المساعد الشخصي الرقمي

مشاهدة النسخة كاملة : ازاى ترفعى ضغط الولد...موضوع لكل بنت



Youssef Mostafa
03-07-2009, 09:01 PM
بصوا يا بنات بقى وركزوا معايا فى اللى هقوله عشان تجيبى للواد كل الامراض المزمنه وممكن يروح منك فجاه هههههههه

هتعملى ايه بقى ..........

1- الو حبيبى عيد حب سعيد باى باى عشان بابا قاعد
وتقفلى السماعه فى وشه مره واحده


2- ولو عدى من جنبكم شلة شباب علقى عليهم البادى ده حلو وياريت الولد يسمع عشان يتحرج.


3-استهزئى بكلامه امام اصحابكوا او اى حد تعرفيه.


4- عارضى كل افكاره وان كان من اصحاب الاتجاه المتحرر حبى الافكار المحافظه ,وان كان من اصحاب الاتجاه المتشدد حبى الافكار المتحرره ده اذا كنتى عايزة تحرقى دم عريس انتى رفضاه من اساسه

5- اما اذا كان شاب انتي مش عارفاه يعنى عريس صالونات واهلك اتفقوا معاكى انك تروحى فرح بنت عمة خالة جده
عشان تقابليه هناك ومش قادره ترفضى دى فرصتك ياماما تكرهيه فيكى من اولها ,
وانت بتتكلمى معاه اتكلمى كانك شغاله فى موقف توك توك لكل مواطن ,ازيك يا معلم قشطه عليه ايه الاخبار يا مان
وما تنسيش تلبسى ملابس ولادى وبكده ومع التركيبه دى والصياعه والكلام واللبس اكيد هيطفش
ولكن اذا كان اهبل وعجباه كل تصرفاتك ,فرصتك تتكلمى معاه وتقوليله يا عم انا ابشع واحده ممكن تقابلها فى حياتك
ومبعرفش اعمل اى حاجه فى المطبخ وكمان انا متشائمه وكئيبه ولاحظى انطباعه,ولو لاحظتى انه اتمسك بيكى اكتر ننتقل الى الخطه
اطلبى اغلى اكل وكمان بكميات كبيره كده هيعرف انك مصرفه وكمان مفجوعه
واذا الخطه ماجبتش نتيجه ننتقل للخطه التاليه ركزى نظرك على اى شاب معدى وقولى اوف يااااااه الولد ده يجنن جاتنا نيله فى حظنا الهباب

دلوقتى اقدر اقولك انك اتكرهتى وكل خططك نجحت


6- عايزه تخنقى واحد من على النت
اذا قالك ممكن نتعرف؟؟؟ قولي : اسفه ماعنديش وقت

اذا قالك طيب ليه داخله النت مدام ما عندكيش وقت ؟ قوليه : عشان
اتفرج على هبل الشباب اللى زيك .

اذا كلمك واحد منهم برايفت مترديش بسرعه يعني بين كل رد ورد مشوار ربع ساعه كده ههههههههههههههه

إذا قالك ايه رايك فى الشات؟ قولي: يااااااااي يجنن بس مشكلتي انا مش بحبه

7- لوقابلك شاب في السوق
لو عدى واحد من جنبك بصى لجزمته واضحكي خخخخخخخخخ


8- اذا دخلتي انتي وصاحبتك محل وفيه شباب قولي : يااااااااربي
ايه المحل البايخ مافيهوش حاجه عدله نشتريها وتعمدي يسمعوكى
ههههههههههههههههههه


9- اذا ركبتي انتي وصاحبتك الاسانسير و معاكم شاب طلعي برفان
من شنطتك ورشيه فى الاسانسير وقولي ياربي ايه الكتمه وايه البرفانات
البايخه دى ريحه الخنفرى دى ههههههههههههههههه


10- ولو فى شاب بقى عمل نفسه بيوقع حاجه قدامك عشان تندهيله ..الحقيه
وقولي له::انت يابنى الحاجة وقعت منك وانت عامل عبيط
هههههههههههههههههههه قمة القهر ورفعتى ضغطه


11- اذا تعمد واحد فيهم ان يكون قريب منك بالسوق وبقى يبصلك
باعجاب سبيه لغايه ميغير وشه و بعدين اعملى كأنك بتتكلمى فى الموبايل
قولي : اهلا ياتامر انت فين يحياتى انت مش هاتعدى علينا النهاردا
فى البيت عايزه اقولك عن قصة قرد اليوم شفته انا وصاحبتي نوره فى السوق
ههههههههههههههههههه وانتوا وقتها فى السوق


