين

ف خلينا صحاب احسن
و بلاش نزعل من بعضينا

Hassan Mohamed
03-07-2009, 09:47 PM
سلمي الصراحة موقفك بقا حرج جدا انا جالي سؤالين دلوقت صاعبين موت ربنا معاكي يا شابة

سلمي جمال
03-07-2009, 09:49 PM
حصرة عليا يا حصرة عليا

اهئ اهئ اهئ

سلمي جمال
03-07-2009, 09:56 PM
انا بعلن من موقعي هذا
لو عرفت ان حد سأل اسئلة بردة

سيكون مصيرة الاعدام شنقا و بالرصاص
هههههههههههههههههههههه

ميرا مار
03-07-2009, 10:09 PM
ســـــــــــــــــــــــــــلمى

حبيييــــــــــــــــــــــــــــــــــــبى


تعالى لماما يا بيضة........http://www.alriyadh1.com/vb/images/smilies/sm16.gif

بس عشان نبقى على نور

هاوريكى اااااااااااااااخر والحقيقة كانت بردو اول بنت

استضفتها فى البرنامج الموسم الاخير..


لقوها جنب باب الاستوديو الخلفى ...:eek:
الظاهر البنات مش بيستحملوا... باين كدا بيفضلوا الانتحار:confused::confused::confused:

عموما الصورة اهى


-:eek:
-
-
-
-
-
-:eek:
-
-
-
-
-
-:eek:


http://www4.0zz0.com/2009/03/07/19/418815775.jpg


هـــــــــــــــــــــــاتشى

ها ناوية تكملى؟؟؟؟؟؟؟؟؟!!!!!!!!!!!!!!!!!!!!!!

سلمي جمال
03-07-2009, 10:13 PM
يا ساتر استر

لاء احنا ادها و ادود

ان شاء الله

هيثم
03-07-2009, 10:18 PM
انا جيت يا سلمى خلى بالك بقه انا قولت وبس
هاهاهاهاهاهاهاهاهاهاهاه
حررررررررررررررررررعبك

سلمي جمال
03-07-2009, 10:19 PM
لية كدة يا هيثم
خلينا صحاب
وكمان مسيرك تبئة مكاني

اهئ اهئ اهئ اهئ

Hassan Mohamed
03-07-2009, 10:22 PM
يلا يا جماعة مستني اسئلتكم علي الرسائل الخاصة

وذلك من خلال إرسالها لمقدمي البرنامج

ميرا مار

او

Hassan Mohamed




وده بعضويتكم الخاصة

او بإستخدام عضوية

بدون مونتاج

باسورد

753

يلا في انتظار اسئلتكم من دلوقت وحتي ميعاد البرنامج يوم الخميس القادم الساعة 11.30 مساءا

Marwa Mahmoud
03-07-2009, 10:24 PM
سلمى حببتى الدور عليكى

يلا يا جميل شد حيلك

ربنا معاكى

سلمي جمال
03-07-2009, 10:25 PM
ربنا يخليكي يا مرمورة

و انتي يا حسن حتشحت من الناس عشان تسئل
هما بيحبوني و مش عايزين يسئلو

اية ياختي دة

حاجة غريبة والله

هيثم
03-07-2009, 10:26 PM
لية كدة يا هيثم


خلينا صحاب
وكمان مسيرك تبئة مكاني



اهئ اهئ اهئ اهئ
هاهاهاها خوفتى صح
انا برعب

سلمي جمال
03-07-2009, 10:29 PM
الصراحة خفت موت يا هيثم بالاخص منك

انت عارف
انا لما بشوفك في الكلية بترعب و اجري استخبة
هههههههههههههههههه

olivia nader
03-07-2009, 10:29 PM
انا فرحاااااااااااااااااااااااااااانه انك هنا
ماشي انا تثبتيني في الضيافه
اوكي اوكي
مردوداااااااااااالك
هههههههههههه

سلمي جمال
03-07-2009, 10:31 PM
ماشي يا اولي

وريني اخرك اية يا حبيبة قلبي
و خلي بالك انك انتي و المصدر(انتي فهمة )حيبئة نهركم ............كملي انتي بئة

ميرا مار
03-07-2009, 10:35 PM
لا بقى انا عايزة اشوف دم

ماينفعش التهديدات النايتى دى......


وبعدين ااااااا سلمى انتى يا بت عاملة ايه؟؟ الشوق الشوق

تؤ ..لا لا مش دى استنى..

