حلم ( زجل صريح)

[روح بلا جسد]

كان يا ماكان ..

قال الراوى كنا زمان ..

صحبه وعيله ولمه جميله ..

ضله بتفرح بالخلان ..

والانسان ..

كان فى الدنيا لفعل الخير ..

وحُبْ الغير ..

جوه الجامع ..

أو فى الدير ..

كان الرب إله الكل ..

جوه القلب بياض الفل ..

والانسان ..

كان القيمه ..

ثروه عظيمه ..

حتى ان كان ..

غلبان ..

عايش يومه ف قلب همومه ..

لكن كان مرتاح وف نومه ..

كان بنام ..

مرتاح البال ..

واما بيصحى فى وقت أدان ..

الفجر بيدعى للرحمن ..

يا رزاق ..

يا فتاح ..

اجعل يومنا كله فلاح ..

وابعد عنا كل شيطان ..

وارزق صاحبى ..

وارزق اخويا ..

وارحم امى واشفى ابويا ..

كان انسان ..

قلبه بكل الخير عمران ..

يا إخوان ..

نفسى اشوف اليوم ...

إنسان ..