المساعد الشخصي الرقمي

مشاهدة النسخة كاملة : شغل بنات !!



mr.lonly
03-04-2009, 03:36 PM
المذيع: ((أحببتك حباً لم يحببه حبوب لأحداً من الحبايب بكل الحب هنتكلم عن الحب ))
مستمعينا بنرحب بيكوا فى حلقتنا النهاردة ونقول ألووووووو

المتصلة : ألو (بصوت رقة مصطنع طبعا لأنها خايفة أبوها يصحى)

المذيع : نتعرف بيكى

المتصلة : أنا عنايات

المذيع : أزيك يا عنايات بنرحب بيكى وعايزين نعرف أيه مشكلتك

عنايات : أنا مشكلتى أنى مش عارفة ألاقى الحب الحقيقى, ارتبطت بــ 7 شباب وأنا فى سنة أولى, لكن فى كل مرة مكنتش بلاقى الفارس اللى حيخطفنى على الحصان الأخضر

المذيع : قصدك الحصان الأبيض


عنايات : لا انا بحب الأخضر أكتر, المهم اتخطيت المحنة دى وقلت أبدأ حياتى من جديد لما كنت بعيد سنه أولى, بس برضه ملقيتش الأنسان الكويس فى الــ 5 شباب اللى ارتبطت بيهم

المذيع : طب وعملتى أيه بعد كده يا عنايات


عنايات : قلت أستقر واتجوز يمكن ألاقى الحب الحقيقى مع اللى حتجوزه

المذيع : طب ده كلام كويس قوى, أهو تلاقى على الأقل حد يلمك

عنايات : ماهو المشكلة برضه أنى مالقيتش الأستقرار فى الــ 4 مرات اللى اتجوزت فيهم

المذيع : مممممممممم

عنايات : تفتكر يا أستاذ حرحش المشكلة فى أيه, أنا حاسة أنه العيب مش فيا, بس مش عارفة العيب فى مين


المذيع : عنايات (بيقولها طبعا بصوته الساحر الشاجى الباكى الحساس) انتى مشكلتك أنك محتاجة الحنــــــــــــــــان, لأنك وانتى صغيرة مامتك ماكنتش بترضى تجيبلك كتاكيتو الشمعدان, وده خلى عندك عدم ثقة فى الرجالة, وعلاجك أنك تواجهى أمك بمشكلة الشمعدان, وقتها بس حتحسى بالأمان والحنـــــــــــان

عنايات : انا مش عارفة أشكرك أزاى يا أستاذ حرحش على تفسيرك للموضوع, ده فعلا اللى أنا حاساه, وده حيحللى مشكلتى أكيد مع الــ 2 اللى ماشية معاهم دلوقتى


المذيع : بنشكرك يا عنايات ونسمع دلوقتى أغنية رومانسية بعنوان ((العنب

وسمعنى احلى صوت بقى لبرنامج ...انا والبطيخ وهواك

abdoitthad
03-05-2009, 12:35 AM
هههههههههههههههه
حلوه منك

mr.lonly
03-05-2009, 03:49 PM
انت احلي يا نجم

The[H]KinG
03-05-2009, 09:50 PM
هههههههههههههههههههههه
جامدة دى يا معلم

Night Moon
03-06-2009, 02:09 AM
هههههههههههههههههه جامدة خصوصا اسم المذيع حرحش هههههههههههههههه

ogy
03-06-2009, 03:44 PM
هههههههههههههههههههههههه
يه دا
هو فى من دا دلوقتى

A.H.D
03-06-2009, 03:52 PM
هههههههههههههههههههههههه
تحفة حلوة اوى

احمد عبد الحليم
03-08-2009, 01:37 AM
رغم انى كنت منزل اول جزئين من الموضوع دة بس انا عندى روح رياضيه يا لونلي
وموضوعك جامد جدا يا معلم ....

هاجر
03-08-2009, 09:02 PM
هههههههههههههههههههه جامدة يا احمد بجد حلوة قوى عقدة الشمعدان دى ههههههههههههههه
لا حل مقنع الحقيقة صعبت علية اوى البنت انا كنت هعيط الحقيقة

mr.lonly
03-20-2009, 10:03 PM
شكرا يا جماعة ويارب يكون الموضوع عجبكم