المساعد الشخصي الرقمي

مشاهدة النسخة كاملة : المشكلة عويصة



روح بلا جسد
03-01-2009, 10:51 PM
خطيبتى جت وقالت لى ف يوم.....


يا ابوعلى ودينى السيمه....


رديت وقلت يا عيب الشوم....


دى بهدله وقلة قيمه....


السينما ديه هم وغم ....


مايخشهاش غير المجنون....


وان كنتى غاويه فوران دم...


اتفرجى ع التليفزيون...


حتشوفى ايه جوه السينمه....


قصه ممله وفيلم سخيف...


ارواحنا تطلع فى الزحمه....


ويقولوا عطلان التكييف...


قالت لى فى الراديو وصفوها....


قالوا انها ام التفانين...


قلت لها لامها ولا بوها...


متصدقيش دا كلام مجانين...


قالت كلامك مش معقول...


ماهو انت شاعر بتأ لف....


لو حتفضل كده على طول...


رح تبقى رجعى ومتخلف...


من يومها متشعلل فى حريقه...


ازاى راح أقدر اجازيها...


عمال افكر فى طريقه...


اعاقبها بيها واربيها..


عقلى وصلنى لحيله...


فكره جميله وحل عظيم...


حعزمها ع السينما الليله...


دى السيما اصلاح وتقويم...

Marwa Mahmoud
03-01-2009, 10:56 PM
ههههههههههههههههههههههههه
حلوة أوى تسلم ألأيادى

روح بلا جسد
03-01-2009, 11:26 PM
شكرا يا مرمر على مرورك الانيق

Wild_Angel
03-01-2009, 11:36 PM
كلمات منمقه وشكرا لكلماتك دقيقة الوصف