ياسلمى.. انتى مش خايفة؟؟
احنا هنحطو السيخ المحمى فى صرصور ودنه

ايون هى دى صح؟؟ جرى ايه يابت ..انتى ماحدش قادر عليكى واللا ايه

ماترغى معاها يا حسن

Hassan Mohamed
03-07-2009, 10:35 PM
احم احم ارجوكي تعاملي مع مشاهدي البرنامج برقة شويا

سلمي جمال
03-07-2009, 10:46 PM
اية يا ميرا
عاملة اية يا جميل
بلوبيف بلوبيف

و كمان الي نظام ابو لهب دة

سيخ محمي و فيلم صلاح الدين

و كمان يا حسن دة مش ميعاد البرنامج دة كل دة اعلانات مش اكتر
ههههههههههههههههههههههه

سلمي جمال
03-07-2009, 10:47 PM
انا بقول علي مصيرهم لما اعرف ان حد سئل بس

سلمي جمال
03-07-2009, 10:48 PM
و كمان اية يا فخري
قصدي يا ميرا

بتسخني حسن عليا

تبيع صاحبك يا ابو نسمة

ميرا مار
03-07-2009, 11:01 PM
ههههههههههههههههههههههههههههههههههههه
هههههههههههههههههههههههههههههههههههههههههههههه

ماشى يا معلم جدى... لو سمحتى الضحك هنا ممنوع
هنا شعارنا.. لا يهم العالم اذا ابتسمت ..فكشر بقى فى وشهم احسن

سلمي جمال
03-07-2009, 11:03 PM
ههههههههههههههه

ممنوع الضحك و انتي بتضحكي

حلوة دية

ميرا مار
03-07-2009, 11:19 PM
ااااااااااااايون

مانا باضايقك بقى...
مش تاخد بالك واللا ايييييييييه؟؟

سلمي جمال
03-07-2009, 11:35 PM
اية دة اية دة

انا جالي رسائل تهديد علنا كدة

Hassan Mohamed
03-07-2009, 11:38 PM
ممكن صورة من التهديد لو سمحتي ؟

سلمي جمال
03-07-2009, 11:40 PM
يعني انا حكدب مثلا مثلا

اخص عليك يا حسن

Hassan Mohamed
03-07-2009, 11:52 PM
لا عشان نخلي السادة المشاهدين معانا في الصورة بردو

سلمي جمال
03-08-2009, 12:02 AM
خلاص المسامح كريم


بس خليكم حونينين عليا شوية
و زروني كل سنة مرة
حرام تنسوني بالمرة

ميرا مار
03-08-2009, 12:10 AM
حونينييييييييييين مييييييييييين يا ماما؟

دا احنا هنوروكى العين الحمرا
http://www.oositoo.com/blog/images/Tutorial/yeux-rouges.jpg

ها ها هههههها ها ههها ((ضحكة شريرة على فكرة))

سلمي جمال
03-08-2009, 12:13 AM
و العدسات دية بلاستيك ولا زجاج
ههههههههههههههههههههههه

Hassan Mohamed
03-08-2009, 12:27 AM
فين حبايب سلمي يا جماعة مجاليش غير 3 اسئلة بس حتي الان انا عاوز صندوق الرسائل يتملي عندي

spring sun
03-08-2009, 02:30 PM
سلمي هنا
انتي وقعتي ولا الهوا اللي رماكي

ده اسامه هيزعل اوي لما يعرف انك في البرنامج وهو مسافر


عموما اوعدك اني هبقي مراسله ابرنامج من الغردقه

وهجيب الاسئله عبر الستاليت

هههههههههههههههه

يعني مش هفوت الفرصه دي متخافيش

وده كله كوم وانا كوم تاني خالص

انا عارفه انا هسالك في ايه

يعني انا في الحلقه دي هقوم بدورين

Hassan Mohamed
03-08-2009, 02:37 PM
الله ينور يا اميرة

مستنين بقا اسئلة نار علي الرسائل الخاصة

يلا غرقينا اسئلة

سلمي جمال
03-08-2009, 08:09 PM
لية كدة يا اميرة
متخليش البرنامج يوقع بيننا

spider girl
03-08-2009, 08:54 PM
نيها هاهاهاهاها
سلمييييييييييييييييييكااااااااااااااا
نورتى البرنامج يا شااااااااااااابه
ده احنا هنروقوكى هاااااااااااااااااااااا

خالد أبوسعده
03-08-2009, 09:04 PM
هههههههههههههههههههههههههههههههههههههههههههههههههه ههههههههههههههه

سلمى

حتتروقى روقه تحرمى بعدها تقولى لحد اسألنى