نقطه بقى مهمه جدااااا يا بنات انا عن نفسى بعملها بس والله من دافع الشهامه مش اكتر والله

13- اذا جيتي تعدى الشارع وانتي ماشيه ووقف واحد منهم عندو
ذوق يعني وخلاكى تعدى ال يعنى الواد شهم وهوه عينه هترشق عليكى طبعا........متعديش قدامه وسيبيه روحي عدى ورا العربيه
بتاعته هههههههههههه


انتى كده تقدرى تحرقى دم اى شاب و تخليه يخبط دماغه فى الحيط
و كمان ممكن يولع
اى خدمه احرقو دمهم
هههههههههههههههههههههههههههههههه


يلا عايزها تبقى نااااااااااااااااار بقى واشوف احلى كومنتاااااااااااااااات من احلى اعضاء

Soma
03-08-2009, 12:53 AM
هههههههههههههههههههه
موضوع زى العسل
بس خلى بالك بقى من نفسك (حفر حفرة لاخيه وقع فيه )

Marwa Mahmoud
03-08-2009, 01:04 AM
هههههههههههههههههههههههههه

هوه ده الشغل يا يوسف

الله ينور عليك تمام كدة

موضوع رائع مفيش بعد كده

بس نصيحة منى خد بالك من نفسك اليومين دول

هههههههههههههههههههه

Marwa Magdy
03-08-2009, 01:07 AM
ههههههههههههههههههههههههههه
ههههههههههههههههههههههه
هههههههههههههههههه
موضوع تحفة

Night Moon
03-08-2009, 01:18 AM
هههههههههههههههههه ايه الموضوع الكارثة دة يا يوسف بس انت نسيت حاجة مهمة لما واحد يكلم واحدة لازم تتعوج في الكلام وتشلة وتبص للناحية التانية وتعمل ولا كأنها سمعاه اصلا ولا انت ايه رايك ههههههههههههههههه

farida
03-08-2009, 01:37 AM
ههههههههههههههههههههه

هو موضوع جميل جدااااااااااااا

بس استشهد علي روحك من دلوقتي

واكيد انت فاهم قصد اسماء ايه صح؟

هههههههههههههههه

Youssef Mostafa
03-08-2009, 08:49 AM
ايوة يافريدة فاهم
بس على فكرة بقى انا عن نفسىبارد اوىوالكلام دة كله ولا بيعمل معايا حاجة

spring sun
03-08-2009, 01:02 PM
ههههههههههههههههه

بس دي كده قله زوق

كل دي حاجات تعملها

هههههههههههههههههههههه

شكرا ليك يا يوسف

احمدالمقدم
03-08-2009, 01:08 PM
ايه يا عم يوسف انت معانا ولا معاهم
بس عالعموم موضوع جميل
وانا بنصح الشباب بانهم ميبصوش للبنات خالص
وهما طبعا بيقلقوا لو ولد مش بصلهم
وييوحو يقفوا قدام المرايه عشان يشوفوا ايه اللي خلاه مش يبصلها
طبعا مش كل البنات
وشكرا علي الموضوع

Youssef Mostafa
03-08-2009, 10:42 PM
امين ياحمد هههههههههههه
منورنى ياباشا

The[H]KinG
03-08-2009, 10:48 PM
يوسف
نصيحة
















































متدخلش الكلية تاااااااااااااااااااااانى خااااااااااااااااااالص


هههههههههههههههههههه

موضوع جااااااااامد

spider girl
03-08-2009, 10:52 PM
انتا يا يوفس الى بتقول الكلام ده
ده انتا طلعت ميه من تحت تبن صحيح(الى تحسبه موسى يطلع فرعون)
بس هوه فى حد بيعمل كده الايام دى انا مش بلاقى كده صراحه
بس الجزء الاخير ده متزعلش منى للبنات الهيفه بس
بس الجزء الاول بيفكرنى بظريفه ههههههههههههههه

Youssef Mostafa
03-08-2009, 10:58 PM
ميرسى ياجماعة
بس على فكرة الموضوع دة هزار يعنى محدش يضايق انى مثلا بوصف البنات انهم غلسين ودى فعلا حقيقة ههههههههه

la vie
03-08-2009, 11:00 PM
موضوع جميل جدا جدا

Youssef Mostafa
03-09-2009, 01:04 AM
الموضوع جميل بوجودك يالا فى

A.H.D
03-09-2009, 06:54 PM
ههههههههههههههههههه
كلام ظريف اوى ويضحك
بس لية كدة

Youssef Mostafa
03-09-2009, 07:15 PM
اهوقلنا نيجى معاكو مرة بقى صعبتوا عليا